<a href="https://kyzylorda-news.kz/">Kyzylorda-news.kz</a> Ақирек және Сексеуіл кентінде алғашқы өнімі алынды. Өңірлік өнім жақын арада сатылымға шықпақ.Ақирек ауылдық округіндегі «Нұр-Дана» шаруа қожалығының төрағасы Ә.Мейірманов 6 гектар аумаққа тамшылатып суару (подпленка) әдісімен бақша (қарбыз, қауын) дақылдарын орналастырып, қауынның Даккар Ғ1 тұқымының алғашқы өнімін алды.Ал, Сексеуілдік жеке кәсіпкер А.Боханов заманауи тәсілдерді ұштастыра отырып, жалпы көлемі 14 гектар аумаққа түрлі көкөніс және бау-бақша дақылдарын орналастырған болатын. Оның ішінде, 4 га көкөніс, (қияр, қызанақ, асқабақ), 10 га жерге бақша дақылдарын қауын, қарбыз еккен. Алқапқа тамшылатып суару (подпленка) жүйесін қолданады. Бүгінде дихан қияр тұқымының Северин F1 сортының алғашқы өнімін алды.Дихандардың көктемдік еңбектері ақталуда. Қауынның Даккар F1, қияр тұқымының Северин F1 сортын өсірген кәсіпкерлер бүгіннен бастап ауылішілік азық-түлік дүкендерде аталған өнімді сатылымға шығарды.Тұрғындардың бұл кәсібі ауданды жергілікті өніммен қамтуға септігін тигізуде. Аралдық кәсіпкердің айтуынша аудан экономикасын қалыптастыруда жергілікті диқандардың еңбегі орасан зор.<img class="image_resized" style="width:95.52%;" src="https://knadmin.beoblood.kz/uploads/Aral_egin_sharuashyly_y_2_fee8abeccb.jpg" alt="Арал егін шаруашылығы 2.jpg">

Аралдық диқандар алғашқы өнім ала бастады

<a href="https://kyzylorda-news.kz/">Kyzylorda-news.kz</a> Қазақстанда “Заң мен Тәртіп” жаңа цифрлық сервисі іске қосылды, — деп хабарлайды <a href="https://polisia.kz/qazaqstanda-zang-men-tartip-zhanga-tsifrlyq-servisi-iske-qosyldy/">Polisia.kz.</a>&nbsp;Ішкі істер министрлігі “Заң мен Тәртіп” атты жаңа цифрлық сервисті іске қосты – енді азаматтар құқық бұзушылықтар туралы полицияға тікелей Egov Mobile қосымшасы арқылы хабарлай алады.&nbsp;Қосымшаның басты бетінде арнайы “Заң мен Тәртіп” түймесі пайда болды. Сол арқылы хабарламаны жедел жолдауға болады. Өтініш беру қарапайым әрі түсінікті. Қоғамдық тәртіпті бұзу, тұрмыстық зорлық-зомбылық, жол-көлік оқиғасы немесе балаға төнген қауіп сияқты жағдайлар туралы дабыл бірден полицияға түседі және полиция қызметкерлері хабарлама түскен сәттен бастап әрекет етеді.&nbsp;Осындай түймелер кейбір банк қосымшаларына да интеграцияланған, бұл сервисті кең аудитория үшін қолжетімді етеді. Жоба ІІМ жүргізіп жатқан ауқымды цифрландыру процесінің бір бөлігіне айналды.&nbsp;Мақсат – полиция мен азаматтар арасындағы өзара әрекеттестікті жеңілдету және жеделдету, жедел әрекет ету деңгейін арттыру және көмекті барынша қолжетімді ету.&nbsp;Сервис тәулік бойы жұмыс істейді, өтініштер бүкіл ел аумағында қабылданады.

Қазақстанда “Заң мен Тәртіп” жаңа цифрлық сервисі іске қосылды

<a href="https://kyzylorda-news.kz/">Kyzylorda-news.kz</a> Маусым айының басында Мәскеу төрінде бастау алған «Еуразия жүрегіне саяхат – 2025» бірегей туристік танымдық экспедициясы тарих пен тағылым ордасы Сыр өңірінде жалғасты. Құрамында Ресей, Қырғызстан, Тәжікстан, Өзбекстан мемлекеттерінен келген 100-ден аса турист сан ғасырлық тарихы бар қалаларды аралап, әдет-ғұрпы және мәдениетімен танысуда.&nbsp;Танымдық экспедициясының мақсаты - Орталық Азия елдері мен Ресей арасындағы іскерлік, гуманитарлық және ғылыми байланыстарды нығайту, сондай-ақ халықаралық әріптестікті дамытуға бағытталған.&nbsp;Осыған орай, Сыр еліне арнайы келген құрметті қонақтар ең алдымен киелі Арал ауданына табан тіреді. Экспедиция мүшелері аудан орталығындағы “Балықшылар аллеясын“ тамашалап, Арал теңізі туралы құнды мәліметтерді тыңдады. Одан кейін XIX ғасырдағы орыс сәулет өнері үлгісінде салынған “Балықшылар музейіне” барды. Бұл музейде «Балықшылар», «Кемелер» залы және ашық аспан астындағы музей көрмесі ұйымдастырылған. Музей қорындағы құнды жәдігерлермен таныс болған құрметті қонақтар ерекше әсер алып, теңіз тарихын қызығушылықпен тыңдады.&nbsp;Экспедиция жалғасы Шижаға елді мекеніндегі құмды төбелер мен өңірдегі бірегей демалыс аймағы саналатын “Қамбаш” көлінде жалғасты.&nbsp;Ендігі кезекте экспедиция мүшелері бағдарламаға сәйкес, &nbsp;Байқоңыр қаласы, Қармақшы ауданындағы Қорқыт ата мемориалдық кешені мен Қызылорда қаласындағы бірнеше мәдени-спорттық нысандарды аралауы жоспарлануда.<img src="https://knadmin.beoblood.kz/uploads/Whats_App_Image_2025_06_24_at_09_50_01_1_299ecfedba.jpeg" alt="WhatsApp Image 2025-06-24 at 09.50.01 (1).jpeg">

Еуразия жүрегіне саяхат экспедициясы Сыр өңірінде 

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен Мемлекеттік қызметшілер және Қазақстан полициясы күні кәсіби мерекелеріне орай салтанатты іс-шара өтті.Мерекелік іс-шарада аудан әкімі халыққа қызмет етіп жүрген мемлекеттік қызметшілер мен ел тыныштығын сақтап жүрген тәртіп сақшыларының еңбектеріне тоқталды.<blockquote>– Мемлекет басшысы Қасым-Жомарт Кемелұлы Тоқаев «Мемлекеттік қызметшінің сапасы – бүкіл еліміздің сапасы деп айтуға болады. Мемлекеттік қызмет бұл – жоғары лауазымға ие болу емес. Мәселе – мансап емес. Мәселе – мемлекетімізге, халқымызға адал қызмет ету. Мемлекеттік қызметші болу антқа адал болу деген сөз» деп атап өтті. Бүгінде мемлекеттік қызметшілерге заманауи, сапалы қызмет көрсету міндеті қойылып отыр. Өйткені, халықтың билікке деген сенімі қазіргі қоғамның талаптарына сай мемлекеттік қызметшіден басталады. Осыған байланысты Президент қазіргі заманға сай мемлекеттік басқарудың жаңа үлгісін қалыптастыру керектігін атап көрсетті. Ауданда мемлекеттік қызметшілер мемлекеттік қызметтің сапасын арттыру, беделін көтеру бағытында көптеген жұмыстар жасап, халыққа қызмет көрсетуде. Біз үшін елге қызмет ету, оның ішінде ауданның дамуына үлес қосу – мерейлі міндет, үлкен абырой. Сонымен бірге, бүгін – ел тыныштығы мен қауіпсіздігі жолында тынымсыз еңбек етіп жүрген тәртіп сақшыларына құрмет көрсететін күн. Тәртіп сақшыларының кәсіби қызметі – зор жауапкершілігімен, қиындыққа төтеп беретін төзімділігімен ерекше құнды. Аймақ басшысы Нұрлыбек Машбекұлы Нәлібаевтың қолдауымен сала жұмысын дамытуға нақты жұмыстар атқарылып жатыр. 2022-2024 жылдар аралығында полиция органдарының материалдық-техникалық базасын жақсартуға облыстық бюджеттен 8 млрд. теңге қаражат бөлінді. Қылмысты уақытылы ашу және жедел әрекет ету үшін бейнебақылау камералары желісін көбейтуге мүмкіндік жасалды. Облыс бойынша 539 бейнебақылау, 49 жылдамдық өлшегіш камерасы орнатылды. Республикада алғашқы болып барлық ауданда полиция бөлімдерінің Жедел басқару орталықтары іске қосылды. Бұл орталықтар ұсақ құқық бұзушылықтан бастап ауыр қылмыстардың ізін анықтауға және сақшылардың жұмысын оңтайлы етуге жол ашты. Соңғы 3 жылда облыс бойынша жаңа үлгідегі 128 автокөлік табысталды. Ауданда қоғамдық қауіпсіздікті қамтамасыз ету бағытында жылдың басында Жедел басқару орталығы жұмысын бастады. Аудан орталығына 72 бейнебақылау және 7 жылдамдық өлшегіш камерасы орнатылды. Осындай қолдаудың нәтижесінде тәртіп сақшылары тұрғындардың тыныштығы мен қауіпсіздігіне қызмет жасап, аянбай еңбек етіп келеді. Сіздерді кәсіби мерекелеріңізбен құттықтай отырып, ел мүддесі жолындағы еңбектеріңізге толағай табыс, отбасыларыңызға амандық, бақ-береке тілеймін! – деді Берік Әбдіғаппарұлы.</blockquote>Кәсіби мерекеде ауданның дамуына үлес қосып жүрген мемлекеттік қызметішлер мен қоғамдық тыныштықты сақтап жүрген тәртіп сақшылары облыс, аудан әкімінің «Алғыс хатымен» және «Қызмет» мемлекеттік және қоғамдық қызмет көрсету қызметкерлерінің салалық кәсіподағының «Мемлекеттік қызметтің дамуына қосқан үлесі үшін» төсбелгісімен марапатталды.<img src="https://knadmin.beoblood.kz/uploads/Marapat_3_776facaffa.jpg" alt="Марапат 3.jpg">Мерекелік іс-шара соңы концерттік бағдарлама ұсынылды.

Сала қызметкерлері құрмет төрінде

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Мемлекеттік қызметші күніне арналған салтанатты шара өтті. Оған сала басшылары мен мемлекеттік қызметшілер қатысты.Аймақ басшысы әріптестерін мерекемен құттықтап, облыстың әлеуметтік-экономикалық дамуы бағытындағы еңбектеріне алғыс білдірді.<blockquote>“Баршаңызды Мемлекеттік қызметші күнімен шын жүректен құттықтаймын! Елге адал қызмет ету, Отанды шексіз сүю, туған елдің дамуына аянбай үлес қосу – әрбір мемлекеттік қызметшінің міндеті. Егемен еліміздің алдындағы стратегиялық міндеттерді орындауда мемлекеттік басқару жүйесіндегі қызметкерлерге артылған жауапкершілік жоғары. Сіздер Қазақстанның жарқын болашағы жолында халық аманатын арқалап, уақытпен санаспай еңбек етіп, антқа адалдықтың, халыққа жанашырлықтың озық үлгісін көрсетіп келесіздер. Туған жеріміз – Сыр өңірінің әлеуметтік-экономикалық дамуына, халықтың әл-ауқатын арттыруға қосқан зор үлестеріңіз үшін шынайы ризашылығымды, алғысымды білдіремін! Бүгінде жаңа трансформация кезеңінде кәсіби әрі тиімді мемлекеттік аппарат құру бағытында мемлекеттік қызметшілерді жұмысқа қабылдау тетіктері жеңілдеді. Бюрократиядан арылу, артық кедергілер мен тосқауылдарды жою, кадрлық резервті қалыптастыру, меритократия қағидатын енгізу, қызметтерді сандық форматқа көшіру мемлекеттік қызмет моделін қолжетімді әрі сындарлы диалогқа негіздеді. Соның нәтижесінде өңірде мемлекеттік аппаратты оңтайландырып, әкімшілік шығындарды азайтып, басшылық құрам санын қысқарттық. Президентіміздің Әділетті, Таза, Қауіпсіз Қазақстанды құру жолындағы бастамалары мен тапсырмаларын аймағымызда сәтті жүзеге асырып, халық сенімінің үдесінен шыға берулеріңізге тілектеспін! Баршаңыздың дендеріңіз сау, жақындарыңыз аман болып, отбасыларыңыздың бақ-берекесі арта берсін!”,-деді Н.Нәлібаев.</blockquote>Басқосуда мемлекеттік қызметшілер марапат төрінен көрінді. Атап айтқанда, мемлекеттік қызмет саласының ардагерлері Әбдіғаппар Әмірғалиұлы мен Қожахмет Ильясов Мемлекеттік қызмет істері агенттігінің «Мемлекеттік қызмет ардагері», облыстық білім басқармасының басшысы Асқарбек Есжанов, облыстық мемлекеттік сатып алу басқармасының басшысы Бауыржан Шаменов, Қызылорда қаласының экономика және қаржы бөлімінің басшысы Гүлнар Баймаханова «Үздік мемлекеттік қызметші» төсбелгілерімен марапатталды. Бірқатар азаматтарға Қызылорда облысының Құрмет грамотасы мен облыс әкімінің Алғыс хаты табысталды.Сонымен қатар, жас мемлекеттік қызметшілерлердің Ант беру рәсімі өтті.Айта кетейік, бүгінде үш мыңнан астам мемлекет қызметші аймағымыздың қарышты дамуына елеулі үлес қосуда. Олардың45 пайызы (1 471) - нәзік жандылар. Мемлекеттік қызметтегі қыз-келіншектердің 294-і басшылық лауазымды абыроймен атқаруда.<img src="https://knadmin.beoblood.kz/uploads/Memlekettik_yzmetshiler_marapattaldy_3_7835dccf54.jpg" alt="Мемлекеттік қызметшілер марапатталды 3.jpg">Кәсіби білігі жоғары, бәсекеге қабілетті, заманға сай жаңаша ойлайтын жастарға әрдайым орын бар. Өңірімізде 35 жасқа дейінгі 800-ге жуық жас мемлекеттік қызметші еңбек етуде.Соңғы жылдары аймағымыздағы мемлекеттік басқару корпусының әлеуеті артып, қызметкерлер кәсіби білімін жетілдіруге ерекше көңіл бөлуде.Қазақстан Республикасы Президенті жанындағы Мемлекеттік басқару академиясында 24 мемлекеттік қызметші білім алса,4 әріптесіміз «Болашақ» бағдарламасының түлегі атанды.Мемлекет басшысының тапсырмасымен құрылған Президенттік жастар кадрлық резерві бүгінде мемлекеттік басқару жүйесіне жоғары білімді, креативті мамандарды тартуға ерекше мүмкіндік беруде.<img src="https://knadmin.beoblood.kz/uploads/Memlekettik_yzmetshiler_marapattaldy_155a37163e.jpg" alt="Мемлекеттік қызметшілер марапатталды.jpg">

Архив

Аралдық диқандар алғашқы өнім ала бастады

Қазақстанда “Заң мен Тәртіп” жаңа цифрлық сервисі іске қосылды

Еуразия жүрегіне саяхат экспедициясы Сыр өңірінде

Сала қызметкерлері құрмет төрінде

Мемлекеттік қызметшілер марапат төрінен көрінді