<a href="https://kyzylorda-news.kz/">Kyzylorda-news.kz</a> 2025 жылдың басынан бастап Қазақстан құрамасының олимпиадалық, паралимпиадалық, олимпиадалық емес және ұлттық спорт түрлерінен халықаралық жарыстарда қол жеткізген тарихи жетістіктері мен медальдар жиынын ұсынамыз, деп хабарлайды <a href="https://baq.kz/qazaqstan-sportshylary-el-qorzhynyn-227-medalmen-tolyqtyrdy-200013254/">BAQ.KZ.</a>Паралимпиадалық және сурдлимпиадалық спортҚаңтар-сәуір айларында пара және сурдо спортшылар 68 медаль еншіледі - 30 алтын, 19 күміс, 19 қола.Бұл тізімде Қазақстан тарихында тұңғыш рет пара биатлонынан әлем кубогының қорытындысы бойынша хрусталь глобустың иегері атанған Ербол Хамитовтың жеңісін ерекше атап өткен жөн. Оған дейін мұндай нәтижеге тек Владимир Смирнов 1994 жылы қол жеткізген еді.Олимпиадалық спорт түрлеріОлимпиадалық спорт түрлерінің өкілдері ел қоржынын 227 медальмен толықтырды, оның ішінде:— 189 медаль жазғы спорт түрлері бойынша (62 алтын, 66 күміс, 62 қола)— 38 медаль қысқы спорт түрлері бойынша (8 алтын, 17 күміс, 13 қола)Басты оқиғалардың бірі — Сербияда өткен бокстан әйелдер арасындағы әлем чемпионаты. Бұл сында Назым Қызайбай Қазақстан боксының тарихында бірегей жетістікке қол жеткізіп, үш дүркін әлем чемпионы атанды.Сондай-ақ маңызды жетістіктердің тағы бірі – Михаил Шайдоровтың Бостонда өткен мәнерлеп сырғанаудан әлем чемпионатында қол жеткізген күміс медалі. Бұл жетістік арқылы Қазақстан Милан-2026 Олимпиадасына жолдама еншіледі.Конькиші Евгений Кошкин екі мәрте Әлем кубогының кезеңінде жеңімпаз атанып, 100 метр қашықтықта бейресми әлемдік рекорд орнатты.Олимпиадалық емес спорт түрлеріБұл бағыт бойынша қазақстандық спортшыларлың қоржынында 50 медаль бар — 31 алтын, 14 күміс, 5 қола.Ұлттық спорт түрлеріҚазақстан құрмасы тыңғылықты дайындықтың нәтижесінде Әлем және Азия чемпионаттарында 47 (29 алтын,8 күміс, 9 қола) медаль еншіледі:Қазақ күресі: 20 медаль — 16 алтын, 2 күміс, 2 қолаЖамбы ату: 5 медаль — 1 алтын, 2 күміс, 2 қолаДәстүрлі садақ ату: 12 медаль — 3 алтын, 3 күміс, 6 қолаТеңге ілу: 4 медаль — 3 алтын, 1 күмісАударыспақ: 6 алтын - барлық санат бойынша алтын жүлде.2025 жылдың қаңтар-сәуір айы аралығындағы жалпы қортынды:392 медаль, оның ішінде:<ul><li style="text-align:justify;">160 алтын</li><li style="text-align:justify;">124 күміс</li><li style="text-align:justify;">108 қола</li></ul>Фото: Спортты дамыту дирекциясы

Қазақстан спортшылары ел қоржынын 227 медальмен толықтырды

<a href="https://kyzylorda-news.kz/">Kyzylorda-news.kz</a> Алматы қаласында “Хабар” агенттігінің 30 жылдық мерейтойы аясында есімі елге белгілі спорт журналисі, қазақ журналистикасының жарық жұлдызы Амангелді Сейітхановты еске алуға арналған шағын футболдан дәстүрлі республикалық турнир өтті.&nbsp;БАҚ өкілдері бас қосқан ала доп бәсекесінде еліміздің әр өңірінен келген 14 команда бақ сынап, Сыр өңірінің журналистерінен құралған «Ақмешіт» футбол командасы үздіктер арасында топ жарып, екінші мәрте чемпион атанды.Еске салсақ, сырбойылық қаламгерлерден құралған “Ақмешіт” командасы 2023 жылы да дәл осы республикалық турнирде жеңімпаз атанған болатын.<img src="https://knadmin.beoblood.kz/uploads/Respublikaly_turnir_ca95ea205c.jpg" alt="Республикалық турнир.jpg">Фото: Қызылорда облысының дене шынықтыру, спорт және туризм басқармасы

Қызылордалық "Ақмешіт" футбол командасы республикалық турнирде чемпион атанды

<a href="https://kyzylorda-news.kz/">Kyzylorda-news.kz</a> Спорттық гимнастикадан 6 кезеңнен тұратын Әлем кубогы мәресіне жетіп, жерлестеріміз үздік көрсеткіштерін тіркеді,- деп хабарлайды Jambylinfo.kzТек қана Милад Каримидің өзі 6 алтын, 1 күміс, 1 қола иеленіп, мансабындағы ең үздік маусымын өткізе білді.Париж Олимпиадасының күміс жүлдегері Нариман Құрбанов Әлем кубогының ортасынан басып қатысса да, 1 алтын, 2 қола нәтижесімен жанкүйерлерін қуанта білді. Дмитрий Патанин, Зейнолла Ыдырысов, Алтынхан Темірбек те жүлде алып, резервтің мықты екендігін дәлелдей білді.Кейінгі жылдағы көрсеткіштеріміз:2025 жыл– 7 алтын, 4 күміс, 4 қола2024 жыл – 2 алтын, 2 қола2023 жыл - 3 алтын, 1 қола2022 жыл – 2 алтын, 2 күміс2021 жыл – 1 күміс, 1 қола2020 жыл - 1 күміс, 2 қола2018 жыл – 1 алтын2017 жыл – 1 күміс

Отандық спортшылар әлем кубогында 15 жүлде алды     

<a href="https://kyzylorda-news.kz/">Kyzylorda-news.kz</a> Қармақшы ауданында Қазақстан &nbsp;Республикасының еңбек сіңірген жаттықтырушысы Серікбаев Әділбек Үргенішбайұлын еске алуға арналған жасөспірімдер арасында самбодан республикалық &nbsp;турнир басталды.&nbsp;Дүбірлі спорт додасының ашылу салтанатына аудан әкімі Жандос Еркінбек қатысып, спорт қайраткерінің өнегелі өмір жолы мен спорт саласының дамуына қосқан өлшеусіз үлесі туралы сөз қозғап, жарысқа қатысушы спортшыларға сәттілік тіледі.&nbsp;<blockquote>– Әділбек Үргенішбайұлы саналы ғұмырында Сыр спортының дамуына айрықша үлес қосты. Жүз шайыр шыққан киелі өңірді, жүз спорт шебері шыққан балуандар өлкесіне айналдырды. Ол 30-дан астам халықаралық дәрежедегі спорт шеберін, 100-ден аса спорт шебері мен бірнеше Әлем және Азия чемпиондарын дайындап шығарды. Оның қос бірдей шәкірті Мақсат Исағабылов пен Еламан Ерғалиев «Қазақстан Барысы» республикалық турнирінің жеңімпаздары атанып, ел мақтанышына айналды, &nbsp;– деді аудан әкімі.&nbsp;</blockquote>Сонымен қатар, спорттық іс-шараның ашылу салтанатына аудандық мәслихат төрағасы Ә. Қошалақов, Қызылорда облысы бойынша «Жер ресурстары» жер ресурстарын басқару департаментінің басшысы Қ. Тоғызбаев қатысып, &nbsp;республикалық турнирдің салтанатты ашылуымен құттықтады.&nbsp;Биыл бесінші мәрте ұйымдастырылып отырған дәстүрлі спорт додасында Өзбекстан, Қырғызстан, Тәжікстан Республикаларынан және еліміздің барлық аймағынан 12 команда, 130-ға жуық спортшы бақ сынайды.<img src="https://knadmin.beoblood.kz/uploads/Sambo_respublikaly_turnir_ce8f8f4026.jpg" alt="Самбо республикалық турнир.jpg">

Жастар республикалық турнирде бақ сынады

<a href="https://kyzylorda-news.kz/">Kyzylorda-news.kz</a> 1 мамыр – Қазақстан халқының бірлігі күніне орай Сыр өңірінде «Бірлік марафоны» ұйымдастырылды. Татулық пен ынтымақты ту еткен жалпыхалықтық марафонға Қызылорда облысынан бөлек Ақмола, Абай облыстарының тұрғындары қатысып, барлығы 1000-ға жуық адам жарыс алаңына шықты.Облыстық дене шынықтыру, спорт және туризм басқармасының бастамасымен өткен шараның негізгі мақсаты – ел бірлігін нығайту, салауатты өмір салтын насихаттау және түрлі ұлт өкілдері арасындағы достық пен ынтымақтастықты арттыру.Марафон шаһардың сол жағалауында ұйымдастырылып, қатысушылар 5 шақырымдық қашықтықты бағындырды.Жарыс нәтижесі бойынша жеңімпаздар дипломдармен және медальдармен марапатталды.<img src="https://knadmin.beoblood.kz/uploads/Birlik_marafony_2_3ee36f457a.jpg" alt="Бірлік марафоны 2.jpg"><img src="https://knadmin.beoblood.kz/uploads/Birlik_marafony_3_e827306421.jpg" alt="Бірлік марафоны 3.jpg">&nbsp;

Сыр жұрты "Бірлік марафоны" бақ сынады

<a href="https://kyzylorda-news.kz/">Kyzylorda-news.kz</a> Қармақшы ауданының қоғамдық даму бөлімінің әлеуметтік жобасы аясында ағымдағы жылдың 22 сәуір күні Қармақшы аудандық дене шынықтыру-сауықтыру кешенінде «Бірлігі бекем жамағат» тақырыбында үстел теннисінен тартысты сайыс ұйымдастырылды.Сайысқа қатысушылар өзара шеберліктерін сынасты. Жарыс тартысты өтіп, қатысушылар жоғары деңгейде ойын көрсетті.Сайыс нәтижесінде жеңімпаздарға қаржылай сыйлықтар, арнайы кубок және дипломдар табысталды. Сонымен қатар, белсенді қатысқан барлық қатысушыларға алғыс хаттар ұсынылып, олардың белсенділігі мен ынтасы жоғары бағаланды.<img src="https://knadmin.beoblood.kz/uploads/Tennis_8959f7068e.jpeg" alt="Теннис.jpeg">

Үстел теннисінен сайысқа түсті

<a href="https://kyzylorda-news.kz/">Kyzylorda-news.kz</a> Халықтың белсенді және салауатты өмір салтын &nbsp;жетілдіру мақсатында Қызылорда облысы ПД Есірткі қылмысына қарсы іс-қимыл басқармасы мен облыстық психикалық денсаулық орталығының ұйымдастыруымен спорттық іс-шара өтті.Аталған сайыста қатысушылар асық ату, арқан тарту, батпан көтеру, ләңгі, қол күрес, бұқа тартыс сынды спорт түрлерінен бақ сынап, өздерін лайықты көрсете білді.Есірткі қылмысына қарсы іс-қимыл басқармасы тарапынан үздік болып шыққан 10 қатысушы диплом мен арнайы сыйлықтармен марапатталды.Қатысушылар аталған іс-шараны ұйымдастырғаны үшін алғыстарын білдіріп, полиция қызметкерлері мен медицина қызметкерлерінің бірлескен іс-әрекеттерін бағалады.

Спорттық сайыста бақ сынады

<a href="https://kyzylorda-news.kz/">Kyzylorda-news.kz</a> Аймақта Қазақстан Республикасының VI жастар спорт ойындары бастау алмақ. &nbsp;Жарыс қарсаңында дене шынықтыру, спорт және туризм басқармасы басшысының орынбасары Жігер Айекешов, Сидней олимпиадасының күміс жүлдегері Мұхтархан Ділдәбеков, жастар арасында аға жаттықтырушы Мақсат Бақтыбазаров, бокстан әлем чемпионы Біржан Жақып пен Галиб Джафаров БАҚ өкілдерінің сұрақтарына жауап берді.&nbsp;<blockquote>- Соңғы уақытта Қызылордада спортқа жақсы көңіл бөлінуде. Кеше ғана грек-рим күресінен үлкен жарысты өткіздік. Алдағы уақытта да спорттық шаралар өткізіледі. Бүгін міне бокстан жастар ойындары басталмақ.Өңірімізге бокс спортының жұлдыздары келді. Мұндай мықтылардың келуі жастарымызға үлкен мотивация. Шаршы алаңда шын мықтылар шықсын. Баршаларыңызды спорт мерекесіне шақырамыз,- деді Жігер Оңдасынұлы.</blockquote>Спортқа қолдау көрсету &nbsp;керектігін алға тартқа Мұхтархан Қобыланбекұлы сайыс қатысушыларына сәттілік тіледі.<blockquote>- Қызылордаға келмегеніме 10-15 жылдай болыпты. Қалада өзгеріс көп. Спорт саласына да лайықты көңіл бөлініп жатыр. Әр аймақта осындай дәрежедегі қолдау болу керек. Жастар ойындарына сәттілік тілейміз. Мүмкін осы жерге болашақ олимпиада чемпиондары келген. Біз де үнемі бақылап жүреміз. Бұл жерден чемпиондар шықпауы мүмкін емес,- деді Мұхтархан Қобыланбекұлы.</blockquote>Ауқымды додаға еліміздің түкпір-түкпірінен жас спортшылар келді.<blockquote>- Жастар ойындары жоғары деңгейде, әділ өтеді деген сенімдеміз. Жарысты мақсаты олимпиада ойындарына резерв дайындау. Жастарға мүмкіндік жасауымыз керек. Үміт күтіп жүрген спортшылар көп. Барлыға да сайдың тасындай іріктелген,- деді Мақсат Бақтыбазаров.</blockquote>Аталған жарыс – жас дарындардың шеберлігін шыңдап, болашақ чемпиондардың қалыптасуына жол ашатын маңызды алаң.&nbsp;<blockquote>- Жастарды көріп біз де тәжірибемізбен бөліссек деген ниетпен келіп отырмыз. Жарыс сәтті болсын! Сыр елінде спорттың қарқынды дамуының арқасында олимпиада чемпиондары шығады деген үміттеміз. Жастар ойындары – ел спортының келешегі. Бұл алаңнан талай чемпиондар өсіп шығады деп сенемін. Қатысушыларға сәттілік, ал жанкүйерлерге – жарқын әсер тілеймін,- деді Біржан Жақыпұлы.</blockquote>Айта кетейік, елімізге танымал бокс саңлақтары Сыр еліне арнайы келіп, жарыс көркін қыздыра түспек.&nbsp;<blockquote>- Жастар – біздің болашағымыз. Бұл ойындар – олар үшін үлкен мектеп. Әрбір жарыс – тәжірибе, әрбір қарсылас – сабақ. Мұндай жарыстар – тек медаль үшін емес, мінез үшін қажет. Жас спортшылар рингке шыққанда, тек қарсыласымен емес, өз қорқынышы, күмәні, әлсіздігімен күреседі. Ал нағыз жеңіс – сол ішкі күресте. Мықтылар жеңіске жетсін,- деді Галиб Джафаров.</blockquote>

Қызылордада VI жастар спорт ойындары өтеді

<a href="https://kyzylorda-news.kz/">Kyzylorda-news.kz</a>«Болашақ» жоғары медициналық колледжінде қазақтың ұлы ақыны Абай Құнанбайұлының туғанына 180 жыл толуына орай тоғызқұмалақтан қалалық ашық турнир өтуде.Жарыстың ашылу салтанатына &nbsp;арнайы қатысқан қала әкімінің орынбасары Бақытжан Омаров ұлттық ойынның бірі - тоғызқұмалақ спортын дәріптеудің маңыздылығына тоқталып өтіп, спортшыларға сәттілік тіледі.<blockquote>- Ұлы дала данышпаны, қазақ руханиятының шамшырағы – Абай Құнанбайұлының рухына тағзым ретінде өткізіліп отырған бұл тоғызқұмалақ турнирі – жай ғана жарыс емес. Бұл — ұлттық мұрамызды дәріптеу, зияткерлік ойынды ұрпақ санасына сіңіру және ең бастысы – ойлы, парасатты жастарды тәрбиелеу жолындағы маңызды қадам. Ұлы Абайдың: «Толық адам – ақыл, қайрат, жүрек үшеуінің бірлігімен табылады» деген сөзі бар. Осы турнир – сол үштіктің нағыз сыналар алаңы. Турнирге қатысып отырған барлық спортшыларға сәттілік тілеймін! Жарыста әділдік салтанат құрсын, шеберлік пен парасат жеңсін!, - деді қала әкімінің орынбасары Бақытжан Бауыржанұлы.&nbsp;</blockquote>Турнирде "Болашақ" университетінің негізін қалаушы мемлекет және қоғам қайраткері Бақберген Досманбетов және Қызылорда қаласы прокуратурасының бөлім прокуроры Алмат Алдабергенов сөз алып, &nbsp;адамзаттық мәдени мұра – тоғызқұмалақ ойынын &nbsp;ұлттық құндылығымыз – тоғызқұмалақ ойнының соңғы жылдары кең қанат жайып, балалар мен жасөспірімдер арасында үлкен қызығушылыққа ие болып отырғанын атап өтті.&nbsp;Ашық аспан астында әдеби-музыкалық кеш форматында ұйымдастырылған турнирге облыс көлемінде мектеп оқушылары мен техникалық және кәсіптік білім беру ұйымдарынан жалпы 300-ге жуық спортшы қатысуда.Турнир қорытындысы бойынша жеңімпаздар қала әкімінің сыйлықтарымен, арнайы кубок, медаль және дипломмен марапатталады.<img src="https://knadmin.beoblood.kz/uploads/To_yz_mala_turnir_2_043d95c48f.jpg" alt="Тоғызқұмалақ турнир 2.jpg">

Тоғызқұмалақтан турнир өтуде

<a href="https://kyzylorda-news.kz/">Kyzylorda-news.kz</a> Қазақстандық каратэші Мөлдір Жаңбырбай Каирде өткен Karate 1-Premier League сериясының үшінші кезеңінде алтын медаль жеңіп алды. Бұл туралы <a href="https://baq.kz/qazaqstandyq-karateshi-moldir-zhanbyrbay-kairde-otken-turnirde-zheniske-zhetti-200012091/">BAQ.KZ</a> Спортты дамыту дирекциясына сілтеме жасап хабарлайды.50 келіге дейінгі салмақ дәрежесінде өткен финалдық жекпе-жекте Жаңбырбай хорватиялық Эмма Сгарделлимен кездесіп, жекпе-жектің соңғы секундтарында шешуші ұпай жинап, жеңіске жетті, - делінген хабарламада.Тағы бір отандасымыз Әсел Қанай 61 келіге дейінгі салмақ дәрежесінде өткен финалда украиналық Александра Шолоховадан жеңіліп, күміс медаль еншіледі.Мөлдір Жаңбырбай – Каратэ-до бойынша Қазақстанның бірнеше дүркін чемпионы, үш дүркін Азия чемпионы (2013, 2017, 2018), әлем чемпионы, 2022 жылғы Ханчжоудағы Жазғы Азия ойындарының финалисі, Халықаралық дәрежедегі спорт шебері.Фото: instagram.com/kaz_karateofficial

Қазақстандық каратэші Мөлдір Жаңбырбай Каирде өткен турнирде жеңіске жетті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Кеңес Одағының батыры Тәйімбет Көмекбаевты еске алуға арналған грек-рим күресінен ересектер арасындағы халықаралық турнирдің ашылу рәсімі өтті.Турнирге 10-нан астам мемлекеттен, еліміздің әр өңірінен келген балуандар 10 салмақ дәрежесінде белдеспек.Рәсімге Тәйімбет Көмекбаевтың ұлы, ІІ дәрежелі «Даңқ» орденінің иегері, генерал-майор Бағбан Тәйімбетов, ҚР Грек-рим, еркін және әйелдер күресі федерациясының вице-президенті Дәурен Жабасов, басқа да құрметті қонақтар қатысты.Аймақ басшысы қатысушыларға сәттілік тілеп, өңірдің спорт саласындағы ауқымды жұмыстарға тоқталды.<blockquote>«Алаштың анасы атанған қасиетті Сыр өңіріне қош келдіңіздер! Баршаңызды Кеңес Одағының батыры, даңқты жерлесіміз Тәйімбет Көмекбаевты еске алуға арналған грек-рим күресінен халықаралық турнирдің ашылуымен шын жүректен құттықтаймын! Президентіміз Қасым-Жомарт Кемелұлы Бурабайда өткен Ұлттық құрылтайда «Спортты насихаттау, оны әсіресе балалар мен жасөспірімдер арасында дәріптеу – ұлт саулығының кепілі», – деген болатын. Сыр өңірінде соңғы үш жылда 18 спорт кешені салынып, іске қосылды. Өткен жылы «Самұрық қазына траст» қорымен бірге құны 3 млрд. 400 млн теңге болатын «Үстел теннисі орталығы» салынып, халыққа қызмет етуде. Облыс орталығында халықаралық стандарттарға сай 11 мың орындық орталық стадион салынуда. «Қызылорда Арена» көпбейінді спорт кешенінің құрылысы басталды. Келесі жылы ел игілігіне табысталады. «Қазақстан халқына» қорының қолдауымен көпсалалы денешынықтыру-сауықтыру кешенінің іргетасы қаланды. Жаңа нысан жыл соңына дейін пайдалануға беріледі. Алдағы мамыр айында бірқатар спорттық үйірмені қоса қамтитын «Шығармашылық академиясы» ашылады. Спорт – мемлекетіміздің мерейін үстем ететін, тұрғындарды салауаттылыққа жетелейтін маңызды сала. Бүгінгі халықаралық жарыс өздеріңізге қарап бой түзейтін жастарымызды елжандылыққа тәрбиелеп, спорттағы бәсекелестікті қалыптастыруға, татулықты нығайтуға септігін тигізетін дода болады деп сенеміз. Жарысқа қатысушыларға сәттілік, шын мықтыларға жеңіс тілеймін», – деді Н. Нәлібаев.</blockquote><img src="https://knadmin.beoblood.kz/uploads/Haly_araly_turnir_2_4e87915587.jpg" alt="Халықаралық турнир 2.jpg">Салтанатты ашылу рәсімінде ҚР Туризм және спорт министрлігі Спорт және дене шынықтыру істері комитетінің төрағасы Руслан Есеналин, батырдың ұрпағы Ардашер Шайымбетов сөз сөйледі.Жарыстың қадірлі қонағы, қырғыздың атақты балуаны, Әлемнің екі дүркін, Азияның үш дүркін чемпионы, Олимпиаданың күміс және қола медальдарының иегері Ақжол Махмудовқа дәстүрге сай иығына шапан жабылды.Айта кетейік, Кеңес Одағының батыры Тәйімбет Көмекбаевтың есімін ұрпақ жадында қалдыру мақсатында жыл сайын түрлі шаралар өткізіліп келеді. Биылғы еске алу шарасының ерекшелігі – грек-рим күресінен халықаралық турнир тұңғыш рет ұйымдастырылуда. Бұған дейін батыр ұрпақтары үйлестіріп келген турнир биылдан бастап облыс әкімдігінің қолдауымен халықаралық деңгейде өткізілуде.<img src="https://knadmin.beoblood.kz/uploads/Haly_araly_turnir_df1b0a3916.jpg" alt="Халықаралыө турнир.jpg">Фото: Қызылорда облысы әкімінің баспасөз қызметі

Тәйімбет Көмекбаевты еске алуға арналған халықаралық турнир басталды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов аудан орталығындағы стадионның жәй-күйімен танысып, спорт нысаны талапқа сай болуын тапсырды.«Стадион тұрғындарға, әсіресе жастарға ыңғайлы әрі қауіпсіз болуы қажет. Бұл нысан тек спортпен айналысатын жер ғана емес, салауатты өмір салтын қалыптастыратын маңызды орын. Сондықтан бұл нысан талапқа сай болуы керек», – деді аудан әкімі Ардақ Ибраимов.Стадионның бүгінгі жәй-күйімен танысқан аудан әкімі нысанның санитарлық тазалығы, жабдықталуына ерекше назар аударып, жауапты сала басшыларына жөндеу жұмыстарын жүргізу үшін нақты шешімдер қабылдауды тапсырды.<img src="https://knadmin.beoblood.kz/uploads/Sport_nysandary_2_c3799e0e52.jpg" alt="Спорт нысандары 2.jpg">Фото: Жалағаш ауданы әкімдігі

Қазақстан және Қызылорда облысының жаңалықтары: Спорт