Делдалдық схемаларды тексеру жөніндегі комиссия кезекті көшпелі отырысын «Қызылорда Оптомаркет» сауда үйінде өткізді.
Комиссия жұмысында сауда сөрелеріндегі әлеуметтік маңызы бар азық-түлік тауарларының сапасы, бағасы және өнімді жеткізушілер туралы мәселелер қаралды. Сонымен қатар, баға тұрақтылығын сақтау және сауда қызметі саласындағы заңнама талаптары түсіндірілді.
Жалпы бүгінгі күні «Қызылорда Оптомаркет» сауда үйі әріптестік негізде өңірлік тұрақтандыру қорымен тығыз жұмыс жасауда, әлеуметтік маңызы бар азық-түлік тауарларын қол жетімді бағада сатылуы үйлестірілген.
Алдағы уақытта әлеуметтік тауарлардың қатарын одан әрі ұлғайту, өнімдерді делдалсыз тікелей өндірушілерден алу жөнінде ұсыныстар берілді.
Одан әрі комиссияның жұмысы «Magnum» және «Small» сауда желілерінде жалғасып, «Қазақстанда жасалған» ірімшік өнімдерін ілгерілету мақсатында олардың сауда сөрелерінде орналастырылуы мен ұсынылу тәртібі зерделенді.
Алдағы уақытта делдалдық комиссияның кезекті көшпелі отырыстары басқа да сауда нысандарында жалғастырылатын болады.