<a href="https://kyzylorda-news.kz/">Kyzylorda-news.kz</a> Азаматтық қоғам – ел дамуының, демократиялық қағидаттардың орнығуы мен қоғамдық келісімнің негізгі тірегі. Ол мемлекет пен қоғам арасындағы сенімді байланысты нығайтып, азаматтық бастамалардың жүзеге асуына жол ашатын маңызды әлеуметтік институт болып табылады. Азаматтық қоғамның тұрақты дамуы – елдің өркендеуі мен қоғамдық тұрақтылықтың басты кепілі.&nbsp;«Достық үйінде» 27 ақпан – Дүниежүзілік үкіметтік емес ұйымдар күніне орай «Әділетті Қазақстанның жаңа Конституциялық моделі: қоғамдық бірлестіктер мен жергілікті атқарушы органдардың ынтымақтастығы» тақырыбында салтанатты жиын өтті.Шараға облыс әкімінің орынбасары Мейрамбек Шермағанбет, облыстық қоғамдық даму басқармасының басшысы Руслан Каюпов, «Қызылорда облысының Үкіметтік емес ұйымдарының Альянсы» қауымдастығының төрайымы Анар Ізден, үкіметтік емес ұйым жетекшілері, қоғам белсенділері, сарапшылар, жастар және бұқаралық ақпарат құралдарының өкілдері қатысты.Салтанатты жиында облыс әкімінің орынбасары Мейрамбек Шермағанбет үкіметтік емес ұйым өкілдерін кәсіби мерекемен құттықтап, өңірде азаматтық қоғам институттарының қарқынды дамып келе жатқанын атап өтті.<blockquote>«Азаматтық қоғам – ел дамуының, демократиялық құрылымдардың және қоғамның әлеуметтік-рухани бірлігінің негізгі тірегі. Оның дамуы елдің тұрақтылығы мен өркендеуі үшін шешуші мәнге ие. Өңірімізде Мемлекет басшысының тапсырмаларын жүйелі негізде орындау мақсатында нақты іс-шаралар жүзеге асырылуда. Аймақ басшысы Нұрлыбек Машбекұлының бастамасымен барлық аудандарда салынған «Руханият орталықтарында» Үкіметтік емес ұйымдарға, ардагерлер мен аналар кеңестеріне, этномәдени бірлестіктерге, жастар ұйымдарына арнайы жабдықталған кабинеттер беріліп, оларға орталықтың барлық әлеуетін пайдалана отырып азаматтық қоғамның дамуы мен белсенділігін арттыруға бар жағдай жасалған. Қазақстан халқы Ассамблеясының 30 жылдығы аясында 5-і қаңтарда пайдалануға берілген біз бас қосып отырған «Достық үйінде» облыстық Азаматтық Альянсқа аймақ басшысының тапсырмасымен қажетті құрал-жабдықтармен толық қамтамасыз етілген арнайы жұмыс кабинеті берілді. Баршаңызды атаулы мерекелермен құттықтай отырып, азаматтық қоғамның дамуына, үкіметтік емес ұйымдардың белсенді жұмыс жасауына, әлеуметтік бастамалардың табысты жүзеге асуына сәттілік тілеймін», – деді Мейрамбек Зинабдинұлы.</blockquote>Жиын барысында, «Ақ босаға» әйелдер қоғамдық бірлестігінің төрайымы Зейнар Тажиева «Бастаманы қолдау» қоғамдық бірлестігінің атқарушы директоры Жанат Сапаржанова Қызылорда облысы бойынша «Gamma MMA» федерациясы қоғамдық бірлестігінің төрағасы Бейбітжан Қобланов «Жас Арал өрендері» қоғамдық бірлестігінің төрағасы Нұрсұлтан Жорғабаев баяндамаларын оқып, өздерінің тәжірибелерімен бөлісті.Шара соңында өңірдің қоғамдық өміріне белсенді үлес қосып жүрген бірқатар үкіметтік емес ұйым өкілдеріне облыстың ең жоғарғы марапаты «Құрмет грамотасы» және облыс әкімінің «Алғыс» хаттарымен марапатталып, ескелік суретке түсті.

Азаматтық қоғам институттарына қолдау – тұрақты дамудың негізі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Р.Әліарыстанұлы атындағы жеке мектепті мемлекеттік меншікке алу бойынша меморандумға қол қою рәсімі өтті. Оған жауапты сала басшылары, селекторлық режимде қала, аудан әкімдері, зиялы қауым өкілдері қатысты.Аймақ басшысы атқарылған ауқымды жұмыстарға, соңғы жылдары бюджет қаржысының басым бөлігі әлеуметтік салаға, оның ішінде білім саласына бағытталғанына тоқталды.<blockquote>«Өңірімізде Президентіміздің, Үкіметтің ерекше қолдауымен тың бастамалар жүзеге асырылуда. Жас ұрпақтың сапалы білім алуы – жұмысымыздың басты басымдығы. Білім беру саласына соңғы 3 жылда 812 млрд. 245 млн. теңге, биыл 302 млрд. теңге қаралды.Бөлінген қаржының түпкілікті мақсатқа жетуін қадағалаудың нақты шараларды қабылданған. 2023 жылдан бері «Фейс-бақылау» мобильдік қосымшасы қолданысқа енгізіліп, балабақшаларға жалған тіркелген 19 263 бала анықталды, 28 млрд. 100 млн. теңге үнемделді. Емхананың жалған анықтамасын тіркеу, негізсіз демалыс күндерін анықтау есебінен 6 млрд. 700 млн. теңге бюджетке қайтарылды.Облыста демографиялық өсім мен халықтың көшіп-қону белсенділігі жоғары болғандықтан, оқушы санының жыл сайын артқаны байқалады. Жаңа оқу жылында 1-11 сыныпта 189 288 оқушы тіркелді, өткен оқу жылымен салыстырғанда 4 364 балаға көбейген.Осы ретте орын қажеттілігі жеке инвестиция есебінен де шешімін табуда. Жеке секторға мемлекет тарапынан қолдау жасалған. Біз өз кезегімізде таза, шынайы жұмыс істейтін кәсіпкерлерді үнемі қолдап келеміз.Өткенде мемлекет және қоғам қайраткері Мұрат Бақтиярұлы бизнестің әлеуметтік жауапкершілігі аясында 2023 жылдың қыркүйегінде ашылған «Oрда скул-2» жеке мектебін мемлекет меншігіне сыйға берді. Бүгін де дәл сондай игі істің куәсі боламыз.Біздің ең бірінші міндетіміз – балаларымыздың жан-жақты, сапалы білім алуына қолайлы жағдай жасап, жайлы орта қалыптастыру. Өскелең ұрпақ тәрбиесімен айналысатын барша бастамаларыңызға сәттілік тілеймін және ортақ жұмысты бірлесіп атқаруға шақырамын!» – деді Н.Нәлібаев.</blockquote>Рәсімде облыстық білім басқармасының басшысы Асқарбек Есжанов пен Р.Әліарыстанұлы атындағы жеке мектептің құрылтайшысы Шәркүл Иманбердиева мектеп ғимаратын облыстық коммуналдық меншікке беру туралы меморандумға қол қойды.<img src="https://knadmin.beoblood.kz/uploads/Zheke_mektep_imaratyn_oblysty_kommunaldy_menshikke_beru_turaly_memorandum_a_ol_ojyldy1_4bc40ed7ac.jpg" alt="Жеке мектеп ғимаратын облыстық коммуналдық меншікке беру туралы меморандумға қол қойылды1.jpg">Сонымен бірге Шәркүл Иманбердиева, мемлекет және қоғам қайраткері Бақберген Досманбетов, «Ұлағат» мектебінің құрылтайшысы, Қазақстанның еңбек сіңірген қайраткері Қалқазбек Әжібеков сөз сөйлеп, жас ұрпаққа сапалы білім берудің маңыздылығына тоқталды.Айта кету керек, өткен жылы өңірде 13 білім беру ұйымы жаңадан ашылды. «Келешек мектептері» ұлттық жобасы аясында 10 мектеп салынып, пайдалануға берілді.Фото: Қызылорда облысы әкімінің баспасөз қызметі

Жеке мектеп ғимаратын облыстық коммуналдық меншікке беру туралы меморандумға қол қойылды

<a href="https://kyzylorda-news.kz/">Kyzylorda-news.kz</a> Қазалы ауданында «Әділетті және Прогрессивті Қазақстанның Халықтық Конституциясы үшін!» өңірлік коалициясының мүшелері білім саласының өкілдерімен кездесті. Іс-шара №249 мектеп-лицейінде ұйымдастырылып, оған 200-ден астам педагог қатысты.Жиын барысында 2026 жылғы 15 наурызға белгіленген республикалық референдум және жаңа Конституция жобасының негізгі бағыттары жөнінде ақпарат берілді.Қызылорда облыстық мәслихатының төрағасы, Конституциялық комиссияның мүшесі, өңірлік коалиция жетекшісінің орынбасары Мұрат Тлеумбетов референдумды өткізу тәртібі мен Конституция жобасын әзірлеу кезеңдері туралы мәлімет берді.<blockquote>«Жоба Конституциялық комиссия мен жұмыс топтарының талқылауынан өтті. Қоғам тарапынан түскен ұсыныстар жүйеленіп, құжат мазмұнына енгізілді. Референдум – азаматтардың өз ұстанымын білдіру мүмкіндігі», – деді ол.</blockquote>Өңірлік коалиция мүшелері Садық Мұстафа мен Ержан Искендер де сөз сөйлеп, жоба аясында қарастырылған өзгерістердің түрлі салаларға, соның ішінде білім беру жүйесіне қатысты тұстарына тоқталды.<blockquote>«Конституция жобасында білім беру саласына қатысты нормалар нақтыланған. Кездесудің мақсаты – мұғалімдерге құжат мазмұнын түсіндіру және туындаған сұрақтарға жауап беру», – деді Садық Мұстафа.</blockquote>Кездесу барысында қатысушылар өз пікірлерін білдіріп, сұрақтарын қойды. Ұйымдастырушылардың мәліметінше, осындай форматтағы кездесулер алдағы уақытта да жалғасады.

Қазалы ауданында референдум мәселесі талқыланды

<a href="https://kyzylorda-news.kz/">Kyzylorda-news.kz</a> Әділетті және Прогрессивті Қазақстанның Халықтық Конституциясы үшін! өңірлік коалициясының бастамасымен Қармақшы ауданының аға буын өкілдерімен мазмұнды кездесу ұйымдастырылды. Ерекше форматта өткен жиынның басты мақсаты – әзірленіп жатқан жаңа Конституция жобасының негізгі бағыттарын түсіндіру және ұсынылатын өзгерістердің ел дамуына тигізер ықпалын кеңінен талқылау болды.Іс-шараға өңірлік коалиция жетекшісінің орынбасары Мұрат Тлеумбетов, коалиция мүшелері Ержан Искендір мен Садық Мұстафа, аумақтық коалиция жетекшісі Әділ Қошалақов, сондай-ақ аумақтық коалиция мүшелері Болат Бөгетов, Күлжауһар Раева және Ғалымжан Ақжігітов қатысты.Кездесу барысында конституциялық жаңғыртудың басым бағыттары жан-жақты сараланды. Атап айтқанда, әлеуметтік теңдікті қамтамасыз ету, азаматтардың құқықтары мен бостандықтарын қорғау тетіктерін күшейту, еңбек адамын қолдау және оның қоғамдағы мәртебесін арттыру, жергілікті өзін-өзі басқару институттарын жетілдіру мәселелері қаралды.Спикерлердің айтуынша, бұл бастамалар ауылдық аймақтардың дамуына серпін беріп, инфрақұрылымды жаңартуға, білім беру мен денсаулық сақтау саласын жақсартуға, сондай-ақ әлеуметтік қолдау шараларын кеңейтуге мүмкіндік жасайды.Жаңа өзгерістер аясында Конституция деңгейінде бекітілетін кепілдіктер халықтың мемлекеттік шешімдер қабылдау процесіне қатысу мүмкіндігін арттыра түседі. Бұл – ашық қоғам қалыптастыруға, билік пен бұқара арасындағы сенімді нығайтуға бағытталған маңызды қадам.Кездесу барысында ардагерлер өз ой-пікірлерін ортаға салып, ұсыныстарын білдірді. Ашық диалог алаңы қоғамдағы өзекті мәселелерді талқылап, ортақ ұстаным қалыптастыруға жол ашты.

Қармақшылық ардагерлер конституциялық  реформаны талқылады

<a href="https://kyzylorda-news.kz/">Kyzylorda-news.kz</a> «Әділетті және Прогрессивті Қазақстанның Халықтық Конституциясы үшін!» өңірлік коалициясының мүшелері Қазалы ауданына жұмыс сапарында аудандық электр торабы мекемесінің ұжымымен кездесті. Жиында Қызылорда облыстық мәслихатының төрағасы, Конституциялық комиссияның мүшесі Мұрат Тлеумбетов, өңірлік коалиция мүшелері, облыстық мәслихат депутаттары Ержан Искендер, Садық Мұстафа мен аумақтық коалиция мүшелері ұжымға Ата заңға енгізіліп отырған негізгі өзгерістерді және олардың қоғам үшін маңызын кеңінен түсіндірді.Жиында Мұрат Тлеумбетов «Жаңа Конституция не үшін қажет?» деген сұраққа тоқталып, оның еліміздің дамуындағы маңыздылығын атап өтті.<blockquote>«Тәуелсіздіктің алғашқы жылдарында қабылданған Конституция еліміздің бірлігін сақтауға үлкен үлес қосты. Алайда уақыт өзгерген сайын заң да жаңарып отыруы тиіс. Соңғы отыз жылда еліміз түбегейлі өзгерді, жаңа ұғымдар мен құндылықтар қалыптасты. Сол өзгерістерді құқықтық тұрғыда реттеу үшін жаңа Конституция қажет. Ұсынылған Конституция жобасы ұзақ әрі жан-жақты жұмыс нәтижесінде әзірленді. Парламенттік реформа жөніндегі жұмыс тобы алты ай бойы жұмыс жасады. Азаматтардан, саяси партиялардан, қоғамдық ұйымдар мен сарапшылардан 10 мыңнан астам ұсыныс түсті. Заманауи сын-қатерлер мен қоғам сұраныстарды ескере отырып Конституциялық комиссия дайындалған жобаны көпшілікке ұсынды. Сондықтан әрбір қазақстандық реформалардың мәнін түсініп, саналы таңдау жасауы маңызды», – деді Конституциялық комиссияның мүшесі Мұрат Жолкелдіұлы.</blockquote>Сонымен қатар, өзге спикерлер Конституция жобасында еңбек адамының мәртебесін арттыруға, кәсіби шеберлік пен еңбексүйгіштік құндылықтарын нығайтуға бағытталған бірқатар маңызды нормалар көзделгенін жеткізді. Бұл бастамалар қоғамда еңбектің қадірін арттырып, әлеуметтік әділеттілікті қамтамасыз етуге ықпал ететінін айтты.Ұжым қызметкерлері мұндай кездесулер құқықтық мәдениетті қалыптастыруға, азаматтардың ақпараттану деңгейін арттыруға және қоғам мен мемлекет арасындағы сенімді нығайтуға ықпал ететінін білдірді. Сонымен қатар, референдум әрбір азаматқа ел болашағына өз үлесін қосуға мүмкіндік беретін маңызды қадам екенін атап өтті.Фото: Электр торабы мекемесі

Архив

Азаматтық қоғам институттарына қолдау – тұрақты дамудың негізі

Жеке мектеп ғимаратын облыстық коммуналдық меншікке беру туралы меморандумға қол қойылды

Қазалы ауданында референдум мәселесі талқыланды

Қармақшылық ардагерлер конституциялық реформаны талқылады

Энергетика саласының өкілдеріне жаңа конституцияның жобасы түсіндірілді