Қазақстанда жаңа көліктер қалай тіркелетіні белгілі болды – Kyzylorda News
Басты бет

Қазақстанда жаңа көліктер қалай тіркелетіні белгілі болды

07.04.2020, 15:00

651 0

Kyzylorda-news.kz.  Автосалондарда сатып алынған көліктерді онлайн тіркеу қызметі енгізіледі. Бұл туралы Цифрлық даму, инновациялар және аэроғарыш өнеркәсібі вице-министрі Абылайхан Оспанов мәлімдеді, деп хабарлайды Sputnik Қазақстан

«Жақын арада біз автосалондарда сатып алынған көліктерді онлайн тіркеу қызметін енгізуді жоспарлап отыр. Қазіргі кезде ішкі істер министрлігімен жұмыс істеп жатырмыз», – деді Оспанов онлайн брифингте.

Оның айтуынша, қазіргі кезде бір адам басқа біреуге көлік сатса, оны электронды үкімет порталы арқылы қайта тіркеуге болады. Ол үшін электронды цифрлық қолтаңбаны қолдану қажет.  

«Қазіргі карантин жағдайдында электронды цифрлық қолтаңбаны үйде отырып алуға қатысты сұрақтар жиі қойылып жатыр. Біз бұл мәселені шештік. Бүгінде адамның бетін биометриялық идентификация арқылы және бір реттік құпиясөзбен қолтаңбаны алуға болады. Ол механизм істеп тұр. Дәл сондай механизм заңды тұлғалар үшін іске қосылған болатын», – деп атап көрсетті Оспанов.