<a href="https://kyzylorda-news.kz/">Kyzylorda-news.kz</a> ҚМА Қызылорда облысы бойынша департаменті көлік прокуратурасының үйлестіруімен «СПК Қызылорда Балық» ЖШС басшылығына қатысты тергеуді аяқтады.2022 жылы аталған кәсіпорынның лауазымды тұлғалары кеден органдарына жалған мәліметтер ұсынып, құны 254 миллион теңге болатын жалпы салмағы 75 тоннадан асатын көк серке етін Еуропалық одақ елдеріне заңсыз экспорттаған.Балық өнімдерінің заңды шығу тегін көрсету мақсатында кәсіпорын шын мәнінде балық өсіру немесе ұстау жағдайлары болмаған өзімен байланысы бар тұлғалар мен шаруашылықтардан балық сатып алынғаны жөнінде жалған құжаттар ресімдеген.Тексеру барысында бұл шаруашылықтардағы су айдындарының толықтай кеуіп қалғаны, ал құжаттарда көрсетілген жүк көліктерінің тасымалдау қызметін іс жүзінде атқармағаны және тоңазытқыш жабдықтармен қамтамасыз етілмегені анықталды.Сонымен қатар, тергеу барысында жалған шот-фактуралар жазылғаны және балық өнімдерін тасымалдауға заңсыз ветеринарлық анықтамалар берілгені дәлелденді.Сот үкімімен кәсіпорынның құрылтайшысы А. Ерхатов және директоры Л. Қайыпназарова кінәлі деп танылып, 2 жыл мерзімге бас бостандығын шектеу жазасына кесілді.Мемлекет пайдасына 254 млн теңге көлеміндегі заңсыз табыс өндірілді.Сот үкімі заңды күшіне енген жоқ.Видеодан скрин

Қызылордада 254 млн теңгеге балық өнімдерін заңсыз экспорттағандар сотталды

<a href="https://kyzylorda-news.kz/">Kyzylorda-news.kz</a> Бүгін Қызылорда қаласында Тағзым алаңында Полиция департаментінің жеке құрамның қатысуымен қысқы киім үлгісіне ауысу рәсіміне арналған саптық байқау және гарнизондық жиын өтті.Гарнизондық жиынды Қызылорда облысы Полиция департаментінің бастығы полиция полковнигі Ергешов Серік өткізді. Іс-шараға Қызылорда облысы Полиция департаментінің аппараты, Қызылорда ҚПБ-ның жеке құрам қызметкерлері, Ұлттық ұлан қатысты, сондай – ақ қызметтік автокөлік бірліктері қамтылды. Департаменттің қызмет салалары жалпы 10 қорапты құрады.Жиын барысында қызметкерлердің сыртқы түр-сипаты, үлгілік киімі, қызметтік куәліктерінің, айырым белгілерінің талаптарға сай болуы тексерілді. Сондай-ақ полиция қызметкерлерінің ұқыптылығы мен жинақылығы, шаш үлгісі, киімінің мұнтаздай тазалығы басты назарға алынды. Жеке құрамның қоғамдық тәртіп пен жол қауіпсіздігін қамтамасыз ету бойынша қызмет атқаруға дайындығы тексерілді.Департамент бастығы С. Ергешов қызметкерлердің үлгілік киімін, қызметтік куәліктерінің, айырым белгілерінің талаптарға сай болуын жеке тексерді.Қоғамдық тәртіпті сақтауға кірісетін полиция қызметкерлеріне облыстағы жедел жағдайдың жай-күйі туралы жеткізіліп, бағдарлар таныстырылды. Сонымен қатар полиция полковнигі Ергешов Серік саптық бөлімшелердің командирлеріне тапсырма берді. Одан әрі жиын жас қызметкерлердің ант қабылдау рәсіміне ұласты. Полиция қатарына жаңа қосылған тоғыз жас маман қызметті адал және абыроймен атқаруға, Қазақстан Республикасы азаматтарының құқығы мен бостандықтарын қорғауға салтанатты түрде ант берді. Полиция департаментінің бастығы полиция қызметкерлерінің қатарын толықтырған жас буынды ант қабылдауларымен құттықтап, оларға сәттілік тіледі.<blockquote>«Тұрғындардың қауіпсіздігі, олардың құқықтарының қорғалуы, заң талаптарының сақталуы бүгінгі күннің негізгі талабы. Сондықтан да қызмет барысында тұрғындармен ілтипатты қарым қатынас жасау, құқық бұзушылыққа жол бермеу, азаматтардың конституциялық құқықтарын қорғау бағытында Департаменттің барлық құрылым басшыларына тапсырма берілді. Тәртіп сақшысына қойылатын талаптар жоғары. Сондықтан да өңірдегі тұрақтылық пен қоғамдық тәртіпті нығайту бойынша алдымызға қойылған міндеттерді орындауда барлық күш-жігерімізді барынша жұмылдыруға тиіспіз» деді С.Ергешов.</blockquote>Сондай-ақ-ақ жиын барысында қызметтік міндеттерін адал атқарған және жұмысында жоғары нәтижелерге қол жеткізгені үшін ерекше көзге түскен 20 полиция қызметкері Алғыс хатпен марапатталды.Олардың қатарында патрульдік, ювеналды , учаскелік полиция инспекторлары мен Ұлттық ұлан, Мамандырылған күзет қызметінің қызметкерлері бар.Іс-шара соңында полиция қызметкерлері оркестрдің үнімен салтанатты маршпен жүріп өтіп, қоғамдық тәртіпті қорғауға және қоғамдық қауіпсіздікті қамтамасыз етуге кірісті.Өңірімізде қоғамдық тәртіпті сақтау күшейтілген режимде жүргізілуде. Күнделікті жаяу және автожасақ құрамында полицейлер бекітілген аймақтарда қызмет атқаруда.

Қызылордада жеке құрамның гарнизондық жиыны өтті

<a href="https://kyzylorda-news.kz/">Kyzylorda-news.kz</a> Учаскелік полиция инспекторының негізгі мақсаты – өз аймағында қоғамдық тәртіпті сақтау, азаматтардың қауіпсіздігін қамтамасыз ету және құқық бұзушылықтардың алдын алу болып табылады.Осы ретте Қызылорда қаласы Полиция басқармасына қарасты Қоғамдық қауіпсіздік бөлімінің учаскелік полиция инспекторы полиция лейтенанты Маралов Нәби Исламұлы «Учаске» жедел профилактикалық іс-шарасы аясында өзіне бекітілген аймақта жұмысын жалғастыруда.Таңертең полиция инспекторы күнделікті жиналысқа қатысып, берілген &nbsp;тапсырмамен танысады. Азаматтармен кездесіп, құқық бұзушылықтың алдын алу, қоғамдық тәртіпті сақтау және отбасылық зорлық-зомбылықтың жолын кесу мақсатында түсіндірме жұмыстарын жүргізеді. Өзіне бекітілген аймақты аралап, тұрғын үйлерді, жалдамалы пәтерлерді және жеке секторларды тексеріп шығады. Полиция инспекторы үшін әр күн жауапкершілік пен азаматтардың қауіпсіздігі жолындағы тынымсыз еңбекке толы.№2 учаскелік полиция пункті &nbsp;Қызылорда қаласындағы Қорқыт Ата көшесі №9 үйде орналасқан. Аймақтағы халық саны -16950. Күнделікті учаскелік полиция инспекторымен көшелер, ірі сауда орталықтары, май құю бекеттері, ірі мекемелер, оқу орындары, кафе-барлар, букмекерлік кеңселер, ломбардтар, жеке дүкендер, техникалық қызмет көрсету орталықтары, автожуу орталықтары, медицина орталықтары, діни бірлестіктер тексеріледі.&nbsp;Аймақта шартты түрде мерзімінен босатылғандар күнделікті тексеріледі. Жыл басынан бері 400 - ге жуық хаттама толтырылып, қорғау нұсқамасына алынғандар саны -150, ерекше талап белгілегендер саны -16. Учаскелік полиция инспекторы бұл бағыттағы жұмысын жалғастыруда.

Қоғамның сақтығындағы учаскелік полиция инспекторының жұмысы

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы бойынша экономикалық тергеп-тексеру департаменті қаржы пирамидасын ұйымдастырған азаматтың заңсыз әрекетінің жолын кесті.&nbsp;Тергеу барысында анықталғандай &nbsp;«HRT» компаниясы өз қызметін самокаттарды салымшыларға сату және сол самокаттарды жалға беру арқылы пайда табу жүйесімен жүзеге асырған. Компанияның аймақтық филиалын ашып, пайда табуды көздеген Т.Теңелбаева аталмыш компанияның қызметімен толық танысып, «Telegram» желісіндегі «Remo 888» аккаунты арқылы байланыс орнатқан. Кейін «HRT» жүйесіне жаңа салымшыларды тіркеу арқылы өз пайдасын арттыру жоспарын құрған. Жаңа қатысушыларды тартқаны үшін ол әр салымшыдан 15 пайыз көлемінде сыйақы алып келген. Осылайша, облыс аумағында қаржы (инвестициялық) пирамидасын ұйымдастырып, жалпы &nbsp;көлемі 33 004 300 теңге материалдық шығын келтіргені анықталды.Аппеляциялық сот үкімімен Т. Теңелбаева ҚК-нің 217-бабы 3-бөлігінің 2-тармағымен және ҚК-нің 218-бабы 1-бөлігінде көзделген қылмыстарды жасағаны үшін кінәлі деп танылып 6 (алты) жыл мерзімге бас бостандығынан айыру жазасы тағайындалды.Оған &nbsp;ҚК-нің 74-бабының 1-бөлігі қолданылып, айаталушының кәмелетке толмаған балаларының болуына байланысты 5 (бес) жыл мерзімге кейінге қалдырылған.Сонымен қатар, жәбірленушілерге келтірілген залалды өтеу үшін, сотталушымен қылмыстық жолмен сатып алынған құны &nbsp;5 604 000 теңге құрайтын «Changan Alsvin» автокөлігі тәркіленді. &nbsp;&nbsp;Қызылорда облысы бойыынша Экономикалық тергеп-тексеру департаменті

Қызылордада «HRT» атауымен құрылған қаржы пирамидасының жолы кесілді

<a href="https://kyzylorda-news.kz/">Kyzylorda-news.kz</a> Қызылорда облысы бойынша «Заң мен Тәртіп» идеологиясын насихаттау аясында өңірде «Халық Заңгері» республикалық акциясы өтті.Акцияның негізгі мақсаты – халықтың құқықтық сауаттылығын арттыру, азаматтарға тегін заңгерлік көмек көрсету, олардың өз құқықтары мен заң алдындағы мүмкіндіктерін білуіне жағдай жасау.Өңірдің қала, аудан және ауылдық округтар аймақтарында жүзден аса білікті мамандармен түсіндірме жұмыстары жүргізілді. Соның ішінде белгілі адвокаттар, заңгерлер, нотариустар, прокурорлар, тергеушілер, сот орындаушылары, полиция қызметкерлері, әкімдіктердің, әділет органдарының, салық органдарының, жылжымайтын мүлікті тіркеу бөлімінің қызметкерлері және т.б. қатысты.Акция барысында тұрғындарға прокуратура қызметкерлерімен түсіндірмелі үнпарақтар таратылып, жер қатынастары, әлеуметтік төлемдер, еңбек даулары, тұрғын үй, несиелік, жергілікті соттарда қаралып жатқан даулар және отбасы мәселелері бойынша кеңес алды.Тоғыз жүзге жуық тұрғындар мен қонақтар өз мәселелері бойынша кеңестер мен құқықтық көмек алып, олардың бірқатары шешімін тапты, қалғандары бойынша шешім қабылдау жөнінде нақты нұсқаулар берілді.Мұндай игі бастамалар қоғамдағы заң үстемдігін нығайтуға, азаматтардың билікке деген сенімін арттыруға зор үлес қосады.<img src="https://knadmin.beoblood.kz/uploads/f27f08b9_3a12_4535_8cd5_6d34f2ebc2b4_3f5502198d.jpg" alt="f27f08b9-3a12-4535-8cd5-6d34f2ebc2b4.jpg">

Қызылордада «Халық заңгері» республикалық әлеуметтік акциясы өтті

<a href="https://kyzylorda-news.kz/">Kyzylorda-news.kz</a> &nbsp;Іс-шараның мақсаты – жасөспірімдердің отансүйгіштік рухын арттыру, туған өлкенің тарихымен терең таныстыру және жас буынның мәдени көзқарасын қалыптастыру.Оқушылар музей залдарын аралап, Сыр өңірінің бай тарихи мұраларымен, табиғи ерекшеліктерімен және ұлы тұлғалар жайлы мол ақпаратпен танысты. Экскурсия барысында оларға білікті мамандар тарихи жәдігерлер туралы қызықты деректер айтып, оқушылар тарапынан қойылған сұрақтарға жауап берді.Іс-шара соңында оқушылар алған әсерлерімен бөлісіп, полиция қызметкерлеріне алғыс білдірді.Мұндай тәрбиелік бағыттағы шаралар жас ұрпақтың бойында патриоттық сезімді нығайтып, ел тарихына деген қызығушылығын арттыра түседі.<img src="https://knadmin.beoblood.kz/uploads/7643b8fd_c590_4f4b_b790_a6808da3aab0_9f66743d45.jpg" alt="7643b8fd-c590-4f4b-b790-a6808da3aab0.jpg">Фото: Нұрболат Нұржаубай

Жас сақшылар облыстық тарихи-өлкетану музейіне экскурсия жасады

<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық Полиция департаментінің жиын залында басқарма қызметкерлерімен кеңес өткізілді. Жиынға Қызылорда облысы Полиция департаменті бастығының бірінші орынбасары полиция полковнигі Тоқтыбаев Серік Әбдімәуленұлы қатысты. Жиын барысында осы жылдың 9 айындағы жедел-қызметтік жұмыстың қорытындылары шығарылып, алдағы кезеңге арналған негізгі міндеттер айқындалды.​Жедел кеңесте сала басшылары Қазақстан Республикасының Президенті Қасым-Жомарт Тоқаев және ҚР ІІМ министрі Саденов Ержан Сапарбекұлының тапсырмаларының орындалу барысы және атқарылған жұмыс нәтижелері туралы есеп берді.​Мәселен, жиында басшы құрам қаламыздың қоғамдық тәртіпті қамтамасыз етудің жай-күйі, азаматтардың құқын қорғау бойынша атқарылған іс-шаралары кеңінен талқыланды.​Ел Президенті Қ.К.Тоқаевтың Қазақстан халқына Жолдауын іске асыру, «халық үніне құлақ асатын мемлекет» тұжырымдамасы аясында полиция жұмысының ашықтығы мен айқындығын қамтамасыз ету - күн тәртібіндегі ең өзекті мәселе ретінде қаралды.​Кадр саясаты, полицейлердің қызметтік-жауынгерлік дайындық деңгейін көтеру, жеке құрам арасындағы тәртіпті нығайту шаралары әңгімеге арқау болды.​Кеңес соңында Басқарманың барлық қызметтері мен бөліністерінің басшыларына қаланың барлық аумағында, қаланың шет жағында орналасқан елді мекендерде құқықбұзушылықтардың алдын алу, орын алған қылмыстарды ізін суытпай ашу, қоғамдық тәртіпті барынша нығайту бойынша бірқатар міндеттер жүктелді.​Сонымен қатар жедел - қызметтік жиында қаралған тағы бір өзекті мәселе жол қауіпсіздігін қамтамасыз ету, қауіпсіздікті бақылауды күшейтуді, учаскелік полицейлердің өз аумақтарындағы құқық бұзушылықтар мен қылмыстардын алдын алу мақсатында профилактикалық әңгіме сөз жүргізу, жол-пайдалану қызметтерінде бұзушылықтарды жоюды ұйымдастыруды, жол инфрақұрылымына жауапты мемлекеттік органдармен өзара іс-қимылды жандандыруды басқарма бастығы Беркімбаев Дәулет Сүлейменұлы жеке құрамға нақты тапсырмаларды тапсырды.<img src="https://knadmin.beoblood.kz/uploads/1_yzylorda_alasy_Policziya_bas_armasy_9_ajdy_zh_mysyn_orytyndylady_e5221fc508.jpg" alt="1Қызылорда қаласы Полиция басқармасы 9 айдың жұмысын қорытындылады.jpg"><img src="https://knadmin.beoblood.kz/uploads/2_yzylorda_alasy_Policziya_bas_armasy_9_ajdy_zh_mysyn_orytyndylady_15b9250f5e.jpg" alt="2Қызылорда қаласы Полиция басқармасы 9 айдың жұмысын қорытындылады.jpg">

Қызылорда қаласы Полиция басқармасы 9 айдың жұмысын қорытындылады

<a href="https://kyzylorda-news.kz/">Kyzylorda-news.kz</a> &nbsp;Есірткімен күрес – заманауи қоғамның басты міндеттерінің бірі. Осы бағытта облыста 1 маусым мен 31 қазан аралығында «Қарасора-2025» жедел-профилактикалық іс-шарасы өткізілді. Операцияның мақсаты – есірткі құрамындағы өсімдіктерді өсіру фактілерін анықтау, жасырын егістіктер мен плантацияларды жою. Бұл туралы бүгін Өңірлік коммуникациялар қызметінің баспасөз алаңында Қызылорда облысы Полиция департаменті бастығының бірінші орынбасары Серік Тоқтыбаев хабарлады.- Есірткі өсірумен айналысқан 47 адам құрықталып, оның 24-і қамаққа алынды. Әскери тік ұшақ техникасымен 26 мәрте әуеден шолу жүргізіліп есірткі өсірудің 20 дерегі анықталды. Мобильді бекеттерде қызметтік іздестіру иттерінің көмегімен есірткіге қатысты теріс қылықтардың 31 дерегі анықталды. Жалпы 10 345 түп сора өсімдігі анықталып, қыркүйек, қазан айларына дейін пісіп-жетілгенінде әр түптен шамамен 500грамнан есептегенде 5 тоннаға жуық марихуананың заңсыз айналымға түсуіне жол берілмеді. Осылайша мыңдаған азаматтардың денсаулығы мен отбасылардың тағдыры қорғалды. Іс-шара аяқталғанымен бұл бағыттағы жұмыстар өз жалғасын табатын болады,- деді Серік Әбдімәуленұлы.

«Қарасора-2025» жедел алдын алу іс-шарасы қорытындыланды

<a href="https://kyzylorda-news.kz/">Kyzylorda-news.kz</a> Абай атындағы үш тілде оқытатын дарынды балаларға арналған мамандандырылған мектептің базасында Қызылорда қаласы бойынша білім бөлімінің жылдық жоспарына сәйкес «АДАЛДЫҚ. ЗАҢ. АШЫҚТЫҚ» тақырыбында семинар-кеңес ұйымдастырылды.Іс-шараның негізгі мақсаты - білім беру ұйымдарында ашықтық пен әділдік қағидаттарын енгізу, адалдық құндылықтарын насихаттау және сыбайлас жемқорлыққа қарсы мәдениетті нығайту болды.Семинар-кеңеске Қорқыт ата атындағы Қызылорда университетінің Сыбайлас жемқорлыққа қарсы комплаенс қызметінің комплаенс-офицері Әлібек Жаппасбаев қатысып, білім саласындағы сыбайлас жемқорлық тәуекелдерінің алдын алу бағытында атқарылып жатқан жұмыстармен бөлісті.Іс-шараны Қызылорда қалалық білім бөлімінің басшысы Гүлзира Абдазиева модератор ретінде жүргізіп, қатысушыларға адалдық, заңдылық және ашықтық қағидаттарын сақтаудың маңыздылығын атап өтті.<img src="https://knadmin.beoblood.kz/uploads/Adaldy_Za_Ashy_ty_ta_yrybynda_seminar_ke_es_tti_ee3ec0f558.jpg" alt="«Адалдық. Заң. Ашықтық» тақырыбында семинар-кеңес өтті.jpg">Басқосу барысында қатысушылар өзара пікір алмасып, жемқорлықтың алдын алу бағытындағы тиімді тәсілдерді талқылады. Сондай-ақ білім беру ұйымдарында комплаенс мәдениетін қалыптастырудың өзекті мәселелері қарастырылды.Семинар қорытындысы бойынша білім беру ұйымдарында сыбайлас жемқорлыққа қарсы іс-қимыл шараларын жүйелі түрде жүргізу және жастар арасында адалдық қағидаттарын кеңінен насихаттау ұсынылды.

«Адалдық. Заң. Ашықтық» тақырыбында семинар-кеңес өтті

<a href="https://kyzylorda-news.kz/">Kyzylorda-news.kz</a> Қызылорда облысы ПД Қармақшы аудандық полиция бөлімі Қоғамдық қауіпсіздік бөлімшесінің ювеналды полиция тобының инспекторы, полиция капитаны Ержан Омаров Жосалы кентіндегі Т.Көмекбаев атындағы №250 қазақ орта мектебінің 10-сынып оқушыларымен кездесу өткізіп, “Мен жас сақшымын” тақырыбында тәрбиелік сағат ұйымдастырды.&nbsp;Іс-шараның мақсаты — оқушылардың құқықтық сауаттылығын арттыру, заңға бағынудың маңызын ұғындыру, сондай-ақ құқық бұзушылықтың алдын алу болды. Тәрбиелік сағат барысында полицей жасөспірімдерге құқықтық тәртіптің қоғам үшін қаншалықты маңызды екенін, заң талаптарын сақтаудың әлеуметтік жауапкершілігін нақты мысалдармен түсіндірді.Мұндай шаралар жастардың бойында қоғам алдындағы жауапкершілік сезімін арттырып, құқыққа деген құрметті қалыптастыруға үлкен септігін тигізеді.<img src="https://knadmin.beoblood.kz/uploads/1_yzylorda_oblysynda_Men_zhas_sa_shymyn_atty_t_rbielik_sa_at_tti_5b51a7189a.jpg" alt="1Қызылорда облысында “Мен жас сақшымын” атты тәрбиелік сағат өтті.jpg">

Заң мен тәртіп: Қызылорда облысында  “Мен жас сақшымын” атты тәрбиелік сағат өтті

<a href="https://kyzylorda-news.kz/">Kyzylorda-news.kz</a> Қазіргі таңда «Заң және тәртіп» қағидаты негізінде екінші деңгейлі &nbsp;Kaspi.kz, Halyk Bank және eGov Mobile қосымшаларымен қылмыстар мен оқиғалар туралы хабарламаларды полицияға жолдау мүмкіндігі бар. &nbsp;Келіп түскен өтініштер мен шағымдар полиция қызметкерлерімен дер кезінде ақпаратты есепке алу кітабына енгізіліп, түпкілікті шешім қабылдау үшін тиісті қызмет саласына жолданады.eGov Mobile және екінші деңгейлі Kaspi.kz, Halyk Bank қосымшаларындағы «мемлекеттік қызметтер» бөлігінде «Заң мен &nbsp;тәртіп» тармағында құқық бұзушылықтың түрлерін таңдау арқылы оның фотосуретін, бейнежазбасын немесе мәтіндік үлгісін жолдауға болады. &nbsp;&nbsp;Жыл басынан Қызылорда облысының Полиция департаментіне бұл бағытта 206 хабарлама түсіп, оның біреуі бойынша қылмыстық іс тіркелсе, 43-не әкімшілік хаттама ресімделіп, 15-сі басқа қызмет салаларына жолданған.&nbsp; &nbsp;Мысал ретінде eGov Mobile қосымшасы арқылы Қызылорда қаласының Орталық алаңында жол белгі талаптарын өрескел бұзып, тыйым салынған жерге көлігін қойған Range Rover автокөлігінің жүргізушісі туралы бейнежазба түріндегі хабарлама түскен. Жедел басқару орталығының қызметкерлерімен жедел түрде бағыт-бағдар беріліп, құқық бұзған жүргізушіге көлік құралдарының тоқтап тұру қағидаларын бұзғаны үшін &nbsp;әкімшілік хаттама ресімделді.&nbsp;Айта кетерлігі бұл цифрлық сервис полицияның жұмысын тиімді, ашық әрі жедел етуге бағытталған нақты қадам.&nbsp;<img src="https://knadmin.beoblood.kz/uploads/1_Memlekettik_yzmetterdegi_Za_men_t_rtip_czifrly_servisi_ar_yly_policziya_a_habarlamalar_t_sude_c41ae7392f.jpg" alt="1Мемлекеттік қызметтердегі «Заң мен тәртіп» цифрлық сервисі арқылы полицияға хабарламалар түсуде.jpg"><img src="https://knadmin.beoblood.kz/uploads/2_Memlekettik_yzmetterdegi_Za_men_t_rtip_czifrly_servisi_ar_yly_policziya_a_habarlamalar_t_sude_0e89cd7ab4.jpg" alt="2Мемлекеттік қызметтердегі «Заң мен тәртіп» цифрлық сервисі арқылы полицияға хабарламалар түсуде.jpg">

Мемлекеттік қызметтердегі «Заң мен тәртіп» цифрлық сервисі арқылы полицияға хабарламалар түсуде

<a href="https://kyzylorda-news.kz/">Kyzylorda-news.kz</a> Қызылорданың студенттері мен оқушылары есірткіге қарсы бейнероликтер әзірлеу байқауына қатысты.Қызылорда облысының Есірткі қылмысына қарсы іс-қимыл басқармасы есірткіге қарсы бейнероликтер байқауын ұйымдастырды.Іс-шараның мақсаты – халықтың назарын салауатты өмір салтын ұстану қажеттілігіне аудару, бос уақытты тиымды пайдалану және жастардың шығармашылық әлеуетін дамыту.Байқауға жалпы орта білім беретін мектептердің жоғары сынып оқушылары мен оқу орындарының студенттері қатысты. Білім бөлімдерімен 17 үздік жұмыстар екінші турға жіберілді. Құрамына полиция қызметкерлері, «Қызылорда еріктілері» қорының, «Жастар спорттық туризмі және туристік көпсайыс» жастар қоғамдық бірлестігінің өкілдері кірген сайыстық комиссия 12 жұмысты атап өтіп, оның 4-ін үздік деп таныды, олар: Сырдария ауданы N37 мектеп-лицей, Қызылорда қаласы N4 мектеп-лицей, Қызылорда қаласы N176 орта мектеп, Қазалы ауданы N204 орта мектеп.

Қазақстан және Қызылорда облысының жаңалықтары: Құқық