Қымбатты отандастар!
Биылғы жыл жан-жақты реформалар мен нақты өзгерістер жылына айналды.
Маусым айында өткен референдумның нәтижесінде билік тармақтары арасында тиімді тепе-теңдік орнады.
Мемлекет «күшті Президент – ықпалды Парламент – есеп беретін Үкімет» қағидасын берік ұстанады.
Мәжіліс пен мәслихаттар жаңа аралас жүйе бойынша жасақталады.
Депутаттардың бір бөлігі партиялық тізіммен, қалғаны бір мандатты округтен сайланады.
Конституциялық сот құрылып, алдағы қаңтар айынан жұмыс істей бастайды.&nbsp;
Адам құқықтары жөніндегі уәкіл институты конституциялық мәртебеге ие болды.
Биліктің бірқатар өкілеттігі қайта бөлініп, кейбір құзыреттер Президенттен Парламентке берілді.
Енді өңірлердің әкімдері баламалы жолмен таңдалады.&nbsp;
Конституцияға жер және оның қойнауы халыққа тиесілі деген бап енгізілді.
Мен осы ережені жүзеге асыру үшін «Ұлттық қор – балаларға» деген мүлде жаңа бағдарлама ұсындым.
Конституциялық реформа – мен Мемлекет басшысы болып сайланғаннан бері жүзеге асырып жатқан ауқымды саяси жаңғыру бағдарламасының ажырамас бөлігі.
Осы бағдарлама аясында бейбіт жиналыстарды өткізу үшін алдын-ала ескерту тәртібі енгізілді.
Саяси партияларды тіркеу рәсімі жеңілдетіліп, тіркеудің қажетті шегі төмендетілді.
Сайлау алдындағы партиялық тізімді жасақтау және&nbsp; депутат мандаттарын бөлу кезінде әйелдер мен жастар үшін 30 пайыздық квота енгізілді.
Саяси партиялардың Мәжіліске өту шегі 7-ден 5 пайызға төмендеді. &nbsp;
Сайлау бюллетендеріне «бәріне қарсымын» деген баған қосылды.
Парламенттік оппозиция институты құрылды.
Қылмыстық кодекстің 130-бабы қылмыстық деп танылмайтын болды, 174-бабы ізгілендірілді. Өлім жазасы жойылды.
Ауыл әкімдерін тікелей сайлау тәсілдері енгізілді. Сондай-ақ басқа да көптеген тың бастамалар жүзеге асырылды.
Жалпы, соңғы үш жылда жасалған өзгерістер мен конституциялық реформа мемлекеттік-саяси құрылымның жаңа үлгісін қалыптастырды.&nbsp;&nbsp;
Сондықтан мен Жолдауымда сайлау мерзімін жария түрде және ашық айттым.
Осылайша, біз басты мемлекеттік институттар – Президент, Парламент, Үкімет және мәслихаттардың бәрін біртіндеп қайта құрамыз.
Осы бастамалар жарияланғаннан бері бір айға жуық уақыт өтті.
Бұл – барлық мәселені байыппен талқылап, жағдайды бағамдауға жеткілікті мерзім.
Халық біздің саяси жүйені өзгерту туралы жоспарымыздың мән-маңызын жақсы түсініп отыр.&nbsp;&nbsp;
Сондықтан мен бұған дейін айтылған сайлаудың &nbsp;мерзіміне және Ата заңның талаптарына сәйкес, Қазақстан Республикасы Президентінің кезектен тыс сайлауын 2022 жылғы 20 қарашада өткізу туралы Жарлыққа қол қойдым.
Осы науқан елдің бүкіл саяси жүйесін түбегейлі өзгертетін сайлау кезеңін бастап береді.
Сол арқылы экономиканы тұрақты дамытуды, халықтың әл-ауқатын арттырып, тұрмыс сапасын жақсартуды көздейтін ұзақ мерзімді міндеттерді жүзеге асыруға мүмкіндік туады.&nbsp;
Мен Жолдауымда бірқатар ауқымды әлеуметтік-экономикалық шаралар&nbsp; қолға алынатынын жарияладым.
Біз оның бәрін жақын арада жүзеге асыруымыз керек.
Көп ұзамай қоғамға сайлау алдындағы тұғырнамамды ұсынамын.
Онда әлеуметтік-экономикалық дамуды көздейтін жаңа бастамалар айтылады.
Мен Мемлекет басшысы ретінде сайлау науқаны қатаң түрде заңға сәйкес өтетініне кепілдік беремін.
Оны отандық және шетелдік байқаушылардың қатысуымен әділ әрі ашық өткізетін боламыз. &nbsp;
Барша азаматтарымызды жауапкершілігін сезініп, демократия, заң және тәртіп қағидаттарын берік ұстануға шақырамын.
Еліміздің бірлігі мен тұтастығын көрсете білейік.
Халқымыздың тағдыры, Қазақстанның болашағы әрқайсымыздың қолымызда.
Біз Әділетті Қазақстанды бірге құрамыз!
Қасым-Жомарт Тоқаев,
Қазақстан Республикасының Президенті

Мемлекет басшысы Қасым-Жомарт Тоқаевтың Қазақстан халқына үндеуі

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Қасым-Жомарт Тоқаев Нью-Йоркке жұмыс сапарының соңында БҰҰ Бас хатшысы Антониу Гутерришпен келіссөз жүргізді, деп хабарлайды Ақорданың баспасөз қызметі.
Конструктивті және достық жағдайында өткен кездесуде Қазақстан мен БҰҰ арасындағы ынтымақтастықты нығайтудың жай-күйі мен перспективалары талқыланды.
Сондай-ақ қазіргі заманның өзекті сын-қатерлерін шешудің ұжымдық әдістерін әзірлеуге бағытталған күш-жігерге ерекше назар аударылды.
Қасым-Жомарт Тоқаев Антониу Гутерриштің БҰҰ Бас хатшысы лауазымындағы қызметін жоғары бағалап, оның 2023 жылы «Болашақ саммитін» шақыру туралы бастамасын толық қолдайтынын жеткізді.
Президент осы маңызды жиынның қорытындысы Орнықты даму мақсаттарын жүзеге асыруға ықпал ететініне сенім білдірді.
Тараптар Мемлекет басшысының Алматы қаласында Орталық Азия мен Ауғанстан үшін Орнықты даму мақсаттары жөніндегі БҰҰ хабын құру бастамасының жүзеге асырылу барысын қарастырды. БҰҰ Бас хатшысы бұл маңызды бастаманы қолдайтынын айтты.
Қасым-Жомарт Тоқаев Антониу Гутерришті Қазақстанға сапармен келуге шақырды.

Қасым-Жомарт Тоқаев БҰҰ Бас хатшысы Антониу Гутерришпен келіссөз жүргізді

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Президент Қасым-Жомарт Тоқаев БҰҰ Бас Ассамблеясының 77-сессиясына қатысу үшін Нью-Йоркке жұмыс сапарымен келді, деп хабарлайды Ақорданың баспасөз қызметі.
Мемлекет басшысы 19 қыркүйекте JPMorgan Chase &amp; Co, Citi, Goldman Sachs, NASDAQ секілді жаһандық қаржы институттарының басшыларымен кездесу өткізеді.
Сонымен қатар Қасым-Жомарт Тоқаев Boeing, ExxonMobil, General Electrics, Wabtec, Microsoft сияқты трансұлттық компаниялардың жетекшілерімен, сондай-ақ сарапшылар тобының өкілдерімен кездеседі.
20 қыркүйекте Президент БҰҰ Бас Ассамблеясының Жалпы дебатында сөз сөйлейді.
Бұдан бөлек, БҰҰ Бас хатшысымен, Еуропалық Одақ басшылығымен және бірқатар мемлекет басшыларымен олардың өтініші бойынша кездесулер өткізу жоспарланып отыр.
Қасым-Жомарт Тоқаев Азық-түлік қауіпсіздігі жөніндегі жаһандық саммитке де қатысады.

Қасым-Жомарт Тоқаев Нью-Йоркке жұмыс сапарымен барды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp;Парламент палаталарының бірлескен отырысында «Қазақстан Республикасының Конституциясына өзгерістер мен толықтыру енгізу туралы» Қазақстан Республикасының Заңын қабылдады.
Онда Президенттің мандатын қайта сайлану мүмкіндігінсіз бір мерзімге шектеу осы Заң жобасы күшіне енгеннен кейін жеті жыл мерзімге Президент болып сайлаған адамдарға қолданылады.
Осы орайда, «AMANAT»партиясы облыстық филиалының Атқарушы хатшысы Ләйлә Төрешова өткен референдумда неғұрлым тиімді және теңгерімді саяси жүйені қалыптастыру бойынша нормалар қабылданғанын атап өтті. 
<blockquote class="wp-block-quote">«Ел дамуының тың бағыты айқындалған болатын және жаңа саяси реформа бүкіл саяси жүйені жаңа ережелер бойынша қайта бастауға мүмкіндік беруде.Бұл тұрғыда енгізіліп жатқан бір Президенттік мерзім еліміздегі жаңа демократиялық үлгіге түпкілікті көшуге бағытталған саяси реформалар бағытының заңды жалғасы ретінде жаңару жұмыстарында маңызды орын алады.Өз кезегінде Президенттік өкілеттіліктің бір реттік мерзімін қайта сайлау құқығынсыз енгізу &#8212; бұл нағыз әділетті Қазақстанның көрінісі, елдің демократиялық жаңаруының жақсы символы. Бұл арқылы болашақта биліктің бір адаммен қайталанып және ұзақ уақыт иелену мүмкіндігі болмайды. Сонымен бірге қайта сайлауға тыйым салатын саяси жаңалығы арқылы Қазақстан бүкіл посткеңестік аймақ пен Орталық Азия елдері үшін жаңа тренд орнатуда», дейді ол.</blockquote>
<div class="wp-block-image"><figure class="aligncenter size-full"><img loading="lazy" width="1080" height="1523" src="https://kyzylorda-news.kz/wp-content/uploads/2022/09/ecb3fbec-8ba2-4eae-9b6b-8fda712017b9.jpg" alt="" class="wp-image-166233" srcset="https://kyzylorda-news.kz/wp-content/uploads/2022/09/ecb3fbec-8ba2-4eae-9b6b-8fda712017b9.jpg 1080w, https://kyzylorda-news.kz/wp-content/uploads/2022/09/ecb3fbec-8ba2-4eae-9b6b-8fda712017b9-768x1083.jpg 768w" sizes="(max-width: 1080px) 100vw, 1080px" /></figure></div>

Ләйлә Төрешова: Президенттің бір реттік мерзімін енгізу &#8212; ел дамуының жаңа демократиялық бағыты

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Бүгін Парламент палаталарының бірлескен отырысында «Қазақстан Республикасының Конституциясына өзгерістер мен толықтыру енгізу туралы» Қазақстан Республикасының Заңын қабылдады.
Айта кетейік, ҚР Әділет министрі Қанат Мусин ұсынған Заң жобасы бес бапқа өзгерістер енгізуді және бір баппен толықтыруды көздейді.
Сонымен, біріншіден, Президенттің мандатын қайта сайлану мүмкіндігінсіз бір мерзімге шектеу осы Заң жобасы күшіне енгеннен кейін жеті жыл мерзімге Президент болып сайлаған адамдарға қолданылады.
Екіншіден, Нұр-Сұлтан қаласының атауы қайтадан Астана болып өзгереді.
Үшіншіден, Конституциялық Соттың судьялары қайта тағайындалуына шектеу қоя отырып, Конституциялық Сот судьяларының өкілеттік мерзімдерін 8 жылға дейін ұлғайтылады.Конституцияға енгізілетін өзгерістерді Сенаттың 50 депутатының 50-і, Мәжілістің 99 депутатының 98-і қолдап дауыс берді.

Парламент Конституция өзгерістерін қабылдады: Астана атауы қайтарылады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Білім күнімен қатар келген ­Жолдауында Мемлекет басшысы экономикалық даму, мемлекеттік басқару ісін жаңғырту, өнеркәсіпті күшейту, білім және ғылым, бизнес салаларына айқын тоқталды, дейді Шиелі ауданы Ы. Жақаев атындағы күріш өсіру тарихи музейінің директоры Құттықыз Ыханова.
Ел Президентінің Жолдауы еліміздің болашақ дамуы мен ертеңгі күнге бетбұрысын айқындап берді. Қазақ халқының әрбір азаматының көкейінде жүрген мәселені шешу жолына арналған жаңа Жолдау, ел дамуы мен халқымыздың өмірінде біршама жаңашылдықтың болатынын көрсетіп бергендей болды. Әсіресе Президенттің ел ­дамуы үшін жасалатын қадамдарды қадап тұрып айтуы жұртшылықтың көңілінен шықты. Бір сөзбен айтқанда, Жолдау өзіндік нақтылығымен, ұғынықтылығымен ерекшеленді.Бұдан өзге Жолдауында бірқатар мәселе көтеріп, үкіметке түрлі тапсырма берді. Атап айтқанда, ең төменгі жалақыны 70 мың теңгеге дейін өсіру, бала күтіміне берілетін төлемді бір жарым жасқа дейін ұзарту, Ұлттық қор табысының 50 процентін балалардың есепшотына аудару, әйелдердің зейнетке шығу жасын 61-ге дейін төмендету, президент өкілеттігінің мерзімін 7 жылға дейін қысқарту, бірақ қайта сайлануға тыйым салу секілді еліміз үшін аса маңызды ұсыныстар айтылды.Ендеше, ел тұрғындары мемлекет басшысы межелеп берген бағытты нық ұстап, экономикамызды жақсарту жолында жұмылған жұдырықтай жинақы жұмыс істеуіміз қажет.
Қазіргідей жаңарған жаңа заманда еліміздің әрбір азаматы жоғары білім мен табанды еңбектің нәтижесінде ғана биік белестерден көрінетіні анық. Сондықтан ел азаматтары, Отанымыздың алдында адал қызмет етуге, абыройлы іс жасауға, терең білім алып, ерінбей еңбек етуге тырысуы қажет.Мемлекет басшысының бастамаларын толық қолдай отырып, мен бұл Жолдау бүкіл халық үшін қуатты жұмылдырушы бас­тама болатынына сенімдімін. Қазақстан халқын мемлекет басшысы Жолдауының міндеттерін орындау үшін топтасуға және бірге тұрақты, гүлденген Қазақстан құруға шақырамын. Бұл жолдау мерейлі мекеніміз – Қазақстанды биік белестерге жетелеудің бағыт-бағдарын айқындап берді.Еліміз аман, жұртымыз тыныш болсын!
<div class="wp-block-image"><figure class="aligncenter size-full"><img loading="lazy" width="1804" height="2560" src="https://kyzylorda-news.kz/wp-content/uploads/2022/09/1663215678_05-scaled.jpg" alt="" class="wp-image-166168" srcset="https://kyzylorda-news.kz/wp-content/uploads/2022/09/1663215678_05-scaled.jpg 1804w, https://kyzylorda-news.kz/wp-content/uploads/2022/09/1663215678_05-768x1090.jpg 768w, https://kyzylorda-news.kz/wp-content/uploads/2022/09/1663215678_05-1083x1536.jpg 1083w, https://kyzylorda-news.kz/wp-content/uploads/2022/09/1663215678_05-1443x2048.jpg 1443w" sizes="(max-width: 1804px) 100vw, 1804px" /></figure></div>

Құттықыз Ыханова: Жарқын сәттердің жаршысы

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Елордада өтіп жатқан Әлемдік және дәстүрлі діндер көшбасшыларының VII съезінің декларациясы қабылданды.
Декларацияның мәтінін съездегі Англикан шіркеуінің арнайы өкілі, Доркинг епископы Джо Бейли Уэллс таныстырды.
35 тармақтан тұратын құжатта қазіргі таңдағы жаһандық проблемалар барынша қамтылған.
<blockquote class="wp-block-quote">«Біз әлемнің пандемиядан кейінгі дамуы мен әлемдік процестердің жаһандануы және қауіпсіздікке төнетін қатерлер жағдайында Әлемдік және дәстүрлі діндер лидерлерінің съезі бейбітшілік пен ынтымақтастық үшін диалогты нығайту, сондай-ақ рухани және адамгершілік құндылықтарды ілгерілету жөніндегі бірлескен күш-жігерді іске асыруда маңызды рөл атқаратынын мәлімдейміз», &#8212; делінген декларацияда.</blockquote>

Әлемдік және дәстүрлі діндер көшбасшыларының VII съезінің декларациясы қабылданды

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Мемлекет басшысы Қасым-Жомарт Тоқаев Қазақстанға мемлекеттік сапармен келген Қытай Халық Республикасының Төрағасы Си Цзиньпинмен кездесу өткізді, деп хабарлайды Ақорда.
<figure class="wp-block-image"><img src="https://www.akorda.kz/public/assets/media/uploadMedia/1663154863_KZ3_0384-2.jpg" alt=""/></figure>
<figure class="wp-block-image"><img src="https://www.akorda.kz/public/assets/media/uploadMedia/1663154863_KZ4_5584_2.jpg" alt=""/></figure>
«Ақорда» резиденциясында ҚХР Төрағасын ресми қарсы алу шарасы өтті. Құрмет Қарауылының бастығы екі ел басшыларына рапорт беріп, Қазақстан мен Қытайдың мемлекеттік әнұрандары орындалғаннан кейін мемлекеттер басшылары екіжақты келіссөз өткізетін залға барды.
Бұдан кейін Қазақстан мен Қытай басшылары кеңейтілген құрамда келіссөз жүргізді.
Президент Қытай Төрағасына шақыруын қабыл алып, елімізге мемлекеттік сапармен келгеніне ризашылығын білдірді.
<blockquote class="wp-block-quote">– Бұл – пандемиядан кейін сіздің шетелге алғашқы сапарыңыз. Сондықтан осы сапарыңыздың тарихи мағынаға ие. Мен мұны жоғары деңгейдегі өзара сенім мен ынтымақтастықтың көрінісі деп бағалаймын. Биылғы 5 ақпанда XXIV Қысқы Олимпиада ойындарының ашылу салтанатына қатысқанымды білесіз. Сол кезде Бейжіңде өткен кездесуімізді ықыласпен еске аламын, – деді Мемлекет басшысы.</blockquote>
<figure class="wp-block-image"><img src="https://www.akorda.kz/public/assets/media/uploadMedia/1663154886_KZ1_6024.jpg_2.jpg" alt=""/></figure>
Кездесуде Қасым-Жомарт Тоқаев Қазақстан мен Қытай арасында дипломатиялық қатынас орнағанына 30 жыл толғанын атап өтті.
<blockquote class="wp-block-quote">– Сіздің сапарыңыз осы мерейлі белеске тұспа-тұс келіп отыр. Қысқа мерзім ішінде біз тұрақты мемлекетаралық қатынас орнаттық. Сіз Қазақстан экономикасын дамытуға және біздің халықаралық бастамаларымызға ұдайы қолдау көрсетіп келесіз. Сол үшін өзіңізге зор алғыс айтамын, – деді Президент.</blockquote>
<figure class="wp-block-image"><img src="https://www.akorda.kz/public/assets/media/uploadMedia/1663154902_KZ1_5990.jpg_2.jpg" alt=""/></figure>
Қасым-Жомарт Тоқаевтың айтуынша, 2019 жылғы қыркүйектегі Бейжіңге мемлекеттік сапары кезінде қол жеткізілген жан-жақты мәңгілік стратегиялық серіктестік жөніндегі уағдаластық сәтті жүзеге асырылып жатыр. Бүгінгі бірлескен мәлімдеме қарым-қатынастардың жаңа «алтын 30 жылдығының» басталғанын білдіреді. Сондықтан Қытай Төрағасының бұл сапары аса маңызды.
ҚХР Төрағасы араға&nbsp; жыл салып Қазақстанға қайта келгеніне қуанышты екенін айтып, қазақ халқының қонақжайлығы мен мемлекеттік сапармен келуге шақырғаны үшін Президентке ризашылығын білдірді.
<figure class="wp-block-image"><img src="https://www.akorda.kz/public/assets/media/uploadMedia/1663154911_KZ1_5997.jpg_2.jpg" alt=""/></figure>
Си Цзиньпин қазақ-қытай қарым-қатынастарының дамуын жоғары бағалап, бүгінгі сапарының екіжақты байланыстарды одан әрі ілгерілетуге тың серпін беретінін атап өтті. Оның айтуынша, Қытай өңірлік және халықаралық күн тәртібіндегі мәселелерге қатысты Қазақстанның ұстанымдарын қолдайды.
<blockquote class="wp-block-quote">– Қазақстан халқы сіздің басшылығыңызбен мемлекеттік құрылыс пен ұлттық жаңғыру ісінде жаңа табыстарға жететіні күмәнсіз. Қытай үкіметі Қазақстанмен арадағы қарым-қатынастарға зор көңіл бөлетініне тағы да қайталап айтқым келеді. Халықаралық жағдай қалай өзгерсе де, біз алдағы уақытта Қазақстанның тәуелсіздігін, егемендігін және территориялық тұтастығын сақтауына қолдау көрсетеміз. Тұрақтылық пен дамуды қамтамасыз ету жөніндегі Сіз жүргізіп жатқан реформаларды толық қолдай отырып, сіздің еліңіздің ішкі істеріне қандай да бір күштердің араласуына үзілді-кесілді қарсы боламыз. Қазақстанның сенімді досы және сенімді серіктесі болды және болып қала береді. Дипломатиялық қарым-қатынастар орнағалы бері Қазақстан мен Қытай арасындағы беріктік сынынан лайықты өткен қарым-қатынастар үнемі жаңа мазмұнмен толығып, дамумен, жемісін беріп келеді. Біздің елдеріміз бірқатар салалардағы ынтымақтастықтың авангардына айналды. Шекара мәселелерін алғашқылардың бірі болып шештік. «Бір белдеу &#8212;&nbsp;бір жол» бағдарламасы аясындағы ынтымақтастық үлгісін көрсетіп, индустрияландыру саласындағы халықаралық ынтымақтастықты алғашқылардың бірі болып дамыттық. Біз екіжақты қарым-қатынастарды серпінді дамытуға қол жеткізіп, Қытай дипломатиясында теңдесі жоқ мәңгілік жан-жақты стратегиялық әріптестік деңгейіне шығардық. Бүгінде Қазақстан-Қытай қарым-қатынасы жаңа тарихи бастау алды, – деді Си Цзиньпин.</blockquote>
Тараптар көлік-логистика, азық-түлік өнеркәсібі, ауыл шаруашылық салаларының мәселелері және трансшекаралық өзендер жайын талқылады.
Келіссөздерден кейін екі мемлекеттің басшылары Қазақстан Республикасы мен Қытай Халық Республикасы арасындағы дипломатиялық қатынастардың орнатылғанына 30 жыл толуына орай бірлескен мәлімдеге қол қойылды.
<figure class="wp-block-image"><img src="https://www.akorda.kz/public/assets/media/uploadMedia/1663155042_DSC_8918_2.jpg" alt=""/></figure>

Президент Қасым-Жомарт Тоқаев ҚХР Төрағасы Си Цзиньпинмен кездесті

Құрметті дінбасылар!
Қадірлі меймандар!
Ханымдар мен мырзалар!
Қонақжай Қазақ жеріне қош келдіңіздер! Әлемдегі ең беделді рухани көшбасшылардың басын қосып, диалог құру – біз үшін зор мәртебе.&nbsp;&nbsp; Қазақстанға алғаш рет мемлекеттік сапармен келген Ватиканның және Католик шіркеуінің басшысы Рим Папасы Францискіге ілтипатымды білдіремін. &nbsp;Сіз &nbsp;діндер және халықтар арасындағы өзара түсіністікті нығайтуға зор үлес қостыңыз.&nbsp;&nbsp;
Көне Әл-Азһар ислам университетінің Бас имамы, жоғары мәртебелі доктор, Шейх Ахмад ат-Тайебтің елімізге арнайы келгеніне қуаныштымын. Қазақстан халқы өзіңізді қазіргі мұсылман әлемінің көрнекті ойшылы ретінде құрмет тұтады. Сіз дін жолында адал қызмет атқарып, адамгершілік құндылықтарды дәріптеуге өлшеусіз еңбек сіңіріп келесіз.
Я рад приветствовать высоких представителей Русской православной церкви. Православные христиане вносят весомый вклад в укрепление единства и согласия в Казахстане. С теплотой вспоминаю свою недавнюю беседу с Патриархом Московским и всея Руси Кириллом, который выразил поддержку усилиям нашей страны в развитии межконфессионального диалога.
Ортамызда Израильдің Бас ашкенази раввині Давид Лау және Израильдің Бас сефард раввині Ицхак Йосеф отыр. &nbsp;Біз еліміздегі иудей қауымының өкілдерімен бірге бұл сапарға ерекше мән береміз. Баршаңызға шақыруымызды қабыл алып, Қазақстанға келгендеріңіз үшін алғыс айтамын. Бұл бейбітшілікті сақтауға және өркениетаралық диалогты нығайтуға бәріміздің мүдделі екенімізді көрсетеді.
Өзгеріске толы әрі белгісіздік белең алған қазіргі заманда бүгінгі басқосудың айрықша мәні бар. Біріккен Ұлттар Ұйымының, басқа да халықаралық ұйымдардың басшыларына, саясаткерлерге және сарапшыларға ризашылығымды білдіремін. Съезд өткізу туралы бастамамызға сіздердің қолдау көрсеткендеріңіз еліміз үшін өте маңызды.&nbsp;&nbsp;&nbsp;
Аса қадірлі дінбасылар!
Құрметті қауым! &nbsp;
Әлемдік және дәстүрлі діндер көшбасшыларының съезі бүгінде жаһандық деңгейдегі өркениетаралық диалог алаңына айналды. Бұл форумды өткізуге Қазақстанның бастамашылық етуі бекер емес. Себебі, Қазақ жері ғасырлар бойы Батыс пен Шығыстың арасындағы көпір болып келеді. Ұлы дала төрінде небір алып көшпелі империялар өмір сүрген. Діни ұстамдылық – олардың бәріне ортақ сипат. Мысалы, еліміздің Алматы облысында Қойлық деген ортағасырлық қаланың орны бар. Сол жерде қазба жұмыстары жүргізілді. ХІІ–ХІV ғасырларда осы қалада ислам, христиан және буддизм дінінің ғибадатханалары іргелес тұрғаны анықталды. Шын мәнінде, Қазақстан аумағы барлық әлемдік діндердің киелі орындары көрініс тапқан карта іспетті. &nbsp;Мұсылмандар Арыстан бабтың Қожа Ахмет Иасауидің кесенелеріне, Бекет атаның жерасты мешітіне және басқа да қасиетті жерлерге барып, зиярат етеді.&nbsp;&nbsp;&nbsp;
В Таразе находится самая древняя мечеть VIII века, построенная на фундаменте христианского храма несторианского толка. Мы все гордимся православной святыней – Вознесенским кафедральным собором в Алматы. Этот уникальный исторический и архитектурный памятник – один из самых высоких деревянных храмов в мире.
В Северо-Казахстанской области расположен Католический духовный центр. Здесь в годы сталинских репрессий и Второй мировой войны была спасена от голодной гибели сосланная в Казахстан польская община. В память об этом установлена статуя Богоматери с рыбами, которую освятил Папа Иоанн Павел II.
Сакральным для иудеев всего мира является мавзолей ребе Леви Ицхака Шнеерсона в Алматы. В столице Казахстана находится самая большая синагога в Центральной Азии «Бейт Рахель Хабад Любавич».
Народ Казахстана впитал в себя традиции разных цивилизаций и религий, дух толерантности и открытости. Поэтому принцип «единство в многообразии» для нас является основополагающим.
В настоящее время в Казахстане в гармонии и согласии живут представители более 100 этносов, свободно действуют около 4&nbsp;000 религиозных объединений, представляющих 18 конфессий.
Біз мұны еліміздің баға жетпес байлығы және бірегей артықшылығы деп санаймыз. Еліміздегі және бүкіл әлемдегі диалог пен ынтымақтастықты нығайту – Қазақстан саясатының маңызды бөлігі. Бүгінгі Съезд – соның айқын көрінісі. Осыған дейін өткен форум декларацияларында радикализм, зорлық-зомбылық және қақтығыстар табанды түрде сыналды. Қандай идеяны желеу етсе де, мұндай әрекеттерді еш ақтауға болмайтыны анық айтылды.
Қазіргі күрделі кезеңде дінбасылардың бір үстел басында жиналуы айрықша маңызды. Олар кез-келген мәселе бойынша ортақ пайымға келіп, тіл табысуға болатынын бүкіл адамзатқа паш етуде. &nbsp;Меніңше, Съездің ең басты миссиясы да, ерекшілігі де – осы.
Your Holinesses!
Dear participants of the Forum!
The theme of this Congress is the development of humanity in the post-pandemic period.
The spread of the coronavirus has significantly affected all spheres of life – economy, politics, and social relations.
Unfortunately, the global health care system was not prepared to effectively cope with this global challenge.
The acute phase of the fight against this insidious disease triggered both an increase in narrow nationalism – vaccine nationalism, export and travel bans – but also a weakening of international institutions.
Therefore, given the risk of new pandemics, a careful rethinking of global cooperative health mechanisms is required.
Furthermore, new approaches are necessary in international trade and economic cooperation, as well as in the support for developing countries.
Quarantine measures disrupted supply channels and had a negative impact on services, tourism, transport, and other industries.&nbsp;
The crisis hit developing economies hardest, reinforcing poverty and inequality, accelerating global inflation.
We are faced once again with food shortages in the least developed regions of the world.
At the same time, geopolitical confrontation between major powers has intensified, increasing tensions in different parts of the world.
The previous system of international security is collapsing.
Extremism and terrorism remain serious threats.
The sanctions-induced energy crisis threatens the achievement of carbon neutrality we had just set.
This is not a goal we can afford to ignore. Natural disasters over the last two decades, mostly related to climate change, amounted to approximately three trillion dollars.
Unfortunately, tension, mutual distrust, and even hostility are returning to international relations.
What can we rely on to counter today&#8217;s challenges? History provides only one answer – goodwill, dialogue and cooperation. There are no other guarantees of success.
Kazakhstan has always favored solving any disputes exclusively at the negotiating table in the spirit of the UN Charter. Threats, sanctions, and the use of force do not solve problems.
At such moments we must turn to humanistic ideals.
Their main custodians are, of course, traditional religions.
The absolute value of human life, respect for each other&#8217;s interests, mutual assistance, openness, equality and justice – these are the pillars of new security system.
That is why the moral authority and voice of spiritual leaders are crucial today.
In this regard, I would like to note the great historical significance of the call of Pope Francis and the Grand Imam of al-Azhar, Dr. Ahmed El-Tayeb, outlined in the document “Human Fraternity for World Peace and Living Together”.
Today, we all depend on each other – no global problems can be solved without constructive dialogue and mutually beneficial cooperation.
Our country has consistently promoted principles aimed at achieving peace, comprehensive security and sustainable progress in the international arena.
Kazakhstan has been one of the leaders of the global movement against nuclear weapons. We initiated the Conference on Interaction and Confidence-Building Measures in Asia, which is supposed to become Organization. We have chaired the UN Security Council, the OSCE, and the Organization of Islamic Cooperation.
We also support and work hard to promote a constructive development agenda at the regional and global levels.&nbsp;&nbsp;&nbsp;
In our domestic agenda, we also place a high priority on strengthening unity, consolidation and effective dialogue.
Today, Kazakhstan has embarked on an ambitious program of reforms.
Their success largely depends on the solidarity of our multi-ethnic and multi-confessional nation and the peace and harmony in our land. We are building a Just Kazakhstan to make our state effective and prosperous. &nbsp;
Therefore, we make emphasis on political transformation of our country.
Our new economic policy is aimed at ensuring a more fair distribution of the national income and increasing the welfare of all citizens equally.
We want international trade and investment partnerships to be drastically enhanced.
In the energy and extractive industries, we consistently raise environmental requirements, and expand the use of renewable energy sources.
Your Holinesses!
Dear participants of the Congress!
The challenges we face today require an understanding of the role of religions and spiritual leaders in global processes.
In this regard, I would like to present several themes for discussion.
Firstly, all traditional religions share a set of basic principles: the sacred value of human life, mutual support, and the rejection of destructive rivalry and hostility.
I am convinced that these principles should form the basis of a new world system today.
We need a fundamental modernization and harmonization of theoretical concepts and practical approaches in culture, politics, economics and society.
To revive the true spirit and meaning of civilization, we need a large-scale reformation in all spheres of life.
Secondly, we see that, while politicians argue, spiritual leaders desire and seek to draw closer together.
This is a pivotal trend.&nbsp; It is the efforts and dialogue of spiritual leaders that can eventually show humanity a way out of the current confrontation.
The experience of this large-scale dialogue strengthens spiritual leaders to actively pursue various peacemaking initiatives.
This is essential to ending military conflicts and the suffering of people in conflict zones around the world.
Spiritual leaders are the guardians of the conscience of humanity. Therefore, who better than you to show the way to mutual trust, goodness and peace.
Now, more than ever, humanity is in need of solidarity.
To build a new system of international security, we all need a new global movement for peace. I believe the role of spiritual leaders in this matter is paramount.
Thirdly, given that we now live in a digital world, it is important to systematically promote the ideals of humanism and enduring spiritual values.
We see how new technologies are radically changing all spheres of human life before our eyes. The pandemic has only accelerated and deepened this process.
Digital communications, the Internet, and social networks play a huge positive role, erasing borders between people in all corners of the earth.
But at the same time, we observe how societies are being fragmented and polarized under the influence of digital technology.
For many, the virtual world already replaces the real one.
Therefore, in the new digital reality it is necessary to raise the question of cultivating spiritual values and moral guidelines in a new way.
The cult of knowledge and education without the right system of education of the younger generations will not lead humanity to universal progress and prosperity.
Religion has always fulfilled this basic function of education.
The Quran, the Bible, the Torah, and other scriptures are imbued with ideas of humanism, compassion, and mercy.
They reject aggression and radicalism, condemn violence, and preach tolerance and moderation.
The high mission of religious leaders in the modern era is to bring these fundamental truths to the people.&nbsp;
Құрметті Съезге қатысушылар!
Қазіргі күрделі кезеңде съездің тарихи мәні артып отыр. Өйткені, халықтар арасындағы келісімді нығайтып, пандемиядан кейінгі әлемде әділетті қоғам құру – бәрімізге ортақ міндет. Осы орайда, ашық диалог орнату өте маңызды. Дін көшбасшыларының VII съезі тың идеяларға жол ашып, баршамызды биік белестерге жеткізеді деп сенемін.
Біздің мүддеміз және ниетіміз – бір. &nbsp;Бәріміз де бейбіт әрі берекелі болашаққа қадам басуды қалаймыз. Осы игі мақсатқа бірге жетейік! &nbsp;&nbsp;&nbsp;
Съезд жұмысына табыс тілеймін!&nbsp;
Дұға-тілектеріңіз қабыл болсын!

Мемлекет басшысы Қ.К.Тоқаевтың Әлемдік және дәстүрлі діндер көшбасшыларының VII съезінің ашылуында сөйлеген сөзі

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Әлемдік және дәстүрлі діндер көшбасшыларының VII съезі дұға жасау үшін бір минуттық үнсіздіктен басталды, деп хабарлайды Ақорда.
«Әлемдік және дәстүрлі діндер лидерлерінің пандемиядан кейінгі кезеңдегі адамзаттың рухани және әлеуметтік дамуындағы рөлі» атты пленарлық отырысты ашқан Мемлекет басшысы Қазақстан үшін әлемнің ең құрметті рухани көшбасшыларын бірге жинап, диалог орнату үлкен құрмет екенін атап өтті. Президент өз сөзінде әлемдегі ең беделді рухани көшбасшылардың басын қосып, диалог құру еліміз үшін зор мәртебе&nbsp; екенін атап өтті. Президент Ватикан мен Католик шіркеуінің басшысы Рим Папасы Францискке, ең көне Әл-Азһар ислам университетінің Жоғарғы имамы Шейх Ахмад ат-Тайебке, Орыс православ шіркеуінің өкілдеріне, Израильдің Бас ашкеназ раввині Давид Лауға, Израильдің Бас сефард раввині Ицхак Иосифке және форумның барлық қатысушысына өзінің ілтипатын білдірді.
<blockquote class="wp-block-quote">– Біздің шақыруымызды қабыл алып, Қазақстанға келгендеріңіз үшін бәріңізге алғыс айтамын. Бұл бейбітшілікті сақтауға және өркениетаралық диалогты нығайтуға бәріміздің мүдделі екенімізді көрсетеді. Өзгеріске толы әрі белгісіздік белең алған қазіргі заманда бүгінгі басқосудың айрықша мәні бар. Біздің съезд өркениетаралық диалог орнататын жаһандық деңгейдегі алқалы жиынға айналды. Бұл форумды өткізуге Қазақстанның бастамашылық етуі бекер емес. Себебі қазақ жері ғасырлар бойы Батыс пен Шығыстың арасындағы көпір болып келеді. Осында, яғни Ұлы дала төрінде небір алып көшпелі империялар өмір сүрген. Діни ұстамдылық – олардың бәріне ортақ сипат, – деді Қасым-Жомарт Тоқаев.</blockquote>
<figure class="wp-block-image"><img src="https://akorda.kz/public/assets/media/uploadMedia/1663131350_DSC_1789.jpg_2.jpg" alt=""/></figure>
Оның айтуынша, Қазақстан халқы түрлі өркениеттер мен діндердің дәстүрін, төзімділік пен ашықтық қасиеттерін қабылдады. Сондықтан «бірлігіміз – әралуандықта» қағидаты еліміздің негізгі ұстанымына айналды.
<blockquote class="wp-block-quote">– Қазіргі уақытта 100-ден астам этнос Қазақстанда өзара түсіністік пен келісім жағдайында өмір сүреді. 18 конфессияның 4 мыңға жуық діни бірлестігі еркін жұмыс істеп жатыр. Мұны біздің баға жетпес байлығымыз әрі мызғымас басымдығымыз деп санаймыз. Съездің өткізілуі – еліміз бен бүкіл әлемде диалог пен ынтымақтастықты нығайтуды көздейтін Қазақстан саясатының маңызды бағыты. Бұған дейінгі форумдарда қабылданған декларацияларда қандай идеялардың атын жамылғанына қарамастан радикализм, зорлық-зомбылық пен қақтығыстар әрдайым сынға алынды. Қазіргі күрделі жағдайда діни көшбасшылардың бір үстел басына отырып, кез келген қайшылықты еңсеретін ізгі амалдың үлгісін күллі әлемге көрсетуі аса маңызды. &nbsp;Менің ойымша, біздің съездің басты миссиясы мен ерекшелігі осында, – деді Президент.&nbsp;</blockquote>
<figure class="wp-block-image"><img src="https://akorda.kz/public/assets/media/uploadMedia/1663131373_KZ4_4417_1.jpg" alt=""/></figure>
Мемлекет басшысы коронавирустың таралуы экономика, саясат, әлеуметтік қатынастар сияқты өмірдің барлық саласына қатты ықпалын тигізді деп санайды. Карантиндік шаралар тауар тасымалдау жолдары мен &nbsp;қызмет көрсету, туризм, көлік және басқа да салаларға кері әсерін тигізді. Дағдарысқа қарсы мемлекеттік шығындардың артуы экономиканың құлдырауын тежеді, бірақ жаһандық инфляцияның өсуіне ықпал етті. Қасым-Жомарт Тоқаевтың айтуынша, ірі державалар арасында геосаяси қайшылықтар күшейіп, әлемнің түкпір-түкпірінде шиеленістер үдей түсті.
<blockquote class="wp-block-quote">– Қырғи-қабақ және өзара сенімсіздік жағдайы халықаралық қатынасқа қайта оралып жатыр. Заманауи сын-қатерлерге нені қарсы қоюға болады? Тарих бұған бір ғана жауап береді. Ол ізгі ниет, диалог және ортақ күш-жігер. Табысқа жетудің басқа кепілі жоқ. Қазақстан кез келген даулы мәселені БҰҰ Жарғысына сәйкес тек қана келіссөз үстелі арқылы шешуді үнемі айтып келеді. Туындаған қайшылықтарды күшпен, қорқытумен немесе&nbsp; санкциялармен реттеу мүмкін емес екеніне сенімдіміз. Мұндай сәттерде гуманистік идеалдарға жүгіну аса маңызды. Олардың басты қайнар көзі дәстүрлі діндер екені даусыз, – деді Мемлекет басшысы.</blockquote>
<figure class="wp-block-image"><img src="https://akorda.kz/public/assets/media/uploadMedia/1663131387_KZ3_9769_2.jpg" alt=""/></figure>
Президент жаңа жүйенің қауіпсіздігі адам өмірінің абсолютті құндылығы, бір-бірінің мүдделерін құрметтеу, өзара көмек, ашықтық, теңдік және әділдік сияқты қағидаттардан құрылады деп санайды. Бұл мәселеде адамгершілік бедел мен рухани көшбасшылардың сөзі өте маңызды.
Қасым-Жомарт Тоқаев Съезд қатысушыларына арнаған сөзінде Қазақстан дамудың конструктивті мәселесін өңірлік және жаһандық деңгейде жан-жақты ілгерілетуге елеулі үлес қосатынын айтты. Ал еліміздің ішкі мәселесінде бірлік, ынтымақ және тиімді диалог негізгі басымдық саналады. Бүгінде еліміз ауқымды реформалар бағдарламасын жүзеге асырып, Әділетті Қазақстанды құруға кірісті.
<blockquote class="wp-block-quote">– Біздің жаңа экономикалық саясатымыз жалпыұлттық табысты әділ бөлуге және барлық азаматтың әл-ауқатын теңдей арттыруға бағытталған. Біз халықаралық сауда мен инвестициялық серіктестікті тереңдетуді қолдаймыз. Энергетика және өндіруші салаларда экологиялық талаптарды дәйекті түрде күшейтіп, балама қуат көздерін пайдалану ісін кеңейтіп келеміз, – деді Президент.</blockquote>
<figure class="wp-block-image"><img src="https://akorda.kz/public/assets/media/uploadMedia/1663131400_KZ3_9779_12.jpg" alt=""/></figure>
Сонымен қатар Қасым-Жомарт Тоқаев жаһандық үдерістегі дін мен рухани көшбасшылардың рөлін қайта зерделеуге бағытталған бірқатар тезисті талқылауға ұсынды.
<blockquote class="wp-block-quote">– Біз мәдениетке, экономика мен қоғамға қатысты теориялық тұжырымдар мен практикалық әдістерді түбегейлі жаңғыртуымыз керек. Өркениеттің шынайы болмысы мен мәнін сақтау үшін қоғамның барлық саласына ауқымды реформалар қажет, – деді Мемлекет басшысы.</blockquote>
<figure class="wp-block-image"><img src="https://akorda.kz/public/assets/media/uploadMedia/1663131417_KZ3_9796_2.jpg" alt=""/></figure>
Қазақстан Президентінің пікірінше, рухани көшбасшылардың күш-жігерін жұмылдыруы және диалогы бүкіл адамзатқа қазіргі теке-тірестерден шығу жолын көрсетеді.
<blockquote class="wp-block-quote">– Осындай ауқымды диалог тәжірибесі рухани көшбасшыларға түрлі бітімгерлік бастамаларды белсенді көтеруге құқық береді. Бұл әлемнің түкпір-түкпірінде болып жатқан «қақтығыс ошақтарындағы» әскери қимылдар мен адамдардың зардап шегуін тоқтату үшін аса маңызды. Діндер басшылары – адамзаттың ар-ожданын сақтаушылар. Сондықтан өзара сенімге, қайырымдылық пен бейбітшілікке бастайтын жолды сіздер ғана нұсқайсыздар. Қазір адамзат бұрын-соңды болмаған жасампаз іс-әрекетке мұқтаж. Халықаралық қауіпсіздіктің жаңа жүйесін қалыптастыру үшін бәрімізге бейбітшілік жолындағы жаңа жаһандық іс-әрекет керек. Бұл мәселеде рухани көшбасшылардың рөлі аса зор деп санаймын, – деді Қасым-Жомарт Тоқаев.&nbsp;</blockquote>
<figure class="wp-block-image"><img src="https://akorda.kz/public/assets/media/uploadMedia/1663131433_KZ3_9793_2.jpg" alt=""/></figure>
Мемлекет басшысы гуманизм идеалдары мен берік рухани құндылықтарды ілгерілетуге шақырды. Оның айтуынша, жаңа технологиялар адам өмірінің барлық саласын түбегейлі өзгертіп жатыр. Пандемия бұл үдерісті жылдамдатып, күшейте түсті. Цифрлық коммуникациялар, интернет пен әлеуметтік желілер бүкіл жер шарындағы адамдар арасындағы шекараны бұзып, маңызды рөл атқарады.
<blockquote class="wp-block-quote">– Біз цифрлық технологиялардың әсерімен қоғамның бөлшектеніп, көзқарастар қайшылығы күшейе бастағанын байқап отырмыз. Виртуалды әлем көптеген адам үшін шынайы әлемнің орнын алмастыра бастады. Сондықтан жаңа цифрлық заманда рухани құндылықтар мен адамгершілік қасиеттер туралы мәселені қайта күн тәртібіне қою керек. Жас ұрпаққа жүйесіз берілетін ілім мен білім адамзатты жалпы даму мен жақсылыққа апармайды. Дін барлық кезеңде өзінің негізгі тәрбие беру қызметін атқарды. Құран, Інжіл, Таурат және басқа да қасиетті кітаптар гуманизм, жанашырлық және мейірімділік идеяларына толы. Олар агрессияны жақтамайды, радикализмді қабылдамайды, зорлық-зомбылықты айыптайды, толеранттылық пен ұстамдылыққа шақырады. Қазіргі заманда діндер көшбасшыларының жоғары миссиясы – адамдарға осы маңызды ақиқатты жеткізу, – деді Қазақстан Президенті.</blockquote>
<figure class="wp-block-image"><img src="https://akorda.kz/public/assets/media/uploadMedia/1663131469_KZ3_9808_2.jpg" alt=""/></figure>
<figure class="wp-block-image"><img src="https://akorda.kz/public/assets/media/uploadMedia/1663131469_KZ3_9831_2.jpg" alt=""/></figure>

Қасым-Жомарт Тоқаев Әлемдік және дәстүрлі діндер көшбасшыларының VII съезіне қатысты

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Жаңа рухты жаңғырту және өркениетті түсіну үшін өмірдің барлық саласын реформалау қажет. Бұл туралы ҚР Президенті Қасым-Жомарт Тоқаев Әлемдік және дәстүрлі діндер лидерлерінің VII съезінде айтты, деп хабарлайды ҚазАқпарат.
«Бүгінде біз бетпе-бет келіп отырған сын-тегеуріндер жаһандық процестердегі дін көшбасшыларының рөлін ой елегінен қайта өткізіп, түсінуімізді талап етеді. Осыған орай бірнеше тақырыпты айқындағым келеді. Біріншіден, барлық дәстүрлі діндерді адам өміріне құрметпен қарау, өзара құрмет, зорлық-зомбылыққа қарсы тұру сынды базалық ұстанымдардың белгілі бір жиынтығы біріктіреді», &#8212; деді Қазақстан Президенті.
Мемлекет басшысы аталған ұстанымдар қазірдің өзінде жаңа әлемдік жүйенің іргетасын қалауы тиістігіне сенімді екенін айтты.
«Бізге мәдениетте, экономикада және қоғамда теориялық тұжырымдар мен тәжірибелік әдістерді іргелі жаңғырту әрі үйлестіру қажет. Осынау жаңа рухты жаңғырту және өркениетті түсіну үшін бізге өмірдің барлық саласын реформалау қажет», &#8212; деді Қасым-Жомарт Тоқаев.

Өмірдің барлық саласын реформалау қажет – ҚР Президенті

<a href="https://kyzylorda-news.kz/">Kyzylorda-news.kz.</a>&nbsp;Президент Жолдауында көпшіліктің көкейінде жүрген және шұғыл шешімдерді талап ететін білім, ғылым және заманауи техника және технологиялар салаларындағы&nbsp; өзекті мәселелер бойынша нақты қадамдар жасалды. Бұл туралы Қорқыт ата атындағы Қызылорда университеті компьютерлік ғылымдар кафедрасының қауымдастырылған профессоры Әбділда Төрешбаев мәлімдеді.
Жоғары сынып оқушылырына жаратылыстану-математика циклы бойынша оқытуды жаңа сапалы деңгейге бағыттау – кезек күттірмейтін мәселе. &nbsp;Еліміздің экономикалық тұрғыда даму нысандарына бағыттау мақсатында кәсіптік-техникалық оқу орындарының кадрларын оқу-өндірістік тәжірибелерді сәйкесті өндіріс мекемелерінде өткізуді қамтамасыз ету баса көңіл бөлу қажет.
Президент жоғары білім беруді дамыту бағытында жаңа реформаларды жүзеге асыру қажеттілігіне ерекше тоқталды. Бұл бағытта Қорқыт ата атындағы Қызылода университеті көптеген шетелдік университет, ғылыми-зерттеу орталықтарымен тығыз байланыста екенін атап айтуға болады.
Жолдауда мемлекет басшысы университеттерде ғылымды дамыту аса маңызды басымдығымыз екеніне тоқталды. Ең алдымен жетекші ғалымдарымыздың ғылыми еңбегіне лайықты жалақы төлеу мәселесі туындайды. Бұл мәселені шешу мақсатында университет ғалымдарының ғылыми-зерттеу жобаларының сапалық және сандық көрсеткіштеріне басымдық беру көзделіп отыр. Осы бағытта ғылым саласын гранттық қаржыландыру мерзімін бес жылға дейін ұзарту туралы айтылған мәселе орынды деп ойлаймын.
<img src="https://kyzylorda-news.kz/wp-content/uploads/2022/09/ed4ad327-2e56-4ad9-9ede-ccf2107d2c40.jpg" alt="" />
Қорқыт ата атындағы Қызылорда университеті компьютерлік ғылымдар кафедрасының қауымдастырылған профессоры Әбділда Төрешбаев

Қазақстан және Қызылорда облысының жаңалықтары: Саясат

Мемлекет басшысы Қасым-Жомарт Тоқаевтың Қазақстан халқына үндеуі

Қасым-Жомарт Тоқаев БҰҰ Бас хатшысы Антониу Гутерришпен келіссөз жүргізді

Қасым-Жомарт Тоқаев Нью-Йоркке жұмыс сапарымен барды

Ләйлә Төрешова: Президенттің бір реттік мерзімін енгізу — ел дамуының жаңа демократиялық бағыты

Парламент Конституция өзгерістерін қабылдады: Астана атауы қайтарылады

Құттықыз Ыханова: Жарқын сәттердің жаршысы

Әлемдік және дәстүрлі діндер көшбасшыларының VII съезінің декларациясы қабылданды

Президент Қасым-Жомарт Тоқаев ҚХР Төрағасы Си Цзиньпинмен кездесті

Мемлекет басшысы Қ.К.Тоқаевтың Әлемдік және дәстүрлі діндер көшбасшыларының VII съезінің ашылуында сөйлеген сөзі

Қасым-Жомарт Тоқаев Әлемдік және дәстүрлі діндер көшбасшыларының VII съезіне қатысты

Өмірдің барлық саласын реформалау қажет – ҚР Президенті

Әбділда Төрешбаев: Жолдауда қоғамдағы өзекті мәселелер айтылды

Қазақстан және Қызылорда облысының жаңалықтары: Саясат

Мемлекет басшысы Қасым-Жомарт Тоқаевтың Қазақстан халқына үндеуі

Қасым-Жомарт Тоқаев БҰҰ Бас хатшысы Антониу Гутерришпен келіссөз жүргізді

Қасым-Жомарт Тоқаев Нью-Йоркке жұмыс сапарымен барды

Ләйлә Төрешова: Президенттің бір реттік мерзімін енгізу &#8212; ел дамуының жаңа демократиялық бағыты

Парламент Конституция өзгерістерін қабылдады: Астана атауы қайтарылады

Құттықыз Ыханова: Жарқын сәттердің жаршысы

Әлемдік және дәстүрлі діндер көшбасшыларының VII съезінің декларациясы қабылданды

Президент Қасым-Жомарт Тоқаев ҚХР Төрағасы Си Цзиньпинмен кездесті

Мемлекет басшысы Қ.К.Тоқаевтың Әлемдік және дәстүрлі діндер көшбасшыларының VII съезінің ашылуында сөйлеген сөзі

Қасым-Жомарт Тоқаев Әлемдік және дәстүрлі діндер көшбасшыларының VII съезіне қатысты

Өмірдің барлық саласын реформалау қажет – ҚР Президенті

Әбділда Төрешбаев: Жолдауда қоғамдағы өзекті мәселелер айтылды

Ләйлә Төрешова: Президенттің бір реттік мерзімін енгізу — ел дамуының жаңа демократиялық бағыты