Агенттік өкілдері мемлекеттік кірістер департаментінің қызметкерлерімен кездесті – Kyzylorda News
Басты бет

Агенттік өкілдері мемлекеттік кірістер департаментінің қызметкерлерімен кездесті

18.02.2020, 10:20

414 0

Kyzylorda-news.kz. Қызылорда облысына жұмыстық іс – сапарымен келген ҚР Сыбайлас жемқорлыққа қарсы іс-қимыл Агенттігі жанындағы Республикалық ақпараттық-ағартушылық штаб басшысы Ырза Тұрсынзада және Агенттіктің ресми өкілі Арман Бердалин облыстық мемлекеттік кірістер департаментінің ұжымымен кездесті.

Кездесу барысында келген қонақтар сыбайлас жемқорлықтың алдын алу, қоғамда сыбайлас жемқорлыққа нөлдік төзбеушілік қасиетін қалыптастыру бойынша түсіндіру жұмыстарын жүргізді.

Сонымен қатар, Арман Бердалин өз сөзінде қатысушыларға Агенттіктің қазіргі таңдағы басты мақсаты мен міндеттері туралы сөз қозғаса, Ырза Тұрсынзада өз сөзінде ақпараттық – ағартушылық штабтың қызметі мен маңыздылығын атап өтті.

Спикерлер кірістер департаментінің қызметкерлерін өз еңбектеріне адал әрі парасатты болуға және сыбайлас жемқорлықты жоюдағы өңірде атқарылып жатқан жұмыстарға бірге атсалысуға шақырды.