<a href="https://kyzylorda-news.kz/">Kyzylorda-news.kz</a>&nbsp; Қызылордада қызмет бабында ерлікпен қаза тапқан полиция лейтенанты Ділманов Әбдіғаппар Төребайұлын еске алуға арналған шағын футболдан турнир өтті.&nbsp;Аталған спорттық іс-шараның басты мақсаты – ішкі істер органдары қызметкерлерінің ерлігі мен адалдығын кейінгі ұрпаққа үлгі ету, жас буынға патриоттық тәрбие беру, сондай-ақ полиция қызметкерлері мен жастар арасында салауатты өмір салтын насихаттау. Турнирдің ашылу салтанатына Қызылорда облысы Полиция департаментінің басшылығы, қызмет бабында ерлікпен қаза тапқан полиция лейтенанты Ділманов Әбдіғаппар Төребайұлының ата – анасы, ішкі істер органдарының ардагерлері, сондай-ақ «Динамо» дене шынықтыру-спорт қоғамының облыстық филиалының өкілдері қатысты. Қазақстан Республикасының Гимні шырқалып, батырымызды еске алу үшін бір минуттық үнсіздік жарияланды.&nbsp;Ділманов Әбдіғаппар Төребайұлы 1977 жылы 22 желтоқсанда Қызылорда қаласында дүниеге келген. Ол ішкі істер органдарындағы қысқа ғана қызмет жолында өзін сауатты, жауапты, &nbsp;адал қызметкер ретінде көрсете білді. Қызметтік міндетін атқару барысында қаза тауып, ел есінде ержүрек полиция қызметкері ретінде қалды. &nbsp;&nbsp;Осындай арда азаматтың құрметіне арналған турнир Сыр өңірінде алғаш &nbsp;рет жалауын көтерді. Аталмыш турнирге құқық қорғау органдары және басқа да арнайы құрылымдардың қызметкерлерінен құралған 8 команда, барлығы 100 қызметкер қатысты. &nbsp; &nbsp; &nbsp;&nbsp; Ашылу рәсімін Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы ашып, сөз сөйледі:«Өздеріңіз білетіндей ішкі істер органдарында үнемі тарихи күндерге орай және қаза тапқан әріптестерімізді, ардагерлерімізді еске алу үшін спорттық сайыстар ұйымдастырылып отырады. Мұндай жарыстар қызметкерлер арасында спортты дамыту, даңқты дәстүрлерді нығайту, ойыншылар арасында құрметті қарым-қатынас орнату үшін маңызды. Жарыс жоғары деңгейде өтіп, командаларға жеңіс тілеймін». &nbsp; &nbsp; Одан кейін сөз кезегі Ардагерлер кеңесінің төрағасы Шаймағамбетов Әмірбек Бердібекұлына, жарыс қонағы Астана қаласы Полиция департаментінің өкілі полиция полковнигі Жакипов Айдар Жайшылықұлына және ерлікпен қаза тапқан полиция лейтенанты Ділманов Әбдіғаппар Төребайұлының ата – анасына берілді.&nbsp;Турнирге 20 команда, 200-ге жуық қызметкер қатысып, спорт алаңында өз шеберліктерін байқатты. Ойынның міндеттері мен шарттарын анықтайтын мандаттық комиссия құрылды. Сайыс қорытындысы бойынша командалар арасындағы орындар келесідей бөлінді: Бірінші командалық орынды Оқу жаттығу взводы жеңіп алса, 2 - орынды Жылдам қимылдайтын арнайы жасақ командасы алды, ал 3 - орынды Қалалық полиция басқармасының командасы иеленді. &nbsp; &nbsp; &nbsp; &nbsp;&nbsp;Жарыс соңындағы марапаттау рәсімінде жеңімпаз командаларға кубоктың табысталуымен бірге әр шептегі үздік ойыншылардың есімдері де анықталды.“Үздік шабуылшы» - Тайбағаров Алмат, «Үздік қақпашы» - Нариман Аблаким, «Үздік қорғаушы» номинациясын &nbsp;Рамазан Шанжархан иеленді. Жарысқа қатысушылар мен жүлдегерлер Департамент бастығының Дипломымен, кубоктармен, медальдармен марапатталды.

Ерлікке тағзым: Әбдіғаппар Ділмановты еске алуға арналған шағын футбол турнирі өтті

<a href="https://kyzylorda-news.kz/">Kyzylorda-news.kz</a>&nbsp; Жастар арасында тәрбие жұмысын жандандыру және салауатты өмір салтын насихаттау аясында «Orda school» мектебі мен №144 мектеп-лицейінің оқушылары үшін «Біз өмірді таңдаймыз!» ұранымен ауқымды танымдық акция ұйымдастырылды. Қызылорда облысы Полиция департаментінің Есірткі қылмысына қарсы іс-қимыл басқармасының бастамасымен өткен бұл іс-шара өскелең ұрпақты құқық қорғау органдарының жұмысымен таныстырып қана қоймай, олардың бойында қауіпсіздік пен заңға деген жауапкершілік сезімін қалыптастыруды мақсат етті.Күн тәртібіндегі бағдарламаның маңызды бөлігі профилактикалық және құқықтық ағарту жұмыстарынан басталды. Басқарма қызметкерлері жасөспірімдерге есірткі және психотроптық заттардың ағзаға тигізер жойқын зияны, тәуелділіктің тез қалыптасуы туралы егжей-тегжейлі түсіндірді. Әсіресе, есірткінің заңсыз айналымына қатысқаны үшін қарастырылған заңды жауапкершілік мәселесіне ерекше тоқталды. Тәртіп сақшылары есірткі курьері болудың немесе тыйым салынған сайттарды жарнамалайтын «граффитист» ретінде күмәнді жұмысқа тартылудың қаншалықты қауіпті әрі қасіретті екенін ескертті. Оқушыларға «оңай олжа» табу жолындағы кез - келген қадамның соңы қатаң жазаға соқтыратыны және жарқын болашаққа балта шабатыны нақты мысалдармен көрсетілді.Шара барысында оқушылар ведомстволық музейді аралап, қазақстандық полицияның қалыптасу тарихымен және қызметтік борышын өтеуде ерлік көрсеткен батырлардың өмірімен танысты. Бұдан кейін балалар Жедел басқару орталығына барды. Мұнда олар заманауи технологиялар мен бейнебақылау камералары арқылы қаладағы тәртіптің қалай қадағаланатынын және патрульдік жасақтардың жұмысы қалай үйлестірілетінін өз көздерімен көрді.Күннің ең қызықты сәті Жылдам қимылдайтын арнайы жасақ қызметкерлерінің қару-жарақ пен жабдықтар көрмесі болды. Көрме аясында оқушылар атыс қаруының заманауи үлгілері мен арнайы құралдарды жақыннан танып білді. Сондай-ақ балаларға жауынгерлік киім үлгілері мен қорғаныс құралдары таныстырылып, әрбір қатысушы оларды егжей-тегжейлі зерттеуге мүмкіндік алды. Көрсетілім соңы арнайы техникалармен танысуға ұласты, онда жасақ сарбаздары қызметтік автокөліктер мен брондалған машиналардың мүмкіндіктері туралы айтып берді.Мұндай кездесулер балалардың полиция қызметкерін тек қатал тәртіп сақшысы емес, өз ісінің маманы және сенімді қорғаушы ретінде көруіне септігін тигізеді. «Біз өмірді таңдаймыз!» ұраны акцияға қатысушылар үшін жай ғана сөз емес, заңдылық пен қауіпсіздікті қолдайтын саналы таңдаудың белгісіне айналды.

«Біз өмірді таңдаймыз!»: қызылордалық оқушылар заманауи полицияның тыныс-тіршілігімен танысты

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің Жедел басқару орталығында «Қоғамдық қауіпсіздік пен ашықтық» тақырыбында ашық есік күні өткізілді. Ашық есік күніне жоғары, техникалық және кәсіптік білім беру ұйымдарының студенттері, жастар ұйымдарының өкілдері, әлеуметтік желі блогерлері мен белсенді жастар қатысты.Ашық есік күнінің мақсаты – «Заң мен тәртіп» қағидатын іске асыру, жастар мен тұрғындар арасында полиция қызметінің обьективтілігін және айқындық қағидатын нығайту, тұрғындардың құқықтық мәдениеті мен құқық қорғау органдары туралы түсінігін кеңейту, жастардың саналы азаматтық ұстанымын қалыптастыру.Қатысушылар Жедел басқару орталығының қызмет ерекшеліктерімен, материалдық-техникалық базасымен және заманауи бейнебақылау жүйесімен танысты.Сонымен қатар, Ашық есік күні барысында Қызылорда облысы Полиция департаменті бастығының орынбасары Омаров Оралбек Тәубақабылұлы студент жастармен кездесті.Кездесу барысында ол полиция қызметінің негізгі бағыттары, құқық қорғау саласындағы өзекті мәселелер және жастардың қоғамдағы рөлі туралы кеңінен әңгімеленді. Студенттер тарапынан түрлі сұрақтар қойылып, полиция қызметіне орналасу талаптары, қызмет барысындағы жауапкершілік, құқық бұзушылықтың алдын алу және жастар арасындағы қылмыстың профилактикасы тақырыптары қозғалды.Омаров Оралбек Тәубақабылұлы қойылған сұрақтарға нақты әрі жан-жақты жауап беріп, студенттерді заңға бағынуға, белсенді азаматтық ұстаным қалыптастыруға шақырды. Кездесу еркін форматта өтіп, студенттер үшін пайдалы әрі мазмұнды болды.<img src="https://knadmin.beoblood.kz/uploads/5694b887_ad58_4a92_bc19_70381f1a1a98_c92ba7d553.jpg" alt="5694b887-ad58-4a92-bc19-70381f1a1a98.jpg">Фото: Полиция департаменті

Жедел басқару орталығындағы ашық есік күні

<a href="https://kyzylorda-news.kz/">Kyzylorda-news.kz</a> Мәртебелі мамандықтың майталманы айтқан оймақтай ой мен кеңесі жас қызметкерлер үшін бағыт-бағдар беретін өмірлік мектеп. ҚАЖ департаментіне қарасты №68 мекемесінің жеке құраммен жұмыс жөніндегі бөлімшесінің ұйымдастыруымен “Отбасы” орталығында сала ардагерімен кездесу өтті.Төрден орын алған құрметті қонақ – жылдар бойы жарғақ құлағы жастыққа тимей, салада табан аудармастан қызмет еткен Ахметов Талғат Шәкіұлы. Жүздесуге жиылған жас қызметкерлерге есті естелігімен бөліскені емен-жарқын әңгімені жандандырды. Дайын дәрісті емес, өзі бастан өткерген сан тарау жол жайында сөз тарқату – қызметкерлерге тәжірибе болғаны анық.Ашық алаңда абдырап қалмаған жастар көкейдегі сұрақтарын жаудырды. Яғни, Талғат Шәкіұлының кәсіби жолда қабылдаған шешімі мен “әттеген-айы”, қызметтік кезеңінде үлгі тұтқан арда азаматтардан бастап, Қылмыстық-атқару жүйесінің дамуына дейінгі салмақты сауалдар қамтылды. Ал, сала ардагерінің байыпты жауабы заңмен қатар арға сүйенетінін алға тартты.<blockquote>– Салада сабақтастық болғаны бізді қуантады. Аға буынның ақылынан азық алсақ, тәжірибеміз толыса түсетіні ақиқат. Бүгінгі басқосуда жылы жымиыс та, әдемі әңгіме де өрбіді. Түйгеніміз көп, - дейді Режим және күзет бөлімінің бақылаушысы әділет сержанты Ернұр Еркін.</blockquote>Келелі кездесудің көркі әсем әнмен ашыла түсті. Бұған Режим және күзет бөлімінің ақпарат және байланыс тобының бақылаушысы әділет сержанты Ақниет Қалмұратовтың қоңыр домбыраны күмбірлетіп, үш бірдей әнді тамылжыта орындағаны дәлел.Басқосу – &nbsp;бір сағаттық әңгіме ғана емес, жылдармен жинақталған тәжірибенің, парасатты пайымның жемісі болғаны анық. Жас қызметкерлердің түйсікке түртіп алғаны да біраз деп сенеміз.

Өнегемен өрілген өмір

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің Шиелі аудандық полиция бөлімінің тергеушісі кәсіби әрі жүйелі жүргізілген тергеу нәтижесінде бір жылдан астам уақыт бойы ашылмай келген аса ауыр қылмысты ашты. &nbsp;2024 жылғы ақпан айында Шиелі кентіндегі тұрғын үйлердің бірінде өрт шығып, оқиға орнынан әйел адамның мәйіті табылған. Алғашқы тексеру барысында өрттің абайсызда шығуы мүмкін деген болжам жасалған. Алайда сот-медициналық сараптама марқұмның өртке дейін қайтыс болғанын көрсеткенімен, нақты өлім себебін анықтау мүмкін болмады.Аталған дерек бойынша қылмыстық іс тіркеліп, ұзақ уақыт бойы жедел-тергеу шаралары жүргізілді. 2025 жылғы мамыр айында Шиелі кентінде тұрғын үйге заңсыз кіру арқылы жасалған қарақшылық шабуыл дерегі тіркеліп, бұл іс Шиелі аудандық полиция бөлімінің тергеушісі полиция капитаны Жеңсікбаев Шындәулет Оразбекұлына тапсырылды.&nbsp;Тергеу барысында ұсталған күдіктінің бұған дейін де жалғызбасты әйелдерге қатысты тонау, зорлау секілді ауыр қылмыстар жасағаны анықталды. Жиналған деректер мен дәлелдемелер бұрынғы өрт фактісімен өзара байланысты екенін көрсетті. &nbsp;Тергеу барысында такси қызметін пайдаланғаны, куәгерлердің жауаптары мен жасырын тергеу әрекеттерінің нәтижелері оның кінәсін толық дәлелдеді.Жиналған бұлтартпас дәлелдерден кейін күдікті марқұмның үйіне заңсыз кіріп, күш қолданып, алтын бұйымдарын алып кеткенін және қылмыстың ізін жасыру мақсатында үйді өртегенін мойындады. 2025 жылы сот үкімімен күдікті 25 жылға бас бостандығынан айырылды. &nbsp;Елді алаңдатқан бұл істің ашылуы полиция қызметкерлерінің кәсібилігі мен табандылығының нәтижесі.&nbsp; Марқұмның қызы қылмыстың ақ-қарасын ажыратып, кінәліні анықтап, қоғам тыныштығын күзету жолында қызмет еткен тергеушінің ерен еңбегі үшін алғыс білдірді.&nbsp;«Істі тергеген полиция майоры Жеңсікбаев Шындәулет Оразбекұлының ұзақ уақытқа созылған күрделі тергеу ісіндегі тегеурінді &nbsp; &nbsp;еңбегі оң бағаға әбден лайық. Әділеттің салмағы сыналар сәтте заң мен ардың таразысын тең ұстап, қылмыстық істі жан – жақты әрі мұқият тергей білді.Бұғып қалу мен бүгіп қалуды білмейтін &nbsp;батылдығы қылмыскерді анықтауда септігін тигізгені сөзсіз. Сауатты әрі нәтижелі жүргізілген тергеу жұмысының қорытындысында қылмыскер заң талаптарына сай жауапқа тартылып, әділ жазасын алды. Ақ пен қараның аражігін зерделеп, ақиқатты ашуда көрсеткен кәсіби шеберлігі үшін алғысымды білдіремін!» делінген Қызылорда облысы Полиция департаментінің бастығы полиция полковнигі С.Ергешовтің атына жолданған алғыс хатта. &nbsp;Тергеушінің негізгі қағидаты – азаматтардың құқықтары мен бостандықтарын &nbsp;сақтау. Әр қылмыстық істің артындағы адам тағдырына деген жауапкершілік үшін ақиқаттың ақ жолынан ауытқымай, қызмет атқару кез &nbsp;- келген адамның қолынан келе бермейтіні шындық.Жеңсікбаев Шындәулет Оразбекұлы 1990 жылы қыркүйек айының 4 күні Қызылорда облысының Шиелі ауданы Ақмая ауылында дүниеге келген.&nbsp;<blockquote>«Менің полиция қызметкері боламын деген арманым мектеп кезінде басталған, ол үшін әскерге бару міндетті дегенді естіп әскерге баруға дайындалып жүргенімде 2009 жылы әкем Жеңсікбаев Оразбек Яхулаұлы өмірден өтті. Содан анамның рұқсатын алып, әскерге кетіп, Шығыс Қазақстан облысы, Өскемен қаласындағы №5518 әскери бөлімінде Отан алдындағы борышымды өтеп келдім. 2011 жылы ҚР ІІМ-нің М.Бөгенбаев атындағы Ақтөбе заң институтына оқуға түстім. Оқуды бітірген соң Қызылорда облысы Полиция департаменті бастығының бұйрығымен Шиелі аудандық полиция бөлімінің жедел уәкілі лауазымына тағайындалып, еңбек жолым басталды. Қиындығы мен қызығы қатар жүретін бұл жол маған төзімділік пен табандылықты үйретті» дейді ол.</blockquote>Бүгінде өз қызметіне адалдықты әркез бірінші орынға қоятын Шындәулет аяулы жары Маржан екеуі үш бала тәрбиелеуде.&nbsp;Осы қызметке келген күннен бастап тыңғылықты жұмысы мен кәсіби шеберлігінің арқасында ұжым арасында абыройлы, қызметтік борышын адал атқарып келеді.

Тегеуріні мықты тергеуші

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаевтың төрағалығымен аудан әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссияның кезекті отырысы өтті. Жиынға құқық қорғау органдарының өкілдері, мемлекеттік мекемелердің басшылары, комиссия мүшелері, сондай-ақ кент және ауылдық округ әкімдері қатысты.Күн тәртібінде екі негізгі мәселе қаралды. «№4 сыбайлас жемқорлықтың алдын алу және оған қарсы іс-қимыл үлгілік базалық бағыты бойынша жыл көлемінде атқарылған жұмыстардың қорытындысы» бойынша аудан әкімі аппаратының мемлекеттік-құқықтық жұмыстар бөлімінің басшысы Е.Зұлқарнаев баяндады. Екінші мәселе бойынша «Сыбайлас жемқорлыққа қарсы іс-қимыл мәселелері жөніндегі комиссияның 2026 жылға арналған жұмыс жоспарының жобасы» бекіту туралы мәселе қаралды.Аудан әкімі Берік Әбдіғаппарұлы өз сөзінде Мемлекет басшысының қоғам өмірінің барлық саласында адалдық пен әділдікті нығайту жөніндегі тапсырмаларын атап өтіп, сыбайлас жемқорлық тәуекелдерін төмендету – мемлекеттік органдардың басты міндеттерінің бірі екенін айтты.Отырыс қорытындысы бойынша аудан әкімі комиссия мүшелеріне бірқатар тапсырмалар беріп, тиісті шараларды қабылдауды міндеттеді.

Сырдарияда сыбайлас жемқорлыққа қарсы іс-қимыл мәселелері жөніндегі комиссия отырысы өтті

<a href="https://kyzylorda-news.kz/">Kyzylorda-news.kz</a> &nbsp;Арал ауданы Полиция бөлімінің жедел-криминалистикалық тобының аға криминалисті полиция капитаны Нұртаев Нартай Әлібекұлы, Арал қаласы №71 мектептің Т.Қозыбаев атынбағы «Жас сақшы» сыныбының оқушылармен&nbsp;«Криминалистика» тақырыбында танымдық дәріс өткізіп, өз кәсіби тәжірибесімен бөлісті.&nbsp;Кездесу&nbsp;барысында оқушылар криминалистиканың нақты құралдары мен әдістерін көріп, оларды қолдану жолдарымен танысты, нақты тергеу әрекеттерін шынайы форматта көрсетілді.&nbsp;Сонымен қатар аға криминалист Нұртаев Нартай өз сөзінде. Криминалист – қылмысты ашу, тергеу және дәлелдеуде ғылыми әдістерді, техникалық құралдарды және арнайы білімді пайдаланатын маман жәнеде Криминалисттің міндеті – тек айғақ табумен шектелмейді. Ол – тергеудің ғылыми негізін қамтамасыз етуші, әділдікті орнатуға ықпал етуші және қоғамдағы қауіпсіздікті қорғаушы маман. Оның кәсіби білімі мен тәжірибесі қылмыспен күресте шешуші орын алады деді.&nbsp;Саусақ іздерін анықтау, дәлелдерді зерттеу және қылмыс орнын модельдеу сынды әдістер оқушылардың ерекше қызығушылығын тудырып, бұл салаға деген ықыласын арттыра түсті.&nbsp;Оқушылардың ғылым мен құқық саласына деген қызығушылығын арттыруда осындай кездесулердің маңызы зор. Бұл кездесуде оқушылар ерте кәсіби бағдар алып, болашақта құқық қорғау органдарында жұмыс жасауға болатындығына көз жеткізді.&nbsp;Фото: Polisia.kz

Аралда «Жас сақшы» сыныбының оқушылармен кездесу өтті

<a href="https://kyzylorda-news.kz/">Kyzylorda-news.kz</a> &nbsp;Арал ауданы әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның кеңейтілген отырысы өтті. Отырысқа аудан әкімінің орынбасары, комиссия төрағасы Н.Бохаев төрағалық етті.Күн тәртібіне жоспарланған мәселелер бойынша бірқатар мекеме басшылары шақырылып, кәмелетке толмағандардың құқықтары мен қауіпсіздігін қамтамасыз етуге бағытталған жұмыстар жан-жақты талқыланды. Барлық қабылданған шешімдер балалардың қауіпсіздігін қамтамасыз ету мен олардың құқықтарын қорғауды көздейді.Отырыста, беймезгіл уақытта кәмелетке толмаған балалардың көшеде жүруіне жол бермеу, оларға темекі өнімдері мен алкогольдік ішімдіктердің сатылу жағдайларын болдырмау мақсатында түнгі рейдтік жұмыстарды күшейту қажеттілігі ерекше аталды.Сонымен бірге мектепішілік есепке алынған оқушылардың бос уақытын тиімді ұйымдастыру да күн тәртібіндегі маңызды мәселелердің бірі. Осыған орай оқушылардың спорт секцияларына, мәдени үйірмелерге және қосымша сабақтарға тұрақты қатысуын қамтамасыз ету мәселелері қозғалды.Комиссия төрағасы аудандық полиция бөлімі мен аудандық білім бөліміне алдағы уақытта кәмелетке толмаған оқушылар тарапынан қандай да бір құқық бұзушылық фактісі орвн алған жағдайда дереу комиссияға хабарлауды тапсырды. Бұл фактілер комиссия отырысында оқушы мен ата-анасының, мектеп әкімшілігінің қатысуымен қаралатынын және құқық бұзушылық дәлелденген жағдайда ата-анасының жұмыс орнына тиісті хат жолданатынын ескертті.Сондай-ақ осы тақырып төңірегінде тағы да комиссия отырысы өткізілді. Онда пиротехника заттардан келетін қауіптің алдын алу, мектептердегі интернет қауіпсіздігі және кәмелетке толмағандар арасындағы құқық бұзушылықтар бойынша атқарылған шаралар жөнінде жауапты сала мамандары баяндама жасап, нақты көрсеткіштер мен проблемалық тұстар мәселесі&nbsp;талқыланған болатын.Отырыста сертификатталмаған пиротехникалық заттардың қауіптілігі мен заңсыз сату нүктелерін анықтау мақсатында рейдтерді күшейту, кәсіпкерлер мен тұрғындарға түсіндіру жұмыстарын жүргізу, мектептерде ақпараттық қауіпсіздік ережелерін түсіндіру, кибербуллингтің алдын алу және оқушылардың зиянды контенттерден қорғалуына қатысты тапсырмалар берілді. Сонымен қатар, алдағы мереке күндері тұрғындар арасында пиротехникалық заттарды қолдану жиілейтінін ескере отырып, сертификатталмаған өнімдердің таралуын болдырмау үшін рейдтік шараларды одан әрі күшейту міндеттелді.Сонымен бірге, полиция бөлімі тарапынан жыл басынан жүргізілген рейдтік іс-шаралар мен профилактикалық жұмыстардың нәтижесінде 872 әкімшілік құқық бұзушылық дерегі анықталғаны, мектептерде профилактикалық кездесулер саны артқаны және түнгі рейдтердің нәтижесі баяндалды. Сонымен қатар, жасөспірімдер арасындағы қылмыс тіркелмегені атап өтілді.Комиссия төрағасы Н.Бохаев барлық мекемелердің үйлесімді жұмысын ерекше атап өтіп, жасөспірімдер тәрбиесіне ата-аналарды белсенді тарту және әр салада профилактикалық шараларды күшейту мақсатында нақты тапсырмалар берді.

Мақсат – кәмелетке толмағандардың құқығын қорғау 

<a href="https://kyzylorda-news.kz/">Kyzylorda-news.kz</a> 2025 жылдың басынан бері Қызылорда облысы аумағында алкогольдік масаң күйде көлік құралын басқару дерегі бойынша 763 құқық бұзушылық анықталды. &nbsp;Қабылданып жатқан қатаң шараларға қарамастан, бұл заң бұзушылық түрі әлі де толастамай отыр.Мәселен, тек бір күн ішінде облыс аумағында 3 жүргізуші мас күйде көлік жүргізгені үшін ұсталды. Аталған тұлғаларға қатысты ҚР ӘҚБтК-нің 608-бабы 1-бөлігі бойынша әкімшілік іс-құжаттар жинақталып, сот шешімімен 7 жылға көлік басқару құқығынан айырылып, 15 тәулікке әкімшілік қамаққа алынды.Полиция департаменті ескертеді: &nbsp;Мас күйде көлік құралын басқару – жол қозғалысы қауіпсіздігіне тікелей қауіп төндіретін өрескел құқық бұзушылық. Мұндай әрекеттер адам өмірі мен денсаулығына орасан зор зиян келтіруі мүмкін. Қоғамдық қауіпсіздікті қамтамасыз ету және жол-көлік оқиғаларының алдын алу мақсатында рейдтік шаралар жалғасуда. &nbsp;Ереже – бәріне ортақ. Жолда жауапкершілік танытайық!&nbsp;Фото: freepik.com

Масаң күйде көлік тізгіндеу қоғамға қауіпті

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің қызметкерлері ауа - райының қолайсыздығына байланысты жолда қалған жүргізушілерге тұрақты түрде көмек көрсетуде.Қызмет атқару барысында рота қызметкерлері тас жолда жол жиегіне шығып кеткен жүк автокөлігінің жүргізушісіне көмек көрсетті. Жүргізуші Ресей Федерациясына бағыт алған болатын. Алайда ауа - райының қолайсыздығына байланысты «Қарабұтақ – Қызылорда – Шымкент» республикалық маңызы бар автожолының Қызылорда облысы Қармақшы ауданы аумағында көлікті басқара алмай, жол жиегіне шығып кеткен. Рота қызметкерлері жүргізушіге жедел түрде көмек көрсетіп, арнайы техника шақырды. Нәтижесінде жүк көлігі жолға шығарылып, жүргізуші сапарын жалғастырды. Ол полиция қызметкерлеріне көрсеткен көмектері үшін алғысын білдірді.Полиция қызметкерлері жүргізушілерге алыс жолға шығар алдында ауа - райы болжамын, жол қызметтерінің хабарламаларын мұқият қадағалап, сапарды алдын ала жоспарлауға кеңес береді. Сонымен қатар жолға шығар алдында көліктің техникалық жағдайын тексерудің маңыздылығын&nbsp;еске&nbsp;салады.

Қызылорда облысында полиция қызметкерлері жолда қалған жүргізушілерге көмек көрсетуде

«Заң мен тәртіп» қағидасы аясында Ашық университетінің студенттерімен профилактикалық кездесу өткізілді. Кездесуге Қызылорда облыстық Полиция департаментінің қызметкерлері мен облыстық жастар ресурстық орталығының қызметкері қатысты.Кездесудің негізгі мақсаты – жасөспірімдер мен жастар арасында құқықбұзушылықтың алдын алу, топтық төбелес, буллинг және суицид сияқты өзекті мәселелердің алдын алу жолдарын түсіндіру болды. Құқық қорғау органдарының өкілдері аталған құқықбұзушылықтардың салдары мен заң аясындағы жауапкершілік туралы жан-жақты ақпарат берді.Шара барысында студенттер сала мамандарына сұрақтар қойып, нақты жауаптар алды. Мұндай кездесулер жастардың құқықтық сауаттылығын арттырып, қоғамдағы тәртіп пен қауіпсіздікті нығайтуға оң ықпал етеді.

«Заң мен тәртіп» қағидасы аясында студенттермен кездесу өткізілді

<a href="https://kyzylorda-news.kz/">Kyzylorda-news.kz</a> Қызылордадағы колледжде кәмелетке толмаған жастар арасында қылмыс пен құқық бұзушылықтың алдын алу мақсатында Қызылорда қалалық полиция басқармасының ұйымдастыруымен профилактикалық түсіндіру шарасы өтті, – деп хабарлады<a href="https://polisia.kz/qyzylordada-politsiya-qyzmetkerleri-zhasospirimdermen-quqyqtyq-tarbie-zhoninde-kezdesu-otkizdi/"> Polisia.kz.&nbsp;</a>Басқосуда полиция қызметкерлері жасөспірімдер арасында жиі кездесетін құқық бұзушылық түрлеріне тоқталып, олардың алдын алу бағытында нақты ұсыныстар мен тәжірибеден мысалдар келтірді. Қызылорда қалалық полиция басқармасының қоғамдық қауіпсіздік бөлімінің учаскелік полиция инспекторы М.Ерсейітов жасөспірімдер арасында жиі кездесетін құқық бұзушылық түрлері, олардың алдын алу жолдары және полиция тәжірибесінен мысалдар келтіре отырып түсіндірме жасады.&nbsp;Іс-шара барысында колледж директоры Ж.Тоғанова білім алушыларға құқықтық тәртіп, жасөспірімдердің қоғамдағы жауапкершілігі және құқық бұзушылықтың салдары туралы жан-жақты түсіндірме жасады. Директордың тәрбие ісі жөніндегі орынбасары Г.Исаева тәрбие бағытында атқарылатын жұмыстар мен құқықтық нормаларды сақтаудың маңызын атап өтті. Колледж инспекторы Ж.Мәлік қолданыстағы заңдар, құқықтық баптар және әкімшілік жауапкершілік туралы мәлімет беріп, құқықтық сауаттылықты арттыруға бағытталған түсіндіру жүргізді.&nbsp;Алғашқы әскери дайындық жетекшісі Тұрсынбай Қалқаман білім алушыларға тәртіп, азаматтық жауапкершілік және қауіпсіздік ережелері жөнінде ақпарат берді. Кездесу соңында білім алушылар мамандарға өз сұрақтарын қойып, пікір алмасты. Шара жастардың құқықтық санасын көтеруге, тәртіпке баулуға және құқық бұзушылықтың алдын алуға бағытталған маңызды басқосу болды.Фото: polisia.kz

Қазақстан және Қызылорда облысының жаңалықтары: Құқық