<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Парламенті Мәжілістің жалпы отырысында палата Төрағасы лауазымына Ерлан Қошановтың кандидатурасы ұсынылды.Атап айтқанда, ҚР Конституциясы 58-бабының 1-тармағына сәйкес, ҚР Парламенті Мәжілісінің төрағасы мемлекеттік тілді еркін меңгерген депутаттар арасынан Палата депутаттары жалпы санының көпшілік даусымен жасырын дауыс беру арқылы сайланады.Ерлан Қошановтың кандидатурасын Мәжіліс депутаты Бақтықожа Ізмұхамбетов ұсынды.<blockquote>«Сегізінші шақырылымдағы Парламент Мәжілісінің төрағалығына Қазақстанның мемлекет әрі саяси қайраткері, «AMANAT» партиясының төрағасы Ерлан Қошановты ұсынамын», - деді Б. Ізмұхамбетов.</blockquote>

Мәжіліс төрағасы лауазымына Ерлан Қошановтың кандидатурасы ұсынылды

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев VIII сайланған Қазақстан Республикасы Парламентінің бірінші сессиясында Премьер-Министрдің кандидатурасын сайлауда жеңіске жеткен «Amanat» партиясы ұсынатынын айтты, деп хабарлайды ҚазАқпарат.<blockquote>«Мен Премьер-министрдің кандидатурасын сайлауда жеңіске жеткен партия Мемлекет басшысына ұсынуға құқылы деп айттым. Осы ретте, саяси жауапкершілік те сол партияға жүктеледі», - деді Мемлекет басшысы.</blockquote>Мемлекет басшысының айтуынша, бұл тәсіл «күшті Президент – ықпалды Парламент – есеп беретін Үкімет» тұжырымдамасына сай келеді.<blockquote>«Үкімет әлеуметтік-экономикалық реформаларды іске асыруға тиіс. Болашақта Үкіметтегі және аймақтардағы басшылық қызметтерге түрлі партия өкілдерін тартқан жөн. Ол үшін саяси партиялардың кадрлық резервін жасақтауды ұсынамын. Сондай-ақ, өкілді және атқарушы биліктің қарым-қатынасы жаңаша сипатқа ие болады», - деді Қасым-Жомарт Тоқаев.</blockquote>Айта кетейік, елордада Мемлекет басшысы Қасым-Жомарт Тоқаевтың қатысуымен VIII сайланған Қазақстан Республикасы Парламентінің <a href="https://www.inform.kz/kz/astanada-viii-saylangan-kr-parlamentinin-birinshi-sessiyasy-ashyldy_a4050666">бірінші сессиясы</a> өтіп жатыр.

Премьер-Министрдің кандидатурасын Amanat партиясы ұсынады

<a href="https://kyzylorda-news.kz/">Kyzylorda-news.kz.</a>&nbsp; &nbsp;Депутаттар ел мүддесі үшін қызмет етуі қажет. Бұл туралы Парламент палаталарының бірлескен отырысында Мемлекет басшысы Қасым-Жомарт Тоқаев айтты, деп хабарлайды ҚазАқпарат.<blockquote>«Ақпараттық технология дамыған қазіргі заманда халық бәрін жіті бақылап отыр. Осы ретте, депутаттардың ел алдындағы жауапкершілігі артқанын атап өткен жөн. Сондықтан, осы ғимаратта отырған депутаттар 5 жыл бойы саналы, парасатты түрде белсенді жұмыс істейді деп сенемін. Себебі, ел мүддесі үшін қызмет ету қажет. Бұл – «Мемлекеттік биліктің бірден-бір бастауы – халық» деген қағиданың тағы бір көрінісі», - деді Қасым-Жомарт Тоқаев.</blockquote>Президент сайлау науқанына өте көп адам қатысқанын атап өтті.<blockquote>«Бұл – қалыпты үрдіс. Олардың арасында мақсаты, ұстанымы әртүрлі жандар бар. Қазір елдің көзі ашық, көкірегі ояу, саяси сауаты жоғары. Кез келген сайлауда жеңіске жету үшін жылдар бойы қажырлы еңбек ету қажет. Халықтың және тарихтың алдындағы жауапкершілікті сезіну керек. Бір сөзбен айтсақ, ұзақ мерзімді, жүйелі стратегияның арқасында ғана жеңіске жетуге болады. Қажетті дауыс жинай алмаған үміткерлер үшін де бұл – үлкен тәжірибе және жаңа мүмкіндік. Баршаңызды Қазақстан мүддесі үшін жұмылып жұмыс істеуге шақырамын», - деді Мемлекет басшысы.</blockquote>

Депутаттар ел мүддесі үшін қызмет етуі қажет - Мемлекет басшысы

<a href="https://kyzylorda-news.kz/">Kyzylorda-news.kz.</a>&nbsp; Жаңадан сайланған Қазақстан Республикасы Парламенті Мәжілісінің алдында Қазақстан Республикасы Үкіметі өкілеттігін доғарды. Жаңа құрам бекітілгенге дейін Үкімет өз міндеттерін атқаратын болды, деп хабарлайды Ақорданың баспасөз қызметі. ***Қазақстан Республикасының Үкіметі туралы2023 жылғы 29 наурызҚазақстан Республикасы Конституциясының 70-бабының 1-тармағына, «Қазақстан Республикасының Үкіметі туралы» Қазақстан Республикасы Конституциялық заңының 4-бабына сәйкес жаңадан сайланған Қазақстан Республикасы Парламенті Мәжілісінің алдында Қазақстан Республикасы Үкіметінің өкілеттігін доғаруына байланысты ҚАУЛЫ ЕТЕМІН:1. Қазақстан Республикасы Үкіметінің жаңа құрамы бекітілгенге дейін Қазақстан Республикасының Үкіметі өз міндеттерін атқаратын болсын.2. Осы Жарлық қол қойылған күнінен бастап қолданысқа енгізіледі.Қазақстан РеспубликасыныңПрезиденті Қ.ТоқаевАстана, Ақорда, 2023 жылғы 29 наурыз№ 158

Қазақстан үкіметі отставкаға кетті

<a href="https://kyzylorda-news.kz/">Kyzylorda-news.kz.</a>&nbsp; Елордада VIII сайланған Қазақстан Республикасы Парламентінің бірінші сессиясы ашылды. Жиынға Мемлекет басшысы Қасым-Жомарт Тоқаев қатысуда, деп хабарлайды ҚазАқпарат.Парламент палаталарының бірлескен отырысы республикалық телеарналарда және әлеуметтік желілерде тікелей эфирден көрсетіліп жатыр. Жиынға жаңадан сайланған депутаттар, мемлекеттік органдардың басшылары, Ұлттық құрылтай мүшелері, қоғам қайраткерлері қатысуда.Сонымен бірге сессияның ашылуы барысында Мемлекет басшысы Қасым-Жомарт Тоқаев сөз сөйлейді.Еліміздегі басты саяси науқан – Мәжіліс сайлауы <a href="https://www.inform.kz/kz/mazhilis-deputattarynyn-tolyk-tizimi_a4050329">мәресіне</a> жетті. Бұған дейін 7 рет шақырылған Парламент Мәжілісі тарихында алғаш рет 6 партия өкілі заң шығарушы органның 69 мандатына ие болды. Ұзақ жылдық үзілістен кейін бір мандаттық округтер бойынша 29 депутат жеке-дара сайлауға түсіп, іріктеліп шықты.Еске сала кетсек, 19 қаңтарда Президент Қасым-Жомарт Тоқаев жетінші сайланған ҚР Парламентінің Мәжілісін тарату және <a href="https://www.inform.kz/kz/mazhilis-deputattaryn-kezekten-tys-saylau-19-nauryzga-belgilendi_a4025522">19 наурыз күні</a> Парламент Мәжілісі депутаттарының кезектен тыс сайлауын тағайындау туралы Жарлыққа қол қойған еді.Мәжіліс құрамында 107 депутат бар еді. Ал жаңадан жасақталатын Мәжілісте Қазақстан халқы Ассамблеясы атынан сайланатын 9 мандат қысқарып, 98 депутат қалды және олардың өкілеттік мерзімі – бес жылды құрамақ.Мәжіліс депутаттарының 70 пайызы партиялық тізім арқылы, ал қалған 30 пайызы – бір мандатты округтерден сайланды. Үміткерлер сайлауға партиялар мен үкіметтік емес ұйымдар атынан қатысты және өзін-өзі ұсынды.Саяси партияларды тіркеу рәсімі де айтарлықтай жеңілдеген еді. Бұрын партия құру үшін құрамындағы адам саны 20 мыңға жетуі тиіс еді, ал қазір 5 мыңға дейін қысқартылды. Партиялардың аймақтардағы өкілдіктерінде, әр өңірде кемінде 600 жақтас болуы шарт еді, бүгінде саяси ұйымның тіркелуі үшін әр аймақтан 200 адам жеткілікті.Партиялардың Парламентке өтуі үшін ең төменгі шегі 7 пайыздан 5 пайызға төмендетілді. Әйелдер, жастар және ерекше мұқтаждығы бар адамдарға 30% квота сақталады.Осылайша, Мәжіліс сайлауына 7 саяси партия қатысып, олардың алтауы Парламент Мәжілісіне өтті. Кеше Орталық сайлау комиссиясы Парламент Мәжілісінің <a href="https://www.inform.kz/kz/mazhilistin-8-saylanym-deputattary-resmi-tirkeldi_a4050440">8-сайланымы</a> депутаттарын тіркеді.

Астанада VIII сайланған ҚР Парламентінің бірінші сессиясы ашылды

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда облыстық филиалының Саяси кеңесі Бюросының отырысы өтті. Жиынның күн тәртібіне Қызылорда облыстық мәслихатының депутаттық мандаттарын бөлу кезектілігін белгілеу туралы мәселе ұсынылып қаралды.<blockquote>«AMANAT» партиясы Жарғысының 9.8.3 - тармағына сәйкес Қызылорда облыстық мәслихатының депутаттық мандаттарын бөлу кезектілігін белгілеуіміз керек. Өздеріңіз білетіндей «AMANAT» партиясы облыстық сайлау комиссиясының ресми мәлімдеуінше аймақтағы сайлаушылар дауысының 68,51 пайызын иеленді. Бұл көрсеткіш біздің партияға облыстық мәслихат депутаттары мандатының 50 пайыздық партиялық тізім бойынша бөлінісіндегі 13 орнын иеленуге мүмкіндік береді,- деді жиында сөз алған партияның облыстық филиалының төрағасы Наурызбай Байқадамов.</blockquote>Партия филиалының төрағасы сонымен қатар депутаттық мандатқа алғашқы кезекте ұсынылмаған азаматтардың облыста кадрлық және партиялық резервке ұсынылып жатырғандығына тоқталды. Сонымен қатар, партия Жарғысының 9.8.5 тармағында көрсетілгендей, Қазақстан Республикасының заңнамалық актілеріне сәйкес мәслихаттардың сайланған депутаттарын кері шақырту мен ротациялаудың жүзеге асырылатындығы және осы орындарға кезектілік бойынша резервтегі азаматтар ұсынылатындығын атап өтті.&nbsp;Бюроның қорытындысымен 13 азамат «AMANAT» партиясы атынан партиялық тізім бойынша облыстық мәслихат депутаты мандатын иеленді. Сайлау науқанына белсенді қатысқан барлық әріптестерімізге ризашылығымызды білдіріп, партияның алдағы міндеттерін бірігіп жүзеге асыруға шақырамыз.&nbsp;

«Amanat» партиясы партиялық тізіммен облыстық мәслихаттан 13 мандатты иеленеді 

<a href="https://kyzylorda-news.kz/">Kyzylorda-news.kz.</a>&nbsp; Amanat партиясынан мәжіліске кімдер өткені белгілі болды, - деп хабарлайды партияның баспасөз қызметі. &nbsp;Amanat партиясының Саяси кеңесі Бюросының шешімімен 40 кандидаттың тізімі бекітіліп, ҚР Парламенті Мәжілісінің VIII шақырылымының депутаттары ретінде тіркеу үшін Орталық сайлау комиссиясына жолданды.Мәжілістегі Amanat партиясы фракциясының жаңа құрамындағы әйелдер, 35 жасқа дейінгі жастар және ерекше қажеттілігі бар адамдардың үлесі 32 пайыз болды.Олардың ішінде:1. &nbsp; &nbsp; &nbsp;Абдиев Ерлан Тұрсынбайұлы2. &nbsp; &nbsp; &nbsp;Авершин Константин Викторович3. &nbsp; &nbsp; &nbsp;Адамбеков Тілектес Серікбайұлы4. &nbsp; &nbsp; &nbsp;Аймағамбетов Асхат Қанатұлы5. &nbsp; &nbsp; &nbsp;Әбенов Мұрат Абдуламитұлы6. &nbsp; &nbsp; &nbsp;Әшімбетов Нұржан Кемерұлы7. &nbsp; &nbsp; &nbsp;Әшімжанов Жанарбек Садықанұлы8. &nbsp; &nbsp; &nbsp;Әлтай Аманжол Дүйсенбайұлы9. &nbsp; &nbsp; &nbsp;Бәшімов Марат Советұлы10. &nbsp; &nbsp;Бейсенбаев Елнұр Сабыржанұлы11. &nbsp; &nbsp;Бейсенғалиев Берік Тұрсынбекұлы12. &nbsp; &nbsp;Дементьева Наталья Григорьевна13. &nbsp; &nbsp;Ергешбаев Мұрат Нәлхожаұлы14. &nbsp; &nbsp;Елеуов Ғалымжан Алмасбекұлы15. &nbsp; &nbsp;Заитов Ринат Рифхатұлы16. &nbsp; &nbsp;Имашева Снежанна Валерьевна17. &nbsp; &nbsp;Ізмұхамбетов Бақтықожа Салахатдинұлы18. &nbsp; &nbsp;Казанцев Павел Олегович19. &nbsp; &nbsp;Керімбек Болат Бақбергенұлы20. &nbsp; &nbsp;Колода Дмитрий Владимирович21. &nbsp; &nbsp;Қошанов Ерлан Жақанұлы22. &nbsp; &nbsp;Құспан Айгүл Сайфоллақызы23. &nbsp; &nbsp;Кучинская Юлия Владимировна24. &nbsp; &nbsp;Мұсабаев Самат Базарбайұлы25. &nbsp; &nbsp;Нұртаза Самат Русланұлы26. &nbsp; &nbsp;Пономарев Сергей Михайлович27. &nbsp; &nbsp;Рау Альберт Павлович28. &nbsp; &nbsp;Рожин Максим Николаевич29. &nbsp; &nbsp;Савельева Татьяна Михайловна30. &nbsp; &nbsp;Саиров Ерлан Бияхметұлы31. &nbsp; &nbsp;Сарым Айдос Әміроллаұлы32. &nbsp; &nbsp;Сарсенғалиев Нартай Аралбайұлы33. &nbsp; &nbsp;Смағұлов Бауыржан Әміржанұлы34. &nbsp; &nbsp;Смышляева Екатерина Васильевна35. &nbsp; &nbsp;Сүлейменова Жұлдыз Досбергенқызы36. &nbsp; &nbsp;Тәкиев Мәди Төкешұлы37. &nbsp; &nbsp;Толықбай Мақсат Мәлікұлы38. &nbsp; &nbsp;Тұрганов Дүйсенбай Нұрбайұлы39. &nbsp; &nbsp;Шапақ Үнзила Шапаққызы40. &nbsp; &nbsp;Шаталов Никита СергеевичЕске салайық, партиялық тізімдер бойынша Парламент Мәжілісі депутаттарының кезектен тыс сайлау қорытындысына сәйкес, Amanat сайлаушылардың 53,9 пайыз дауысын жинады. Бұл 40 депутаттық мандатқа сәйкес келеді. &nbsp;<figure class="image"><img src="https://knadmin.beoblood.kz/uploads/128da28f14cdec2f19d1fcb4872b283f_0be596d7fe.jpg" alt="128da28f14cdec2f19d1fcb4872b283f.jpg"></figure>

Amanat партиясы: Қызылордадан Мәжіліске кім өткені белгілі болды  

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы сегізінші сайланған Қазақстан Республикасы Парламентінің бірінші сессиясын шақыру туралы Жарлыққа қол қойды.«Қазақстан Республикасы Конституциясының 59-бабының 2-тармағына сәйкес ҚАУЛЫ ЕТЕМІН:1. Сегізінші сайланған Қазақстан Республикасы Парламентінің бірінші сессиясы 2023 жылғы 29 наурызда сағат 10.00-де Астана қаласында шақырылсын.2. Осы Жарлық қол қойылған күнінен бастап қолданысқа енгізіледі.Қазақстан Республикасының Президенті Қ.ТоқаевАстана, Ақорда, 2023 жылғы 27 наурыз, №153», - делінген құжатта.

Парламенттің алғашқы сессиясы 29 наурызда өтетін болды

<a href="https://kyzylorda-news.kz/">Kyzylorda-news.kz.</a> Орталық сайлау комиссиясы ҚР Парламент Мәжілісі депутаттарының кезектен тыс сайлауының түпкілікті қорытындысын шығарды.&nbsp;&nbsp;1. Amanat партиясы – 53,90% немесе 3 431 510 адам дауыс берді;2. «Ауыл» халықтық-демократиялық партиясы – 10,90% немесе 693 938 адам дауыс берді;3. Respublica партиясы – 8,59% немесе 547 154 адам дауыс берді;4. Қазақстан халық партиясы – 6,8% немесе 432 920 адам дауыс берді;5. «Байтақ» жасылдар партиясы – 2,30% немесе 146 431адам дауыс берді;6. «Ақ жол» Қазақстан демократиялық партиясы – 8,41% немесе 535 139 адам дауыс берді;7. Жалпыұлттық социал-демократиялық партиясы – 5,20% немесе 331 058 адам дауыс берді;«Бәріне қарсымын» бағаны – 3,90% немесе 248 291 адам дауыс берді.ОСК төрағасы Нұрлан Әбдіровтың дерегінше, 5 және одан да көп пайыз дауыс жинаған саяси партиялардың арасында Мәжіліс депутатының мандаттары былай бөлінді:1. Amanat партиясы – 40 мандат;2. «Ауыл» халықтық-демократиялық партиясы – 8 мандат;3. Respublica партиясы – 6 мандат;4. Қазақстан халық партиясы – 5 мандат;5. «Ақ жол» Қазақстан демократиялық партиясы – 6 мандат;6. Жалпыұлттық социал-демократиялық партия – 4 мандат.Еске салайық, 19 наурызда Қазақстан Республикасы Парламенті Мәжілісі депутаттарының сайлауы өтті. Бұл жолы кандидаттар партиялық тізім негізінде және бір мандатты округтер бойынша сайлауға қатысты.Мәжіліс сайлауына 7 саяси партия тіркеліп, оның алтауы 5%-дан жоғары дауыс жинады.&nbsp; &nbsp;

Мәжіліске өткен партиялар анықталды

<a href="https://kyzylorda-news.kz/">Kyzylorda-news.kz.</a> &nbsp;Орталық сайлау комиссиясы бірмандатты округтер бойынша Мәжіліс депутатының мандатын иеленген кандидаттардың тізімін жариялады.ОСК шығарған түпкілікті қорытындыға сай, бірмандатты округтер бойынша мына кандидаттар Мәжіліс депутаты болып сайланды:Астана қаласы №1 сайлау округі бойынша Дәулет Тұрлыханов 71 698 дауыс жинады;Астана қаласы №2 сайлау округі бойынша Дәулет Мұқаев 51 769 дауыс жинады;Алматы қаласы №3 сайлау округі бойынша Ермұрат Бапи 23 690 дауыс жинады;Алматы қаласы №4 сайлау округі бойынша Ерлан Стамбеков 15 930 дауыс жинады;Алматы қаласы №5 сайлау округі бойынша Бақытжан Базарбек 22 685 дауыс жинады;Шымкент қаласы №6 сайлау округі бойынша Данабек Исабеков 21 098 дауыс жинады;Шымкент қаласы №7 сайлау округі бойынша Болатбек Нәжметдинұлы 19 851 дауыс жинады;Абай облысындағы №8 сайлау округі бойынша Нұртай Сабильянов 131 872 дауыс жинады;Ақмола облысындағы №9 сайлау округі бойынша Айна Мысырәлімова 154 587 дауыс жинады;Ақтөбе облысындағы №10 сайлау округі бойынша Қазыбек Әбішев 238 195 дауыс жинады;Алматы облысындағы №11 сайлау округі бойынша Ардақ Назаров 122 242 дауыс жинады;Алматы облысындағы №12 сайлау округі бойынша Данияр Қасқарауов 153 225 дауыс жинады;Атырау облысындағы №13 сайлау округі бойынша Әділ Жұбанов 107 973 дауыс жинады;Батыс Қазақстан облысындағы №14 сайлау округі бойынша Абзал Құспан 126 784 дауыс жинады;Жамбыл облысындағы №15 сайлау округі бойынша Мұқаш Ескендіров 99 021 дауыс жинады;Жамбыл облысындағы №16 сайлау округі бойынша Гүлдара Нұрымова 190 078 дауыс жинады;Жетісу облысындағы №17 сайлау округі бойынша Руслан Қожасбаев 132 678 дауыс жинады;Қарағанды облысындағы №18 сайлау округі бойынша Құдайберген Бексұлтанов 132 471 дауыс жинады;Қарағанды облысындағы №19 сайлау округі бойынша Арман Қалықов 145 228 дауыс жинады;Қостанай облысындағы №20 сайлау округі бойынша Еркін Әбіл 181 175 дауыс жинады;Қызылорда облысындағы №21 сайлау округі бойынша Мархабат Жайымбетов 148 646 дауыс жинады;Маңғыстау облысындағы №22 сайлау округі бойынша Еділ Жаңбыршин 117 880 дауыс жинады;Павлодар облысындағы №23 сайлау округі бойынша Амантай Жарқынбек 168 625 дауыс жинады;Солтүстік Қазақстан облысындағы №24 сайлау округі бойынша Еркебұлан Мамбеков 153 736 дауыс жинады;Түркістан облысындағы №25 сайлау округі бойынша Қайрат Балабиев 142 595 дауыс жинады;Түркістан облысындағы №26 сайлау округі бойынша Ұласбек Сәдібеков 92 445 дауыс жинады;Түркістан облысындағы №27 сайлау округі бойынша Темір Қырықбаев 117 584 дауыс жинады;Ұлытау облысындағы №28 сайлау округі бойынша Ерболат Сатыбалдин 44 406 дауыс жинады;Шығыс Қазақстан облысындағы №29 сайлау округі бойынша Лұқбек Тұмашинов 165 596 дауыс жинады.&nbsp;

Сайлау-2023: Қызылорда облысынан Мәжіліске кім барады?

<a href="https://kyzylorda-news.kz/">Kyzylorda-news.kz.</a> Жалағаш ауданы бойынша барлық сайлау учаскесінде Наурыз мерекесі тойланып, жергілікті өнерпаздар сайлаушыларға мерекелік көңіл-күй сыйлады.Сайлау учаскесінің алды тақырыпқа сай этно бағытта безендірілген. Мұнан өзге, арнайы шатырлар құрылып, сайлаушыларға ұлттық тағамдар ұсынылды.Сондай-ақ, тұрғындар арасында ұлттық спорт түрлерінен жарыстар өткізілуде. Жарыс жеңімпаздары мен жүлдегерлеріне мадақтама грамоталары мен сыйлықтар табысталады.Бүгінгі сайлау қазақстандықтар үшін өте маңызды. Өйткені бүгін халық қалаулыларына жауапкершілік жүгін артатын күн. Бұл тұста жалағаштықтар да бірліктің үлгісін көрсетіп, ертелетіп өздеріне қарасты участіктерге келуде. Біз табан тіреген Еңбектегі сайлау округінің жұмысы қызу қарқын алыпты.Еңсесін тіктеген елді мекендегі жұртшылық Ұлыстың Ұлы күнімен тұспа-тұс келген саяси науқанды ерекше көңіл-күймен қарсы алды. Әсіресе таңдауын жасап, ел ісіне атсалысуға асыққан бір топ алтын құрсақты аналар көрген көзді сүйсіндірді. Отыз жылдық тарихы бар «Батыр аналар» ансамбілінің әрбір мүшесі өз даусының маңызды екенін жақсы біледі. «Ел ертеңі үшін жасалған әр істе тек бірлік керек» деген ақжаулық иелері ізгі тілектерін жаудырып қоя берді.«Біз жас емеспіз, бірақ қазақ халқының ертеңі үшін, тәуелсіз еліміздің мәңгілік болуы үшін әрбіріміздің қосар үлесіміз бар екенін білеміз. Саяси науқанның маңыздылығын ескергендіктен, барлығымыз бірге дауыс беруге келдік. Алдағы уақытта депутат болып сайланатын азаматтардың барлығы да ел мүддесіне жұмыс істейді деп сенеміз. Мақсат, абырой ортақ болса, кез келген белесті бағындыруға болады. Бұл жолда тек қана сәттілік тілейміз» дейді алтын құрсақты аналар. Иә, төл өнерді дәріптеп, қазақы салт-дәстүрімізді насихаттап жүрген аналар ансамбілінің аудандағы алар орны ерекше. Әсіресе мәдениет саласының көш ілгері болуына үлкен үлесін қосты. Қазіргі таңда 14 ана батыр аналардың осы жолдағы жұмысын жандандырып, өнерді өрге сүйреді.Айта кетейік, бірнеше жыл бұрын батыр ана, ақжаулықты әжелер эстафетасын аталған ауылдың жас 16 батыр анасына табыс етті. Батыр аналардың жолын жалғастыруды мақсат еткен жас аналардан құралған ансамбль бүгінде өскелең ұрпақты ұлттық үрдісте тәрбиелеу, халыққа қызмет көрсету, ұрпаққа үлгі-өнеге қалдыру жолында аянбай тер төгіп келеді. Аналар ізін жалғаған алтын құрсақты жас аналарда саяси науқаннан шет қалмайды. Анасын ардақтаған ауылдағы тындырымды тірлікке, бірлігі жарасқан берекелі өміріне біз де сүйсініп қайттық.Айта кету керек, Еңбектегі сайлау учаскесінде тұрғындар өз таңдауын жасап, ел ертеңіне жұмыс істейді деген үміткеріне дауыс берді. Батыр аналармен қатар жастар да, орта буын өкілдері де белсенділік танытып, халық қалаулыларын таңдауға асығуда. Асыл аналардың ақ батасымен басталған науқан қызу жүруде және ешқандай кемшілік байқалмады. Әлі де науқан соңына дейін қалған сайлаушылар таңдауларын жасайды деп сенеміз.&nbsp;

Сайлау учаскелерінде наурыз мерекесі тойлануда

<a href="https://kyzylorda-news.kz/">Kyzylorda-news.kz.</a>&nbsp; 19 наурызда ҚР Парламенті Мәжілісі және мәслихаттар депутаттарының кезектен тыс сайлауы өтеді. &nbsp;Сайлауда дауыс берушілерге 5 түрлі бюллетень ұсынылады.Партиялық тізім бойынша сайланатын ҚР Парламенті Мәжілісінің депутаттарын сайлау бойынша дауыс беруге арналған сайлау бюллетеньдері көк түсті болып белгіленді.<img class="image_resized" style="width:510px;" src="https://inbusiness.kz/uploads/2023-3/m4HO8Ffs.jpg" alt=""><img class="image_resized" style="width:486px;" src="https://inbusiness.kz/uploads/2023-3/JCwSE9fs.jpg" alt="">&nbsp;Ал бірмандаттық округ бойынша жасыл түсті бюллетеньдер белгіленді.<img class="image_resized" style="width:510px;" src="https://inbusiness.kz/uploads/2023-3/ANwYQgiw.jpg" alt=""><img class="image_resized" style="width:485px;" src="https://inbusiness.kz/uploads/2023-3/sCSYKSLY.jpg" alt="">&nbsp;Партиялық тізім бойынша облыстық мәслихат депутаттарын сайлау жөніндегі бюллетеннің түсі - күлгін.<img class="image_resized" style="width:510px;" src="https://inbusiness.kz/uploads/2023-3/eVKaAM9G.jpg" alt=""><img class="image_resized" style="width:483px;" src="https://inbusiness.kz/uploads/2023-3/jpMBD2JC.jpg" alt="">&nbsp;Ал бірмандаттық округ бойынша сайлау бюллетені - қызылсары түсті.<img class="image_resized" style="width:381px;" src="https://inbusiness.kz/uploads/2023-3/X5Qz82MW.jpg" alt=""><img class="image_resized" style="width:381px;" src="https://inbusiness.kz/uploads/2023-3/D9wbtdCG.jpg" alt="">&nbsp;Бірмандаттық округ бойынша қалалық немесе аудандық мәслихат депутаттарын сайлау жөніндегі бюллетеннің түсі сұр болып белгіленді.<img class="image_resized" style="width:383px;" src="https://inbusiness.kz/uploads/2023-3/tYDlZJwg.jpg" alt=""><img class="image_resized" style="width:378px;" src="https://inbusiness.kz/uploads/2023-3/6LxgMzt0.jpg" alt="">

Қазақстан және Қызылорда облысының жаңалықтары: Саясат