<a href="https://kyzylorda-news.kz/">Kyzylorda-news.kz</a> Алдағы жеті күнде Астанада ауа райы қандай болады? Күн райы болжамы OpenWeather порталында жарияланды, – деп хабарлайды <a href="https://kaz.nur.kz/society/2309538-astanada-osy-aptada-qar-aralas-zhangbyr-zhauady/">Nur.kz</a>.17 қарашада Астанада күн бұлтты болады. Орташа температура 0°C деңгейінде болғанымен, -3°C секілді сезіледі. Күндіз ауа температурасы 4°C-қа дейін көтеріліп, түнде -2°C-қа дейін түсуі мүмкін. Ауа ылғалдығы 76 пайыз деңгейінде болады, ал желдің жылдамдығы 4,7 м/с болмақ.18 қарашада күн ала бұлтты болады. Ауа температурасы шамамен 1°C-қа жеткенімен, -2°C секілді сезілетін болады. Ауа температурасының максималды көрсеткіші 5°C-қа дейін жетіп, ал минималды көрсеткіші -2°C деңгейіне дейін түседі. Ауа ылғалдығы 76 пайызға, ал желдің жылдамдығы 3,4 м/с-қа жетеді.19 қарашада күн бұлтты болады. Орташа ауа температурасы 3°C болғанымен, 0°C секілді сезілетін болады. Күндіз ауа температурасы 6°C-қа дейін көтеріліп, түнде 1°C-қа дейін түседі. Ауа ылғалдығы 61 пайыз деңгейінде болып, желдің жылдамдығы 3,5 м/с-қа дейін жетеді.20 қарашада Астанада өткінші жаңбыр жауады деп болжанып отыр. Ауа температурасының орташа деңгейі 3°C болғанымен, 0°C секілді сезілетін болады. Ауа температурасының максималды көрсеткіші 6°C-қа дейін жетіп, ал минималды көрсеткіші 1°C-қа дейін түсуі мүмкін. Ауа ылғалдығы 66 пайыз деңгейінде, ал желдің жылдамдығы 5,7 м/с деңгейінде болады.21 қарашада қар аралас жаңбыр жауады. Орташа тәуліктік температура – 2°C болғанымен, 0°C секілді сезіледі. Күндіз ауа температурасы 4°C-қа дейін жетеді, ал түнде 1°C-қа дейін төмендейтін болады. Ауа ылғалдығы 98 пайыз деңгейіне дейін жетіп, желдің жылдамдығы 3,8 м/с-қа дейін барады.22 қарашада өткінші жаңбыр жауады. Ауа температурасының орташа деңгейі 4°C болғанымен, 1°C секілді сезіледі. Максималды ауа температурасы 5°C болса, минималды температура 2°C болмақ. Ауа ылғалдығы 87 пайызға, ал желдің жылдамдығы 4,5 м/с-қа дейін үдейді.23 қарашада синоптиктер болжамы бойынша күн бұлтты болады. Орташа ауа температурасы 4°C болғанымен, 0°C секілді сезілетін болады. Ауа температурасы 7°C-қа дейін көтеріліп, түнде 3°C-қа дейін түсуі ықтимал. Ауа ылғалдығы 70 пайызға, желдің жылдамдығы 7,0 м/с-қа дейін жетеді.Фото: Нұрболат Нұржаубай

Алдағы аптада қар аралас жаңбыр жауады

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Ұлттық Валюта күні және қаржы саласы қызметкерлерінің кәсіби мерекесіне орай аудан қаржыгерлері мен сала ардагерлерін мерекемен құттықтады.<blockquote>– Төл теңгеміздің тарихы Қазақстан Президентінің 1993 жылдың 12 қарашасында қол қойған «Қазақстан Республикасының ұлттық валютасын енгізу туралы» Заңынан бастау алып, 15 қарашадан бастап ел аумағындағы жаңа сауда-саттық жасау құралы ретінде қолданысқа енгізілді. Бұл күн – Қазақстан тарихындағы атаулы күндердің біріне, ал, Ұлттық Валюта – біздің ел Тәуелсіздігі мен мемлекеттігіміздің басты белгісіне айналды.</blockquote>1997 жылдан бері Мемлекет басшысының Жарлығымен 15 қараша – Ұлттық Валюта және қаржыгерлер күні ретінде аталып келеді. Қаржы жүйесі – елдің экономикасын басқарудың күретамыры, ал сала мамандары – бюджетті жоспарлаушы, мемлекеттік саясаттың орындалуына тікелей ықпал етуші тұлғалар. Сіздердің кәсіби шеберліктеріңіз, жауапкершіліктеріңіз, есеп пен тәртіпке деген адал көзқарастарыңыз ел экономикасының тұрақты дамуын қамтамасыз етіп отыр. Аудан бюджетінің теңгерімді құрылуы, әлеуметтік нысандардың уақытылы қаржыландырылуы, ауылдық елді мекендердің инфрақұрылымдық дамуы – осының бәрі Сіздердің аса жауапты еңбектеріңіздің жемісі. Аудандық бюджеттің салықтық түсімдері жылдан - жылға ұлғайып келеді. Салықтық түсімдер көлемінің ұлғайғаны аудандық бюджет кірісінің көлемінің өсуіне ықпал жасады. Биыл 10 айлық қорытынды бойынша аудан бюджеті 13 миллиардқа жетті.Осындай табысқа жетуімізге Өздеріңіз секілді тәжірибелі, білікті мамандардың өзіндік үлесі бар. Сала ардагерлері, Сіздердің де ұзақ жылдар бойы ауданның экономикалық әлеуетін нығайту жолында атқарған қажырлы еңбектеріңіз – бүгінгі буынға үлгі. Бүгінгі мерейлі мерекеде ел экономикасының дамуына аянбай күш-жігерін жұмсаған қаржы саласының ардагерлері мен бүгінгі сала қызметкерлеріне шынайы алғысымды білдіремін, – деді Берік Әбдіғаппарұлы. &nbsp;Мерекелік қабылдауда аудан әкімі аудандық қазынашылық басқармасының басшысы З.Рахымшаеваны құрметті зейнет демалысына шығуымен құттықтады.&nbsp;<blockquote>– Атаулы мерекеде аудандық қазынашылық басқармасының басшысы Рахымшаева Зағира Байқоңырқызы құрметті зейнет демалысына шығуда. Зағира Байқоңырқызы аудан дамуына өлшеусіз үлес қосты. Облыстық қазынашылық басқармасында экономист, қазынашы, бөлім басшысы қызметтерін атқарып, 2015 жылдан бері аудандық қазынашылық басқармасын басқарып келді. Он жыл ішінде аудан қазынасының көбеюіне тынымсыз қызмет атқарып, экономикамызды дамытуға атсалысты. Қаржы жүйесіндегі қажырлы қызметі үшін Зағира Рахымшаеваға аудан халқы және Өзімнің атымнан шынайы ризашылығымды жеткіземін, – деді аудан әкімі.</blockquote>Құттықтаудан соң аудан әкімі З.Рахымшаеваға облыстық "Құрмет грамотасын" табыс етті. Сондай-ақ, аудан экономикасының дамуына қызмет атқарып жүрген бірқатар сала ардагері мен қызметкері облыс, облыс әкімі орынбасары және аудан әкімінің "Алғысы хатымен" марапатталды.Мерекелік іс-шарада сала ардагерлері қаржыгерлерге жылы лебіздерін жеткізді.

Қаржыгерлерге құрмет көрсетті 

<a href="https://kyzylorda-news.kz/">Kyzylorda-news.kz</a> Қазалы ауданының орталығы - Әйтеке би кентінде құсбегілердің ұйымдастыруымен &nbsp;«Көгершіндер көрмесі» өтті.Көрмеде еліміздің әр түкпірінен келген кептершілер өздерінің құстарын жұртшылықтың назарына ұсынып және сирек кездесетін құстардың тұқымдарын селекцияландыру жайы да қаралып, өз тәжірибелерімен бөлісті.Көрме барысында көрсетілген ерекше құстар мен олардың тәрбиесіне қатысты тың мәліметтер көрермендердің қызығушылығын оятып, жастардың табиғатқа жанашырлықпен қарауына ықпал етті.Жалаңтөс баһадүр атындағы стадионда өткен ерекше шараға аудан әкімі Алмасбек Есмаханов арнайы барып, құс баптаушы жастармен ардагер құсбегілермен кездесті.Аудан әкімі көгершіндер көрмесінің жоғары деңгейде ұйымдастырылуына атсалысып, ауданымыздың рухани-мәдени өміріне серпін беретін игі бастамаларының әрі қарайда жалғасын таба беруіне тілектестігін білдірді.

Қазалыда көгершіндер көрмесі өтті 

<a href="https://kyzylorda-news.kz/">Kyzylorda-news.kz</a> Жол инфрақұрылымын дамыту – аймақ басшысының ерекше назарында тұрған бағыттардың бірі. Себебі, сапалы жолдар – тұрғындардың күнделікті қозғалыс қауіпсіздігін қамтамасыз етіп қана қоймай, шаһардың әлеуметтік-экономикалық өркендеуіне тікелей ықпал етеді.Ал, жол төсемінің жақсаруы қоғамдық көліктің кедергісіз қатынауына, жедел жәрдем мен өрт сөндіру қызметтерінің уақытылы жетуіне, сондай-ақ бизнес нысандарының жұмыс тиімділігін арттыруына мол мүмкіндік береді.Биылғы жылы негізгі және қосалқы көшелерді кезең-кезеңімен жаңарту жоспарланған. Маңызды жобалар тұрғындардың ұсыныстары мен қажеттіліктері ескеріле отырып жүзеге асуда. Әсіресе, шет аймақтар мен көпқабатты тұрғын үйлер ауласындағы жолдардың жақсаруы халықтың өмір сүру сапасын арттырып, қауіпсіз орта қалыптастыруға бағытталған маңызды қадам саналады.<img src="https://knadmin.beoblood.kz/uploads/FB_IMG_1763231236517_2cc8219cf6.jpg" alt="FB_IMG_1763231236517.jpg">Бүгін шаһар басшысы Нұржан Ахатов қаладағы жолдарды жөндеу және күтіп-ұстау бағытындағы қарқынды жұмыстардың сапасын бақылау мақсатында бірқатар нысандарды аралады.Аталған нысандардың бірі – шет аймақта орналасқан Нұрмағамбетов көшесі. КБИ мөлтек ауданындағы бұл көшемен қоғамдық көліктердің де қозғалысы жиі, сондықтан жөндеу жұмыстарының маңызы жоғары. Мұнда көшенің беткі қабаты алынып, орнына жаңа асфальт жабындысы төселіп жатыр.&nbsp;«Тұрғындардың өмір сүру сапасы жоғары болуы тиіс» деген қала әкімі «Мерей» мөлтек ауданындағы аулаішілік жолдарды да қарап, ондағы ағымдағы жөндеу жұмыстарымен танысты. 3-ші ірілендірілген кварталда болып, ширақ шаруаның жайын көрді.&nbsp;Нысандарды аралау барысында Нұржан Сәбитұлы мердігер мекеме басшысына жұмыстарды сапалы атқарып, оны уақытылы аяқтауды тапсырды. Сонымен қатар, жауапты сала жетекшілеріне қала ішіндегі әрбір жолды жіті зерделеп, анықталған кемшіліктерді жөндеу жоспарына енгізуді жүктеді.<img src="https://knadmin.beoblood.kz/uploads/FB_IMG_1763231213118_db57ab7a61.jpg" alt="FB_IMG_1763231213118.jpg">

Архив

Алдағы аптада қар аралас жаңбыр жауады

Қаржыгерлерге құрмет көрсетті

Қазалыда көгершіндер көрмесі өтті

Жолды жөндеу – маңызды бастама