<a href="https://kyzylorda-news.kz/">Kyzylorda-news.kz</a>&nbsp; Қазалы ауданындағы орталық стадионда 7 мамыр – Отан қорғаушылар күніне орай оқушылар арасында әскери-қолданбалы спорт түрлерінен аудандық сайыс өтті. Жарысқа аудан мектептерінде білім алып жүрген жоғары сынып оқушылары қатысып, бақ сынады.Салтанатты шара басталмас бұрын ортаға Қазақстан Республикасының мемлекеттік туы әкелініп, Гимн орындалды. Бұдан соң, Қазалы ауданы әкімінің орынбасары Дәурен Тілеуімбетов жарысқа қатысушыларды мерекемен құттықтап, Қазалы ауданы әкімі Мейрамбек Зинабдинұлының ыстық ықыласын жеткізді.Ал, шараның құрметті қонағы, Ауған соғысының ардагері, генерал - майор, жерлесіміз Ерниязов Әлімжан жастарды отансүйгіштікке шақырды.<blockquote>– Қазақстан Республикасының Қарулы күштерінің құрылған күні, Отан қорғаушылар мерекесі құтты болсын, құрметті жас достар. Қазіргідей бейбіт заманда өмір сүріп жатқан біз бақыттымыз. Дегенмен, «Сақтансаң – сақтаймын» деген тәмсілді жете түсінуіміз керек. Өздеріңіз сынды ұл-қыздар алмағайып заман туа қалса ереуіл атқа ер салып, егеулі найза қолға алуға машықтанған болуы міндет. Сондықтан, мұндай шара мен сайыстардың келешек мықты армия құруымызға септесетіні сөзсіз. Сайыста сәттілік серік болсын, – деді Әлімжан Қанағатұлы.</blockquote>Спорттық сайыс бірнеше кезеңге бөлінді. Жас сарбаздар ең алдымен, саптық байқау бойынша тартысты. Әр бағыт бойынша бөлінген взводтар шеберліктерін көрсетіп, өзара мықтыны анықтады.Мерекелік шараны ауданның бас ұстазы Әділхан Жөлекешов қорытындылап, жеңімпаздарды марапаттады.

Жас сарбаздар сайысты

<a href="https://kyzylorda-news.kz/">Kyzylorda-news.kz</a>&nbsp; Тергеу ішкі істер органдарында қылмыстарды тергеуді, анықтауды және ашуды қамтамасыз ететін және тергеу, анықтау және әскери-тергеу бөліністерін үйлестіруді жүзеге асыратын бағыт болып табылады.&nbsp;Негізгі функцияларына ішкі істер органдарының тергеуіне жатқызылған қылмыстардың жан-жақты, толық және объективті тергелуін қамтамасыз ету мақсатында тергеу, анықтау бөліністерін және әскери-тергеу бөліністерін ұйымдастырушылық-әдістемелік басқару және аймақтық бақылау; тергеу, анықтау бөліністерінің және әскери-тергеу бөліністерінің қызметін ақпараттық-аналитикалық қамтамасыз ету; қылмыс жасаған адамдарды уақтылы әшкерелеу және қылмыстық жауапкершілікке тарту, жасалған қылмыстар үшін жазаның бұлтартпастығын қамтамасыз ету; әскери қылмыстардың алдын алу, анықтау, жолын кесу және ашу кіреді. Сонымен қатар, қылмыстық істерді тергеу барысында азаматтардың, ұйымдардың және мемлекеттің құқықтары мен заңды мүдделерін қорғау; қылмыстық іс жүргізу саласындағы халықаралық ынтымақтастық пен қылмыстар профилактикасы мен қылмыстарды анықтаудың, ашудың және тергеудің отандық және шетелдік оң тәжірибені зерделеу, жалпылау және ішкі істер органдарының практикасына енгізу жатады. Сондықтан да, тергеу – ең ауыр, ең күрделі қызметтердің бірі саналады. Бұл саланың тарихы да, тереңнен бастау алады. Тікелей адам тағдырын шешетін тергеушілердің маңыздылығы мен ішкі істер органдарындағы орны ерекшеленіп тұрады.Кеңес Одағы ыдырағаннан кейін еліміздің тәуелсіздігімен қатар тергеу аппаратының да дербес даму кезеңі басталды. Бірақ алғашқы сәттен-ақ ішкі істер органдары үлкен сынаққа ұшырады. Әлеуметтік жағдайдың төмен болуына байланысты Қазақстанда қылмыстық топтар бас көтеріп, қанат жайды. Қылмыскерлер заңның осалдығын пайдаланып, еркін әрекет етті. Қызметтегі түрлі өзгерістер мен қиындықтарға қарамастан тергеушілер өз міндеттерін адал орындады. Қылмыс орындарына барып, айғақтар мен дәлелдемелер жинап, күдіктілерден жауап алды.Бассыздықты жойып, ұйымдасқан қылмыстық топтарды құрықтау мақсатында 1995 жылы Қазақстанда тергеу органдарының елеулі реформасы жүргізілді. Осы жылдың 6 қазанында Президент Жарлығымен республикада Мемлекеттік тергеу комитеті құрылып, жеке дара ведомствоға айналды. Алайда басқа қылмыстардың назардан тыс қалуына, ішкі істер органдарымен өзара байланыстың болмауына және басқа құқық қорғау органдарымен бәселекестіктің орнауына байланысты 1997 жылы 5 қарашада Мемлекеттік тергеу комитеті таратылып, ондағы тергеу аппараты Ішкі істер министрлігі жүйесіне берілді. Кейіннен алдын-ала тергеу жүргізуге құқығы бар басқа да органдар анықталды. Олар Ұлттық қауіпсіздік комитеті, Экономикалық қылмысқа және сыбайлас жемқорлыққа қарсы күрес агенттіктері болды. 2015 жылы Қазақстан Республикасы қылмыстық сот өндірісінің негіздері түбегейлі қайта өңделіп, жаңа Қылмыстық кодекс пен Қылмыстық-процестік кодекс қолданысқа енді. Осы орайда алдын-ала тергеудің орнына сотқа дейінгі тергеп-тексеру жүйесі енгізілді. Бұл қылмыстық іс жүргізу барысын электронды форматқа ауыстыруға алғашқы қадам болды. Заман ағымымен келген өзгеріс қылмыстық процестің ашық болуына, жалған құжаттарды жасау қауіптерін барынша азайтуға, онлайн режимде жүйелік ведомстволық бақылау мен прокурорлық қадағалауды жүргізуге мүмкіндік берді. Жаңа кезеңге аяқ басқан сайын тергеушілердің де біліктілігі артып келеді. Оған дәлел – 2020 жылы ашылған қоғамда резонанс тудырған қылмыстар. Оның бірі – республикамыздың 15 өңірінде 18 мыңға жуық адамға 30 млрд-тан астам теңгеге шығын келтірген қаржы пирамидалары. Тергеу қызметі 30-дан астам қылмыстық істі тіркеп, күдіктілердің кінәсін дәлелдеп, жәбірленушілерге келтірілген шығынды қайтару үшін үлкен жұмыс атқарды. Осындай тағы бір мысал – Бахрейнде адам саудасымен айналысқан қылмыстық топтың әрекетіне қойылған тосқауыл. Ішкі істер министрлігі қыздарды сексуалдық құлдықта ұстағандарды әшкерелеп, жәбірленушілердің елге оралуына көмектесті. Бұл істің ашылуында да тергеушілер маңызды рөл атқарды. Бүгінде 60 жылдық тарихы бар тергеу қызметі – ішкі істер органдарындағы негізгі салалардың бірі. Қылмыстық процестің үш буынды моделі бойынша жұмыс істейтін бұл жүйе жылдан жылға дамып келе жатқанын айта кеткен жөн. Қазақстандық тергеушілердің жұмысына шетелдік озық тәжірибелер енгізіліп, халықаралық қатынастар нығайтылуда. Көршілес елдердің тергеу қызметтерімен, Интерпол ұйымымен байланыс жолға қойылған. Тергеу бөлімшелері қызметкерлерінің қоғамдық қауіпсіздікті нығайтып, азаматтарымыздың құқықтарын сақтап, жұмыстарына адал болуына бар жағдай жасалуда.Осы ретте қоғамдық тәртіп пен азаматтар қауіпсіздігін қорғауда ішкі істер органдары жүйесінде тергеушілер мен анықтаушылардың рөлі айрықша маңыздылығы айтпаса да, түсінікті. Бүгінде Қазалы аудандық полиция бөлімінің тергеу-анықтау бөлімшесі әріптестері арасында абырой биігінен көрініп келеді. Қырағылық пен білім, сауаттылықты қажет ететін орында мамандар кәсіби табыстарға жету жолында уақыт талабына сай, ізденіс үдесінен табылуда.Маңызды қызметтің жүгін абыроймен арқалап жүрген тергеушілер өз ісінің майталмандары ретінде қылмыскерлерді аса сақтылықпен құрықтап қана қоймай, бұлтартпайтын айғақтар арқылы, оның ақ пен қарасын айырып, Қазақстан Республикасы заңына сүйене отырып, тергеу амалдарын жүргізеді.Тергеуші мамандығы қашан да, шынайылық пен төзімділікті, сауаттылықты талап еткен. Қылмыстық кодекстің баптарына сәйкес, істі жан-жақты зерттейді. Адам тағдырына деген жауапкершілік үшін ақиқаттың ақ жолынан ауытқымау кез келген адамның қолынан келе бермейді де. Тергеу қызметінің ең ауыр жүгі – ар алдындағы адалдық. Осындай ауыр жұмыстың жүгін арқалаған тергеушінің әр күні ғана емес, әр сағатының өзі қым-қуыт оқиғамен өріліп жатады. Ал, полиция қызметінде тергеушілік ісіне ғұмырын арнаған жеке адамдардан бөлек, тұтастай бір әулеттер де аз емес. Бүгінгі күні қоғамдағы тәртіп пен берекені бұзып, айналаны дүрбелеңге салатын қылмыстар мен құқық бұзушылықтар қатары жеткілікті екені сіз бен бізге мәлім. Ал, қылмыскерлердің жасаған қылмысының ақ-қарасын ажыратып, кінәлілерді анықтап, қоғам тыныштығын күзету жолында қызмет ететін тергеушілердің еңбектері ерен деп айтсақ артық болмас. Нағыз өз ісіне берілген мамандардың ұстанатын талап үделері бар. Әдетте, тергеуші өзінің қызметтік міндеттерін орындаған кезде үш арнадан бастау алады. Біріншісі – процессуалдық нормалар. Екінші – тактикасы, тергеуші қылмысты із суытпай тез арада ашып, кінәліні анықтау мақсатында өзінің тактикалық жүйесін, әдіс-тәсілін күні бұрын анықтап қоюы керек. Ал, үшіншісі – әдептілік қағидалары. Соған сай, тергеушілердің тегеуріні мықты болуы керек.Қылмыс атаулыны құрықтап, қылмыскерді іздеп тауып, олармен бетпе-бет тілдесетін, бар кінәсін бұлтартпайтын айғақтармен мойындататын маманның бірі – тергеуші. Тергеуші мамандығы қызметте сауаттылық пен білімділікті, ой ұшқырлығы мен төзімділікті талап етеді. Тергеушінің негізгі қағидаты – азаматтардың құқықтары мен бостандықтарын сақтау, заң шеңберінен аспауы керек.Басқаша айтқанда, қылмыстық істі тергеудегі басты кейіпкер – тергеуші. Сондықтан, олар ең алдымен, адамның жан дүниесін әбден біліп алуға міндетті. Ал, тергеушінің түпкі тұтқасы – оның әдептілігі мен кәсібилігі. Тергеуші өз жұмысында жағымсыз фактілермен жиі кездеседі, сондықтан да, эмоцианалды тұрғыдан тұрақты, ұстамды, төзімді болуы тиіс. Тергеуші заңды жақсы меңгеріп, қылмыстық-процестік заңнаманы жақсы білуі және олардың талаптарын сақтауы міндетті. Тәжірибе мен біліктілікті тең ұстап, әділдіктің ақ жолынан таймау, алдыңа келген әр жанның шынайы бет-бейнесін тану, психологиялық қарым-қатынасты бағыттай білу кез келген заңгердің қолынан келе бермейтін ауыр да, жауапты іс. Сондықтан да бұл істің мамандары әрқашан қызметте тәжірибе алмасып, тығыз байланыста қызмет атқарады. Әрбір жауапты істі жауапкершілікпен нәтижелі аяқтауға асығатыны тағы бар.Деректерге көз жүгіртсек, өткен жылдың 9 айында Қазалы ауданында 240 қылмыстық іс тіркелген. Оларды түрлі бағыттарына қарай саралап, оң шешімін табуға атсалысқан. Тергеушілердің тегеурінді талаптары арқылы сотқа – 106 іс жолданған. Олардың – 10-ы ауыр, 42-сі аса ауыр. Бұлтартпас айғақтар арқылы кінәлілерді дәл табу биыл да, оң көрсеткіш көрсетіп отыр.2024 жылдың жыл басынан бері – 64-қылмыстық құқық бұзушылық іс қаралған. Өткен жылдың үш айында құқық бұзушылық іс – 93-ті көрсеткен. Тергеу өндірісіне – 46 қылмыстық іс түскен. Анықтау өндірісінде – 18-іс болса, 29 қылмыстық іс тергеу, 12 қылмыстық іс анықтаумен шешімін тапқан. Мерзімі асырылып, тергелген қылмыстық істер саны біреу ғана. Қылмыстық істерді сотқа жолдау бағытында жеделдік бар. Осы уақыт аралығында – 23 қылмыстық іс жолданса, &nbsp;8 іс тоқтатылған. Қайта тергеуге қайтарылған, ақтау үкімімен шыққан істер жоқ. Таңдаулылылар тоғысқан бөлімшеде іріктелген мамандар ғана қызмет атқарады. Аға тергеуші, полиция майоры Ғанибек Рысмамбет, тергеушілер, полиция капитаны Көбейсін Нұрбол, полиция аға лейтенанты Асхат Ғанилар тәжірибесі толысқан қызметкерлер. Аға анықтаушы, полиция майоры Оразбай Әбдіхалықов, анықтаушы, полиция капитаны Арман Ерғараевтар әмбебап маманға айналған.<blockquote>«Тергеушілер мен анықтаушылар алдында қашан да үлкен міндет, зор жауапкершілік тұрады. Бір іс бір іске, бір күн бір күнге ұқсамайды. Қандай жағдай орын алса да, қырағылық пен жауапкерішлік жүгін көтеруге күш саламыз», – дейді Қазалы аудандық полиция бөлімі бастығының тергеу жөніндегі орынбасары, бөлімше меңгерушісі полиция подполковнигі Бауыржан Тұрман.</blockquote>

Тергеу қызметі – тегеурінді жүйе

<a href="https://kyzylorda-news.kz/">Kyzylorda-news.kz</a> &nbsp;Қызылорда қалалық Полиция басқармасының бастығы полиция полковнигі Қасанов Айдар Демегенұлының бұйрығымен полиция қызметкерлері құқық бұзушылықты болдырмау және алдын алу мақсатында № 15 УПИ-ның ауқымды әкімшілік аумағында «Квадрат» жедел-профилактикалық іс-шарасы өткізілді.Профилактикалық іс-шараның мақсаты құқық бұзушылықтардың алдын-алу, патрульдеуді жүзеге асыру, профилактикалық есепте тұрған тұлғаларды, қару иелерін тексеру, тұрғындарға, шағын және орта бизнес иелеріне учаскелік инспекторларын таныстыру, заңмен белгіленбеген уақытта алкоголь өнімін сатқаны үшін әкімшілік жауапкершілік көрсетілгенін ескерту, сондай-ақ кәмелетке толмағандармен және оларға қарсы қылмыстарды болдырмау болып табылады.Тұрғындардың мекен-жайларын аралау кезінде аталған әкімшілік аймаққа жауапты учаскелік полиция инспекторларының аты-жөндері, қызметтік және ұялы байланыс телефондары көрсетілген визиткалар таратылды. Аумақта 18 500 тұрғын тұрады. Сонымен қатар, профилактикалық және тізімдік есепте тұрған 48 адамның 32-і мекенжай бойынша тексерілді. Олармен профилактикалық әңгімелер жүргізілді.Тұрғылықты жері бойынша азаматтық қарудың 31 иесінің 19-і тексерілді.Атқарылған жұмыс барысында 24 әкімшілік құқық бұзушылықтар анықталып, оларға қатысты ҚР ӘҚБтК-нің 505-бабы бойынша (қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру) 8 дерегі, ҚР ӘҚБтК-нің 517 бабы бойынша (Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы) 5 дерегі, ҚР ӘҚБтК-нің 434-2 бабы бойынша (Ортақ пайдаланылатын орындарды ластау) 3 дерегі және ҚР ӘҚБтК -нің 519 бабы (Шетелдiк жұмыс күшiн және еңбекшi көшiп келушілерді Қазақстан Республикасының заңнамасын бұза отырып тарту) 2 дерегі анықталып, құқық бұзушыларға қатысты әкімшілік шара көрілді.Іс-шара барысында кәмелетке толмағандарға қарсы жасалатын құқық бұзушылықтардың алдын алу мақсатында ата-аналармен түсіндірме жұмыстары жүргізілді.Сонымен қатар қала тұрғындарын ұрлықты алдын алуүа өздерінің мүліктерін (велосипед, скутер, коляска т.б) қараусыз қалдырмауларын, темір есік, решетка, дабыл белгісін, бейнекамера орнату жөнінде түсіндірме жұмыстары жүргізілді. Бұл бағыттағы жұмыстар өз жалғасын табуда.Фото: Нұрболат Нұржаубай

Қызылордалық полицейлер «Квадрат» жедел-профилактикалық іс-шарасын өткізуде

<a href="https://kyzylorda-news.kz/">Kyzylorda-news.kz</a> Бүгін Қызылорда облысының Полиция департаментінде «7 мамыр – Отан қорғаушылар» және «9 мамыр – Ұлы Жеңіс» күндеріне орай мерекелік патриоттық шара өтті. Іс-шара департаменттің жеке құрамы, ішкі істер органдарының ардагерлері және БАҚ өкілдерінің қатысуымен өтті.Салтанатты шара Қазақстан Республикасы Әнұраны ырғағымен ашылып, Ішкі істер министрі полиция генерал – лейтенанты Саденов Ержан Сапарбекұлының құттықтауы оқылды.Департамент бастығы полиция генерал-майоры Аблазимов Махсудхан Нұғманұлы арнайы құттықтау сөзін сөйлеп, халықтың мызғымас тыныштығы үшін еңбек етіп, қызметте жүрген тәртіп сақшыларына және зейнетке шықса да қоғамдық жұмыстарға белсене араласып, жастарды тәрбиелеуде зор үлес қосып келе жатқан ішкі істер органдарының ардагерлеріне өз лебізін білдірді. Сонымен қатар, ішкі істер органдарында ұзақ жылдар бойы қызмет етіп, өмірден озған Ұлы отан соғысының және тыл ардагерлерінің рухына бас иіп, тағзым етуге шақырды.Ардагерлерге құрмет көрсету ішкі істер органдарында дәстүрге айналған игі шаралардың бірі. Осы орайда иықтарына погон тағып, құқық қорғау қызметінің ыстығына күйіп, суығына тоңып, саналы ғұмырын ішкі істер органдарына арнаған құрметті ардагерлер қонақ ретінде арнайы шақырылды.Мерекелік құттықтау сөз облыстық ішкі істер органдарының Ардагерлер Кеңесінің төрағасы Серікбол Қуатбайұлына беріліп, осынау айтулы күнге орай ардагер полиция қызметкерлеріне жылы лебізін жеткізді.Шара барысында Ішкі істер министрінің марапаттау жайлы бұйрығы ресми түрде оқылып, министр бұйрығымен 18 қызметкер марапатталды.Полиция Департаменті бастығының бұйрығымен ерекше көзге түскен департаменттің 156 қызметкері марапатталды.Марапат лайықтыларға беріледі. Қазақстан Республикасы Ішкі істер министрлігінің «Құрмет грамотасымен» марапатталған полиция полковнигі Маншарипов Айдарбек Жақсыбекұлы үшін бүгінгі күн ерекше. Себебі ішкі істер органдарында 30 жылдан астам уақыт еңбек етіп келе жатқан полиция полковнигі үшін бұл марапаттың орны бөлек.<blockquote>– «Бұл марапат еңбегімнің жоғары бағалануы. Ел тыныштығын қамтамасыз ету мақсатында жаңа жеңістерге жетуге ынталандыра түседі. Туған жердің тұғырын биік ету жолында адал, әрі мүлтіксіз қызмет етеміз», – дейді еңбегі еленген полиция полковнигі А.Маншарипов.</blockquote>Айтулы іс-шара соңы мерекелік концертке ұласты. Тәртіп сақшылары «Әлия», «Қазақ деген халықтың баласымын», «Отан Ана», «Парад победы» әндерін орындады.

Отан қорғаушылар күні қарсаңында қызылордалық полицейлер марапатталды

&nbsp;<a href="https://kyzylorda-news.kz/">Kyzylorda-news.kz</a> Ел дамуы мен өркендеуі, кемел келешегі жастарға тікелей байланысты. Ал, олардың жан-жақты дамуына мүмкіндік жасау – біздің ортақ міндетіміз. Сондықтан, жастарға тәрбие беру ісінде әскери-патриоттық шаралар мен спорттық жұмыстардың алар орны ерекше. Жастардың бойында отаншылдық, патриоттық сезімдерін ояту, әскери-патриоттық жұмыстарды жетілдіру мақсатында аймақта Х әскери-патриоттық жастар жиынына 8 команда қатысуда.&nbsp; Облыстық қоғамдық даму басқармасының басшысы Алмасбек Есмаханов жиынның ашылу рәсімінде жас сарбаздықтарға шынайы лебізін білдіре отырып, республикалық жиында Сыр елінің намысын қорғайтын қатысушыларға сәттілік тіледі. «Қарулы күштер ардагерлері» республикалық бірлестігінің төрағасы, ардагер Мыңділдә Ршауов, Қызылорда облысының қорғаныс істері жөніндегі департаментінің орынбасары, подполковник Алмат Жакипов, Қызылорда облысының білім басқармасы басшысының орынбасары Бектұр Қали, Қызылорда облысы Төтенше жағдай департаментінің ардагері Ғани Байменов, ҚР ҰҚК ШҚ Қызылорда облысы бойынша департаментінің ардагері Асан Худояров, ҚР ҰҚК ШҚ Қызылорда облысы бойынша департаменті басшысының орынбасары Нұрбек Абдиракинов өңіріміздің жас сарбаздарына жарқын жетістік тілей отырып, құттықтау арнады.&nbsp; Әскери-спорттық және әскери-қолданбалы 8 спорт түрлері бойынша жарыстың облыстық іріктеу турында 120 жас сарбаздықтар өнер көрсетті. Жүлделі орын иеленген командалар медаль, кубок, қаржылай сыйақымен марапатталды. Жарысқа қатысушылар арасынан ең жоғары балл жинап, үздік танылған сарбаздар бір командаға іріктеліп ағымдағы жылдың маусым айындағы Алматы қаласында өтетін Республикалық «Айбын» әскери-патриоттық жастар жиына қатысады.

«Айбын-2024» әскери-патриоттық жастар жиынының ашылу рәсімі өтті

<a href="https://kyzylorda-news.kz/">Kyzylorda-news.kz</a>&nbsp; 7 мамыр – ҚР Қарулы күштерінің құрылған күні. Бұл күнді қазақстандықтар Отан қорғаушылар күні деп, жыл сайын атап өтеді. Осы айтулы күнге орай, Қызылорда қалалық орталықтандырылған кітапханалар жүйесіне қарасты А.С.Пушкин атындағы орталық кітапхана Абылайхан атындағы жоғары колледж студенттерінің қатысуымен «Әскер – ел тірегі» атты патриоттық сағат өткізді.Шараға арнайы «Отан қорғау-абыройлы міндет» атты кітап көрмесі ұйымдастырылып, көрмедегі ел тарихындағы елеулі оқиғаларды, батылдық пен ерлікті, қаһармандық пен елдіктің нышанын, Отанға деген сүйіспеншілік пен адалдықты жырлайтын ерлік жайлы дастандар, ата-бабаларымыздың ерлігін дәріптейтін әдебиеттер оқырмандардың ерекше сұранысына ие болды.Мерекелік шара барысында «Төтенше жағдайда қорғау» мамандығының 1 курс студенттері Нұрханов Мейіржан, Құрбан Ерасыл, Оразбек Ердәулет өз ой-пікірлерімен бөлісіп, біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін, абыройы асқақ азаматтардың мерекесі, Отан қорғаушылар күні құтты болсын деп жылы лебіздерін жеткізді.Жас жеткіншек ұрпақ бойына Отанды сүюге, ерлік көрсеткен батырлардың бойындағы ержүректілікті, ұлтжандылықты, Отанын, елін қорғай білуге, отаншылдық рухымызды шыңдап, қастерлей білуге тәрбиелеу мақсатында ұйымдастырылған шара өз деңгейінде аталып өтті.

Қызылорда қаласында «Әскер – ел тірегі» атты патриоттық шара өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда қалалық орталықтандырылған кітапханалар жүйесіне қарасты №13 балалар кітапханасы мен Қызылорда қалалық оқушылар мен жасөспірімдер үйімен бірлесіп 7 мамыр – Отан қорғаушылар күні және 9 мамыр – Ұлы Жеңістің 79 жылдығына орай «Ерлер - жердің қорғаны, елдің тұтқасы» атты ерлік сағатын М.Ықсанов атындағы политехникалық колледжінің студентері мен оқытушылары, № 176 орта мектептің 8 сынып оқушыларының қатысуымен өткізілді.Шара «Жас математик» үйірмесі оқушыларының «Әкеге алғыс» әні прологымен ашылды. Кеудесін оққа тосқан боздақтарымызды бір сәт үнсіздікпен еске алып, 10 минуттық бейнебаян лед экраннан көрсетілді. Оқушылар үйінің өнерпаздарынан құрылған «Асыл мұра» дәстүрлі әншілер ансамблі «Домбыра», «Тобылғысай» бірқатар халық әндерін орындап, Көмекбай Қаракөзов атындағы № 235 орта мектептің 5 «Г» сынып оқушысы Совет Сезім қазақ ақындарының өлең-жырларын жатқа айтты. Ән терме үйірмесінің оқушылары «Жақсан» жыраудың өсиет термесін дауылпаз және домбырамен шырқап, кеш қонақтарының ықыласына бөленді. Оқушылар үйінің жас өнерпазы Айдосұлы Нөсер «Батырлар ұраны» әнін жанды дауыста орындады. Оқушылар үйінің ардагер ұстазы, талай шәкірттерді сахна мәдениетіне тәрбиелеген шығармашыл ұстаз Гүлжамал Төлегенқызының соғыс жылдарындағы бірнеше әндерді поппури орындап, «Қазақ елі» әнін жанды дауыспен шырқады. Сондай-ақ «Ер – елінің қорғаны» атты кітап көрмесі бойынша әдебиеттер таныстырылды.Мерекелік ерлік сағатына Қызылорда қаласының оқушылар мен жасөспірімдер үйінің ардагер ұстазы – Тұрсынбекова Гүлжамал, Қызылорда облысының кәмелетке толмағандардың істері жөнінде мамандандырылған ауданаралық сотының бас маманы – Төлеубай Дәулет, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция майоры – Оразалиев Қанағат Ибадуллұлы, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция капитаны Маханбетжанов Нұржан Ғалымжанұлы, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция капитаны – Сарбалаев Жасұлан Ахметұлы, Тасбөгет полиция бөлімінің жергілікті полиция қызметі бөлімінің учаскелік полиция инспекторы, полиция аға лейтенанты Айтмағамбет Дастан Мәлікұлы, қарауыл бастығы азаматтық қорғау аға лейтенанты – Икмат Алмат, бөлімше командирі азаматтық қорғау аға сержанты – Сламбеков Асылжан, аға өрт сөндіруші – құтқарушы азаматтық қорғау аға сержанты- Жұмаев Құрманғазы, мәдениет саласының еңбек ардагері, Тасбөгет кенті қоғамдық кеңесінің мүшесі – Тобағабылов Олжабай, мәдениет саласының еңбек ардагері, Тасбөгет кенті қоғамдық кеңесінің мүшесі – Шағыров Қабдеш Шағырұлы, ҚР Журналистер одағының мүшесі, ҚР «Құрметті автокөлікші» төсбелгісінің иегері, Шиелі ауданының құрметті азаматы- Таңрақбаев Жүзбай Ибрагимұлы, Небада-Семей ядролық полигонда әскери қызметін атқарған ардагер «Құрметті автокөлікші» – Ахметов Ералы, Тасбөгет полиция бөлімінің жергілікті полиция қызметі бөлімінің ювенальды бөлімшесінің учаскелік полиция инспекторы, полиция капитаны Айнұр Әбдірахманова Жаңабайқызы, Тасбөгет полиция бөлімінің жергілікті полиция қызметі бөлімінің юбенальды полиция бөлімшесінің учаскелік полиция инспекторы, полиция лейтенанты Темірбек Айгерім Темірбекқызы қатысып, жастарға мағыналы әңгімелері мен тілектерін айтты.Қалалық оқушылар үйінің директоры Гауһар Құдайбергенова шараға келген қонақтарға, ұстаздарға, жас оқырмандарға рахметін айтып, мерекелік кешті қорытындылады.

Қызылордада «Ерлер - жердің қорғаны, елдің тұтқасы» атты ерлік сағаты өтті

Алматы облыстық ауруханасына оқ жарақатымен жеткіншек түсті. Бақытымызға орай, дәрігерлер баланың өмірін аман алып қалды. Полицейлер сотқа дейінгі тергеуді бастады. Бұл туралы <a href="https://stan.kz/almatida-13-zhasar-balani-tal-tuste-atip-ketken-policiy-399781/">Stan.kz</a> ақпарат агенттігі хабарлайды. &nbsp;Денсаулық сақтау басқармасының мәліметінше, оқиға 16 сәуірде болған. 13 жасар бала оқ тиген уақытта&nbsp; үйінің жанындағы көл жағасында ойнап жүрген."Дәрігерлер балаға&nbsp;операция жасап, денеден оқты алып тастады. Оқ оң жақтағы кеуде қуысы арқылы өтіп, өкпенің тіндерін зақымдап, иық пышағының төменгі полюсінің проекциясында қабырға аралыққа жабысып қалған. Нақты және жедел әрекет еткен дәрігерлердің арқасында кішкентай баланың өмірін сақтап қалуға мүмкіндік туды", - делінген хабарламада.Полиция оқиғаның Іле ауданында болғанын хабарлады. Қазіргі уақытта аталған фактіге қатысты қылмыстық іс қозғалды. Полицейлер оқиғаның мән-жайын анықтап жатыр."Оқтың пневматикалық қарудан атылғаны анықталды. Барлық қажетті сараптамалық зерттеулер тағайындалды. Тергеу жалғасуда", –&nbsp;делінген хабарламада.&nbsp;Фото: Нұрболат Нұржаубай

Алматыда 13 жасар баланы тал түсте атып кеткен: Полиция қылмыскерді іздеп жатыр

<a href="https://kyzylorda-news.kz/">Kyzylorda-news.kz</a> &nbsp;Аудан әкімі Берік Сәрменбаевтың төрағалығымен әкімдік отырысы өтіп, күн тәртібінде 2 мәселе қаралды.Бірінші мәселе – тұрғын үй-коммуналдық шаруашылық, жолаушылар көлігі және автомобиль жолдары саласы бойынша атқарылған жұмыстар туралы бөлім басшысы Айбол Ержанов, екінші мәселе – аудан бойынша жүргізіліп жатқан құрылыс жұмыстарының барысы туралы аудандық құрылыс, сәулет және қала құрылысы бөлімінің басшысы Нұржан Бисембаев хабарлама жасады.Аудан басшысы ауданда жүргізіліп жатқан құрылыс жұмыстарының сапалы және мерзімінде салынуына назар салды.<blockquote>– Мемлекет басшысы Қасым-Жомарт Кемелұлы Тоқаев ең алдымен тұрғындарға қажетті инфрақұрылымдық жұмыстарды жүргізуді тапсырды. Ел Президентінің зор қолдауымен «Батыс Еуропа – Батыс Қытай» халықаралық дәлізінің Қызылорда қаласынан Ақтөбе қаласына дейінгі аумағын төрт жолақтыға айналдыруға қатысты шешім қабылданды. Сонымен қатар «Қызылорда-Жезқазған» автомобиль жолын қайта жаңғырту жұмыстары жүргізілуде. Аймақ басшысы Нұрлыбек Машбекұлы Нәлібаевтың қолдауымен Сыр өңірі қарқынды құрылыс алаңына айналды. Биыл аймақтағы «Руханият» жылы аясында аудан орталығында құны 1,5 млдр. теңгені құрайтын тәулік бойына жұмыс істейтін кітапханасы бар «Руханият» орталығы салынып жатыр. Одан бөлек, елді мекендерді газдандыру, жолдарды күрделі жөндеу, электрмен қайта жабдықтау, су құбырларын жаңарту жұмыстары жүйелі жүргізілуде. Міне, осы жұмыстардың сапалы және уақытылы атқарылуын қатаң тапсырамын, – деді Берік Әбдіғаппарұлы.</blockquote>Биыл аудандағы А.Тоқмағамбетов, С.Сейфуллин ауылдарында газдандыру жұмыстары жүргізілуде. Қоғалыкөл ауылында 6 көше, С.Сейфуллин ауылында 6 көше, Қалжан ахун ауылында Қайқы батыр көшесі күрделі жөндеуден өткізілуде. Жоба құны 1,1 млрд. теңгені құрайтын Шаған ауылында электр бағаналары, желілері және трансформаторларды жаңарту жұмыстары атқарылуда.Сонымен қатар, Тереңөзек кентіндегі жаңа шағын аудандардың инфрақұрылымына (35 га, 100 га) қиыршық тас жолының, Қалжан ахун елді мекенін электрмен жабдықтау, Тереңөзек кенті, Аманкелді, Шаған елді мекендерінің бірқатар көшелерінің су құбырлары мен көру құдықтары, Бесарық елді мекенінде спорт кешені құрылыстары және Аманкелді ауылдық ауруханасына күрделі жөндеу жұмыстары жүргізіліп жатыр.Отырыста аудан басшысы нақты тапсырмаларды жүктеп, құрылыс жұмыстарының сапасы күнделікті бақылауда болуын ескертті.

Құрылыс жұмыстары сапалы және уақытылы атқарылуы тиіс

<a href="https://kyzylorda-news.kz/">Kyzylorda-news.kz</a>&nbsp; Сыбайлас жемқорлыққа қарсы күрес ортақ міндет. Себебі, сыбайлас жемқорлыққа қарсы күрес мемлекеттік саясаттың басым бағыттарының бірі. Сыбайлас жемқорлықты болдырмау, оның алдын алу және онымен барынша күресу. Сыбайлас жемқорлыққа қарсы іс-қимылдың мақсаты қоғамда сыбайлас жемқорлықты жою болып табылады.Сыбайлас жемқорлыққа қарсы іс-қимыл мақсатына қол жеткізу мынадай: қоғамда сыбайлас жемқорлыққа төзбестік ахуалын қалыптастыру, сыбайлас жемқорлық құқық бұзушылықтар жасауға ықпал ететін жағдайлар мен себептерді анықтау және олардың салдарларын жою, сыбайлас жемқорлыққа қарсы іс-қимыл субъектілерінің өзара іс-қимылын нығайту, сыбайлас жемқорлыққа қарсы іс-қимыл жөніндегі халықаралық ынтымақтастықты дамыту, сыбайлас жемқорлық құқық бұзушылықтарды анықтау, жолын кесу, ашу және тергеп-тексеру міндеттерін шешу арқылы іске асырылады.– Елімізде, Қазақстан Республикасының "Сыбайлас жемқорлыққа қарсы іс-қимыл туралы" Заң талабының аясында, жемқорлыққа қарсы іс-әрекеттер жүзеге асырылуда. Дегенмен, сыбайлас жемқорлыққа қарсы мәдениетті қалыптастыруды және сыбайлас жемқорлыққа қарсы білім беруді одан әрі үздіксіз жетілдіріп отыруды &nbsp;қажет етеді.Сыбайлас жемқорлыққа қарсы мәдениетті қалыптастыру сыбайлас жемқорлыққа қарсы іс-қимыл субъектілерінің қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту бойынша өз құзыреті шегінде жүзеге асыратын қызметі.Сыбайлас жемқорлыққа қарсы мәдениетті қалыптастыру білім беру, ақпараттық және ұйымдастырушылық сипаттағы шаралар кешені арқылы жүзеге асырылады.Сыбайлас жемқорлыққа қарсы білім беру тұлғаның адамгершілік, зияткерлік, мәдени тұрғыдан дамуы және сыбайлас жемқорлықты қабылдамаудағы белсенді азаматтық ұстанымын қалыптастыру мақсатында жүзеге асырылатын, тәрбиелеу мен оқытудың үздіксіз процесі, – дейді Қазалы аудандық сотының аға сот приставы А.Мусаев.Сот саласы маманының айтуынша, ақпараттық және ұйымдастырушылық қызмет бұқаралық ақпарат құралдарында түсіндіру жұмыстарын жүргізу, әлеуметтік маңызды іс-шараларды, Қазақстан Республикасының заңнамасына сәйкес, мемлекеттік әлеуметтік тапсырысты және Қазақстан Республикасының заңнамасында көзделген өзге де, шараларды ұйымдастыру арқылы іске асырылады.Қазақстан Республикасының "Сыбайлас жемқорлыққа қарсы іс-қимыл туралы" Заңына сәйкес, сыбайлас жемқорлықпен күресті барлық мемлекеттік органдар мен онда қызмет атқаратын лауазымды тұлғалар жүргізуі тиіс. Мемлекеттік органдардың, ұжымдардың, жергілікті өзін-өзі басқару органдарының басшылары өз өкілеттігі шегінде заң талаптарының орындалуын қамтамасыз етуге міндетті. Сондай-ақ, сыбайлас жемқорлық заман ағысымен бірге өсіп өркендеп мол қаражат және қоғамдық бәсекелестік пайда болған жерлерге тамырын жайып бүгінгі күнге дейін жойылмай отырған кеселдің бірі. Бұл дерттің алдын алып, қоғамға таралу жолдарын кесіп, оның ұлғайуына жол бермеу үшін, аталған дертке бір болып атсалысып, бұқара көпшілік тарапынан сыбайлас жемқорлық көрністеріне қолдан келгенше, қарсы жұмылып, тосқауыл бола білсек, сонда ғана, ел мүддесі үшін, зор үлес қосатынымыз және халық сенімінен шығатынымыз анық. Дайындалып жатқан, жасалатын немесе жасалған сыбайлас жемқорлық құқық бұзушылық туралы ақпаратқа ие адам бұл туралы жоғары тұрған басшыға және (немесе) мемлекеттік органның не өзі жұмыскері болып табылатын ұйымның басшылығына және (немесе) уәкілетті мемлекеттік органдарға хабар беруі керек.Жоғары тұрған басшы, мемлекеттік органның, ұйымның басшылығы, уәкілетті мемлекеттік органдар сыбайлас жемқорлық құқық бұзушылық туралы келіп түскен хабар бойынша Қазақстан Республикасының заңдарына сәйкес, шаралар қабылдауға міндеттенеді.Сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылға өзгеше түрде жәрдем көрсететін (көрсеткен) адам Қазақстан Республикасының Қылмыстық-процестік кодексіне, Қазақстан Республикасының Еңбек кодексіне, "Қылмыстық процеске қатысушы адамдарды мемлекеттік қорғау туралы" Қазақстан Республикасының Заңына және осы Заңға сәйкес мемлекеттің қорғауында болады және сыбайлас жемқорлыққа қарсы іс-қимыл жөніндегі уәкілетті орган айқындаған тәртіппен көтермеленетіні көзделген. Алайда, сыбайлас жемқорлық құқық бұзушылық фактісі туралы көрінеу жалған ақпаратты хабарлаған, Қазақстан Республикасының заңдарында белгіленген жауаптылықта болатын адамдарға қолданылмайды.Қазалы аудандық сотының аға сот приставы А.Мусаев: "Сыбайлас жемқорлық әрекеттері бойынша тиісті шара қолданудың негізі – ол азаматтардың арыз шағымы. Мемлекетіміздің әрбір азаматы Қазақстан Республикасының Конституциясын және заңдарын сақтауға, басқа адамдардың құқықтарын, бостандықтарын, абыройы мен қадір-қасиетін құрметтеуге міндетті. Қандай жағдай болмасын, азаматтардың құқығын таптап, заңсыз әрекеттерге баратын болса, әділдікті орнатушы құқық қорғау органдары бар. Кез келген мемлекет құқықтық жүйесінің негізгі принциптеріне, сәйкес, адалдықты және параға сатылмаушылықты, ашықтық пен жауапкершілікті бейнелейтін сыбайлас жемқорлыққа қарсы күрестің тиімді саясатын жүргізеді", – дейді.Қорыта айтқанда, Конституциялық тәртіпті қорғау, сыбайлас жемқорлықпен күрес аясында тиімді, бірыңғай жалпы, мемлекеттік саясатты жүргізу, мемлекет пен азаматтардың өмір сүруінің барлық салаларында сыбайлас жемқорлық пен оны болдырмау, қоғамның мемлекетке және оның институттарына сенімін нығайту бүгінгі күндегі басты мақсат болып табылады.Сондықтан, сыбайлас жемқорлыққа қарсы қоғам болып бірлесіп, ымырасыз күрескеніміз абзал.Фото: Нұрболат Нұржаубай

Сот жүйесі жемқорлыққа қарсы мәдениетті қалыптастыруға үлес қосуда 

<a href="https://kyzylorda-news.kz/">Kyzylorda-news.kz</a> Қазіргі таңда электрондық сот ісін жүргізу – заман талабы болып саналады. Осыған орай, Қазақстандағы барлық соттар жаңа технологиялармен жабдықталған. Ғылым мен техника қарыштап дамыған қазіргі уақытта өркениетті елдер қағазбастылықтан арылып, электронды сот өндірісіне көшуде. Бүгінгі заман талабына сәйкес, еліміздің сот жүйесі саласында да, электронды сот төрелігін дамытуға үлкен мән берілуде. Қазақстан Республикасында сот жүйесін жетілдіру бойынша көптеген реформалар сәтті жүзеге асырылып, нәтижесінде республикамыздың сот жүйесі жұмысының сапасы уақыт өткен сайын артып келеді.Осының арқасында талап-арыздарды қағазда емес, электронды түрде беруге болады. Талапкерлер жүйеге тіркеліп, сот кабинеті сайтында жеке кабинет ашады. Содан кейін қолданушы өзі туралы қажетті ақпаратты енгізеді, қажетті бөлімді таңдайды, файлдарды жүктейді де оларды сотқа жібереді.<blockquote>– Бүгінгі күні электронды төреліктің артықшылықтары барлығына белгілі. Біріншіден, бұл олардың көбі бір емес, бірнеше рет сот кеңсесі арқылы сол немесе басқа құжаттарды беру үшін, не болмаса, құжаттарды поштамен жіберу үшін, жүздеген шақырымдарды жүріп өту керек болатын. Сәйкесінше, бұл пошта шығындарын үнемдеуге, сот процесіндегі адамдық фактордың рөлін төмендетуге, оның тиімділігін арттыруға, өркениетті әлемде қабылданған стандарттарға қосуға мүмкіндік береді. Екіншіден, процесс қатысушыларын хабарландырудың тәртібі өзгертілді. Келесі тыңдалымның уақыты, орны және күні туралы ақпараттар тікелей тараптардың ұялы телефондарына sms-хабарлама түрінде түседі. Бұл іске қатысушылардың шығынын ғана үнемдеп қоймайды, сонымен бірге, істі қараудың мерзімін де, қысқартады. Сәйкесінше, процеске қатысушылардың – абоненттік нөмірлері, жіберілген хабарламаның мәтіні, сонымен бірге, жеткізілгендігі туралы мәлімет іс материалдарына қоса тіркеледі, – дейді Қазалы аудандық сот әкімшісі басшының міндетін атқарушы Е.Амангелді.</blockquote>Тараптардың қатаң белгіленген тәртіпте, электронды түрде электронды өтініш-ескертпе беру құқығы болуының да, маңызы кем емес. Айта кететін тағы бір жағдай, ол тараптардың қатысушыларының немесе, олардың өкілдерінің сот мәжілісінің хаттамасымен танысуға және хаттамаларға жазбаша немесе, электронды сандық қол қоюмен куәландыра отырып, электронды түрде ескертпе беруге құқығы бар.Сонымен бірге, маманның айтуынша, республикамыздың барлық соттарында бейнеконференц байланыс жүйесі арқылы жұмыс жасауға да, жағдай жасалған. Сот жүйесінің бейнеконференц байланыс арқылы жұмыс істеуге көшуі ең алдымен, уақытты, одан соң қаржыны үнемдеуге септігін тигізеді. Мәселен, IOS және Android платформаларына бейімделген мобильді қосымшаның көмегімен процеске қатысушы адам шетелде жүрсе де, басқа қалада болса да, сот отырысына қатыса алады.Фото: Нұрболат Нұржаубай

Қазалыда сот төрелігін дамытуға үлкен мән берілуде

<a href="https://kyzylorda-news.kz/">Kyzylorda-news.kz</a> &nbsp;«Қызылорда қаласының қоғамдық даму» коммуналдық мемлекеттік мекемесі және «Қызылорда облысының» жастар Одақтары қоғамдық бірлестігінің ұйымдастыруымен «Cыбайлас жемқорлықтың алдын алуға бағытталған ақпараттық түсіндірме жұмыстарын, адам саудасы мен құқық бұзушылықтың алдын алуға бағытталған шараларды ұйымдастыру» әлеуметтік жобасы аясында сыбайлас жемқорлыққа қарсы тақырыптарда мектеп оқушылары арасында «Жас суретші» байқауы өткізілмек.Байқауға 12-16 жас аралығындағы оқушылар қатыса алады. Байқау талабы бойынша суреттер А3 форматындағы қағазға салынып, сурет салу кезінде гуашь, акварель бояулары, түрлі-түсті карандаш сынды тағы басқа да бояу құралдарын қолдануғарұқсат етіледі. Сондай-ақ оқушылар сурет салуға қажетті құралдарды өздерімен бірге алып келуі тиіс.Байқауға қатысушылардың сұраныстары taskinbayeva91@list.ru электрондық поштасына немесе Қорқыт Ата көшесі, №7а мекенжайына жіберу арқылы қабылданады. Қатысушы сұраныстары&nbsp; 30&nbsp; мамырға дейін қабылданады. Сонымен қатар байқаудың жүлдеқоры да қомақты. Суретшілер байқауының І орын жеңімпазына 50 000 теңге,&nbsp; ІІ орын 30 000 теңге, ІІІ орынға 20 000 теңге жүлдеқоры бар.

Қазақстан және Қызылорда облысының жаңалықтары: Құқық