<a href="https://kyzylorda-news.kz/">Kyzylorda-news.kz</a> Облыстық мәслихаттағы «AMANAT» партиясы депутаттық фракция мүшесі, партиялық бақылау комиссиясының төрағасы Нұркен Бақытбекұлы партия алаңында кестеге сәйкес қабылдау өткізді.Қабылдауға келушілер тұрғын үй-коммуналдық мәселелер, әлеуметтік көмек көрсету және өзге де тақырыптар бойынша өтініштері мен ұсыныстарын білдірді.Н.Бақытбекұлы қабылдауға қатысқан тұрғындардың өтініш-тілектерін тыңдап, көмек көрсету мүмкіндігі қаралатынын және құзырлы мекемелермен бірлесіп мәселелердің оң шешілуіне ықпал жасайтынын жеткізді.&nbsp;Қабылдау барысында аталған мәселелер бойынша тиісті органдарға депутаттық сауал жолдап, заң аясында шешілгенше өз бақылауына алатынын білдірді.&nbsp;

Фракция мүшесі тұрғындарды қабылдады

<a href="https://kyzylorda-news.kz/">Kyzylorda-news.kz</a> «Ауыл аманаты» жобасы – Мемлекет басшысының сайлауалды бағдарламасын жүзеге асыру аясында қолға алынған маңызды бастама және ауыл тұрғындарының тұрмысын жақсартып, табысын арттыруға бағытталған.Осы орайда «AMANAT» партиясы ауыл халқының еңбек табысын арттыру мақсатында Үкіметпен бірлесіп «Ауыл аманаты» жобасын іске қосқан болатын. Бастапқыда пилоттық жоба ретінде қолға алынған жоба бүгінде ел көлімінде жүйелі жүзеге асып келеді. Халықтың жартысынан астамы ауылдық жерде тұратын Сыр өңірі үшін бұл жобаның маңызы зор.Бүгінгі күні өңірімізде жобаның жемісін көре бастаған азаматтар қатары артып келеді. Осы орайда қолынан келетін істі кәсіпке айналдырған жандардың бірі Қармақшы ауданы, Жосалы кентінің тұрғыны Фариза Ахауова.«Ауыл аманаты» жобасы аясында шағын несие алу мүмкіндігін тиімді пайдаланған аудан тұрғыны өз кәсібін бастап, «Фариза» кондитерлік өнімдер өндіру орталығын ашқан. Жоба бастамашысы цехқа құрал-жабдықтар сатып алу үшін «Ауыл Аманаты» жобасы шеңберінде төменгі пайызбен 8,0 млн теңге несие алған.Жаңа орталықта түрлі кондитерлік өнімдер – торттар, бәліштер, тәтті тоқаштар мен мерекелік өнімдер дайындалады. Өнімдер сапалы әрі табиғи шикізаттан әзірленіп, жергілікті тұрғындардың сұранысына сай ұсынылуда. Кәсіп иесі шағын несиенің көмегімен қажетті құрал-жабдықтар сатып алып, өндіріс процесін жолға қойған.Аталған жоба ауыл тұрғындарының кәсіп бастауына, өз ісін дамытуына үлкен мүмкіндік беріп отыр. «Ауыл аманаты» – тек қаржылай қолдау ғана емес, ауылдың экономикалық әлеуетін арттырып, халықтың әл-ауқатын жақсартуға бағытталған маңызды бағдарлама.Алдағы уақытта кондитерлік өнімдер өндіру орталығының жұмыс аясын кеңейтіп, қосымша жұмыс орындарын ашу жоспарлануда. Бұл өз кезегінде ауыл экономикасының дамуына оң әсерін тигізбек.<img src="https://knadmin.beoblood.kz/uploads/K_sipkerlik_nysan_2_7b5623442e.jpg" alt="Кәсіпкерлік нысан 2.jpg">

«Ауыл аманаты»: кәсіпке-тыныс, елге- ырыс 

<a href="https://kyzylorda-news.kz/">Kyzylorda-news.kz</a> 2025 жыл елеулі саяси және әлеуметтік-экономикалық жаңғыруларға толы болды. Ең бастысы, халықтың тұрмыс-тіршілігінде оң өзгерістер орын алды. Жаңа өндіріс орындары ашылып, қамба астыққа толды. Тұрғын үйлер, мектептер мен ауруханалар салынып, көлік жолдары жаңартылды.Қасым-Жомарт Тоқаев биыл еліміздің 9 өңіріне жұмыс сапарымен барып, 50-ден астам өндірістік, ғылыми, әлеуметтік-мәдени нысанды аралап көрді.Сондай-ақ Президент 16 облыс және республикалық маңызы бар қала әкімдерінің есебін тыңдады.

Өзгерістер жылы: Президент 9 өңірге барып, әкімдердің есептерін тыңдады

<a href="https://kyzylorda-news.kz/">Kyzylorda-news.kz</a> Өнер орталығында облыс әкімі Нұрлыбек Нәлібаевтың қатысуымен 2025 жылды қорытындылауға және Жаңа 2026 жылды қарсы алуға арналған мерекелік іс-шара өтті. Оған Парламент Сенатының депутаттары Наурызбай Байқадамов, Руслан Рүстемов, құқық қорғау органдарының бірінші басшылары, Қызылорда қаласы мен аудан әкімдері, облыстық, қалалық және аудандық мәслихат төрағалары, зиялы қауым өкілдері қатысты.Аймақ басшысы ескі мен жаңа жылдың тоғысында өткенге ой жүгіртіп, жаңа жоспар құрып, келешектің бағытын айқындаудың маңызын айтып, жиналған жұртшылықты мерекемен құттықтады. Жыл ағымында өңірде жүзеге асқан жобаларға, қолға алынған бастамаларға, жарқын жетістіктерге тоқталды.<blockquote>«2025 еліміз, өңіріміз үшін тарихи-саяси маңызды оқиғаларға толы, табысты жыл болды. Мемлекет басшысы Қасым-Жомарт Кемелұлы облысымызға арнайы жұмыс сапарымен келгенде әлеуметтік нысандар мен өндіріс орындарында болып, өңіріміздің әлеуметтік-экономикалық дамуы бағытында атқарылған істерімізге оң бағасын берді. Астана мен Алматы қалаларындағыдай тәулік бойы жұмыс жасайтын үшінші Президенттік кітапхананың Қызылордада салынатынын айтты. Бұл бастаманы барша Сыр жұртшылығы зор қуанышпен қабылдады. Президентіміздің, Үкіметтің ерекше қолдауымен аймағымызда жаңа жобалар сәтті жүзеге асуда. Негізгі макроэкономикалық көрсеткіштер бойынша республикада алғашқы орындамыз. Бірер күннен соң жақсылықпен, жақсы үмітпен халқымыздың жеті қазынасының бірі саналатынЖылқы жылын қарсы аламыз. Жаңа жылда игі істеріміз жалғасын тауып, кең байтақ елімізге молшылығы мен тоқшылығын, қасиетті жерімізге бақ-берекесін алып келсін! Жаңа 2026 аймағымызды толайым табыстардың төріне шығаратын жыл болғай!», – деді Нұрлыбек Машбекұлы.</blockquote>&nbsp;<img src="https://knadmin.beoblood.kz/uploads/orytyndy_is_shara_b67cffb66b.jpg" alt="Қорытынды іс-шара.jpg">Тарих қойнауына қарай қадам басқан жыл Сыр өңірі үшін жеңіс пен жетістіктердің және ауқымды жоспарларды жүзеге асырған еңбек адамдарының жылы болды. «Жұмысшы мамандықтар жылында» түрлі салада тер төккен еңбеккерлер жоғары мемлекеттік наградалармен марапатталды. Атап айтқанда, «Парасат», «Құрмет», III дәрежелі «Еңбек даңқы» ордендері, «Ерен еңбегі үшін»медалі, Премьер-министрдің Алғыс хаты, Қызылорда облысының Құрмет грамотасы табысталды.Елімізде 2012 жылдан бері «Үздік педагог» республикалық байқауы өткізіліп келеді. Осы уақыт ішінде Қызылорда облысынан 41 мұғалім жеңімпаз атанды. 2025 жылы облыстан 4 педагог республикалық, 6 ұстаз облыстық кезеңде үздік деп танылды. Қорытынды іс-шарада оқушылары олимпиадалар мен ғылыми жоба байқауларында жоғары нәтиже көрсеткен шығармашыл мұғалімдерге облыс әкімінің қолдауымен бір реттік сыйақы беріліп, «Үздік педагог» байқауының жеңімпаздары марапатталды.Сонымен қатар, жыл бойы өз саласында жоғары нәтижеге қол жеткізген әр саланың үздіктеріне арнайы номинациялар табысталды.Мерекелік іс-шарада Қазақстанның еңбек сіңірген қайраткері Айгерім Алтынбек Ш.Гуноның «Ромео мен Джульетта» операсынан Джульеттаның вальсін, «Бақыт вальсін», И.Штраустың «Вена орманының ертегілері» шығармасын орындады.<img src="https://knadmin.beoblood.kz/uploads/orytyndy_is_shara_3_ede11a2a72.jpg" alt="Қорытынды іс-шара 3.jpg">

Өнер орталығында жыл қорытындысына арналған іс-шара өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Қызылорданың сол жағалауында бой көтерген тоғыз қабатты 120 пәтерлік екі тұрғын үйдің кілтін кезекте тұрған отбасыларға табыстау рәсімі өтті.Оған Парламент Сенатының депутаттары Наурызбай Байқадамов, Руслан Рүстемов, құқық қорғау органдарының бірінші басшылары, аудан әкімдері мен арнайы келген делегаттар, зиялы қауым өкілдері мен ел ағалары қатысты. Аймақ басшысы жыл алмасар шақтағы жаңалықтарға, құрылыс, оның ішінде тұрғын үй құрылысы саласындағы жетістіктерге тоқталып, жаңа пәтер иелерін қоныстоймен құттықтады.<img src="https://knadmin.beoblood.kz/uploads/Zha_a_zhyl_arsa_ynda_zha_a_p_ter_3_d9a2b05b73.jpg" alt="Жаңа жыл қарсаңында жаңа пәтер 3.jpg"><blockquote>«Баршаңызды алдағы Жаңа жыл мерекесімен шын жүректен құттықтаймын! 2025 еліміз үшін де, өңіріміз үшін де бірлік пен берекенің, тұрақтылық пен татулықтың, жасампаздық пен жарқын істердің жемісті жылы болды. Президентіміздің, Үкіметтің қолдауымен өңірімізде серпінді жобалар жүзеге асып, әлеуметтік-экономикалық даму бағытында оң тенденция қалыптасты. Аймақ негізгі макроэкономикалық көрсеткіштер бойынша республикада алғашқы орындардан көрінді. Жалпы өңірлік өнім көлемі жыл қорытындысымен 3 трлн. 700 млрд. теңгеге жетіп, 6,5 пайыздық өсім қамтамасыз етілді. Облыс бюджеті 851 млрд. 300 млн. теңге болып, 2021 жылдан бері 246 пайыз өсті. Оның 56 пайызы әлеуметтік салаға бағытталды. Даму бюджетінің көлемі биыл 207 млрд. теңгеге жетіп, 2021 жылмен салыстырғанда 4,4 есе артты. Өңірімізде қолайлы инвестициялық климат қалыптасып, жаңа ірі инвестициялық жобалар жүзеге асуда. Тұрғындардың өмір сүру сапасын жақсарту үшін баспанамен қамтуда, инфрақұрылымды қайта жаңғыртуда тиісті шаралар қабылданды. Мемлекет басшымыздың, Үкіметтің қолдауымен Қызылорда қарқынды құрылыс алаңына айналды. 2022 жылдан бері 200-ге жуық әлеуметтік нысан салынып, ел игілігіне берілді. Бүгін – мемлекет қолдауымен баспаналы болған баршаңызға ерекше күн! Қоныстарыңыз құтты болсын!», – деді Н. Нәлібаев.</blockquote>&nbsp;<img src="https://knadmin.beoblood.kz/uploads/Zha_a_zhyl_arsa_ynda_zha_a_p_ter_2_63546226ec.jpg" alt="Жаңа жыл қарсаңында жаңа пәтер 2.jpg">Рәсімде тұрғын үйді сапалы салған құрылысшылар облыс әкімінің Алғыс хатымен марапатталып, Наурызбай Байқадамов құттықтау лебізін жеткізді. Қоғам қайраткері Бақберген Досманбетов бата берді.Еске салайық, 2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды. Кейінгі үш жылда алғаш рет барлық ауданда 1800-ге жуық жаңа пәтер жерлестеріміздің игілігіне айналды. Биыл 3600 пәтерлік тұрғын үй салуға бюджеттен 58 млрд. 785 млн. теңге бөлінді.Ерекше атап өту қажет, өткен жылдан бері қаламызда заманауи жаңа дизайнмен жеті, тоғыз, он екі қабатты тұрғын үйлер бой көтеруде.

Қызылордалықтар жаңа жыл қарсаңында жаңа пәтерге ие болды

<a href="https://kyzylorda-news.kz/">Kyzylorda-news.kz</a> &nbsp;Желтоқсан &nbsp;— жылдың ең қымбатқа түсетін &nbsp;айы: сыйлықтар, мерекелік дастарқан, корпоративтік кештер мен саяхаттар отбасылық бюджетке ауыртпалық түсіреді. Дәл осы кезеңде адамдар импульсивті сатып алулар жасайды, асығыс кредит алады және мереке алдында белсенді болып &nbsp;кететін алаяқтардың құрығына түседі. Жаңа жылды тыныш және жағымсыз тосынсыйларсыз қарсы алу үшін, Fingramota.kz сіз үшін арнайы чек-парақ жасады.Ақылға қонымды мерекелік бюджет жасаңызАқшаны жұмсамас бұрын, қанша ақша жұмсауға дайын екеніңізді түсіну маңызды — ол үшін шығындарды санаттарға бөліңіз: мысалы, сыйлықтар, мерекелік дастарқан, үйді безендіру &nbsp;және дайындау, сапарлар мен түрлі іс-шаралар. Сондай-ақ, күтпеген шығындарға ақша қалдыруды ұмытпаңыз, себебі мереке күндері кез келген нәрсе орын алуы мүмкін — күтпеген қонақтар немесе сапарға шығар алдында көлігіңіздің бұзылуы.&nbsp;Есептеп көрейік, мәселен, ипотека мен міндетті шығыстарды төлегеннен кейін отбасының табысы 300 мың теңгені құрайды. Сыйлықтар ең қымбат шығынның бірі болғандықтан, оларға 40%-ды немесе 120 000 теңге бөлуге болады. Бюджеттен асып кетпеу үшін алдын-ала кімге сыйлық беретіндігіңізді, қандай және қанша тұратындығына тізім жасап алыңыз.&nbsp;Сыйлықтардан кейінгі шығыны біраз аздау, алайда &nbsp;қомақты қаржыны қажет ететін — мерекелік дастарқан, оған біз бюджеттен 90 000 теңге немесе 30% бөлеміз. Ал үйді безендіруге &nbsp;30 000 теңгедей ғана бөлуге болады, &nbsp;өйткені, әдетте, әшекейлер өткен жылдардан қалады және оларды жаңартсаңыз жеткілікті.&nbsp;Саяхаттар мен ойын-сауық отбасының жоспарларына байланысты, сондықтан оларға тек 10% немесе 30 000 теңге бөлуге болады. Бұл киноға, тегін мерекелік қойылымдарға, концерттерге, жәрмеңкелерге немесе мұз айдынына бару болуы мүмкін. Егер сіз туыстарыңызға баратын болсаңыз, онда жол шығындары мен шағын сыйлықтарды санауды ұмытпаңыз.Және де, соңғысы, дегенмен ең маңыздысы — &nbsp;күтпеген шығыстар, оған да біз де 10% немесе 30 000 теңге қалдырамыз. Бұл қор сіздің қаржылық қауіпсіздігіңіз үшін маңызды, себебі мереке күндері көп нәрселер болып қалуы &nbsp;мүмкін — аз дегенде бағаның өсуі, күтпеген қонақтар немесе шұғыл сатып алулар. Мүмкін, сантехникаңыз кенеттен істен шығып қалуы мүмкін және маман шақыруға ақша жұмсауға тура келеді. Сондықтан бұл тармақты да назардан тыс қалдырмаңыз.&nbsp;Жаңа жыл қарсаңында белсенді болып кететін алаяқтардан сақ болыңызМереке қарсаңында жалған сайттар, жалған сатушылар және аниматорлардың атын жамылып «жұмыс істейтін» алатын алаяқтар көбейіп келеді. Соңғылары ата-аналардың мереке күндері кішкентай балаларына &nbsp;қуаныш сыйлау мақсатында Аяз Ата мен Ақшақардың қызметтеріне жүгінетінін пайдаланып, өз қызметтерін ұсынады. Алаяқтар әлеуметтік желілер арқылы көзге бірден түсетін жарнамалар орналастырады, төмен бағалар ұсыну арқылы ата-аналарды алдап, арбап өздеріне тартады.Бұдан әрі олар екі бағытта жұмысын жалғастырады: не алдын ала төлем алып, бірден жоқ болып кетеді, &nbsp;не үйге келіп, &nbsp;біреуі ересектер мен балалардың көңіл-күйін көтеріп жатқанда, екіншісі ұрлықпен айналысып, үйдегі құнды заттарды алып кетеді. Сондықтан компанияның нарықтағы орнын мұқият тексеріп, тәуелсіз сайттардан нақты жазылған пікірлерді бір шолып шығыңыз, таныстарыңыздан ақпарат алыңыз және күмәнді сайттардан тапсырыс бермеңіз.Алаяқтықтың тағы бір кең таралған түрі жалған акциялар мен сайттардың көшірмесі болып келетін сайттар арқылы жүргізіледі. Адамдар фишингтік беттердегі жарнамаларға алданып жатады, мұнда алаяқтар өте төмен баға көрсетеді, осы жерден алаяқтар ақшаны ұрлайды және құрылғыға вирус кіргізіп қояды. Тек тексерілген сайттардан сатып алыңыз, сайттың мекенжайын тексеріңіз (күдікті әріптерді ауыстыру болуы мүмкін — мысалы, Wildberries &nbsp;орнына Wildberrie$) және қосымша жеке деректерді енгізбеңіз — жұмыс істеп тұрған дүкендерге ол қажет емес.Сіз таң қалуыңыз мүмкін, бірақ тіпті&nbsp;зиянсыз құттықтау хаттары&nbsp;да алаяқтардың қолындағы қаруға айналды. Олар азаматтардың гаджеттерін бұзып кіру арқылы олардың жақындарына құттықтаулар жібереді, олар шын мәнінде зиянды ресурстарға әкеледі, олар құрылғыға шпиондық бағдарламалар орнатады — олардың көмегімен алаяқтар шоттардан ақша алады немесе кредит ресімдейді. Сондықтан, олар сіздің әжеңізден келген болса да, ешқашан&nbsp;сілтемелерге өтпеңіз.Сондай-ақ, жаңа жылдық «инвестициялық ұсыныстардан» сақ болыңыз: мерекелерге дейін жалған брокерлер, крипто-алаяқтар және жай қаржы пирамидалары іске қосылады. Олар&nbsp;«Жаңа жылға қатысты кіріс», «кепілдендірілген кіріс»&nbsp;немесе&nbsp;«ақша салғандары үшін сыйлық бонустарына»&nbsp;уәде етеді. Алайда, инвестицияларда кепілдендірілген пайда жоқ екенін есте ұстаған жөн — мұны сізге кез келген нақты брокер айтады және барлық қаржы компаниялары ҚНРДА сайты арқылы оңай тексеріледі: егер лицензия болса, онда адамдарға сенуге болады, егер жоқ болса, біз ұсыныстан ол қаншалықты тиімді болып көрінсе де бас тартамыз.Сонымен, желтоқсан айы қаншалықты қарбалас болса да, балалар мен қарт туыстарыңызға көңіл аударыңыздар, олардың мұқият болуын қадағалаңыз, оларға уақыт бөліңіз, себебі олар көбінесе алаяқтық схемалардың құрбаны болады. Оларға қоңырау шалып, мысалы: «Сіздің анаңыз апатқа ұшырады, Сіз оның полицияда болғанын қаламайсыз ғой? «немесе» сіздің немереңіз ауруханада, шұғыл түрде емделуге ақша қажет» деп айтуы мүмкін. Оларға қарапайым ережені: ешқашан кодтарды, карта деректерін және CVV-ді ешкімге жібермеуін және қандай жағдай болса да айтпауын түсіндіріңіз. Кез келген күмән туындаған кезде Сізге бірден қоңырау шалуын сұраңыз.Бүкіл ақшаңызды желтоқсанда жұмсап қоймаңызКөтеріңкі көңіл-күйде ақша жұмсауға қызықтырып тұратын жайттар көп, себебі Жаңа жыл — тосынсый, жылына бір-ақ рет болатын мейрамды жақсылап бір тойлайық. Бірақ ешкім қаржылық міндеттемелердің күшін жойған жоқ, және сіз барлық жақындарыңызды қымбат сыйлықтармен толтырып, өзіңізді қуантып, үйді безендіргіңіз келсе де, қаңтар айына резерв дайындау керек екенін ұмытпаңыз. Себебі 2026 жылдың бірінші айында біз барлық бірдей коммуналдық төлемдерді, ипотека немесе жалдау төлемдерін, көлік шығындарын, азық-түлік шығыстарын, дәрі-дәрмектерді және т. б. төлем жасауымыз қажет. Сондықтан желтоқсан айындағы жалақының кем дегенде 15-20%-ын қаңтарға қалдырыңыз, егер сізде сыйлықақы болса, оның бір бөлігін де кейінге қалдырған дұрыс.&nbsp;Тағы да бір маңызды кеңес: мереке үшін кредит ресімдемеңіз - олар үшін де сіз қаңтарда төлейсіз. Егер сіз қарызсыз сыйлық ала алмасаңыз, онда бұл сыйлық сіз үшін өте қымбат. Арзанырақ, алайда сыйлық беретін жанның немен айналысатынын ескере отырып, мағыналы сыйлық берсеңіз сол дұрысырақ болады.<img src="https://knadmin.beoblood.kz/uploads/infographics_1211_74_11d5159b50.png" alt="infographics-1211-74.png">Толығырақ&nbsp;"Бюджетті жоспарлаймыз"&nbsp;бөлімінде оқыңызФото: fingramota.kz

Жаңа жылдық чек-парақ: бюджеттіңізді мерекеге қалайша дұрыс есептеп, алаяқтардың айласына түсіп қалмаудың жолдары

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Машбекұлының тапсырмасына сәйкес облыс әкімінің бірінші орынбасары Данияр Жаналиновтың төрағалығымен облыс әкімдігі жанындағы құқықбұзушылық профилактикасы жөніндегі ведомствоаралық комиссия отырысы өтті. Онда мереке күндері тәртіп пен қауіпсіздікті қамтамасыз ету мәселесі қаралды. Комиссия отырысына жауапты сала басшылары қатысып, бірқатар тапсырма жүктелді.<blockquote>«Қоғамдық орындарда, ойын-сауық нысандарында, түнгі клубтарда, базарлар мен сауда орталықтарында, жалдамалы пәтерлерде құқықбұзушылықтың алдын алу жұмыстары күшейтілсін. Мерекелік іс-шаралар кезінде мас күйде жүру, топтық төбелес, бұзақылық, өзге де құқықбұзушылықтарға жол бермеу үшін кешенді шаралар қабылдансын. Ұрлық, алаяқтық және өзге де қылмыстардың алдын алуда күшейтілген рейдтік-профилактикалық іс-шаралар ұйымдастырылсын.Алкоголь өнімдерін сатуға белгіленген уақытты сақтауды, мас күйдегі азаматтарға алкоголь сатпауды бақылау керек. Әлеуметтік нысандар мен тұрғын үйлерге су, жылу, электр, газ беру және тазалық қызметтері үздіксіз көрсетілуі тиіс. Резервтік жүйелерді тексеріп, қосымша қуат көздерін дайындап қою қажет. Коммуналдық қызметтер 24 сағаттық кезекшілік пен жедел байланыс желісін ұйымдастырсын.Қызылорда облысы полиция департаменті бастығының орынбасары Ермахан Абдрамановтың хабарламасы назарға алынып, полиция департаменті, Қызылорда қаласы және аудан әкімдіктері, мүдделі мемлекеттік органдар, профилактика субъектілерімен бірлесіп, өз құзыреттері шегінде заң нормаларын іске асыруға бағытталған ұйымдастырушылық, әдістемелік және талдамалық шаралар кешенін алдын ала пысықтауы тиіс. Қабылданатын заң талаптарын тиімді енгізуге дайындық жөнінде ұсыныстар енгізу өте маңызды», – деді Данияр Еренғалиұлы.</blockquote>Сонымен қатар, негізгі жол тораптары мен халық көп жиналатын аумақтарды патрульдеуді, өрт, жарылыс және өзге де апаттық жағдайларға жедел әрекет етуге дайындықты күшейтуді тапсырды. Медициналық қызметтің, жедел жәрдем бригадаларының әзірлігі де назардан тыс қалмауы керек.

Мереке күндері қоғамдық тәртіп пен қауіпсіздікті қамтамасыз ету мәселелері қаралды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев опера әншісі, Қазақстанның еңбек сіңірген қайраткері Айгерім Алтынбекпен кездесті.Аймақ басшысы опера әншісінің өнер жолындағы жетістіктеріне, өңірдің мәдениет саласында атқарылған жұмыстарға тоқталды.<blockquote>«Ең алдымен Айгерімді еліміздің ұлттық мерекесі – Республика күніне орай Мемлекет басшысының қолынан «Қазақстанның еңбек сіңірген қайраткері» атағын алуымен, әлемдегі ең беделді театрлардың бірі – Италиядағы атақты «Ла Скала» театрының академиясына тағылымдамадан өтуге қабылдануымен Өзімнің және Сыр жұртшылығы атынан шын жүректен құттықтаймын! Бұл – тек сіздердің отбасылық жетістіктеріңіз ғана емес, елімізбен қатар, аймағымыздың өнері мен мәдениетінің халықаралық деңгейде мойындалуының жарқын көрінісі.Президентіміз Қасым-Жомарт Кемелұлы «Еліміздің келешегі ойы ұшқыр, терең білімді, заманауи көзқарастағы жастардың қолында» деген болатын. Айгерімнің шығармашылық жолы, үздіксіз ізденісі мен кәсіби шеберлігі жас буын үшін үлгі.Қазір «Сыр елі – жыр елі» атанған өңірімізде өнерпаздарға қолайлы орта қалыптастыру, өнерлі, дарынды жастардың шығармашылығын шыңдауға бағытталған маңызды жобалар жүзеге асырылуда.Соның бір жарқын көрінісі Өзіңіз білім алған, ел мәдениетінің өркендеуіне өлшеусіз үлес қосқан өнерпаздарды түлеткен Қазанғап атындағы Қызылорда музыкалық колледжінің ғимаратын жатақханасымен қосып заманауи үлгіде жаңадан салып пайдалануға бердік», – деді Нұрлыбек Машбекұлы.</blockquote>Кездесуде облыстың Құрмет грамотасын алған Айгерім Алтынбек, қазақы дәстүрге сай сый-сияпат иеленген анасы Кеңескүл Ақтілеуқызы көрсетілген құрметке ризашылық білдірді.Биыл сырбойылық опера әншісі Айгерім Алтынбек әйгілі тенор Хосе Каррерастың Астана қаласында өткен мерейтойлық қоштасу және Италиядағы әлемдік турына, Андреа Боччелидің Ежелгі Помпей амфитеатрының сахнасында өткен тарихи концертіне қатысты. «Ла Скала» театрының академиясына тағылымдамадан өтуге қабылданды. Бұл – қазақстандық опера өнері үшін зор жетістік.<img src="https://knadmin.beoblood.kz/uploads/Ajma_basshysy_opera_nshisi_Ajgerim_Altynbekpen_kezdesti_bb6ffc0bc4.jpg" alt="Аймақ басшысы опера әншісі Айгерім Алтынбекпен кездесті.jpg">Әнші республикалық және халықаралық вокалдық байқауларда жүлделі орындарға ие болып, Қазақстанның атын әлемдік сахнада кеңінен танытты.Ол 2014-2016 жылдары Қызылорда облыстық филармониясында солист қызметін атқарған. Қазір Роза Бағланова атындағы «Қазақконцерт» мемлекеттік академиялық концерттік ұйымының әртісі ретінде шығармашылық қызметін жалғастырып келеді.Фото: Қызылорда облысы әкімінің баспасөз қызметі

Аймақ басшысы опера әншісі Айгерім Алтынбекпен кездесті

<a href="https://kyzylorda-news.kz/">Kyzylorda-news.kz</a> Қазақстанда&nbsp;мұғалімдердің құқықтарын қорлағаны және бұзғаны үшін жазаны күшейтуді ұсынылды.&nbsp;Бұл туралы<a href="https://stan.kz/kazakstanda-mygalimderdi-korlagani-ushin-zhaza-kusheyti-428272/">&nbsp;Stan.kz</a>&nbsp;ақпарат агенттігі хабарлады.Оқу-ағарту министрлігінің білім беру сапасын қамтамасыз ету комитетінің төрағасы Серік Әшіров орталық коммуникациялар қызметінде өткен брифингте мұғалімдердің құқығы туралы мәлімдеді.<blockquote>"Қазір мұғалімдерді қорлаған оқушылар әкімшілік құқықбұзушылық туралы кодекстің 409-бабы бойынша әкімшілік жазаға тартылады. Бірінші рет құқықбұзушылық үшін ескерту жасалады, ал қайталанған жағдайда айыппұл салынады", –&nbsp;деді ол.</blockquote>Әшіров тамыздағы конференцияда мемлекет басшысы мұғалімдердің құқықтарын қорғауды күшейтуді және "Мұғалмдердің мәртебесі туралы" заңға түзетулер енгізуді тапсырғанын еске түсірді.<blockquote>"Осы нұсқаулықтың бөлігі ретінде мұғалімдердің құқықтарын бұзғаны және оларға құрметсіздік көрсеткені үшін жазаны күшейтетін заң жобасы әзірленіп жатыр. Мысалы&nbsp;ескертусіз дереу айыппұл салу ұсынылады", –&nbsp;деді министрлік өкілі.</blockquote>Сонымен қатар&nbsp;жаңа түзетулер мұғалімдерге жүктелген қағазбастылық жүктемесін азайтуға және ата-аналардың балаларының мектептегі тәртібі үшін жауапкершілігін арттыруға бағытталған.Фото: Pixabay.com

Қазақстанда мұғалімдерді қорлағаны үшін жаза күшейтіледі

<a href="https://kyzylorda-news.kz/">Kyzylorda-news.kz</a> «AMANAT» партиясының Қызылорда қалалық филиалына қарасты «Қызылорда темір жолы» бастауыш партия ұйымында «Бақытты отбасы» жобасы аясында Жаңа жыл мерекесіне орай «Жаңа жыл – Жаңа арман, Жаңа белес!» атты мерекелік шара ұйымдастырылды.Басқосуға партияның Қызылорда қалалық филиалының атқарушы хатшысы Гүлшат Мұсаева арнайы қатысып, жиналған қауымды келе жатқан жаңа жылмен құттықтады. Ол өз сөзінде партияның әлеуметтік бағыттағы бастамаларына тоқталып, мұндай игі шаралар ұжымдық бірлікті нығайтып, қоғамдағы жауапкершілікті арттыруға ықпал ететінін атап өтті.<img src="https://knadmin.beoblood.kz/uploads/Zha_a_zhyl_zha_a_arman_zha_a_beles_1_a1874dd41a.jpg" alt="«Жаңа жыл-жаңа арман, жаңа белес!”1.jpg">Жиын барысында «Қызылорда темір жолы» бастауыш партия ұйымының төрағасы Батырхан Базарбаев та сөз алып, жыл бойы атқарылған жұмыстарға қысқаша тоқталып, алдағы кезеңге арналған жоспарларымен бөлісті. Сонымен қатар, ұйым мүшелерінің белсенділігі мен ынтымақтастығы партия жұмысының нәтижелі болуына негіз екенін айтты.Мерекелік шара аясында партия мүшелерінің балаларына Қызылорда қалалық филиалы тарапынан жаңа жылдық сыйлықтар табысталды. Бұл — партияның әлеуметтік жауапкершілік пен отбасылық құндылықтарды қолдауға бағытталған нақты қадамдарының бірі.

"Жаңа жыл-жаңа арман, жаңа белес!”

<a href="https://kyzylorda-news.kz/">Kyzylorda-news.kz</a> 2026 жылғы қаңтардан бастап медициналық көмектің бірыңғай пакетіне кезең-кезеңімен көшу басталады, ол:қызметтердің қайталануын қоспағанда, ТМККК мен МӘМС-ті нақты ажырату;аурулардың ерте профилактикасының қолжетімділігін арттыру;әлеуметтік мәні бар ауруларды ерте анықтау бойынша кепілдіктерді кеңейту;ресурстарды қайта бөлудің есебінен жүйенің қаржылық тұрақтылығы;денсаулық сақтаудың толыққанды сақтандыру моделіне жақындау.Медициналық көмектің бірыңғай пакеті шеңберінде онкологиялық ауруларды, артериялық гипертензияны, жүректің ишемиялық ауруын, глаукоманы және қант диабетін ертерек анықтауға арналған скринингтер МӘМС мәртебесіне қарамастан барлық азаматтарға қолжетімді болады.ТМККК пакетінде онкоскринингтердің жалпыға бірдей қолжетімділігі қатерлі ісіктерді ерте сатыларда уақтылы диагностикалауды және емдеуді қамтамасыз етуге мүмкіндік береді. Жүрек-қан тамырлары ауруларын, глаукоманы және қант диабетін уақтылы анықтау асқынулардың алдын алуға және мүгедектікті азайтуға жағдай жасайды.Фото: freepik

Скринингтер МӘМС жоқ барлық азаматтар үшін қолжетімді

<a href="https://kyzylorda-news.kz/">Kyzylorda-news.kz</a> 2026 жылдан бастап МӘМС жүйесі жергілікті бюджеттер қаражаты есебінен қосымша әлеуметтік әл-ауқатының дағдарысты және шұғыл деңгейі бар (Д және Е санаттары) шамамен 1 млн азаматты қамтитын болады. Бұл ел халқының тағы 5%-ы үшін жоспарлы медициналық көмекке қол жеткізуді қамтамасыз етеді.Бұрын хабарланғандай, азаматтардың осы санаттары үшін жарналарды жергілікті атқарушы органдар медициналық көмекке жүгіну фактісі бойынша төлейтін болады. Сондай-ақ, жергілікті бюджеттерге ресми тіркелген жұмыссыздар үшін жарналарды төлеу бойынша шығыстар жүктеледі (қазір мемлекет республикалық бюджеттен жұмыссыздар үшін жарналар төлейді).

Қазақстан және Қызылорда облысының жаңалықтары