<a href="https://kyzylorda-news.kz/">Kyzylorda-news.kz</a> 6 қазан - республикалық референдум. Маңызды күнде Қызылорда өңірінің азаматтары дауыс беруге белсенді қатысуда.Дауыс беру күніне дейін өзге өңірден келген немесе басқа да себептермен өз учаскесінен тыс жерде дауыс беруге ниет білдірген азаматтар учаскелерден есептен шығару куәліктерін алды.Аймақта 165 азамат есептен шығару куәлігін алуға өтініш жазған. Оның 87-і Қызылорда қаласынан, 78-і аудандардан алған.Еске салайық, референдум күні облыс бойынша 492 380 азамат дауыс беруге құқылы.Өңірде азаматтардың учаскесін анықтауға арналған 179 онлайн сервис жұмыс істейді. Сондай-ақ, азаматтарды уақытша тіркеу қызметімен айналысатын 5 онлайн учаске бар.Облыста 380 референдум учаскесі жұмыс істейді. Мұнда 2652 комиссия мүшелері қызмет атқарады.

Референдум: 165 азамат есептен шығару куәлігін алды

<a href="https://kyzylorda-news.kz/">Kyzylorda-news.kz</a> Сенатор Геннадий Шиповских Үкімет басшысына жолдаған депутаттық сауалында TikTok әлеуметтік желісін реттеуді күшейту мәселесін қозғады, деп хабарлайды <a href="https://egemen.kz/">Egemen.kz</a>.&nbsp;Платформаны пайдаланушылардың көбейіп бара жатқанын және оның ішінде жасөспірімдердің көптігін айтқан депутат аталған платформа мазмұнының теріс әсеріне алаңдаушылық білдіріп, мәселе көтерді.Сенатордың айтуынша, кейбір пайдаланушылар TikTok-ты жақсы мақсатта пайдаланып жатса да, бұл шөлге тамған тамшыдай. Білім деңгейін арттыру, тарихты зерделеу, т.б. дәйекті тақырыптарға қызығушылық танытатындар өте аз.&nbsp;Депутаттың пікірінше, балалардың психикасы мен жалпы денсаулығына теріс әсер ететін, сондай-ақ киберқауіпсіздік пен деректердің құпиялылығына қауіп төндіретін бейнекөріністер платформада кеңінен таралып жатыр. Франция, Канада, Қырғызстан сияқты көптеген елдер TikTok-ты пайдалануды шектеу жөнінде шаралар қабылдаған.Геннадий Шиповских балаларды қорғау және ұлттық қауіпсіздікті нығайту мақсатында бірқатар ұсыныс тастады.<blockquote>«TikTok платформасы экстремизмді, радикализмді, сепаратизмді, шектен тыс қауіпті және моральдық құндылықтарға қайшы контенттерді анықтау және шектеу бойынша нақты алгоритмді ұсынуы керек. Сондай-ақ TikTok платформасы жас балаларды онлайн қауіпті контенттен қорғау мақсатында YouTube Kids секілді балаларға арналған арнайы желі ұсынуы тиіс. 13 жасқа толмаған балалардың TikTok-қа ата-анасының телефонынан кірген жағдайда FaceID технологиясы арқылы бұғаттау механизмін қарастыру керек. Олай болмаған жағдайда елімізде TikTok платформасын бұғаттауды сұраймыз. Бұл мәселелердің шешімін табу ел азаматтарының денсаулығын және моральдық құндылықтарын сақтап қалуға, сондай-ақ жастар арасында таралып жатқан қауіпті әдеттерді азайтуға бағытталған қадам болмақ», деді сенатор Геннадий Шиповских.</blockquote>Фото: senate.parlam.kz

TikTok мазмұнының көп бөлігі қауіпті – сенатор

<a href="https://kyzylorda-news.kz/">Kyzylorda-news.kz &nbsp;</a> Бүгін еліміз бойынша республикалық референдум өтуде. Маңызды саяси науқанда учаскеге алғаш болып келген 103 жастағы майдангер өз таңдауын жасады.Сырдария ауданында тұратын Ұлы Отан соғысының ардагері Яхия Тасыров референдум күні алғашқылардың бірі ретінде өз учаскесінде бюллетень алып, дауыс берді. Қария бұл күннің маңыздылығын атап өтіп, комиссия мүшелеріне ақ батасын берді.<blockquote>&nbsp;Біз қазақ «Алға тартқан озады, кейін кеткен тозады» деген тәмсілге бас иген халықпыз. Бірлік әрқашанда маңызды. Ел үшін өзекті істерге үлес қосуымыз керек. Сондықтан әрбір саяси науқан кезінде өз таңдауымды жасаймын. Мемлекеттің дамуы келешегіміз үшін қажет. Ұрпақтарымыз аман болсын,-деді майдангер.</blockquote>Айта кетейік, аймақта 380 референдум учаске бар. Дауыс беру 20.00-ге дейін жалғасады. Түскі 12.00-ге дейін азаматтар үйден дауыс беруге өтініш қалдыра алады.Өңір бойынша 492 380 тұрғын дауыс берушілер тізіміне енген.Фото: Сайлау комиссиясы

103 жастағы майдангер алғаш келіп өз таңдауын жасады

<a href="https://kyzylorda-news.kz/">Kyzylorda-news.kz&nbsp;</a> Қызылорда өңірінің тұрғындары маңызды саяси науқан республикалық референдумға қатысып, өз таңдауларын жасады.Таңсәріден учаскеге ерте келген азаматтар үшін комиссия мүшелері сыйлықтар үйлестірді.Айта кетейік, аймақта 380 референдум учаскесі бар. Дауыс беру 20.00-ге дейін жалғасады. Түскі 12.00-ге дейін азаматтар үйден дауыс беруге өтініш қалдыра алады.Өңір бойынша 492 380 тұрғын дауыс берушілер тізіміне енген.Фото: Сайлау комиссиясы

Референдум: Алғаш келген дауыс берушілерге сыйлық берілді

<a href="https://kyzylorda-news.kz/">Kyzylorda-news.kz</a> Бүгін – республикалық референдум! Таңғы сағат 7.00-де Қызылорда өңіріндегі барлық референдум учаскелері ашылып, өз жұмысын бастады.Аймақта 380 референдум учаскесі бар. Оның 126-ы Қызылорда қаласында, 254-і аудандарда орналасқан.Учаскелердің 27-і азаматтардың уақытша болу орындары яғни жабық учаскелер қатарында. Бұл учаскелерде тізімге енген азаматтар толық дауыс беріп болса, дауыс беру уақыты ерте аяқталуы мүмкін. Олар әскери бөлімдер, емдеу-профилактикалық мекемелері, тергеу изоляторлары және тағы да басқа орындар. Сондай-ақ, вахталық әдіспен жұмыс істейтін мекемелердегі 6 учаскеде дауыс беру таңғы 6.00-де басталды.Айта кетейік, өңірде 492 380 азамат дауыс беруге құқылы. Тұрғындар кешкі 20.00-ге дейін өз аумағындағы учаскелерге келіп дауыс бере алады.Фото: Сайлау комиссиясы

Референдум: Қызылорда облысының 380 учаскесінде дауыс беру басталды

<a href="https://kyzylorda-news.kz/">Kyzylorda-news.kz</a> Бүгін – республикалық референдум!Қызылорда өңіріндегі вахталық әдіспен жұмыс істейтін мекемелер мен әскери бөлімшелердегі 6 учаскеде дауыс беру таңғы 6.00-де басталды.6 учаскеде 8620 азамат дауыс беруге құқылы.Айта кетейік, өңірде 492 380 азамат дауыс беруге құқылы. Тұрғындар кешкі 20.00-ге дейін өз аумағындағы учаскелерге келіп дауыс бере алады.Фото: ашық дереккөз

Архив

Референдум: 165 азамат есептен шығару куәлігін алды

TikTok мазмұнының көп бөлігі қауіпті – сенатор

103 жастағы майдангер алғаш келіп өз таңдауын жасады

Референдум: Алғаш келген дауыс берушілерге сыйлық берілді

Референдум: Қызылорда облысының 380 учаскесінде дауыс беру басталды

Қызылордада 6 учаскеде дауыс беру таңғы 6-да басталды