Kyzylorda-news.kz. «Жолаушылар тасымалы» АҚ бір пойыздан екіншісіне ауысып отыруға мүмкіндік беретін билеттер сатылатынын жариялады, деп хабарлайды Sputnik Қазақстан.
Ресми мәліметке сәйкес, bilet.railways.kz сайтында онлайн билеттерді сатып алу кезінде «Қайта отырғызып жеткізу/құрама маршрут» жаңа қызметін пайдалануға болады.
«Тікелей байланыс немесе бос орындар болмаған жағдайда жаңа қызмет түрі пойыздан пойызға ауысатын маршрутты таңдауға мүмкіндік береді», - дейді мамандар.
Қазіргі уақытта жаңа қызметті бірнеше бағытта пайдалануға мүмкіндік бар. Олар:
Қостанай-Семей;
Екібастұз-Алматы;
Ерейментау-Орал;
Петропавл-Ақтөбе;
Шымкент-Арқалық;
Шымкент-Петропавл;
Қостанай-Шымкент;
Атырау-Семей.