<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қазалылық Қали Рүстемов гір көтеру спортынан Өзбекстан елінің астанасы Ташкент қаласында өткен Азия чемпионатында жеңімпаз атанды. Осылайша Әйтеке би кентіндегі №266 мектеп-лицейдің мұғалімі ардагерлер арасындағы Азия чемпионатынан алтын медаль иеленді.
Жеңіспен оралған чемпионды бүгін Қазалы ауданының әкімі Мұрат Ергешбаев қабылдап, құттықтады.
Чемпионмен кездесу барысында Мұрат Нәлқожаұлы ауданның спорт саласындағы жетістігі тағы бір алтын медальмен толыққанын, бұл жеңістің күшті рух пен үздіксіз шынығу және үлкен еңбектің арқасында келгенін атап өтті.
Айта кетейік, Қали Рүстемұлы 2006 жылдан бастап Қазалы ауданы бойынша гир спортынан аға жаттықтырушы болып еңбек етеді. Бүгінгі күнге дейін қол жеткізген жетістіктері де жетерлік. Сауалауатты өмір салтын ұстанып, жанына спортты серік еткен ұстаздың өз жеңістерінен бөлек, шәкірттері де біршама биік белестерді бағындырған. Мәселен, Нұрлан Ерекенов, Сәбит Аяпов, Жандәулет Өндіреев, Аманжол Бердиев гір спортынан, Мәметек Өтепбергенов қол күресінен облыстық, республикалық жарыстарда топ жарған.
<img src="https://kyzylorda-news.kz/wp-content/uploads/2021/05/b7b55aa6-1f23-4339-8ae9-56c3e636a0db.jpg" alt="" />

Қазалы ауданының әкімі Азия чемпионы Қали Рүстемовті қабылдады

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a>&nbsp;Биыл 21-31 мамыр аралығында Өзбекстан астанасы Ташкентте ауыр атлетикадан жасөспірімдер арасындағы әлем чемпионаты басталады. Осыған орай халықаралық федерация жарысқа қатысушылар тізімін жариялады.
Қазақстан командасының құрамы:&nbsp;
Жасөспірім ұлдар:&nbsp;
Абылай Әуелханов (55 келі),
Алексей Дроздов (61 келі),
Ақмола Сайрамкез (67 келі),
Сайхан Тайсуев (73 келі),
Рахат Бекболат (102 келі).
Жасөспірім қыздар:&nbsp;
Гүлнұр Ыбырай (64 келі),
Айсамал Сансызбаева (87 келі).
Айта кетейік, әлем біріншілігі басталғанға дейін команда құрамында өзгерістер болуы мүмкін.

Қызылордалық зілтеміршілер Рахат Бекболат пен Айсамал Сансызбаева әлем чемпионатына қатысады

Kyzylorda-news.kz. Бүгін Қазақстан халқы Ассамблеясы және Қызылорда облысы әкімдігінің қолдауымен Достық үйінде шахматтан турнирдің ашылу салтанаты болды.
Тарихи астана атанған Қызылорда, Алматы, Нұр-Сұлтан қалаларының шахматтан білім беру және зияткерлік турнирінің ашылу салтанатына «Западный поток» жобасы қамқорлық кеңесінің төрағасы Жомарт Көшербаев, облыстық ішкі саясат басқармасының «Қоғамдық келісім» КММ директоры Бауыржан Мастеков, Азия және Әлем чемпионы Әсел Серікбай қатысып, қатысушыларға сәттілік тіледі.
“Западный поток” жобасы аясындағы турнирдің мақсаты – мектеп оқушылары арасында бұқаралық спортты дамыту, салауатты өмір салтын насихаттау, оқушылардың бос уақытын тиімді ұйымдастыру. Мамырдың 17-не басталып, 19-шы жұлдызына дейін жалғасатын шахмат турниріне өңірлердегі мектеп және этномәдени бірлестіктің оқушылары қатысуда. Барлығы 10 команда болса, әр топта 4 оқушыдан. Жүлделі жеңімпаз команда «Достық-2021» турнирінің кубогімен марапатталады деп күтілуде.
Айта кету керек, бұқаралық спортты дамытуда білім саласына мемлекеттік емес ұйымдарда әріптес ретінде ат салысып, мемлекет саясатын жүзеге асыруда бірлесе жұмыс атқарып келеді. Бұл тұрғыда Қазақстан халқы Ассамблеясының және Ішкі Істер министрлігінің «Динамо» денешынықтыру- спорт қоғамы орталық кеңесі де елеулі үлес қосып келеді.
Дүниежүзілік денсаулық сақтау ұйымы тарапынан жас ұрпақтың тұрақты дамуының негізі ретінде ұсынылған аспектілерді басты назарға ала отырып Қызылорда облыстық білім басқармасымен аталған мекемелер арасында «Западный поток» оқу – зияткерлік жобасы қолға алынып өскелең ұрпаққа саналы тәрбие беруде үлкен жұмыстар атқаруда.

Қызылордада шахматтан турнир басталды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> 21 мамыр – 1 маусым аралығында Дубай қаласында (БАӘ) бокстан ересектер арасында өтетін Азия чемпионатына жерлесіміз, ҚР еңбек сіңірген спорт шебері, Әлем чемпионатының күміс жүлдегері, Қазақстан ұлттық құрама командасының капитаны Қамшыбек Қоңқабаев 91 келіден жоғары салмақта өнер көрсетеді.
Айтулы бәсеке Қамшыбектің Олимпиада алдындағы соңғы жарысы.
Айта кетелік, Токио Олимпиадасына Қызылорда облысынан бокстан Қамшыбек Қоңқабаев пен еркін күрестен Дәулет Ниязбеков жолдама алған болатын. 
Қалған үміткер спортшылар лицензиялық жарыстарға қатысуда.

Қамшыбек Қоңқабаев Азия чемпионатында бақ сынайды

<a href="https://kyzylorda-news.kz/">Kyzylorda-news.kz</a>. 10 турда 6 ұпай ғана еншілеп, 13-ші орында тұр. Бүгін Өңірлік коммуникациялар қызметінің ақпарат алаңында сала мамандары сәтсіздіктің себептерін түсіндіріп, бас бапкер қызметінде қалатындығын мәлімдеді.
<blockquote>
 «Біз басқарма тарапынан клуб басшылығы және ойыншылармен жиі кездесу өткізіп тұрамыз. Команда маусымды сәтсіз өткізіп жатыр. Жеңіске жету үшін көп дайындық керек. Бір-бірін алаңды түсіну қажет. Осы бағытта жұмыс жасалады. Биыл жергілікті ойыншылардың тәжірибесін жетілдіру көңіл бөлудеміз», – деді облыстық дене шынықтыру және спорт басқармасының басшысы Жақсылық Оспанов.
 «Өзім «Қайсар» командасына жанкүйермін. Ойынды үзбей көремін. Соңғы кезде жергілікті клубтың ойын нәтижелері өте төмен. Жанкүйерлер наразылық білдіруде. Алайда клубтың басшысы да, бас бапкері де жергілікті азаматтар. Талай жылдар бойы ел футболы мен Қайсардың намысын қорғаған жігіттер. Сондықтанда оларға артылар сенім жоғары. Турнирлік кестенің соңғы орындарында жайғасуға бірнеше факторлар әсер етті. Атап айтсам, командадан өткен жылғы құрамның тек 20 пайызы ғана қалды. Сондай-ақ басты үміт артқан талантты ойыншыларымыз жарақаттан енді айығып келеді. 
 Коронавирустық инфекцияға байланысты шет елден көздеген ойыншыларымызды сатып алу қиындық тудырды. Алдағы ойындардан командамыз ұпай еншілейді деген сеніміз бар. Енді клубымыздан нәтижелі матчтар күтеміз. Келесі трансферде Қайсар сапына 2-3 позицияда тәжірбиелі ойыншыларды тартуды жоспарлап отырмыз», – деді облыстық футбол федерациясының вице-президенті Болат Көшербаев.
</blockquote>
Айта кетейік, «Қайсар» футбол клубы Ақтөбемен 14 мамыр күні кездеседі. Бүгін Сыр аяқдопшылары қонақта болатын матчқа тыңғылықты дайындық жұмыстарын жүргізіп, пойызбен аттанбақ.
<img src="https://kyzylorda-news.kz/wp-content/uploads/2021/05/185930725_1287825808279595_4899114186745758394_n.jpg" alt="" />

«Қайсар» футбол клубы ел біріншілігін сәтсіз бастады

<a href="https://kyzylorda-news.kz/">Kyzylorda-news.kz.</a> Талдықорғандық «Жетісу» футбол командасының ойыншылары соңғы турдағы ірі жеңілістен кейін өзара қақтығысып қалған.
Бір адам ауруханаға түсті. Жанжалды бастаған екі қазақстандық футболшы клубтан қуылуы мүмкін. «Жетісу» футбол командасы өз алаңында «Ақтөбеден» ірі есеппен жеңілгеннен кейін өзара қақтығысып қалды. Салдарынан бір футболшы ауруханаға түсті. Бұл туралы Телеграмм-арналарының бірі хабарлады.
Әлеуметтік мессенджердің авторы былай жазған: «Мен бұл оқиғаның мән-жайын анықтадым. Талдықорғандық клубтың екі тәжірибелі футболшысы – Бауыржан Тұрысбек пен Александр Кислицын өздерінен жасы кіші командаластарын алаңда барын салып ойнамағаны үшін кінәлаған. Бұған жас ойыншыларды қорғап, Аслан Жанұзақов қарсы шыққан. Сөйтіп аяқдопшылар бір-біріне жұдырық жұмсаған. Енді Тұрысбек те, Кислицын да «Жетісудан» қуылуы мүмкін». «Жетісу» турнирлік кестеде 1 ұпаймен көш соңында тұрғанын айтып кету керек.

Футбол ойыншылары ірі жеңілістен кейін өзара қақтығысып қалды

<a href="https://kyzylorda-news.kz/">Kyzylorda-news.kz</a>. Түркістан облысының Темірлан кентінде белбеу күресінен 2001-2003 жылы туған жастар арасындағы Қазақстан чемпионаты мәресіне жетті. Үш күнге созылған дода қорытындысы бойынша Қызылорда командасы көш бастады.
Сыр спортшылары ел чемпионатында 20 медаль иеленіп, жалпы командалық есепте көш бастады. Оның 7-уі алтын, 7-уі күміс, 6-уы қола медаль.
Екінші орынды Жамбыл, үшінші орынды Алматы облысының командалары иеленді.
Еркін түрі бойынша 
ҚАЗАҚСТАН ЖЕҢІМПАЗДАРЫ: 
57 келі: Әбубәкіров Жандос, 9 ОРМБЖМ 
75 келі: Мамыт Наурызбек, 8 ОРМБЖМ 
90 келі: Алдаберген Айберген, 8 ОРМБЖМ 
48 келі: Төлеген Балымай, 8 ОРМБЖМ 
52 келі: Әбілтаева Назерке, 1 ОРМБЖМ 
КҮМІС ЖҮЛДЕГЕРЛЕР: 
57 келі: Алдаберген Бекзат, 8 ОРМБЖМ 
68 келі: Мәукенбай Айберген, 8 ОРМБЖМ 
100 келі: Мұңайтбасов Дамир, 1 ОРМБЖМ 
58 келі: Войсова Наргиз, 1 ОРМБЖМ 
66 келі: Жұмахан Жұлдыз, 8 ОРМБЖМ 
76 келі: Бодан Дина, 1 ОРМБЖМ 
ҚОЛА ЖҮЛДЕГЕРЛЕР: 
62 келі: Қамар Ермахан, 8 ОРМБЖМ 
75 келі: Ажарбай Сержан, 9 ОРМБЖМ 
48 келі: Рахымжанова Мунира, 1 ОРМБЖМ 
66 келі: Думан Аружан 13 ОРМБЖМ 
+76 келі: Ажмаханова Аяулым 1 ОРМБЖМ 
Классикалық түрі бойынша 
АЛТЫН: 
65 келі: Қоқантаев Мейіржан, 9 ОРМБЖМ 
75 келі: Сағындық Мұхаммедхан 8ОРМБЖМ 
КҮМІС: 
85 келі: Өмірзақ Нұрасыл 7 ОРМБЖМ 
ҚОЛА: 
70 келі: Мәукенбай Айберген 8 ОРМБЖМ
<img src="https://kyzylorda-news.kz/wp-content/uploads/2021/05/184630684_6202690169757151_2507875932797358378_n.jpg" alt="" />
<img src="https://kyzylorda-news.kz/wp-content/uploads/2021/05/185010957_6202689839757184_1520217865137428275_n.jpg" alt="" />
<img src="https://kyzylorda-news.kz/wp-content/uploads/2021/05/185291322_6202689383090563_2139171372638866026_n.jpg" alt="" />

Қазақстан чемпионатында Қызылорда командасы көш бастады

<a href="https://kyzylorda-news.kz/">Kyzylorda-news.kz.</a> Бангкок қаласында (Тайланд) пара пауэрлифтингтен өтіп жатқан Әлем кубогінде Қазақстан құрама командасы сапында өнер көрсеткен қызылордалық Станислав Шакиев жеңімпаз атанды.
Жарыстың бірінші күнінде 54 келі салмақ дәрежесінде сынға түскен Сыр спортшысы алғашқы алтын медальді жеңіп алды. Токио -2021 Паралимпиада ойындарына лицензия алу үшін Станислав маусым айында Дубай қаласында өтетін халықаралық жарысқа қатысады.
Станислав Шакиев – ҚР халықаралық дәрежедегі спорт шебері, 2 дүркін Қазақстан жеңімпазы, Қызылорда облысының мүгедектерге арналған спорт клубының спортшысы.
Оның бапкерлері облыстың аға жаттықтырушысы Бахытбек Рысбаев және жаттықтырушы Мырзағали Ермаханов.
Жалпы жарысқа 9 елден 60 -тан аса спортшы қатысып жатыр. Қазақстан намысын бес спортшы қорғауда.
Айта кетейік, Әлем кубогі 8 мамырға дейін жалғасады.

Қызылордалық спортшы пара пауэрлифтингтен Әлем кубогінің жеңімпазы атанды

Kyzylorda-news.kz. Ташкентте гір спортынан өткен Азия чемпионатында Қызылорда облысының спортшылары 15 медаль жеңіп алды.
Оның 12-сі алтын, 1-уі күміс, 2-уі қола медаль. Атап айтсақ, жастар арасында Ерасыл Аубакир мен ересектер арасында Абдулхасан Сейтенов жеңіс тұғырына көтерілді.
Әйелдер арасында Қарлығаш Жұмағұлова, ардагерлер арасында Рауа Әбдиева (40-44 жас), Тлеуімбет Айтбаев (45-49 жас), Қали Рүстемов (55-59 жас) және Серік Ибрагимовтер (60-64 жас) қос-қостан 10 алтын медальға қол жеткізді. Сондай-ақ, 50-54 жас аралығында ардагерлер арасында Оразбек Медетбаев күміс, 40-44 жас аралығында Айтмағанбет Асанбеков қос қола жүлделерді еншіледі.
Облыс құрамасы Венгрияның Будапешт қаласында өтетін Әлем чемпионатына қатысу үшін 1-8 маусым аралығында Ақмола облысының Щучинск қаласында өтетін Қазақстан чемпионатына дайындықты бастап кетті.

Қызылордалық спортшылар Азия чемпионатында 12 алтын жеңіп алды

<a href="https://kyzylorda-news.kz/">Kyzylorda-news.kz.</a> Ертең “Евразия” спорт кешенінде қазақ күресінен XII облыстық «Алтын белбеу» жарысы басталады.
Бұл сыннан іріктеліп шыққан екі спортшы шілде айында Нұр-Сұлтан қаласында өтетін «Қазақстан барысы» турнирінде ҚР тұңғыш Президенті жүлдесін сарапқа салады.
Жарыс бағдарламасына сәйкес бүгін алдын-ала белдесулер өтуде.
Қазақстан Тәуелсіздігінің 30 жылдығы және Қажымұқан Мұңайтпасұлының 150 жылдығына арналған дүбірлі бәсекеге Байқоңыр, Қызылорда қалалары мен аудандардан 9 команда 200-ге жуық балуан қатысуда. Жарыс 3 кезеңнен тұрады және 3 жас ерекшелігі бойынша өткізіледі. Жас ерекшеліктері бойынша 2004-2005 жылы туған жасөспірімдер, 2002-2003 жылы туған жастар және ересектер арасында балуандар 26 салмақ дәрежесінде шеберлік байқасады. Қазақ күресінен «Түйе палуан» атанған спортшы «Сыр Барысы» атағын иеленіп, оған «Алтын белбеу» тағылады.
Ақтық белдесулер ертең сағат 10.00-де басталады. Жарыс карантин талаптарын сақтай отырып, көрермендерсіз өткізіледі.
<img src="https://kyzylorda-news.kz/wp-content/uploads/2021/05/img-20210504-wa0398.jpg" alt="" />
<img src="https://kyzylorda-news.kz/wp-content/uploads/2021/05/img-20210504-wa0399.jpg" alt="" />

&#8220;Қазақстан барысы&#8221;: Қызылордада іріктеу жарысы басталды

<a href="https://kyzylorda-news.kz/">Kyzylorda-news.kz</a>. Облыста 4-17 жас аралығындағы 221 мыңнан астам бала бар. Соның 48,5 пайызы мәдени және спорт үйірмелеріне қатысады. Мамандар үйірмелермен секция жұмыстарына талдау жүргізді. Нәтижесінде аймаққа 694 бала үйірмеге, 22 мыңнан астам балаға спорт секциясы қажет екендігі анықталды. Бұл мәселені шешудің жаңа тетігі табылды. «Мемлекеттік шығармашылық және спорттық тапсырыстарды жан басына нормативтік қаржыландыруды енгізу жөніндегі» жол картасы бекітілді.
Яғни, үйірме мен спорт секцияларына қатысатын балалар мен жасөспірімдердің шығармашылығын дамыту, оларға рухани мәдени бағыт беру, бос уақытын мазмұнды және тиімді ұйымдастыруға мүмкіндік ашылады.
<blockquote>
 «Шығармашылық үйірмелер бірнеше бағыт бойынша жүргізіледі. Оның ішінде би, бейнелеу өнері, сәндік қолданбалы шығармашылық үйірмелері, театр және кино жанры, заманауи арт-студия үйірмелері, вокалдық үйірме, аспапта орындау, музей ісі бойынша үйірмелер, әдеби үйірмелер бар. Ал сабақтар өткізуге арналған үй-жай таза және жұмыс жасауға ыңғайлы жабдықталған санитариялық тораппен жабдықталуы тиіс. Жалпы бұл үшін балаларды есептеу, есепке алу және дамыту бойынша өнім беруші мен баланың заңды өкілі арасында баланы шығармашылық үйірмеге қабылдауға шарт жасалады», – деді облыстық мәдениет, архивтер және құжаттама басқармасының басшысы Мира Абуова.
 «Бүгінде балалардың спорттық үйірмелерге қажеттілігі мен санын анықтадық. Алда осы бағытта ауқымды жұмыстар атқаратын боламыз. Ата-аналар балаларын қандай үйірме, қандай секцияларға барғысы келетінін өздері шешеді. Және өтінім арқылы қабылданады. Біз Жол картасы аясында бірінші кезекте 124 спорт секциясына 1730 баланы тартуды жоспарлап болып отыр. Бұл жұмыстар өңірдегі спорттың дамуына ерекше үлес қосады деп ойлаймын», – деді облыстық дене шынықтыру және спорт басқармасының басшысы Жақсылық Оспанов.
</blockquote>

Қызылорда: Үйірме мен спорт секцияларын жан басына қаржыландыру енгізілді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова ҚР еңбек сіңірген спорт шебері Элизабет Тұрсынбаеваның жүлдесіне арналған жасөспірімдер арасындағы республикалық турнирінің жеңімпаздарын марапаттады. Республикалық турнир 2021 жылдың 29 сәуір – 1 мамыр аралығында Қызылорда қаласындағы «Мұз айдыны» спорт кешенінде өткізілді.
<blockquote>
 «Баршаңызды 1 мамыр – Қазақстан халқының бірлігі мерекесімен шын жүректен құттықтаймын! Тәуелсізігіміздің 30 жылдық мерейтойы аясында Қазақстан спортының жарық жұлдызы, Сыр елінің мақтанышы Элизабет Тұрсынбаеваның жүлдесіне арналған республикалық турнир бүгін өз мәресіне жетті. Тұңғыш Президентіміз – Елбасы Нұрсұлтан Әбішұлы Назарбаевтың бастамасымен, Мемлекет басшысы Қасым-Жомарт Кемелұлы Тоқаевтың қолдауымен ел спорты қарқынды дамып, спортшыларымыз әлемдік додаларда жоғары жетістіктерге жетіп, Көк туымызды желбіретіп, Әнұранымызды асқақтатып келеді. Соның ішінде Элизабетті әлемдік спорт тарихында төрт айналымдық сальховты сәтті орындаған тұңғыш мәнерлеп сырғанаушы, Қазақстан спортының тарихында осы спорт түрінен қыздар арасында Әлем чемпионатында жүлде алған алғашқы спортшы ретінде бәріміз мақтаныш етеміз. Бүгінгі дәстүрлі шара жас ұрпақтың патриоттық сезімін арттырып, спортқа ынталандыра берері сөзсіз. Жарыстың жеңімпаздары мен жүлдегерлерін жеңістерімен құттықтаймын! Алдағы уақытта бұдан да биік белестерді бағындырып, жеңіс тұғырынан көріне беріңіздер!» – деді облыс әкімі Гүлшара Әбдіқалықова.
</blockquote>
Элизабет Тұрсынбаеваның жүлдесіне арналған республикалық турнир биыл бесінші мәрте өткізіліп отыр. Аталған жарыста еліміздің он облысынан 5-18 жас аралығындағы спортшылардан жасақталған 10 команда, 250-ден аса мәнерлеп сырғанаушы қысқа және еркін бағдарламалар бойынша бақ сынады.
<img src="https://kyzylorda-news.kz/wp-content/uploads/2021/05/180970543_3328806950555684_1022300763217740122_n.jpg" alt="" />
<img src="https://kyzylorda-news.kz/wp-content/uploads/2021/05/180881037_3328807250555654_6444740637646332295_n-1.jpg" alt="" />
<img src="https://kyzylorda-news.kz/wp-content/uploads/2021/05/180333213_3328807543888958_1976313871781524384_n.jpg" alt="" />

Қазақстан және Қызылорда облысының жаңалықтары: Спорт

Қазалы ауданының әкімі Азия чемпионы Қали Рүстемовті қабылдады

Қызылордалық зілтеміршілер Рахат Бекболат пен Айсамал Сансызбаева әлем чемпионатына қатысады

Қызылордада шахматтан турнир басталды

Қамшыбек Қоңқабаев Азия чемпионатында бақ сынайды

«Қайсар» футбол клубы ел біріншілігін сәтсіз бастады

Футбол ойыншылары ірі жеңілістен кейін өзара қақтығысып қалды

Қазақстан чемпионатында Қызылорда командасы көш бастады

Қызылордалық спортшы пара пауэрлифтингтен Әлем кубогінің жеңімпазы атанды

Қызылордалық спортшылар Азия чемпионатында 12 алтын жеңіп алды

“Қазақстан барысы”: Қызылордада іріктеу жарысы басталды

Қызылорда: Үйірме мен спорт секцияларын жан басына қаржыландыру енгізілді

Гүлшара Әбдіқалықова республикалық турнирдің жеңімпаздарын марапаттады

Қазақстан және Қызылорда облысының жаңалықтары: Спорт

Қазалы ауданының әкімі Азия чемпионы Қали Рүстемовті қабылдады

Қызылордалық зілтеміршілер Рахат Бекболат пен Айсамал Сансызбаева әлем чемпионатына қатысады

Қызылордада шахматтан турнир басталды

Қамшыбек Қоңқабаев Азия чемпионатында бақ сынайды

«Қайсар» футбол клубы ел біріншілігін сәтсіз бастады

Футбол ойыншылары ірі жеңілістен кейін өзара қақтығысып қалды

Қазақстан чемпионатында Қызылорда командасы көш бастады

Қызылордалық спортшы пара пауэрлифтингтен Әлем кубогінің жеңімпазы атанды

Қызылордалық спортшылар Азия чемпионатында 12 алтын жеңіп алды

&#8220;Қазақстан барысы&#8221;: Қызылордада іріктеу жарысы басталды

Қызылорда: Үйірме мен спорт секцияларын жан басына қаржыландыру енгізілді

Гүлшара Әбдіқалықова республикалық турнирдің жеңімпаздарын марапаттады

“Қазақстан барысы”: Қызылордада іріктеу жарысы басталды