Темекіні тыйым салынған орында шеккендер екі есе айыппұл төлейді – Kyzylorda News
Басты бет

Бізге жаңалық жіберіңіз: +7(702)702-76-00

Темекіні тыйым салынған орында шеккендер екі есе айыппұл төлейді

06.08.2020, 10:40

232 0

Kyzylorda-news.kz. Қазақстанда темекі шегуге тыйым салынған орындар тізімі кеңейтілді, деп хабарлайды ҚазАқпарат.

Жабық автобус аялдамаларында, балалар алаңдарында, метрода және жерасты өткелдерінде электронды темекі, кальян және темекі өнімдерінің барлық түрлерін шегуге тыйым салынады.

«Біздің жастар кальянды мекемелерде қолданады. Енді оларға толықтай тыйым салынды. Дәмханаларда, қоғамдық орындарда, жазғы кафелерде шеге алмайды, оны тек үйде ғана тұтынуға болады», – деді Алкоголь және темекі өнімдерін сату қауымдастығының атқарушы директоры Темірлан Жақыпбеков.

Бұған дейін хабарланғандай, енді темекіні және кальянға арналған түрлі қоспаларды 21 жастан бастап қана сатып алуға болады. Сатушылар сатып алушылардан жеке куәліктерін талап етуі керек.

Тағы бір жаңалық – темекі мен кальян қоспалары дүкен сөрелерінде болмайды. Бұл ереже келесі жылдан бастап күшіне енеді.

Кальянға қарсы шектеулерге қарамастан, тек шілде айының өзінде елордалық полиция 20 заңбұзушылықты тіркеді. Құқық қорғау органдарының қызметкерлері күн сайын рейдтер өткізеді.

Кальян мен темекіні рұқсат етілмеген жерде шеккені үшін айыппұл салынуы мүмкін. Айыппұл мөлшері екі есеге артып, 42 мың теңгені құрайды.

0

Пікір қалдыру