<a href="https://kyzylorda-news.kz/">Kyzylorda-news.kz.</a> Қытайдан Қызылордаға қатынайтын тікелей әуе рейісі жоқ. Дегенмен, коронавирустың белгілері байқалған жағдайда экипаж мүшелері мен санитарлық дәрігерлер қалай әрекет етеді?
Қызылордада қауіпті індетті жұқтыру жағдайы анықталған жоқ. Дегенмен, сақтық керек. Оқу-жаттығудың сценарийіне сәйкес Алматыдан Қызылордаға бет алған ұшақтағы жолаушыдан&nbsp; коронавирус белгілері байқалған.
<blockquote>
 Осындай хабар түскен бойда әуежай диспечері барлық емдеу-алдын алу мекемелеріне, жауапты органдарға ақпарат береді. Ұшақ қонған бойда бортқа бірінші консультативтік топ кіріп, науқастың жағдайын бағамдайды. Онымен қарым-қатынаста болған адамдарды анықтайды. Ал науқасты мынадай капсуламен оқшаулап, дереу жұқпалы аурулар ауруханасына жеткізу керек. Санитарлық қызмет ұшақта болған барлық жолаушыларды тексереді. «Осындай оқыс жағдайда құтқарушы мамандар жүйелі әрі тиімді әрекет етуі үшін оқу-жаттығудың маңызы өте зор», – дейді эпидемиологтар.
</blockquote>
Бұған дейін мамандар Қызылорда облысында Қытай азаматтарының және сол елден келген отандастарымыздың тізімі жасалғанын айтқан болатын. Мамандар Қытайдан келген азаматтарға 2 апта көлемінде медициналық бақылау жасалатынын және күніне 2 мәрте дене қызуы өлшенетінін мәлімдеді. Қандай да бір белгілер анықталған жағдайда коронавирусқа күдікті адам облыстық жұқпалы аурулар ауруханасындағы арнайы бокста оқшауланады. &nbsp;
<a href="https://24.kz/kz/zha-aly-tar/o-am/item/371242-yzylordada-koronavirus-a-arsy-o-u-zhatty-u-tti">«Хабар 24»</a>

Қызылордада коронавирусқа қарсы оқу-жаттығу өтті

<a href="https://kyzylorda-news.kz/">Kyzylorda-news.kz.</a> Ә.Тәжібаев атындағы облыстық әмбебап ғылыми кітапханада ҚМДБ-ның Қызылорда облысы бойынша өкілдігі “Жастар ісі” секторының ұйымдастыруымен студент жастармен кездесу өтті.
Еріктілер жылына орай ұйымдастырылған кездесуде &nbsp;қазақтың ұлы ақыны Абай Құнанбайұлы мен Әбу Насыр Әл–Фарабидің өмір тарихынан сыр шертіліп, шығармашылығы таныстырылды.
«Иманды жас – ел болашағы» тақырыбында өрбіген сұхбат барысында ҚМДБ-ның облыс бойынша Бас имамы Болатбек Әбуов жастарға «ата-ананы құрметтеудің мәртебесі», “көркем мінезділік”, “имандылық”‘, “мейірімді болу” тақырыптарында өнегелі насихатын айттты. Сондай-ақ Нұр-Мүбарак университетінің 4-курс студенті Абылай Кенжалыұлы «білім алудың парыздылығы», «уақытты тиімді пайдаланудың пайдасы» жайлы сүбелі ойларымен бөлісті. Ал, қалалық «Жастар ресурстық орталығы» КММ-ның директоры Сабыржан Бауыржанұлы өңірдегі ерікті азаматтардың ерен еңбектерімен таныстыра отырып, еріктіліктің маңызы мен мақсаттарын түсіндірді.
<img src="https://kyzylorda-news.kz/wp-content/uploads/2020/01/31zhastar2.jpg" alt="" />
<img src="https://kyzylorda-news.kz/wp-content/uploads/2020/01/31zhastar3.jpg" alt="" />

Қызылордалық жастар бас қосты

<a href="https://kyzylorda-news.kz/">Kyzylorda-news.kz.</a> Синоптиктер ақпанның 1-3 аралығына арналған ауа райы болжамын жариялады.
Қазгидрометтің мәлімдеуінше, Қазақстанның кейбір аймағына қармен бірге жауын-шашын жауады екен.&nbsp;
<blockquote>
 “Қаңтар айы боранмен және қармен күресуде байқаусыз тез өтіп, қыстың соңғы айы да келіп жетті. Қаңтар антициклонның түсуімен және онымен келген суытумен аяқталуда. Бірақ бүгін Каспийде циклон қалыптасып, ол атмосфералық фронттармен оңтүстік-батыс тропосфералық ағындармен бірге алдағы тәулікте Қазақстанға ығыса бастайды. Циклон үлкен ылғал және жылу қорына ие, онда түнгі температура плюс 2…8°С болды, ол республикадағы ауа температурасының күрт жоғарылауына алып келеді. Демалыс күндері оңтүстік және оңтүстік-шығыста күндіз плюс 3…13°С, ал дүйсенбіде солтүстік, орталық және шығыс облыстарында 0…минус 8°С күтіледі. Жылумен бірге атмосфералық фронттар жауын-шашын: оңтүстік пен батысқа жаңбыр, жылбысқы қар, ал қалған аймақтарға қардың жаууын алып келеді”, – делінген хабарламада.
</blockquote>

1-3 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстандағы ең жоғары&nbsp;345,2 мың теңге көлеміндегі&nbsp;жалақының иегерлері&nbsp;Атырау облысының тұрғындары екен. Республикада ең төменгі 138,1 мың теңгелік еңбекақыны Түркістан облысының тұрғындары алады. Ал қызылордалықтар орташа есеппен 159&nbsp;421 теңге жалақыға күн көреді, деп хабарлайды ҚР Ұлттық экономика министрлігі&nbsp;<a href="https://stat.gov.kz/news/ESTAT343692">Статистика комитетінің баспасөз қызметі.</a>
2019 жылғы IV тоқсанда бір қызметкердің орташа айлық атаулы жалақысы 203883 теңгені құрады. Атаулы жалақы индексі 2018 жылғы тиісті тоқсанына 115,8%, ал нақты жалақы индексі 109,9% құрды.
Салалық құрылымда ең үлкен атаулы жалақы кен өндіру өнеркәсібі және карьерлерді қазуда – 428,3 мың теңге&nbsp; (орташа республикалық деңгейден 2,1 есеге асты), қаржы және сақтандыру қызметінде – 402,5 мың теңге (2,0 есеге асты), кәсіби, ғылыми және техникалық&nbsp;қызметте – 373,4 мың теңге (1,8 есеге асты), ақпарат және байланыс саласында – 278,0 мың теңге (1,4 есеге асты) белгіленді.
Ең төменгі атаулы жалақы ауыл, орман және балық шаруашылығының қызметкерлерінде белгіленді – 127,3 мың теңге, бұл республика бойынша орта көрсеткіштен 37,6 %-ға төмен.
Өңірлік бөліністе ең жоғарғы жалақы Атырау облысында белгіленді – 345,2 мың теңге, бұл орташа республикалық көрсеткіштен шамамен 1,7 есеге асады. Түркістан облысында мұның шамасы 138,1 мың теңгені құрады, бұл ел бойынша орташа деңгейден 32,3%-ға төмен.
<img src="https://kyzylorda-news.kz/wp-content/uploads/2020/01/31ortzhalaky2.jpg" alt="" />

Қызылордалықтар орташа есеппен қанша жалақы алады?

<a href="https://kyzylorda-news.kz/">Kyzylorda-news.kz.</a> Кәсіпкерлер палатасының Арал ауданында өткен есепті кездесуінде бизнес өкілдері біраз мәселенің шетін шығарды. Кездесуге барған Кәсіпкерлер палатасы директорының орынбасары Пірмұхаммед Сыздықов Палатамен атқарылған жұмыстар жөнінде қысқаша ақпарат беріп, әр мәселеге қатысты түсіндірме жүргізді.
<blockquote>
 Аралдық кәсіпкерлер қызметкерлерге төленетін жалақыға қосымша экологиялық коэффициентті мемлекет көтерсе деген ұсыныстарын жеткізіп отыр. «Бұл қалтамызға салмақ салуда», – дейді олар.
</blockquote>
Мұнан өзге, кәсіпкерлер құжаттарды жинақтап ұсынғанымен уақытылы төленбей отырған субсидияға қатысты көмек көрсетуді, қасқырдың малға шабу оқиғаларының көбеюіне орай шопандарға қару ұстауға рұқсат беруді, мал базарына сенбі-жексенбі мал әкелетін кәсіпкерлер үшін ветеринар мамандарының уақытпен санаспай жұмыс жасауын сұрады. Себебі ветеринар мамандардың тиісті құжатты сенбі, жексенбі күндері база жұмыс жасамауына байланысты бере алмайды екен. Сонымен қатар балық шаруашылығымен айналысатын жұмысшылардың тапшылығын, соған сәйкес маман даярлауға арналған оқу орталықтарын ашуды, балық қорының азаюының алдын алу үшін инкубациялық цех салу мәселесін қарастыруды сұрады.
Бұл мәселелердің барлығы ауқымды, әрі тиісті органдармен бірлесе шешуді қажет ететіндіктен арнайы жоспарға енгізілді. Алдағы уақытта қажетті шаралар қабылданатын болады.
Айта кету керек, Арал ауданында 3537 кәсіпкерлік субъектісі жұмыс жасап тұр. Өткен жылы ауданда құны 831,1 млн теңгені құрайтын 357 жоба қаржыландырылған, оның ішінде несие 739,8 млн теңгені құрайтын 150 жоба, қайтарымсыз грант 91,3 млн теңгені құрайтын 207 жоба.
«Бизнестің жол картасы-2020» бизнесті қолдау мен дамытудың бірыңғай бағдарламасы шеңберінде құны 316 млн теңгені құрайтын 15 жоба екінші деңгейлі банк арқылы несие қаражатын алып, «Даму» кәсіпкерлікті дамыту қоры» АҚ-ы арқылы сыйақы мөлшерлемесінің бір бөлігі субсидияланды.
«Еңбек» бағдарламасымен «Ауылшаруашылығын қаржылай қолдау қоры» АҚ-ы арқылы 59 адам құны 207 млн теңге несие қаражатын алған.
«Қарапайым заттар экономикасы» жобасы арқылы құны 12,3 млн теңге 3 жоба қаржыландырылды.
«Микробизнес Қызылорда» жобасы бойынша «Қызылорда» Өңірлік инвестициялық орталығы арқылы құны 169,5 млн теңгені құрайтын 38 жоба Бақылау кеңесінде мақұлданып, қаржыландырылуда. Сонымен бірге, жыл аяғында 35 млн теңгені құрайтын 10 жобаның құжаттары рәсімделуде.
Стартап жаңа бизнес-идеяларды жүзеге асыру мақсатында 50 қатысушыға 252&nbsp;500 теңгеден, 150 қатысушыға 505&nbsp;000 барлығы 88,4 млн. теңге көлемінде мемлекеттік грант берілді.
«Бизнестің жол картасы-2020» мемлекеттік бағдарламасы шеңберіндегі мемлекеттік конкурста 7 қатысушы 2,9 млн теңге грант қаражатына ие болды.
«Бастау-Бизнес», «Жас кәсіпкер» жобалары бойынша 585 адам оқу курсынан өтті. «Бизнес-Кеңесші»&nbsp; жобасыбойынша 75 адам оқу курсынан өтті.
<img src="https://kyzylorda-news.kz/wp-content/uploads/2020/01/31aralbaldyrg2.jpg" alt="" />

Аралдық кәсіпкерлер проблемаларына назар аударуды сұрайды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінің 11-сынып оқушысы Әлішер Алтынбасов жазғы демалыста Ресей Федерациясының Тюмень қаласында өтетін «IESO 2020» халықаралық олимпиадасында ел намысын қорғайтын болады.
Нұр-Сұлтан қаласында ұйымдастырылған&nbsp; республикалық іріктеу кезеңінде Әлішер Алтынбасов ең жоғары нәтиже көрсетіп, олимпиаданың І орын иегері атанды.
Еліміздің астанасында өткен білім сайысында қызылордалық Назарбаев Зияткерлік мектебінің оқушылары жүлделі орындарды иеленді. Әлішермен бірге Гүлдана Сабитова мен&nbsp; Нұрдаулет Қонысбаев&nbsp; жер туралы ғылым бойынша үздік деп танылып, ІІ және ІІІ орынмен марапатталды.
<blockquote>
 «Мен бұл олимпиадаға бірінші рет қатысып отырмын. Барлық тапсырмалар ағылшын тілінде болды. Олимпиадада біз жер қыртысы мен құрылымын зерттейтін Назарбаев Университетінің профессорымен кездесуге мүмкіндік алдық. Ол бізге геолог мамандығының ерекшеліктері туралы айтып, кәсіби бағдар берді. Болашақта мен өмірімді геологиямен байланыстырғым келеді», – деді олимпиада жеңімпазы Әлішер Алтынбасов.
</blockquote>
Байқауға елімізден барлығы 100-ге жуық мектеп оқушы қатысты. Оқушылар геология, геофизика, метеорология, мұхиттану және астрономия пәндерінен күрделі тапсырмалар орындап, білімдерін шыңдады. Білім бәйгесінде оза шауып келген дарындылардан Қазақстан құрамасы жасақталып, олар алдағы уақытта халықаралық аренада ел намысын қорғайтын болады.
IESO – әлемдегі ең беделді олимпиаданың бірі. 2007 жылдан бастап Корея, Италия, Испания, Бразилия, Жапония және Франция сияқты елдерінде өткізілген білім сайысы биыл Ресейдің Тюмень қаласында әлемдегі ең үздік жас геологты анықтайтын болады.
<img src="https://kyzylorda-news.kz/wp-content/uploads/2020/01/31nis2.jpg" alt="" />

Қызылордалық зияткер – әлемнің үздік геологы атағына үміткер

<a href="https://kyzylorda-news.kz/">Kyzylorda-news.kz.</a> Жалағаш ауданында ішкі істер органының ардагері, өлкетанушы-журналист Болатбек Нұржановтың 60 жас мерейтойына орай салтанатты жиын өтті.
Жиын барысында Қызылорда облысы полиция департаменті бастығының кеңесшісі, департаменттің «Ардагерлер кеңесі» қоғамдық бірлестігінің төрағасы, отставкадағы полиция полковнигі Серікбол Тұңғышбай сөз алып, мерейтой иесін Ішкі істер министрлігінің Құрмет грамотасымен марапаттады.
&nbsp;Сондай-ақ, салтанатты жиында сала ардагері, отставкадағы полиция полковнигі Бағланбек Доспенбетов, аудандық «Жалағаш жаршысы» газетінің бас редакторы Әзиз Батырбеков, аудандық мәслихат депутаты Ақділдә Қыпшақбаев, аудандық полиция бөлімінің ардагерлер кеңесінің төрағасы, отставкадағы полиция подполковнигі Базарбай Ержанов сөз сөйлеп, мерейтой иесінің өмір жолы, қызметі, шығармашылығы туралы сөз қозғады.
Амантұрұлы сала ардагерін 60 жас мерейтойымен құттықтап, сый-сыяпат жасады.
<blockquote>
 «Болатбек Нұржанұлы ішкі істер саласында біраз жылдар бойы қызмет атқарды. Қазіргі таңда құрметті зейнет демалысына шықса да, полиция бөлімімен тығыз байланыста болып, ауданның қоғамдық өміріне белсене араласып келеді. Аудандық газетке полиция қызметкерлері мен ардагерлері жайлы портреттік мақалалар жариялап, олардың ерлік істерін көпке үлгі етуде. Ағамызды мерейтойымен құттықтай отырып, шығармашылық табыс, отбасына бақ-береке тілейміз», – &nbsp;дейді аудандық полиция бөлімінің бастығы, полиция подполковнигі Нұрлан Ағаділов.
</blockquote>
Жиын соңында Болатбек Нұржанов аудандық полиция бөлімінің қызметкерлеріне алғысын білдірді.
<img src="https://kyzylorda-news.kz/wp-content/uploads/2020/01/31ardagerge2.jpg" alt="" />

Қызылордалық полицейлер ардагерге құрмет  көрсетті

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы «Кәсіпкерлер үшін сервистік қолдау» компонентінің жүзеге асырылып жатқандығын хабарлайды.
<a href="http://www.services.atameken.kz/">www.services.atameken.kz</a>&nbsp;порталы арқылы қызметтер онлайн негізде көрсетіледі.
Сондай-ақ, Қызылорда қаласындағы Кәсіпкерлерге қызмет көрсету орталығында төмендегі қызметтерді офлайн түрде алуға болады:
<ol>
<li>Бухгалтерлік және салық есептілігін жүргізу, сондай-ақ статистикалық есептілікті жасау қызметтері;</li>
<li>Заң қызметтері</li>
<li>Маркетинг сұрақтары бойынша қызметтер.</li>
</ol>
ҚЫЗМЕТТЕР ТЕГІН НЕГІЗДЕ КӨРСЕТІЛЕДІ.
Толығырақ мәліметті Қызылорда қаласы, Желтоқсан көшесі, 12 мекен-жайында орналасқан Қызылорда облысының Кәсіпкерлер палатасының Кәсіпкерлерге қызмет көрсету орталығынан алуға болады.
Анықтама үшін телефон: 40-08-74, 40-02-02
Сall-Center – 1432

Кәсіпкерлер палатасы бизнес жоспар жасаудың тәсілдерін ұсынады

<a href="https://kyzylorda-news.kz/">Kyzylorda-news.kz.</a> Жаңақорған ауданындағы «МАИ бекеті» деп аталған ықшам аудан маңында біздің дәуірімізге дейінгі бірінші мыңжылдыққа жататын 18 обаның бар екені осыдан 45 жыл бұрын ғарыштық түсірілімдер негізінде анықталған,&nbsp;деп хабарлайды <a href="https://24.kz/kz/zha-aly-tar/o-am/item/371096-yzylorda-oblysynda-y-sa-d-uirini-orymy-rylys-ala-daryny-astynda-aldy">«Хабар 24»</a>.
Археологиялық қазба барысында алтын бұйымдар табылған тарихи орынның өз деңгейінде қорғалмауына жергілікті жанашыр тұрғындар алаңдаушылық білдіріп отыр.
Еліміздің бірнеше аймағынан «алтын адам» табылды. Жаңақорған кентінің маңындағы бұл жерден де алтын бұйымдардың қалдығы шыққаны рас. Сондықтан бұл қорымның тарихи маңызы жоғары дейді жергілікті тұрғын Ерубай Қалдыбек.
<blockquote>
 «Отырарды археологиялық зерттеу мекемесі бар. Осы мекеме 2015 жылы алтын жіп, белдік, алтын қылыштың сынықтары табылды. Яғни бұл жерде «алтын адам» болды ма деген болжам туады. 18 обаның қазір 6-7 орны қалған жоқ. Жер комитеті, аудандық архитектура, аудандық мәдениет бөлімі дер кезінде бақылау жасамаған, соның нәтижесінде бұл жерге көшелер түскен», – дейді Жаңақорған ауданының тұрғыны Ерубай Қалдыбек.
</blockquote>
Бүгінде бұл маңда жеке тұрғын үй мен кәсіпкерлік нысандар бой көтеруде. Электр, газ желілері тартылған кезде обалардың бірнешеуі бұзылып кетіпті. Бірақ жер қатынастары бөлімінің мамандары барлығын заң шеңберінде атқардық деп сендірді.&nbsp;
<blockquote>
 «Археологияның шарты бар. Ол жерде обалар табылмай, тоналған деген анықтама берді. Содан кейін қазіргі даму сызбамызға байланысты кәсіпкерлік мақсатындағы жер беру басталды. Ойын алаңқайы, яғни футбол спорт кешенін салып жатыр», – дейді Жаңақорған аудандық жер қатынастары бөлімінің бас маманы Серік Төлендиев.
</blockquote>
Аудандық мәдениет және тілдерді дамыту бөлімінің мәліметі бойынша бүгінге дейін жеке үйлердің арасында қалған 6 обаның ғана орны аршылып, зерттелген. Дегенмен тағы бірнешеуі жаңадан салынған жол мен үйлердің астында қалып кеткенін жасырмады.&nbsp;
<blockquote>
 «Арасында 2 оба бар, бірақ ол жердің үстінен жол түсіп, сосын үй салынып кеткен. Ол жерлерді аштыру қиындау болып тұр. Алтауын аштырып тұрмыз, 12 обамыз бар әлі аштыратын. Жұмыс жасаймыз, қаржы сұраймыз, қаржы берген жағдайда зерттету жоспарымызда бар», – дейді &nbsp;Жаңақорған аудандық мәдениет және тілдерді дамыту бөлімінің маманы Ажар Ахметова.
</blockquote>
Алдағы уақытта көне қорымның қалған бөлігі де құрылыс нысандарының астында қалуы мүмкін. Сондықтан аудан басшылығы ескерткішті мемлекеттік тіркеуге алып, археологиялық зерттеулерді кешеуілдетпей, қаржы мәселесін шешуге ықпал етсе дейді тарихи құндылықтарға жанашырлық танытып жүрген еліміздің мәдениет қаураткері Ерубай Қалдыбек.

Қызылорда облысындағы сақ дәуірінің қорымы құрылыс алаңдарының астында қалды

<a href="https://kyzylorda-news.kz/">Kyzylorda-news.kz.</a> Қазалыда аудан әкімдігінің ұйымдастыруымен «Ашық есік күні» өтті.
Қазақстан Республикасының Президенті Қасым-Жомарт Тоқаевтың «Халық үніне құлақ асатын мемлекет» тұжырымдамасын іске асыру мақсатында ұйымдастырылған шарада аудан әкімі, аудан әкімінің орынбасарлары, құқық қорғау органдарының қызметкерлері мен бөлім басшылары тұрғындардың сұрақтарына жауап берді.
Аудан әкімдігінің ғимаратында таңертең 9:00-де басталған қоғамдық қабылдау түскі сағат 13:00-ге дейін жалғасты. Осы уақыт аралығында 200-ге тарта аудан тұрғыны көкейтесті сұрақтарын қойып, өтініш-тілектерін жеткізді.
Қазалы ауданының әкімі Мұрат Ергешбаевтың қабылдауында болған тұрғындар негізігінен тұрақты жұмысқа тұру, тұрғын үй алу, атаулы әлеуметтік көмек сияқты мәселелерді қозғады.
Арасында қоғамдық мәселелерді көтерген азаматтар да болды. Мәселен, Бердібай Пәуешов мен Ұлболсын Өтегенова Әйтеке би кентіндегі Астана көшесін жөндеп, осы көшемен жүретін 6 қоғамдық көліктің тоқтап қалғандығын жеткізді. Ал, Серік Қожақов Н.Бекежанов көшесінің электр жарығы әлсіз, жиі сөнетінін айтып шағымданды.
Сондай-ақ, кент тұрғындары Айбосынов бұрылысы, Жанқожа батыр, Н.Бекежанов көшелерін және Жанқожа батыр №102 үйді жөндеуден өткізу туралы ұсыныс айтты.
Өз кезегінде аудан басшысы тұрғындар сұрағына жауап берді. Барлығы заң аясында шешілуі қажет екендігін айтып, тиісті бөлім басшыларына тапсырма берді.
<img src="https://kyzylorda-news.kz/wp-content/uploads/2020/01/31kazalyashykesik2.jpg" alt="" />
<img src="https://kyzylorda-news.kz/wp-content/uploads/2020/01/31kazalyashykesik3.jpg" alt="" />
<img src="https://kyzylorda-news.kz/wp-content/uploads/2020/01/31kazalyashykesik4.jpg" alt="" />
<img src="https://kyzylorda-news.kz/wp-content/uploads/2020/01/31kazalyashykesik5.jpg" alt="" />

Қазалыда «Ашық есік күні» өтті

<a href="https://kyzylorda-news.kz/">Kyzylorda-news.kz.</a> Биыл облыста реттелетін коммуналдық қызмет тарифтерінің бағасы өзгереді. Яғни, энергиямен, сумен жабдықтау және сарқынды суды бұру қызметтерінің тарифтері.
&nbsp;Бұл туралы Өңірлік коммуникациялар қызметінің ақпарат алаңында өткен баспасөз конференциясында Табиғи монополияларды реттеу комитетінің Қызылорда облысы бойынша департаментінің басшысы Гүлмира Өтегенова мәлімдеді.
<blockquote>
 «Тұрғындар үшін 2020 жылдың 1 наурызынан бастап сумен жабдықтау қызметі 3,6 пайызға төмендейді. Ал сарқынды суды бұру тарифі 9 пайызға азайып, энергиямен жабдықтау қызметінің бағасы да өзгереді. Қазіргі таңда қала және аудандағы электр энергиясын тарататын мекемелерге тарифтің өсетіні туралы хабардар етілді»,- деді Гүлмира Сейтбекқызы.
</blockquote>
Мұнан өзге, департамент 55 реттелетін қызмет түрі бойынша 32 табиғи монополия субьектілерінің қызметін реттейді.
<img src="https://kyzylorda-news.kz/wp-content/uploads/2020/01/31tarifter2.jpg" alt="" />

Қызылордада биыл коммуналдық тарифтер өзгереді

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы іс-қимыл агенттігінің төрағасы Алик Шпекбаев жемқорлық фактілерін хабарлаған адамға берілетін сыйақының мөлшері өскенін мәлімдеді, деп хабарлайды&nbsp;<a href="https://sputniknews.kz/society/20200131/12702200/10-million-tenge.html">Sputnik Қазақстан</a>.
<blockquote>
 “Жақында ғана президенттің тапсырмасын орындау мақсатында жемқорлық фактілері туралы хабарлағаны үшін халықты ынталандырудың жаңа жүйесіне арналған үкіметтің қаулысы қабылданды. Енді, сыйақының мөлшері дифференциалды болады”, – деді Шпекбаев.
</blockquote>
Оның айтуынша, жемқорлық фактісі туралы хабар берген адам параның 10 процентіне дейінгі сыйақыны ала алады. Бірақ ол үшін сотта ұсталған адамның кінәсі дәлелденуі керек. Үкімет қаулысына сәйкес,&nbsp; максималды сыйақының мөлшері 10 600 000 теңге көлемінде белгіленді.
<blockquote>
 “Осы орайда 1424 байланыс орталығын ерекше атап өткен жөн. Бұл – халықпен кері байланыс жасаудың тиімді құралы. Өткен жылы жемқорлық фактілері туралы хабарлар үш есеге көп түсті”, – деп атап көрсетті Шпекбаев.
</blockquote>

Қазақстан және Қызылорда облысының жаңалықтары