**[Kyzylorda-news.kz.](https://kyzylorda-news.kz/) Қызылорда облысының Қармақшы ауданы Иіркөл ауылының тұсындағы «Шымкент-Самара» тасжолының бойында екі жеңіл автокөлік соқтығысты. Оқыс оқиғадан 1 адам қайтыс болып, 7 адам ауруханаға жеткізілді.** > _«Жол-көлік оқиғасы бойынша ҚР Қылмыстық кодексінің 345-бабы 3-бөлігі бойынша сотқа дейінгі тергеу басталды. Қазір тиісті сараптамалар тағайындалды», деп мәлім етті Қызылорда облыстық полиция департаментінен._ Қазір облыс аумағында ауа райы қолайсыз болып тұр. > _«Жолдағы көктайғақ барлық жол қозғалыс қатысушылары үшін қауіпті. Осыған орай жол қауіпсіздік ережелерін қатаң сақтап, жолда мұқият болуды ескертеміз», – деді департамент өкілі._ Еске сала кетсек, бұған дейін Қармақшыда екі жүк көлігі [соқтығысып](https://kyzylorda-news.kz/kogam/qarmaqshydaghy-zhol-apatynan-bir-adam-qaza-tapty-foto-38969/), бір адам көз жұмған болатын.