Kyzylorda-news.kz. Шиелі ауданы әкімдігінің мәжіліс залында кезектен тыс өткен Президент сайлауында белсенділік танытқан азаматтар ҚР Президентінің, облыс әкімінің алғыс хаттарымен марапатталды. Бұл туралы Шиелі ауданы әкімдігінің баспасөз қызметі хабарлады.
Сондай-ақ, жиында «Birge – Taza Qazaqstan» тазалық науқаны аясында аудан тазалығын сақтауға үлес қосқан азаматтарға Экология, геология және табиғи ресурстар министрлігінің құрмет грамотасы мен алғыс хаттары табысталды. Оған қоса, облыс әкімінің қолдауымен демалыс орындарына жолдама, су сорғысының сертификаты табысталды. Сонымен қатар облыс әкімінің және облыс әкімінің бірінші орынбасары Серік Қожаниязовтың алғыс хатымен марапатталды.
Жиынды ашып, жүргізген аудан әкімі Нұржан Ахатов кезектен тыс Президент сайлауында және жыл көлемінде Шиелі ауданында жүргізілген тазалық шараларында белсенділік танытқан азаматтарға алғысын білдірді.
Айта кетейік, жиында «Birge – Taza Qazaqstan» тазалық науқанына атсалысқан екі азаматқа облыс әкімінің қолдауымен демалыс орындарына жолдама, Қоғалы ауылдық округіне су айдайтын насос қондырғысының сертификаты табысталды.
