Kyzylorda-news.kz.Түркістанда өз анасының қолынан қаза тапқан екі баланың өліміне Қазақстандағы балалар құқығы бойынша уәкіл Динара Закиева көңіл айтты. Бұл туралы Stan.kz ақпарат агенттігі хабарлайды.
Балалар құқығы бойынша уәкіл Динара Закиева екі баланы тұншықтырды деп айыпталған анаға қатысты тың деректерді Facebook-парақшасында жариялады.
Айтуынша, күдікті Қызылорда облысының тумасы, алайда Түркістанға келген.
“Ол Түркістанға келіп, пәтер жалдағаны, содан соң туыстарына балаларды өлтірейін деп жатқанын айтқаны белгілі”, – деп жазды Закиева.
Мән-жай анықталып жатыр. Істі Түркістан облыстық ПД тергеп жатыр.