Kyzylorda-news.kz Қызылордада өтіп жатқан V ұлттық құрылтай барысында мемлекеттік кеңесші Ерлан Қарин Балалардың құқықтарын қорғау жөніндегі барлық шаралар жүйеленіп, бірыңғай бағытқа келтірілгенін хабарлады.
- Ғылым, білім беру және балалардың құқықтарын қорғау салаларында маңызды бастамалар іске асырылуда. Жақында ғылыми қалашықтарды құру және дамыту Тұжырымдамасы қабылданды. Мектептерде "Адал азамат" тәрбие бағдарламасы жетілдірілді. Мемлекет басшысының тапсырмасы бойынша "Қазақстан балалары"бірыңғай бағдарламасы әзірленді. Балалардың құқықтарын қорғауға бағытталған барлық шаралар қазір осы құжатта біріктірілген, - деп атап өтті Еран Қарин.
Ол сондай-ақ жақын арада Үкіметтің қаулысымен нашақорлық пен есірткі бизнесіне қарсы күрес жөніндегі жаңа кешенді жоспар бекітілгенін атап өтті.
- Өткен жылдың қараша айында Президент Жарлығымен ішкі саясаттың негізгі қағидаттары, құндылықтары мен басым бағыттары бекітілді. Бұл құжат тәуелсіз Қазақстан тарихындағы ішкі саясат саласын жүйелейтін алғашқы тұжырымдамалық акт болды. Оны әзірлеуге Ұлттық құрылтай мүшелері мен сарапшылар белсенді қатысты, - деп толықтырды Мемлекеттік кеңесші.
Фото: Нұрболат Нұржаубай