<a href="https://kyzylorda-news.kz/">Kyzylorda-news.kz.</a> “Адам кейпіндегі” балық желі қолданушыларының зәресін алды, деп хабарлайды&nbsp;<a href="https://kaz.nur.kz/1826548-tri-adamga-ksas-balyk-zrtty-rejin-syrdy-video.html">KAZ.NUR.KZ</a>.
Жазба авторы “Бұл тұқыда адами келбет бар” деп жазған. Ал бейнероликте тұқы көл жағасына келіп, ернімен қызықты қимылдар жасаған.
Көпшілік бұл видеоны адам шошырлық деп отыр.
Ал желі қолданушысы “тұқы денелі адам” деп жазып қалдырған.

Түрі «адамға» ұқсас балық жұрттың үрейін ұшырды (ВИДЕО)

Қазір әзіл саласында жүрген адамдардың көбі КВН-нен, яғни Жайдарманнан шыққан. Олардың кейбірі өнер жолын жалғаса, ендігі бірі басқа саланы таңдаған. Жайдарман түлектерінің ішінен режиссер, актер тіпті мемлекеттік қызметкерді де кездестіруге болады. Tengrinews.kz тілшісі қазақ КВН-і түлектерінің қазір немен айналысып жүргенін анықтады.
Ерлан Айтбаев
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-erlan-1.jpg" alt="" />
&nbsp;“Жайдарман” сахнасында “Ералаш” лақапатымен танылған актер “Көз тимесін” құрамасында өнер көрсеткен. “Нысана” әзіл-ысқақ театрында да еңбек еткен. Бүгінде ол – мемлекеттік қызметкер. Айтбаев Nur Otan партиясының Шымкент қаласындағы филиалында қызмет етеді. © instagram.com/aitbaev1986
Мемлекеттік қызметті таңдауы себебін әзілкеш Instagram желісіндегі парақшасында былай деп түсіндірген:
“…Елімді дамыған елу мемлекеттің қатарына қосқысы келетін партиямен бірге жүріп, атсалысқым келді. Өйткені, мен балаларымның бақытты өмір сүргенін қалаймын. Ал бақыт дегенің, менің түсінігімде, ол отбасымның тыныштығы, Отанымның гүлденгені, өркениетті елдермен иық тіресе жүргені. “Нұр Отан” осы бағытты ұстанып келеді.
Менің қалауым партияның мүддесімен астарласып жатыр. Сол себепті де мен “Нұр Отанда” қызмет етемін”, – дейді жазбасында Айтбаев.
Шапағат Орынбаев
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-shapagat.jpeg" alt="" />
Шапағат Орынбаев – “Көз тимесін” командасының мүшесі. Бүгінде ол – режиссер. Шапағаттың сөзінше, ол 2009 жылдан бері кино саласында екен. Осы уақытқа дейін 13 толықметраж фильм түсірген. Кинодағы режиссерлік дебюті – “25 теңге” фильмі. Бұл фильмде басты рөлде жайдарманшылар ойнаған. Одан бөлек Шапағат актерлік қырын да үнемі шыңдап отырады екен.
“Кино саласында жүргеніме 10 жылдай болды. Өнердемін, алдағы уақытта да осы салада боламын. Жалпы режиссураны Шымкент қаласында оқыдым, одан кейін Болгарияда жалғастырдым”, – дейді Шапағат.
Айбек Байназаров
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-ajbek.jpg" alt="" />
Айбек Байназаров та “Көз тимесін” командасының мүшесі. Бүгінде АҮВА лақапатымен белгілі әнші. Бір кездері оны сырт келбетіне қарап “қазақтың Майкл Джексоны” деп атап кеткен. Бүгінде ол өнер әлемінен алыс кетпеген. Өнер жолында жүрген Айбек бүгінде көптеген ән жазып, бейнеклип түсіріп үлгерген.
Марат Достаев
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-marat.jpg" alt="" />
Достаев та Қазақстан КВН одағының тұңғыш чемпионы “Көз тимесін” командасының мүшесі болған. Марат – ұмыт бола қоймаған ардагер жайдарманшы. Себебі ол өнер әлемінде жүрген танымал тұлғалардың бірі. Ол комедиялық фильмдерде бой көрсетіп жүрген актер. Достаев Жайдарманда жас командаларға қазылық етіп жүрді.&nbsp;
Дәнекер Оразбай
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-daneker.jpg" alt="" />
&nbsp;Дәнекер Оразбай – “Өзіміздің жігіттер” КВН командасының мүшесі болған. Бір кездері “Нысана” әзіл-ысқақ театрында өнер көрсеткен актер бүгінде отандық комедиялық сериалдарға жиі түсіп жүр. Көрерменнің көбі Дәнекер “Техас” командасында ойнаған деп ойлайды. Себебі кейіннен ол Нысана театрында сол командадағы жігіттермен бірге өнер көрсеткен. Актер – екі ұл, екі қыздың әкесі.
Тұрсынбек Қабатов
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-twrsynbek.jpg" alt="" />
2006 жылғы чемпион “Аграрка сарбаздары” командасының капитаны. Команда астананың атынан шыққан. Сондай-ақ актер Нұрлан Қоянбаев, Құмар Лұқманов, Ярослав Мелехин, Нұрдәулет Шертім, Санат Шапашовтармен бірге ресейлік КВН ойындарында да өнер көрсеткені белгілі.
&nbsp;Бүгінде Қабатовты телевизия саласында жиі көруге болады. Ол “ӘзілMan”, “Көңілді тапқырлар алаңы” секілді шоулардың авторы. Сонымен қатар, ол елімізге танымал “Әзіл әлемі” театрының директоры.&nbsp;
Нұрбол Айтулов
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-nwrbol.jpg" alt="" />
Отандық комедиялық сериалдарда бой көрсетіп жүрген актер – “Техас” құрама командасының мүшесі. Актер 2007 жылы құрылған “Нысана” әзіл-ысқақ театрының мүшесі болған.&nbsp;
Парасат Ибраев
<img src="https://kyzylorda-news.kz/wp-content/uploads/2019/11/bwryngy-zhajdarmanshylar-parasat.jpg" alt="" />
Ерекше биімен көрерменді тәнті еткен – “Құлсары” командасының капитаны. Бүгінде ол фильммейкер әрі клипмейкер. Ибраевтың Instagram желісіндегі парақшасына қарап оның қанжығасында бірнеше өнер жұлдызының бейнеклипі барын аңғаруға болады.
Ибраев бүгінде әнші Ерке Есмаханның 100 миллионнан аса қаралым жинаған “Қайда?” атты әніне түсірілген бейнеклипке режиссерлік еткен. Сонымен қатар, ол бірқатар қазақстандық әншімен жұмыс істейді.

Бұрынғы танымал жайдарманшылар қазір немен айналысып жүр?

<a href="https://kyzylorda-news.kz/">Kyzylorda-news.kz.</a> Ғалымдар адамдарға ықылық тигенде олардың денсаулықтарында не өзгеретінін болжады. Олардың пайымдауынша, ықылық тию әсіресе сәби денсаулығына пайдалы екен. Себебі ықылық арқылы олардың ми жұмысы жақсаратын көрінеді, деп хабарлайды&nbsp;&nbsp;<a href="https://ria.ru/20191112/1560839449.html">Риа Новости</a>.
Британияның Лондон университеттік колледжі ғалымдары ықылық тигенде, сәбилердің ми жұмысы жақсаратынын айтқан. Зерттеушілердің сөзінше ықылық сәбиге ана құрсағында жатқанда, тоғыз айдан бастап тиеді екен.
<blockquote>
 Әсіресе ықылық шала туған нәрестелерде ұзағынан тиеді. Оларға он бес минут бойы тоқтамастан ықылық тиюі мүмкін.
</blockquote>
Зерттеу 30-42 апта аралығындағы сәбилерге, олардың миын сканерлеу арқылы жүргізілген.
<blockquote>
 Сол сәтте олар ықылық тиген сайын, шақалақтардың миы белсенді түрде жұмыс істейтіндігін байқаған. Сонымен бірге олар ықылық арқылы сәбилердің тыныс алу жүйесі де қалыптасатынын дәлелдеген.
</blockquote>
Ғалым Кимберли Уайхедтің айтуынша, ықылық адам өміріндегі құрсақта жатқаннан бастап дамитын, ми жұмысына оң әсер беретін, қалыпты құбылыс екен.

Ықылықтың сәби денсаулығына пайдасы анықталды

Халықаралық студенттер күні
Прагада 1939 жылғы 17 қарашада неміс-фашист басқыншылары атып өлтірген чех патриот-студенттерін мәңгі есте қалдыру үшін Прагада 1946 жылы өткен Дүниежүзілік студенттер конгресінде бекітілді.
1837 жылы&nbsp;17-24 қараша күндері Исатай мен Махамбет бастаған көтерілісшілер Жасқұста хан жасағымен шайқасты.
1993 жылы&nbsp;Гейдар Әлиев атындағы «Әзербайжан-Қазақстан» достық қоғамы құрылды. Қоғам Қазақстан мен Әзербайжанның екіжақты өзара қатынастарының дамуында маңызды рөл атқарып, Астана мен Баку қалалары арасында достық байланысты нығайту ісіне үлесін қосып отыр.
2014 жылы&nbsp;Алматыда ҚР Мәдениет және спорт министрлігінде ҚР Президенті Нұрсұлтан Назарбаевтың бастамасымен «Мәдени мұра» бағдарламасы аясында қазақ фольклорының 100 томдық «Балабар сөзінің» таныстырылымы өтті.
2017 жылы&nbsp;Голливудтағы Hollywood Music in Media Awards байқауында Димаш Құдайбергеннің орындауындағы ән «Moonlight Blade» бейнеойынына үздік саундтрек ретінде жеңіске жетті.

17 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 17 қарашаға арналған жұлдыз-жорамалы.
Тоқты
Қолдан келер іспен айналысыңыз. Аспандағы айға қол созудың қажеті жоқ. Үйде ұсақ-түйек істі атқарып, қаржылық мәселені біржақты етіңіз. Үйге зат сатып алудың немесе артық ақша жинаудың қажеті жоқ.
Торпақ
Бүгінгі күн махаббатыңызды мойындап, романтикалық кеш ұйымдастыруға өте ыңғайлы. Балаларыңыздың тәрбиесіне мән беріп, көңіл бөліңіз. Жақындарыңыз бен сүйікті адамыңызға сыйлық жасап, көңілін аулаңыз.
Егіздер
Бүгін күн – демалыс. Сондықтан өзіңізге толық демалыс сыйлаңыз. Бассейнге барыңыз, массаж қабылдаңыз. Салқын су ағзаңызды жақсартып, денсаулығыңызға оң әсерін тигізеді. Көптеген аурудың алдын алады. &nbsp;
Шаян
Өзгелерден қулығыңызды асырамын деп ойламаңыз. Өйткені оның барлығы өзіңізге зиянын тигізуі мүмкін. Бұл сіздің беделіңізге сын болатынын жұлдыздар ескертеді.
Арыстан
Бүгін орын алатын оқиғалардың барлығы сізге оң әсерін тигізетін болады. Сіз бүгін лауазымды тұлғалардың немесе әріптестеріңіздің көмегіне жүгіне аласыз. Бірақ қолұшын созған жандарды ұмытпаңыз. &nbsp;
Бикеш
Бүгін сіз шынайысыз. Сондай-ақ кез келген қиын тапсырманы оңай орындай аласыз. Достарыңызға көмек көрсетуден қашпаңыз. Бүгінгі күн жолға шығуға және ақпараттар легін жинауға қолайлы болмақ.
Таразы
Жұмыс барысында танысқан жандармен қолға алған істі жүзеге асыратын боласыз. Қызметіңізді жоғарылатуға немесе қаржылай қолдайтын жандардардан көмек алуға толық мүмкіндігіңіз бар. Тамақты талғап жеңіз.
Сарышаян
Бүгін ұсақ-түйек тірліктің барлығын бітіресіз. Сізді біреулер алдап соққысы келеді. Майда-шүйденің барлығына мән беріңіз. Тіпті қарызға берген ақшаның өзін санап алғаныңыз жөн.
Мерген
Әріптестеріңізбен және достарыңызбен дауласпаңыз. Бұл жақсы әдет емес. Бүгін өте ашушаң боласыз. Ол сөзіңізден де, ісіңізден де байқалады. Ұстамды болуға тырысыңыз. Сабырлылық танытыңыз.
Тауешкі
Бүгін күш-қуатыңыз мол. Белсенділік таныту өз пайдасын әкелмесе, зиянын тигізбейді. Көлік жүргізетін болсаңыз, жолда абай болыңыз. Бүгін сізге көбіне нәзікжандар көп көмегін тигізетін болады.
Суқұйғыш
Өз кемшіліктеріңізді ойлап бас қатырмаңыз, өз-өзіңізге сенімді болыңыз. Әділеттілік және тектілігіңізді сақтаңыз. Сонда ғана жұмысыңыз да, жеке кәсібіңіз де алға қарай жылжиды. Бүгінгі күн жоба немесе жоспар құруға өте ыңғайлы.
Балықтар
Серіктестермен немесе басқа да кездесулер сіз үшін тиімді болмақ. Бұл кездесуге таянақты түрде дайындалар болсаңыз, көп жетістікке жетесіз. Айтар ойыңызды жинақтап, нақты нені ұсынатыныңызды алдын ала дайындап алыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Журналист бір салаға терең бойлап, сол тақырып төңірегінде көп ізденсе, онда оның ақпараты мәнді әрі құнды болмақ. Бүгінде бізге жетіспейтін осы – салалық журналистика. Сондықтан журналистикаға бет бұрған әрбір жас өзін осы бағытқа бейімдегені жөн. Бүгін белгілі журналист Серік Жанболат Сыр журналистеріне осындай ой айтты.
Облыстық ішкі саясат басқармасының тапсырысымен, «Ұшқыр жебе» қоғамдық қорының үйлестіруімен өткен осы шарада&nbsp;Қазақстан Журналистері академиясының академигі Серік Мейрамбекұлы бұдан бөлек қызылордалық әріптестеріне «Ақпарат газетін шығару жолдары» мен «Сараптама бағдарламасын қалай ұйымдастыру керек?» деген мәселелерді де кеңінен қозғады. 
&nbsp;Аймақтағы БАҚ саласының өкілдері осы семинарда облыстық «Сыр бойы» газетінің журналисті Жолдасбек Ақсақаловтың да дәрісін тыңдады. Жолдасбек Ақсақалов жас журналистерге қазақ журналистикасының кешегісі мен бүгінгісі жайлы айтып, журналистің фактіні алу тәртібі мен оны өңдеу жолдарын түсіндірді. Шара соңында қатысушылар қос қаламгерге сауалдарын қойып, өз мамандықтарын жетілдіру жолдарын жан-жақты талқыға салды.
<img src="https://kyzylorda-news.kz/wp-content/uploads/2019/11/serik-zhanbolat-2.jpg" alt="" />
<img src="https://kyzylorda-news.kz/wp-content/uploads/2019/11/serik-zhanbolat-3.jpg" alt="" />

Серік Жанболат Сыр журналистерімен жүздесті

Төтенше жағдайлар комитеті пешті дұрыс пайдаланудың 6 ережесін ұсынды, деп жазады <a href="https://sn.kz/sn-akparat-agyny/61892-gazdan-ulanbau-ushin-peshti-durys-paidalanudyn-6-erezhesi">Sn.kz</a>.
ҚР ІІМ ТЖК азаматтардың тұрғын үйлерде газдан уланбауының алдын алу үшін тұрғындарға пешті ретке келтіруді және оны &nbsp;пайдалану ережелерінің талаптарын қатаң сақтауды ұсынды, деп хабарлайды&nbsp;Елорда Инфо.&nbsp;
Жұртшылықты от жаққанда қажетті талаптарды қатаң сақтауға шақырған Төтенше жағдайлар комитеті пешті дұрыс пайдаланудың 6 ережесін ұсынды.
1.Пешті жағу үшін тез тұтанатын және жанғыш сұйықтықтарды пайдалануға қатаң тыйым салынады. &nbsp;
2.Пештің үстінде және оған жақын жерде отын, киім және басқа да жанғыш материалдарды кептіруге жол берілмейді.
3.Қатты суық кезінде оттың жануы күшейгенде пештің әрі қарай қызуына жол бермеңіз, оған жапсарлас құрылыс құрылымын мұқият бақылау қажет.
4.Пешті қараусыз қалдырмаңыз, әсіресе, балаларға бақылау жасатпаңыз.
5.Түтін каналының жабылуы тұрғындардың улы газбен улануына әкеліп соқтыруы мүмкін болғандықтан, тосқауылдың жай-күйіне назар аударыңыз.
6.Мұржаны міндетті түрде 3 айда бір реттен кем емес және тартым нашарлаған жағдайда дереу тазалаңыз.

Газдан уланбау үшін пешті дұрыс пайдаланудың 6 ережесі

<a href="https://kyzylorda-news.kz/">Kyzylorda-news.kz.</a> Қызылорданың байырғы атауы – Қамысқала екенін біреу білсе, біреу білмейтіні анық. Осы орайда алаштың анасы атанған өңірдің сіз білмейтін деректерін назарға ұсынамыз.
<ol>
<li>Қызылорда – Алаштың анасы атанған киелі мекен. Ақмешіттің топырағында қазақ зиялыларының ізі қалған. Бейімбет Майлин, Сәкен Сейфуллин, Сәбит Мұқанов, Ілияс Жансүгіров, Әбділда Тәжібаев, Сабыр Шәріпов, Қалмахан Әбдіқадыров, Асқар Тоқмағанбетовтың шығармалары Қызылордада жарық көрді.</li>
<li>Қызылорданың байырғы атауы – Қамысқала. Қаланың негізі 1817 жылы Қамысқала атты елді мекенде Қоқан хандығы салған Ақмешіт бекінісі болып қаланды.</li>
<li>Қызылорда аумағында ертеден қалған тарихи қорғандардың орындары көп. Ордакент, Сығанақ қалалары, Жалпақасар, Жетіасар, Құмқала, Шірік-Рабат асарларын құнды жәдігерлердің бірегейі десек те болады.</li>
<li>1925 жылдың 15 сәуірінде Ақмешіт қаласында бүкіл Қазақстан еңбекшілері өкілдерінің басын қосқан Қазақ АССР Кеңестерінің V съезінің ашылуы өтті. Бес күнге созылған съездің мақсаты – «қырғыз» халқының тарихи дұрыс атауын қалпына келтіру еді. Күллі қазақтың V съезі Кеңестердің «киргиз» деп келген атауын «қазақ» деп өзгертуге қаулы қабылдатты. Сонымен бірге, «Киргиз Республикасын» «Қазақ Республикасы» деп өзгертуге шешім шығарған еді.</li>
<li>Қазақ АКСР-інің астанасы болған Қызылорда қаласында 1926 жылдың 3 қазанынан бастап Қазақ радиосы өз хабарларын тұрақты түрде беріп тұрды.</li>
<li>Тұңғыш қазақ драма театрының шымылдығы Қызылордада түрілді. Қазақтың тұңғыш ұлттық театры Қызылордадағы орыс театрымен бір ғимаратта жұмыс істеді.</li>
<li>Қызылордадан атақты инженерлер, күрішшілер шыққан. Сырдың Балдырған Мұстапаева, Балапан Арзымбетова, Бексұлу Синаева, Райкүл Жалғасбаева, Рысты Өкшебаева, Нәзира Сейсенова есімді күрішші қыздары да дала еңбегінің ардақтылары.</li>
<li>Қазақтың алғашқы ғылыми-зерттеу, жер қыртысын зерттеу, мал дәрігерлік-бактериологиялық және де басқа институттары өз жұмысын осы қалада бастаған.</li>
<li>Қызылорда қаласында жерасты мешіті болған. Ұзақ жылдар бойы құпия сақталып келген ғибадатханада тұрғындар асыл дінімізді ұстануға қысым жасалған замандарда жасырын түрде құлшылық еткен көрінеді.</li>
<li>Сыр еліне қонаққа келген шетелдіктер Қорқыт ата кешеніне аялдамай қайтпайды. Әсіресе, түрік бауырлар мұнда жиі келіп тұрады.</li>
<li>Қорқыт Ата атындағы Қызылорда мемлекеттік университеті 1937 жылы Қиыр Шығыстағы Корей педагогикалық институтының Сыр бойына қоныс аударуы негізінде Қызылорда педагогикалық институты болып ашылған.</li>
<li>Қызылорданың жазы 45 °С ыстық болса, қыстағы суықтың температурасы сонша төмен болуы мүмкін. Бұл аймақтың климаты қатаң континенталды болып келеді.</li>
<li>Қызылорда – заманауи үлгідегі тұрғын үйлер көптеп салынып жатқан қала.</li>
<li>Сыр бойын күрішсіз елестету мүмкін емес. Өңіріміздің бренді – «Ақ маржан» күрішін танымал «Nestle» компаниясы өз өнімдеріне пайдалануды жоспарлап отыр екен. Жалпы күріш жинау науқаны аяқталған сәт қызылордалықтар үшін үлкен мереке. Берекелі күзде бұл шаһардан сабантой, жәрмеңкелердің түр-түрін көруге болады.</li>
<li>Арал балығы бүгінде Еуропа елдеріне экспортталады. Аралды тілге тиек еткенде «Аралтұз» жайлы айтпай кетуге болмас. Қызылорда аймағында орналасқан тұз өндіру зауытының 90 жылдан астам тарихы бар. Былтырғы жылдың өзінде тұз өндіру зауыты 147,4 мың тонна&nbsp;ас тұзын шығарды.</li>
<li>Қызылорда халқының 95%-ы қазақ тілінде сөйлейді. Бұл өңірді мекен еткен әрбір өзге ұлт өкілінің қарым-қатынас тілі – қазақ тілі.</li>
<li>Қызылордада өткен ғасырдың ортасында целлюлоза-картон зауыты жұмыс істеген.</li>
<li>Қызылорда аймағында орналасқан Байқоңыр ғарыш айлағы экватор жазығына жақын орналасқан.</li>
<li>Қызылорда облысы, Жаңақорған ауданындағы «Жаңақорған» шипайжайы алыс-жақын шетелдерге жақсы танылған. Жаңақор­ған­ның балшығы &nbsp;жер бетінде сирек кездеседі. Шипа­лы қа­сиеті өз алдына бөлек әңгіме. Шипажай аумағынан 1988 жылы табылған минералды судың құра­мы Кавказ­дағы әлемге әйгілі Железноводск қаласындағы мине­ралды судың құрамымен бірдей екені анықталған. Шипажайдың негізгі емдік қоры – Теріскен көлінің балшығы мен тұзды суы. &nbsp;</li>
<li>Сырдария өзенінің сол жағалауына Қызылорданың екінші бөлігі салынады деп жоспарланған. Қаланың архитектурасы бойынша жаңа қала ұлттық құндылықтарды насихаттайтын ғимараттардан тұратын болады.</li>
</ol>
<a href="https://el.kz/kz/news/cities/kizilorda_turali_siz_bilmeitin_20_derek">El.kz</a>

Қызылорда туралы сіз білмейтін 20 дерек

<a href="https://kyzylorda-news.kz/">Kyzylorda-news.kz</a>. Ұлттық академиялық кітапханада ерекше экземпляр бар. Бұл кітап адам терісінен жасалған (немесе оны антропометрикалық қаптау деуге болады). Онда не жызылған және кімге арналған – Ұлттық кітапхананың сирек кітаптар мен қолжазбалар секторының жетекшісі Дариға Дәуренбекова айтып берді, деп хабарлайды <a href="https://kaz.tengrinews.kz/kazakhstan_news/adam-tersnen-jasalgan-ktap-erekshe-ekzemplyar-nur-sultanda-302576/">Tengrinews.kz</a>.
Кітап 1532 жылы шыққан. Онда мәтін ескі латын графикасымен таңбалаған. Бұл – Ұлттық академиялық кітапхана қорындағы ең ерекше экспонаттардың бірі. Кітапты бұл мекемеге 2014 жылы жеке коллекционер сыйға тартқан екен. Болжам бойынша, ол Еуропадан жеткізілген.
Кітаптың шын мәнінде адам терісінен жасалғанына көз жеткізу үшін Ұлттық ғылыми медициналық орталықтағы патоморфология зертханасында зерттеу жасалған.
“Мұқаба материалының 0,5 миллиметр бөліктері электронмикроскоп желісі режимінде эпоксид смоласына қойылды. Түк фолликулдерінің аздығы адам терісі екенін дәлелдеді, себебі жануарларда түк өте тығыз орналасады”, – деп түсіндірді Дариға Дәуренбекова.
Қазіргі уақытта Ұлттық академиялық кітапханада кітап мазмұнын оқу жұмыстары жүріп жатыр. Қазақстандағы мамандар мәтінді тани алмаған, себебі елде ескі латын графикасын түсінетін маман жоқ. Сондықтан Париждегі Мәтін тарихын зерттеу институтының сарапшылары іске кіріскен. Олар ортағасырлық қолжазбалар мен тұңғыш баспа кітаптарын зерттеуге маманданған.
“Қазақстанның Франциядағы елшілігі арқылы бұл институттың жетекші ғалымымен байланыс орнаттық, ол – медиевист Доминикан Пуарель. Ол уақытының аздығына байланысты 330 бетті толық оқып шыға алмады, бірақ алғашқы 16 бетті қарап шыққан ол мәтінде ақша, несие және салық жайлы жазылғанын айтты. Доминик Пуарельмен келіссөз жалғасып жатыр, ол өзге медиевистермен сөйлесіп көруге уәде берді”, – дейді Дариға Дәуренбекова.&nbsp;
Одан басқа, ресейлік сарапшылармен де келіссөз жүрген.&nbsp;
“Мәтінтанушы Илья Аникьев қолжазбаның бірінші тарауының электрон нұсқасынан оқып шығып, кітаптың 1532 жылы Петрус Пуардус деген ер адамның нотариалдық жазбалары екенін айтты. Ол Солтүстік Италияның Мондови қаласында нотариус болған, жазба сонда жазылған”, – деді Дәуренбекова.
Оның айтуынша, келешекте кітап қағазын зерттеу жоспарланып отыр. Мамандар XVI ғасырдағы қолжазбаны толықтай зерттеудің кітапхана қоры үшін ғана емес, еліміз үшін де жаңалық болатынын айтады.&nbsp; Мамандар бұл баға жетпес экземпляр дейді.
Түпнүсқасын сақтау мақсатында кітапханадағылар оның көшірмесін жасапты.
Ашық дереккөздердегі мәліметке қарағанда, адам терісінен кітап шығару XVI-XVII ғасырларда “сән болған”. 2014 жылы адам терісінен жасалған тағы бір ескі кітап Гарвард университетінің кітапханасынан табылған. Сарапшылар XIX ғасырда өмір сүрген жазушы Арсен Хуссайеның “Жанның тағдырлары” (Des destinees de l’ame) деп аталатын еңбегін зерттеп, кітаптың шын мәнінде адам терісінен жасалғанын анықтаған.
Ертеде адам терісімен қапталған кітап таңғалатын дүние саналмаған. Кейде қылмыскердің өз ісін мойындауы жазылған мәтін өз терісінен тігілген деген де деректер бар. Ал тағы бір деректерде адам өлім алдында өзін дәл осылай есте сақтауды сұрап, арнайы жасататын болған.
<img src="https://kyzylorda-news.kz/wp-content/uploads/2019/11/adam-terisinen-zhasalghan-kitap-1.png" alt="" />
<img src="https://kyzylorda-news.kz/wp-content/uploads/2019/11/adam-terisinen-zhasalghan-kitap-2.jpg" alt="" />
<img src="https://kyzylorda-news.kz/wp-content/uploads/2019/11/adam-terisinen-zhasalghan-kitap-3.jpg" alt="" />
<img src="https://kyzylorda-news.kz/wp-content/uploads/2019/11/adam-terisinen-zhasalghan-kitap-4.png" alt="" />
<img src="https://kyzylorda-news.kz/wp-content/uploads/2019/11/adam-terisinen-zhasalghan-kitap-5.png" alt="" />
<img src="https://kyzylorda-news.kz/wp-content/uploads/2019/11/adam-terisinen-zhasalghan-kitap-6.png" alt="" />
<img src="https://kyzylorda-news.kz/wp-content/uploads/2019/11/adam-terisinen-zhasalghan-kitap-7.jpg" alt="" />

Елімізде адам терісінен жасалған кітап қайда сақтаулы тұр? (ФОТО)

<a href="https://kyzylorda-news.kz/">Kyzylorda-news.kz.</a> Ащы су атаңнан қалған ас емес десек те, оны судай сіміретін жанның бірі – Самат. Қызылордалық жігіттің айтуынша, қанша тырысса да, арақ көрсе, жолдан тайып кете береді. Осы орайда жас жігіттің анасы оны неге полицияға тапсырғанын&nbsp;түсіндірді,&nbsp;деп хабарлайды&nbsp;<a href="https://stan.kz/shaytanmen-soylesedi-ishine-zhin-kirip-ketkendey-kizilo-323941/">Stan.kz</a>.&nbsp;
<blockquote>
 «Ұйықтамай жынмен сөйлесе ме әлде шайтанмен сөйлесе ме? Білмеймін. «Мен пәленшемен сөйлесіп жатырмын» деген кезде біз үрейленіп, қорқамыз. Сөйтіп бұл баланы талай рет полицияға&nbsp;ұстатып жібердім. Оған сайтан не жын кіріп кеткенін білмеймін. Ішіп алса, бәлелер көрінетін сияқты. «Балаң мен келіншегің бар, қойсаңшы» деймін», – деп алаңдайтынын жеткізді Гүлшахар Әшірбаева.&nbsp;
</blockquote>
Бұл жағдайды Саматтың келіншегі Малика да растады. Айтуынша, бірнеше күн бұрын күйеуі жындармен тілдесетінін айтып, зәресін ұшырған.&nbsp;
<blockquote>
 «Бұл соңғы уақытта болды. Біз екеуіміз ұйықтап жатқанбыз. Басында қызым екеуі ойнап отырды. Сағат он бірден асып бара жатқан кезде жарықты сөндіріп, жата берейін десем, көзі дөп-дөңгелек болып, шарасынан шығып кетейін деп тұр. «Жындардың басшысы Даруыл» деп сөйлеп жатыр. Түрткілеп, Құран оқуын сұрадым. Оқи алмай, көзінен жас шығып, біртүрлі болып кетті. Бір тесікке қарап алған, «Маған келіп тұр» деді. Анамызды шақырып келмек болып едім. Қызымыздың ішіне жын кіруі мүмкін екенін айтты. Шошып кеттім. Анам екеуіміз қорықтық, содан кейін полицияға қоңырау шалып, олар алып кетті», – деді Малика Сейілбекова.&nbsp;
</blockquote>
Сондай-ақ, келіншек күйеуінің бұған дейін де түнімен ұйықтамай, марқұм әкесі мен атасына жалынатынын айтты.

Қызылордалық ана туған ұлын полицияға не үшін тапсырған?

<a href="https://kyzylorda-news.kz/">Kyzylorda-news.kz.</a> Ұлттық банк өкілдері шетелдік қандай банкнота жарамсыз болып табылатынын және қайсысы айналымға жарамды екенін түсіндірді, деп хабарлайды <a href="https://kaz.tengrinews.kz/private_finance/kanday-dollar-men-euronyi-koldanuga-bolmaydyi-302609/">Tengrinews.kz</a>.
&nbsp;Ұлттық банк баспасөз қызметі тілшінің ресми сауалына берген жауабында банкноталар мынадай жағдай жарамсыз болып табылады екен:
<ul>
<li>екіге бөлінген (оның ішінде желімделген);</li>
<li>өртенген және күйдірілген;</li>
<li>жартысынан көп бөлігіне бояу тиген, сия немесе май;</li>
<li>Түсін жоғалтқан;</li>
<li>қатты ескірген және бұлғанған;</li>
<li>айтарлықтай үгілген (қаттылығын жоғалтқан);</li>
<li>айшықты баспа қателігі болса;</li>
<li>үш миллиметрге ұлғайтылған не кішірейтілген;</li>
<li>айтарлықтай қасақана зақымданулары бар: негізгі суреттері өзгертілген (атап айтқанда адамдардың портреттері), қорғау жібі алынған, үлкен жазбалар (оның ішінде ультракүлгін сәулелерде көрінетін), банкноттың өтелгенін куәландыратын екі таңбадан астам мөртабандар, бір миллиметрден аса екі тесік;</li>
<li>ультракүлгін сәулелердегі қағаздың жарқырауына алып келген кез келген сыртқы әсерге ұшыраған.</li>
</ul>
Ал мына жағдайларда банкнота жарамды болады:
<ul>
<li>сурет сапасына әсер етпейтін аздаған түсін жоғалту мен ластанулар;</li>
<li>бұрыштары жапсырылған немесе бір шаршы сантиметрден аспаса банкнотаның ені бойынша бір сантиметрден және ұзындығы не диагоналі бойынша төрт сантиметрден аспайтын үш кесіктен аспайтын (оның ішінде желімделген);</li>
<li>ұсақ майлы және басқа дақтары, жазулары және іздері бар, егер олар шетел валютасы банкноттарының түпнұсқалығын анықтауға кедергі келтірмесе;</li>
<li>диаметрі бір миллиметрден аспайтын екі тесігі бар.</li>
</ul>
Сондай-ақ, айырбастау, сатып алу немесе инкассоға тапсыру (шетел банкіндегі айырбастау – авт. түсіндірмесі), жарамсыз шетелдік ақшаны екінші деңгейлі банктерге өткізу, ал Ұлттық банктің өзі тек теңгемен жұмыс істейді.
Банктер қабылдаған тозған және жарамсыз банкноттар инкассоға шетелдік банктерге жіберіледі. Бұл ретте клиент инкассо талаптарына келісімге қол қояды және ЕДБ банкноттардың номиналдық құнының 10 пайызынан аспайтын комиссиялық сыйақы төлейді. “Қаржылық қызметтерді тұтынушылардың құқықтары бұзылған жағдайда Ұлттық банктің орталық кеңсесіне немесе аймақтардағы Ұлттық Банктің филиалдарына хабарласу қажет”, – деді баспасөз қызметінің өкілдері.

Қандай доллар мен еуроны қолдануға болмайды?

<a href="https://kyzylorda-news.kz/">Kyzylorda-news.kz</a>. Қазақта «иттің етінен де жек көрем» деген сөз бар, ал түлкі еті ше? Жеуге жарай ма?&nbsp;
Түлкінің жауы аз, себебі оның етін жабайы аңдардың өзі жегісі келмейді. Түлкіні тек әдемі терісі үшін ғана ұстайды. Ал, етін жемеуге екі себеп бар: біріншіден, түлкінің еті құрғақ, түк май жоқ десе де болады және өте қатты, пісуі қиын. Екіншіден, оның иісі сасық болады. Әсіресе, түлкінің терісін сыпырған кезде оның иісінен дем алу қиындап кетеді, тіпті етін пісірсе де иісі кетпей қояды. Ал егер жеу керек болған жағдайда, бір ғана жолы – 12 сағаттан аса уақытқа қойып маринадтау.&nbsp;
Тіпті, одан кейін де иісі сезіліп тұруы мүмкін. Табиғатта түлкінің жауы аз екенін айттық. Түлкі етінің иісінен жиіркенбей жей беретін сілеусін ғана. Сілеусіндер кез келген иісі сасық аңды жей береді және де түлкінің ініне жету үшін сағаттап жерді қопсытып қазуға да барады, бастысы деликатеске жетсе болды.
Дереккөз:&nbsp;<a href="https://massaget.kz/">massaget.kz</a>

Қазақстан және Қызылорда облысының жаңалықтары