<a href="https://kyzylorda-news.kz/">Kyzylorda-news.kz.</a> ҚР ІІМ Байқоңыр қаласындағы Өкілдігінің Әкімшілік полиция бөлімінің ювеналды полиция тобының инспекторларымен оқушылардың демалыс кезеңінде олармен қылмыстың жасалуына жол бермеу және кәмелетке толмағандардың жүріс тұрыстарына бақылау жасау мақсатында облыс көлемінде ағымдағы жылдың 31 қазан мен 02 қараша күндері аралығында «Жасөспірім» атты жедел-профилактикалық іс-шарасы өткізілді. 
Іс-шара өткізу барысында «Жастар ресурстық орталығы», Байқоңыр қалалық бөлімі және Қармақшы аудандық білім бөлімі қызметкерлерімен бірлесіп, Төретам кенті және Ақай ауылдық округінде орналасқан ойын-сауық орталықтары, дүкендер және мейрамханалары тексерілді. 
Сонымен қатар заңды өкілдерінің еріп жүруінсіз, тұрғын үй жайлардан тыс жерлерде жүрген кәмелетке толмағандарды анықтау мақсатында бірлескен рейдтік іс-шара жүргізіліп, барлығы 11 әкімшілік құқық бұзушылық туралы хаттама толтырылды.
<img src="http://kyzylorda-news.kz/wp-content/uploads/2019/11/7opm2.jpg" alt="" />
<img src="http://kyzylorda-news.kz/wp-content/uploads/2019/11/7opm3.jpg" alt="" />

Байқоңырда әкімшілік құқық бұзған кәмелетке толмағандар жазаланды

<a href="https://kyzylorda-news.kz/">Kyzylorda-news.kz.</a> Қызылорда облысы бойынша «Әлеуметтік медициналық сақтандыру қорына» 2019 жылдың 1-31 қазан аралығында 282,6 млн. теңге түсті, деп хабарлады «Әлеуметтік медициналық сақтандыру қоры» КЕАҚ облыс бойынша филиа¬лының директоры Руслан Бектібаев. 
Жүйе іске қосылған 2017 жылдың 1 шілдесі мен 2019 жылдың 31 қазан аралығында жұмыс берушілер мен жекеменшік кәсіпкерлерден міндетті әлеуметтік медициналық сақтандыруға түскен жарнаның жалпы сомасы 6,4 млрд. теңгені құрады. Оның 6,2 млрд. теңгесі (97,1%) – жұмыс берушілердің аударымдары болса, қалған 184,02 млн. теңге (2,9%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. 
Айта кетейік, жинақталған қаржы Ұлттық банкте сақталады. Болашақта МӘМС пакеті шеңберіндегі қызметтер ақысын төлеуге жұмсалады. Еліміздің бас банкімен қаржыны сенімгерлік басқару туралы келісім бекітілген.

Қызылордалықтар қазан айында денсаулықтарын сақтандыруға 282,6 млн теңге аударған

<a href="https://kyzylorda-news.kz/">Kyzylorda-news.kz.</a> Бүгінде қызылордалық кәсіпкерлер «Аға сеньорлар» компоненті бойынша жұмыс жасаудың тиімділігін түсініп, өз бизнесін дамытуға кеңінен қолдана бастады. 
Басқарудың жаңа әдістерін енгізу, өндіріс технологиялары, құрал-жабдықтар мен персоналды оқыту мәселелері бойынша жоғары білікті шетел мамандарын тарту арқылы жүзеге асатын жобаның әлеуетін пайдаланған кәсіпкерлердің бірі қызылордалық Айгүл Оңғарбаева. 
«Алтын ине» тігін шеберханасының иесі Айгүл Оңғарбаеваға Кәсіпкерлер палатасы Қырғызстаннан арнайы маман шақыртып берді. 
«Қырғызстаннан шақыртып отырған Вероника Ли осы жылы Қызылордаға келген үшінші шет елдік сарапшы. Бұған дейін өңірімізге Түркиядан Кенан Йылдырым мен Канададан Джон Иргенгиоро келіп, кәсіпкерлерімізге қызмет көрсетті. Айгүл Оңғарбаева тігін өндірісін ары қарай дамыту мақсатында тігіншілерінің біліктілігін арттыруды көздеп, Палатаға өтінішпен келген болатын. Біз ұсынған сарапшылардың ішінде кәсіпкер қырғызстандық маманды таңдады. «Аға сеньорлар» компонентіндегі биылғы жылы жаңалық бар. Бұдан кейін кәсіпкерлер Палата ұсынған сарапшылардан өзге, керек шет елдік маманды енді өздері де таңдай алады. Мысалы, кәсіпкер өзінің саласы бойынша біліктілігі жоғары шет елдік маманды біледі, алайда шақыртуға мүмкіндігі болмаса, онда Кәсіпкерлер палатасына келіп, өтініш білдіре алады. Әрі қарай Палата сол маманды кәсіпкер үшін өңірге шақырту жұмысын ұйымдастырып береді», – дейді Кәсіпкерлер палатасының сарапшысы Гүлнұр Құрмантаева. 
«Алтын ине» тігін шеберханасына келген шет елдік маман Вероника Ли әйелдер киімі дизайны бойынша модельер құрастырушы, тігін бизнесін ұйымдастыруға қатысты кеңесші. Қызылордаға сапары барысында ол тігіншілерге тез тігу әдісін үйрететін тренерлер дайындап шықты. 
«Бұл сапарымда кәсіпкерге тез тігу әдісіне үйрететін тренерлер дайындап бердім. Бұл әдістің басты ерекшелігі тігін тігуді енді ғана үйреніп отырған адам базалық дағдыларды 3-4 күн ішінде игеріп шығады. Олар тәжірибелі тігіншімен салыстырғанда 70 пайыз белсенді жұмыс жасай алады. Мамандарды екі апта оқыттым. Нәтижесінде аз күнде 4 тренер шықты. Олар алдағы уақытта тігіншілерді сапалы тігіс жолдарын шапшаң жүргізуге үйрететін болады», – дейді қырғызстандық маман Вероника Ли. 
Жиырма жылдан бері тігін саласында еңбек етіп жүрген Айгүл Оңғарбаеваның басқа қалаға көшіп кетуіне байланысты, Қызылордадағы кәсібі бәсеңдеп қалған болатын. Ол шет елдік маманды шақырту арқылы биыл тігіншілік кәсібін қарқынды дамытуды көздеуде. 
«Өндірісімді дамытып, тапсырыстарымды мерзімінде орындау үшін маған көп тігінші керек. Ол тігіншілердің өзіміздің қаладан болғанын қалаймын. Қызылорданың тауарларын өзге өңірлерге шығарсам деген жоспарым бар. Соны іске асыру мақсатында Вероника Лиді шақырттым. Шет елдік маманның бизнесіме пайдалы тұсы – тігіншілерден тренер жасауында. Бұдан кейін әр тігіншім өзіне 3-4 адамды тігінші ретінде тәрбиелеп ала алады», – дейді кәсіпкер Айгүл Оңғарбаева. 
Әзірге он адамды жұмыспен қамтып отырған кәсіпкер алдағы уақытта тігіншілердің қатарын арттырып, ұлттық нақышта қамзол, бешпент, той көйлектерін, мектеп оқушыларына арналған форма тігуді жоспарлап отыр. 
Айта кету керек, «Аға сеньорлар» компонентіне экономиканың басым бағыттарында өз қызметін жүзеге асыратын шағын және орта кәсіпкерлік субъектілері қатыса алады. Шет елдік сарапшыларды тарту бойынша шығындар республикалық бюджет есебінен төленеді. Аталмыш компонентке қатысты сауалдар бойынша Кәсіпкерлер палатасының маманы Гүлнұр Құрмантаеваға 8 /7242/ 40-09-81 байланыс телефоны арқылы хабарласуға болады.
<img src="http://kyzylorda-news.kz/wp-content/uploads/2019/11/7starshiye2.jpg" alt="" />
<img src="http://kyzylorda-news.kz/wp-content/uploads/2019/11/7starshiye3.jpg" alt="" />

Қызылордаға Қырғызстаннан келген «Аға сеньор» «Алтын иненің» жұмысын жандандырды

<a href="https://kyzylorda-news.kz/">Kyzylorda-news.kz.</a> Қызылорда облыстық Қазақстан халқы ассамблеясының ұйымдастырумен «Қазақы дүниетаным және ххі ғасыр» ғылыми-танымдық конференциясы болып өтті. 
Оған облыс әкімінің орынбасары Наурызбай Байқадамов, зиялы қауым өкілдері, ЖОО-ның және ОАОО-ның оқытушы профессорлары, басқарма басшылары, облыстық ҚХА құрылымдары мен этномәдени бірлестіктердің мүшелері, БАҚ өкілдері қатысты. 
Конференция аясында қатысушылар Достық үйінің фойесінде С.Айтбаев атындағы көркемсурет галереясы қорындағы туындылардан “Кенеп бетіндегі ауыл көрінісі” атты көрмеvty танысты. 
Атап өту керек, бүгінгі күнге дейін еліміздің барлық аймақтарында бұл бағытта кешенді жұмыстар жүргізілуде. Қазақстан халқы Ассамблеясы «Рухани жаңғыру» бағдарламасын іске асыру бойынша «Қазақтану» жобасын жүзеге асыруда. Жоба Қазақстан халқын шоғырландыратын ортақ құндылықтарды қалыптастыруға бағытталған. 
Ол Қазақстан жұртшылығының бойында біртұтас ортақ құндылықтарды қалыптастырудың негізі ретінде қазақ халқының тарихын, мәдениетін, философиясын, этикасын дәріптеуге, сондай-ақ Қазақстан этностарының арасында «Рухани жаңғыру» бағдарламасының жобаларын ілгерілетуге бағдарланған. 
«Біз жиылсақ – көппіз. Жайылсақ – жоқпыз». Қазіргі кезеңде елдегі ынтымақ пен бірлік – басты құндылықтардың бірі. Тәуелсіздіктің баянды тірегі, дамудың даңғыл жолы,- деп алғы сөзін бастаған облыс әкімінің орынбасары Н.Сейітқалиұлы «Қазақтану» жобасының мән-мақсатын айтып өтті. «Бүгінде Қазақстан ұлы жұттан басталған зобалаңнан, одан кейінгі Ұлы Отан соғысы сұрапылында туған жерлерінен үдере көшкен сан-мың ұлысқа ортақ шаңырақ бола алды. Репрессия жылдарында жер аударылып, қазақ халқының мейірімділігі мен көңілінің дархандығы арқасында өмір жалғасын тапқан этнос өкілдеріне, соңғы кездері елімізде ұлтымыздың құндылықтарын бағалау, оның насихатын арттырып, ұлттық салт-дәстүр, ұлттық ұстанымдарымызды жаңғырту, таныту бағытына қарқынды жұмыстар жүргізілуде. 
«Қазақтану» ғылыми-ағартушылық жобасы алғаш рет Қазақстан халқы Ассамблеясының XXVI сессиясында ұсыныс ретінде көтерілді. Аталмыш жобаның барша қазақстандықтардың ортақ мәдени кодының, біртұтас құндылықтарының және жалпыұлттық тарихи санасының негізінде халықтың бірлігін нығайтуда маңызы зор. Қазақстан этностарының арасында қазақ халқының тарихын, философиясын, құндылықтарын, дәстүрлерін, гуманитарлық және адамгершілік принциптерін дәріптеу, жобаның негізгі мақсаты болып табылуда. Сонымен бірге, ұлттық құндылықтарымыз негізінде қазақ халқының ұлттық қасиетіне айналған қонақжайлылық, сенім мен достық секілді қасиеттерді дәріптеу арқылы жастардың бойына елжандылық сезімін күшейту. 
«Қазақтану» ғылыми-ағартушылық жобасының салтанатты тұсау кесу рәсімі Қазақстан Халқы Ассамблеясының бастамасымен Ақмола облысында бастау алған. Қоғамдық келісім мен жалпыұлттық бірліктің қазақстандық үлгісін насихаттауға арналған бұл жоба республикалық деңгейде маңызды. Конференцияның Сыр өңірінде өтуінде үлкен мән бар. Себебі, Елбасы Алаштың анасына балаған Сыр елі, қазақы өмірдің әлі күнге қаймағы бұзылмай сақталып келе жатқан қасиетті, құтты өңір. Іргетасының қаланғанына 201 жыл болған Қызылорда қаласының мәдениет пен өркениеттің ордасы болуы тегін емес», – деді облыс әкімінің орынбасары Наурызбай Байқадамов. 
Алғашқы баяндаманы «Қазақы дінитаным және ұрпақ тәрбиесі» тақырыбымен Темірбек Жүргенов атындағы қоғамдық қордың төрағасы, қоғам қайраткері Сапен Ансатов жасады. Ол конференцияның маңыздылығына тоқталып, Қазақстан этностарының арасында қазақ халқының тарихын, философиясын, құндылықтарын, дәстүрлерін, гуманитарлық және адамгершілік принциптерін дәріптеу, жобаның негізгі мақсаты екендігін алға тартты. 
Келесі сөз филология ғылымдарының докторы, профессор, Қорқыт Ата атындағы ҚМУ-нің «Қорқыттану және өлке тарихы» ҒЗИ-ның директоры, Қазақстанның еңбек сіңірген қайраткері Бағдат Кәрібозұлына берілді. Ол «Сыр елі – руханияттың бастау бұлағы» тақырыбында ой өрбітті. Ұлы Абай мен Базар жыраудың шығармаларындағы көркем тілдің ерекшелігіне тоқталып,қазақтану, ұлттану бағытында жұмыстар аясын кеңейту керектігін ортаға салды. 
Ал, Алматы қаласынан конференцияға арнайы келген өнертану кандидаты, Әбілхан Қастеев атындағы Мемлекеттік өнер музейінің ғылыми хатшысы Екатерина Резникова «Образы кочевой цивилизации в живописи Казахстана» тақырыбында ой өрбітті. Ол қазақ халқының көшпелі өркениетін сурет өнері арқылы көрсеткен белгілі суретшілердің еңбектерін зерттеп, зерделеп, Петербургте, Вашингтонда қорғап шыққан болатын. 
Сол еңбегін бүгінгі конференцияда қатысушылардың назарына ұсынды және Қазақстандағы көшпелілер өркениетін сурет арқылы әсерлі жеткізген Салихиддин Айтбаев, Қанафия Телжанов, Гүлфайруз Исмаилова сынды суретшілердің туындыларымен таныстырып өтті. 
Түркістан қаласынан арнайылап келген филология ғылымдарының кандидаты, Қожа Ахмет Ясауи атындағы халықаралық қазақ-түрік университетінің қауымдастырылған профессоры Жазира Исаева «Ұлы дала паремиологиясы және ұлттық код» тақырыбында баяндама жасады. Ол өз баяндамасында ұлттық таным жаңғыруы үшін ең бірінші тіл жетілуі тиіс деді. Ана тіліміздің өнер бояуын жоғалтып алмау үшін, қазақтың әрбір мақалының мән-мағынасына терең бойлау керектігін назарға алды. Әрбір ұлттың өзіне тән іштей данышпан рухы бар, сол рухтың ерекшелігін сыртқа шығарып, сақтап, ұрпақтан-ұрпаққа беруші күш – тіл екендігін шегелеп айтты. 
Философия докторы, Қорқыт Ата атындағы ҚМУ-нің «Дәстүрлі өнер» институтының директоры Ғани Байулов «Қазақ музыкасының даму генезисі» тақырыбын қозғай отырып, жаңаша идеяларымен бөлісті. 
Конференция соңы пікір алмасу, сұрақ-жауапқа ұласты.
<img src="http://kyzylorda-news.kz/wp-content/uploads/2019/11/7konf2.jpg" alt="" />
<img src="http://kyzylorda-news.kz/wp-content/uploads/2019/11/7konf3.jpg" alt="" />
<img src="http://kyzylorda-news.kz/wp-content/uploads/2019/11/7konf4.jpg" alt="" />
<img src="http://kyzylorda-news.kz/wp-content/uploads/2019/11/7konf5.jpg" alt="" />
<img src="http://kyzylorda-news.kz/wp-content/uploads/2019/11/7konf6.jpg" alt="" />
<img src="http://kyzylorda-news.kz/wp-content/uploads/2019/11/7konf7.jpg" alt="" />
<img src="http://kyzylorda-news.kz/wp-content/uploads/2019/11/7konf8.jpg" alt="" />

«Қазақы дүниетаным және ХХІ ғасыр» ғылыми-танымдық конференциясы өтті

<a href="https://kyzylorda-news.kz/">Kyzylorda-news.kz.</a> Ағымдағы жылдың мамыр айынан бастап автомобиль жолдарында жолаушыларды тасымалдау қызметіне бақылау жасау функциясын көліктік бақылау органдардың құзыретіне қайта берілді. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облыстық көліктік бақылау инспекциясының басшысы Нажмадин Шамұратов баяндады. 
«Облыста жолаушыларды тасымалдауды жүзеге асыратын 211 тұрақты маршруттар ұйымдастырылған. Олардың ішінде, 74-і заңсыз тұрақтар, 6 тұрақтан көршілес облыстарға шағын және үлкен сыйымдылықтағы автобустар қатынайды. Қалған 68-і өздігінен шоғырланатын такси тұрақтарын құраса , ал 20-сы аудан орталықтарында орналасқан. Тұрақты емес жолаушылар тасымалын лицензиясыз жүргізу, жолаушылар мен багаж тасымалы қағидасының сақталмауы, өзге де бақылау жұмыстарының нәтижесінде, көлік заңнамасының талаптарын сақтамаған 1058 заңбұзушылықтар анықталып, айыппұлдар салынды», – деді Нажмадин Шамұратов. 
Көліктік бақылау инспекциясының негізгі міндеттіне – автомобиль жолдарының сақталуын қамтамасыз ету, жолаушыларды тасымалдау қызметіне және су көлігінің қауіпсіз пайдалануына, темір жол көлігіне бақылау жүргізу болып табылады. Аталған салалар бойынша, есепті мерзім уақытында 18 мемлекеттік қызмет түрінен жолаушыларды тасымалдайтын 1769 қызметі көрсетілді. Мұнан өзге, теміржол көлігінде қозғалыс қауіпсіздігін қамтамасыз ету барысында 48 шаруашылық субьектілері тексерілді. Тексеру барысында 551 заң бұзушылық анықталды.

Қызылордада заңсыз 74 тұрақ анықталды

<a href="https://kyzylorda-news.kz/">Kyzylorda-news.kz.</a> «Қазгидромет» РМК 7 қарашаға арналған ауа райы болжамын ұсынады. 
Атмосфералық ауа ағындардың өтуіне байланысты Қазақстанның басым бөлігінде құбылмалы ауа райы сақталады. Кей жерлерінде жауын-шашын жаңбыр және қар жауады. 
Тек республиканың оңтүстігі мен батысында жауын-шашынсыз болады. Кей жерлерде екпінді жел, тұман, көктайғақ, жаяу бұрқасын күтіледі. 
Ақмола, Қарағанды, Шығыс Қазақстан, Павлодар облыстарының кей жерлерінде тұман, көктайғақ, жаяу бұрқасын күтіледі, жел 15-20 м/с, күндіз Ақмола облысында 23 м/с дейін күшейеді. 
Солтүстік Қазақстан облысының кей жерлерінде – тұман, көктайғақ, жаяу бұрқасын, басым бөлігінде желдің жылдамдығы 23 м/с дейін жетуі ықтимал. 
Алматы, Жамбыл, Қызылорда, Манғыстау, Атырау, Батыс Қазақстан, Қостанай облыстарының кей жерлерінде тұман, Алматы облысының кей жерлерінде көктайғақ болжанады.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.</a> kz. 1, 2, 3 және 4 қаңтар демалыс күні болады. ҚР Үкіметінің қаулысымен 2020 жылы демалыс күндерін ауыстыру кестесі бекітілді. Бұл туралы ҚР Премьер-Министрінің Баспасөз қызметі хабарлайды. 
«Демалыс күндері:
<ul>
<li>2020 жылдың 5 қаңтары жексенбіден 2020 жылғы 3 қаңтар жұмаға;</li>
<li>2020 жылдың 11 мамыры дүйсенбіден 2020 жылдың 8 мамыры жұмаға;</li>
<li>2020 жылдың 20 желтоқсаны жексенбіден 2020 жылғы 18 желтоқсан жұмаға ауыстырылсын», — делінген Қаулы мәтінінде. 
Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.</li>
</ul>

Қазақстандықтар жаңа жылда неше күн демалады?

<a href="https://kyzylorda-news.kz/">Kyzylorda-news.kz.</a> Кеше, яғни, 5 қараша күні «ҚазТрансГаз Аймақ» АҚ филиалының диспетчерінен Қызылорда қаласы Хон Бен До көшесі нөмірсіз мекен-жайда №6С газ таратқыш бекетіне КАМАЗ автокөлігі соғып, жоғарғы қысымды газ жүйесі зақымдалғаны туралы ақпарат түседі.
Аталған ақпарат бойынша, газдың ауа шығуы, оқиға орнында өрт ошағы орын алғаны және 2332 абонент және 1 өндірістік кәсіпорын газбен қамтамасыз ету тоқтатылғаны хабарланған. 
Қызылорда облыстық Төтенше жағдайлар департаментінің мәліметінше, бірыңғай кезекшілік диспетчерлік қызмет басқармасының жедел кезекшісі жедел әрекет ететін қызметтерді құлақтандырған. 
Оқу-жаттығуды өткізудің жоспарына сәйкес оқиға орны қоғамдық тәртіпті сақтау тобының күштерімен қоршауға алынып, төтенше жағдай аймағында автокөлік қозғалысы реттелген. 
Өртке қарсы қызметі автокөлікте орын алған өрт ошағын дер кезінде сөндіріп, құтқару тобы зардап шеккен жүргізушіні төтенше жағдай аймағынан медицина қызметкерлеріне жеткізеді. 
Газ жүйесіндегі авариялық-техникалық командасы зақымдалған жоғарғы қысымды газ жүйесін қалпына келтіру жұмыстарын жүргізді. Нәтижесінде қала тұрғындарын уақытылы газбен қамтамасыз ету жүзеге асырылып, оң шешімін тапты. 
Шараға 8 құрылым, 19 техника, 96 адам қатысқан.
<img src="http://kyzylorda-news.kz/wp-content/uploads/2019/11/6avariya2.jpg" alt="" />
<img src="http://kyzylorda-news.kz/wp-content/uploads/2019/11/6avariya3.jpg" alt="" />
<img src="http://kyzylorda-news.kz/wp-content/uploads/2019/11/6avariya4.jpg" alt="" />

Қызылордада газ құбырындағы апатты жағдай жойылды (ФОТО)

<a href="https://kyzylorda-news.kz/">Kyzylorda-news.kz.</a> Қазақстан Республикасы парламенті мәжілісінің депутаттары «Қазақстан Республикасының әкімшілік құқық бұзушылық туралы кодексіне өзгерістер мен толықтырулар енгізу туралы» заң жобасын мақұлдады, деп хабарлайды <a href="https://stan.kz/kazakstanda-kualiksiz-kolik-zhurgizgeni-ushin-ayippyl-m-323886/">Stan.kz</a>. 
Мәжілістің заңнама және сот-құқықтық реформа комитетінің мүшесі Қанат Мусин атап өткендей, заң жобасы олармен реттелетін қатынастарды азаматтық немесе тәртіптік тәртіпте қарау мүмкіндігіне байланысты жекелеген әкімшілік құқық бұзушылықтардың алдын алуға түзетулер енгізеді. Атап айтқанда, комитеттің қорытындысында атап өтілгендей, заң жобасында айыппұлдардың мөлшерін азайту, қолданыстағы әкімшілік айыппұлдарды азырақ репрессивті жазалармен алмастыру, ескерту түріндегі неғұрлым қатаң әкімшілік жазаларды қолдануды кеңейту және тағы басқалар қарастырылған. 
«Депутаттардың ұсынысы бойынша жол қозғалысы саласындағы кейбір бұзушылықтар үшін айыппұлдар көбейтілді. Мысалы, жүргізуші куәлігінен айырылған адамға көлік құралын басқарғаны үшін 50 АЕК көлемінде айыппұл салынады. Қазір бұл айыппұл мөлшері – 10 АЕК. Сондай-ақ, мұндай заң бұзушылықты қайталағаны үшін айыппұл мөлшері 20-дан 70 АЕК-ке дейін ұлғайтылды. Бұл түзету жолдардағы қазақстандықтардың қауіпсіздігін қамтамасыз ету үшін қабылданды », – деп түсіндірді Қанат Мусин.

Қазақстанда куәліксіз көлік жүргізгендер үшін айыппұл мөлшері 126 мыңға көбейді

<a href="https://kyzylorda-news.kz/">Kyzylorda-news.kz.</a> Мәжіліс «Байқоңыр» кешенін жалға беру шартына өзгеріс енгізу туралы хаттаманы ратификациялау туралы заң жобасын мақұлдады. Енді Ресей Байқоңырда жалға алған 1,6 мың гектар жерді Қазақстан өз мақсатына пайдаланады, деп хабарлайды <a href="https://sputniknews.kz/society/20191106/11955839/Resey-gektar-zher.html">Sputnik Қазақстан</a>. 
Бүгін мәжілістің жалпы отырысында “1994 жылғы 10 желтоқсандағы Қазақстан үкіметі мен Ресей үкіметі арасындағы “Байқоңыр” кешенін жалға беру шартына өзгеріс енгізу туралы хаттаманы ратификациялау туралы” заң жобасы қаралды. 
Хаттамаға екі ел президенттерінің қатысуымен 2017 жлғы 9 қарашада Челябинскіде өткен форумда қол қойылды. 
Хаттамаға сәйкес, Ресей жалпы алаңы 11,6 мың гектар төрт жер учаскесін жалға алуды тоқтатылады. Төрт жер учаскесі Қазақстанның пайдалануына беріледі. 
“Жалпы алаңы 1 740 гектар екі учаске Қармақшы ауданы Төретам кентін кеңейту үшін, сондай-ақ 9 950 гектар екі учаске “Батыс Еуропа-Батыс Қытай” халықаралық транзит дәлізін, “Алматы-Мәскеу” теміржолын салу және “Бейнеу-Шымкент” газ құбырының желілік бөлігі үшін алынып отыр”, – деді заң жобасы бойынша баяндама жасаған ауыл шаруашылығы министрі Сапархан Омаров. 
Министрдің айтуынша, жер телімдері Қызылорда облысының дамуы үшін қажет. Осы шаралар өңірдің әлеуметтік жағдайына және экономикасына оң әсерін тигізеді. 
Сондай-ақ, шарттың екінші қосымшасында “Байқоңыр” кешенінің технологиялық және техникалық нысандарының, тасымалдағыш зымырандардан бөлінетін бөліктердің құлауы аудандарының координаттары көрсетілген.

Ресейге жалға берілген 11,6 мың гектар жер Қызылордаға қайтарылды

<a href="https://kyzylorda-news.kz/">Kyzylorda-news.kz.</a> Қазақстанда бүкіл әлемдегі қазақ диаспорасын қолдау бойынша мемлекеттік бағдарлама дайындалуда. Онда этникалық қазақтар үшін арнайы куәлік шығару қарастырылған. Бұл туралы «Отандастар» қорының бірінші вице-президенті Талғат Әдуов мәлімдеді, деп хабарлайды <a href="https://stan.kz/kazakstan-bukil-alemdegi-etnikalik-kazaktarga-arnayi-ku-323869/">Stan.kz</a>. 
Әдуовтың сөзінше, аталған мемлекеттік бағдарлама 2020 жылдың көктемінде дайын болады деп жоспарлануда. 
«Диаспораны қолдауға бағытталған мемлекеттік бағдарлама дайындалып жатыр. Мемлекеттік бағдарлама ел басшылығының деңгейінде таныстырылады», – дейді «Отандастар» қорының бірінші вице-президенті. 
Сонымен қатар «Отандастар» қоры 2020 жылдың көктемінде қандастарымыздың форумын өткізіп, мемлекеттік бағдарламаның мүмкіндіктері айтылады деп жоспарлап отыр. 
«Мемлекеттік бағдарламада, қазақ куәлігі сияқты жақсы механизмдер бар. Бұл құжат шетелдердегі қандастарымызға Қазақстанда ел азаматтарымен тең көптеген құқыққа ие болуына мүмкіндік береді. Тек саяси құқықтан басқа», – дейді Талғат Әдуов.

Қазақстан бүкіл әлемдегі этникалық қазақтарға арнайы куәлік бермек

<a href="https://kyzylorda-news.kz/">Kyzylorda-news.kz.</a> Қазіргідей озық техника жоқ заманда да қазақтар алдағы ауа-райын қалай боларын дөп басып біліп отырған. Этнограф-ғалым, фольклоршы, қазақ дүниетанымына байланысты көптеген кітаптың авторы Болат Бопай ежелгі қазақтардың ауа-райын қалай болжағанын және алдағы қыс қандай болатынын <a href="https://stan.kz/mal-zhanga-kiin-sogadi-zhyldiz-zhoramalshi-aldagi-kisti-323824/">Stan.kz</a>. 
Биылғы жаз өте ыстық болды. Жаздың ыстығын қазақтар ақпанда болатын аязбен салыстырып, қыс қатты болады деп сенген. Жаздағы жауған жаңбыр, қыста өте суық қар болып келеді. Осы жағдайды ескере отырып, қаңтарда, бәлкім, ақпанда қатты суық болатын шығар деп жорамалдап отырмыз. Мұны бір деп есептеңіз. 
Екіншіден, аспанда Босағалық деген жұлдыз бар. Төрт маусымда төрт рет көрінеді. Босағалық жұлдыз бір-біріне жақын келіп тұрса, күздің тез өтетіндігін; алыс тұратын болса, жылы, жайма-шуақ өтетіндігін байқатады. Жақында қарағанымда Босағалық жұлдыз алыстап тұрды. Сондықтан қыстың аяғы созылып өтеді деп түйдім. Осы жылы қыс қатты болады. Ақпан, қаңтар айлары оңай болмайын деп тұр. Батыс өңірлерге қар әлден жауа бастады. Оңтүстік жақта биыл жазда жаңбыр аз болды. Сондықтан қар қалың түспеуі мүмкін. Бірақ Шығыста шыңылтыр аяз болады. Мал-жанға қиын соғады. 
Бұрындары аналарымыздың өзі есепшідей болған. Малдың ішегін тазалап отырып, биылғы қыстың жай-күйін дөп басып айтып отырған. Сонда ішегін тазалап отырып, майлы ма, ішіндегі қи сары құмалақ па, жоқ қи қалпында тұр ма, өріс пісті ме, піскен жоқ па, дәріге айналды ма, жоқ па, малдың ішегі ұзын ба, қысқа ма, соған қарап қысты болжап отырады екен. Малдың ішегі көк ішек екен, шөптің буыны әлі қата қоймапты, қыс қатты болады екен. Сары алтындай құмалақ болып түсіп жатса, малдың ішегі майлы биыл тоқшылық болады екен дейді. Малдың ішегін өрген кезде қысқа болып тұрса, қыс тез, жайлы өтеді екен, арық болып өргенде жылбып жататын болса, қыстың аяғы созылып кетеді екен деп болжаған. Қыс екі рет келеді екен дегені көктемде тағы бір қыс болады екен деп, көктемнің де жайсыз суық болатынын айтқан.

Қазақстан және Қызылорда облысының жаңалықтары