<a href="https://kyzylorda-news.kz/">Kyzylorda-news.kz</a> Татарстан астанасында қазақтың ұлы ақыны әрі ойшылы Абай Құнанбаевқа арналған ескерткіштің ашылу салтанаты өтті.Мәдениет және ақпарат министрлігі хабарлағандай, Ұлы ойшылдың ескерткіші Қазан қаласында Назарбаев пен Качалов көшелерінің қиылысында орнатылды.Іс-шара Қазақстан Президентінің 2024 жылғы 22-24 қазан аралығында өтіп жатқан БРИКС мемлекет басшыларының XVI Саммитіне қатысу үшін Қазан қаласына жұмыс сапары аясында өткізілді.Ашылу салтанатына Қазақстан Республикасының Мәдениет және ақпарат министрі Аида Балаева, Татарстан Республикасының Мәдениет министрі Ирада Аюпова, Қазандағы ҚР Бас консулы Ерлан Ысқақов, сондай-ақ Татарстан Жазушылар одағының төрағасы Ркаил Зайдуллин, сондай-ақ қала тұрғындары мен қазақ ұлттық-мәдени автономиясының өкілдері қатысты.ҚР Мәдениет және ақпарат министрі Аида Балаева Қазанда ескерткіштің ашылуын халықтар арасындағы достықтың, өзара түсіністік пен рухани туыстықтың үлгісі екенін айтты.<blockquote>«Бүгінгі іс-шараның БРИКС мемлекеттері ынтымақтастығы саммиті аясында өтіп жатқанының өзі іс-шараға ерекше сипат беріп тұр. Бұл екі ел арасындағы мәдени байланысты нығайтып, тереңдете түсері сөзсіз. Абай – өз ұлтының рухани байлығын бойына сіңіре отырып, жалпы адамзаттық ой-пікір деңгейіне көтерілген тұлға. Біздің халықтар арасындағы өзара мәдени құндылығымыз артып, достығымыз нығая берсін», – деді Аида Балаева.</blockquote>Ұлы ойшылдың ескерткіші Қазан қаласында Назарбаев пен Качалов көшелерінің қиылысында орнатылды. Бюст авторы – Қазақстан Республикасы Суретшілер одағының мүшесі, мүсінші Нұрбол Қалиев.<blockquote>«Қазақстанның Ресеймен достық қатынасын дамыту аясында Татарстанға, біздің мәдениетімізге шынайы қызығушылық танытып жатқаны қуантады. 2018 жылы Қазақстан тарапынан Қазан қаласына қонақжайлық белгісі – «Тайқазан» мүсіні сыйға берілді. Бүгін Абайдың ескерткіші де дәл осы жерде, осы алаңда орнатылуы кездейсоқ емес. Ресейде ұлы қазақ ақынына деген құрмет ерекше. Еліміздің астанасында Абайдың ескерткіші орнатылған. Сондай-ақ Ресейдің бірқатар қалаларында Абай Құнанбайұлының атымен аталған көшелер бар. Бүгінгі іс-шара – қазақ пен татар халықтарының рухани бірлігіне негізделген ұзақ жылдар бойғы жемісті іскерлік пен мәдени байланыстардың нәтижесі деп білеміз», – деді Татарстан Республикасының Мәдениет министрі Ирада Аюпова.</blockquote>Салтанатты іс-шара қазақ ақынының ескерткішіне гүл шоқтарын қою рәсімімен қорытындыланды.Фото: Мәдениет және ақпарат министрлігі

Татарстанда Абай Құнанбаев ескерткіші ашылды

<a href="https://kyzylorda-news.kz/">Kyzylorda-news.kz</a> Қазақстан саяхаттауға болатын үздік мемлекеттердің тізімінде 5-орында тұр. Шетелдік сарапшылар Қазақстанның ерекше табиғатын, бай мәдениеті мен тарихи мұрасын жоғары бағалады.Бұл туралы&nbsp;Stan.kz&nbsp;ақпарат агенттігі хабарлайды.Үздіктердің тізімінде Орталық Африкадағы Камерун мемлекеті көш бастап тұр. Литва екінші орынға тұрақтады.&nbsp;Океаниядағы Фиджи үздік үштіктің қатарында. Төртінші орында Лаос мемлекеті тұрса, Қазақстан үздік бестіктің қатарын толықтырды. Одан кейінгі тізімде Парагвай, Словакия мен Арменияға барғысы келетіндер азшылық.Туристер көп баратын&nbsp;бағыттарды&nbsp;Lonely Planet халықаралық басылымы жан-жақты зерттеді.&nbsp;Аналитика&nbsp;саяхатшылардың, гид&nbsp;авторларының және басқа да туризм мамандарының пікірлеріне негізделген.&nbsp;Фото:&nbsp;pixabay.com

Қазақстан саяхаттауға тұрарлық үздік елдердің тізіміне енді

Сурет: akorda.kzҚасым-Жомарт Тоқаев ұлық мереке – Республика күніне арналған Мемлекеттік ту көтеру салтанатты рәсіміне қатысты, деп хабарлайды <a href="https://kaz.zakon.kz/kogam-tynysy/6051310-prezident-memlekettk-tu-kteru-rsmne-atysty.html">Zakon.kz.</a>Іс-шара "Ақорда" резиденциясының алдында өтті.Құрмет қарауылының бастығы Президентке рапорт берді. Бұдан кейін Қасым-Жомарт Тоқаевтың бұйрығымен Мемлекеттік ту көтеріліп, Әнұранымыз шырқалды. &nbsp;&nbsp;Сурет: akorda.kzБаршаға белгілі, Мемлекет басшысы Республика күніне орай өткен салтанатты жиында сөйлеген сөзінде еліміздің Егемендігі туралы декларация қабылданған бұл күнді қасиетті Тәуелсіздігіміздің бастауы деп баға берген болатын.

Президент Мемлекеттік ту көтеру рәсіміне қатысты

<a href="https://kyzylorda-news.kz/">Kyzylorda-news.kz</a> Ә.Тәжібаев атындағы облыстық әмбебап ғылыми кітапханасында «Кітап және қаламгер» атты республикалық семинар өтті. Семинар Қазақстанның Халық жазушысы Әбділда Тәжібаевтің 115 жылдығы және&nbsp; Кітапханашылар мерекесі аясында&nbsp; ұйымдастырылды.Облыстық мәдениет, архивтер және құжаттама басқарма басшысының орынбасары Қ.Жанұзақов&nbsp; мерекеге орай жылы лебізін білдірді. Кітапхана ісінің дамуы мен өркендеуіне үлес қосып жүрген қызметкерлер марапатталды.Семинарға Ұлттық академиялық кітапхана мамандары арнайы келіп, кітапханашыларға шеберлік сабағын өткізді. Атап айтқанда, «Қазақстанның мәдени және ғылыми мұрасының электрондық ресурсы: Ұлттық электронды кітапхана» тақырыбында&nbsp; Ұлттық академиялық кітапхананың электрондық ресурстарды басқару қызметі жетекшісінің орынбасары Гүлшат Ратова, «Кітапхана қорларын&nbsp; консервациялау және қалпына келтіру мәселелері» тақырыбында консервация, қалпына келтіру және түптеу қызметінің жоғары дәрежелі реставратор маманы Меруерт Өскембаева баяндама жасап, тәжірибелерін бөлісті.Шарада кітапханашылар «Өрелінің өрісі кең» тақырыбында ұйымдастырылған&nbsp; интеллектуалды ойынға қатысты.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Семинар Қазақстанның Халық жазушысы Әбділда Тәжібаевтің 115 жылдығына арналған шаралармен жалғасты. Ақынның өмірі мен&nbsp; шығармашылығы жайында ҰАК директорының кеңесшісі Айжан Табаракқызы және Қазақстан Жазушылар одағының мүшесі, Халықаралық «Алаш» әдеби сыйлығының иегері, ақын Қатира Жаленова кеңінен әңгімелеп берді.Жастар ақын өлеңдерін нақышына келтіре оқыды. Мұнан соң шара қонақтарының қатысуымен ақын ескерткішіне гүл қою рәсімі болды. Сонымен қатар «Кітапхана шежіресі», «Кітап. Кітапхана ісі», «Мәдениет саласының үздіктері» бөлімдерінен тұратын «Кітапхана – білімпаздар мекені» атты көрмені тамашалады. Осылайша тағылымы мол шара жоғары деңгейде өтіп, келушілер ерекше әсермен тарқасты.

Республикалық семинар

<a href="https://kyzylorda-news.kz/">Kyzylorda-news.kz</a> Қорқыт Ата атындағы Қызылорда университетінің 1 оқу ғимаратында “Әуелбек Қоңыратбаев” үйірме жетекшісі, филология ғылымдарының кандитаты Айтбаева Айман Ералықызының жетекшілігімен, Кял-21-3 тобының ұйымдастыруымен Қазақстандық жазушы, сыншы, аудармашы, публицист Герольд Белгердің 90 жылдығына орай «Тау тұлға – Герольд Белгер» атты оқырмандар конференциясы өтті.Қатысушыларға Герольд Белгер жайлы шағын бейнематериал көрсетілді. Жазушының өмір жолы, шығармашылығы туралы слайд көрсетілімі болды.Герольд Бельгер – бірегей және экзотикалық тұлға: Қазақстандағы шығармашыл зиялы қауым арасындағы орыс, неміс және қазақ тілдерінде еркін сөйлеп, жазатын жалғыз неміс. Қазақ тілі Г.Бельгер үшін екінші ана тілі болды. Бельгер қазақ әдебиетінің танымал болуына көп еңбек сіңірді.Конференцияда топ студенттері қаламгер, білімді жан, беделді тұлға жайлы қойылым қойды.Еділ немістерінің отбасында дүниеге келген жазушы шығармашылығы – әдебиетіміздің биігінде, қақ төрінде орны бары ақиқат. Мазмұнды іс-шарада студенттер Герольд Бельгердің қаламгерлік қарымы жайлы көптеген ақпарат алды.<img src="https://knadmin.beoblood.kz/uploads/464589782_3878382465814238_8931113951847401270_n_857f436237.jpg" alt="464589782_3878382465814238_8931113951847401270_n.jpg">

 Герольд Бельгердің 90 жылдығына арналған конференция өтті

<a href="https://kyzylorda-news.kz/">Kyzylorda-news.kz</a> Астанада өзге этнос өкілдері арасында&nbsp;«Елім дегендер» байқауының республикалық кезеңі өтті, деп жазады&nbsp;<a href="https://egemen.kz/">Egemen.kz</a>.Мәдениет және ақпарат министрлігінің мәлімдеуінше, байқауда қазақ тілін үздік меңгерген өзге этнос өкілдері сынға түскен.Жастар арасында мемлекеттік тілді насихаттауды межелеген байқауда өңірлерден келген қатысушылар қазақ тілінде өлең оқыды. Сондай-ақ өз шығармашылығындағы қазақ тіліндегі өлеңді де көпшілікке паш етті.&nbsp;Жеңімпаздар диплом және ақшалай сыйлықтармен марапатталды. Үздіктерге&nbsp; 3 000 000 теңгелік сыйақы үлестірілген.&nbsp;<hr><img src="https://knadmin.beoblood.kz/uploads/2024_10_24_86f438e7_f3f4_4fe4_aec0_97c3924c7f53_abb3fb0600.jfif" alt="2024_10_24_86f438e7-f3f4-4fe4-aec0-97c3924c7f53.jfif"><img src="https://knadmin.beoblood.kz/uploads/2024_10_24_0ef54a9b_0f43_414d_ad8c_77109d1f2e0b_3dc492cca8.jfif" alt="2024_10_24_0ef54a9b-0f43-414d-ad8c-77109d1f2e0b.jfif">Фото: Мәдениет және ақпарат министрлігі

Қазақ тілін үздік меңгерген өзге этнос өкілдеріне 3 млн теңге берілді

<a href="https://kyzylorda-news.kz/">Kyzylorda-news.kz</a> Қазақстанда Тәуелсіздік күні мен Жаңа жылға орай қосымша пойыздар жүре бастайды. Көлік министрлігі жолаушыларды тасымалдау үшін қандай бағыттар бойынша жүретінін түсіндірді.&nbsp;Бұл туралы<a href="https://stan.kz/kazakstanda-merekelerde-kosimsha-poyizdar-payda-boladi-408344/">&nbsp;Stan.kz</a>&nbsp;ақпарат агенттігі хабарлады.Қосымша пойыздар Астанадан Шымкент пен Алматыға, сондай-ақ Ақтөбеден елордаға қатынайды. Министрліктің мәлімдеуінше, осы кезеңдерде сұраныс жоғары болмақ.Мереке күндері қазақстандықтар арасында басқа да танымал маршруттар бар. Олар елорда мен елдің оңтүстігіндегі, батысы мен шығысындағы ірі қалалар арасында, сондай-ақ Алматы мен солтүстік, батыс және орталық облыстар арасында жұмыс істейді. Ұлттық тасымалдаушы бұл пойыздарға бірнеше мың орындық қосымша вагондар бекітуді жоспарлап отыр.<blockquote> “22 мың жолаушыға арналған қосымша 500 тіркеме болады. Жалпы бұл қазір алдын ала мәлімет екенін айту керек. Қарашаның ортасына қарай қосымша пойыздарды іске қосу туралы шешім қабылданады. Ешқандай баға өзгермейді, көтерілмейді”, – деп мәлімдеді көлік министрлігінің ресми өкілі Ләззат Стамғазиева.</blockquote>Фото: ҚТЖ

Қазақстанда мереке күндері қосымша пойыздар қатынайды

<a href="https://kyzylorda-news.kz/">Kyzylorda-news.kz</a> 25 қазан - Республика күні қарсаңында қала әкімі Нұржан Ахатов қаланың әлеуметтік-экономикалық, мәдени-рухани дамуына үлес қосып жүрген бірқатар азаматтарды облыстың ең жоғарғы марапаты «Құрмет» грамотасымен, мемлекеттік қызметшілерді облыс әкімінің және қала әкімінің алғыс хаттарымен марапаттады.Қабылдауда шаһар басшысы Нұржан Сәбитұлы үлгілі мемлекеттік қызметшілердің ата-аналарына облыс әкімі Нұрлыбек Машбекұлының алғысын жеткізді.<blockquote>«Республика күнінің қазіргі өскелең ұрпақ үшін маңызы жоғары. Алдыңғы буын аға-әпкелеріміздің егеменді ел болуға ұмтылған ерен ерліктері, бүгінгі күні жастардың жарқын істерімен, жалынды бастамаларымен жалғасын табуда. Алдағы уақытта да қаламыздың әлеуметтік-экономикалық және мәдени-рухани дамуы, қоғамдық саяси өмірінің өркендеуі жолында мәртебелі міндеттеріңізді абыроймен атқара береді деген сенімдемін», - деді Нұржан Сәбитұлы.</blockquote><img src="https://knadmin.beoblood.kz/uploads/2_b44a88e4a9.jpg" alt="2.jpg"><img src="https://knadmin.beoblood.kz/uploads/1_86f4e77386.jpg" alt="1.jpg">

Ұлық мерекедегі марапат

<a href="https://kyzylorda-news.kz/">Kyzylorda-news.kz</a> Биыл Сыр өңірінде бірнеше елді мекен газбен қамтылды. Соның ішінде Қызылорда қаласына қарасты «Қосшыңырау» ауылдық округі де бар. Ауыл тұрғындары бүгінде «көгілдір отынның» игілігін көруде.&nbsp;Қазіргі таңда 4500-ден астам халық тұратын Тасбөгет кентіне қарасты «Сабалақ» саяжайын да газ&nbsp;тасымалдау жүйесін дамыту бағдарламасы шеңберінде газ тарту жобасы бойынша құрылыс жұмыстары жүруде. Жобаны 2025 жылы аяқтауға энергетика басқармасына бюджеттік өтінім толықтай жолданған. Жоба құны – 3 млрд теңге. Мамандардың айтуынша, бұл жоба үш кезеңнен тұрады. Әр кезең бойынша саяжайдың ішкі газ желілерінің жоба-сметалық құжаттамасы әзірленіп, сараптама қорытындысы алынған.Бас мердігер «АЕS end limited» компаниясының арнайы техникалары мен мамандары жұмысты бастады.Құрылыс бөлімі берген мәліметке сүйенсек, біршама жұмыс атқарылған.Қалаға қарасты елді мекендердің арасынан «Қызылөзек» ауылдық округіне газ жүйесін тарту үшін жобалау жұмыстары басталады.«Қызылорда қаласы, «Қызылөзек» ауылдық округіне қарасты 3 елді мекенге газ құбырын және кварталішілік газ тарату желілерінің құрылысы» жобасының жоба-сметалық құжаттамасы әзірленуде. Жобалаушы мердігер – «Досстройпроект» ЖШС. Жоба аясында ауылдық округ бойынша 633 тұргын үй газ желісімен қамтылады.Қазіргі уақытта &nbsp;Қызылорда қаласындағы орамішілік газ құбырлары желісін салу жобасы бойынша мердігер мекеме «Сырэнергогазстрой» ЖШС &nbsp;қазіргі таңда «Гагарин», «Титов», «СПМК-70», «Арай», &nbsp;«Шұғыла» аудандарында газдандыру жұмыстарын аяқтауға жақын. Ендігі кезекте қалаға қарасты елді мекендердің арасынан Қызылөзек ауылдық округіне газ жүйесін тарту үшін жобалау жұмыстары басталмақ.&nbsp;Фото: Оrenburg.kp.ru

«Сабалақ» газбен қамтылады

<a href="https://kyzylorda-news.kz/">Kyzylorda-news.kz</a> Республика күні – бірлігімізді бекемдеп, ынтымағымызды арттырып, халқымыздың рухын көтеріп, елдігімізді нығайтатын ең ұлық мереке.Егемендікке қол жеткізуді аңсап, өмірін күреспен өткізген ата-бабаларымыздың асыл арманы Тәуелсіздігімізді баянды ету &nbsp;бүгінгі ұрпақ үшін жауапкершілігі зор міндет.Ұлттық мереке қарсаңында партияның облыстық филиалының төрағасы Алмасбек Есмаханов Республика күніне орай аймағымыздың, партияның дамуына сүбелі үлес қосып жүрген белсенді партияластарымызбен кездесті.Басқосуда партия филиалының төрағасы Алмасбек Әбілқасымұлы:<blockquote>– Бұл мерекені біз біртұтас Қазақстанның берекесі мен бірлігінің, баршамыздың туған елімізге адал ниетіміздің нәтижелі нышаны деп білеміз. Өздеріңіз білетіндей Мемлекет басшысы Қасым-Жомарт Кемелұлы Тоқаевтың бастамасымен 25 қазан – Республика күніне ұлттық мереке мәртебесі беріліп, кең көлемде тойлануда. Өз кезегінде тарихи және идеологиялық мәні мен мазмұны терең айтулы күннің еліміздің бүгіні мен ертеңіне адал қызмет жасайтын, елеулі істер мен ізгі бастамаларды жалғастыратын барша жерлестеріміздің&nbsp;отаншыл рухын оятып, сенім мен жауапкершілік сезімін қалыптастыратыны сөзсіз,-деді.</blockquote>Мерекелік шарада партия Төрағасы Е.Қошановтың «Алғыс хаты» мен «AMANAT» партиясының «Белсенді қызметі үшін» медалі мен «Құрмет грамотасы», аймақ басшысы Н.Нәлібаевтың және партия филиалының төрағасы А.Есмахановтың «Алғыс хатымен» белсенді партия мүшелері марапатталды.Сондай-ақ, шарада партия қатарына қабылдан жаңа мүшелерге партиялық билет табысталды.<img src="https://knadmin.beoblood.kz/uploads/9d756542_df7c_4360_8a28_f480a2d31dde_7cf4b11d60.jpg" alt="9d756542-df7c-4360-8a28-f480a2d31dde.jpg"><img src="https://knadmin.beoblood.kz/uploads/afac0b44_669a_4357_84fb_3d6ced721166_f8de038bd5.jpg" alt="afac0b44-669a-4357-84fb-3d6ced721166.jpg">

AMANAT: Ұлттық мереке қарсаңында  белсенді азаматтар марапатталды

Қауіптің алдын алу және салдарын азайту

&nbsp;Бүгін Өнер орталығында облыс әкімі Нұрлыбек Нәлібаевтың қатысуымен Республика күніне арналған салтанатты шара өтті. Оған құқық қорғау органдарының, басқарма, департаменттердің басшылары, зиялы қауым өкілдері мен облыстық мәслихат депутаттары қатысты.Аймақ басшысы жиналған қауымды ұлттық мереке – Республика күнімен құттықтап, өңірдің әлеуметтік-экономикалық дамуындағы жетістіктерге тоқталды.<blockquote>«Баршаңызды еліміздің ең басты ұлттық мерекесі – Республика күнімен шын жүректен құттықтаймын! Ұлтымыз ұлықтаған атаулы күнді Сыр өңірі толағай табыстармен қарсы алуда.Президентіміз Қасым-Жомарт Кемелұлы бірлік пен берекенің, өнер мен мәдениеттің құтты ұясы – Сыр өңіріне келген сапарында облысымызға дамудың үлкен перспективалары бар стратегиялық маңызды аймақ деп оң бағасын берді.Бүгінде Президентіміздің, Үкіметтің ерекше қолдауының арқасында облыс бюджеті 744 млрд теңгеден асты. Екі жыл бұрын 364 млрд теңге болатын.Аймақта 43 млрд теңгеге 300 шақырымға жуық автомобиль жолдары мен көпір өткелдері жөнделуде. Соңғы үш жылда жөнделген жол 1 271 шақырымға жетті. Осылайша жақсы жағдайдағы жолдардың үлесі 92 пайыздан асады.Электр энергиясымен қамту бағытында 2022 жылдан бері18 млрд теңгеге 70 жоба іске қосылды. Биылдың өзінде 11 млрд теңгеге 38 жоба қолға алынды. Бұл тозған желілерді 72-ден 62 пайызға төмендетеді.Облыста 30 млрд теңгеге 11 елдімекен (Сексеуіл және Төретам кенті, Абай, Ақсу, Шәменов, Сейфуллин, Тоқмағанбетов, Алмалы, Досбол Датқа, Бестам, Төменарық ауылдары) газдандырылуда. Осы жұмыстар аяқталғанда өңірді газбен қамту көрсеткішін 75-тен 78 пайызға жеткіземіз.Елді мекендерді сапалы ауыз сумен қамтуда 2022 жылдан бері 16 млрд 800 млн теңгенің 55 жобасы жүзеге асты. Жыл соңына дейін көрсеткіш 98,1-ден 98,6 пайызға артады. Келесі жылдың соңында облыстағы барлық елді мекенге орталықтандырылған ауыз су қосамыз.Егемендікке қол жеткізуді аңсап, өмірін күреспен өткізген ата-бабаларымыздың асыл арманы Тәуелсіздігімізді баянды ету – бүгінгі ұрпақ үшін жауапкершілігі зор міндет. Баршаңызды Республика күнімен тағы да құттықтап, отбасыларыңызға амандық, бақ-береке, толайым табыстар тілеймін! Еліміздің өркендеуі жолындағы адал қызметтеріңіз табысты, еліміз еңселі, Тәуелсіздігіміз тұғырлы болғай!», – деді Н.Нәлібаев.</blockquote>Мемлекеттік қолдау мен ұлттық жобалар шеңберінде қаржыландырудың барлық көзінен биыл 863 900 шаршы метр тұрғын үй пайдалануға беріледі. 2022-2023 жылдары 4 мыңға жуық пәтер табысталып, 17 мың тұрғынның баспана мәселесі шешілді.«Болат Өтемұратов қорының» демеушілігімен Қорқыт ата әуежайының жаңа терминалы салынды. Жерлестеріміз үшін бұл – өте маңызды жоба. Жақын арада ел игілігіне табысталады. Қуаттылығы 240 мегаваттық жаңа жылу-электр орталығының құрылысы қарқынды жүруде. Нысан келесі жылы қыркүйек айында пайдалануға беріледі. Қызылорда қаласын ыстық сумен қамту жобасы оң шешімін тапты. Ол бойынша 623 көпқабатты тұрғын үйге ыстық су қосылады.Республика күніне орай ұйымдастырылған іс-шара мерекелік концертке ұласты.<img src="https://knadmin.beoblood.kz/uploads/464287675_849412400713339_4697775875639955025_n_9cbb6ac6bc.jpg" alt="464287675_849412400713339_4697775875639955025_n.jpg"><img src="https://knadmin.beoblood.kz/uploads/464227771_849412614046651_5769564006466514051_n_1ebda50703.jpg" alt="464227771_849412614046651_5769564006466514051_n.jpg"><img src="https://knadmin.beoblood.kz/uploads/464089181_849413120713267_3278496780285714485_n_46d0366887.jpg" alt="464089181_849413120713267_3278496780285714485_n.jpg"><figure class="media"><div data-oembed-url="https://youtu.be/YB0l6xBP_pY?feature=shared"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/YB0l6xBP_pY" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары