Аралда жолда қалып қойған жолаушылар құтқарылды – Kyzylorda News
Басты бет

Бізге жаңалық жіберіңіз: +7(702)702-76-00

Аралда жолда қалып қойған жолаушылар құтқарылды

25.11.2019, 16:00

340 0

Kyzylorda-news.kz. Қызылорда облысы Арал ауданында құтқарушылар жолда қалып қойған жолаушыларға көмек көрсетті.

Арал ауданы №3 мамандандырылған өрт сөндіру бөлімінің байланыс бекетіне жолаушылардың жолда қалып қойғаны жөнінде хабар түскен.

Оқиға орнына жедел жеткен құтқарушылар «Mercedes-Benz» маркалы жеңіл автокөлігінің «Самара-Шымкент» автожолының 1417 шақырымында жолда қалып қойғанын анықтады. Көліктің қозғалтқыш бөлігі бұзылып, істен шыққан.

«Жолаушылар Атырау қаласынан Түркістанға бағыт алған. Құтқарушылардың күшімен 2 жолаушы Қамыстыбас елді мекеніне жеткізілді. Олар медициналық көмекті қажет еткен жоқ. Ақаулы автокөлік эвакуатормен үйлеріне қайтарылды», – деп мәлім етті Қызылорда облысы Төтенше жағдайлар департаментінің Өрт сөндіру және авариялық құтқару қызметі.

0

Пікір қалдыру