Kyzylorda-news.kz 2025 жылдан бастап WhatsApp Android смартфондарының бірқатар модельдерінде жұмыс істеуді тоқтатады. Бұл туралы Stan.kz ақпарат агенттігі GSMArena порталына сілтеме жасап хабарлайды.
Тізімде 10 жыл бұрын шығарылған Samsung, Motorola, HTC, LG және Sony смартфондарының бір кездері танымал болған 19 моделі бар. Олардың арасында Samsung Galaxy S3 және Note 2, бірінші буын Motorola Moto G, HTC One X, LG Optimus G мен Nexus 4 және Sony Xperia-ның бірнеше модельдері кездеседі.
Meta корпорациясының дерегінше, бұл шешімі WhatsApp-тың жаңа мүмкіндіктерін, соның ішінде заманауи жабдықты қажет ететін жасанды интеллектке негізделген шараларды қолдау қажеттігіне байланысты шығарылып отыр. Аталған құрылғылардың пайдаланушыларына барлық WhatsApp деректерін 2025 жылдың 1 қаңтарына дейін жаңа құрылғыларға көшіру ұсынылды. Әйтпесе чат тарихы мен медиа файлдар біржола жоғалады.
Сонымен қатар Мeta бұл шешімді ескі iPhone модельдеріне қатысты да қабылданды. WhatsApp 2025 жылдың мамырында 15.1 нұсқасынан төмен iOS құрылғылары үшін тоқтатылады.
Фото: pixabay.com