<a href="https://kyzylorda-news.kz/">Kyzylorda-news.kz.</a> Қазақ телевизиясының ардагері Нұртілеу Иманғалиұлы өмірден өтті.
Қайғылы хабарды&nbsp;<a href="https://web.facebook.com/qazaqstantv/posts/3902053749881509">Qazaqstan</a>&nbsp;ұлттық телеарнасының баспасөз қызметі таратты.
«Бүгін таңертең қазақ телевизиясында 45 жыл қызмет атқарған журналистика ардагері Нұртілеу Иманғалиұлы өмірден өтті. Нұртілеу Иманғалиұлы «Құрдастар», «Жастар дауысы», «Арай», «Жадыңда ма, жолдас», «Айна», «Жас жігер»,«Бетпе-бет», «Қолтаңба», «Діңгек», «Көршілер», «Заң сөйлесін», «Nur-Tiley» авторлық бағдарламалары арқылы қалың көрермен есінде қалды» делінген хабарламада.
Нұртілеу Иманғалиұлы 1952 жылы 1 мамырда Алматы облысы Ақсу ауданында дүниеге келген.
Қазақ телевизиясында тілші, редактор, аға редактор, комментатор, бас редактор, саяси шолушы, директордың орынбасары, «Хабар» агенттігінде модератор-жүргізуші, одан кейін Үкімет кеңсесінде сектор меңгерушісі, Президент Әкімшілігінде бас маман болып істеген.
Айта кетейік, Нұртілеу Иманғалиұлы 2006-2007 жылдары – «Қазақстан» республикалық телерадиокорпорациясы» акционерлік қоғамының басқарма төрағасы, одан кейінгі жылдары «Қазақстан РТРК» АҚ басқарма төрағасының кеңесшісі қызметтерін атқарды.
Соңында ізбасар шәкірттер тәрбиеледі.
Бүгін Ұлттық арна эфирінен естелік хабарлар мен арнайы жобалар беріледі.

Қазақ телевизиясының ардагері Нұртілеу Иманғалиұлы өмірден өтті

<a href="https://kyzylorda-news.kz/">Kyzylorda-news.kz.</a>&nbsp; Қазақстанда 16 ақпан 23:59-дағы эпидемиологиялық жағдай бойынша 796 адамның коронавируспен ауырғаны ПТР арқылы расталды, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 99,
Алматы қаласы – 91,
Шымкент қаласы – 6,
Ақмола облысы – 79,
Ақтөбе облысы – 10,
Алматы облысы – 36,
Атырау облысы – 38,
Шығыс Қазақстан облысы – 69,
Жамбыл облысы – 10,
Батыс Қазақстан облысы – 74,
Қарағанды облысы – 60,
Қостанай облысы – 70,
Қызылорда облысы – 5,
Маңғыстау облысы – 5,
Павлодар облысы – 100,
Солтүстік Қазақстан облысы – 40 
Түркістан облысы – 4.
Жалпы ел бойынша ауырғандар саны 204 055

Қызылордада 5 адамнан коронавирус табылды

Kyzylorda-news.kz. Бүгін Қызылорда облысының әкімі Гүлшара Әбдіқалықова Қазақстан Республикасы Президентінің 5 ақпан 2018 жылғы №190 Жарлығына сәйкес халыққа есеп беру алдында азаматтарды жеке мәселелері бойынша қабылдады.
Қабылдау карантин талабына сәйкес онлайн форматта өтті. Қабылдауда тұрғындар тарапынан әлеуметтік, тұрғын үй мәселелері мен медицина саласына қатысты өтініштер, жоғарғы оқу орнына түсуге арналған облыс әкімінің гранты жөнінде сұрақтар қойылды.
Қабылдауға келген тұрғындар мәселесі бойынша құзырлы сала басшылары жауап берді. Облыс әкімі басқарма басшыларына азаматтардың ұсыныс-тілектерін ескерусіз қалдырмай, заң аясында шешу жолдарын қарастыруды тапсырды.
<img src="https://kyzylorda-news.kz/wp-content/uploads/2021/02/fb_img_1613488064142.jpg" alt="" />
<img src="https://kyzylorda-news.kz/wp-content/uploads/2021/02/fb_img_1613488060902.jpg" alt="" />

Аймақ басшысы тұрғындарды қабылдады

<a href="https://kyzylorda-news.kz/">Kyzylorda-news.kz.</a> Салымшылардың зейнетақы жинақтарын алуға берген өтініштерін қабылдамаудың бес негізгі себебі аталды, – деп хабарлайды&nbsp;<a href="https://kaz.tengrinews.kz/">Tengrinews.kz</a>.
“Бірінші себеп:&nbsp;салымшының уәкілетті операторға берген өтінішінде алуға болатын соманың қате, оның ішінде қолда бар зейнетақы жинақтарының мөлшерінен асыра көрсетілуі.
Ұсыным: қолжетімді сома туралы мәліметтерді қоса алғанда, өз зейнетақы жинақтары туралы өзекті ақпаратты (enpf.kz сайтындағы жеке кабинетте, БЖЗҚ мобильді қосымшасында, egov.kz порталында) тікелей уәкілетті операторға біржолғы зейнетақы төлемдерін алуға өтініш берер алдында тексеру.
Екінші себеп:&nbsp;жеке табыс салығын (ЖТС) төлеу тәсілін таңдау кезінде алуға болатын соманың дұрыс көрсетілмеуі.
Ұсыным: салымшының зейнетақы жинақтарын мақсатты алу (тұрғын үйге, емделуге) кезінде жеке табыс салығын (ЖТС) төлеу бойынша екі тәсілдің бірін таңдауға құқығы бар.
Бірінші тәсіл – ЖТС төлеуді кейінге қалдырып, оны зейнеткерлікке шыққаннан кейін (БЖЗҚ-дан берілетін зейнетақы төлемдерінің белгіленген кестесі бойынша) он алты жылдан аспайтын мерзім ішінде ай сайын тең үлестермен төлеу. Екінші тәсіл – салықты біржолғы зейнетақы төлемін алған кезде бірден толық төлеу. ЖТС төлеу тәсілін уәкілетті операторға беретін өтініште көрсеткен жөн”, – делінген хабарламада.
Салымшы ЖТС төлеуді кейінге қалдырғысы келсе, өтініште алуға болатын соманы ЖТС шегерімінсіз көрсетуі қажет екені айтылды. Ал ЖТС-ті толық көлемде бірден төлеуді шешсе, онда өтініште алуға болатын соманы 10 пайыз мөлшеріндегі ЖТС-ті шегере отырып көрсетуі тиіс.
Екі сома да БЖЗҚ-дан берілетін үзінді көшірмеде салымшыға ыңғайлы әрі өз бетінше таңдау жасау үшін көрсетілген. Салымшы көрсеткен алуға болатын сома БЖЗҚ-дан уәкілетті операторда ашылған оның арнайы шотына аударылады.
“Үшінші себеп:&nbsp;салымшының өтінішінде алуға болатын сома ең төменгі жеткіліктілік шегі есепке алынбай көрсетілген (мысалы, жеке зейнетақы шотындағы зейнетақы жинақтарының барлық сомасы көрсетілген).
Ұсыным: өтініште салымшы БЖЗҚ-дан алған үзінді көшірмеде көрсетілген және алуға қолжетімді соманы көрсетуі керек.
Төртінші себеп:&nbsp;өтініште валюта бағамдарының немесе зейнетақы активтерінің инвестициялық портфеліндегі қаржы құралдары құнының өзгеруі нәтижесінде инвестициялық табыстың нарықтық ауытқуына байланысты зейнетақы жинақтары сомасындағы өзгерістер ескерілмеген өзекті емес сома көрсетілген.
Ұсыным: өзінің зейнетақы жинақтары туралы өзекті ақпаратты, оның ішінде қолжетімді сома туралы мәліметтерді біржолғы зейнетақы төлемдерін алуға тікелей өтінім берер алдында тексеру.
Бесінші себеп:&nbsp;салымшы қайтадан, алдыңғы өтінімді тағы да берді.
Ұсыным: күте тұрыңыз. Заңнамаға сәйкес БЖЗҚ-ға уәкілетті оператордан электрондық хабарлама келіп түскен күннен бастап бес жұмыс күні ішінде БЖЗҚ операторға кейіннен салымшының (алушының) уәкілетті оператор ашқан арнайы шотына есепке жатқызу үшін біржолғы зейнетақы төлемінің сомасын аударады”, – делінген хабарламада.
БЖЗҚ-дан уәкілетті операторға бас тарту себебі көрсетілген, төлемді аударудан бас тарту туралы электрон хабарлама келіп түспесе, онда салымшы жинақ сомасы оның арнайы шотына аударылғанша бес жұмыс күн күтіп, уәкілетті операторға қайтадан өтініш бермей күте тұруы керек.
Еске салайық, салымшының БЖЗҚ-да жеткіліктік шегінен асатын сомасы болған кезде оны пайдалануға өтінішті шексіз бере алады. Қандай да бір себеппен салымшыға біржолғы зейнетақы төлемін алуға арналған өтінішті қанағаттандырудан бас тартылса, онда бас тарту себебін жойып, уәкілетті операторға қайта өтініш беруге болады. Салымшы өз жинақтарын әртүрлі мақсаттарға пайдаланғысы келсе, жекелеген өтініштер беруге болады.

БЖЗҚ зейнетақы жинағының бір бөлігін алуда өтінім қабылданбау себептерін атады

<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков аудан бойынша Сырдария өзенінің бойында орналасқан қауіпті аймақтарды аралады.
Су тасқыны бойынша қауіпті аймақтар болып есептелетін Сырдарияның жағалауындағы Жаңажол, Иіркөл, Қармақшы ауылдық округтері мен Қызылтам елдімекендерін көріп шықты.
Сонымен бірге Жосалы кентіндегі жалпы ұзындығы 69,7 шақырымдық қорғаныс бөгеттерінің жай-күйімен танысты.
Сонымен қатар, қауіпті аймақтарда бірінші кезекте пайдаланылатын инертті материалдарды көріп, аудандық азаматтық қорғау қызметтерінің құрамындағы техникалардың дайындығын тексерді.
Көктемгі мұз жүру кезінде су тасқынының алдын-алу бойынша атқарылатын жұмыстарды талқылап, тиісті сала басшыларына нақты тапсырмаларды жүктеді.
<img src="https://kyzylorda-news.kz/wp-content/uploads/2021/02/7.jpg" alt="" />

Қармақшыда көктемгі су тасқынының алдын алу шаралары пысықталды

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері еріктілер 47 отбасына азық-түлік алып беріп, көмек көрсетті.
Қала тұрғындары әлеуметтік желі арқылы волонтерлерге хабарласып, мүмкіндігі шектеулі және аз қамтылған отбасыларға көмек көрсету туралы ниетін білдірген.
<blockquote>
 “Қызылорда облыстық Жастар ресурстық орталығының жанынан құрылған әлеуметтік дүкен бар. Бізді биылғы көмектесуге ниет білдірушілердің қатары артқандығы қуантып отыр. Өздеріңіз білесіздер, волонтерлер пандемия кезінде халыққа көп көмектесті. Тіпті медициналық мекемелерге де барды. Тағы бір айта кететін жайт, осы жылы Шанхай мөлтек ауданында бір тұрғынның үйі өртке оранды. Сол уақытта, мешіт жамағаты мен еріктілер жиналып, қолдан келгенше қаржылай, заттай көмек көрсетті. Сондай-ақ, волонтерлер «Зекет» қорының түсірген арнайы бейнеролигін әлеуметтік желіде таратып, халықтың апатты жағдайға жәрдемдесуне біршама ықпал етті, – деді «Волонтерлер фронт офисінің» жетекшісі Болатбек Айтбенбетов.
</blockquote>
Еріктілер қаңтар айында қар қалың жауған тұста «Қызылорда тазалығы» мекемесіне көмектесті. Желтоқсан көшесінің бойын және орталық алаңның қарын тазалады. Сондай-ақ, «Жылы жүрек» еріктілер ұйымымен біріге отырып, аталмыш мекеменің қызметкерлеріне ыстық тамақ таратты.

Қызылордада 47 отбасыға көмек көрсетілді

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы ТЖО-ның бірінде жөнделіп жатқан «Хюндай Акцент» маркалы автомобильдің қозғалтқышына белгісіз біреу әдейі құм құйып, оны зақымдаған. Материалдық шығын шамамен 1 миллион теңгені құрады.
Полиция қызметкерлерінің жедел-іздестіру шараларының нәтижесінде күдікті ұсталды. Ол, 1992 жылы туған қала тұрғыны болып шықты.
Күдіктіге қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.&nbsp;
Қазіргі таңда Қазақстан Республикасы Қылмыстық кодексінің202-бабының 1-бөлігімен(Айтарлықтай залал келтіріп, бөтеннің мүлкiн қасақана жою немесе бүлдiру)сотқа дейінгі тергеп-тексеру амалдары жүргізілуде.

Қызылордада автокөлікке зақым келтірген ер адам ұсталды

<a href="https://kyzylorda-news.kz/">Kyzylorda-news.kz.</a>&nbsp; 2021 жылдың 1 қаңтарынан бастап “Аралтұз” АҚ компаниясының басшылығы қызметкердің табысынан 1% мөлшерінде алынатын міндетті әлеуметтік медициналық сақтандыру (МӘМС) жарналарының қосымша ұлғаюын өтеу туралы шешім қабылдады, бұл зауыт қызметкерлерінің қолына алатын жалақысын сақтауға мүмкіндік береді. Сондай-ақ, егер шешім қабылданған жағдайда, компания Арал өңірінің Қазақстандық бөлігінің қолайсыз аумақтарының экологиялық төлемдерінен міндетті зейнетақы төлемдерін (МЗЖ) толық өтеуге дайын.
Бұдан басқа, өзінің ұзақ мерзімді тұрақты өсу және әлеуметтік қолдау стратегиясын ұстана отырып, 2021 жылдың 1 наурызынан бастап “Аралтұз” АҚ зауытының өндірістік персоналына жалақыны орта есеппен 10% – ға арттыру жүргізіледі. Нәтижесінде компанияның еңбекақы төлеу қоры, салықтар мен аударымдарды қоса алғанда, 15,8%-ға ұлғаяды.
<blockquote>
 “2020 жыл бүкіл ел үшін де, біздің компания үшін де өте қиын жыл болды, бірақ барлық қиындықтарға қарамастан, біз әрқашан Арал ауданының тұрғындарына барынша көмек пен қолдау көрсетуге тырысамыз. Компания үшін басты құндылық – оның қызметкерлері”, – деді өндіріс және техникалық даму жөніндегі вице-президент Ғалымжан Сержанов.
</blockquote>
«Аралтұз» компаниясы Арал өңіріндегі 1200-ден астам жергілікті халықты жұмыс орындарымен қамтамасыз ететін қала құраушы кәсіпорын болып табылатынын атап өткен жөн.
“Аралтұз” АҚ 1925 жылы құрылған Қазақстандағы тұз өндіру және қайта өңдеу бойынша ірі кәсіпорын болып табылады. “Аралтұз” АҚ өнімі – тамақ және техникалық тұз – бұл тек Қазақстан аумағында ғана емес, сонымен қатар ТМД-ның басқа да елдерінде жоғары деңгейде танылған отандық бренд.
“Аралтұз” компаниясы Қазақстандық нарықта көшбасшылық позицияны берік ұстана отырып, қазіргі уақытта өндірілетін өнімнің 76%-ын Ресей Федерациясының барлық федералдық округтеріне, Қырғызстанға, Украинаға және Өзбекстанға экспорттайды.
Жақын болашақта компания өз жеткізілімдерінің аумағын кеңейтуді жоспарлап отыр, сондықтан оның негізгі мақсаты оңтүстік-шығыс Азия нарығына: Қытай, Тайваньға, сондай-ақ Таяу Шығыс: БАӘ, Катар, Аман және т.б. шығу.

&#8220;Аралтұз&#8221; АҚ қызметкерлерінің жалақысы 10 пайызға өседі

<a href="https://kyzylorda-news.kz/">Kyzylorda-news.kz.</a> Синоптиктер 17 ақпанда Қазақстанның бірқатар өңірінде ауа райына байланысты ескерту жариялады, деп хабарлайды Қазгидромет.
Ақтөбе облысының кей жерлерінде жаяу бұрқасын күтіледі. Солтүстік-шығыстан, шығыстан жел соғады, күші күндіз кей жерлерде 15-20 м/с күтіледі.
Батыс Қазақстан облысының кей жерлерінде тұман, жаяу бұрқасын күтіледі. Солтүстік-шығыстан жел соғады, күші күндіз кей жерлерде 15-20 м/с.
Қызылорда облысының кей жерлерінде тұман, көктайғақ күтіледі. Солтүстік-шығыстан, шығыстан жел соғады, күші күндіз кей жерлерде 15-20 м/с күтіледі.
Ақмола облысының кей жерлерінде тұман, жаяу бұрқасын, көктайғақ күтіледі. Солтүстік-батыстан соғатын жел солтүстік-шығысқа ауысады, күндіз кей жерлерде 15-20 м/с күтіледі.
Қостанай облысының кей жерлерінде тұман, көктайғақ, күндіз оңтүстігінде жаяу бұрқасын болады. Қарағанды облысының кей жерлерінде көктайғақ, тұман түседі.

Ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a>&nbsp;“Күнделік”&nbsp;жүйесін бұзу туралы ақпарат шындыққа жанаспайды, деп хабарлайды&nbsp;ҚР Білім және ғылым министрлігінің баспасөз қызметі.&nbsp;
“Күнделік” электрондық жүйесі “Ұлттық ақпараттық технологиялар” АҚ серверлік орталығының базасында орналасқан әрі сыртқы шабуылдардан қорғалған дейді “Күнделік” ЖШС директоры Мұхтар Ілиясов.
Оның айтуынша, жүйені ҚР Ұлттық қауіпсіздік комитетінің “Мемлекеттік техникалық қызмет” АҚ тұрақты бақылап отырады. Кез-келген сыртқы шабуылды ҚР ҰҚК қадағалайды.
Сондай-ақ ол “Күнделік” жүйесін бұзу туралы ақпарат шындыққа жанаспайтынын айтты. Яғни, ешқандай шабуыл болмаған, пайдаланушылардың деректерін қорғау толықтай қамтамасыз етілген.
<blockquote>
 “Электрондық жүйеде деректермен жұмыс істеу кезінде жеке ақпараттық қауіпсіздік ережелерін сақтау қажет. Логин мен құпиясөзді бөгде адамдарға беруге немесе ашық түрде қалдыруға болмайды. Мұндай жағдайларда аккаунттар бұғатталып, келеңсіз жағдайларға әкеп соқтыруы мүмкін. Мәселен, бүгін қаскүнем аккаунтын ашық қалдырған пайдаланушының атынан жүйеге кіріп, әдепсіз хабарламалар қалдырды. Техникалық қолдау қызметі бұл хабарламаларды өшіріп, профильді бұғаттады”, –&nbsp;деп жауап берді Мұхтар Ілиясов.
</blockquote>

&#8220;Күнделік&#8221; жүйесі істен шықты &#8211; жалған ақпарат

<a href="https://kyzylorda-news.kz/">Kyzylorda-news.kz.</a> Қылмыстық-атқару жүйесін дамытудың 2019-2023 жылдарға арналған Жол картасын іске асыру шеңберінде Қызылорда облысы бойынша ҚАЖ мекемелерінде сотталғандардың құқықтық және ұстау жағдайын жақсартуға, цифрландыруға және жүйенің ашықтығына бағытталған бірқатар жұмыстар атқарылып жатыр.
Жуырда тергеу изоляторы мен түзеу мекемелеріндегі&nbsp; сотталғандардың&nbsp; арыз-шағымдарын, өтініштерін саусақ таңбасының көмегімен өкілетті органға жөнелтілетін электронды терминалдар орнатылды. Қазіргі таңда мекемелердегі барлық сотталғандарға терминалды пайдалану бойынша оқыту жүргізілді. &nbsp;
Осы электронды терминал арқылы сотталушы немесе айыпталушы&nbsp; азаматтар өзінің жеке ісі бойынша тікелей сотқа, прокуратураға және Сыбайлас жемқорлыққа қарсы қызметке арыз-шағым жасай алады. Ол үшін алдымен, сотталған арыз-шағым немесе өтініш хат берген терминалдан сандық түбіртегін алады. Бұл түбіртек оның өтінішін, арызын&nbsp; қарау кезегі болып саналады.
ЗК-169/4 қауіпсіздігі барынша төмен мекемеде жазасын өтеп жүрген О. есімді азамат өзінің жеке ісі бойынша электронды терминал арқылы облыстық прокуратураға өтінішін жолдады.
Бұл дегеніміз қамауында отырған айыпталушылар мен сотталған азаматтардың құқықтық қызметтерді алуы, сыбайлас жемқорлық тәуекелдерін болдырмау,&nbsp; қолжетімділікті арттыру болып табылады.
<img src="https://kyzylorda-news.kz/wp-content/uploads/2021/02/whatsapp-image-2021-02-16-at-15.03.39-1.jpeg" alt="" />

Қызылордада түзеу мекемелерінде электронды терминалдар іске қосылды

<a href="https://kyzylorda-news.kz/">Kyzylorda-news.kz.</a> 15 ақпан күні Қызылорда облысы Полиция департаментінің Қазалы аудандық полиция бөліміне Айтеке би кентінің тұрғыны арызданды.
Арызда кенттегі уақытша жұмыс істемей тұрған балабақшадан белгісіз біреулер тұрмыстық заттарын ұрлап кеткенін көрсеткен. Жәбірленушіге жалпы&nbsp;құны 1 миллион теңгеден аса залал келтірілген.
Аудандық полицейлермен атқарылған жедел-іздестіру шараларының нәтижесінде күдікті ретінде кенттің 28 жастағы және бұрын сотты болған 35 жастағы тұрғындары анықталып ұсталды. Олардан айғақ заттар алынды.
Аталған дерек бойынша Қазақстан Республикасы Қылмыстық кодексінің 188 баптың 2 бөлігімен (Ұрлық) сотқа дейінгі тергеп-тексеру амалдары жүргізілуде. Оқиғаның мән-жайы анықталуда.

Қазақстан және Қызылорда облысының жаңалықтары

Қазақ телевизиясының ардагері Нұртілеу Иманғалиұлы өмірден өтті

Қызылордада 5 адамнан коронавирус табылды

Аймақ басшысы тұрғындарды қабылдады

БЖЗҚ зейнетақы жинағының бір бөлігін алуда өтінім қабылданбау себептерін атады

Қармақшыда көктемгі су тасқынының алдын алу шаралары пысықталды

Қызылордада 47 отбасыға көмек көрсетілді

Қызылордада автокөлікке зақым келтірген ер адам ұсталды

“Аралтұз” АҚ қызметкерлерінің жалақысы 10 пайызға өседі

Ауа райына байланысты ескерту жарияланды

“Күнделік” жүйесі істен шықты – жалған ақпарат

Қызылордада түзеу мекемелерінде электронды терминалдар іске қосылды

Қазалыда балабақшаға ұрлыққа түскен тұрғындар ұсталды

Қазақстан және Қызылорда облысының жаңалықтары

Қазақ телевизиясының ардагері Нұртілеу Иманғалиұлы өмірден өтті

Қызылордада 5 адамнан коронавирус табылды

Аймақ басшысы тұрғындарды қабылдады

БЖЗҚ зейнетақы жинағының бір бөлігін алуда өтінім қабылданбау себептерін атады

Қармақшыда көктемгі су тасқынының алдын алу шаралары пысықталды

Қызылордада 47 отбасыға көмек көрсетілді

Қызылордада автокөлікке зақым келтірген ер адам ұсталды

&#8220;Аралтұз&#8221; АҚ қызметкерлерінің жалақысы 10 пайызға өседі

Ауа райына байланысты ескерту жарияланды

&#8220;Күнделік&#8221; жүйесі істен шықты &#8211; жалған ақпарат

Қызылордада түзеу мекемелерінде электронды терминалдар іске қосылды

Қазалыда балабақшаға ұрлыққа түскен тұрғындар ұсталды

“Аралтұз” АҚ қызметкерлерінің жалақысы 10 пайызға өседі

“Күнделік” жүйесі істен шықты – жалған ақпарат