<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев бюджет қаржысының игерілуі, «Артспорт» бағдарламасы, жол жөндеу, құрылыс жұмыстары және республикалық бағдарламалардың орындалу барысы талқыланған жиын өткізді.&nbsp;Аймақ басшысы жауапты сала басшылары мен аудан әкімдеріне бірқатар тапсырмалар берді. Нақтырақ айтсақ, әлеуметтік маңызы бар нысандарды сапалы салу әрі кестеге сай мерзімінде бітіру жұмыстарын қатаң бақылауға алу, 5 наурызға дейін барлық әлеуметтік нысандағы кемшіліктерді жоюды міндеті жүктелді.<blockquote>«Елді мекендердің тазалығы үнемі бақылауда болуы тиіс, соңғы 20 жылда салынған ғимараттар бойынша жауапты мекемелермен кездесіп, жөндеу жұмыстарын жүргізу қажет. Тазалыққа және абаттандыруға қатысты жұмыс қарқынын күшейтетін мезгіл жақындады. Қала және аудан орталықтарындағы ғимараттардың сыртын жөндеп, көгалдандыруды белсенді түрде қолға алу, апта сайын сенбіліктер ұйымдастыру керек»,- деді Н.Нәлібаев</blockquote><img src="https://knadmin.beoblood.kz/uploads/Oblys_kimi_zhinalys_2_f9f68c2e62.jpg" alt="Облыс әкімі жиналыс 2.jpg">Фото: Қызылорда облысы әкімінің баспасөз қызметі

Әлеуметтік нысандардағы жұмыс басты назарда болуы тиіс

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Сырдария ауданының Бесарық ауылында спорт кешені ашылды. Салтанатты шараға жауапты сала басшылары, еңбек ардагерлері, зиялы қауым өкілдері мен ауыл тұрғындары қатысты.Облыс әкімі ауылдағы жаңа әрі сәулетті ғимараттар қатары тағы бір маңызды нысанмен толыққанын атап, жергілікті тұрғындарды құттықтады.<blockquote>«Бүгін берекесі мен бірлігі жарасқан Сырдария ауданының Бесарық ауылында өздеріңізбен жүздескенімізге қуаныштымыз. Президентіміз Қасым-Жомарт Кемелұлы ХХХІІІ жазғы Олимпиада ойындарының жүлдегерлерімен кездесуде: «Бұқаралық спортты дамыту арқылы біз кәсіби спортқа жол ашамыз және ең бастысы, ұлт саулығын жақсартамыз. Мемлекет спорт инфрақұрылымын дамыту үшін тиісті қаражат бөлуде, яғни балалардың жастайынан алаңсыз спортпен шұғылдануына қажетті жағдайды жасап жатыр. Еліміздің аймақтарында 20 мыңнан астам спорт алаңы жұмыс істеп тұр, 16 мыңнан аса арнайы кешен мен зал бар. Осы нысандардың барлығы толыққанды қызмет етуге тиіс және спортпен айналысамын деген әрбір адамға қолжетімді болуы керек», – деген болатын. Спорт – елімізді халықаралық деңгейде танытып, Көк Туымызды желбірететін, Әнұранымызды асқақтататын айрықша маңызды сала. Өткен жылы қазан айында Қызылорда қаласында «Үстел теннисі» орталығы пайдалануға берілді. Халықаралық стандарттарға сәйкес келетін «Орталық стадионды» алдағы мамыр айында ел игілігіне табыстаймыз. Жақын күндері көпбейінді «Қызылорда Арена», денешынықтыру-сауықтыру кешендерінің құрылысы басталады. Сырдария ауданының спорт саласында жүйелі жұмыстар жүргізілуде. Өткен жылы спортшылар республика чемпионаттарынан 29 алтын, 20 күміс, 47 қола, Азия чемпионатынан 4 алтын, 1 күміс, 2 қола, Әлем чемпионатынан 1 алтын медаль иеленді. Бүгін ашылған жаңа спорт кешенінде ауыл тұрғындарының, жеткіншектердің дене шынықтыруына, спортпен айналысуына жеткілікті мүмкіндік бар. Осы жерде жаттыққан балаларымыз денсаулығы мен рухы мықты, жігерлі, қайратты, болашақта елдің даңқын асқақтататын азаматтар болсын дейміз. Жаңа нысан салауаттылық салтын ұстануға шақыратын құтты орынға айналсын!» – деді Н.Нәлібаев.</blockquote>Салтанатты шарада спорт саласының қызметкерлері мен ардагерлеріне облыс әкімінің Алғыс хаты табысталды.&nbsp; Қоғам қайраткері, Қызылорда облысының құрметті азаматы Айтбай Көшербаев құттықтау лебізін жеткізіп, Бесарық ауылдық қоғамдық кеңестің төрағасы Әкбар Ақжігітов батасын берді.Жаңадан ашылған кешен бір мезетте 100-ге жуық баланы қабылдайды. Бұл жерге келушілер қазақ күресі, дзюдо, бокс, грек-рим, еркін күрес, таеквондо, волейбол, футболмен айналыса алады.Фото: Қызылорда облысы әкімінің баспасөз қызметі

Бесарық ауылында спорт кешені ашылды

<a href="https://kyzylorda-news.kz/">Kyzylorda-news.kz</a> Өткен жылы Мемлекет басшысының бастамасымен қолға алынған «Таза Қазақстан» экологиялық бағдарламасы Сыр өңірінде кеңінен қолдау тауып, ауқымды іс-шаралар ұйымдастырылды.Қала, аудан, елді мекендер тұрғындары, мемлекеттік мекеме, қоғамдық ұйымдар мен кәсіпорындар қызметкерлері &nbsp;іргелес аумақтар мен аулаларды тазартуға біркісідей атсалысты. Сонымен қатар, тарихи-мәдени ескерткіштер аумағы абаттандырылып, көшеттер отырғызылды, ағаштар әктелді. Жасыл желекті көбейту және тазалық сақтау бағытында жергілікті мекемелер белсенді &nbsp;еңбек етуде. “Жасыл Қызылорда” мекемесінің мамандары Қызылорда қаласындағы Н.Назарбаев даңғылы бойын көгалдандыруға қызу дайындықты бастап кетті. Қазір топырақ құнарлылығын арттыру үшін көңмен байытылған құм төселуде. Сондай-ақ, Қызылорда қаласында арық жүйелерін тазалау және көгалдарды күтіп-баптау да жүйелі &nbsp;жүргізілуде.“Қызылорда тазалығы” мекемесі көшелер мен қоғамдық орындардың қоқысын жинау, абаттандыруды жалғастыруда. Қала тұрғындары мен қонақтарына таза әрі жайлы орта қалыптастыру мақсатында сенбіліктер ұйымдастыру өте маңызды.Бүгінгі сенбілікте облыс орталығы мен &nbsp;барлық аудан тұрғындары &nbsp;жоғары белсенділік танытты.&nbsp; Айта кету керек, экологиялық іс-шара басталғалы бері оған 730 000-ға жуық облыс тұрғыны қатысты. 27 000 тоннадан астам қоқыс шығарылды, 505 сквер мен саябақ, 225 тарихи- мәдени ескерткіш аумағы, 791 әлеуметтік нысан, 4596 өнеркәсіп және бизнес нысаны, 322 су нысаны, 47 451 аула мен көше тазартылды. Бағдарламаға &nbsp;қатысу арқылы әрбір азамат өз аумағын таза ұстап, қоршаған ортаға қамқорлық көрсетуге үлес қосады. Бұл - экологиялық мәдениетті қалыптастыруға және табиғатты қорғауға бағытталған маңызды қадам.Еске салайық, облыс әкімі Нұрлыбек Нәлібаевтың бастамасымен тазалық, көркейту-көгалдандыру бағытында 2023 жылдан бері «Үлгілі елді мекен» облыстық байқауы бастау алды. Кейінгі 2023-2024 жылдары байқау 3 мәрте өткізілді. Облыстық бюджеттен 1,5 млрд.теңге бөлініп, жеңімпаз елді мекендерге 48 арнайы коммуналдық техника табысталды. Осы техникалар жеңімпаз атанған аудан орталықтары мен ауылдарда қызмет етуде. Конкурсты биыл да өткізу жоспарда бар.Фото: Қызылорда облысы әкімінің баспасөз қызметі

"Таза Қазақстан" экологиялық бағдарламасы жалғасуда

<a href="https://kyzylorda-news.kz/">Kyzylorda-news.kz</a> Еліміздің Ұлттық экономика министрлігі&nbsp;көктемде қырыққабат бағасы көтерілуі мүмкін екенін айтты. Бұл туралы <a href="https://stan.kz/kazakstanda-koktemge-karay-kirikkabat-bagasi-kimbattama-414149/">Stan.kz</a> ақпарат агенттігі хабарлайды.&nbsp;Ұлттық экономика министрі Серік Жұманғаринның айтуынша, бағаның жоғарылауы қосылған құн салығы мөлшерлемесінің өсуіне тәуелді емес."Адамның мінез-құлқын болжау мүмкін емес. Елде кәсіпкер бағаны 100 пайызға көтере алады. Біз бүкіл тауар ассортиментін 20 пайызға есептедік. Қалыпты эконометрикалық үлгілерден бастадық. Қосылған құн салығы 20% болғанда сәбіз 7%-ға қымбаттады. Мен елдегі азық-түлік бағасына жауапты болғандықтан, бұл жағдай басымнан күнде өтеді. Жақында картоп бағасы қымбаттады. Енді қырыққабат мәселесі туындап отыр. Ол көктемге жақын қымбаттауы мүмкін. Бұл қосылған құн салығына да тәуелді емес. Ол өнімнің тұтыну маусымына байланысты", – деді Жұманғарин.Министрдің айтуынша, қосылған құн салығы 16 пайыз болса, инфляция 3,5 пайыз болады."3,5% шын мәнінде өте аз. Біздің нарықтың өтелмейтін шығындары салықтардың көлеміне, өсім көлеміне байланысты. Қосылған құн салығы үшін 3,5% – бұл өте аз", – деді Жұманғарин.Еске салайық, бұған дейін Қазақстанда жарты жылға картопты үшінші елдерге экспорттауға тыйым салынғанын жаздық. Ақпаратқа сәйкес, 2024 жылы қазақстандық картоп экспортының көлемі 605 мың тонна болған. Бұл 2023 жылмен салыстырғанда 1,5 есе көп. Қабылданған шаралар картоп бағасының алыпсатарлық жолмен өсуіне және нарық қатысушыларының мүмкін спекулятивті әрекеттерге жол бермеуге мүмкіндік береді.Фото: freepik.com

Архив

Әлеуметтік нысандардағы жұмыс басты назарда болуы тиіс

Бесарық ауылында спорт кешені ашылды

"Таза Қазақстан" экологиялық бағдарламасы жалғасуда

Қазақстанда көктемге қарай қырыққабат бағасы қымбаттамақ