Қызылордада ашылатын шыны зауытында жылына 197 мың тонна өнім өндіріледі – Kyzylorda News
Басты бет

Бізге жаңалық жіберіңіз: +7(702)702-76-00

Қызылордада ашылатын шыны зауытында жылына 197 мың тонна өнім өндіріледі

21.02.2020, 16:20

150 0

Kyzylorda-news.kz. Биыл шілде айында Қызылордада шыны зауыты өз жұмысын бастайды. Бұл туралы облыс әкімінің орынбасары Бақыт Жаханов мәлім етті, деп хабарлайды ҚазАқпарат.

«Шыны зауыты бойынша жұмыстар ерекше бақылауда. Мердігер компания «Чайна триумф» мамыр айында құрылыс-монтаж жұмыстарын аяқтайды. Маусымда пешті қыздырып, шілде айынан бастап зауыт іске қосылады,- деді Б. Жаханов Парламент Сенатында.

Әкім орынбасарының айтуынша, зауыт жылына 197 мың тонна шыны өндіретін болады.

«Зауыт жұмысына 260 адам жұмылдырылады. Жұмысқа отандық мамандарды кеңінен тарту үшін өңірден 400 түлек ресейлік грантқа ие болып, бүгінде білім алып жатыр», – деді ол.

Өз кезегінде Сенат төрағасы Дариға Назарбаева жаңадан ашылатын зауытта отандық мамандардың тартылуын алға тартты.

Айта кетсек, бүгін ҚР Парламенті Сенатында алғаш рет «Өңірлер күні» жоспары аясында Қызылорда облысының әлеуметтік-экономикалық дамуына арналған отырыс өтті.

0

Пікір қалдыру