Облыс әкімі Мұрат Ергешбаевтың төрағалығымен өткен мәжілісте коммуналдық қызметтердің бірыңғай төлем құжатына қатысты мәселе қаралды.Қызылорда облысында биылдан бастап электр энергиясы, жылу, ауызсумен жабдықтау, кәріз және тұрмыстық қатты қалдықтарды шығару қызметтеріне төлем жасау «АЛСЕКО» есеп айырысу орталығы арқылы жүргізілуде.Бірыңғай төлем құжатын енгізудегі негізгі мақсат – есеп айырысу үдерісін орталықтандыру, төлемдерді бір жүйеге біріктіру және қызмет көрсетудің қолайлылығы мен ашықтығын арттыру. «АЛСЕКО» есеп айырысу орталығы еліміздің бірнеше өңірінде &nbsp;қызмет көрсетеді.Алайда жаңа жүйеге қатысты тұтынушылартарапынан сауалдар мен наразылықтар туындап отыр. Атап айтқанда, электр энергиясы төлемінің бұрынғыдан қымбаттағаны, сондай-ақ коммуналдық мекемелер тарапынан тікелей және «АЛСЕКО» арқылы қайталама есепшоттардың ұсынылатыны туралы шағымдар бар. Осыған байланысты энергетика, қоғамдық даму басқармаларына қала және аудан әкімдіктерімен бірлесіп, бұқаралық ақпарат құралдары, әлеуметтік желілер арқылы бірыңғай төлем құжатының жұмыс тәртібін тұрғындарға кеңінен түсіндіру міндеті жүктелді.«Қызылорда жылу-электр орталығы», «Қызылорда су жүйесі» және «Қызылорда тазалығы» мекемелері тұрғындарға ай сайынғы төлем құжаттарын бірыңғайжүйе арқылы ұсынуы тиіс.«АЛСЕКО» есеп айырысу орталығы жүйенің жұмысын қайта тексеріп, анықталған кемшіліктерді жоюы, коммуналдық мекемелер енгізетін көрсеткіштер тұрғындарға жедел әрі ашық көрсетілуі қажет. Сонымен қатар мәжілісте жұртшылықтыңөтініштері мен шағымдарына жедел жауап беру, көтерілген мәселелерді уақытылы шешу тапсырылды. Жиында «АЛСЕКО» мекемесінің коммерциялық директоры Алексей Бозжанов баяндама жасады. Бірыңғай төлем құжатына байланысты мәселелер тұтынушылардың берешегі мен мекенжай деректерінің дұрыс көрсетілмеуінен туындаған. Осыған орай мекенжайларды нақтылау және коммуналдық мекемелердің ақпараттық жүйелеріндегі деректерді өзара сәйкестендіру туралы тапсырма берілді.

Бірыңғай төлем құжатын енгізу мәселесі қаралды 

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев қала аумағындағы жол инфрақұрылымын дамыту және жаңғырту жұмыстарының барысымен танысты. Нұрлыбек Машбекұлының бастамасымен қолға алынған жобалар қазіргі уақытта кезең-кезеңімен ел игілігіне айналуда. &nbsp;Аймақ басшысы алдымен Тасбөгет кентіндегі жол жөндеу жұмыстарының барысын көрді. «УАД» серіктестігі жүзеге асырған жобаға 5,1 млрд теңге қаралған, 4,4 шақырым көше жөнделіп, Есенов және Амангелді көшелері төрт жолақты етіпкеңейтілуде. Барлығы талапқа сай, жаяу жүргіншілер жолы салынып, су келетін лотоктар орнатылып жатыр. Жаңа асфальт-бетон төселіп, заманауи жарықтандыру жүйесі іске қосылады.«Бәйтерек» шағын ауданы мен қала орталығын байланыстыратын маңызды инфрақұрылым нысаны – оңтүстік магистральды каналы арқылы өтетін жаңа көпір. Көпір құрылысы толық аяқталған, ұзындығы – 53 метр, ені – 7 метр, екі жолақты. Толық жарықтандырылған, көлік қозғалысына қолайлы жағдай жасалған.Құрылысты «Асанас-Дар» серіктестігі жүргізді.Жол активтері сапасы ұлттық орталығының жылжымалы зертханасы көпірдің беріктігі мен сапасын арнайы бақылаудан өткізді. Жаңа көпір «Бәйтерек» шағын ауданына қоныстанған тұрғындарға, қауіпсіз көлік қатынасына &nbsp;өте ыңғайлы.Сағымбаев көшесін Торайғыров көшесінен «Қызылорда-Құмкөл» автожолына дейін қайта жаңғырту жұмыстарын көріп шыққан аймақ басшысы 2,174 шақырымның төрт жолақты болып кеңейтілуі көлік ағынын тиімді өткізуге мүмкіндік беретінін атап өтті. Көлік көп шоғырланатынқарбалас уақыттағы қозғалыстың қарқынын реттеп, кептелісті азайту үшін қолға алынған жоба аясындажаяу жүргіншілер жолы салынып, заманауи жарықтандыру бағаналары орнатылды. «Қыран» серіктестігі құрылысына 1 млрд 592 млн теңгеқаралған қаланың жол-көлік инфрақұрылымын дамытудағы ауқымды жобаны жүзеге асырды.Айта кетейік, 2022-2026 жылдары облыста 1700 шақырым автомобиль жолы мен 35 көпір өткелін салу және күрделі жөндеуге шамамен 185,8 млрд теңге қаржы бөлінді. Нәтижесінде жақсы және қанағаттанарлық жағдайдағы жолдардың үлесі 82 пайыздан 95 пайызға дейін артты.<img src="https://knadmin.beoblood.kz/uploads/Tasb_get_d2189e1995.jpg" alt="Тасбөгет.jpg">

Кеңейтілген көше мен жаңа көпір ел игілігіне айналды

Қазақстанда жыл сайын 5 қыркүйек – Қазақстан халқы тілдері күні ретінде аталып өтеді. Бұл дата қазақ тіл білімі мен әдебиеттану ғылымдарының негізін қалаған ұлт ұстазы, ағартушы Ахмет Байтұрсынұлының туған күнімен орайлас келеді. Тіл мерекесі мемлекеттік тілдің мәртебесін арттырып қана қоймай, еліміздегі барша этностың тілдеріне құрмет көрсетуге, тіл мәдениетін дамытуға үндейтін маңызды қоғамдық мәні бар күн.Осыған орай Қызылорда облысының қоғамдық даму басқармасының ұйымдастыруымен Қазақстан халқы тілдері күнін атап өтуге арналған облыстық іс-шаралар жоспары бекітіліп, онкүндік жарияланды. Мерекелік шаралар 2 қыркүйек күні «Тілді сүю - талбесіктен» акциясымен бастау алды.Онкүндік аясындағы негізгі шаралардың бірі Достық үйінде ұйымдастырылған «Тіл. Бірлік. Болашақ.» атты облыстық форум.&nbsp;Форум жұмысына облыс әкімінің орынбасары Мейрамбек Шермағанбет, зиялы қауым өкілдері, тіл жанашырлары, тіл мамандары, аудандық және қалалық мәдениет және тілдерді дамыту бөлімдерінің басшылары, мемлекеттік тілге жауапты қызметкерлер, жоғары және арнаулы орта оқу орындарының басшылары, «Халықаралық «Қазақ тілі» қоғамы» қоғамдық бірлестігінің өкілдері, этномәдени бірлестіктер, жастар және бұқаралық ақпарат құралдарының өкілдері қатысты.Форумды облыстық қоғамдық даму басқармасының басшысы Руслан Каюпов жүргізді. Облыс әкімінің орынбасары Мейрамбек Шермағанбет жиынға қатысушыларды тіл мерекесімен құттықтап, форум жұмысына сәттілік тіледі.<blockquote>«Мемлекеттік тіл халқымыздың рухани тұтастығын айқындайтын басты құндылықтардың бірі. Оның қолданыс аясын кеңейту тек белгілі бір салаға жүктелетін міндет емес. Бұл мемлекеттік органдардан бастап, білім беру, мәдениет, ақпарат, бизнес және қоғамдық ортаға дейінгі барлық бағытты қамтитын ортақ жұмыс. Тілдің дамуы ең алдымен оның қолданысына байланысты. Қазақ тілінде сапалы контенттің көбеюі, мемлекеттік тілдегі қызметтердің қолжетімді болуы, жастардың қазақ тілін заманауи технологиялармен қатар меңгеруі тілдің өміршеңдігін қамтамасыз ететін негізгі бағыттар. Әсіресе жасанды интеллект пен цифрлық технологиялар дәуірінде қазақ тілінің мүмкіндігін кеңейтуге ерекше назар аудару қажет», – деді Мейрамбек Зинабдинұлы.</blockquote>Бүгінде мемлекеттік тілдің қоғам өміріндегі орны жаңа мазмұнмен толығып келеді. Бұл ретте қазақ тілінің тек тұрмыстық қарым-қатынас құралы ғана емес, ғылым мен білімнің, мәдениет пен өнердің, экономика мен технологияның тіліне айналуы маңызды.Осы бағыттар форум барысында кеңінен талқыланды. Мемлекеттік тілдің медиа саласындағы орны мен рөлі туралы облыстық «Сыр бойы» газетінің бас редакторы Қ. Шарабидинов баяндама жасады. Ал Қорқыт Ата атындағы Қызылорда университетінің Жасанды интеллект институтының директоры Н. Құлмырзаев заманауи технологиялар мен цифрлық кеңістіктегі қазақ тілінің мүмкіндіктеріне тоқталды. М.Мәметова атындағы Қызылорда педагогикалық жоғары колледжінің директоры Ж. Тоғанова жастар тәрбиесіндегі тілдің маңызына назар аударса, Халықаралық «Қазақ тілі» қоғамы» қоғамдық бірлестігінің Қызылорда облыстық филиалының төрағасы А. Жүнісов тілдерді дамыту бағытындағы өзекті мәселелерді ортаға салды.Баяндамалардан кейін форум қатысушылары өз ұсыныс-пікірлерін білдірді. Басқосуда қазақ тілін Қазақстанның қоғамдық өмірінде толыққанды орныққан, ғылым мен білімде, мәдениет пен өнерде, экономика мен технологияда еркін қолданылатын заманауи мемлекеттік тіл деңгейіне көтеру қажеттігі айтылды.Форум соңында тілдерді дамытуға үлес қосып жүрген бірқатар тіл жанашырлары мен сала мамандарына Қазақстан Республикасы Ғылым және жоғары білім министрлігінің Құрмет грамотасы мен Алғыс хаты, сондай-ақ облыс әкімінің Алғыс хаты табысталды.<img src="https://knadmin.beoblood.kz/uploads/FB_IMG_1788668187734_16f735bc18.jpg" alt="FB_IMG_1788668187734.jpg">

Қызылордада «Тіл.Бірлік.Болашақ» атты облыстық форум ұйымдастырылды 

Облыс әкімі Мұрат Ергешбаевтың қатысуымен Мұнайшылар күні аясында «Құмкөл» кен орнының өнеркәсіптік игерілуінің 40 жылдығына арналған «Құмкөл: Қара алтын шежіресі» &nbsp;атты салтанатты шара өтті.Аймақ басшысы мұнай саласының ел экономикасындағы маңызын атап өтіп, мамандарды кәсіби мерекемен құттықтады.<blockquote>«Президентіміз Қасым-Жомарт Кемелұлы: «Мұнай-газ саласы – экономикамыздың тірегі, еліміздің қарқынды дамуының кепілі. Мемлекет әрқашан энергетика саласының әлеуетін арттыруға, жаңа кен орындарын игеруге және сала жұмысшыларының мүддесін қорғауға ерекше көңіл бөледі» деп атап өткен болатын. Бұл сала мемлекеттік бюджеттің басым бөлігін қалыптастырып, ірі инфрақұрылымдық жобаларды қаржыландыруға және әлеуметтік бағдарламаларды жүзеге асыруға мүмкіндік береді. Еліміздің экономикалық әлеуетін арттыруда Қызылорда облысындағы мұнай компанияларының, онда еңбек ететін мұнайшылардың үлесі зор. Сіздер тек Қызылорданың игілігіне ғана емес, тұтас мемлекеттің көркеюіне, экономикалық өркендеуіне, әлеуметтік тұрақтылығына атсалысып келесіздер», – деді Мұрат Ергешбаев.</blockquote>«Құмкөл» кенішін &nbsp;игеру туралы шешім осыдан қырық жыл бұрын қабылданып, кен орны өңірдегі өндірістің өзегіне айналды. Облыс мұнайлы аймаққа айналу жолында қалыптасу, даму кезеңдерінен өтті.<img src="https://knadmin.beoblood.kz/uploads/FB_IMG_1788582763667_2aa6f60515.jpg" alt="FB_IMG_1788582763667.jpg">Салтанатты шарада «ҚазМұнайГаз» ҰК АҚ басқарма төрағасы Асхат Хасенов, «CNPC Central Asia» және «CNPC Kazakhstan» компанияларының бас директоры Ян Миньюй, «ПетроҚазақстан Құмкөл Ресорсиз» АҚ президенті Чэнь Даю құттықтау сөз сөйледі.Мұнай-газ саласын дамытуға қосқан елеулі үлесі мен өндірістік қызметтегі жоғары жетістіктері үшін сала мамандары мемлекеттік және салалық марапаттарға ие болды.Атап айтқанда, мұнайшыларға «Құрмет» ордені, Қызылорда облысының Құрмет грамотасы, III дәрежелі «Еңбек даңқы» ордені, «Үздік мұнайшы» төсбелгісі, «ҚазМұнайГаз» ҰК АҚ естелік белгісі мен Құрмет грамотасы, «CNPC Kazakhstan» компаниясының Құрмет грамотасы, сондай-ақ «Құмкөл» кен орнының 40 жылдығына арналған мерейтойлық медаль табысталды.Өңірде мұнай компанияларының &nbsp;қолдауымен әлеуметтік нысандар салынып, инфрақұрылымдық және әлеуметтік жобалар жүзеге асуда. «ҚазГермұнай» компаниясының демеушілігімен «Оқушылар сарайы», «Саутс Ойл» компаниясының қолдауымен музыкалық колледж ғимараты жатақханасымен бірге салынды. Ал «ПетроҚазақстан Құмкөл Ресорсиз» АҚ жыл сайын қайырымдылық шараларына 150 млн теңгеден астам қаржы бөліп келеді.Мұнай компаниялары қоршаған ортаны қорғауды басты назарда ұстап, зиянды қалдықтарды ауаға таратпау, «жасыл» технологияларды өндіріске енгізу бағытында маңызды жобаларды жүзеге асырды. Жаңа кеніштерді анықтау мақсатында шөгінді бассейндерді зерделеу қарастырылған. Арал шөгінді бассейнінде геологиялық зерттеу жұмыстары 2024 жылдың желтоқсан айында аяқталып, шамамен 1,1 млрд.тонна көмірсутек қоры анықталды. Ал, Сырдария шөгінді бассейнін зерттеу жалғасуда. «СаутсОйл» компаниясы тақтатас мұнайын дәстүрлі емес тәсілмен өндіру үшін дайындық жұмыстарын бастады.Мерекелік шарада көрермендерге арнайы концерттік бағдарлама ұсынылып, ән мен күйден шашу шашылды. Эстрадалық-симфониялық оркестр, «Сыр самалы» вокалдық-аспапты және «Томирис» би ансамбльдері өнер көрсетіп, кеш мазмұнын аша түсті.<img src="https://knadmin.beoblood.kz/uploads/FB_IMG_1788582769690_e62a17c9d9.jpg" alt="FB_IMG_1788582769690.jpg">

Мұнай саласының мерейі белесі: "Құмкөлге‐40 жыл"

<a href="https://kyzylorda-news.kz/">Kyzylorda-news.kz</a> Соңғы жылдары ішкі істер органдары құқық бұзушылықтардың алдын алу және қызметтің тиімділігін арттыруға бағытталған заманауи цифрлық шешімдерді жүйелі түрде енгізіп келеді.Полицияның басты міндеті — азаматтардың құқықтары мен бостандықтарын қорғау, қоғамдық тәртіпті сақтау, қылмыстың алдын алу және **заң мен тәртіпті қамтамасыз ету. Ал бұл міндеттерді тиімді орындау үшін дәстүрлі жұмыс тәсілдерімен қатар заманауи цифрлық мүмкіндіктерді пайдалану қажет. Бұл ретте полиция қызметін цифрландыру — заман талабы ғана емес, заң мен тәртіпті нығайтып, қоғамдық қауіпсіздікті қамтамасыз етудің маңызды шарты.Мемлекет басшысы айқындаған «Заң және тәртіп» қағидаты — қоғамдағы тұрақтылық пен қауіпсіздіктің негізгі тірегі. Бұл қағидат заң талаптарын қатаң сақтаумен қатар, құқық бұзушылықтың алдын алуды, азаматтардың қауіпсіздігін қамтамасыз етуді және мемлекеттік органдар жұмысының тиімділігін арттыруды көздейді. Осы бағытта Сыр өңірінде цифрландыру жобалары бойынша бірқатар жұмыстар жүргізілуде.Облыс орталығына заманауи үлгідегі 1400 бейнебақылау камерасы, 176 аппараттық-бағдарламалық кешен орнатылды. Орнатылған 1400 бейнебақылау камерасының 496-на жасанды интеллект функциясы бар бейнеаналитикалық жүйе қосылды. Бұл жүйелер құқық бұзушылықтарды дер кезінде анықтап, оларға жедел ден қоюға мүмкіндік береді.Сонымен қатар «Қазақтелеком» акционерлік қоғамымен бірлесіп, Қызылорда облысы Полиция департаментінің теңгеріміндегі 750 бейнебақылау камерасы Ұлттық бейнемониторинг жүйесіне енгізілді.Белгіленген қозғалыс жылдамдығын арттыру, көлік құралын басқару кезінде ұялы телефонды пайдалану, қауіпсіздік белдігін тақпау және жаяу жүргіншілерге жол бермеу фактілерін автоматты түрде анықтайтын 25 «SUNQAR» аппараттық-бағдарламалық кешені орнатылып, жұмыс жасауда.Республикамызда алғашқылардың бірі болып келіп түсетін ақпараттарды қабылдау мен тіркеуді автоматтандыру мақсатында барлық аудандық полиция бөлімдері мен Министрліктің Байқоңыр қаласындағы өкілдігінде Жедел басқару орталықтары құрылды. Жоба аясында қоғамдық қауіпсіздікті қамтамасыз ету және жол-көлік оқиғаларының алдын алу мақсатында 616 бейнебақылау камерасы мен 54 стационарлық жылдамдық өлшегіш құрылғы орнатылып, олардың көмегімен 71 қылмыстың ашылуына септігі тиді.Бұқаралық іс-шараларды бақылау, жол жағдайын мониторингтеу және қолжетімсіз аумақтарды патрульдеуге арналған 12 ұшқышсыз ұшу аппараты (дрон) қолданыста.Ал «Қазақтелеком» АҚ-ның «Дрондардың бірыңғай инфрақұрылымы» жобасы аясында 6 ұшқышсыз ұшу аппараты пилоттық режимде жұмыс атқаруда.Сыбайлас жемқорлықтың алдын алу және полиция қызметкерлерінің әрекеттерінің ашықтығын қамтамасыз ету мақсатында Департаментте бейнеаналитикалық жүйесі бар 607 смартфон базасындағы бейнетіркегіш қолданысқа беріліп, штаттық режимде жұмыс жасауда.Азаматтардан келіп түскен хабарламаларға дереу ден қою мақсатында «102» арнасын «112 – Бірыңғай кезекшілік-диспетчерлік қызметіне» интеграциялау жұмыстары жүргізілді. Бұл өз кезегінде төтенше жағдайлар мен құқық бұзушылықтарға жедел әрекет етуге мүмкіндік береді.Учаскелік полиция инспекторының жұмысын цифрландыруға, есепте тұрған тұлғалар мен әкімшілік аумақтағы жағдай туралы мәліметтерді электронды түрде жүргізуге, сондай-ақ құқық бұзушылықтардың алдын алу және профилактикалық жұмысты ұйымдастыруға арналған «Цифрлы УПИ» ақпараттық жүйесі қолданысқа енгізілуде.Жалпы, цифрлық технологияларды енгізу — «Заң және тәртіп» қағидатын жүзеге асырудың тиімді құралдарының бірі. Себебі заң мен тәртіпті қамтамасыз ету тек құқық бұзушылық жасалғаннан кейін әрекет етумен шектелмейді. Оның басты бағыты — құқық бұзушылықтың алдын алу, қауіптің алдын ала анықталуы және азаматтардың қауіпсіздігін қамтамасыз ету.Полицияны цифрландыру — жаңа заманның объективті талабы. Қоғам өзгерген сайын қауіпсіздік жүйесі де өзгеруі тиіс. Цифрлық технологиялар полицияға қылмыстың алдын алуға, оқиғаларға жедел әрекет етуге, азаматтармен байланысты жақсартуға және қызметтің ашықтығын арттыруға мүмкіндік береді.Бірақ цифрландыру тек техникалық жаңғырту емес. Бұл — полицияның жұмыс мәдениетін, басқару тәсілін және азаматтармен қарым-қатынасын жаңарту.«Цифрландырудың негізгі мақсаты — тек техникалық мүмкіндіктерді арттыру емес, ең алдымен азаматтардың қауіпсіздігін қамтамасыз ету, құқық бұзушылықтың алдын алу және заң мен тәртіп қағидатын нақты іспен жүзеге асыру. Заманауи технологияларды тиімді пайдалану арқылы полицияның жеделдігі мен ашықтығын арттырып, халықтың қауіпсіздікке деген сенімін нығайтуға мүмкіндік бар», — деді Қызылорда облысы Полиция департаментінің бастығы, полиция полковнигі Ергешов Серік Жүрсінбайұлы.Заң үстемдік еткен, тәртіп орныққан қоғамда ғана қауіпсіз әрі тұрақты орта қалыптасады. Сондықтан цифрлық технологияларды тиімді пайдалану арқылы құқық бұзушылықтың алдын алу, азаматтардың құқықтарын қорғау және қоғамдық тәртіпті сақтау — полиция қызметінің маңызды басымдықтарының бірі.Заманауи полиция — технологияны меңгерген ғана емес, оны азаматтардың қауіпсіздігі, заңдылық, тәртіп және қоғамдық сенім үшін дұрыс пайдалана алатын полиция.«Заң және тәртіп» — қауіпсіз қоғамның берік негізі. Ал цифрландыру — осы мақсатқа жетудің заманауи әрі тиімді тетігі.<img src="https://knadmin.beoblood.kz/uploads/Whats_App_Image_2026_09_04_at_11_48_37_7b90e7db2f.jpeg" alt="Цифрландыру 2.jpeg">

Қауіпсіздікке серпін берген цифрландыру

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «Roca Group» компаниясының басшысы Даниэль Эрнандеспен кездесті. Кездесуде санитарлық-техникалық бұйымдар зауытын салу және компанияның өндірістік жобаларын жүзеге асыру мәселелері талқыланды.Биыл тамыз айында Премьер-министрдің бірінші орынбасары Нұрлыбек Нәлібаевтың облысқа жұмыс сапары кезінде жыл соңына дейін смесительдер мен инсталляциялық жүйелерді құрастыру желісін іске қосу жоспарланғаны айтылған болатын. Қазіргі таңда құрастыру цехын орналастыру үшін «Панабек» және «Көлік құрылыс компаниясы» серіктестіктерінің өндірістік ғимараттары ұсынылды.Сонымен қатар «Панабек» серіктестігі санитарлық-техникалық бұйымдарды өндіруге қажетті металл инсталляцияларын әзірлеп, компания өкілдеріне таныстырды. Өнім сапасы «Roca Group» компаниясының талаптарына сәйкес келген жағдайда, жергілікті кәсіпкерлермен өзара тиімді әріптестік орнату мүмкіндігі қарастырылады.Жоба аясында жергілікті қамтуды арттыруға және компания өнімдерін өңірдегі құрылыс нысандарында пайдалануға басымдық беріледі.Атап айтқанда, әлеуметтік нысандарға, Президент саябағы аумағындағы бес және үш жұлдызды қонақүйлерге осы бұйымдар қолданылады.Облыс әкімдігі өңірдегі инвестициялық жобаларға және компанияға жан-жақты қолдау көрсетуге дайын.

«Roca Group» компаниясының өндірістік жобалары талқыланды

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың төрағалығымен мәжіліс өтті. Күн тәртібінде «Aksa Energy Qyzylorda» серіктестігіне төмендету коэффициентін қолдану мәселесі талқыланды.Мемлекет басшысының тапсырмасына сәйкес Қызылорда қаласында 240 МВт электр және 277 Гкал жылу энергиясын өндіретін жаңа жылу-электр орталығы салынды. Жобаға 215 млрд теңге инвестиция тартылып, нысан биыл толық пайдалануға берілді.Мамыр айында станцияда аттестаттау жүргізіліп, оның қорытындысы бойынша 255 МВт электр қуаты расталды. Маусымның 23-інде «KEGOC» АҚ-ның 220 кВ электр желісіндегі жоспарлы жөндеу жұмыстары барысында апатқа қарсы автоматика жүйесі іске қосылып, бу турбинасының жұмысы уақытша тоқтатылды. Қазіргі уақытта турбина дайындаушы зауытқа жіберіліп, қалпына келтірілуде.Осыған байланысты Жаңартылатын энергия көздерін қолдау жөніндегі қаржы-есеп айырысу орталығы тарапынан төмендету коэффициенті қолданылуда.&nbsp;Соңғы үш айда аталған төлемдер бойынша шамамен 1,8 млрд теңге көлеміндегі айырма қалыптасты. Технологиялық бұзушылық сыртқы факторлардың әсерінен орын алған. Осыған байланысты «Aksa Energy» жобасына төмендету коэффициентін қолдану мәселесін қайта қарау, сыртқы факторлардың әсерінен бұзушылық болған жағдайда осы коэффициентті қолдану тәртібін нормативтік-құқықтық тұрғыдан жетілдіру ұсынылды.Бұл шаралар энергетикалық нысанның тұрақты жұмысын қамтамасыз етуге, инвестициялық жобаларды қолдау тетіктерін жетілдіруге және өңірдегі инвестициялық ахуалды қолайлы ете түсуге мүмкіндік береді.

Төмендету коэффициентін қолдануды қайта қарау ұсынылды

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың төрағалығымен өткен мәжілісте құқықбұзушылықтың алдын алу, қоғамдық тәртіпті сақтау, азаматтардың қауіпсіздігін қамтамасыз ету мәселелері қаралды. Оған барлық &nbsp;құқық қорғау органдарының бірінші басшылары қатысып, полиция департаментінің басшысы Серік Ергешов баяндама жасады.Мемлекет басшысының Әділетті Қазақстанды құру жолындағы маңызды бастамаларының бірі – «Заң мен тәртіп» қағидаты. Бұл қоғамның дамуына, адамдардың қауіпсіздігі мен бостандығына негіз болады.&nbsp;Қоғамдық тәртіпті сақтау және қылмыспен күресу – құқық қорғау органдарының негізгі міндеті. Осы бағытта жүйелі жұмыс жүргізілуде. Кейінгі төрт жылда полиция органдарының ағымдағы шығындарына, материалдық-техникалық базасын жаңғыртуға және цифрландыруға жергілікті бюджеттен қомақты қаржы бөлінді.Аймақ басшысы &nbsp;қоғамдық тәртіпті сақтау және құқықбұзушылықтың алдын алу жұмыстарын күшейтуді тапсырды.<blockquote>«Қылмыс пен құқықбұзушылықтың алдын алуда, азаматтардың қауіпсіздігі және халықтың полицияға деген сенімін арттыруда жедел шаралар қабылдап, жұмысты жетілдіру керек. Қоғамдық орындардағы қауіпсіздікті сақтау және құқықбұзушылықтың алдын алуда профилактикалық жұмыстарды күшейту, бейнебақылау жүйелерінің тиімділігін арттыру, заманауи цифрлық технологиялар мен жасанды интеллект мүмкіндіктерін кеңінен пайдалану қажет. Сонымен қатар, полиция органдары халықпен кері байланысқа, азаматтардың өтініштері мен мәселелеріне жедел ден қоюы тиіс. Орын алған жағдайлар, тіркелген қылмыстар, құқықбұзушылықтар туралы ақпаратты дер кезінде таратып, туындаған сауалдарға кешіктірмей жауап беру керек. Заңға бағыну, тәртіп сақтау - орнықты дамуымыздың басты ұстанымы. &nbsp;Қылмыс пен тәртіпсіздікке жол берілмейтін қауіпсіз қоғам құрудағы жүйелі жұмыс жалғаса береді. Барша жерлестеріміз, жастар заң үстемдігінің маңызын түсінуі тиіс. "Тәртіпсіз ел болмайды, тәртіпке бағынған құл болмайды" деген батыр Бауыржан Момышұлының сөзі бүгінге бағдар болуы керек», – деді Мұрат Ергешбаев.</blockquote>Қазір барлық ауданда 616 бейнекамера және 54 жылдамдық өлшегіш құрылғы орнатылып, жедел басқару орталықтары іске қосылған.Құқықбұзушылықтың алдын алу және азаматтардың қауіпсіздігін қамтамасыз етуде заманауи технологияларды кеңінен қолдануға басымдық берілген. Әсіресе, жасанды интеллект мүмкіндіктерін пайдалану арқылы құқықбұзушылықты жедел анықтау және алдын алу жетілдіріліп келеді.Осы мақсатта 2025-2026 жылдары 1400 бейнекамера, 20 зияткерлік қиылыс және 58 стационарлық жылдамдық өлшегіш орнатылды. Сондай-ақ, жол қозғалысын бақылауға арналған 25 «Сұңқар» арнайы кешені іске қосылды.&nbsp;

Заң мен тәртіп – қоғам дамуының тірегі

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев Шиелі ауданына жұмыс сапары кезінде Телікөл ауылдық округіндегі «Таң ЛТД» ЖШС жүгеріні тамшылатып суару әдісі арқылы &nbsp;өсірілген жүгері алқабына барды.&nbsp;Аймақ басшысы үш мың гектар алқапқа жүгері өсіруге бағытталған жаңашыл жобамен, биыл егілген мың гектар егістің жай-күйімен танысты. Мұнда да мемлекеттік қолдау және инвестициялық қаржы есебінен су үнемдеу жабдықтары, суару жүйелеріне қажетті инфрақұрылым тартылған.2024 жылы қытайлық «Bayan Country Jiarun Agricultural Development CO» компаниясының өкілдерімен бірлескен &nbsp;жұмыс нәтижесінде былтыр тамшылатып суару әдісімен 700 гектарға жүгері егіліп, одан 4,5 мың тоннадан астам өнім жиналған.<img src="https://knadmin.beoblood.kz/uploads/akimat_shieli_4b12f69f26.jpg" alt="акимат шиелі.jpg">Осылайша аталған жоба тиімділігін көрсетіп, өнім көлемі жылдан жылға &nbsp;артып келеді. &nbsp;Алқапта 50 адам еңбек етуде, 2027 жылға дейін толық қуатымен іске қосылады.Ал «Центр Семеноводства» ЖШС Талаптан ауылдық округінде жүгеріні тамшылатып суару әдісімен өсіруде. Негізі 10 млрд теңгенің жобасы аясында 10 мың гектар алқапқа жаңбырлатып суару технологиясы арқылы дәндік жүгері өсіріледі. Биыл шаруашылық &nbsp;мың гектар жерге осы дақылды еккен. Мемлекеттік қолдау шаралары көрсетіліп, суару жүйелерінің жабдықтарымен қамтамасыз етілген. Сонымен қатар, тартылған инвестиция есебінен су үнемдеу технологияларына қажетті құралдар сатып алынған.<img src="https://knadmin.beoblood.kz/uploads/akimat_shieli_981b405763.jpg" alt="акимат шиелі.jpg">Қазір егіс алқабында 50 адам тұрақты жұмыс істейді. Жобаны 2026-2028 жылдары кезең-кезеңімен толық іске қосу жоспарланып отыр.Айта кетейік, биыл Шиелі ауданында 32 499 гектар жерге ауыл шаруашылығы дақылдары егілді. Бүгінде егін жинау науқаны қарқынды жүргізілуде, 1 661 тонна бидай, 15 гектар арпа толық орылған. Егін жинау науқаны жалғасуда.&nbsp;Өңірде су үнемдеу технологияларын енгізу қарқыны жыл сайын артып келеді. Өткен жылы мұндай технологиялар 8 100 гектар алқапқа қолданылса, биыл оның көлемі 14 200 гектарға дейін ұлғайды.<img src="https://knadmin.beoblood.kz/uploads/akimat_kukuruza_35290a2dca.jpg" alt="акимат кукуруза.jpg"><img src="https://knadmin.beoblood.kz/uploads/kukuruznoe_pole_1c357dbe38.jpg" alt="кукурузное поле.jpg"><img src="https://knadmin.beoblood.kz/uploads/akimat_kukuruza_9771a292c3.jpg" alt="акимат кукуруза.jpg">

Шиелі ауданындағы су үнемдеу технологиясымен жүгері өсіру жобалары таныстырылды

<a href="https://kyzylorda-news.kz/">Kyzylorda-news.kz</a> Жаңақорған ауданы Шалқия кентінде «Liaoning Hongda Group» компаниясы «Бурабай-Жалғызағаш» тау-кен байыту комбинатының құрылысы ресми түрде басталды. Оған облыс әкімі Мұрат Ергешбаев, «Liaoning Hongda Group» компаниясының бас &nbsp;директоры Тан Цзюган қатысты.Рәсімде аймақ басшысы аудан тұрғындарын құттықтап, жаңа өндіріс орны өңір экономикасына тың серпін беретінін атап өтті.<blockquote>«Комбинат құрылысының басталуы – Сыр өңірі үшін тарихи оқиға. Бұл – облысымыздың индустриялық дамуына жаңа серпін, экономиканы әртараптандыруға және жаңа жұмыс орындарын ашуға мол мүмкіндік беретін ірі инвестициялық жоба. Осындай ауқымды әрі заманауи жобаны аймағымызда жүзеге асырған «Liaoning Hongda Group» компаниясына зор ризашылығымды білдіремін. Мемлекет басшысы Қасым-Жомарт Кемелұлы елімізді жаңа инвестициялық циклге көшіру, заманауи өндірістерді іске қосу және өңірлердің экономикалық әлеуетін тиімді пайдалануды тапсырған болатын. Бүгінгі тау-кен байыту комбинаты – осы ауқымды жұмыстардың аса маңызды бөлігі. Құрылысына 138 млрд теңге қаралған жоба толық іске қосылғанда жылына 210 мың тонна қорғасын-мырыш шикізатын және 20 тонна күміс өндіру жоспарлануда. Ең бастысы, 550-ден астам жаңа жұмыс орны ашылады. Бүгін басталып жатқан &nbsp;құрылыс сәтті аяқталып, мерзімінде іске қосылып, ел игілігіне қызмет ететініне сенемін», – деді Мұрат Нәлқожаұлы.</blockquote><img src="https://knadmin.beoblood.kz/uploads/AKIMAT_d4679c1edf.jpg" alt="АКИМАТ.jpg">Іс-шарада компания директоры Тан Цзючан, ел ағасы Изадилла Нәрзілдаев сөз сөйледі. Тау-кен байыту комбинатын алдағы екі жыл ішінде салып, 2028 жылы толық аяқтау жоспарланған.Қазіргі уақытта кен орнының минералдық-шикізат базасын кеңейту мақсатында бұрғылау жұмыстары жүргізілуде. Сондай-ақ өндірістік жолдар салу да қолға алынып, құрылыс алаңдары анықталды. Бұдан бөлек, электр желілеріне қосылуға жоба-сметалық құжаттама әзірленді. Қазіргі уақытта нысанды электр қуатымен қамтамасыз ету және электр желілеріне қосу межеленген.Айта кетейік, кейінгі жылдары Сыр өңірінде жаңа өндіріс орындарының негізі қаланып, ірі жобалар жүзеге асуда.Жаңақорған ауданында үш жылда 6,7 млрд теңгеден астам қаржыға 9 инвестициялық жоба іске қосылды. Биыл 3 жоба көзделсе, оның екеуі ел игілігіне айналды. Алдағы үш жылда облыстың өнеркәсіп саласында 1,9 триллион теңгеге 48 инвестициялық жобаны жүзеге асыру жоспарланған. Нәтижесінде 10 мыңнан астам жаңа жұмыс орны құрылады.

Жаңақорған ауданында тау-кен байыту комбинатының құрылысы басталды

Облыс әкімі Мұрат Ергешбаевтың төрағалығымен мәжіліс өтіп, 2027-2029 жылдары аудандарда жоспарланған инфрақұрылымдық жобалар талқыланды.Аймақ басшысы жобалардың әлеуметтік-экономикалық тұрғыдан тиімділігіне, өзектілігіне ерекше мән беруді атап өтті.<blockquote>«Бюджет кодексіне сәйкес, алдағы үш жылдық кезеңде республикалық бюджет есебінен маңызды нысандар салу, стратегиялық мәні бар жобаларды қаржыландыру көзделген. Жергілікті бюджеттен де өңірдің экономикалық әлеуетін арттыруға бағытталған жобаларды іске асыруымыз қажет. Бұған дейін қала және аудан әкімдеріне, сондай-ақ тиісті басқарма басшыларына республикалық және жергілікті бюджеттен қаржыландырылатын жобаларды әзірлеу жөнінде тапсырма берген болатынмын. Бюджеттік өтінімдерді қалыптастыру кезінде бір-бірін қайталайтын және тиімділігі төмен жобаларға жол берілмеуі тиіс. Қаржының нақты нәтижеге бағытталғаны маңызды. Барлық әкімдер мен басқарма басшыларына айтарым, жергілікті бюджет қаржысы жетпейді деп отыруға болмайды. Республикалық бюджет есебінен қаржыландыру талаптарына сәйкес келетін жобаларды тиісті министрліктермен қазірден бастап пысықтаңыздар. Олар халықтың жайлы тұрмысына, өмір сүру сапасын арттыруға және өңір экономикасының дамуына бағытталуы тиіс», – деді аймақ басшысы.</blockquote>Жиында қала және аудан әкімдері алдағы уақытта атқарылатын ауқымды жобалар туралы баяндама жасады.2027-2028 жылдары бюджет қаражаты есебінен денсаулық сақтау, білім беру, су, энергетика, газ және жылумен жабдықтау, спорт, көлік және туризм инфрақұрылымын дамыту, инженерлік-коммуникациялық инфрақұрылымды жетілдіру, сондай-ақ ұлттық жобаларды іске асыру көзделген.Мұрат Нәлқожаұлы қала және аудан әкімдеріне жобалардың тиімділігі мен әлеуметтік маңызына баса мән беруді, бюджеттік өтінімдерді сапалы әзірлеуді және тиісті мемлекеттік органдармен жұмысты күшейтуді тапсырды.

Алдағы үш жылдықта жүзеге асырылатын маңызды жобалар талқыланды 

«Өнер орталығында» «Жаңа халықтық Конституцияның нормалары мен құндылықтары: &nbsp;Адами капиталды дамыту – білім беру жүйесінің стратегиялық негізі» атты облыстық педагогикалық тамыз конференциясы өтті.Алқалы жиынға облыс әкімі Мұрат Ергешбаев, Оқу-ағарту министрлігінің Білім саласында сапаны қамтамасыз ету комитеті төрағасының орынбасары Жәмилә Есанова, Ғылым және жоғары білім министрінің кеңесшісі Руслан Емелбаев, облыстық мәслихат төрағасы Мұрат Тлеумбетов, зиялы қауым өкілдері, білім саласының ардагерлері мен ұстаздар қатысты.Тамыз конференциясында аймақтың білім беру саласындағы жетістіктер мен маңызды бастамалар жан-жақты талқыланды.<img src="https://knadmin.beoblood.kz/uploads/FB_IMG_1787979989534_9989e4cccc.jpg" alt="FB_IMG_1787979989534.jpg"><blockquote>«Жаңа оқу жылы қарсаңында алдағы даму бағытын белгілеу өте маңызды. Ұстаздардың республикалық тамыз конференциясында Мемлекет басшысы &nbsp;Қасым-Жомарт Кемелұлы: «Әділетті, Қуатты, Қауіпсіз әрі Таза Қазақстанның тірегі болатын жауапты әрі адал азаматтарды тәрбиелеу – бәріміздің ортақ міндетіміз» деп атап өтті. Басымдықтардың қатарында кадр тапшылығын жойып, ұстаздардың біліктілігін көтеру, аймақтар арасындағы білім сапасына қатысты алшақтықты жою, &nbsp;жасанды интеллектіні орта білім беру жүйесіне енгізу, балаларды қорғау және олардың тәрбиесіне мән беру секілді негізгі бес бағыт айқындалды. &nbsp;Президентіміз өз сөзінде Қызылорда облысының мектеп бітірушілері Ұлттық бірыңғай тестілеудің қорытындысы бойынша жоғары көрсеткішке қол жеткізгенін ерекше атап өтті. Түлектеріміз үшінші жыл қатарынан республикада бірінші орында. &nbsp;Бұл ең алдымен ұстаздардың табанды еңбегі мен мемлекет қолдауының нәтижесі деп білемін. &nbsp;Облыстың 967 түлегі «Алтын белгі», 1124 түлегі «Үздік аттестат» иегері атанды. Білім алушылардың жетістіктерін мониторингтеу нәтижесінде оқушыларымыз 4-сыныптар арасында республика бойынша үшінші, 9-сыныптар арасында екінші орынға ие болды. &nbsp;Бұл – жақсы нәтиже. Бірақ осы жетістіктермен шектелуге болмайды. Президентіміз ауыл мектептерін дамыту және білім сапасы төмен аймақтарға нақты қолдау көрсетуді тапсырды. Осы ретте қала мен ауыл мектептері арасындағы айырмашылықты қысқартып, әрбір баланың сапалы білім алуына жағдай жасауымыз қажет. Сонымен бірге, халықаралық және республикалық олимпиадаларға, ғылыми жобалар мен зияткерлік жарыстарға қатысатын дарынды оқушыларды қолдау жүйесін күшейтуіміз керек. Мемлекет басшысы айтқандай: «Ұстаз – ұлттың шамшырағы». Осы жауапты жолда Сіздерге зор денсаулық, сарқылмас күш-қуат, шығармашылық ізденіс пен кәсіби табыс тілеймін. Жаңа оқу жылы баршаңызға тың бастамалар мен жарқын жеңістер әкелсін!» – деді аймақ басшысы. &nbsp;</blockquote><img src="https://knadmin.beoblood.kz/uploads/FB_IMG_1787979941746_1c94e6dea5.jpg" alt="FB_IMG_1787979941746.jpg">Сондай-ақ, облыс әкімі жауапты тұлғаларға жасанды интеллектіні білім беру жүйесіне енгізуде педагогтердің цифрлық құзыретін арттыруды, оқу процесінде тиімді әрі қауіпсіз пайдаланудың озық тәжірибелерін енгізуді тапсырды.&nbsp;«Адал азамат», «Заң мен тәртіп», Конституциялық құндылықтар &nbsp;тәрбие жұмысының негізгі өзегіне айналуы керек. Бұл міндетті тек мектепке жүктеп қоюға болмайды. Мемлекет, мектеп, ата-ана және қоғам бірлесіп жұмыс істегенде ғана нәтиже шығады.Бұдан бөлек, аймақ басшысы педагогтердің біліктілігін арттыруды, жас мұғалімдерді қолдау және тәлімгерлік институтын күшейтуді, балалардың заңды мүдделері мен қауіпсіздігін қамтамасыз етуді, әлеуметтік осал топтағы балаларға көмек көрсетуді, қосымша білім беру ұйымдарының мүмкіндігін тиімді пайдаланып, балалардың бос уақытын ұйымдастыруды, сыбайлас жемқорлық тәуекелдерінің алдын алуды тапсырды.Жиында облыстық білім басқармасының басшысы Асқарбек Есжанов, Оқу-ағарту министрлігінің Білім саласында сапаны қамтамасыз ету комитеті төрағасының орынбасары Жәмилә Есанова, Ғылым және жоғары білім министрінің кеңесшісі Руслан Емелбаев, Қорқыт ата атындағы Қызылорда университетінің басқарма төрағасы – ректоры, облыстық қоғамдық кеңес төрағасы Наурызбай Байқадамов, №10 Білім-инновация лицей-интернатының мұғалімі Нағиша Есбосын, Мемлекеттік қызмет істері агенттігі Қызылорда облысы бойынша департаментінің басшысы Ерлеген Мендалиев баяндама жасады.Мемлекет басшысы Қасым-Жомарт Кемелұлының қатысуымен Астана қаласында өткен тамыз кеңесінде Жалағаш ауданы Әл-Фараби атындағы №201 мектеп-лицейінің мұғалімі Айгүл Шілдебаева «Қазақстанның еңбек сіңірген ұстазы» құрметті атағымен марапатталған болатын.Ал «Орта білім беретін үздік ұйым» аталымы бойынша берілетін 34 млн теңге грантқа Жаңақорған ауданы бойынша білім бөлімінің № 286 мектеп-лицейі лайық деп танылды.Бүгінгі басқосуда білім саласында еселі еңбек етіп жүрген ұстаздар «Құрмет» орденімен, «Ерен еңбегі үшін», «Шапағат» медальдарымен, «Қазақстанның еңбек сіңірген ұстазы» құрметті атағымен, Қызылорда облысының Құрмет грамотасымен, «Қызылорда облысының дамуына қосқан үлесі үшін» медалімен, облыс әкімінің Алғыс хатымен, Оқу-ағарту министрлігінің «Еңбек ардагері», «Ыбырай Алтынсарин» медальдарымен, «Білім беру саласының үздігі» төсбелгісімен, «Орта білім беру ісiнiң үздiгi» құрмет дипломы, Құрмет грамотасы, министрдің Алғыс хатымен марапатталды.<img src="https://knadmin.beoblood.kz/uploads/FB_IMG_1787979991600_74dd7f0fa0.jpg" alt="FB_IMG_1787979991600.jpg">

Қазақстан және Қызылорда облысының басты жаңалықтары