<a href="https://kyzylorda-news.kz/">Kyzylorda-news.kz</a> Аймақ басшысының тапсырмасымен облыста өңдеу өнеркәсібін дамытуға 1 млрд теңге бағытталды. Жоба «Қызылорда» Өңірлік инвестициялық орталығы арқылы жүзеге асырылады.Басымдық берілетін салалар:<ul><li>Жеңіл өнеркәсіп (киім-кешек, мата, аяқ киім, тері өңдеу және тері бұйымдарын жасау т.б.);</li><li>Тұрмыстық химия өнімдері (кір жуу ұнтақтары, кір сабын, антисептиктер, антибактериалды сұйықтықтар т.б.);</li><li>Темір және құрылыс материалдары өндірісі (қыштар, блоктар, бетон және темір-бетон бұйымдары, құбырлар, дәнекерлеу бұйымдары т.б.);</li><li>Ағаш өнімдері және жиһаз өндірісі (ағаш өңдеу материалдары, жиһаздар, баспалдақтар, есіктер т.б.);</li><li>Ауыл шаруашылығы өнімдерін өңдеу (ет, сүт, ұн, балық, көкөніс-бақша, құс өнімдері т.б.);</li><li>Басқа да өндіріс түрлері (пластмасс, қағаз, әйнек, резеңке өнімдері, мектеп жиһаздары, брусчаткалар т.б.).</li></ul>Бір жобаға 78,6 млн теңгеге дейін жеңілдетілген несие алуға болады. Жылдық пайыздық мөлшерлемесі – 6 пайыз. Несие 60 ай немесе 5 жылға беріледі. Оның 12 ай немесе 1 жылын жеңілдік мерзімі ретінде таңдауға болады.Несие:<ul><li>негізгі құралдарды сатып алу;</li><li>өндірістік нысандардың құрылысы және оларды қайта жаңғырту;</li><li>арнайы техникаларды алу (өңдеу саласындағы кәсіпке қатысты болған жағдайда);</li><li>айналым құралдарын толықтыруға беріледі.</li></ul>Айналым құралдарын толықтыру мақсатына қарыз алушының бір жобасы шеңберінде қаржыландыру сомасының 30 пайызынан аспауы тиіс.Несие алушыға қойылатын талаптар:<ul><li>бизнес жоспары;</li><li>жер телімі;</li><li>құрал-жабдық сатып алу жөнінде ниет-шарты болуы тиіс;</li><li>сатып алынатын құрал-жабдық дайын өнім шығаруы;</li><li>несие қаражатын пайдалану қолма-қол ақшасыз жүзеге асырылуы;</li><li>несие міндетті түрде кепіл-мүлікпен қамтамасыз етілуі қажет.</li></ul>Негізгі талаптар осындай. Қосымша сұрақтар туындаған жағдайда тұрғылықты жеріңіздегі қала/аудандық кәсіпкерлік бөліміне немесе «Қызылорда» Өңірлік инвестициялық орталығына хабарласа аласыздар. Өңірлік орталықтың байланыс телефоны: 8 /7242/ 40-03-60, 40-02-37.Айта кету керек, былтыр облыс әкімі өңірде азық-түлік қауіпсіздігін қамтамасыз ету мақсатында Орталыққа ауыл шаруашылығы өнімдерінің желісін дамытуды жүктеді. Атап айтқанда, өсіру, өңдеу, сақтау, өткізу жүйесін қалыптастыруға жергілікті бюджеттен бөлінген қаржыға 45 жоба қаржыландырылып, 159 жаңа жұмыс орны ашылды.Фото: «Қызылорда» Өңірлік инвестициялық орталығының баспасөз қызметі

Облыста өңдеу өнеркәсібін дамыту жобаларына өтінімдер қабылдануда

<a href="https://kyzylorda-news.kz/">Kyzylorda-news.kz</a> Өңірімізде 3346 мемлекеттік қызметші бар. Саяси мемлекеттік қызметші – 15, «Б» корпусының мемлекеттік әкімшілік қызметшілердің саны 3331. Бүгін Өңірлік коммуникациялар қызметінің ақпарат алаңында ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Меңдалиев департаменттің өткен жылғы атқарылған жұмыстары мен алдағы міндеттері туралы баяндады.<blockquote>- Өңірімізде 25 ҚР Президентінің жанындағы Мемлекеттік басқару академиясының, 4 «Болашақ» бағдарламасының түлегі жұмыс істейді. Мемлекеттік әкімшілік қызметке кіруге тестілеуге 2651 үміткер қатысса, құқық қорғау органдарына алғаш кіретін азаматтарды тестілеуге 1046 адам қатысты. ҚР Президенті жанындағы Мемлекеттік басқару академиясын 2024 жылы үздік бітірген 5 түлектің 2-і конкурстық іріктеусіз басшылық лауазымға тағайындалды. Мемлекеттік грантпен жоғары оқу орындарын үздік бітірген өңіріміздегі 10 жас түлек уәкілетті органның келісімімен аудандық және ауылдық деңгейдегі лауазымдарға конкурстық іріктеусіз орналасты. Мемлекеттік қызметшілердің оң имиджін қалыптастыру мақсатында жыл басынан бері 130-дан астам мәдени-көпшілік, ақпараттық–насихаттық жұмыстар жүргізілді. Облыста жастар назарын мемлекеттік қызметке аудару және жастармен жұмыс жасау мектеп, колледж, университет қабырғаларында да жүзеге асуда. Мемлекеттік қызмет саласындағы бақылау бағыты Әдеп жөніндегі кеңеспен 12 отырыс өткізіліп, 58 мәселе қаралды,- деді Ерлеген Жәрдемұлы.</blockquote>Сондай-ақ, департамент басшысы мемлекеттік қызметке кірудің жаңа жүйесі, кадрлық процестерді цифрландыру, мемлекеттік қызмет көрсету сапасын арттыру және сыбайлас жемқорлықтың алдын алу шаралары туралы атап өтті.Фото: Өңірлік коммуникациялар қызметі

Былтыр үздік бітірген 2 түлек іріктеусіз басшылық лауазымға тағайындалды

<a href="https://kyzylorda-news.kz/">Kyzylorda-news.kz</a> Жомарт кенішінде қаза тапқан жеті кеншінің есімі белгілі болды, деп хабарлайды <a href="https://kaz.inform.kz/news/zhomart-kenshndeg-kaygili-okiga-kaza-tapkandardin-ati-zhonder-zhariyalandi-19b9d0/">Kazinform</a> агенттігінің тілшісі.Жақында авариялық-құтқару топтары қираған тау-кен үйінділерінің астынан 7 кеншінің денесін шығарды:Қаза болғандардың тізімі:1. Ақшалов Қайрат Аманбекұлы, 1975 жылы туған, сорғы қондырғыларының машинисі;2. Жақыбаев Ардақ Боранбайұлы, 1998 жылы туған, жер асты учаскесінің тау-кен шебері;3. Жұмадуллаев Бақытбек Нышанұлы, 1975 жылы туған, жер асты тау-кен жұмысшысы:4. Кенжебеков Орынбек Әмірханұлы, 1991 жылы туған, тиеу-жеткізу машинасының машинисі;5. Молдабеков Ғалымжан Есенбекұлы, 1978 жылы туған, шпур бұрғылаушының көмекшісі,6. Нұрулдаев Олжас Жағалбайұлы, 1979 жылы туған, жер асты учаскесінің энергетигі,7. Рожков Константин Владимирович, 1992 жылы туған, жерасты тау-кен қазу жабдықтарының электр слесарь-монтажшысы.&nbsp;«Қазақмыс» қаза тапқандардың отбасыларына жұмыскердің орташа жылдық жалақысының 10 есесін, сондай-ақ жерлеу рәсімін ұйымдастыруға 2 млн теңгеден астам қаржы төлейді.«Жомарт» кенішінде көз жұмған жеті жұмысшының да денесі табылды. Төтенше жағдайлар министрлігі баспасөз қызметінің хабарлауынша, жұмысшылардың денесі жоғарыға көтеріліп, сот-медициналық сараптама жүргізу үшін полиция қызметкерлеріне тапсырылды.Фото: ekaraganda.kz / Instagram

Жомарт кеніші: қаза тапқандардың аты-жөндері жарияланды

<a href="https://kyzylorda-news.kz/">Kyzylorda-news.kz</a> Премьер-Министр Олжас Бектеновтің тапсырмасы бойынша Ұлытау облысындағы төтенше жағдай орнында вице-премьер Қанат Бозымбаевтың басшылығымен үкіметтік комиссия жұмыс істеп жатыр, деп хабарлайды Үкіметтің баспасөз қызметі.Комиссия құрамында Ұлытау облысының әкімі Дастан Рыспеков, ТЖ&nbsp;министрі Шыңғыс Әрінов, ішкі істер министрінің бірінші орынбасары Бауыржан Әленов, еңбек және халықты әлеуметтік қорғау бірінші вице-министрі Ақмәди Сарбасов, денсаулық сақтау вице-министрі Ержан Нұрлыбаев, өнеркәсіп және құрылыс вице-министрі Иран Шархан, ҚР ТЖМ Өнеркәсіптік қауіпсіздік комитеті төрағасының міндетін атқарушы Рашид Дубаев бар.Оқиға орнында ТЖ қызметі, ІІМ және Өнеркәсіптік қауіпсіздік комитетінің шұғыл тергеу тобы, сондай-ақ Еңбек және халықты әлеуметтік қорғау министрлігі мен Өнеркәсіп және құрылыс министрлігінің қызметкерлері жұмыс істеп жатыр.<blockquote>— Комиссия мүшелері оқиға орнында болып, тергеу барысымен танысты. Қаза тапқандардың отбасыларына бірінші кезекте көмек көрсету жөнінде тапсырма берілді. Әрі қарай Премьер-министрдің орынбасары Штаб отырысын өткізіп, қаза тапқандардың туыстарымен кездеседі, — делінген хабарламада.</blockquote>Ұлытау облысындағы шахтада апат болып, 7 адам төтенше жағдайда қалғаны туралы жаздық. Ресми дерекке қарағанда, шахтада тау массасы құлаған.«Қазақмыс» корпорациясының хабарлауынша, алдын ала мәліметке сәйкес корпорация кеніштеріне тән емес табиғи газдың жарылысы болған.«Жомарт» кенішінде көз жұмған жеті жұмысшының да&nbsp;денесі табылды. Төтенше жағдайлар министрлігі баспасөз қызметінің хабарлауынша, жұмысшылардың денесі жоғарыға көтеріліп, сот-медициналық сараптама жүргізу үшін полиция қызметкерлеріне тапсырылды.Президент Қасым-Жомарт Тоқаев «Қазақмыс» корпорациясының Ұлытау облысындағы кенішінде тау массасының құлауы салдарынан қаза болған жұмысшылардың туған-туыстары мен жақындарына көңіл айту жеделхатын жолдады.Жомарт кенішіндегі қайғылы оқиға кезінде қаза тапқандардың аты-жөндері жарияланды.Фото: Үкімет

Жомарт кенішіндегі апат: оқиға орнында үкіметтік комиссия жұмыс істеп жатыр

<a href="https://kyzylorda-news.kz/">Kyzylorda-news.kz</a> Бүгін ШЖҚ «Қызылорда тазалығы» КМК директоры Мақсат Жүсіп бұқаралық ақпарат құралдарының өкілдеріне өткен жылы атқарылған жұмыстар мен алдағы жоспарлар туралы баспасөз конференциясын өткізді.Өткен жылы облыс әкімінің қолдауымен мекеменің материалдық-техникалық базасы нығайтылып, жаңарған техникамен қала көшелерінің санитарлық тазалығын қамтамасыз ету және тұрмыстық қатты қалдықтарды шығару бағытындағы жоспарлы жұмыстар атқарылып келеді.Көшелердің санитарлық тазалық жұмыстарына 74 арнайы техика, 41 қоқыс тасымалдаушы көлік жұмылдырылған. Бұдан бөлек, қатты тұрмыстық қалдықтар полигонында 9 арнайы техника жұмыс істеуде.<blockquote>– Қар жауғанда және көктайғақ кезінде қала көшелеріндегі көлік қозғалысының, жаяу жүргіншілердің қауіпсіздігін қамтамасыз ету үшін жолдарды тазалау жұмыстары уақытылы жүргізілуде. Жалпы, қыс мезгілінде 300 тоннадай қар шығарылып, 5000 тонна инертті материалдар себілді. Қардан тазарту жұмыстарына 270 жұмыс күші жұмылдырылды, – деді мекеме директоры.</blockquote>Өткен жылдан бастап Қызылорда қаласында көпқабатты 18 тұрғын үйге күрделі жөндеу жұмыстары жүргізілуде. Кешенді бағдарлама арқылы тұрғын үйдің инженерлік жүйелері, яғни ауыз су, кәріз, жылу, электр желілері жаңалануда. Көпқабатты үйдің сыртқы қасбеті әрленіп, шатыр мен подъезд іші жаңғыртылуда. Бұл жұмыстар тұрғындардың келісімімен жүзеге асырылуда. Биылғы жылы 20 көппәтерлі тұрғын үйге күрделі жөндеу жұмысын жүргізу жоспарлануда.Фото: Қызылорда қаласы әкімдігі

Көппәтерлі тұрғын үйлер күрделі жөндеуден өтеді

<a href="https://kyzylorda-news.kz/">Kyzylorda-news.kz</a> Санаулы күндерден соң мұсылман қауымы үшін қасиетті Рамазан айы басталады Қазақстан мұсылмандары діни басқармасы ортақ пәтуаға сәйкес, қасиетті Рамазан айы 1 наурызда басталатынын хабарлап отыр. Наурыз айының 26-нан 27-не қараған түн — Қадір түні, ал 30 наурыз — Ораза айт мерекесі, – деп хабарлайды <a href="https://kaz.inform.kz/news/oraza-2025-ptr-sadaka-bagasi-bektld-290580/">Қазақпарат.</a>Еліміздің Бас мүфтиі Наурызбай қажы Тағанұлының төрағалығымен өткен Қазақстан мұсылмандары діни басқармасының төралқа мәжілісінде пітір садақасы еліміз бойынша екі келі ұнның орташа бағасы негізінде 655 теңге болып бекітілді.Айта кетейік, барлық өңір, қала, аудан және ауылдың (барлығы 6000 елді мекен) ораза және намаз кестесін PDF форматта muftyat.kz сайтынан сілтемеге өтіп жүктеп алуға болады.&nbsp;Қазақстан мұсылмандары діни басқармасының шариғат және пәтуа бөлімі 2025 жылғы діни күндер кестесін былтыр күзде бекіткен еді.Фото: Нұрболат Нұржаубай

Ораза-2025: пітір садақа мөлшері бекітілді

<a href="https://kyzylorda-news.kz/">Kyzylorda-news.kz</a> Жақында өткен Үкіметтің кеңейтілген отырысында Мемлекет басшысы Қасым-Жомарт Тоқаев тікелей сайланған әкімдердің жаңа санаты – сайланбалы басқарушылар пайда болғанын, олардың арасында мұғалімдер, дәрігерлер және мемлекеттік қызметте тәжірибесі жоқ басқа да мамандар бар екенін атап өтіп, Үкіметке «AMANAT» партиясының тәжірибесін ескере отырып, «Әкімдер мектебі» оқу жобасын іске қосуды тапсырған болатын.«AMANAT» партиясы мен Үкімет ауылдық округ әкімдерін оқытуға бағытталған «Әкімдер мектебі» жобасын бастады. Бүгін Премьер-министрдің орынбасары Қанат Бозымбаев, «AMANAT» партиясының Атқарушы хатшысы Дәулет Кәрібек, Қазақстан Республикасы Мемлекеттік қызмет істері агенттігінің төрағасы Дархан Жазықбайдың қатысуымен әкімдердің біліктілігін арттыру бағдарламасы ашылды.&nbsp;Іс-шараға бейнебайланыс арқылы өңірден партияның облыстық филиалының төрағасы Алмасбек Есмаханов,облыс әкімі аппараты басшысының орынбасары Жанмұрат Сейілов, Мемлекеттік қызмет істері агенттігі облыс бойынша департаментінің басшысы Ерлеген Мендалиев, «ҚР Президентінің жанындағы мемлекеттік басқару академиясы» РМҚК облыс бойынша филиалының директоры Ақзада Мадалиева қала, кент және ауыл әкімдері қатысты.«AMANAT» партиясы бастамашылық еткен және Үкімет пен Мемлекеттік қызмет істері агенттігі бірлесіп, іске асырып отырған «Әкімдер мектебі» жобасы еліміз бойынша 2400-ден астам аудандық және ауылдық округ әкімдерін қамтитын болады.&nbsp; Оқу курсы ауылдардың экономикалық даму бағдарламаларын әзірлеу және оларды тәжірибеде қолдану әдістемесін үйретуге бағытталған. Сондай-ақ әкімдер өз ауылдарының өнім өндіруден бастап, оны сертификаттау мен сатуға дейінгі тікелей тізбекті құруды үйренеді.<img src="https://knadmin.beoblood.kz/uploads/Amanat_pariyasy_kimder_mektebi_facc43ab93.jpg" alt="Аманат париясы әкімдер мектебі.jpg">Фото: «AMANAT» партиясы Қызылорда облыстық филиалы

"Әкімдер мектебі" жобасы аясында оқу курстары басталды

<a href="https://kyzylorda-news.kz/">Kyzylorda-news.kz</a> Баспасөз өкілдері Шиелі ауданына келіп, «Ауыл аманаты» жобасының іске асырылу барысымен танысты.Бүгінде «HONEYMOOD» нан-тоқаш және кондитерлік цехының өнімдері Шиелі ауданының нағыз брендіне айналды. Оның негізін қалаушы Жансая Имантаева 2019 жылы «Бастау бизнес» бағдарламасы бойынша өндірісті іске қосты, ал 2023 жылы істі кеңейту үшін «Ауыл аманаты» бағдарламасына қатысып, несиеге 7 млн теңге алды. Бүгінгі таңда кондитерлік цехы күніне 300 кг өнім шығаруда. Сондай-ақ, 12 адаммен жұмыспен қамтып отыр.Бағдарлама аясында «Шұжық цехы» жобасының жұмыс барысымен танысты. Бүгінде бұл цехта тәулігіне 600-700 кг өнім шығарып, Шиелі, Жаңақорған және Алматыға қалаларына жеткізуде. Негізгі шикізат көзі өз өндірісінен мал бордақылау және мал сою пункті арқылы өнім өндіріп, шұжық түрлерін шығаруда. Цех ресейлік техникалармен жабдықталған және мұнда 12 адам жұмыс жасауда.<img src="https://knadmin.beoblood.kz/uploads/Baspas_z_tury_Shieli_audany_db2dd24548.jpg" alt="Баспасөз туры Шиелі ауданы.jpg">Сонымен қатар, «Ауыл аманаты» жобасы аясында қызанақ пастасын шығаратын цех ашылған болатын. Жеке кәсіпкер Қанат Мұсаев төрағалық ететін «Барлыбай и K» өндірістік кооперативі бұл кәсіпті қолға алуда. Жалпы жобалық құны 48 млн. теңге болатын цехтың жұмысын бастамақ болған кооператив "Ауыл аманаты" жобасы арқылы төмен пайызбен 27,6 млн. теңге қаражат алды.<blockquote>- Бүгінде 10-нан астам өнім түрлері оның ішінде томат пастасы, аджика, салат, қарбыз, қауын балы өндірілуде. Бұл өнімдер облыс көлемінде, Астана, Қарағанды, Алматы өңірлеріне өткізілуде. Биылғы жылға 100 мың банка жасалған. Шикізат ретінде өзіміздің еккен қызанақ, қауын қарбыз тәтті, ащы бұрыштарды өңдеп, консерві шығарып жатырмыз. Маусымаралық кезеңде 10 адам жұмыс жасайды. Болашақта өнім түрлерін 20-ға жеткізіп, сусын түрлерінде шығару жоспарлануда,- дейді Қанат Мұсаев.</blockquote><img src="https://knadmin.beoblood.kz/uploads/Shieli_baspas_z_tury_8fad00b473.jpg" alt="Шиелі баспасөз туры.jpg">Наубайхана ашып 20 жылдан бері жұмыс жасап келе жатқан Ажмитова Арманкүл бүгінде Шиелі халқын нан өнімдерімен қамтамасыз етіп келеді. Бүгінде наубайханада 20 азаматша жұмыс жасайды. Нан, тоқаштар, торттың түр-түрін шығарып, ауыл-аймаққа сатып келеді. Болашақта Шиелі өңірін нанмен толық қамтамасыз етуді жоспарлауда.БАҚ өкілдері «Досымбетов К» ЖК-нің жиһаз жасау цехының барысын аралады. Бұл цех 2020 жылдан бастап жұмыс жасайды және жылына 1000 дана жиһаз өндіреді. Қазіргі таңда тапсырыс бойынша үйге қажетті барлық жиһаз түрлерін шығаруда. Болашақта цехты кеңейтіп, көптеген адамдарды жұмыспен қамту көзделуде.Сапар соңында ЖК «Тұрлыбаев Досжан» күріш ақтау зауытының жұмыс барысын көрді. Бұл зауыт өткен жылы іске қосылған тәулігіне 150 тонна күріш өнімін шығаруда. Қазіргі уақытта 15 адам жұмыспен қамтылған. Күріштің Лидер, Камолина, Маржан сорттары шығарылады. Одан бөлек, мал азығы өңделіп Қазақстанның ішкі нарығына жіберілуде.<img src="https://knadmin.beoblood.kz/uploads/Shieli_audany_baspas_z_tury_f447f1fe0b.jpg" alt="Шиелі ауданы баспасөз туры.jpg">Фото: Шиелі ауданы әкімінің баспасөз қызметі

Шиеліде "Ауыл аманаты" жобасы аясында жүйелі жұмыс жүргізілуде

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев «Қазақмыс» корпорациясының Ұлытау облысындағы кенішінде тау массасының құлауы салдарынан қаза болған жұмысшылардың туған-туыстары мен жақындарына көңіл айту жеделхатын жолдады, – деп хабарлайды <a href="https://kaz.inform.kz/news/memleket-basshisi-ulitau-oblisinda-kenshlerdn-kaza-tabuina-baylanisti-konl-aytti-6f0897/">ҚазАқпарат.</a>Мемлекет басшысы Үкіметке төтенше жағдайдың мән-жайын мұқият тексеру жөнінде міндет жүктеді.Салалық ведомстволар мен өңір әкімдігіне марқұмдардың отбасыларына барлық қажетті көмек көрсету туралы тапсырма берілді.Осыған дейін Ұлытау облысындағы шахтада апат болып, <a href="https://kyzylorda-news.kz/kogam/ulytau-oblysyndaghy-shahtada-apat-bolyp-7-adam-toetenshe-zhaghdajda-khaldy-18-02-2025">7 адам төтенше жағдайда</a> қалғаны туралы жаздық. Ресми дерекке қарағанда, шахтада тау массасы құлаған.Оқиғаға байланысты&nbsp;үкіметтік комиссия құрылды, оны&nbsp;Премьер-Министрдің орынбасары Қанат Бозымбаев басқарады.Ұлытау облысы ТЖД жұмыскерлердің тізімін жариялады.«Қазақмыс» корпорациясының хабарлауынша, алдын ала мәліметке сәйкес корпорация кеніштеріне тән емес&nbsp;табиғи газдың жарылысы болған.«Жомарт» кенішінде көз жұмған жеті жұмысшының да денесі табылды.&nbsp;Төтенше жағдайлар министрлігі баспасөз қызметінің хабарлауынша, жұмысшылардың денесі жоғарыға көтеріліп, сот-медициналық сараптама жүргізу үшін полиция қызметкерлеріне тапсырылды.Фото: Ақорда

Мемлекет басшысы Ұлытау облысында қаза тапқан кеншілердің отбасына көңіл айтты

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбек жұмыс сапарымен Жосалы кентіндегі бірқатар маңызды нысандарды аралап, олардың қазіргі жағдайымен танысты.Алдымен аудан басшысы «ОДСП» Арал өндірістік бөлімшесінде болып, мекеменің қызметі мен жұмыс барысын бақылады. Су ресурстарын тиімді пайдалану және сумен жабдықтау жүйесінің тұрақтылығын қамтамасыз ету – аса маңызды мәселе. Осы орайда, аудан әкімі бөлімшенің жұмысына назар аударып, өндірістік процестерді жетілдіру қажеттігін атап өтті. Сондай-ақ, бөлімшеге қарасты №4-А насос станциясының қызметімен танысып, нысанның техникалық жай-күйін қарап шықты.Одан кейін аудан әкімі орталық стадионның жағдайын көріп, оның инфрақұрылымын жақсарту, тұрғындардың спортпен шұғылдануына қолайлы жағдай жасау мәселелерін талқылады.Сонымен қатар, бос тұрған аудандық тарихи-өлкетану мұражайының ғимаратына барып, оның қазіргі жай-күйін көріп шықты. Ғимаратты тиімді пайдалану мәселесін сала мамандарымен жан-жақты талқылады.Сапар барысында Жандос Еркінбек «Қармақшы Сушар» өндірістік учаскесінің жұмысымен де танысты. Су шаруашылығы саласы – ауыл шаруашылығы мен экологиялық тұрақтылықтың басты факторы. Осы ретте, аудан әкімі мекеме жұмысының тиімділігін арттыру, сумен қамту жүйесін жетілдіру қажеттігін айтып, сала мамандарына нақты міндеттер жүктеді.Жұмыс сапары барысында аудан әкімі аталған нысандардың бірқатар бағыттары бойынша жұмыстарды күшейту жөнінде тиісті тапсырмалар берді.Фото: Қармақшы ауданының әкімдігі

Қармақшы: Аудан әкімі әлеуметтік және өндірістік нысандарды аралады

<a href="https://kyzylorda-news.kz/">Kyzylorda-news.kz</a> Қармақшы ауданы әкімі аппаратының басшысы Диас Асылбекұлының төрағалығымен «Таза Қазақстан» экологиялық акциясын жүзеге асыру бойынша арнайы жиын өтті. Жиынға мемлекеттік мекемелер мен кәсіпорын басшылары, сондай-ақ кент және ауылдық округ әкімдері қатысты.Аппарат басшысы күн тәртібіндегі мәселені талқылай отырып, экологиялық акция аясында кең көлемді жұмыстар жүргізу қажеттігін атап өтті. Ол санитарлық тазалықты сақтау, көркейту және көгалдандыру шараларын қарқынды жүргізу бойынша нақты міндеттер жүктеді.Сонымен қатар, мекемелер мен ұйымдарға ғимараттардың қасбетін әктеу және сырлау, аулаларды тазарту жұмыстарын уақтылы орындауды тапсырды.Кеңес барысында мемлекеттік мекемелерде орнатылған Қазақстан Республикасының Мемлекеттік Рәміздерінің стандарттарға сәйкес қолданылуын қатаң сақтау қажеттігі ескертілді. Аппарат басшысы зақымданған рәміздерді дер кезінде ауыстырудың маңыздылығына ерекше назар аударды.Сондай-ақ, жиында мемлекеттік қызметкерлер мен бюджеттік сала қызметкерлерінің еңбек тәртібін және жұмыстан тыс уақыттағы тәртіп нормаларын сақтау мәселесіне қатысты нақты тапсырмалар берілді. Оған қоса, қызметкерлер арасында лудоманияның (ойынқұмарлықтың) таралуы мемлекеттік қызметтің беделіне нұқсан келтіретінін және еңбек тәртібіне кері әсер ететінін атап өтті. Осыған орай, мекеме басшыларына түсіндіру жұмыстарын күшейтіп, қызметкерлер арасында алдын алу шараларын жүргізу жөнінде нақты тапсырмалар берілді.Фото: Қармақшы ауданының әкімдігі

Тазалық пен тәртіп басты назарда

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте өңірдегі жобалардың іске асырылуы, құрылысы жүріп жатқан нысандардағы жұмыс барысы, басқа да өзекті мәселелер талқыланды.Жауапты басқарма басшылары тұрғын үйлер мен әлеуметтік нысандардың құрылыс қарқыны туралы баяндады. Аймақ басшысы жұмыстың кестеге сәйкес жүргізілуін қатаң қадағалауды ескертті. Әсіресе, әлеуметтік нысандарды уақытылы аяқтап, қолданысқа беру өте маңызды екені айтылды.Мұнан бөлек, республикалық бағдарламаларға мониторинг жүргізу, тазалық және алдағы көктемгі маусымда көркейту-көгалдандыру жұмыстарын ұйымдастыру, бюджет қаражатын тиімді игеру мәселелері талқыланды.Мәжіліс соңында Нұрлыбек Машбекұлы жауапты тұлғаларға бірқатар тапсырма берді.<img src="https://knadmin.beoblood.kz/uploads/M_zhilis_akimat_8c3a7dd7ef.jpg" alt="Мәжіліс акимат.jpg">Фото: Қызылорда облысы әкімінің баспасөз қызметі

Архив