<a href="https://kyzylorda-news.kz/">Kyzylorda-news.kz</a> Қызылордада «AMANAT» партиясының «TURGYNDAR AMANATY» жобасы аясында «Үйді басқару: жауапкершілік, сенім, нәтиже» тақырыбындағы өңірлік форум өтті. Жиын барысында &nbsp;тұрғын үй-коммуналдық шаруашылығындағы өзекті мәселелер талқыланып, аталған жобаның саланы жетілдіру ісіндегі маңызына назар аударылды.Форум жұмысына «AMANAT» партиясының Хатшысы Ержан Жылқыбаев, Қызылорда облысының әкімі Мұрат Ергешбаев, Мәжіліс депутаты, «AMANAT» партиясы фракциясының мүшесі Мархабат Жайымбетов, Өнеркәсіп және құрылыс министрлігі Құрылыс және тұрғын үй-коммуналдық шаруашылық істері комитеті төрағасының орынбасары Қанат Мыңбаев, Өнеркәсіп және құрылыс министрлігінің «Қазақстандық тұрғын үй-коммуналдық шаруашылықты жаңғырту мен дамыту орталығы» АҚ Тұрғын үй қатынастары және нормативтік-техникалық реттеу департаментінің директоры Марғұлан Абдыкаримов, Қызылорда қаласының әкімі Нұржан Ахатов, жауапты басқарма басшылары, «Пәтер иелері ассоциациясы» мен пәтер иелері кооперативтерінің басшылары және өкілдері қатысты.&nbsp;«AMANAT» партиясының Хатшысы Ержан Жылқыбаев өңірде тұрғын үй құрылысы қарқынды дамып келе жатқанын атап өтіп, &nbsp;«TURGYNDAR AMANATY» жобасы көпқабатты үйлерді басқаруды жетілдіруге және тұрғындардың қатысуын арттыруға бағытталған тиімді тетік екенін жеткізді.<blockquote>«Өңірде тұрғын үй құрылысы қарқынды дамып келеді. Қаланың солжағалауында жаңа шағынаудандар бой көтеруде. Кейінгі үш жылда 939,3 мың шаршы метр тұрғын үй пайдалануға берілді. Жалпы, облыста 1,5 мыңға жуық көппәтерлі тұрғын үй бар. Қызылорда қаласында тұрғын үй қорын жаңғырту бағдарламасы аясында 65 көппәтерлі тұрғын үй күрделі жөндеуден өтті. Мемлекет басшысының бастамасымен Қызылорда қаласында қуаттылығы 240 МВт болатын жаңа газ жылу-электр орталығы іске қосылды. Сонымен қатар қала тұрғындарын ыстық сумен қамтамасыз ету мәселесі кезең-кезеңімен шешілуде. Партияның сайлауалды бағдарламасы аясында тұрғындардың әл-ауқатын арттыруға бағытталған жұмыстар да өңірде жүйелі жүргізілуде», – деді Ержан Жылқыбаев.&nbsp;</blockquote>Алайда, партия Хатшысының айтуынша, Мемлекет басшысы Қазақстан халқына Жолдауында тұрғын үй-коммуналдық шаруашылық саласын басқарудың жаңа моделін қалыптастыруды тапсырды. Бұл салада нақты нәтижеге бағытталған практикалық шешімдер қабылдау аса маңызды. Осы орайда, «AMANAT» партиясы «TURGYNDAR AMANATY» жобасын іске қосты. Жобаның басты мақсаты – қолайлы, қауіпсіз, жайлы және заманауи қалалық орта қалыптастыру және тұрғындардың белсенділігін арттыру.Жалпы, бұл жоба салада қордаланып қалған мәселелерді жүйелі түрде шешуге бағытталуда. Бұл ретте, өңірде МИБ және ПИК төрағаларын оқыту, кері байланысты күшейту, «Халық қатысатын бюджет» бағдарламасын қолға алу және белсенді азаматтар қатарынан кадрлық резерв қалыптастыру жоспарланып отыр. Осыған байланысты, партия Хатшысы аталған мақсаттарға қол жеткізу және тұрғындар мен басқарушы ұйымдар арасындағы байланысты күшейту үшін партияның өңірлік филиалына фронт-офис ашуды тапсырды.Қызылорда облысының әкімі Мұрат Ергешбаев өңірде тұрғындардың әл-ауқатын арттыру және азаматтардың тұрмысын жақсарту бағытында атқарылып жатқан жұмыс туралы баяндады. &nbsp;<blockquote>«Кейінгі үш жылда өңірде электр жүйелерін жаңартуға 15 млрд 400 млн теңге қаржы бөлініп, 1073 шақырым электр желісі және 257 дана қосалқы станса жаңғыртылды. Жылу желілерін жөндеуден өткізуге 19 млрд 500 млн теңге қаржы бөлініп, 27 шақырым жылу желісі жаңартылды. Барлық елді мекен 100% орталықтандырылған сапалы ауыз сумен қамтамасыз етілді. Қызылорда қаласындағы көпқабатты тұрғын үйлерді ыстық сумен қамту жобасы жүзеге асырылып, бүгінде қала тұрғындары оның игілігін көруде. Облыс аумағында 3 млрд 500 млн теңгеге 65 көппәтерлі тұрғын үйге күрделі жөндеу жүргізілді. 60 ескі көпқабатты тұрғын үйдің қасбеті заманауи панельдермен жаңартылды. 70 тұрғын үйді жаңарту жұмысы жүргізілуде. Тұрғын үйлердің аулаларында демеушілер есебінен балаларға арналған 80 спорт алаңы пайдалануға берілді. Бұл бағыттағы жұмыс алдағы уақытта да жалғасады. «TURGYNDAR AMANATY» жобасы оны жаңа деңгейге көтеруге мүмкіндік беретініне сенімдімін», – деді аймақ басшысы.&nbsp;</blockquote>Мәжіліс депутаты, «AMANAT» партиясы фракциясының мүшесі Мархабат Жайымбетов тұрғын үй-коммуналдық шаруашылығы саласындағы реформалардың басты мақсаты жүйені түбегейлі өзгерту емес, оны заман талабына сай жетілдіру екенін атап өтті. Оның айтуынша, заңнамадағы өзгерістер тұрғындардың жауапкершілігін арттырып, басқару процесінің ашықтығын күшейтуге, қаржыны тиімді бақылауды қамтамасыз етуге және меншік иелерінің шешім қабылдау барысындағы рөлін нақтылауға бағытталып отыр. Сонымен қатар әрбір тұрғын үйге басқару түрін өз бетінше таңдауға мүмкіндік беріледі. Бұл қадам тұрғындардың өз мүлкіне деген жауапкершілігін күшейтеді.<blockquote>«Енді тұрғындар «біз төлейміз, бірақ ештеңе шешпейміз» деген түсініктен арылуы керек. Бүгінде таңдау да, шешім де – тұрғындардың өз қолында. Үйдің тазалығы, жөндеу жұмыстары мен қаржының дұрыс жұмсалуы – тұрғындардың белсенділігі мен бақылауына тікелей байланысты», – деді депутат.</blockquote>Форум барсында Өнеркәсіп және құрылыс министрлігі Құрылыс және тұрғын үй-коммуналдық шаруашылық істері комитеті төрағасының орынбасары Қанат Мыңбаев, Өнеркәсіп және құрылыс министрлігінің «Қазақстандық тұрғын үй-коммуналдық шаруашылықты жаңғырту мен дамыту орталығы» АҚ Тұрғын үй қатынастары және нормативтік-техникалық реттеу департаментінің директоры Марғұлан Абдыкаримов сөз сөйлеп, өз ойларын ортаға салды. &nbsp;Мәселен Пәтер иелері ассоциациясының Қызылорда қаласы бойынша төрайымы Илимжаухар Сартова Қызылорда қаласында орталықтандырылған биллинг қызметін көрсететін компания құру туралы ұсынысын жеткізді.<blockquote>«Біздің жұмыс барысында тұрғындар мен басқарушы компания арасындағы мәселелерге жиі тап боламыз. Көбіне тұрғындар тек көзге көрінетін жұмыстарды байқайды, ал үйдің инженерлік жүйелері мен жалпы тазалығы сияқты маңызды аспектілерді назарға алмайды. Мәселен, үйді күтіп ұстауға қажет қаражатты уақтылы төлеу мәселесі ақсап жатады. Сондықтан Қызылордада орталықтандырылған биллинг қызметін көрсететін компания құрылса дейміз», – деді Илимжаухар Сартова.&nbsp;</blockquote>Жиын барысында ұйымдастырушылар «TURGYNDAR AMANATY» жобасы тұрғындар мен мемлекеттік органдар арасындағы ашық әрі конструктивті диалог алаңына айналатынына сенім білдірді. Іс-шара соңында қатысушыларға Алғыс хаттар табысталып, бірқатар азамат партия қатарына қабылданды.<img src="https://knadmin.beoblood.kz/uploads/IMG_20260512_WA_0052_20ad9f9f81.jpg" alt="IMG-20260512-WA0052.jpg">

«TURGYNDAR AMANATY»: Тұрғын үй-коммуналдық шаруашылығы «AMANAT» партиясының назарында

<a href="https://kyzylorda-news.kz/">Kyzylorda-news.kz</a> Бүгін Қармақшы ауданының әкімі Жандос Еркінбектің төрағалығымен кезекті мәжіліс өтті. Күн тәртібінде көктемгі егіс жұмыстарының барысы қаралды.Жиында аудан бойынша 2026 жылғы егіс көлемін орналастыру, су жеткізу, жүгері егу жоспарының орындалуы, су үнемдеу технологияларын енгізу жұмыстары қаралды.Аудан басшысы: «Біздің аудан үшін егін егу жұмыстарының маңыздылығы өте жоғары»,- деп көктемгі дала жұмыстарының сапалы әрі уақытылы орындалуы басты міндет екенін атап өтті.&nbsp;Биыл аудан бойынша 24 057 гектар жерге ауыл шаруашылығы дақылдарын орналастыру жоспарланып отыр. Оның ішінде күріш көлемі 10 700 гектарды құрайды. Мәжілісте су тапшылығына байланысты күріш көлемін азайтып, суды аз қажет ететін дақылдар, әсіресе жүгері көлемін ұлғайту қажеттігі айтылды. Осы бағытта Жандос Еркінбек аудандық ауыл шаруашылығы мен жер қатынастары бөліміне бұл жұмыстың кемшіліксіз орындалуын тапсырды.Сонымен қатар тұрғындардың бақша өнімдерін егу жұмыстары қаралды. Осыған байланысты тұрғындарға жер дайындау, техника және су жеткізу жұмыстарын үйлестіру міндеттелді.Сондай-ақ егін шаруашылығындағы ең өзекті мәселенің бірі – аяқ су жеткізу. Жиында су арналарының жағдайы және биылғы су көлемі талқыланып, жауапты сала басшыларына тапсырмалар берілді.Мәжіліс қорытындысында тиісті бөлімдер мен кент және ауылдық округтерге белгіленген жоспарға сәйкес жүгері егу жұмысының толық орындалуын қамтамасыз етуді, суды аз қажет ететін жаңа технологияларды енгізу бағытындағы жұмыстарды жандандыру және басқа да қажетті жұмыстарды сапалы атқару жүктелді.

Қармақшы: Күн тәртібіндегі негізгі мәселелер бақылауда

<a href="https://kyzylorda-news.kz/">Kyzylorda-news.kz</a> Бүгін Жаңақорған ауданының әкімі Мажит Самитовтың төрағалығымен кезекті аппараттық мәжіліс отырысы өтті.Күн тәртібіне сәйкес көктемгі егіс жұмыстарының барысы қаралып, салаға қатысты өзекті мәселелер талқыланды. Мемлекет басшысының тапсырмасына сәйкес, су тапшылығына байланысты күріш дақылының көлемі азайтылып, оның орнына суды аз қажет ететін әрі өнімділігі жоғары дақылдардың көлемі ұлғайтылып жатқаны айтылды. Аудан әкімі инвесторлармен тығыз жұмыс жасап, егіс алқаптарына су үнемдеу технологияларын кеңінен енгізу жұмыстарын жеделдетуді және биылғы жылға бекітілген егіс жоспарын толық әрі мерзімінде аяқтауды тапсырды.Мәжіліс барысында «Таза Қазақстан» экологиялық бағдарламасына сәйкес аудан аумағындағы санитарлық тазалықты сақтау, абаттандыру жұмыстарын жүйелі жүргізу және мекемелерге жүргізілген зерделеу барысында анықталған кемшіліктерді қысқа мерзімде жою бойынша нақты тапсырмалар берілді.Бұдан бөлек, макроэкономикалық көрсеткіштердің орындалуы, бюджет қаражатының игерілуі, көктемгі мерзімді әскери қызметке шақыру жоспарының орындалуы, мемлекеттік орган басшылары мен мемлекеттік қызметшілердің тұрғындармен қарым-қатынаста әдеп нормаларын сақтауы, мектеп бітіруші түлектерді Ұлттық бірыңғай тестілеуден өткізу және тестілеу орталығының толық дайын болуы мәселелері қаралды. Аудан әкімінің орынбасарлары мен сала басшыларына тиісті тапсырмалар жүктеліп, жеке жауаптылықта болатындықтары ескертілді.Жиын қорытындысында аудан әкімі көтерілген барлық мәселелер бойынша берілген тапсырмалардың уақытылы әрі сапалы орындалуы қатаң бақылауда болатынын айтты.<img src="https://knadmin.beoblood.kz/uploads/Zha_a_or_an_k_ktemgi_dala_zh_mystary_2_60cabf1aae.jpg" alt="Жаңақорған көктемгі дала жұмыстары 2.jpg">

Жаңақорған ауданында кезекті аппараттық мәжіліс отырысы өтті

<a href="https://kyzylorda-news.kz/">Kyzylorda-news.kz</a> Бүгін Сырдария ауданының әкімі Берік Сәрменбаевтың төрағалығымен мәжіліс өтіп, көктемгі егіс науқанына дайындық барысы қаралды.Жиында аудан басшысы Мемлекет басшысы Қасым-Жомарт Тоқаев жүктеген міндеттерге сәйкес, су ресурстарын тиімді пайдалану және егіс алқаптарын әртараптандыру бағытындағы жұмыстардың маңыздылығына тоқталды.<blockquote>– Мемлекет басшысының су үнемдеу саясатын жүзеге асыру мақсатында ауданда суды көп қажет ететін дақылдар көлемін кезең-кезеңімен оңтайландыру жұмыстары жүргізілуде. Негізгі міндет – су ресурстарын тиімді пайдалану арқылы ауыл шаруашылығы саласының тұрақты дамуын қамтамасыз ету. Осыған байланысты суды аз қажет ететін дақылдардың көлемін ұлғайту, заманауи су үнемдеу технологияларын енгізу және су шығынын азайту бағытындағы жұмыстар жүйелі түрде жалғасуы тиіс. Мемлекет тарапынан көрсетіліп отырған қолдау шараларын тиімді пайдаланып, көктемгі дала жұмыстарына тыңғылықты дайындалуымыз қажет. Бұл бағыттағы жұмыстарды күшейтіп, цифрлық технологияларды кеңінен енгізу маңызды, – деді Берік Әбдіғаппарұлы.</blockquote>Биыл ауданда жалпы көлемі 32 064 гектар жерге ауыл шаруашылығы дақылдарын орналастыру жоспарлануда. Оның ішінде 17 000 гектарға күріш егілмек. Сонымен қатар, су үнемдеу мақсатында 2000 гектарға жүгері, 1885 гектарға бидай, 384 гектарға мақсары, 105 гектарға соя және 10 000 гектарға жоңышқа егу жоспарланған. Қазіргі таңда жоспарланған егіс көлемінің 48 пайызы егілді.Мәжіліс қорытындысы бойынша аудан әкімі жауапты сала басшылары мен кент және ауылдық округ әкімдеріне нақты тапсырмалар жүктеді.<img src="https://knadmin.beoblood.kz/uploads/Syrdariya_k_ktemgi_dala_zh_mystary_2_52c78bec3c.jpg" alt="Сырдария көктемгі дала жұмыстары 2.jpg">

Көктемгі егіс науқанына дайындық барысы қаралды

<a href="https://kyzylorda-news.kz/">Kyzylorda-news.kz</a> «TURǴYNDAR AMANATY» форумы аясында панельдік отырыс ұйымдастырылып, тұрғын үй-коммуналдық шаруашылық саласындағы өзекті мәселелер кеңінен талқыланды.Панельдік отырысты партияның облыстық филиалының атқарушы хатшысы Ләйлә Төрешова жүргізіп, жобаның маңыздылығын, жоба аясында атқарылатын жұмыстарды кеңінен жеткізді.&nbsp;Жалпы отырысқа Қазақстан Республикасы Өнеркәсіп және құрылыс министрлігінің «Қазақстандық тұрғын үй-коммуналдық шаруашылықты жаңғырту мен дамыту орталығы» акционерлік қоғамының Тұрғын үй қатынастары және нормативтік-техникалық реттеу департаментінің директоры Марғұлан Абдыкаримов, жауапты басқарма, бөлім басшылары Қызылорда қаласы әкімінің орынбасары, сондай-ақ мемлекеттік органдар өкілдері, депутаттар, мүлік иелері бірлестіктерінің төрағалары, басқарушы компаниялар мен коммуналдық қызмет көрсету мекемелерінің өкілдері қатысты.Атап өтейік, «TURǴYNDAR AMANATY» жбасыныңы мақсаты – тұрғындар үшін қолайлы, қауіпсіз әрі заманауи қалалық орта қалыптастырып, азаматтардың тұрғын үйді басқару процесіне белсенді қатысуын арттыру.Панельдік отырыста еліміздің түрлі өңірлерінде өткізілген осындай семинарлардың тиімділігі айтылып, аталған тәжірибені Қызылорда облысында жалғастырудың маңыздылығы атап өтілді.Кездесу барысында қатысушылар тарапынан көпқабатты тұрғын үйлерді басқару жүйесін жетілдіру, коммуналдық қызметтердің сапасын арттыру, басқарушы ұйымдардың ашықтығы мен тұрғындар алдындағы жауапкершілігін күшейту мәселелері кеңінен сөз болды. Сонымен қатар, мүлік иелері бірлестіктері төрағалы тарапынан шатырлардың жай-күйі, күрделі жөндеу жұмыстарының сапасы, атқарылған жұмыстар мен құжаттар арасындағы сәйкессіздік, аула жарығы мен бейнебақылау жүйесінің жеткіліксіздігі секілді мәселелер көтерілді.&nbsp;Аталған мәселелер ортақ талқыланып, бұл түйткілдерді шешу үшін тұрғындармен ашық жұмыс жүргізу, қаржының жұмсалуын тұрақты түрде түсіндіріп отыру, қабылданатын шешімдерге азаматтарды кеңінен тарту және қызмет сапасына бақылауды күшейту қажеттігі айтылды.

«TURǴYNDAR AMANATY» форумы аясында тұрғын үй мәселелері талқыланды

<a href="https://kyzylorda-news.kz/">Kyzylorda-news.kz</a> Қазақстан 2060 жылға дейін көміртегі бейтараптығына қол жеткізуді мақсат етіп, экономиканы түбегейлі трансформациялауды көздейтін ауқымды декарбонизация стратегиясын іске асырып отыр. Алайда бұл мақсатқа жету тек технологиялық өзгерістермен шектелмей, ауқымды инвестициялар мен тиімді қаржылық архитектураны қажет етеді. Сарапшылар қаржыландырудағы алшақтық пен орта мерзімді жоспарлаудағы белгісіздіктерді негізгі сын-қатер ретінде атап өтсе, мемлекет энергетикалық қауіпсіздік пен көміртегі шығарындыларын азайту арасында теңгерім табу үшін атом энергетикасын дамытуды да стратегиялық бағыт ретінде қарастырады. Тақырыпты тарқатсақ.2060 жылға дейінгі &nbsp;декарбонизация стратегиясыОрталық Азия елдерінің барлығы бірдей климаттық саясат саласында ұзақ мерзімді стратегиялық құжаттарды бекітіп үлгермегенімен, Қазақстан бұл бағытта нақты институционалдық негіз қалыптастырып, декарбонизация саясатын жүйелі түрде іске асырып отырған мемлекеттердің бірі ретінде ерекшеленеді.Еліміз 2023 жылдың ақпан айында 2060 жылға дейін көміртегі бейтараптығына қол жеткізу стратегиясын қабылдады. Құжат парниктік газдар шығарындыларын кезең-кезеңімен және тұрақты түрде қысқартуды көздейді. Нысаналы көрсеткіштерге сәйкес, ұлттық нетто-шығарындылар көлемі 2023 жылғы 345,8 млн тонна CO₂-эквивалентінен 2060 жылға қарай нөлдік деңгейге дейін төмендеуі тиіс. Бұл өз кезегінде экономиканы терең трансформациялауды, энергетика секторындағы көміртекке тәуелділікті азайтуды және «жасыл» технологияларға жүйелі түрде көшуін білдіреді.Осы ұзақ мерзімді мақсатқа жету үшін стратегияда аралық кезеңдік индикаторлар да нақты айқындалған: 2030 жылға қарай – 324,4 млн тоннаға, 2040 жылға қарай – 209,9 млн тоннаға, ал 2050 жылға қарай – 95,4 млн тонна CO₂-эквивалентіне дейін төмендету көзделген. Аталған көрсеткіштерге қол жеткізу энергетика, өнеркәсіп, көлік және аграрлық секторларда кешенді құрылымдық өзгерістерді талап етеді.Бұл тұрғыда көміртегі бейтараптығына көшу бірнеше негізгі бағытқа сүйенетінін айту керек. Атап айтқанда, көмірге негізделген генерацияны кезең-кезеңімен жаңартылатын энергия көздерімен алмастыру, қазба отындарының үлесін азайту, сутегі және өзге де баламалы отын түрлерін енгізу, сондай-ақ көміртекті ұстау және сақтау технологияларын дамыту көзделген.Ең айқын ілгерілеу жаңартылатын энергия көздері секторында байқалады. Мәселен, 2025 жылдың бірінші жартыжылдығының қорытындысы бойынша олардың электр энергиясын өндірудегі үлесі 7%-ға жетті. Дегенмен, декарбонизацияның қалған бағыттары, әсіресе өнеркәсіпті жаңғырту және технологиялық қайта жарақтандыру, айтарлықтай көлемдегі инвестициялық ресурстарды талап ететінін көрсетеді.«Жасыл» қаржы нарығында не жетіспейді?Осылайша, Қазақстанның 2060 жылға дейінгі көміртегі бейтараптығына бағытталған стратегиялық мақсаттары ауқымды құрылымдық өзгерістерді ғана емес, сонымен бірге олардың қаржылық қамтамасыз етілу деңгейін де айқындап отыр. Осы тұста Ұлттық экономикалық зерттеулер бюросының (НБЭИ) сарапшысы Балтабай Сыздықов қаржыландыру факторының шешуші рөл атқаратынын ерекше атап өтеді.<figure class="image"><img src="https://knadmin.beoblood.kz/uploads/Derekk_z_ashy_derekk_z_4cf4fbc87d.jpg" alt="Дереккөз ашық дереккөз.jpg"><figcaption>&nbsp;Дереккөз ашық дереккөз</figcaption></figure>Сарапшының айтуынша, 2060 жылға дейінгі декарбонизация мақсаттарына жету үшін қажетті жалпы инвестиция көлемі 610 млрд АҚШ долларын құрайды. Оның ішінде мемлекеттік инвестициялар үлесі небәрі 3,8% ғана.<blockquote>– Инвестициялардың 60,7%-ы энергетика секторына, 10,8%-ы көлікке, 7,4%-ы энергия тиімділігіне, 5,5%-ы ауыл шаруашылығына, ал 15,6%-ы өзге салаларға бағытталады, – деді ол.</blockquote>Сонымен қатар Балтабай Сыздықов қаржы құрылымының басым бөлігі жаңа қаржы ағындарынан емес, экономика ішінде қалыптасқан капиталды қайта бөлу арқылы жүзеге асатынын да атап өтті.Сарапшының пікірінше, негізгі түйткіл – 2030 жылға дейінгі орта мерзімді кезең бойынша нақты қаржыландыру жоспарының жеткіліксіздігі. Оның айтуынша, бұл жағдай стратегиялық мақсаттар мен оларды іске асыру тетіктері арасындағы алшақтықты күшейтіп, «жоспарлау вакуумын» қалыптастырады.<blockquote>– 2030 жылға дейін қажетті қаржыландыру көлемі 20,7 млрд доллар болса, жоспарланғаны – 9,1 млрд доллар ғана. Бұл 11,6 млрд доллар тапшылықты білдіреді, – деді сарапшы.</blockquote>Оның сөзінше, бұл Қазақстанның климаттық мақсаттарының тек 45%-дан азы ғана нақты қаржылық қамтамасыз етіліп отырғанын көрсетеді, бұл өз кезегінде жүйелік тәуекелдерді арттырады.Маман «жасыл» қаржы нарығы біртіндеп дамып келе жатқанымен, оның қазіргі көлемі климаттық мақсаттарды толық жабуға жеткіліксіз екенін де атап өтті. Сонымен қатар ол көміртегі бағасының төмендігі мен көміртегі нарығының әлсіз дамуы кәсіпорындарды шығарындыларды қысқартуға жеткілікті деңгейде ынталандырмай отырғанын жеткізді.Осыған байланысты Балтабай Сыздықов климаттық қаржыландыру тапшылығын еңсеру үшін тек жекелеген шаралар емес, толыққанды көміртекті реттеу жүйесін қалыптастыру қажет екенін баса айтады. Мұндай жүйе MRV механизмі, квоталар саудасы, көміртегі салығы және цифрлық инфрақұрылымды біріктіретін кешенді архитектураға негізделуі тиіс.Атом энергетикасын дамытуға дейінгі энергетикалық трансформацияОсылайша, көміртегі бейтараптығына бағытталған стратегиялық мақсаттар тек қаржылық және реттеуші тетіктермен шектелмей, елдің жалпы энергетикалық саясатының да қайта құрылуын талап етіп отыр. Бұл тұрғыда Қазақстан біржақты «жасыл» энергетикаға көшу ғана емес, базалық генерация көздерін әртараптандыру арқылы теңгерімді энергетикалық модель қалыптастыру бағытын ұстануда.<figure class="image"><img src="https://knadmin.beoblood.kz/uploads/Foto_ashy_derekk_z_64149b0870.jpg" alt="Фото ашық дереккөз.jpg"><figcaption>ашық дереккөз</figcaption></figure>Президент Қасым-Жомарт Тоқаев Қазақстанның көміртегі бейтараптығына қол жеткізу мақсатын жүзеге асыруда прагматикалық ұстанымның маңызды екенін атап өтті.&nbsp;Мемлекет басшысының айтуынша, көмір мен көмірсутек ресурстары әлі де ел экономикасының негізі болып қала береді, ал уран өндірісі Қазақстанның жаһандық энергетикалық нарықтағы ерекше стратегиялық орнын айқындайды.Осы ұстанымның жалғасы ретінде 2026 жылы Қазақстанның атом саласын 2050 жылға дейін дамыту стратегиясы бекітілді. Құжат атом энергетикасын ұлттық энергетикалық қауіпсіздік пен декарбонизация саясатының негізгі тіректерінің бірі ретінде айқындайды.Стратегияға сәйкес, елде кемінде үш атом электр станциясын кезең-кезеңімен салу жоспарланған. Сонымен қатар атом саласын үйлестіретін ұлттық холдинг құру көзделіп отыр.<figure class="image"><img src="https://knadmin.beoblood.kz/uploads/ashy_derekk_z_fb8f3e70a5.jpg" alt="ашық дереккөз.jpg"><figcaption>ашық дереккөз</figcaption></figure>Атом энергетикасы болашақта тек энергия көзі ретінде емес, өнеркәсіп, ғылым және біліммен ықпалдасқан жоғары технологиялық кластер ретінде дамитын болады. Бұл бағыт уран ресурстарын тиімді пайдалануға, энергетикалық қауіпсіздікті күшейтуге және көміртегі шығарындыларын қысқартуға мүмкіндік береді.Жалпы алғанда, атом саласын дамыту Қазақстанның энергетикалық трансформациясының келесі кезеңін айқындап, декарбонизация саясатын нақты өндірістік және институционалдық негізбен толықтыратын маңызды фактор ретінде қалыптасып отыр.Мөлдір&nbsp;КенжеғұловаФото: Ашық дереккөзден

Көміртегі бейтараптығы: инвестициялық алшақтық, шешімдер мен энергетикалық жаңғыру

Бүгінде өңірдің барлық медициналық ұйымдарында 13 мыңға жуық орта буын медицина қызметкері еңбек етеді. Бұл туралы Өңірлік коммуникациялар қызметінің ақпарат алаңында белгілі болды. 12 мамыр - Халықаралық мейіргер күніне арналған баспасөз конференциясында облыстағы мейіргерлік қызметті дамыту, кадр даярлау және халықаралық тәжірибе алмасу бағытында атқарылып жатқан жұмыстар баяндалды.Баспасөз конференциясына облыстық денсаулық сақтау басқармасы басшысының емдеу-алдын алу жұмыстары жөніндегі орынбасары Жаңыл Исақызы мен басқарманың бас маманы Жеңіскүл Жолдыбайқызы қатысты.Спикерлердің айтуынша, өңірде мейіргер ісін жаңғырту бағытындағы жұмыстар жүйелі түрде жүргізілуде. Қазіргі таңда Қызылорда облысының 2025–2027 жылдарға арналған мейіргер ісін дамыту жоспары жүзеге асырылып жатыр. Сонымен қатар, еліміздегі 2025–2030 жылдарға арналған мейіргерлік істі дамыту тұжырымдамасы аясындағы міндеттер кезең-кезеңімен орындалуда.- Бүгінде өңірдің барлық медициналық ұйымдарында 13 мыңға жуық орта буын медицина қызметкері еңбек етеді. Оның 4142-сі алғашқы медициналық-санитариялық көмек ұйымдарында қызмет атқарады. Соңғы жылдары мейіргерлердің білім деңгейін арттыруға басымдық беріліп, жоғары медициналық колледжде «Мейіргер ісінің қолданбалы бакалавры» бағдарламасы бойынша 858 маман даярланған. Денсаулық сақтау жүйесінде 1470 мейіргер жоғары және орта білімнен кейінгі білімге ие. Оның ішінде қолданбалы және академиялық бакалавриат түлектері, сондай-ақ магистр дәрежесін алған мамандар бар. Бұл өңірдегі мейіргерлік қызмет сапасын арттыруға ықпал етеді, – деді Жаңыл Исақызы.Брифинг барысында кеңейтілген тәжірибелі мейіргерлер институтын дамыту мәселесі де сөз болды. 2026 жылдың алғашқы тоқсанында мұндай мамандар саны 12-ден 90-ға дейін өскен. Оларды даярлау үшін Қызылорда медициналық колледжі базасында арнайы курстар ұйымдастырылып, дәлелді мейіргерлік практика мен дербес қабылдау жүргізу бағытында оқыту өткізілген.Медицина қызметкерлерінің біліктілігін арттыруға ерекше көңіл бөлінуде. Соңғы екі жылда 23 мейіргер Беларусь, Түркия және Ресейде тәжірибе жинақтап қайтқан. Ал биыл жергілікті бюджет есебінен жүздеген орта буын медицина қызметкерін оқыту жоспарланып отыр. Сондай-ақ өңірде халықаралық ғылыми-практикалық конференциялар ұйымдастырылып, шетелдік сарапшылармен тәжірибе алмасу жолға қойылған. Халықаралық ынтымақтастық аясында студенттер Латвия мен Түркия клиникаларында білім алып, тәжірибеден өтуде. 2025 жылы Қызылорда медициналық колледжі жанынан ашылған «Мейірім» күтім орталығында созылмалы ауруы бар науқастардың туыстарына үй жағдайында күтім жасау дағдылары үйретіліп келеді, - деді облыстық денсаулық сақтау басқармасының бас маманы Жеңіскүл Жолдыбайқызы.Өңірде орта буын медицина қызметкерлері арасында кәсіби шеберлікті арттыру және үздік мамандарды анықтау мақсатында жыл сайын өңірлік кәсіби байқаулар өткізіледі.Байқау жеңімпаздары «Үздік стационар мейіргері», «Үздік медициналық-санитариялық алғашқы көмек мейіргері», «Үздік ауыл мейіргері», «Үздік акушер», «Үздік фельдшер» номинациялары бойынша республикалық кезеңге жолдама алады.

12 мамыр – Халықаралық мейіргер күні

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Қазалы ауданының құрметті азаматы, Социалистік Еңбек Ері Кәрібоз Әлимаұлы Әлимаевтың 90 жасқа толу мерейтойына орай арнайы қабылдады.Тағылымды шараға ауданның зиялы қауым өкілдері, еңбек ардагерлері, қоғамдық кеңес мүшелері, ақсақалдар мен ел ағалары қатысып, ғұмырын адал еңбекке арнаған ардақты азаматқа құрмет көрсетті.Жиында Қазалы ауданының әкімі мерейтой иесін аудан халқының атынан құттықтап, Кәрібоз Әлимаұлының ел игілігі жолындағы ерен еңбегіне кеңінен тоқталды.<blockquote>– Кәрібоз Әлимаұлы – маңдай терімен елге сыйлы болған, еңбегімен абырой биігіне көтерілген тұлға. Оның өмір жолы – кейінгі буын үшін үлкен өнеге. Қандай кезеңде де туған жердің дамуына адал қызмет етіп, ауыл шаруашылығы саласының өркендеуіне сүбелі үлес қосты. Осындай еңбек адамдары – елдің шынайы мақтанышы, – деді аудан әкімі.</blockquote>Шара барысында Кәрібоз Әлимаұлының өмір жолы мен еңбек жолы кеңінен таныстырылды. Ол 1936 жылы қазіргі Бозкөл ауылында дүниеге келіп, жастайынан еңбекке араласқан. Мектеп бітіргеннен кейін трактор руліне отырып, ұзақ жылдар Бозкөл совхозында еңбек етті. Еңбектегі жоғары көрсеткіштері үшін 1967 жылы «Социалистік Еңбек Ері» атағы беріліп, «Ленин» орденімен марапатталған.Кейінгі жылдары мал шаруашылығы саласында еңбек етіп, елдің әлеуметтік дамуына өз үлесін қосты. Сонымен қатар қоғамдық жұмыстарға белсенді араласып, Қазалы аудандық советінің депутаты ретінде де халық сенімін ақтай білді.Салтанатты жиында мерейтой иесіне облыс әкімі Мұрат Ергешбаевтың құттықтауы мен Қазалы ауданының ең жоғары марапаты – «Қазалы ауданының Құрмет грамотасы» және қаржылай сертификат табысталды. Сонымен қатар қазақы дәстүрмен иығына шапан жабылып, жерлестері атынан сый-құрмет көрсетілді.Мерейтой иесіне арнайы құттықтау лебізін білдірген Қызылорда облысының құрметті азаматы, І-ІІІ дәрежелі «Барыс», «Құрмет» және «Парасат» ордендерінің иегері Самұрат Жұманұлы мен облыстық мәслихат депутаты, «Парасат» орденінің иегері Ібайдула Тілепұлы Кәрібоз Әлимаұлының ел алдындағы еңбегі әрдайым құрметке лайық екенін айтып, мерейтой иесіне ізгі тілегін жеткізді.Сонымен қатар ауыл шаруашылығы саласының ардагері, Қазалы ауданының құрметті азаматы, Қазақстан халқы Ассамблеясы жанындағы аудандық ақсақалдар кеңесінің төрағасы, «Құрмет» орденінің иегері Қасқырбай Әлімбайұлы еңбек адамына көрсетілген құрметтің маңыздылығына тоқталып, Кәрібоз Әлимаұлымен бірге қызмет атқарған жылдардағы естеліктерімен бөлісті.Келесі кезекте Тасарық ауылынан арнайы келген Жұбанияз Алтынбек ақсақал сөз сөйлеп, Кәрібоз Әлимаұлының қарапайымдылығы мен елге жанашыр қасиеттерін атап өтті.Өз кезегінде Кәрібоз Әлимаұлы өзіне көрсетілген құрмет үшін аудан басшылығына және ел ағаларына ризашылығын білдіріп, ақ батасын беріп, елдің амандығын тіледі. Тағылымды шара соңында қатысушылар мерейтой иесімен естелік суретке түсіп, ақжарма тілектерін жеткізді.

Социалистік Еңбек Еріне құрмет көрсетті

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Оған облыс әкімі Мұрат Ергешбаев селекторлық режим арқылы қатысып, көктемгі дала жұмыстарының барысы туралы баяндады.Аймақта вегетациялық кезеңге арналған су лимиті 3 млрд 250 млн текше метр болып бекітілген. Бұл өткен жылмен салыстырғанда 650 млн текше метрге аз. Осыған байланысты 185,8 мың гектарға ауыл шаруашылығы дақылдарын егу жоспарланған.Мемлекет басшысының су үнемдеу тапсырмасына сәйкес, биыл күріш алқабы 10,9 мың гектарға қысқартылып, 70 мың гектар болды. Кейінгі төрт жылда күріш көлемі 19 мың гектарға немесе 21%-ға азайған.Қажетті 65 600 тонна тыңайтқыштың 97 пайызы сатып алынды. Ауыл шаруашылығы техникалары 100 пайыз дайын. Көктемгі егіске мемлекет тарапынан 10144 тонна арзандатылған дизель отыны бөлініп, кестеге сәйкес жеткізілуде.<blockquote>«Қысқартылған күріштің орнына суды аз қажет ететін дақылдар, оның ішінде жүгері 15 мың гектарға отырғызылады. Күріш себу 22 сәуір күні басталып, бүгінде 35700 гектары егілді. Маусымның 1-не дейін &nbsp;аяқталады. Көктемгі дала жұмыстары қарқынды жүргізілуде, тұқыммен 100 пайыз қамтамасыз етілген», – деді Мұрат Нәлқожаұлы.</blockquote>Үкімет отырысынан кейінгі мәжілісте осы және өзге де мәселелер талқыланып жауапты сала басшыларына бірқатар тапсырма жүктелді.<blockquote>​«Шаруашылықтарды вегетациялық кезеңде суармалы сумен қамтамасыз ету ерекше бақылауда болуы тиіс. Су лимитінің магистральді және шаруашылықаралық каналдармен егіске алынуына, ауыспалы егіс тәртібінің сақталуына тұрақты мониторинг ұйымдастырыңыздар. Аймаққа келген су көлемін бақылауда ұстап, есебін қатаң жүргізу, &nbsp;вегетация кезеңінде су шаруашылығы нысандарының, насостардың үздіксіз жұмыс істеуін қадағалау керек. Аз қамтылған азаматтарды жұмысқа тарту арқылы әлеуметтік тәуелділікті азайту, мүгедектігі бар және көпбалалы отбасыларды қорғау бағытындағы жұмыстарды күшейту маңызды. Денсаулық сақтау жүйесін цифрландыру, дәрімен қамту және материалдық-техникалық базаны жақсарту арқылы медициналық көмекті қолжетімді ету керек», – деді аймақ басшысы.</blockquote>Бұдан бөлек, өңірдегі құрылыс нысандарының сапасын қадағалау, жол-көлік инфрақұрылымын дамыту, тозған электр және жылу желілерін азайту, газбен қамту көрсеткішін арттыру тапсырылды. Әлеуметтік маңызы бар азық-түлік тауарларының бағасын тұрақтандыру және инклюзивті білім беруге жағдай жасаған мектептердің үлесін ұлғайту жүктелді.

Көктемгі дала жұмыстарының барысы талқыланды

<a href="https://kyzylorda-news.kz/">Kyzylorda-news.kz</a> Халықаралық валюта қоры сәуір айына арналған әлемдік экономикалық шолуын жариялады. Онда жан басына шаққандағы номиналды жалпы ішкі өнім (ЖІӨ) көрсеткіші ұсынылған.Жан басына шаққандағы ЖІӨ – елдегі экономикалық даму мен халықтың әл-ауқатының орташа деңгейін айқындайтын көрсеткіш. Ол бір жыл ішінде экономикада өндірілген барлық тауарлар мен қызметтердің жалпы құнын (ЖІӨ) халық санына бөлу арқылы есептеледі. Яғни, өндірілген өнімнің ақшалай көлемі бір адамға шаққанда қанша үлес тиетінін көрсетеді.Бұл көрсеткіш елдердің өмір сүру деңгейін салыстыру үшін қажет, себебі ол халық санының әсерін ескермей, экономикалық үдерістердің тиімділігі мен сапасына назар аударады.Соңғы деректерге сәйкес, Қазақстанның жан басына шаққандағы ЖІӨ көлемі 17 500 АҚШ долларын құрады. Салыстырмалы түрде айтсақ, 2025 жылы ХВҚ дерегі бойынша бұл көрсеткіш 14 770 доллар болған. Яғни, қысқа уақыт ішінде шамамен 20 пайыздық өсім байқалып отыр.Демек, шетелдік сарапшылар Қазақстан экономикасында сапалы өзгерістер бар екенін және оның әлемдік орташа өсімнен жоғары қарқынмен дамып жатқанын атап өтуде.Ал көрші елдердегі көрсеткіштер 2026 жылдың сәуір айындағы мәлімет бойынша төмендегідей:Өзбекстан – 4 660 долларҚырғызстан – 3 200 долларТәжікстан – 1 940 долларБұл жерде күтпеген жағдай жоқ: Қазақстан жалпы ЖІӨ көлемі бойынша да, жан басына шаққандағы ЖІӨ бойынша да өңірдегі көшбасшы ел болып қала береді. Бұл көрсеткіштер Қазақстан экономикасының сапалы дамуын нақты әрі объективті түрде көрсетеді.Сонымен қатар, экономикалық өсім тұрақты әрі жүйелі түрде жалғасып келеді. Жалпы ішкі өнім құрылымындағы өңдеу өнеркәсібінің үлесі артып, экономика сыртқы күйзелістерге төзімді бола түсуде. Әлемдегі тұрақсыздыққа қарамастан, негізгі көрсеткіштердің төмендемеуі – ел экономикасының беріктігін аңғартады.Фото: Халықаралық валюта қоры

Қазақстанда жан басына шаққандағы ЖІӨ 17 мың доллардан асты

<a href="https://kyzylorda-news.kz/">Kyzylorda-news.kz</a> Үкімет отырысында премьер-министр Олжас Бектенов министрлер кабинетінің мүшелеріне премьер-министрдің жаңа бірінші орынбасары Нұрлыбек Нәлібаевты таныстырды, деп хабарлады <a href="https://kaz.tengrinews.kz/kazakhstan_news/nurlyibek-nalbaev-ukmetke-tanyistyiryildyi-374282/">Tengrinews.kz.</a>Отырысты ашқан Бектенов Үкімет пен Президент Әкімшілігіндегі кадрлық өзгерістерді атап өтті.<blockquote>"Өздеріңіз білетіндей, Мемлекет басшысының Жарлығымен Роман Васильевич Скляр Президент Әкімшілігінің басшысы болып тағайындалды. Үкімет атынан Роман Васильевичке Үкімет құрамындағы бірлескен жемісті жұмысы үшін алғыс айтып, жаңа жауапты қызметінде сәттілік тілеймін", - деді премьер-министр.</blockquote>Сондай-ақ ол Нұрлыбек Нәлібаевтың премьер-министрдің бірінші орынбасары лауазымына тағайындалғанын еске салды.Бейнеден алынған кадр

Нұрлыбек Нәлібаев Үкіметке таныстырылды

<a href="https://kyzylorda-news.kz/">Kyzylorda-news.kz</a> Елімізде сарбаздарға ұялы телефон қолдануға рұқсат етілді. Бұрын тек сенбі, жексенбі күндері ғана ұстауға болатын.&nbsp;Бұл қадам әскердегі қауіпсіздікті арттыру үшін жасалып отыр, деп хабарлады <a href="https://sn.kz/sn-akparat-agyny/136024-elimizde-sarbazdarga-uialy-telefon-koldanuga-ruk-sat-etildi">Sn.kz </a>ақпарат порталы.<blockquote>«Жақын арада Қорғаныс министрінің бұйрықтарына өзгерістер енгізіліп, сарбаздарға&nbsp;смартфондарын&nbsp;қолдануға рұқсат берілді. Қазіргі таңда өздерінің ата-аналарымен, туған-туыстарымен қатынастары күнделікті болып тұрады деп ойлаймыз. Өйткені бұған дейін 2022 жылдан бері «баспанамен&nbsp;бейнеқоңырау» атты бағдарлама болған, онда тек сенбі, жексенбі күндері ғана шыға алатын. Осындай іс-шаралар жүргізіліп жатыр армияның қауіпсіздігін, ашықтығын арттыру үшін»,&nbsp;–&nbsp;деді спикер.</blockquote>Сондай-ақ, сарбаздардың ас мәзіріне өзгерістер енгізілуде. «Швед үстелі» үлгісі қолданыла бастады. Онда әр сарбаз өзі таңдап алатындай&nbsp;3-4түрлі&nbsp;«бірінші» және «екінші»&nbsp;ас дайындалады. Пилоттық жоба сәтті іске асса, &nbsp;бүкіл Қарулы күштерге енгізіледі. Әскери қызметшілердің ас мәзіріне ұлттық тағамдар да қосылды.Фото: Pexels.com

Архив