Kyzylorda-news.kz. Асқар Тоқмағамбетов атындағы қалалық мәдениет үйінде облыстық білім бақсармасының ұйымдастыруымен «Наурыз нұры» салтанатты шарасы өтті.Білім саласының ардагерлері, басқармаға қарасты мекеме басшылары және ұстаздар қауымы қатысқан мерекелік жиында басқарма басшысы Мейрамбек Шермағанбет Әз-Наурыз мейрамымен құттықтап, ізгі ниетін білдірді.<blockquote>Баршаңызды көктемнің ең тамаша мерекесімен шын жүректен құттықтаймын! Наурыз ықылым заманнан бері ырыс пен ынтымақтың, татулық пен тазалықтың, бірлік пен кісіліктің мейрамы болып есептеледі. Табиғат иіген, көк тас жібіген Наурызда мейірім шаттыққа ұласып, барша жұрт ырыздыққа кенеледі. Бұл күні барша жұрт ақ дастархан жайып, ренішті жандар қайта табысады. Сол үшін түсіністікті ту етіп, елді бірлік пен ынтымаққа шақыратын Наурыз мерекесінің еліміз үшін маңызы ерекше. Өткен жыл көлемінде ауқымды жұмыстар атқарылды. Алда жүзеге асырылатын жобалар бұдан да ауқымды. Біз бұл жұмыстарды бірлесіп жүзеге асыратын боламыз. Бұл жолда Сіздердің еңбектеріңіздің ерекше екенін атап өткім келеді» - деді басқарма басшысы.</blockquote>Салтанатты шарада аймақтың білім саласын дамытуға ерекше үлесін қосып жүрген бірқатар педагог басқарма басшысының «Құрмет грамотасымен» және «Алғыс хатымен» марапатталды.Мейрамбек Шермағанбет ұстаздардың білім берудегі ерен еңбегін сөз етіп, алғысын білдірді. Сондай-ақ, атқарылған жұмыстарды баяндап, жүйелі жоспарларымен бөлісті.Мерекелік шарада ұлағатты ұстаздар концерттік бағдарламаны тамашалады.<img src="https://knadmin.beoblood.kz/uploads/FB_IMG_1679115935488_bbf8adbde1.jpg" alt="FB_IMG_1679115935488.jpg"><img src="https://knadmin.beoblood.kz/uploads/FB_IMG_1679115925311_6754c846e4.jpg" alt="FB_IMG_1679115925311.jpg"><img src="https://knadmin.beoblood.kz/uploads/FB_IMG_1679115930611_5a4c9426ff.jpg" alt="FB_IMG_1679115930611.jpg">

«Наурыз нұры»: Басқарма басшысы ұстаздарды мерекемен құттықтады

<a href="https://kyzylorda-news.kz/">Kyzylorda-news.kz.</a> Қармақшы аудандық ауруханасының гинекология бөлімі талапқай сай қызмет көрсетуде. Онда науқастарға арналған 8 палата бар. Оның ішінде тәулік бойы жататын 10 орын болса, қалған 8 орын күндізгі стационарда жататын науқастарға арналған.Бөлімнің бізді аға мейіргері Гүлжайна Темірбаева мұндағы әрбір таң дәрігерлік тексерістен басталатынын жеткізді. Сағат 8.00-де бөлім мамандары жұмысқа кіріседі. Ал 9.00-ден бастап акушер-гинеколог дәрігер мен медбикенің қатысуымен әрбір науқастың денсаулығын қарап, қадағалайды. Мұнан соң науқастардың ем-домы мен түскі асқа жалғасады. Сағат 16.00-де жұмыстың екінші ауысымы басталады.Білім, біліктілік, мейірім, еңбек пен адалдық. Бұл дәрігер бойында болатын қасиеттер. Бірақ бұның бәрінен дәрігерге қажет қасиет – шыдамдылық. Күштеп дәрігер жасай алмайсыз. Медицинаға тек жүрек қалауымен келген адамдар ғана мамандыққа адал болып қалады. Осындай антына адал жанның бірі Ақтоты Тайбағарова бүгінде гинекология бөліміне басшылық етеді.Сонымен қатар, акушер Жанат Дембаева, медбикелер Ләззат Жүсіпова, Гүлнұр Пірманова, Салтанат Үсенбаева, Әсем Наурызбаевалар қыз-келіншектердің саулығы жолында аянбай жұмыс істейді. Науқастарға мезгілімен ас тарату қызметін Асыл Сейілова атқарады. Ал шаруашылық ісіне Сәуле Алматова жауапты. Жұмысы көзге көріне бермейтін, әйтсе де тазалықты басты назарда ұстайтын аяжандардың еңбегі бір төбе. Мұнда Рахима Кенжалиева, Мира Әбиева, Жайсаң Нұрбекова, Сәуле Қарашолақова сынды аяжандар еңбек етеді. Бөлімшеде заманауи үлгідегі кольпоскоп аппараты, монитор, көпфункционалды кресло жұмыс істеп тұр. Сонымен қоса бөлімшеде бөлім меңгерушінің кабинеті, дәрігерлер бөлмесі, аға мейіргер кабинеті, ем-шара, әйелдер көрінетін бөлме мен асхана, тазалық, науқастарға арналған 8 палата бар. Оның ішінде тәулік бойы жататын 10 орын болса, қалған 8 орын күндізгі стационарда жататын науқастарға арналған.<blockquote>«Дәрігер болу үшін бейімділік, икем, қабілет қасиеттері аздық етеді. Сондай-ақ науқас адамның сеніміне кірбің келтірмей, рухани қайрат беру де маңызды. Сырқат жандарға ем-шара жүргізумен қатар жүрегіңді де жұмсай білуіңіз қажет. Дәрігерлік мамандықтың сыры – ең әуелі адамға деген сүйіспеншіліктен тұрса керек. Ұжымда ең бірінші кезекте бірлікті алдыға қоямыз. Ұжымдастар арасында ауызбіршілікке жік түсірмей, тізгінді қай уақытта да тең ұстауға тырысамыз. Негізгі жұмысымыз – әйел-аналардың саулығын бақылауда ұстап, көмек көрсету. Осы орайда жүктілікті сақтау, жетілмей қалған өлі ұрық, ұрықтың үзілу қаупі, жыныс жүйесінің қабыну аурулары, түсік, токсикоз, медициналық аборт, босанғаннан кейінгі асқынулар диагнозымен ем жүргізіміз. Сонымен қоса жатырдан тыс жүктілік операциясы, аналық без кистасы операциялары жасалынады» дейді бөлім меңгерушісі.</blockquote>«Ақ халатты абзал жанның ем-домы алақаны мен жүрегінде» деп халқымыз айтқандай, күнделікті тірлікте осы мейірім иелерінің көзсіз ерліктері мен адамзат баласының денсаулығына қорған бола білуін елей бермейді екенбіз. «Біздің бөлім әйелдерді емдейтін болған соң оларға қатысты қандай да бір аурулар болса, соның барлығына дерлік ем жүргіземіз. Ауыр жағдайда келген науқастарға алғашқы көмек көрсетіп, қан тамырына сұйықтық құямыз. Ал қан кеткен жағдайда, оның себебін анықтауға дереу кірісеміз. Қан қысымын өлшеп, қадағалауда ұстап, ем жүргізумен қатар, аурудың алдын алуға тырысамыз. Ана құрсағына біткен шарананың түсіп қалмауы мен сақталуына жағдай жасаймыз. Әрбір ана мен бала денсаулығын қадағалап, түсік тастауына жол бермеуге қолдан келгенімізді жасаймыз. Аяғы ауыр келіншектер қан кету орын алғанда біздің бөлімге бар үмітін арқалап келеді. Сәбиімді аман алып қалса екен дейді. Мұндайда дәрігер мен медбике жылдам қимылдап ем-домын береді. Науқасты сабырлыққа шақырып, алаңсыз демалуын назарға аламыз. Жалпы жұмыс процесі күрделі. Өйткені анаға да, балаға да күтім жасап, олардың денсаулығына жауапкершілік аламыз. Болашақ ана денсаулығының жақсарып, ауруханадан жағдайы жақсарып шығуына ықпал етеміз» дейді аға мейіргер Гүлжайна Темірбаева.&nbsp;&nbsp;

Қармақшыдағы гинекология бөлімі талапқа сай қызмет етіп тұр

<a href="https://kyzylorda-news.kz/">Kyzylorda-news.kz.</a>&nbsp; Мемлекеттік тілде сөйлесіп, өз тілінде ойын еркін жеткізе алған жұрттың ұлттығы еш уақытта жоғалмайды. Ұлттың сақталуына да, жоғалуына да себеп болатын нәрсенің ең қуаттысы – тіл. Сөзі жоғалған ұлттың өзі де жоғалады. Өз ұлтына басқа жұртты қосамын дегендер ең әуелі сол жұрттың тілін аздыруға тырысады.Иә, бүгінде мемлекеттік тіл саясатына қатысты бірқатар пікірлер ашық алаңдар мен мінберлерде айтылып жүр.&nbsp;Сол жағалаудағы Жастар ресурстық орталығында облыстық қоғамдық даму басқармасы тілдерді оқыту орталығының ұйымдастыруымен өткен «TedX» форматта «Жастар және тіл» тақырыбындағы кездесуде біраз мағлұматтар айтылды.Іс-шараның мақсаты – мемлекеттік тіл саясатын дамыту, мәдениетін қалыптастыру және жастар арасында қазақ тілінің мәртебесін арттырып, тазалығын сақтауға шақыру.Кездесуге облыстық қоғамдық даму басқармасы басшысының орынбасары Артур Қамбаров қатысты.<blockquote>Бүгінде тіл мәселесі қоғамның өзекті түйткілге айналғанын бұқаралық ақпарат құралдарында, әлеуметтік желілерде айтылып, жазылып жүрген пікірлерден білуге болады. Әсіресе жастармен сөйлесу, түрлі қосымшалар арқылы хат-хабар алмасу кезінде қолданатын сөздерінің арасында тіл тазалығын сақтамайтынын байқап жүрміз. Осындай мәселелермен күресу үшін жастарға қандай бағыт-бағдар беруге болады? Мемлекеттік тілдің қолданыс аясын кеңейту үшін жастар қай бағытта қандай үлес қоса алады? Бүгінгі ашық пікір алаңында осы сұрақтарға жауап іздеп, бірқатар мәселелер қамтылады, – деді А.Қамбаров.</blockquote>Ашық пікірталас алаңында бірнешеше мәселелер қозғалды. Қатысушы спикерлер мен сарапшылар мемлекеттік тіл аясында өз ойларымен бөлісті.Кездесуде облыстық Жастар ресурстық орталығы жанындағы «Ақиқат» пікір-сайыс клубының жетекшісі Айжан Орынбасар «Сахнадағы сөйлеу мәдениеті» тақырыбында ой қозғады.Ал «Қоғамдық келісім» КММ-нің аға сарапшысы Елена Пак этнос өкілдері арасында мемлекеттік тілді үйрету мәселелері турасында кеңінен тарқатты.Облыстық тілдерді оқыту орталығының Қазалы ауданы бойынша мемлекеттік тіл оқытушысы Жұбатқан Танжанов «Акцентпен сөйлеу әбестік емес» тақырыбында өз ойымен бөлісті. Ол өзге тілді меңгеріп, өз тілінде сөйлей алмай жүргендердің қатары артып бара жатқанына назар аудару керегін баса айтты. «Өзге тілдің бәрін біл, өз тіліңді құрметте!» демекші қазақ тілінде таза сөйлеп, өзге тілде акцентпен сөйлеудің еш әбестігі жоғын дәлелді мысалдар арқылы нақтылады.Мемлекеттік тіл туралы көкейтесті мәселелерді спикерлер ғана емес кездесуге келген сарапшылар да тарқатып айтты. Қорқыт ата атындағы Қызылорда университетінің аға оқытушысы Аягөз Әбдіразақова тіл мәселесінің өткен ғасырдың 20-жылдары жарыққа шыққан басылымдарда жиі көтерілгенін алға тартты. Бір ғасырға жуық уақыт өтсе де әлі өзектілігін жоймаған.Қалалық «Ақмешіт апталығы» газетінің бас редакторы Әзиз Батырбеков аталған мәселеге қатысты пікірімен бөлісті. Мемлекеттік тіл саясатын жоғары деңгейде дамытуда әр азаматтың үні, қосар үлесі болуы тиіс.Кездесуде белсенді қатысушылар басқарма басшысының Алғыс хатымен және арнайы сыйлықпен марапатталды.&nbsp;

Тілге құрмет – ұлтқа міндет

Kyzylorda-news.kz. &nbsp;Мәжіліс және мәслихаттар депутаттарының кезектен тыс сайлауы алдындағы тыныштық күні басталды, деп хабарлайды ҚазАқпарат.18 наурыз сағат 00:00-ден бастап депутаттыққа кандидаттардың сайлауға қатысты үгіт-насихат немесе басқа да жұмыс жүргізуіне тыйым салынған.Айта кетсек, сайлауалды үгіт-насихат науқаны 18 ақпанда сағат 18.00-де басталап, бүгін аяқталды.Орталық сайлау комиссиясының мәліметінше, ертең өтетін сайлауға 12 032 550 дауыс беруші тіркелді.<blockquote>«Кандидаттарды ұсыну сайлауды тағайындау туралы Жарлық жарияланған күннен басталады және 20 күнге созылады, 8 ақпанда әр аймақта жергілікті уақыт бойынша сағат 18.00-де аяқталады. Үміткерлерді тіркеу 20 қаңтардан 18 ақпанға дейін жалғасады. Сайлау алдындағы үгіт-насихат 18 ақпан күні сағат 18:00-де басталып, 18 наурыз сағат 00:00-ге дейін жүргізіледі. 18 наурыз – тыныштық күні. 19 наурыз – сайлау күні», - <a href="https://www.inform.kz/kz/mazhilis-pen-maslihat-saylauyna-umitkerlerdi-usynu-buginnen-bastaldy_a4025949">деген еді</a> ҚР Орталық сайлау комиссиясы төрағасының орынбасары Константин Петров.</blockquote>Оның айтуынша, сайлау күні учаскелерде дауыс беру жергілікті уақыт бойынша сағат 07:00-ден 20:00-ге дейін жүргізіледі.&nbsp;

Сайлау-2023: Бүгін – тыныштық күні

Kyzylorda-news.kz. «Қазгидромет» РМК-сы 18-ші наурыздағы күн райы болжамын жариялады.Кәсіпорын таратқан деректерге қарағанда, атлантикалық циклон жырасының әсерінен еліміздің басым бөлігінде күн ашық болады.Еліміздің солтүстігінде, оңтүстік-шығысында, шығысында және орталығында атмосфералық фронталды бөліктердің өтуіне байланысты жауын-шашын (жаңбыр, қар) жауып, көктайғақ болады.ҚР бойынша тұман түсіп, жел күшейеді, еліміздің оңтүстік-батысында шаңды дауыл тұрады.

Архив

«Наурыз нұры»: Басқарма басшысы ұстаздарды мерекемен құттықтады

Қармақшыдағы гинекология бөлімі талапқа сай қызмет етіп тұр

Тілге құрмет – ұлтқа міндет

Сайлау-2023: Бүгін – тыныштық күні

Сенбіге арналған ауа райы болжамы