<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Қармақшы ауданының орталығы Жосалы кентінде әлеуметтік осал топтағы азаматтарға жаңадан салынған тұрғын үйлерді табыстау рәсімі өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мұрат Ергешбаев, құқық қорғау органдарының бірінші басшылары, ел ағалары мен ауыл тұрғындары қатысты.<img src="https://knadmin.beoblood.kz/uploads/586509170_1145670861087490_4045296712489956090_n_f72f775db1.jpg" alt="586509170_1145670861087490_4045296712489956090_n.jpg">Аймақ басшысы жаңа қоныс иелерін құттықтап, өңірдегі ауқымды жобаларды, құрылыс қарқынын, әсіресе, тұрғын үй құрылысындағы жетістіктерді атап өтті.<blockquote>«Мемлекет басшымыз Қасым-ЖомартКемелұлы халықты баспанамен қамту мемлекеттік саясаттың басым бағыты екенін атап өтті. Өңірімізде құрылыс қарқынды, 2022 жылдан бері 200-ге жуық әлеуметтік нысан салынып, бүгінде тұрғындар игілігіне қызмет етуде.2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды. Облысымызда алғаш рет соңғы екі жылда барлық ауданда біржарым мыңға жуық пәтер салынып, жерлестерімізге берілді.Биыл 3600 пәтерлік тұрғын үй салуға бюджеттен 58 млрд. 785 млн. теңге бөлінді. Оның ішінде 322 пәтерлік 161 тұрғын үй аудандарда бой көтеруде.Қармақшы ауданында да 2023-2024 жылдары 2 млрд. 848 млн. теңгеге 207 пәтерлік 103 тұрғын үй сатып алынып, кезекте тұрған азаматтарға берілді.Осы жолы тағы 50 пәтерлік 25 жаңа үйдіөздеріңізге табыстаймыз.Бүгін – мемлекеттің қолдауын сезінген барлығыңыз үшін ерекше қуанышты күн!Баспаналы болу әрбір отбасын жақсылыққа жетелейді. Жаңа қоныстарыңыздың іргетасы берік, қабырғасы мығым, әр шаңырақ татулық пен берекеге толы болғай! Баршаңыздың дендеріңізге саулық, отбасыларыңызға амандық тілеймін!– деді Нұрлыбек Машбекұлы.</blockquote>Айта кетейік, 2023 жылы Қармақшы ауданының Тұрмағамбет, Ақжар, Дүр Оңғар ауылдарында дәрігерлік амбулаториялар пайдалануға берілді. Өткен жылы Қуаңдария,Қармақшы ауылдарында фельдшерлік-акушерлік бекеттер салынып, қазір ел игілігіне қызмет етуде.Өңірімізде жарияланған «Руханият жылы»аясында аудандарда салынған «Руханияторталықтарының» бірі Қармақшы ауданында бой көтерді. «Ауыл – ел бесігі» бағдарламасы аясында Дүр Оңғар, ІІІ Интернационал, Ақай ауылдарындажаңа спорт кешендері салынып, пайдалануға берілді.<img src="https://knadmin.beoblood.kz/uploads/586726379_1145670767754166_3441692585992512801_n_16eb374b09.jpg" alt="586726379_1145670767754166_3441692585992512801_n.jpg">Рәсімде ауданның әлеуметтік-экономикалық дамуына үлес қосқан ардагерлер мен мердігер мекеме қызметкерлері облыс әкімінің Алғыс хатымен марапатталды. Парламент Мәжілісінің депутаты Мұрат Ергешбаев құттықтау сөз сөйледі.<img src="https://knadmin.beoblood.kz/uploads/586918050_1145670804420829_862714182302773181_n_fb0f59f3bd.jpg" alt="586918050_1145670804420829_862714182302773181_n.jpg">Рәсімнен кейін аймақ басшысы ауыл тұрғындарымен, ардагерлермен кездесіп, пікір алмасты. Облыстың әлеуметтік-экономикалық даму бағыты, алдағы бағдар туралы сауалдарға жауап беріп, жиналған жұртшылықтың ұсыныстарын тыңдады.

Қармақшыда 50 пәтерлік 25 жаңа үй пайдалануға берілді

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Қармақшы ауданының Дүр Оңғар ауылына газ қосу рәсімі өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мұрат Ергешбаев, ел ағалары мен ауыл тұрғындары қатысты.Аймақ басшысы тұрғындарды көптен күткен ігіліктің іске асуымен, яғни ауылға көгілдір отынның келуімен құттықтады.<blockquote>«Мемлекет басшымыз «Үкімет газ тартылған елді мекендердің санын барынша арттыруға және 1700 шақырым газ желісін жаңғыртуға тиіс. Бұл 300 мыңнан астам адамды көгілдір отынмен қамтамасыз етуге мүмкіндік береді», – деп атап өтті.Аймағымызда 2021 жылдың соңында газдандыру деңгейі 67 пайыз болатын, 2022-2025 жылдар аралығында 63 млрд. 600 млн. теңгеге 77 жоба жүзеге асырылды.Өткен аптада Сырдария ауданының Шаған ауылына табиғи газ берілсе, Жаңақорған ауданында автоматты газ тарату станциясы іске қосылды. Бүгін Өздеріңізбен бірге Дүр Оңғар ауылы тұрғындарының тұрмыс-тіршілігіне жаңа тыныс беретін іс-шараға, табиғи газға қосу сәтіне куә болудамыз. Осындай жұмыстардың нәтижесінде биыл облысымыздың газдандыру көрсеткішін 83 пайызға жеткіземіз.Жерлестерімізді көптен күткен газдың қосылуымен құттықтаймын! Бұл – бәріміздің ортақ қуанышымыз! Көгілдір отын әрбір отбасының жылуын, Отанымыздың қуатын арттыра берсін!Елдің дамуы ауылдан, ауылдың гүлденуінен басталады. Ауылдың дамуы, келешегінің жемісті болуы – Сіздерге, еңбекқорлықтарыңыз бен ауызбірліктеріңізге байланысты. Баршаңызға мықты денсаулық, отбасыларыңызға бақ-береке, ел игілігі жолындағы қызметтеріңізге сәттілік тілеймін!», – деді Нұрлыбек Машбекұлы.</blockquote>Рәсімде ауданның әлеуметтік-экономикалық дамуына үлес қосқан алдыңғы буын ағалар мен мердігер мекеме қызметкерлері облыс әкімінің Алғыс хатымен марапатталды. Парламент Сенатының депутаты Руслан Рүстемұлы құттықтау сөз сөйледі.Айта кетейік, бүгінде Қармақшы ауданын газдандыру деңгейі 78 пайыз. Екі мыңнан астам тұрғыны бар Дүр Оңғар ауылының газ желісіне қосылуы бұл көрсеткішті 83 пайызға жеткізеді. Аталған жобаға облыстық бюджеттен 7 млрд 200 млн теңге бөлінді.<img src="https://knadmin.beoblood.kz/uploads/588436733_1145528464435063_7118434669885202696_n_b012da5632.jpg" alt="588436733_1145528464435063_7118434669885202696_n.jpg">Ауылға тартылған 62,5 шақырымдық жоғары қысымды газ құбыры Жосалы кентіндегі автоматтандырылған газ тарату станциясынан Сырдария өзені арқылы жүргізілді. Бұл жоба алдағы уақытта 10 мыңнан астам халқы бар 9 елді мекенді кезең-кезеңімен магистральдық газ желісіне қосуға мүмкіндік береді.

Қармақшы ауданындағы Дүр Оңғар ауылы газға қосылды

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қаласындағы СПМК-70 шағын ауданында 1500 орындық «Келешек мектебінің» ашылу рәсімі өтті. Оған ҚР Оқу-ағарту министрі Жұлдыз Сүлейменова, Парламент Сенаты мен Мәжілісінің депутаттары Руслан Рүстемов, Мұрат Әбенов, Мұрат Ергешбаев, құқық қорғау органдарының бірінші басшылары, зиялы қауым өкілдері, ел ағалары қатысты.<img src="https://knadmin.beoblood.kz/uploads/4_yzylordada_1500_oryndy_Keleshek_mektebi_ashyldy_d4c7c3c437.jpg" alt="4Қызылордада 1500 орындық «Келешек мектебі» ашылды.jpg">Аймақ басшысы қала тұрғындарын, ұстаздар мен оқушыларды жаңа мектептің ашылуымен құттықтап, жиналған жұртшылыққа ізгі тілегін айтты.<blockquote>«Президентіміз «Баланың бәрі бірдей. Ауыл баласы мен қала баласының білім алу мүмкіндігі де бірдей болуы керек. «Келешек мектептері» жобасының негізгі мақсаты да – осы», деген болатын. Бәсекеге қабілетті, заманның жаңа шақыртуларына дайын, озық ойлы ұрпақ тәрбиелеу – мемлекет алдындағы стратегиялық маңызды мәселе.Сыр өңірінде Президентіміздің, Үкіметтің ерекше қолдауымен білім саласында ауқымды жобалар мен тың бастамалар жүзеге асуда. Аймағымыздың білім беру саласына соңғы үш жылда 812 млрд. 245 млн. теңге, биыл 346 млрд. 800 млн. теңге бөлінді. Өткен жылы 31 млрд. 800 млн. теңгеге 13 білім беру ұйымы жаңадан ашылды.Баршаңызды жаңа мектептің ашылуымен құттықтаймын! Бұл – жай ғана ғимараттардың салынуы емес, жаңа дәуірде білім алатын озат оқушыларға жаңа мүмкіндіктер сыйлау. Жаңа мектеп әрбір оқушының асыл арманын оятатын, биік мақсатқа жетелейтін ізгі орын болсын! Санасы сергек, ойы ұшқыр, бәсекеге қабілетті оқушыларымыздың қатары көбейсін!», – деді Нұрлыбек Машбекұлы.</blockquote><img src="https://knadmin.beoblood.kz/uploads/3_yzylordada_1500_oryndy_Keleshek_mektebi_ashyldy_9e9077a130.jpg" alt="3Қызылордада 1500 орындық «Келешек мектебі» ашылды.jpg">Қызылорда облысында «Келешек мектептері» ұлттық жобасы аясында 54 млрд. 391 млн. теңгеге 10 жаңа мектеп салынды. 2023 жылдан бері 5 млрд. 700 млн. теңгеге 9 мектептің жанынан қосымша ғимарат бой көтерді. Бұл арқылы өңірдегі үш ауысымдық мектептер мәселесі түбегейлі шешімін тапты.<img src="https://knadmin.beoblood.kz/uploads/1_yzylordada_1500_oryndy_Keleshek_mektebi_ashyldy_b36ef60413.jpg" alt="1Қызылордада 1500 орындық «Келешек мектебі» ашылды.jpg">​Салтанатты шарада білім беру саласының дамуына елеулі үлес қосқан ұстаз қауымы мен «Келешек мектебін» сапалы етіп салған мердігер мекеме қызметкерлері облыс әкімінің Алғыс хатымен марапатталды.<img src="https://knadmin.beoblood.kz/uploads/2_yzylordada_1500_oryndy_Keleshek_mektebi_ashyldy_63c8dcffa2.jpg" alt="2Қызылордада 1500 орындық «Келешек мектебі» ашылды.jpg">Оқу-ағарту министрі Жұлдыз Досбергенқызы, Парламент Мәжілісінің депутаты Мұрат Абдуламитұлы, мемлекет және қоғам қайраткері, Қызылорда облысының құрметті азаматы Мұрат Бақтиярұлы рәсімге қатысушыларды құттықтап, ізгі тілек білдірді.Фото: Қызылорда облысы әкімінің баспасөз қызметі

Қызылордада 1500 орындық «Келешек мектебі» ашылды

Қызылордада өткен республикалық ардагерлер кеңесінің көшпелі отырысына &nbsp; қатысушылар қайта жаңғыртылған Президент паркіне тал екті. “Таза Қазақстан” экологиялық бағдарламасы аясындағы іс-шараға эковолонтерлер, «Жастар Рухы» жастар қанатының белсенділері, Қорқыт Ата атындағы Қызылорда университетінің еріктілері, жастар ұйымдарының өкілдері, құқық қорғау &nbsp;органдарының, облыстық басқармалардың басшылары қатысты. Шара барысында 165 түп қайың, үйеңкі және туя көшеті отырғызылды.Аймақ басшысы Нұрлыбек Машбекұлы қонақтарды Президент саябағын қайта жаңғырту жұмыстарымен де таныстырды. Мұнда ауқымды абаттандыру жобалары &nbsp;қолға алынған. Бас мердігер Bi Global ЖШС осы аумаққа 3 аллея, 6 &nbsp;субұрқақ, 5 амфитеатр, 7 балалар ойын алаңын, 4 спорт және 4 workout, 7 демалыс аймағын, 4 фудкорт, теннис үстелдерін, &nbsp;50 метрлік айналмалы дөңгелек аттракцион, би алаңын, стритбол, вело және жүгіру жолақтарын, сахна, сарқырама каналдары мен олардың үстінен өтетін көпірлер, шахмат, баскетбол және футбол алаңдарын, арқан саябағы мен модульдік-санитарлық нысандар орналастырмақ.Саябақта жылдың төрт мезгілінде үздіксіз жұмыс істейтін 300 орындық заманауи балалар тынығу лагері мен Ботаникалық білім беру орталығы (қысқы бақ) бой көтеріп келеді. Бұл нысандардың бас мердігері Alem Qurylys AQ ЖШС &nbsp;спорт блогын, іс-шараларға арналған event-аймақ, тұрғын корпустар, қонақ үй үлгісіндегі шағын ғимараттар, дәстүрлі киіз үйлер, ашық бассейн, стадион, футбол алаңы және сахна салуды қарастырған.Еске салайық, «Таза Қазақстан» республикалық экологиялық бағдарламасы аясында өңірдің барлық елді мекенінде санитарлық тазарту, абаттандыру және көркейту-көгалдандыру жұмыстары жүргізілуде.Оған 484 мыңнан аса ерікті, қоғам қайраткерлері, бюджет саласы мен кәсіпорын қызметкерлері қатысып, 21 мың тоннадан астам қоқыс қалдықтары шығарылды. Елді мекендердегі 510 сквер мен парк, 256 тарихи-мәдени ескерткіш, 1019 әлеуметтік нысан, 3 733 өнеркәсіп және бизнес нысаны, 332 су объектісі, 44 394 &nbsp;көше бойы, 11 025 көпқабатты, 33 369 жер үй аулалары тазартылды. Оған 540-тан аса техника &nbsp;жұмылдырылды.Жыл басынан бері облыс аумағына 255 500 түп өңір климатына жерсінетін қарағаш, терек және Сыр талының көшеттері егілді.<img src="https://knadmin.beoblood.kz/uploads/FB_IMG_1763829132199_cb049012d7.jpg" alt="FB_IMG_1763829132199.jpg">

Ардагерлер тал егу рәсіміне қатысты 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев мемлекет және қоғам қайраткері Икрам Адырбековпен бірге қаладағы нысандарды аралап, жұмысымен таныстырды. Атап айтсақ, Өнер орталығына, «Сыр жұлдыздары» шығармашылық-инновациялық академиясына, жаңа жылу-электр орталығына барды.Өнер орталығы – Қызылордада кейінгі жылдары салынған сәулетті ғимараттың бірі, мұнда симфониялық, эстрадалық және ұлттық өнер бағытындағы концерттік бағдарламалар, түрлі форматтағы қоғамдық іс-шаралар өткізіледі.<img src="https://knadmin.beoblood.kz/uploads/Oblys_kimi_nysandardy_aralady_bbc2c5e24f.jpg" alt="Облыс әкімі нысандарды аралады.jpg">Балалар мен жасөспірімдерге арналған «Сыр жұлдыздары» шығармашылық-инновациялық академиясы бір мезетте 500, тәулігіне 3 мың оқушыға дейін қабылдайды. Бассейн, топтық жаттығу, көркем гимнастика және фитнес, үстел ойындарына арналған, жекпе-жек залдары бар. Кескіндеме, сурет салу, резин арт бөлмесі, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, киберспорт және математика кабинеттері жұмыс істейді.«Акса Энерджи» түрік компаниясы салған жаңа жылу-электр орталығы 240 мегаватт электр қуатын, 277 гигакалория жылу энергиясын өндіреді. Жобаның жалпы құны – 215 млрд. теңге. Бюджет есебінен 15 млрд. теңгеге 45 шақырым газ құбыры жүргізілді. Бұл – Тәуелсіздік жылдарындағы инвестор қаржысына салынған теңдессіз жоба.Икрам Адырбеков Сыр өңірі серпінді даму жолына түскенін, әлеуметтік-экономикалық, инфрақұрылымдық жобалардың сәтті жүзеге асқанын атап өтіп, алдағы &nbsp;бастамалардың да табысты болуына тілектестігін білдірді.<img src="https://knadmin.beoblood.kz/uploads/Oblys_kimi_kezdesu_21_11_c00e867f79.jpg" alt="Облыс әкімі кездесу 21.11.jpg">

Облыс әкімі мемлекет және қоғам қайраткері Икрам Адырбековпен бірге жаңа нысандарды аралады

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Мемлекет басшысы Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауында белгіленген міндеттердің жүзеге асу барысы талқыланған актив отырысы өтті. Оған Қазақстан Республикасы Президентінің кеңесшісі Мәлік Отарбаев, зиялы қауым өкілдері, облыстық мәслихат депутаттары, басқарма, департамент, инспекция басшылары, саяси партиялар, бейнебайланыс арқылы қала, аудан әкімдері активімен бірге қатысты.Облыс әкімі Жолдаудағы тапсырмаларды орындау мақсатында қабылданған нақты шараларды атап өтті.<blockquote>«Мемлекет басшымыз ел экономикасының барлық саласын жаңғырту үшін цифрландыру мен жасанды интеллект технологиясын жеделдетіп енгізу мәселелеріне ерекше тоқталды.Жасанды интеллектінің мүмкіндіктерін қолданып, елімізді одан әрі әлеуметтік-экономикалық, инновациялық дамытудың жаңа бағдары айқындалды. Жаппай цифрландыру арқылы отандық экономиканы әртараптандыру, кешенді түрде жаңғырту көзделген.Алдағы үш жылда Қазақстанды цифрлық елге айналдыру мақсатында нақты стратегиялық межелер белгіленді. Президентіміздің жаңа бастамалары Қазақстанды жаһандық аренада бәсекеге қабілетті ел ретінде танытумен қатар, халқымыздың тұрмыс сапасын арттыруға зор ықпалын тигізеді.Жақында ғана Мемлекет басшымыз Қасым-Жомарт Кемелұлы Сыр өңіріне жасаған сапарында аймақтың даму қарқынына, атқарған жұмысымызға оң бағасын берді. Мемлекет басшысының ерекше қолдауы жаңа жетістіктерге жетелейді, еселенген жауапкершілік жүктейді. Сыр жұртшылығы Президентіміздің тапсырмаларын, Жолдаудан туындайтын міндеттерді орындауда бекем бірліктің үлгісін көрсетіп, межеленген жұмысты жалғастырады.Жолдау жүктеген тапсырмалардың басым бөлігі елді мекендерді дамытуға бағытталған. Әсіресе, инфрақұрылымды жақсарту, тұрғындардың өмір сүру сапасын арттыру, аграрлық сектордың тиімділігін күшейту. Бұл жұмыстар аймағымызда, аудандарда, елді мекендерде қарқынды жүзеге асуда», – деді Н.Нәлібаев.</blockquote>Активте Мәлік Отарбаев Жолдаудағы негізгі жеті бағытқа, одан туындайтын міндеттерге тоқталды.Арал ауданының әкімі Аманжол Оңғарбаев Жолдау жүктеген міндеттердің орындалуы, Жаңақорған ауданы, Қосүйеңкі ауылдық округінің әкімі Әлімхан Ақтаев заң мен тәртіпті мемлекетіміздің мызғымас тұғыры етудің маңызы туралы баяндама жасады.Фото: Қызылорда облысы әкімінің баспасөз қызметі

Жолдау жүктеген міндеттер талқыланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен мемлекет және қоғам қайраткері, Социалистік Еңбек Ері Еркін Нұржанұлы Әуелбековтің 95 жылдығына арналған «Еркін Әуелбеков: заманның заңғар тұлғасы» атты республикалық ғылыми-танымдық конференция өтті. Оған облыстық мәслихат төрағасы, жауапты сала басшылары, басқа өңірлерден келген қонақтар, зиялы қауым өкілдері, ардагерлер, қоғам белсенділері, Еркін Нұржанұлының қарындасы Күләш Нұржанқызы қатысты.Аймақ басшысы қайраткердің Сыр өңірінің әлеуметтік-экономикалық дамуына сіңірген еңбегіне тоқталып, конференция жұмысына сәттілік тіледі.<blockquote>«Еркін Нұржанұлы – білімділігімен, халықшыл мінезімен, биік парасатымен ел дамуына зор үлесін қосқан заңғар тұлға. Ұлтымыздың талантты перзентінің есімі Сыр жұртшылығының есінде табандылығымен, адалдығымен, іскерлігімен сақталды. Еңбек жолын Солтүстік Қазақстан облысындағы МТС-тің бас агрономдығынан бастап, Қазақстан Астық өнімдері және құрама жем өнеркәсібі министрі болды. Еліміздің үш өңірін – Көкшетау, Торғай, Қызылорда облыстарын басқарды. 1985 жылдың 22 қаңтарында Қызылорда облыстық партия комитетінің бірінші хатшысы лауазымына тағайындалып, аймағымыздың өсіп-өркендеуі жолында 5 жылға жуық еңбек етті. Сол кезең туралы терең білетін, Еркін Нұржанұлымен қызметтес болған ағаларымыз бүгінде ортамызда. Ол уақытта орталықтың шешімінсіз бірде-бір өндіріс орны іске қосылмайтын. Облыстың ауыл шаруашылығы, өнеркәсіп, құрылыс, басқа да салаларының көрсеткіштері республикалық деңгеймен салыстырғанда өте төмен еді. Осындай қиындықтарға қарамастан, Еркін Нұржанұлы аймағымыздың дамуы мен Сыр халқының жайлы тұрмысы үшін барлығын жасады. Өңіріміздегі өзекті мәселелерді талдап, оны шешудің нақты жолдарын қарастырды. 1985 жылы Мұнай өнеркәсібі министрлігінің «Қазақ КСР-індегі «Құмкөл» мұнай кен орнын ашуға дайындау, игеруге байланысты жұмыстарды ұйымдастыру туралы» бұйрығы шықты. Еркін Нұржанұлының бастамасымен Жезқазған жеріндегі «Құмкөл» мұнай кеніші аумағы облысымызға ұзақ жылға жалға берілді. Бұл тұрғындардың әлеуметтік жағдайын жақсартуға, облыс бюджетінің өсіміне жол ашты. «Бір кісі қазған құдықтан мың кісі су ішеді» деген сөз бар. Еркін Нұржанұлының еселі еңбегінің арқасында 1990 жылдардың қиын кезеңінде «Құмкөл» мұнай кеніші облыс бюджетінің 70-80 пайызын қамтамасыз етіп, аймақтың дамуына серпін берді. Осы бастамасы үшін өңір халқы ағамызды үнемі еске алып, ерекше құрметтейді. Бүгін Еркін Нұржанұлының еңбегі мен қайраткерлік тұлғасына арналған конференцияда бас қосудамыз. Халық құрметіне бөленген дара тұлғаны ұлықтауға арналған осы шараға шынайы ниетпен арнайы қатысуға келген ардақты ағаларымызға, қадірлі қонақтарымызға Сыр жұртшылығы атынан зор ризашылығымызды білдіреміз», – деді Н.Нәлібаев.</blockquote><img src="https://knadmin.beoblood.kz/uploads/Konferencziya_2_101556ebc1.jpg" alt="Конференция 2.jpg">Басқосуда мемлекет және қоғам қайраткерлері Әбдіжәлел Бәкір, Мұрат Бақтиярұлы, Көкшетау қалалық ардагерлер кеңесінің төрағасы Шияп Әлиев, Әуелбеков қоғамдық қоры филиалының төрағасы, «Тіл сақшысы» газетінің бас редакторы Сәдуақас Аңсат, Қорқыт Ата атындағы Қызылорда университетінің қауымдастырылған профессоры, тарих ғылымдарының докторы Тастанбек Сәтбай баяндама жасап, &nbsp;естелік айтты.Конференция қатысушылары ұсыныс-пікірлерін ортаға салып, аймақ басшысы Күләш Нұржанқызына Сыр жұртшылығы атынан дәстүрге сай сый-құрмет көрсетті.<img src="https://knadmin.beoblood.kz/uploads/Konferencziya_3_3e24965cc9.jpg" alt="Конференция 3.jpg">

Қызылордада республикалық ғылыми-танымдық конференция өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «AMANAT» партиясының Атқарушы хатшысы Дәулет Кәрібекпен кездесті. Кездесуге жауапты сала басшылары қатысты.Аймақ басшысы партиямен бірлесіп атқарылған жұмыстарға тоқталып, алдағы жоспарларды бөлісті.<blockquote>«Облыс әкімдігі және «AMANAT» партиясының облыстық филиалы арасында мемлекеттік саясатты жүзеге асыру бағытында тығыз қарым-қатынас орнаған. Облыстық, қалалық және аудандық әкімдіктер жанындағы кеңестер мен комиссиялар құрамына қоғамдағы өзекті мәселелерді шешуге қатысу үшін 100-ден астам партия мүшесі енгізілген. Олар жиындарда салмақты ойларын ортаға салып, тұшымды ұсыныс-пікір айтады. «AMANAT» партиясының «Қарызсыз қоғам», «Жер аманаты», «Ауыл аманаты» жобалары қарқынды жүзеге асырылуда. Мәселен, «Қарызсыз қоғам» жобасы аясында 22 800 адам дайындық курсынан өтуі қажет болса, бүгінде олардың 69 %-ы, яғни 15 896 адам оқу курсына қатысты. «Жер аманаты» жобасы шеңберінде биылға жоспарланған 60 000 гектар артығымен, яғни 66 791 гектар жер мемлекет меншігіне қайтарылды. «Ауыл аманаты» жобасына 2025 жылға 1,1 млрд. теңге бөлініп, толығымен игерілді. Қосымша қаралған 1,1 млрд. теңге де мақсатқа сай жұмсалуда», – деді Н. Нәлібаев.</blockquote>Дәулет Кәрібек Сыр өңірінде серпінді жүзеге асқан партияның жобалары, бастамалар, аймақтың әлеуметтік-экономикалық даму бағдары туралы ойларын айтты.Еске салайық, «AMANAT» партиясының Атқарушы хатшысы XXXV кезектен тыс конференцияға қатысады. Сонымен қатар, Қорқыт Ата атындағы Қызылорда университетіндегі білім беру процесіне жасанды интеллект технологияларын енгізу дағдысымен танысады деп жоспарлануда.

Облыс әкімі «AMANAT» партиясының атқарушы хатшысымен кездесті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Шиелі ауданындағы Оқушылар үйінде құқық қорғау органдарының бірінші басшыларымен бірге тұрғындарды жеке мәселелері бойынша қабылдады.Жұртшылық сұранысына үн қатып, мәселені шұғыл шешетін, азаматтардың сындарлы өтініш-тілектерін жедел әрі тиімді қарастыратын мұндай кездесулердің маңызы зор. Кейінгі жылдары дәстүрге айналған бастама ел арасында үлкен қолдауға ие болды. Қабылдау туралы алдын ала хабардар болған тұрғындар облыс әкіміне және құқық қорғау органдарының бірінші басшыларына &nbsp;сауалдарын, ұсыныс-тілектерін жеткізеді. &nbsp;Бүгінгі жеке қабылдауға жазылғандардың басым бөлігі әлеуметтік, ауыл шаруашылығына қатысты мәселелерді қозғады. Мысалы, аудан орталығындағы бұрын орталық парк болып, кейін жекеменшікке өткен жер учаскесі бүгінде мемлекет меншігіне қайтарылған. Демалыс орнын қайта қалпына келтіру мақсатында «Еңбекшілер аллеясы» жобасы әзірленді.Қабылдауға келген құрылыс саласының ардагері осы жобаны қаржыландыруға қолдау көрсетуді сұрады. Ал, су саласының ардагері Сырдария өзеніндегі су деңгейін реттеу мәселесін көтерді.Облыс әкімі сала басшыларына тиісті тапсырмалар беріп, заң аясында шешім қабылдау қажеттігін айтты.Қабылдауда жалпы саны 50-ден астам азаматтың өтініші қаралды. Ал, облыс әкіміне 10-нан астам тұрғын өз сұрақтарын қойды.Соңында облыс әкімі аудандық Оқушылар үйіне жиналған ардагерлермен кездесті. Өңірдің әлеуметтік-экономикалық, мәдени-рухани дамуындағы мәселелерді жан-жақты талқылап, халықтың ой-пікірін, ұсыныстарын тыңдады.

Облыс әкімі шиелілік тұрғындармен кездесіп, жеке мәселелерін қарады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сыр өңіріне жұмыс сапарымен келген Қазақстан мұсылмандары діни басқармасының төрағасы, бас мүфти Наурызбай қажы Тағанұлымен кездесті.Аймақ басшысы өңірдегі діни ахуал туралы айтып, алда атқарылатын жұмыс бағытына да тоқталды.<blockquote>«Сыр еліне жасаған қадамыңыз құтты, сапарыңыз оңынан болсын! Қазақылықтың қаймағы бұзылмаған қасиетті өлкеміз – жыршы-термешілермен қатар, ауызы дуалы ишандар мен ахундардың мекені.Ата-баба дәстүрі мен елге еңбек еткен дін қызметкерлерінің арқасында аймағымыздағы діни ахуал тұрақты. Өзіңіз жетекшілік ететін Қазақстан мұсылмандары діни басқармасының игі істері, қолдауы дәстүрлі дінімізді дәріптеуге септігін тигізіп келеді.Имамдарымызды қолдау мақсатында әкімдік 2023 жылдан бері арнайы қаржы бөлгенін білесіз. Қос тараптың қолдауы мен оң бастамалары қоғамды тұрақтылыққа үндеп, егемен еліміздің тұтастығын сақтауға бағытталды.Президентіміз Қасым-Жомарт Кемелұлы өскелең ұрпақтың рухани тәрбиесіне ерекше көңіл бөледі. Бүгінде өкілдік қызметкерлері жас әрі жоғары білімді. Олар жат ағымдармен күресте әкімдікпен, құзырлы органдармен, мешіт қызметкерлерімен бірлесіп, белсенді жұмыс атқарады. Осы бағытты жалғастыруда Сіздердің қолдауларыңыз аса маңызды», – деді Н. Нәлібаев.</blockquote>Облыс әкімі Наурызбай қажы Тағанұлына Сыр жұртшылығы атынан арнайы кәдесый тарту етті. Бас мүфти көрсетілген құрметке алғысын жеткізіп, өңірдегі діни ахуалға, оның тұрақтылығы жолында атқарылған жұмыстарға оң бағасын берді.Тәуелсіздіктің алғашқы жылдары облыста небәрі 14 мешіт болса, бүгінде 190 мешіт ресми тіркелген. Өңірде 7 конфессия өкілдері қызмет етеді, діни бірлестік басшыларының клубы бар.Айта кетейік, Бас мүфти жұмыс сапары барысында ҚМДБ-ның 35 жылдығына орай жарыққа шыққан «Айтбай» мешіті: аңыз бен ақиқат» деректі фильмі мен кітабының тұсаукесеріне, «Бабалар сөзі – даналық көзі» ІII республикалық жыршы-термешілер фестиваліне қатысады. Сондай-ақ, «Ел үлесі пәтерге», «Тайқазан», «Өмірге үміт сыйла» қайырымдылық шараларында болып, облыс орталығындағы жаңадан ашылған әлеуметтік нысандармен танысады.Фото: Қызылорда облысы әкімінің баспасөз қызметі

Аймақ басшысы Қазақстан мұсылмандары діни басқармасының төрағасы, бас мүфтимен кездесті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың қатысуымен Шиелі ауданында дене шынықтыру-сауықтыру кешені ашылды. Рәсімге құқық қорғау органдарының бірінші басшылары, зиялы қауым өкілдері мен аудан тұрғындары қатысты.​Аймақ басшысы өңірдің әлеуметтік-экономикалық даму барысына тоқталып, құттықтау лебізін жеткізді.<img src="https://knadmin.beoblood.kz/uploads/4_Shieli_audanynda_dene_shyny_tyru_sauy_tyru_kesheni_ashyldy_2d23c37d5e.jpg" alt="4Шиелі ауданында дене шынықтыру-сауықтыру кешені ашылды.jpg"><blockquote>«Жақында Сыр өңіріне арнайы жұмыс сапарымен келген Мемлекет басшымыз алға қойған жоспарларды уақытылы әрі сапалы іске асырудың маңызын атап өтті. Аймақта инвестициялық климатты жақсарту, бизнес жүргізу үшін қолайлы жағдай жасау бағытындағы жұмыстарды жалғастыруды тапсырды.Мемлекет басшысының ерекше қолдауы баршамызды жаңа жетістіктерге жетелейді, еселенген жауапкершілік жүктейді. «Қуатты өңірлер – қуатты ел» қағидаты ел дамуының темірқазығына айналды. Бұл халықтың ынтымағын нығайтып, мемлекеттің қуатын арттырады.Әділетті, Қуатты, Қауіпсіз әрі Таза Қазақстанды құру жолында Сыр халқы да бекем бірліктің, ерен еңбектің үлгісін көрсетуде. Президентіміздің, Үкіметтің ерекше қолдауымен облысымыздың бюджеті 851 млрд. 300 млн. теңгеге жетіп, 2022 жылдан бері 233 пайызға өсті. Оның 56 пайызы әлеуметтік салаға бағытталды. Бұл қаражат аймағымыздың ең өзекті деген мәселелерін шешуге, тұрғындарымыздың өмір сүру сапасын жақсартуға, жаңа инфрақұрылымдық жобаларды іске асыруға бағытталуда.Бүгін құрылысына 338 млн. теңге жұмсалған дене шынықтыру-сауықтыру кешенін салтанатты түрде ашу үшін бас қостық.Жаңа нысан дені сау ұлт қалыптастыруға қызмет етіп, жаттығуға келген жас өрендердің арасынан әлемдік ареналарда Қазақстанның көк туын көкте желбірететін чемпиондар шығады деп сенеміз. Баршаңызға зор денсаулық, отбасыларыңызға амандық, еңбектеріңізге табыс тілеймін!», – деді Н.Нәлібаев.</blockquote>Мемлекет спорт инфрақұрылымын дамыту үшін тиісті қаражат бөліп, балалардың жастайынан спортпен алаңсыз айналысуына жағдай жасауда. Спорт нысандарды дене шынықтыруға ден қойған әрбір адамға қолжетімді болуы үшін көп жұмыс атқарылды. Жаңадан ашылған кешендегі жаттығу залдары да спорттың әр түрімен шұғылданушыларға керекті құралдармен жабдықталған. Спортты серік еткен балалар мен үлкендерге ыңғайлы.<img src="https://knadmin.beoblood.kz/uploads/3_Shieli_audanynda_dene_shyny_tyru_sauy_tyru_kesheni_ashyldy_db1fd78d88.jpg" alt="3Шиелі ауданында дене шынықтыру-сауықтыру кешені ашылды.jpg">Жиында ауданның әлеуметтік-экономикалық дамуына үлес қосқан ардагерлер, жаңа нысанды салып ел игілігіне тапсырған құрылысшылар облыс әкімінің Алғыс хатымен марапатталды. Облыстық ардагерлер кеңесінің төрағасы Серік Дүйсенбаев жиналған қауымға бата берді.Фото: Қызылорда облысы әкімінің баспасөз қызметі

Шиелі ауданында дене шынықтыру-сауықтыру кешені ашылды

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының әкімі Нұрлыбек Нәлібаевтың қатысуымен Шиелі ауданының Бестам ауылында 150 орындық клубтың ашылу рәсімі өтті. Оған жауапты құқық қорғау органдарының бірінші басшылары, зиялы қауым өкілдері мен ауыл тұрғындары қатысты.Аймақ басшысы өңірде іске асқан игіліктерге тоқталып, жиналған жұртшылыққа құттықтауын жеткізді.<blockquote>«Президентіміздің Сыр өңірінің даму қарқынына, атқарған жұмысымызға берген оң бағасы бәріміз үшін зор мәртебе.Мемлекет басшысы Қасым-Жомарт Кемелұлының 2022 жылы қараша айында Қазақстан Республикасы Президенті лауазымына кіріскеннен кейінгі ең алғашқы қол қойған Жарлығы «Ауылдық аумақтарды дамытудың 2023-2027 жылдарға арналған тұжырымдамасы» болды.Ауылдарды дамыту – мемлекеттік саясаттың маңызды стратегиялық мақсаттарының бірі. Президентіміз Үкімет пен облыс әкімдеріне мемлекет тарапынан жасалған барлық қолдауды тиімді, мақсатты пайдаланып, ауыл халқының табысын арттыру, экономикасын жоғары көрсеткіштерге жеткізу міндетін қойды. Бүгінде облыстың 447 мың тұрғыны (халық саны 845 мың адам), яғни 53 пайызы ауылда тұрады.Осы жылы Шиелі ауданының бюджеті 17 млрд. теңгеден асты. Энергетика, ауыз су, газдандыру салаларында &nbsp;жүйелі жұмыс жүргізілуде. Шиелі электр жүйесінің қосалқы станциясы 4 млрд. 480 млн. теңгеге толықтай жаңғыртылды.Осындай байыпты бастамалардың жалғасы ретінде бүгін Бестам ауылындағы 429 млн. теңгеге салынған 150 орындық жаңа клубты ел игілігіне беруге жиналдық.Ауылдық клуб мәдени жаңғырудың орталығына айналсын! Қуаныштарыңыз құтты болсын!», – деді Н. Нәлібаев.</blockquote>Шиеліде жеке инвесторлар есебінен 6 млрд. теңгеге қуаттылығы 20 МВт, құны 1 млрд 500 млн теңге болатын күн-электр станциялары салынуда. Аудан халқы 100 пайыз сапалы ауыз сумен қамтамасыз етіліп,16 елді мекен табиғи газға қосылған.&nbsp;Жұқпалы аурулар бөлімшесінің жаңа ғимараты, аудандық аурухана жанынан қосымша ғимарат пайдалануға берілді. Онда&nbsp;жаңа МРТ аппараты орнатылуда. Заманауи талаптарға сай жабдықталған бұл нысандар тұрғындарға сапалы медициналық көмек көрсетіп келеді.<img src="https://knadmin.beoblood.kz/uploads/d21bf592_38ac_41b0_8d2a_483b824fe6e9_2998ebda54.jpg" alt="d21bf592-38ac-41b0-8d2a-483b824fe6e9.jpg">Биылғы оқу жылында 200 орындық «Оқушылар үйі» мен 50 орындық «Өнер мектебі» ашылды. Жыл соңына дейін кезектілік реті бойынша тұрғындарға 52 пәтерлік 26 жаңа тұрғын үй табысталады.Ал бүгінгі жаңа клубтың бас мердігері «Дәнекер» ЖШС, ғимартта ән, хор, би, қолөнер үйірмелері болады және кітапхана орналасады. Бұл жер ауыл жастарының басын қосатын, өнерге баулитын руханият бесігіне айналмақ.<img src="https://knadmin.beoblood.kz/uploads/e30015fa_9e3d_448a_bce6_7a21319312f0_8b14df7fd2.jpg" alt="e30015fa-9e3d-448a-bce6-7a21319312f0.jpg">Жиында ауданның әлеуметтік-экономикалық дамуына үлес қосқан ардагерлер мен жаңа нысанды салған құрылысшылар облыс әкімінің Алғыс хатымен марапатталды. Еңбек ардагері Әшім Оразбекұлы жаңа бастамаға батасын берді.Фото: Қызылорда облысы әкімінің баспасөз қызметі

Қазақстан және Қызылорда облысының басты жаңалықтары