<a href="https://kyzylorda-news.kz/">Kyzylorda-news.kz</a> ақпараттық агенттігінің 25 қарашаға арналған жұлдыз-жорамалы.
Тоқты
Айналаңыздағы адамдармен қарым-қатынаста сақ болыңыз. Кикілжіңдерден бойды аулақ ұстаңыз.
Торпақ
Жаман ойлардан аулақ болыңыз. Сонда ғана денсаулығыңызға еш қауіп жоқ. Сонда»-ақ өз-өзіңізге ауру шақырмаңыз.
Егіздер
Белсенділік танытып, барлық шаруаға үлгеремін десеңіз де жоспарыңыз жүзеге аспайды. Тек нақты тапсырмалармен айналысыңыз.
Шаян
Айналаңызда қызықты оқиғалар орын алады. Алайда ешқайсысында белсенділік танытпаңыз. Көзге түспеуге тырысыңыз.
Арыстан
«Біреуге ор қазба, өзің түсесің» дегенді естен шығармаңыз. Аяқтан шалу кісілікке жатпайды.
Бикеш
Бүгінгі күн тосынжайттарға толы. Өзіңіз жақсы танитын адамның ерсі қылықтар танытуы сізді таңқалдырады.
Таразы
Бүгін сәттілік серігіңіз болады. Кәсіби біліктілігіңізді арттырып қана қоймай, өзіңіз де өзгелерге білгеніңізді үйретіңіз.
Сарышаян
Жеке өміріңізде тыныштық орнаған. Бұл жағдай сізді кейде шаршатып жібереді. Сондықтан қызықты оқиғалар орын алғанын қалап тұрасыз.
Мерген
Егер артық салмақпен күресуді көздеп жүрсеңіз. Бүгінгі күн сәтті болмақ. Осы мәселеге байланысты жоспар құрыңыз.
Тауешкі
Бүгін арқаны кеңге салып, тыныштықта демаламын деп ойласаңыз, қателесесіз. Тапсырма көп, олардың барлығын тез орындау қажет болады.
Суқұйғыш
Жер дөңгелек екеніне тағы бір мәрте көз жеткізесіз. Бұрынғы сүйіктіңіз сізге жақын жерден жұмысқа орналасады.
Балықтар
Бүгін ауыр жұмыс істейсіз. Не болмаса дене шынықтыру жаттығуларымен айналысасыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Ғалымдар адам ағзасында белгісіз вирусты тапты. Зерттеушілердің болжамынша, ол ішек микрофлорасын бұзып, қауіпті инфекция тудыруы, тіпті антибиотиктерге тұрақтылықты тудыруы мүмкін екен деп жазады&nbsp;<a href="https://kaz.nur.kz/1827786-galymdar-adam-agzasynan-belgisiz-virusty-tapty.html">KAZ.NUR.KZ</a>.
Ғалымдар белгісіз вирусты науқастар биологиялық сұйықтықтар мен қан тапсырған сәтте анықтаған.
Зерттеу нәтижелеріне сәйкес, вирустың бұл түрі бактериофаг санатына жатқызылатын көрінеді. Ал вирустың мұндай түрі Escherichia coli сынды ішек бактерияларына шабуылдайды екен.
Айта кетерлігі мұндай бактериялардың кейбір мөлшері кез келген адам ағзасынан табылады. Олар адам өміріне қауіп төндірмей, керісінше пайдасын тигізеді.
Мәселен олар ауру шақыратын бактериялардың көбеюіне жол бермей, К дәруменін түзеді.&nbsp;Тағы бір қызығы, E. coli адам ағзасында шамадан тыс көп болса, ол белгілі бір ауруға әкеп соқтырады. Әсіресе ол клиникаларда көптеп кездеседі.
Осылайша олардың адам ағзасына пайдалы және зиянды тұстары бар екен. Жалпы ғылымда бактериофагтарды “қара материя” деп атайды. Өкінішке орай олар бүгінде ғалымдар тарапынан толықтай зерттелмеген.
Тағы да бір ескеретін жайт, мамандар анықтаған аталмыш вирус кең таралған болып шықты.
Олар зерттеуге қатысқан 111 адамның әр жетіншісінен аталған вирусты тапқан екен.

Ғалымдар адам ағзасынан белгісіз вирусты тапты

<a href="https://kyzylorda-news.kz/">Kyzylorda-news.kz.</a> Он жылдан кейін елімізде ауыз су тапшылығы сезіледі. Алматыда бас қосқан мамандар 2030 жылға қарай тіршілік нәрінен тарыға бастаймыз деп дабыл қақты. Бұл туралы&nbsp;<a href="https://www.ktk.kz/kz/news/">КТК</a>&nbsp;арнасы хабарлайды.&nbsp;
<blockquote>
 Халық судың да сұрауы барын ұмытқан. “Дәл қазіргідей қарқынмен тіршілік нәрін үнемсіз жұмсай берсек, алдағы он жылда су қоры 14 миллиард текше метрге азаяды”, – дейді ғалымдар. Ал оның орнын толтыратын ірі-өзен көлдер жоқтың қасы. Бар болса да, бастауын басқа мемлекеттерден алады.
</blockquote>
Егер көрші елдер трансшекаралық өзендердің арнасын жапса, Қазақстанды құрғақшылық жайлауы ғажап емес. Бұл экологиялық күрделі мәселенің түйінін шешуге мамандар бірнеше жоба ұсынып отыр. Оның бірі – ылғалды сақтайтын технологияны қолданып, ауыл шарушалығы алқаптарын үнемдеп суару дейді сарапшылар.
<blockquote>
 “Еліміздің оңтүстігінде орналасқан таулардағы мұздықтар ери бастады. Солар мұз еріп біткен соң құрғақшылық басталады деген қауіп бар. Біз суды таусылмайтын қазына деп есептейміз. Алайда судың да сұрауы бар. Сондықтан бұл іспен ғылыми тұрғыда айналысу керек”, – дейді Ұлттық экономика министрінің штаттан тыс кеңесшісі&nbsp;Ерлік Қаражан.
</blockquote>

Ғалымдар елімізде 10 жылдан кейін ауыз суға тапшы болатынын ескертті

<a href="https://kyzylorda-news.kz/">Kyzylorda-news.kz.</a> Жазушы Джеймс Чепмен әлемдегі ең үздік оқылымды кітаптардың рейтингісін түзді. Ол соңғы 50 жылда басылып, сатылған кітаптардың санына қарай зерттеді. Кейбір шығармалар үлкен тиражбен басылуы мүмкін, алайда сатылымда өтпегендіктен олар есепке алынбады.
<img src="https://kyzylorda-news.kz/wp-content/uploads/2019/11/10-kitap-infografika.jpg" alt="" />
Зерттеуде байқағанымыздай оқылымы ең көп басылым – Інжіл (Библия). Одан кейінгі орынға Мао Цзедунның қанатты сөздері басылған кітап жайғасты. Үшінші сатыдан Джоан Роулингтің «Гарри Поттерін» көруге болады.
<a href="https://aikyn.kz/society/education/12453-aelemdeg%D1%96-eng-uezd%D1%96k-oqylymdy-10-k%D1%96tap/">Aikyn.kz</a>

Әлемдегі ең үздік оқылымды 10 кітап анықталды (инфографика)

<a href="https://kyzylorda-news.kz/">Kyzylorda-news.kz.</a> Ғалымдар неліктен адам жасына жас қосқан сайын семіре беретінін анықтады. Зерттеу нәтижелері Cell Metabolism журналында жарияланды деп хабарлайды&nbsp;<a href="https://kaz.nur.kz/1828107-adam-zas-koskan-sajyn-nelikten-artyk-salmakka-ie-bolady.html">KAZ.NUR.KZ</a>.
Қартаю кезінде дененің майды жағу қабілеті төмендейді және ол тері астына, бұлшық еттерге, ішкі ағзаларға жинала бастайды. Іш қуысында ішкі майдың жинақталуы әсіресе байқалады. Бұл іш немесе висцеральды май деп аталады. Оның артық мөлшері семіздікке, екінші типі қант диабетіне және қабыну ауруларына алып келеді.
Йель мектебінің салыстырмалы медицина және иммунобиология профессоры Виша Диксит бастаған АҚШ пен Германия ғалымдары кәрі тышқандарды бақылау арқылы құрсақ майындағы иммундық В жасушалары кенеттен өсе бастағанын байқаған. Бұл метаболизмнің бұзылуына және қабынуға алып келетіні белгілі болған.
Мақала авторларының пікірінше, инфекция жас ағзаға енген кезде В жасушалары көбейеді, содан кейін инфекция жеңілгеннен кейін олар бастапқы қалпына келеді. Қартайған сайын олар азайып, іштің майында қалады, бұл семіздікке және созылмалы қабынуға алып барады.
<blockquote>
 “Бұл қант диабеті мен метаболизмнің бұзылуына бейім”, – деді Диксит.
</blockquote>
Зерттеушілер май В жасушаларда жақын макрофагтардан сигнал қабылдау арқылы өсетінін анықтады.
Одан бөлек, олар макрофагтардың сигналын азайту және май жасушаларын алып тастау арқылы В жасушаларының кеңею процесін өзгертуге және организмді жасқа байланысты метаболикалық аурулардан қорғауға болатындығын анықтады.
Бұл бағытта алғашқы қадам жасалды. В-жасушаларының көбеюін басқаратын ақуыздардың көрінісін төмендететін цитокин IL-1B, жүрек ауруларынан қорғауға арналған дайындықта қолданылады.
<blockquote>
 “Біз бұл препарат қарт адамдарда іш қуысының майындағы В жасушаларының өсуін азайта ала ма, жоқ па, соны зерттеуіміз керек”, – деді Диксит.
</blockquote>

Адам жас қосқан сайын неліктен артық салмаққа ие болады?

<a href="https://kyzylorda-news.kz/">Kyzylorda-news.kz.</a> Жапония ғалымдары ұзақ өмір сүрудің құпиясын айтты, деп жазады <a href="https://ria.ru/">РИА Новости</a>.
Басылымның мәліметіншше, ғалымдар 110 жыл және 50-80 жыл уақыт өмір сүргендердің жасушаларына зерттеулер жүргізген. Зерттеу барысында бірінші топтағы адамдарда иммун жасушалары екінші топтағыларға қарағанда 1,5 есеге көп болғаны анықталған. Сондай-ақ, олардың қанында ісікпен және түрлі инфекциялармен күресе алатын лимфоциттердің көп болатыны белгілі болды.
Осылайша, сарапшылардың айтуынша, таза ауада серуендеу уайымнан сақтап, қан айналымын жақсартып, жүрек соғу жиілігі және жалпы денсаулық көрсеткіштері дұрысталады.
<blockquote>
 “Біздің бақылауымызша, уақытын таза ауада өткізетіндердің денсаулығы, далаға мүлдем шықпайтындарға қарағанда айтарлықтай жақсы. Таза ауада серуендеудің ең бір артықшылығы екінші топтағы қант диабетінің асқындауын, жүрек-қан тамыры ауруларын, мезгілсіз өлім мен ерте туу қаупінен сақтап, оған қоса ұйқыңыз тыныш болады” , – дейді ғалымдар.
</blockquote>

Ұзақ өмір сүрудің құпиясы табылды

<a href="https://kyzylorda-news.kz/">Kyzylorda-news.kz.</a> Диетолог маман жалпы формула туралы айтты. Бұл туралы <a href="https://24.kz/kz/">«Хабар24»</a> хабарлады.
Десерттің құрамы неғұрлым күрделі болған сайын адам ағзасына соғұрлым зиянды болады екен. Маманның айтуынша, денсаулыққа ең зияндысы майға пісірілген бәліш, чак-чак пен хворост екен.&nbsp;
Екінші орында ашытқы қосып пісірілген тәттілер, одан кейін батончиктер мен кремді торттар тұратын көрінеді. Микробилогтардың да айтуы бойынша ақуызды десерттер ең зиянды болып келеді екен. Өйткені олар толық пісірілмейді.
Сондай-ақ, диетолог пайдалы тәттілерді де атады. Олар: пастила, шоколад, мармелад пен табиғи зефир.

Диетолог адам ағзасына ең зиян тәттілерді атады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Американдық ғалымдар майды көп қабылдауға негізделген кетодиета тұмаудың алдын алуға көмектесетінін айтты, деп хабарлайды&nbsp;<a href="https://stan.kz/tymaudi-aldin-aluga-komektesetin-dieta-turi-aniktaldi-324337/">Stan.kz</a> ақпарат агенттігі.
Мамандар зерттеулерін кеміргіштерге жүргізіпті. Бір апта бойы олар бір топ тышқанды құрамында майы көп өнімдермен, ал екінші топты көмірсуларға бай тағамдармен қоректендірген. Нәтижесінде, майлы өнімдерді көп тұтынған тышқандар тобы тұмау вирустарын тез жеңіпті.&nbsp;
<blockquote>
 «Егер біз бұл зерттеу қорытындысын адамдарға деген әсерін анықтай алсақ, алдағы уақытты тұмауды жеңіп шығуға да болады», деді Йель университетінің профессоры Акико Ивасаки.&nbsp;
</blockquote>
Сонымен қатар зерттеушілер май диетасы иммундық жүйенің белсенділігін арттырып, тұмау вирусын жеңуге септігін тигізетіндігін айтты.

Тұмаудың алдын алуға көмектесетін диета түрі анықталды

<a href="https://kyzylorda-news.kz/">Kyzylorda-news.kz.</a> Кешкі асты кеш ішетін әйелдер жүрек ауруларына шалдығуы мүмкін, деп хабарлайды&nbsp;<a href="https://medicalxpress.com/news/2019-11-evening-meals-female-heart.html">MedicalXpress</a>&nbsp;америкалық кардиолог Эвелин Грейверге сілтеме жасап.
Дәрігердің айтуынша, адамның ағзасы кешкі тамақтағы нәрлі заттарды қорыта алмайды.
“Кешке ішкен тамақты біздің ағзамыз қорыта алмайды. Адамдар бұл уақытта аз қимылдайды, сондықтан калория жұмсалмайды. Бұдан бөлек, кешкі және түнгі уақытта зат алмасу нашар жұмыс істейді”, – деп атап өтті Грейвер.
Нью-Йорк қаласындағы Колумбия университеті жүргізген зерттеу қорытындысы кеш тамақ ішетін әйелдердің жүрек ауруларына шалдығуы мүмкін екенін көрсетті. Зерттеуге 112 әйел қатысқан, олардың орташа жасы 33 шамасында. Олар жеген тамағы туралы ақпаратты бір жыл бойы жіберіп отырған.
Зерттеуге қатысқандардың көпшілігі кешкі алтыдан кейін тамақ ішкен, олардың денсаулығы сағат алтыға дейін ауқаттанатын әйелдерден гөрі нашар екені анықталды. Жүрек ауруларына шалдығу қаупі бар топқа кірген әйелдердің қан қысымы мен салмағы жоғары және қандағы қанттың реттелуі әлсіз болды.

Кеш тамақтанатын әйелдер қандай ауруға шалдығады?

Эволюция күні
Бүкіл әлем ғалымдары жыл сайын 24 қараша күні Чарльз Дарвин еңбегінің жарияланған күнінде арнайы мереке – Эволюция күнін атап өтеді. Дарвиннің бұл кітабы эволюциялық биологияның негізі болып саналады, алғаш рет 1859 жылдың 24 қарашасында жарық көрген.
** 
1854 жылы** Верный бекінісінің (1921 жылдан – Алматы, 1929-1997 жылдар аралығында Қазақстан астанасы) негізі қаланды. Бекіністің аумағына көп бұрышты саз балшықтан салынған қабырға (қорған) тұрғызылды жəне Кіші Алматы өзе­нінің суы толтырылған айнала ор қазылды. Бекініс қабырғасының ішінде офицерлердің үйлері, солдаттардың казармасы, шағын ағаш шіркеуі, əскер абақтысы мен қоймалар болды.
1992 жылы Абай атындағы Қазақ мемлекеттік педагогикалық университетінің атауы Абай атындағы Алматы мемлекеттік университеті болып өзгертілді.
2010 жылы Орынборда 1917-1920 жылдары Алаш Орда алғашқы қазақ үкіметінің отырысы, І және ІІ Жалпықазақ съездері өткен, 1913-1918 жылдары «Қазақ» газетінің редакциясы орналасқан, оның бас редакторы Ахмет Байтұрсынов тұрған үйлерде мемориалдық тақталардың салтанатты ашылу рәсімі өтті. Мемориалдық тақталар Қазақстан Премьер-Министрі К. Мәсімовтің бастамасымен және ресейлік биліктің қолдауымен орнатылды.
2015 жылы Қазақстанда қазақ тіліндегі 4 000 кітапты оқуға мүмкіндік беретін «kitap» тегін ұялы қосымшасы пайда болды.

24 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 24 қарашаға арналған жұлдыз-жорамалы.
Тоқты
Көшеде жүргенде немесе көлік жүргізгенде сақ болыңыз. Сондай-ақ спортпен шұғылдану барысында да дене жарақатын алу қауіпі бар.
Торпақ
Үй шаруасынан демалатын кез келді. Жол дорбаңызды жинап, саяхатқа шығыңыз. Не болмаса, алыстағы туған-туысты аралап, қыдырыңыз.
Егіздер
Бүгін жалқаулық танытасыз. Егер ауа райы жанға жайлы болса, табиғат аясында демалыс ұйымдастырыңыз немесе демалыс саябағына барыңыз.
Шаян
Бүгін ірі көлемде сауда жасамаңыз. Не болмаса қарыз қайтармаңыз. Себебі өзіңіз қаржы жағынан қиналып қалуыңыз мүмкін. Сондықтан мұны кейінге қалдырыңыз.
Арыстан
Бүгін алаңсыз демалыңыз. Үй шаруасына бола қиналмаңыз. Түстен кейін сізге көмек көрсететіндер табылады.
Бикеш
Бүгін сіздің жолыңыз болады. Барлық мәселелер мен кикілжіңдер сізді айналып өтеді. Сондай-ақ бүгін ірі көлемде сауда жасап, үй ішін жаңалайсыз.
Таразы
Бүгін ішпыстырарлық жиынға немесе кездесуге барасыз. Егер мүмкіндік болса, бұл жиынға барудан бас тартыңыз.
Сарышаян
Бүгін көңілді, белсенді адамдармен әңгімелесіңіз. &nbsp;Егер отбасылы болсаңыз, үй ішіндегі барлық мәселені шешіп алыңыз.
Мерген
Бұрын сізді жарты жолда қалдырған адаммен кездесіп, онымен біраз әңгімелесесіз. Бірақ барлық шындығыңызды айтып қоймаңыз.
Тауешкі
Бүгін өзіңіздің сүйікті ісіңізбен айналысасыз. Бұл іс кейін қосымша қаражат әкелетін табыс көзі болмақ. Сондықтан барлығын жан-жақты ойластырғаныңыз жөн.
Суқұйғыш
Бүгін біраз жерде болып, біршама мәселені шеше аласыз. Егер жақындарыңыз үй шаруасына көмектесер болса, шаршағаныңызды сезбей қаласыз.
Балықтар
Бүгін барынша сыпайы болыңыз. Әсіресе жаңа танысқан адамыңызбен әңгіме барысында мәдениеттілік сақтағаныңыз жөн.

<a href="https://kyzylorda-news.kz/">Kyzylorda-news.kz.</a> Қазақстандық боксшы Геннадий Головкин украиналық Сергей Деревянченкомен жұдырықтасқаны үшін 15 миллион доллар табыс тапты, деп жазды <a href="https://24.kz/kz/zha-aly-tar/sport/item/355622-2019-zhyly-e-k-p-gonorar-al-an-10-boksshyny-tizimi-zhariyalandy">«Хабар 24»</a>.
Vringe порталының мәліметінше, PPV сатылымын есепке алғанда GGG дәл 15 миллион пайда тапқан. Сауль Альварес екі жекпе-жегінде де қарсыластарынан екі есе көп табысқа кенелген. Бұл кездесулер&nbsp;Дэниел Джейкобс пен&nbsp;Сергей Ковалевке қарсы өткен болатын.
Ал Энтони Джошуа 2019 жылы ең мол гонорар алған боксшы атанды. Ол&nbsp;Энди Руиспен өткен&nbsp;реваншта 85 миллион доллар тапқан.&nbsp;
2019 жылы ең көп&nbsp;гонорар алған&nbsp;ТОП-10 боксшы:
<ol>
<li>85 миллион $ – Энтони Джошуа Энди Руиспен өткен&nbsp;реваншта.</li>
<li>75 миллион $ әрқайсысы – KSI мен Логан Пол өздерінің екінші кездесуінде 150 миллион доллар тапты (бұны өзара теңдей бөліседі).</li>
<li>36 миллион $ – Сауль Альварес Дэниел Джейкобспен жекпе-жекте.</li>
<li>35 миллион $ – Сауль Альварес Сергей Ковалевпен жекпе-жекте.</li>
<li>25 миллион $ – Энтони Джошуа Энди Руиспен бірінші жекпе-жекте.</li>
<li>15 миллион $ – Геннадий Головкин Сергей Деревянченкомен жекпе-жекте.</li>
<li>13 миллион $ – Энди Руис Энтони Джошуамен екінші жекпе-жекте.</li>
<li>11 миллион $ – Тайсон Фьюри Том Шварцпен жекпе-жекте.</li>
<li>10 миллион $ – Деонтей Уайлдер Доминик Бризилмен жекпе-жекте.</li>
<li>10 миллион $ – Дэниел Джейкобс Сауль Альвареспен жекпе-жекте.</li>
</ol>

Қазақстан және Қызылорда облысының жаңалықтары

Жұлдыздар не дейді?

Ғалымдар адам ағзасынан белгісіз вирусты тапты

Ғалымдар елімізде 10 жылдан кейін ауыз суға тапшы болатынын ескертті

Әлемдегі ең үздік оқылымды 10 кітап анықталды (инфографика)

Адам жас қосқан сайын неліктен артық салмаққа ие болады?

Ұзақ өмір сүрудің құпиясы табылды

Диетолог адам ағзасына ең зиян тәттілерді атады

Тұмаудың алдын алуға көмектесетін диета түрі анықталды

Кеш тамақтанатын әйелдер қандай ауруға шалдығады?

24 қараша: Атаулы күндер мен оқиғалар

Жұлдыздар не дейді?

2019 жылы ең көп гонорар алған 10 боксшының тізімі жарияланды