<a href="https://kyzylorda-news.kz/">Kyzylorda-news.kz.</a> Қазақстан Республикасы мен Түркия Республикасы арасындағы дипломатиялық қатынастарға 30-жыл. Осыған орай, қос Мемлекет басшысының Бірлескен мәлімдемесі жарияланды, деп хабарлайды Ақорда.
Қазақстан Республикасы Президенті Қасым-Жомарт Тоқаевтың шақыруымен Түркия Республикасы Президенті Режеп Тайип Ердоған Қазақстанға мемлекеттік сапармен келді.
Түркия Республикасының Президенті Р.Т. Ердоғанның 12-13 қазан күндері Қазақстанға сапары барысында өткен Жоғары деңгейлі стратегиялық ынтымақтастық кеңесінің 4-отырысы елдер арасындағы ықпалдастықты нығайтуға жасалған маңызды қадам болды.
Президенттер бұл сапардың екі ел арасындағы кеңейтілген стратегиялық әріптестікті одан әрі нығайтуға елеулі үлес қосатынына сенім білдіріп, мемлекеттер арасындағы саяси диалогты түрлі деңгейдегі өзара сапарлар мен кездесулер арқылы жалғастырудың қажеттігін атап өтті.
Өзара достық пен түсіністік жағдайында өткен кездесулер барысында Тараптар екіжақты ынтымақтастықты одан әрі тереңдету мүмкіндіктерін қарастырып, өңірлік және халықаралық өзекті мәселелер бойынша пікір алмасты.
Тараптар 2022 жылғы 2 наурызда Түркия мен Қазақстан арасындағы дипломатиялық қатынастардың 30 жылдығы аталып өткенін назарға ала отырып, төмендегілерді мәлімдейді:
1. 30 жылда ортақ тарих, тіл мен мәдениетке негізделген достық пен бауырластық байланыстарға, тығыз саяси диалог пен көп қырлы ынтымақтастықтың даму қарқынына қанағаттанушылықтарын білдірді.
2. Екі ел арасындағы жан-жақты ықпалдастықты нығайтып, дамытуда 1994 жылғы 17 қазандағы Түркия Республикасы мен Қазақстан Республикасы арасындағы Достық және ынтымақтастық туралы келісім мен 2009 жылғы 22 қазандағы Түркия Республикасы мен Қазақстан Республикасы арасындағы Стратегиялық әріптестік туралы келісімдер маңызды рөл атқаратынын растады.
Осы ретте, Түркия мен Қазақстан арасында мемлекетаралық ынтымақтастықтың барлық салаларын реттейтін ауқымды шарттық-құқықтық база қалыптасқанын атап өтті.
3. 2021 жылы Түркия Қазақстанның ең ірі сауда серіктестері арасында 5-орынды иеленді. Тараптар, екіжақты сауда көлемінің тұрақты түрде артуын қанағаттанушылықпен атап өтіп, алдағы жылдарда сауда көлемін теңгерімді түрде 10 млрд долларға жеткізу үшін қажетті шараларды қабылдау қажеттігін атап көрсетті.
4. 2022 жылғы 4 наурыз күні Астана қаласында Сауда-экономикалық ынтымақтастық жөніндегі Түркия-Қазақстан үкіметаралық комиссиясының 12-отырысының өткізілгенін қанағаттанушылықпен атап өтіп, отырыс соңында қол қойылған Іс-әрекет жоспарының маңыздылығына тоқталып өтті.
5. Тараптар Транскаспий Шығыс-Батыс Орта дәліз арқылы жүк тасымалының ұлғаюын құптай отырып, көлік және логистика саласындағы ынтымақтастықты одан әрі дамытуға уағдаласты. Транскаспий бағытын және Баку-Тбилиси-Карс жаңа желісін тиімді пайдалану үшін тиісті мекемелер арасындағы үйлестіруді күшейтудің маңыздылығын атап өтті.
Екі ел арасындағы стратегиялық әріптестіктің маңызды бөлігі болып табылатын өзара достық пен бауырластыққа негізделген мәдени-гуманитарлық қарым-қатынастардың да қарқынды дамып келе жатқанына қанағаттанушылық білдірді.
6. Қорғаныс өнеркәсібі саласындағы ынтымақтастықты тереңдету және осы мақсатта бірлескен өндірісті қоса алғанда, әртүрлі ынтымақтастық мүмкіндіктерін қарастыру және жүзеге асыруға келісті.
7. Терроризм мен экстремизмнің барлық түрлеріне қарсы табанды күресуге, екі елдің ұлттық қауіпсіздігіне қатер төндіретін барлық құрылымдарға қарсы күресті күшейтуге, қорғаныс пен қауіпсіздік саласындағы диалог тетіктері арқылы ынтымақтастықты тереңдетуге келісті.
8. Білім беру саласындағы ынтымақтастықты дамыту мақсатында Түркияның «Маариф» қорының Қазақстандағы қызметін бастауына қажетті қолдау көрсетудің маңыздылығын атап өтті.
9. Қоршаған орта және орман шаруашылығы салаларындағы екіжақты ынтымақтастықты жалғастыруға дайын екендіктерін білдірді.
10. Екіжақты әрі түркі әлемі аясында БАҚ және ақпарат саласындағы ынтымақтастық пен үйлестіруді тереңдетуге келісіп, осы орайда Түркі елдерінің ақпарат агенттіктері одағының құрылуын құптады.
11. Жаһандық және өңірлік тұрақтылық, бейбітшілік пен өркендеу мақсатына сәйкес бірлесіп әрекет ету, Түркі мемлекеттері ұйымы (ТМҰ) және басқа халықаралық ұйымдарда және көпжақты платформаларда үйлестіруді қамтамасыз ету, барлық мүмкін болған жағдайларда тараптардың халықаралық ұйымдарда ұсынылған шешімдері мен бастамаларын және кандидатураларын өзара қолдауға келісті.
12. Тараптар өзара маңызды жаһандық мәселелер бойынша пікір алмасып, халықаралық күн тәртібіндегі өзекті тақырыптар бойынша ұстанымдарының ұқсастығын растады. БҰҰ, ЕҚЫҰ, АӨСШК, ЭЫҰ, ИЫҰ, ТМҰ мен басқа да халықаралық және өңірлік ұйымдар шеңберінде өзара тиімді ынтымақтастықты жалғастыруға уағдаласты.
13. Екі ел арасындағы Түркі мемлекеттері ұйымы, ТҮРКСОЙ, ТүркПА және Түркі академиясының құрылғаннан бергі жетістіктеріне қанағаттанушылық білдіре отырып, олардың түркі әлеміндегі бірлескен және үйлестірілген іс-қимылдарды қамтамасыз етудегі және Түркі әлемінің құндылықтары мен мүдделерін өңірлік және халықаралық аренада одан әрі арттыруға бейілділігін атап өтті.
14. Азиядағы өзара іс-қимыл және сенім шаралары кеңесін толыққанды ұйымға айналдыру жөніндегі Қазақстан төрағалығының бастамасын біртіндеп жүргізуге, сондай-ақ оның әлеуетін бірлесіп дамытуға ниетті екендерін білдірді.
15. Жастар мен мемлекеттік қызметшілердің мансаптық өсуіне қолдау көрсету мақсатында екі ел арасындағы ынтымақтастықты адам ресурстары саласында бірлескен жобаларды жүзеге асыру арқылы нығайтуға келісті.
16. Қазақстан мен Түркия арасындағы кеңейтілген стратегиялық ынтымақтастықты одан әрі тиімді түрде дамыта беруге және өңірдегі бейбітшілік пен тұрақтылыққа үлес қосатындай ынтымақтастықты тереңдетуге деген ниеттерін қуаттады.
Тараптар 2022 жылғы 10-11 мамырда Қазақстан Республикасының Президенті Қ.К. Тоқаевтың Түркияға және Түркия Республикасының Президенті Р.Т. Ердоғанның Қазақстанға жасаған мемлекеттік сапарлары мен қол жеткізілген уағдаластықтарды жоғары бағалап, оларды жүзеге асыруға барынша күш-қуат салуға дайындығын растады.
Осы Бірлескен мәлімдеме 2022 жылғы 12 қазанда Астана қаласында қазақ және түрік тілдерінде қабылданды.

Қазақстан-Түркия дипломатиялық қатынастарына 30 жыл: Тоқаев пен Ердоғанның Бірлескен мәлімдемесі

<a href="https://kyzylorda-news.kz/">Kyzylorda-news.kz.</a> Съезд делегаттары «AMANAT» партиясының кезектен тыс XXIV Съезі мен Қасым-Жомарт Тоқаевты қолдау жөніндегі Халықтық коалиция форумының қорытындыларын қызу талқылауды жалғастыруда.
Осы орайда бүгін саяси жиынның делегаттары Бақдаулет Махашов пен Жорабек Нұрымбетов «Жан Арай» ЖШС-де еңбек ұжымымен экспромт кездесу өткізіп, тарихи жиынның жаңалықтарымен бөлісті.
<blockquote>«Партия мен ел үшін маңызды әрі тарихи күннің куәсі болдым. Өздеріңізге белгілі қазақстандықтардың өмір сүру сапасын жақсарту мәселесі Мемлекет басшысының әр Жолдауында айтылып, жүйелі жұмыстар арқасында іске асырылуда. Партия съезінде маңызды мәселелер көтеріліп, бірқатар шешімдер қабылданды. Осы орайда әлемдегі аумалы-төкпелі заманда Мемлекет басшысының реформалары жанында ұлт болып ұйысу керекпіз.» деді съезд делегаты Бақдаулет Махашов.</blockquote>
Мұнан соң сөз алған Жорабек Нұымбетов «Съезде қаралған күн тәртібіндегі негізгі мәселелердің тағы бірі – партиямыздың жаңа Саяси Тұғырнаманың қабылдануы болды. Саяси тұғырнама – ел азаматтары ұсыныс-пікірлерінің бағдаршамы болмақ. Себебі жаңа құжат жұртшылық алдында талқыланып, беделді сарапшылармен сарапталған. Еліміздегі әрбір тұрғынның мәселелері осы құжат көрініс тапты.» деді.
Кездесу барысында ауылшаруашылық саласының жұмысшылары Қасым-Жомарт Тоқаевтың Президенттікке ұсынылуын толық қолдайтындарын айтып, оң көзқарастарын білдірді.
<img src="https://knadmin.beoblood.kz/uploads/310556125_484302457068729_3898990329053351897_n_a79c5990cd.jpg" alt="310556125_484302457068729_3898990329053351897_n.jpg">

Съезд делегаттары экспромт кездесу өткізді

<a href="https://kyzylorda-news.kz/">Kyzylorda-news.kz.</a> Осы себепті аталмыш кандидаттар тіркеуге алынбаған.
Орталық сайлау комиссиясы Хайрулла Габжалилов, Талғат Ерғалиев&nbsp;және Фатима Бизақованы президенттікке үміткер ретінде тіркеуден бас тартты.
Хайрулла Ғабжалиловтың туған жері Қазақстан емес әрі &nbsp;мемлекеттік қызметтегі тәжірибесі жеткіліксіз.
Талғат Ерғалиевте де мемлекеттік қызметтегі жұмыс тәжірибесі бір жарым жыл жетпейді.
Сол сияқты Фатима Бизақова мемлекеттік қызметте жұмыс өтілі мүлдем болмаған.
Осы себепті аталмыш кандидаттар талапқа сай келмейді деп тіркеуге алынбаған.&nbsp;

 Орталық сайлау комиссиясы үш бірдей үміткерді тіркеуден бас тартты

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев елімізге мемлекеттік сапармен келген Түркия Республикасының Президенті Режеп Тайип&nbsp; Ердоғанмен келіссөз жүргізді, деп хабарлады <a href="https://akorda.kz/kz/kazakstan-men-turkiya-prezidentteri-kelissoz-zhurgizdi-129415?fbclid=IwAR3udLxru70BlRa8lyw3M528P-YD_70HsI95dDXVEq9aN08URFL7Tay4Fb8">Ақорда.</a>
«Ақорда» резиденциясында Түркия басшысын салтанатты қарсы алу шарасы өтті. Қасым-Жомарт Тоқаев пен Режеп Тайип Ердоған бір-біріне делегациялар құрамын таныстырды. Құрмет Қарауылының бастығы екі ел басшыларына рапорт беріп, Қазақстан мен Түркияның әнұрандары орындалды. Салтанатты рәсімнен кейін мемлекеттер басшылары екіжақты кездесу өткізді.
Қасым-Жомарт Тоқаев Режеп Тайип Ердоғанға ілтипат білдіріп, Қазақстанға мемлекеттік сапармен келгені үшін ризашылығын жеткізді.
<blockquote>– Сіздің бүгінгі&nbsp; мемлекеттік сапарыңыз екі елдің ынтымақтастығына үлкен серпін береді деп ойлаймын. Біз Түркиямен тең дәрежедегі ынтымақтастықты одан әрі нығайтуға баса мен береміз. Бұл менің ерекше назарымда. Кездесуіміздің күн тәртібіндегі бірқатар мәселелер бойынша пікір алмасып, уағдаластыққа қол жеткіземіз деп ойлаймын, – деді Мемлекет басшысы.</blockquote>
Өз кезегінде &nbsp;Түркия Президенті Режеп Тайип Ердоған Қасым-Жомарт Тоқаевқа &nbsp;мамыр айында Түркияға мемлекеттік сапары мен Нью-Йорктегі екіжақты кездесуден кейін қайтадан жүздесіп отырғанына қуанышты екенін атап өтіп, қонақжайлығы үшін алғыс айтты.
<blockquote>– Бүгін Жоғары деңгейдегі стратегиялық ынтымақтастық кеңесінің 4-отырысын өткіземіз. Сондай-ақ ертең Азиядағы өзара іс-қимыл және сенім шаралары кеңесінің саммитіне қатысамыз. Сіздің көшбасшылығыңызбен жүргізілген реформалар қазақ халқының тыныштығын сақтап, әл-ауқатын жақсартатынына сенімім мол. 20 қараша күні болатын Президент сайлауы әділ әрі жаңа Қазақстан үшін қайырлы болуын және сізге сол сайлауда сәттілік тілеймін, – деді Режеп Тайип Ердоған.</blockquote>Сондай-ақ Түркия Президенті жаһандық және аймақтық тұрақсыздық белең алған&nbsp; шақта түркі мемлекеттерінің ынтымағын одан әрі нығайту қажет екенін, сондықтан стратегиялық серіктес әрі бауырлас ел Қазақстанның қауіпсіздігіне, тұрақтылығына, территориялық тұтастығына&nbsp; және экономикалық әл-ауқатының жақсаруына айрықша мән беретінін жеткізді.<blockquote>– Түркияға мемлекеттік сапарыңыз барысында қол қойылған 14 ынтымақтастық туралы құжат пен ортақ декларация қарым-қатынасымызға тың серпін берді. Бүгін осы келісімдерге қосымша жаңа құжаттар қосылады. Атажұртыма келген маған және менің делегацияма қонақжайлық көрсеткеніңіз үшін тағы да алғыс айтамын, – деді Режеп Тайип Ердоған</blockquote><img src="https://knadmin.beoblood.kz/uploads/1665576075_DSC_2763_2_7d1479179b.jpg" alt="1665576075_DSC_2763_2.jpg"><img src="https://knadmin.beoblood.kz/uploads/1665576183_KZ_4_5651_2_1_73b5c78873.jpg" alt="1665576183_KZ4_5651_2 (1).jpg">&nbsp;&nbsp;

Қазақстан мен Түркия президенттері келіссөз жүргізді

<a href="https://kyzylorda-news.kz/">Kyzylorda-news.kz.</a> Сарапшылардың айтуынша, биыл Қызылорда облысында негізгі макроэкономикалық көрсеткіштер бойынша оң динамика байқалады. Оның ішінде инвестиция көлемі 6 пайызға артты. Сондай-ақ, Сырдария өзенінің жоғарғы сағасында орналасқан мемлекеттермен су ағынының көлемін былтырғымен салыстырғанда ұлғайту, сондай-ақ жылу беру маусымына 100 пайыз дайын болу жөнінде келісімге қол жеткізгені Нұрлыбек Нәлібаевтың еңбегі. Мамандар Қызылордада жаңа жылуэлектрстанция салу туралы келісімге келуді де жоғары бағалайды. Түркиялық компания 215 миллиард теңгеге жылуэлектр орталығын салады, деп хабарлайды Toppress.kz.
Облыста жолдарды жөндеу жұмыстары қарқынды жүргізілуде. Биылғы жылы аймақта 347 шақырым жол жөнделді. Сондай-ақ, республикалық жолдардың сапасы бойынша 82 пайызға жеткен.&nbsp;
Қызылорда облысында елімізде жалақының өсімі бойынша көрсеткіш – 31,3 пайызды құрайды. Ұлттық статистика бюросының мәліметінше, өткен жылмен салыстырғанда екінші жартыжылдықтағы көрсеткіш 24 пайызға артқан.
Айта кету керек, Нұрлыбек Нәлібаев қыркүйекте өте белсенді болды. Ол 2 жасар баланы құдықтан құтқарып қалған жасөспірімге екі бөлмелі пәтердің кілтін табыстады. Сонымен қатар бірнеше ірі жобалардың іргетасын қалады. Атап айтқанда жаңа Неке сарайы, Өнер сарайы, Қан орталығының құрылысы қарқынды жүріп жатыр. Биыл дәстүрлі тамыз кеңесінде облыстың үздік мектебіне 34 млн теңгенің сертификатын берді.&nbsp;
Айта кету керек, биыл мектеп түлектеріне облыс әкімінің 100 білім гранты бөлінген болатын. Тамыз айында аймақ басшысын Мемлекет басшысы қабылдап, облыстың тұрақты әлеуметтік-экономикалық дамуын қамтамасыз етуді тапсырды.
<figure class="image image_resized" style="width:93.87%;"><img src="https://knadmin.beoblood.kz/uploads/bez_nazvaniya_7_600x424_1_1_9968fbe19b.jpeg" alt="bez-nazvaniya-7-600x424-1-1.jpeg"></figure>

Әкімдер рейтингі: Нұрлыбек Нәлібаев төртінші орында

<a href="https://kyzylorda-news.kz/">Kyzylorda-news.kz.</a> Бүгін Партияның кезектен тыс ХХIV съезіне қатысқан делегаты, «AMANAT» партиясы Шиелі аудандық филиалының атқарушы хатшысы Сыздық Болат Мүбаракұлы «Арман» мәдениет үйінде мәдениет саласының қызметкерлерімен кездесті.
Кездесу барысында Партияның кезектен тыс ХХIV съезі мен Халықтық коалиция форумының қорытындысы талқыланды.
Атқарушы хатшы Болат Сыздық саяси шарада «AMANAT» партиясы атынан Президенттікке Қасым-Жомарт Тоқаевтың кандидатурасы ұсынылып, оның делегаттар тарапынан бірауыздан қолдау тапқандығын және жаңа Саяси тұғырнама бекітілгені жайында айтты.
Сонымен қатар Халықтық коалиция форумына қатысқан түрлі саяси партиялар мен азаматтық қоғам институттары өкілдері қазіргідей күрделі кезеңде Президент жанына бірігу мен оның жаңа бағытына қолдау көрсетудің маңыздылығын атап өтті.&nbsp;
<blockquote>«Форум жұмысында сөз сөйлеген Мемлекет басшысы Қасым-Жомарт Тоқаев алдағы саяси шараның ел болашағы үшін маңызды қадам екенін айтты. Форумға қатысушыларға қолдаулары үшін ризашылығын білдірді. Президент сайлауына түсу өзі үшін зор мәртебе мен үлкен жауапкершілік екенін атай келе, бұған дейінгі ешбір партияға басымдық бермей, саяси тұрғыдан бейтарап болу қажеттігі туралы айтқан ұстанымының өзгермейтінін жеткізді» – деді Болат Сыздық.</blockquote>
«Атамекен» бастауыш партия ұйымының төрайымы Нұргүл Шалекеева және мәдениет саласының қызметкерлері Мемлекет басшысымен бірге екендігін айтып, ой-пікірлерімен бөлісті.
<img class="image_resized" style="width:99.37%;" src="https://knadmin.beoblood.kz/uploads/311576215_482473867251588_6242308914417937565_n_450fd6d4f2.jpg" alt="311576215_482473867251588_6242308914417937565_n.jpg">
<img src="https://knadmin.beoblood.kz/uploads/310570898_482474117251563_7595473259041700621_n_f970f054c2.jpg" alt="310570898_482474117251563_7595473259041700621_n.jpg">

Съезд делегаты мәдениет саласының қызметкерлерімен кездесті

<a href="https://kyzylorda-news.kz/">Kyzylorda-news.kz.</a> Өздеріңізге белгілі, 2022 жылы 6 қазан күні Елордада «AMANAT» партиясының кезектен тыс XXIV съезді өтті. Съезд жұмысына еліміздің барлық &nbsp;аймағынан 1200-ға жуық делегаттар қатысты.
Күн тәртібіне сәйкес, бірінші кезекте алдағы ҚР Президент сайлауына партияның атынан Қасым-Жомарт Тоқаевтың кандидатурасы &nbsp;ұсынылды.&nbsp;
Cонымен қатар, «AMANAT» партиясының &nbsp;басты саяси іс-шарасы барысында жаңа Саяси тұғырнамасы бекітілді.&nbsp;
Осы ретте, съезд делегаты облыстық «Жастар Рухы» ЖҚ төрағасы М.Жорабек жастарға ел дамуының негізгі бағыттары мен саяси бірлестіктің принциптерін айқындаған идеологиялық құжаттың мазмұнын түсіндірді. Сонымен қатар ҚР Президенттігіне үміткер Қасым-Жомарт Кемелұлы Тоқаевты қолдау жөніндегі Халықтық коалиция форумы жөнінде мағұлмат беріп өзінің әсерімен бөлісті.&nbsp;
Форум жұмысында идеологиясы мен бағыты, мәртебесі мен мақсаты әр түрлі саяси партиялар мен &nbsp;азаматтық қоғам институттары өкілдері қатысты. Жалпы коалиция құру әлемдік тәжірибеде бар, бұрыннан қалыптасқан саяси мәдениеттің көрінісі.&nbsp;
<blockquote>Жиында сөз алған саяси партиялар мен қоғамдық бірлестіктер өкілдері әлемдік геосаяси ахуал күрделі кезеңде бір болып, Президент жанына топтасудың маңыздылығына тоқталды. Қазіргідей шешуші тарихи кезеңде қоғам болып ауызбіршілік танытып, Президент бағытына қолдау көрсетудің маңызды екенін айтты. Бұл тұрғыда Қ.К.Тоқаев ұсынған әділдік тұжырымдамасы – жалпыхалықтық мәселе. «Әділетті Қазақстан» идеясы барша халықты біріктіреді. Ол барлық әлеуметтік топтар үшін өзекті. Сондықтан мемлекеттің дамуына, көзделген реформаларды іске асыруға &nbsp;жастар атынан бірге үлес қосумыз қажет. Әділетті Қазақстанды сөз жүзінде емес, іс жүзінде құра алатынымызға сенімдімін, - деді М.Жорабек.</blockquote>
Диалог алаңында белсенді жастар мен &nbsp;оқу орнының білім алушылары қатысып, пікір алмасты.
<img src="https://knadmin.beoblood.kz/uploads/6f481394_06d8_47c5_b272_dff8fd09c432_4d10587bc7.jpg" alt="6f481394-06d8-47c5-b272-dff8fd09c432.jpg">

«BIR TOLQYNDA» диалог алаңында съезд делегаттары  жастармен кездесті

<a href="https://kyzylorda-news.kz/">Kyzylorda-news.kz.</a> &nbsp; Ұлттық қауіпсіздік комитеті мемлекеттік құпияны жария ету, тыңшылық және мемлекеттік опасыздық жасау фактілері бойынша сот үкімі шыққанын хабарлады.
Астана қаласының қылмыстық істер жөніндегі мамандандырылған ауданаралық соты Қауіпсіздік кеңесі хатшысының бұрынғы бірінші орынбасары М. Шайхутдиновты мемлекеттік құпияны жариялағаны үшін кінәлі деп танып, 7 жылға бас бостандығынан айырды.
Оған өмір бойына мемлекеттік қызметте жұмыс істеуге тыйым салынды.
Бұдан бөлек, осы қылмыстық іске қатысы бар Л.Скаковскийдің (Қылмыстық кодекстің 175-бабы 1-бөлігі – мемлекетке опасыздық жасау) және О.Жданның (Қылмыстық кодекстің 176-бабы – тыңшылық жасау) кінәсі толық дәлелденді. Біреуі 11 жыл 3 айға, ал екіншісі 11 жылға бас бостандығынан айырылды.

Мемлекетке опасыздық және тыңшылық жасаған лауазымды тұлғалар сотталды

Әркімнің дауысы маңызды! ⇢ <a href="https://www.election.gov.kz/kaz/">https://www.election.gov.kz/kaz/</a>

Қазақстан Республикасы Президентінің сайлауы

<a href="https://kyzylorda-news.kz/">Kyzylorda-news.kz.</a> «AMANAT»-тың Орталық аппаратында партияның Саяси кеңесінің отырысы өтті. Іс-шараға Саяси кеңес Бюросының мүшелері, Парламент депутаттары, өңірлік филиалдардың атқарушы хатшылары және басқа да партия мүшелері қатысты.
Жиынды ашқан «AMANAT»-тың Атқарушы хатшысы Асхат Оралов осы жылдың сәуір айынан бастап партияның жаңа Саяси тұғырнамасын әзірлеу бойынша ауқымды жұмыс жүргізілгенін атап өтті. Саясаттанушыларды, сарапшыларды, ҮЕҰ өкілдерін тарта отырып, жұмыс тобы құрылды.
<blockquote>«Құжат жобасы бастауыш партия ұйымдарында, партия филиалдарында жұртшылықпен қызу талқыланып, әлеуметтік сауалнама жүргізілді. Жалпы, мыңнан астам ұсыныс түсті. Партияның стратегиялық құжатында қоғам дамуының барлық негізгі беталыстарына баса мән берілді. «AMANAT»-тың жаңа Саяси тұғырнамасы партияның ең басты құндылықтары мен принциптерін және тұтастай алғанда, елдің келешегіне деген пайымын көрсетеді. Саяси кеңес мүшелерінің қарауына келіп түскен барлық ұсынысты ескере отырып, құжаттың түпкілікті редакциясы ұсынылды», - деді Асхат Оралов.</blockquote>
Тұғырнаманы әзірлеу жөніндегі жұмыс тобының мүшесі, «AMANAT» партиясынан сайланған Мәжіліс депутаты Ерлан Саировтың пікірінше, саяси құжат Қазақстан азаматтарының демократия мен плюрализмге деген сұранасына жауап береді.
<blockquote>«AMANAT» партиясының әрбір мүшесі осы құжаттың авторы болды деуге толық негіз бар. Сонымен бірге, тұғырнамаға ұлт, халық, мемлекет, мемлекеттік тіл, рухани болмыс ұғымдарының барлығы енген және ең негізгісі, халқымыздың бүгіні, болашағы қандай болады деген сауалға қатысты нақты тұжырдар бар», - деді халық қалаулысы.</blockquote>Сондай-ақ, жиын барысында «AMANAT» партиясы Түркістан облыстық филиалының атқарушы хатшысы Бейсенбай Тәжібаев және партия Саяси кеңесінің мүшесі, Шығыс Қазақстан облыстық мәслихатындағы партия фракциясы жетекшісінің орынбасары Инесса Чернышева және т.б сөз сөйледі.Партияның Саяси кеңесі отырысының қорытындысы бойынша 6 қазанда Астанада өтетін «AMANAT»-тың кезектен тыс XXIV съезінің күн тәртібі қабылданды.<img src="https://knadmin.beoblood.kz/uploads/310814312_477495257749449_233124714836171321_n_383806034f.jpg" alt="310814312_477495257749449_233124714836171321_n.jpg">

«AMANAT»: Саяси тұғырнаманың жобасы партия саяси кеңесінің отырысында талқыланды

<a href="https://kyzylorda-news.kz/">Kyzylorda-news.kz.</a> Астанада «AMANAT» партиясының кезектен тыс XXIV Съезі өтті. Іс-шараға 1200-ден астам адам қатысты. Олардың қатарында Саяси кеңестің мүшелері, Парламент депутаттары, өңірлерден келген делегаттар, сондай-ақ сарапшылар, үкіметтік емес ұйымдардың өкілдері және т. б. болды.
Күн тәртібіне сәйкес, бірінші кезекте алдағы президент сайлауына партиядан кандидат ұсыну мәселесі қаралды.
Өз сөзінде, «AMANAT» партиясының Төрағасы Ерлан Қошанов AMANAT партиясының атынан Қасым-Жомарт Тоқаевтың кандидатурасын ұсынды.
Съезд барысында 7 адам жарыссөзге шығып, олардың барлығы да алдағы кезектен тыс Президент сайлауына Қасым-Жомарт Тоқаевтың кандидатурасын қолдады және партияластарын да қолдауға шақырды.
Осыдан кейін делегаттар Қазақстан Республикасының президенттігіне AMANAT партиясының кандидаты ретінде Қ.Тоқаевты ұсыну мәселесін талқыға салып, бірауыздан қолдау көрсетті.
<blockquote>«AMANAT партиясы XXIV съезінің шешімімен Қасым-Жомарт Кемелұлы Тоқаев бірауыздан ҚР президенттігіне кандидат ретінде ұсынылады», - деді съезд шешімін жариялаған AMANAT партиясының Атқарушы хатшысы Асхат Оралов.</blockquote>
<img src="https://knadmin.beoblood.kz/uploads/310160710_680980206722470_8734855666491316728_n_05f2c19a03.jpg" alt="310160710_680980206722470_8734855666491316728_n.jpg">

AMANAT партиясы Қасым-Жомарт Тоқаевты президенттікке ұсыну шешімін қабылдады

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Бүгін «AMANAT» партиясы Қызылорда облыстық филиалының кезектен тыс XXІХ конференциясы өтті.
Алқалы жиында партияның жаңа саяси тұғырнамасының жобасы талқыланып, 6 қазан күні Астана қаласында өтетін партияның кезектен тыс ХXIV съезіне Сыр елінен делегаттар сайланды.
Конференция жұмысына облыс әкімі Нұрлыбек Нәлібаев, «AMANAT» партиясы облыстық филиалының саяси кеңесі мен саяси кеңес бюросы мүшелері, партияның аумақтық филиалдарының Атқарушы хатшылары, бастауыш партия ұйымдарының жетекшілері мен белсенділері, мәслихаттардағы фракция жетекшілері мен мүшелері және «Жастар Рухы» жастар қанаты мен бұқаралық ақпарат құралдарының өкілдері қатысты.
Жалпы атап өту керек, жыл басынан бастау алған елдегі саяси өзгерістер аясында «AMANAT» партиясы да толық жаңғыру жұмыстарын жүргізді. Партия атауы өзгеруімен қатар, оның негізгі бағдарламалық құжаттары да жаңаруда. Мәселен, бүгін талқыға түсіп отырған саяси тұғырнама жобасы партияның басты құжаттарының бірі десек болады. Жиынды ашқан «AMANAT» партиясы облыстық филиалының Атқарушы хатшысы Ләйлә Төрешова құжат жобасының бірнеше ай көлемінде түрлі сарапашылар пікірталасынан пайда болғандығын атап өтті.
<blockquote class="wp-block-quote">«Саяси Тұғырнама жобасын әзірлеу үшін «AMANAT» партиясы жанынан арнайы Жұмыс тобы құрылып, жоба республикалық және өңірлік деңгейлерде сарапшылық отырыстарда талқыланды. Барлық өңірлерден ұсыныстар жинау және әлеуметтік сауалнама жүргізу арқылы әрбір партия мүшесіне құжатқа қатысты өз пікірін айтуға мүмкіндік берілді. Әлеуметтік сауалнамаға еліміз бойынша 42 мыңнан астам партия мүшесі қатысып, олардан 1 000-ның үстінде ұсыныс жолданған. Бұл қатарда біздің жерлестеріміз де бар», &#8212; деді Ләйлә Төрешова.</blockquote>
Жалпы маңызды құжат жобасы бұған дейін партияның барлық Бастауыш партия ұйымдарында, аумақтық филиалдары конференцияларында талқыланып, бүгін облыстық конференция қарауына ұсынылды.
Жиында облыстық мәслихат хатшысы Наурызбай Байқадамов пен саясаттанушы Сәулет Сахиев сөз алып, Тұғырнаманың негізгі мақсаты мен онан туындайтын міндеттер төңірегінде кеңінен хабарлама жасады.
Мәселен, Науырзбай Байқадамов Тұғырнамада елдің тәуелсіздігі, әділеттілік, халықтың бірлігі, партияның болашаққа деген көзқарасы, даму бағдарлары, қағидаттары мен саяси мақсаттарды толық қамтитындығын жеткізді.
«Қоғамдық келісім» Коммуналдық мемлекеттік мекемесі директорының орынбасары, саясаттанушы Сәулет Сахиев ең алдымен саяси құжаттың толығымен қазақ тілінде жазылғандығы сондай-ақ, «Адам – Қоғам – Мемлекет» қағидасы бойынша құрылып, мұнда әрбір азаматтың әл-ауқаты басты назарға алынғандығын айтты.
<blockquote class="wp-block-quote">«Адам капиталы ұғымы бұрын тек жеке адамның бойындағы бай рухани құндылықтармен бағаланып, өлшенді деп түсініп келсек, жаңа Тұғырнама жобасында ол елдің жоғары экономикалық көрсеткіші ретінде бағаланып отыр», &#8212; деді Сәулет Сахиев.</blockquote>
Мұнан соң күн тәртібіне сәйкес конференция шешімімен Сыр өңірінен «AMANAT» партиясының кезектен тыс ХXIV Съезіне қатысатын 35 делегат сайланды.
Жиын соңында облыс әкімі Нұрлыбек Нәлібаев сөз алып, елдегі жүргізіліп жатқан реформалар сайлау жүйесі мен саяси партияларды дамытуға арналып отырғандығын тілге тиек етіп, талқылауға түскен жаңа Тұғырнаманың ел дамуының жаңа кезеңінің басты идеологиялық құжаты болатынына сенім білдірді. Сондай-ақ съезге қатысатын жерлестерге сәттілік тіледі.
<blockquote class="wp-block-quote">«Еліміздегі қабылданған реформалар сайлау жүйесі мен саяси партияларды дамытуға арналғанын да ескерсек, баршамыз демократия дәстүрлерін одан әрі нығайтып, өзара жауапкершілік пен сенімге негізделген жаңа саяси мәдениетті қалыптастыруға белсенді қатысуымыз қажет. Бұл үшін барлығымыз Мемлекет басшысының әрбір бастамасына қолдау білдіріп, басты құндылықтар болып табылатын – тәуелсіздік, жалпыұлттық бірлік, бәсекеге қабілетті экономика, білімді өркендеген қоғам, заң және тәртіп секілді ортақ басымдықтарды сақтап қана қоймай, оны әрі қарай нығайтуымыз керек, &#8212; деді аймақ басшысы.</blockquote>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/309534103_473370141495294_2480554237516930206_n.jpg" alt="" class="wp-image-168412" srcset="https://kyzylorda-news.kz/wp-content/uploads/2022/09/309534103_473370141495294_2480554237516930206_n.jpg 1280w, https://kyzylorda-news.kz/wp-content/uploads/2022/09/309534103_473370141495294_2480554237516930206_n-768x512.jpg 768w" sizes="(max-width: 1280px) 100vw, 1280px" /></figure></div>
<div class="wp-block-image"><figure class="aligncenter size-full"><img loading="lazy" width="1280" height="853" src="https://kyzylorda-news.kz/wp-content/uploads/2022/09/310292646_473370118161963_8853511958966785393_n.jpg" alt="" class="wp-image-168413" srcset="https://kyzylorda-news.kz/wp-content/uploads/2022/09/310292646_473370118161963_8853511958966785393_n.jpg 1280w, https://kyzylorda-news.kz/wp-content/uploads/2022/09/310292646_473370118161963_8853511958966785393_n-768x512.jpg 768w" sizes="(max-width: 1280px) 100vw, 1280px" /></figure></div>

Қазақстан және Қызылорда облысының жаңалықтары: Саясат