Kyzylorda-news.kz Облыстық Қазақстан халқы Ассамблеясы жанындағы ақпараттық-түсіндіру тобының ұйымдастыруымен №5 И.Панфилов атындағы мектеп-лицейінің оқушыларымен «Татулық пен келісім – Тәуелсіз Қазақстанның таңдауы» тақырыбында кездесу өтті.
Кездесуге «Қоғамдық келісім» КММ директорының орынбасары Дәулет Омаров және «Қоғамдық келісім» КММ аға сарапшысы Бауыржан Үсенбаев қатысты.
Кездесу барысында «Татулық пен келісім» – Қазақстан халқының басты құндылығы, ел болашағының кепілі. Осындай қасиеттердің арқасында Қазақстан бейбітшілік пен тұрақтылықтың, халықтар достығының символына айналды. Әрбір азамат осы құндылықтарды сақтап, нығайтуға үлес қосуы қажет екендігін алға тартты.