Шетелдіктерді тіркеу тәртібі өзгерді – Kyzylorda News
Басты бет

Шетелдіктерді тіркеу тәртібі өзгерді

10.01.2020, 11:40

623 0

Kyzylorda-news.kz. Қызылорда облысы полиция департаментінің көші-қон  қызметі басқармасы  бастығының орынбасары полиция подполковнигі С.Қамитбеков  «Шетел азаматтарын тіркеу рәсімдерін жеңілдету» тақырыбы бойынша негізгі сұрақтарға  жауап берді.

Енді шетелдіктерді тіркеу ұғымы толығымен жойылады.

Олар 30 күнтізбелік күн тіркелусіз елде болуы мүмкін. Шекарада бұрын болған көші-қон картасын толтырудың қажетті жоқ. Көші-қон карталары айналымнан толық алынады. Бұл дегеніміз, Қазақстанға кіру кезінде шетелдік азамат шекаралық бақылау орнында 30 күнге дейін есепке  автоматты түрде қойылады, оның паспортында елге келу күнін белгілейтін күні-мөртаңба қойылады.

Бұл ретте шетелдіктің полицияда тіркелу сияқты міндеті жоқ. Осы  міндеттер заң бойынша қабылдаушы тарапқа жеке және заңды тұлғаға жүктеледі. Бұл ретте қабылдаушы тарап шетелдік азаматтың келгені туралы 3 жұмыс күні ішінде көші-қон қызметін хабардар етуге міндетті.

Хабардар етудің  үш жолы бар

Визалық көші-қон порталы арқылы

Электрондық үкімет порталы арқылы. Егер Сіз осы жолды таңдасаңыз, онда қабылдаушы тарапқа электрондық цифлық қолтаңба жеткілікті.

Сондай-ақ, жазбаша хабарлауға болады.

Бұл үшін қабылдаушы тарап шетелдік азаматтың келгені туралы жазбаша хабарлай отырып көші-қон қызметіне жүгінеді.

Өтініш еркін нысанда жазылады.

Қазақстан Республикасына визалар бойынша келетін шетелдік азаматтарда жеке есепке тұрудан босатылады, сондықтан визаның өзі елде уақытша тұруға рұксаты бар.

             – 30 күн елде болған соң  шетелдік не істеу керек?

Егер шетелдік рұқсат етілген елде 30 күннен асып, қалуға ниет білдірсе /жұмысқа,оқуға,емделуге т.б/, онда ол уақытша тұруға рұқсат (орысшасы РВП) ала отырып, өзінің болу мерзімін ұзарта алады, ол оған елде бір жылға дейін  болуға құқық береді.   Бұл – ең ұзақ мерзімі.

Еңбек қызметіне рұқсат (заңдастыру), жергілікті атқарушы органдар берген рұқсат, оқу немесе медициналық мекеменің қолдаухаты- шетелдіктің уақытша тұруға рұқсат (УТР) алу үшін негіздері болып табылады.

Шетелдік азамат қабылдаушы тараптың өтініші бойынша ғана уақытша тұруға рұқсат  (УТР) алатын болады.

Көші-қон заңнамасын бұзғаны үшін қандай жауапкершілік көзделген?

 Қазақстан Республикасының Әкімшілік құқық бұзушылықтар туралы Кодексіне, сондай-ақ, көші-қон заңнамасына өзгерістер енгізілді.

ҚР ӘҚБтК-нің 517 , 518 және 519  баптарына сәйкес шетелдік азаматтың, қабылдаушы тараптың жауапкершілігі қарастырылған.

Қабылдаушы тарап шетелдік азаматтың ел аумағына келгені туралы көші-қон қызметіне хабарламағаны үшін және шетелдікке уақытша тұруды тіркеуді рәсімдемегені үшін жауапты болады.

0

Пікір қалдыру