Kyzylorda-news.kz. Еуропа чемпионатында 24 құрамадан 16 команда қалды. Ертең Уэльс пен Дания ширек финалға жолдама кімге бұйыратынын анықтайтын болады.
Еуропа чемпионаты топтық кезеңнің өзінде спортсүйер көрерменге әсерлі көңіл-күй сыйлады. Ертең, 26 маусымда 1/8 финал басталып, қызықты тартыстар өтеді. Назарларыңызға Sputnik Қазақстанның матч өтетін күн мен уақыт кестесін ұсынамыз.
- 26 маусым, 22:00: Уэльс – Дания (“Амстердам-Арена”, Нидерланды);
- 26 маусым, 01:00: Италия – Австрия (“Уэмбли”, Лондон);
- 27 маусым, 22:00: Нидерланды – Чехия (“Пушкаш Арена”, Будапешт);
- 27 маусым, 01:00: Бельгия – Португалия (“Олимпико де Севилья – Ла Картуха”, Севилья);
- 28 маусым, 22:00: Хорватия – Испания (“Паркен”, Копенгаген);
- 28 маусым, 01:00: Франция – Швейцария (Ұлттық стадион, Бухарест);
- 29 маусым, 22:00: Англия – Германия (“Уэмбли”, Лондон);
- 29 маусым, 01:00: Швеция – Украина (“Хэмпден Парк”, Глазго).
Ойын уақыты Нұр-Сұлтан уақыты бойынша көрсетілген.
Еске салсақ, Түркия, Ресей, Польша, Венгрия, Солтүстік Македония, Шотландия, Финляндия және Словакия құрамалары турнирден шығып қалды.