Жалағаш ауданының әкімі Ардақ Ибраимов тұрғындарды жеке мәселелері бойынша қабылдап, олардың ұсыныс-пікірлері мен өтініштерін тыңдады.
Қабылдау барысында тұрғындар тұрғын үй, әлеуметтік қолдау, жұмысқа орналасу және өзге де мәселелерді көтерді. Аудан әкімі әрбір азаматтың өтінішіне назар аударып, көтерілген мәселелерді заң талаптарына сәйкес зерделеп, тиісті шешім қабылдау үшін жауапты сала басшыларына нақты тапсырмалар жүктеді.
Айта кету керек, аудан әкімдігі ғимаратында тұрғындарға қолайлы жағдай жасау мақсатында «Азаматтарды қабылдау орталығы» жұмыс істейді. Орталықта өзіне-өзі қызмет көрсету бұрышы қарастырылған және келушілер электронды кезек жүйесі арқылы қабылданады.
Аудан тұрғындары қабылдауға eGov порталы, e-Otinish ақпараттық жүйесі немесе аудан әкімдігіне жазбаша өтініш жолдау арқылы жазыла алады.
