<a href="https://kyzylorda-news.kz/">Kyzylorda-news.kz</a> Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырамас атрибуттарының бірі. Еліміздің тұңғыш рәміздері – Ту мен Елтаңба тәуелсіздігіміздің жариялануының дәл 130-шы күні, яғни 1992 жылдың 4 маусымында қабылданды. Ал елімізде «Мемлекеттік рәміздері туралы заң» 2007 жылы 4 маусымда қабылданған еді. Осы заңға сәйкес, жыл сайын 4 маусым – Қазақстан Республикасында Мемлекеттік рәміздер күні ретінде мерекеленіп келеді.Қазақстан да, өз егемендігін жариялаған кезде оны ең алдымен, тәуелсіз елдің саяси мәртебесін білдіретін Тәуелсіздік декларациясын қабылдау арқылы бекітті. Содан кейін күн тәртібінде Мемлекеттік рәміздерді қабылдау мәселесі тұрды. Алдымен, 1992 жылдың басында Жоғарғы кеңестің төралқасы мемлекеттік символиканы дайындау бойынша жұмыс тобын құру туралы қаулы қабылдады. Осы құжатқа сәйкес, арнайы шығармашылық комиссия құрылды. Оның құрамына белгілі заңгерлер мен қоғам қайраткерлері кірді. Көп кешікпей, Елтаңба, Ту және Әнұран жобаларын жасауға конкурс жарияланды. Оған қатысушылар алдына күрделі, әрі жауапты міндеттер қойылды. Мемлекеттік рәміздер, әсіресе, тарихи, саяси және экономикалық символизмге сәйкес келуге тиіс болды. Ал, рәміздер жобаларын жасау конкурсында 600-ден астам адам қатысқан екен. Мемлекеттік ту эскиздері бейнеленген шығармашылық еңбектері бар түскен өтінім 1 200-ді құраған. Сондай-ақ, конкурсқа болашақ Елтаңбаның 245 сурет жобасы мен 67 суреттемесі және Әнұранның 750 нұсқасы ұсынылыпты. «Жүзден жүйрік, мыңнан тұлпар» шығатыны секілді таңдаулылары таңдалып, бүгінгі күнге дейін жетіп отыр.Қазалыда Қазақстан Республикасының Мемлекеттік рәміздер күніне орай салтанатты шара өтті.Әйтеке би кентіндегі Рәміздер алаңында өткен мерекелік іс-шараға Қазалы ауданы әкімі Мейрамбек Шермағанбет, зиялы қауым өкілдері, мекеме, кәсіпорын басшылары мен қызметкерлері және аудан тұрғындары, белсенді жастар қатысты.Мерекелік шарада Қазалы ауданы басшысы барша Қазалы жұртшылығын мерекемен құттықтап, мемлекеттік рәміздер Тәуелсіздіктің баға жетпес құндылығы екенін жеткізді.<blockquote>– Мемлекеттік рәміздер – әр мемлекеттің тәуелсіздігін білдірумен қатар, тұтастыққа ұйыстыратын, бірлікке үндейтін айшықты белгілер. Еркіндігіміздің көк байрағы көкте желбіреп, Елтаңба төрде орнығып, Мемлекеттік Гимніміз шырқала орындалғанда, ата-бабаларымыз сан ғасырлар аңсаған елдік қалпымыз бен сүттей ұйыған тірлігімізге шүкіршілік айтып, толқымайтын жан, селт етпейтін көңіл жоқ.</blockquote>Баршаңызды мемлекеттік рәміздер күнімен құттықтай отырып, әрдайым ел іші мерекелі де берекелі, елтаңбамыз – еңселі, туымыз – тұғырлы, Гимніміз – айбынды болсын деймін. Тәуелсіздігіміздің тұмарына айналған мемлекеттік рәміздеріміз болашаққа бастаған ұлы көшімізді демеп, игі істерімізді қолдай берсін, – деді Қазалы ауданы әкімі.Мұнан соң бірқатар сала қызметкерлері ауданымыздың қоғамдық-саяси және әлеуметтік-экономикалық өміріне белсене қатысып, зор үлес қосқаны үшін аудан әкімінің «Алғыс хатымен» марапатталды.Рәміздерді сөз еткенде "ұлттық" сөзі ойға оралады. Ұлттық рух, ұлттық болмыс, ұлттық сана... Қай рәмізді алсақ та, ұлттық нақыштан аспаған. Тудың түсі, қалықтаған қыран бейнесі, жарқыраған күн мен одан сәуледей таралған 32 шуақ, тігінен салынған ою-өрнек, бәрі-бәрі бір-бірімен астасқанда ұлттық көрінісімізден бірден хабар береді. Елдіктің нышаны саналатын Елтаңба ассоциациясы да ерекше. Шаңырақ, қанатты пырақ, жұлдыз бір-бірімен үйлесім тапқан.Қандай ел болмасын өз рәміздерімен, заң-жарлықтарымен мақтанады. Алайда, оның тереңіне бармай, құр мақтану – ұят. Тудың авторы – Шәкен Ниязбеков. Автордың тың туындысы 600 жоба арасынан көзге түсіп, жоғары кеңесте талқыланған. Күн – жарқын болашақтың, күннен тараған әр шапағат, шуақтың – молшылық пен аманшылықтың белгісі. Дала қыраны – кеңдік пен зеректікті білдіреді. Дала адамдары үшін бұл азаттық, тәуелсіздікке, мақсатқа, биікке, болашаққа ұмтылудың символы. Оюлар қазақы элементтің бірден-бір көрінісі.Елтаңба авторы – Ж.Мәлібеков пен Ш.Уәлиханов. Шаңырақ қазақ ұғымындағы ең қасиетті де қадірлі символ. Жақсылыққа алғыс ретінде де "шаңырағың биік болсын", "шаңырағың шайқалмасын" сынды тіркестер қолданылатыны белгілі. Бір шаңырақтың астында бірнеше ұлттың тату-тәтті ғұмыр кешуі де көптің қолынан келе бермейді. Қанатты қос пырақ – қазақ санасындағы ертеден келе жатқан қиял. Бұл жерде де еркіндік, егемендікті ерекше айтқысы келген болуы керек. Елтаңбаның жоғарысында тұрған жұлдыздың да өзіне тән кең ұғымы бар. Қазақта "жұлдызың жансын", "жұлдызың жарқырасын" деген тіркестердің де барын білеміз. Әнұранның авторын әр қазақ жатқа білуі шарт. Туған елдің бар болмысынан, тарихынан көрініс беретін бұл әннің әні мен сөзі әдемі үйлесіп, күллі қазақтың кеуде кернеп айтатын әнұранына айналғаны да қазақ деп жүрегі соққан әр азамат үшін айтары көп.Мерекелік шарада жас мемлекеттік қызметшілер салтанатты түрде ант қабылдап, аудан өнерпаздары концерттік бағдарламаларын ұсынды.

Мемлекеттік рәміздер ардақталған күн

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Қармақшы аудандық Шәмшат Төлепова атындағы аудандық мәдениет үйінде «Халық Заңгері» республикалық акциясы өтті. Науқанның мақсаты – халықтың құқықтық сауаттылығын арттыру және азаматтарға тегін заң көмегін көрсету. Кез-келген азамат келіп, елдің ең үздік заң өкілдерінен тегін қажет кеңес ала алады. Олардың арасында – белгілі адвокаттар, нотариустар, прокурорлар, тергеушілер, сот орындаушылар, мемлекеттік органдар басшылары мен басқалар.</h4><h4 style="margin-left:0px;text-align:justify;">Науқанды ұйымдастырушылар Қазақстан Республикасының Сыбайлас жемқорлыққа қарсы іс-қимыл Агенттігі, zakon.kz жүйелі басылым, «Параграф» ақпараттық жүйесі, Қазақстанның мемлекеттік билік органдары және ең үздік заңгерлер мен адвокаттар.&nbsp;</h4><h4 style="margin-left:0px;text-align:justify;">Акция аясында аудан прокуроры, аудандық полиция бөлімі, ауданаралық Әділет департаменті, аудандық мемлекеттік кірістер департаменті және аудан әкімдігінің бөлім басшылары, заңгерлер мен адвокаттар халыққа ақысыз заңгерлік көмек көрсетті.</h4><h4 style="margin-left:0px;text-align:justify;">Акцияның негізгі мақсаты – халықтың құқықтық сауаттылығын арттыру. Іс-шарада 30-ға жуық маман әр түрлі сала бойынша тұрғындардың сұрақтарына жауап беріп, заңгерлік кеңес берді. Шараға қатысушылар қажетті заңгерлік кеңес, сондай-ақ мемлекеттік орган өкілдерінен өзіне қажетті мәселелер бойынша түсіндірме алды. &nbsp;</h4>

Қармақшыда «Халық заңгері» акциясы өтті

<a href="https://kyzylorda-news.kz/">Kyzylorda-news.kz</a> «Синтетикалық есірткі» дегеніміз не? Бұл - психологиялық және физикалық тәуелділікті тудыратын жасанды жолмен алынған психоактивті заттар. «ORDA» колледжінің Арнаулы пән оқытушысы М.Кемелбеков АҚ-9-32г оқу тобының студенттеріне есірткі, оны тұтынудың зияны, синтетикалық есірткі, есірткіге тәуелділіктің алдын алу туралы ақпараттар беріп, түсіндірме жұмысын жүргізді.Бүгінде зиянды әдет, қоғамдық індет – синтетикалық есірткі. Негізгі себеп – бұл заттардың қолжетімділігі мен арзандығы, интернет пен мессенджерлер арқылы сатып алу мүмкіндігі, ересектердің балаларының бос уақытын бақылаусыз ұстауы. Балалар мен жасөспірімдер ең осал орта болып табылады, оларда есірткі заттарының зияны туралы нақты білім жоқ.&nbsp;Сондықтан да алданудың құрбаны болып жатады.&nbsp;Өкініштісі сол, бұл жағдай жасөспірімдердің арасында кеңінен таралуда. Күн сайын заңсыз айналымнан есірткі тәркіленгені туралы жаңалықтарды естиміз. Синтетикалық есірткінің мефедрон, пировалерон, амфетамин, метадон сияқты түрі бар. Жасөспірімдердің есін алған есірткі өте алаңдатарлық жағдай.Синтетикалық есірткі деген не? Мамандардың айтуынша, синтетикалық есірткі – химиялық жолмен жасалған, адамды физикалық және психикалық тұрғыдан тәуелді етіп қоятын қасиетке ие психобелсенді зат. Қауіпті химиялық қосынды құпия зертханаларда астыртын жасалады әрі арзан тұрады. Синтетикалық есірткіні пайдалану инені қажет етпейтіндіктен, оның дәмін татып көрген адам бірден тәуелділіктің төте жолына түседі. Ал бұған құл болған жанның, қайта азаттық алуы өте қиын.2023 жылдан бері 75 жасырын зертхана жойылды. Министр есірткі тарататын жастарға жазаны жеңілдетуді сұрады. Егер қылмыс бірінші рет жасалып, кінәлі адам, тергеу органдарымен белсенді жұмыс істесе, онда оларды жауапкершіліктен босату мүмкіндігі қарастырылады. Биыл кәмелетке толмаған 6 бала сотталып, тағы 26 жасөспірім заң алдында жауапқа тартылған. Жалпы 10 айда есірткі қылмысымен 3 мыңнан астам адам сотталды. Олардың 11-і құқық қорғау қызметкері.<blockquote>– Қазір есірткі зертханаларын ұйымдастырушылар “есірткіні өткізу” мақсатында бір топ адаммен және аса ірі көлемде әзірлегені және қайта өңдегені үшін жауапкершілікке тартылады, санкциясы 10 жылдан 15 жылға дейін бас бостандығынан айыру. Ұсынылатын түзетулерде осы әрекеттер 15 жылдан 20 жылға дейін немесе өмір бойы бас бостандығынан айыру дәрежеленетін болады, – дейді ҚР ішкі істер министрі Ержан Сәденов.</blockquote>Дәрігерлердің айтуына қарағанда, химиялық препараттар орталық жүйке жүйесі жасушаларын едәуір зақымдап, ойлау жүйесіне кері әсер етеді, есте сақтау қабілетін жояды. Ұйқыға да кері әсер етеді. Тіпті есірткіге тәуелді адамдардың көбі бір айдан астам уақыт бойы дәрісіз ұйықтай алмайтын жағдайға түседі.Бұл өсімдік есірткілерден де қауіпті. Өсімдік есірткісін пайдаланып көргендердің ішінде жүре келе ес жиып, зиянды заттан біржола бас тартып, дұрыс жолға түскендер бар. Ал синтетикалық есірткіні бір рет пайдаланған адамның бас тартуы қиын. Мұның дәмін татқан адамға жоқ жерден ерекше қайрат бітеді. Алдамшы сезімге бөленеді. Бірте бірте галлюцинация пайда болып, көзіне түрлі құбыжықтар елестеп, әр сәті азапқа айналады. Есірткіге тәуелді адамдарда жақынына, тіпті туған анасына деген жанашырлық сезім болмайды.Білім алушыларға осы түсіндірме сабақ аясында алдап-арбау, аңдамай есірткі құрығына ілініп қалмау жолдарын ұғындырды.&nbsp;Қорлан САРЫ Фото:carposting.ru

Синтетикалық есірткіден сақтан!

<a href="https://kyzylorda-news.kz/">Kyzylorda-news.kz</a> Бос уақытты тиімді пайдалану, сондай – ақ отбасылық құндылықтарды, отбасылық тәрбие мен салауатты өмір салтын насихаттау және отбасы институтына қоғамның назарын аудару, халықтың белсенді және салауатты өмір салтын жүргізуге ынтасын дамытуға негізделген профилактикалық жұмысты жетілдіру мақсатында Қызылорда облысы ПД Есірткі қылмысына қарсы іс-қимыл басқармасы «Берік отбасы – есірткіден алыс!» ұранымен отбасылық байқау ұйымдастырды.Қатысушылар нашақорлыққа қарсы үндеу жасап, өз отбасыларының атынан дұрыс жол таңдау керектігін ашты. Содан кейін отбасылық флешмоб көрсетіліп, бірге есірткіге қарсы ән шырқады.Олар бейне ұсынымдар әзірлеп, мессенджерлер арқылы облыс өңірлеріндегі сайыстық комиссияларға жіберді, содан кейін байқаудың үздік жұмыстары сайыстың екінші кезегіне қатысты.Финалдық байқауға 12 отбасы қатысты. Байқауға қатысушылар өз ойларын шығармашылықпен жеткізе білді, түрлі ақпаратты пайдаланды, нашақорлық мәселесі бойынша өз ой-пікірлерімен бөлісті. Танымал әндердің әуеніне, сөз жазып, есірткіге қарсы әндер орындады.Байқау комиссиясының шешіміне сәйкес қатысушылар жинаған ұпайларына сәйкес аймақтық және облыстық жеңімпаздар және номинация жеңімпазы болып бөлінді.Үздік деп танылған отбасылар: Арал ауданынан Әмірхановтар отбасы – 1 орын, «Атамекен» балалар ауылынан «Ақжайық» және «Байқоңыр» отбасылары 2 және 3 орындарға ие болды.Номинациялар бойынша «Атамекен» балалар ауылының отбасылары: «Көңілді отбасы» – «Байқоңыр» отбасы, «Үлгілі отбасы» – «Сарыарқа» отбасы, «Белсенді отбасы» – «Мадияр» отбасылары жеңімпаз атанды.Қатысушы отбасылар жеке үлгісімен бос уақытты отбасы шеңберінде қалай тиімді өткізуге болатынын көрсетті.Байқаудың барлық қатысушылары сыйлықтармен және дипломдармен марапатталады.<img src="https://knadmin.beoblood.kz/uploads/esirtki1_1024x767_2f8de53727.jpg" alt="esirtki1-1024x767.jpg">Фото: Есірткі басқармасы

Отбасылық байқау өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында тұрғындар арасында болған атыстан бір адам жарақат алған. Әлеуметтік желіде айтылғанындай, Қызылорда қаласы аумағындағы <a href="https://kaz.inform.kz/news/kizilordada-bolgan-atistan-br-adam-zharalandi-c8901f/">Әл-Фараби бөлігінде</a> болған.Сөзге келіп қалған жас жігіттер арасында атыс болған. Бір адам жарақат алып, ауруханаға жатқызылған.Бұл оқиғаның болғанын облыстық полиция департаменті растап, түсінік берді.<blockquote>«Қызылорда қалалық полиция басқармасы тарапынан бұзақылық дерегі бойынша қылмыстық іс қозғалды, тергеу жүріп жатыр. Оқиғаның мән-жайы анықталуда. Барлық қатысушының жеке басы анықталып, күдіктіні ұстау бойынша жедел жұмыс жасалып жатыр. Қылмыстық іс департамент басшылығының бақылауында», – деп жазылған хабарламада.</blockquote>Еске салсақ, бұдан бұрын Қызылордада адамдарға пышақ жарақатын салған күдікті ұсталған еді.Фото: Pixabay

Қызылордада атыстан жарақаттанған адам ауруханаға жеткізілді

<a href="https://kyzylorda-news.kz/">Kyzylorda-news.kz</a>&nbsp; Кеше &nbsp;Қазақстанның барлық ірі қалаларында «Халық заңгері» жалпыреспубликалық акциясы ұйымдастырылды. Мақсат – халықтың құқықтық сауаттылығын арттыру және тегін заң көмегін көрсету.&nbsp;Биылдан бастап бұл акция аудан аумақтарында өткізілуде. Іс-шараға құқық қорғау және мемлекеттік органдардың өкілдері, жергілікті атқарушы, сонымен қатар, жеке нотариустар, сот орындаушылар, заңгерлер мен адвокаттардан құралған 40-тан астам кеңесші маман қатысты. Акция ҚР Үкіметінің қолдауымен өткізілді, ұйымдастырушылар - ҚР Сыбайлас жемқорлыққа қарсы іс-қимыл агенттігі, ҚР Әділет министрлігі, <a href="http://zakon.kz/?fbclid=IwZXh0bgNhZW0CMTAAAR1yYGLP_dezjDzu2DhUuJ8NxyE3sCr8Gzi-Ji9YTol_-F4I9La_-2tkikM_aem_AbIZ3IOzs5Ok56Bd7GyhI0aK0ibrFufeHxx-TzKLO7RETnM3rqA4dQT5qXSnvBQ67L0Nu36euKIMBAbK79LT_Knx">Zakon.kz</a>&nbsp; желілік басылымы, «Параграф» ақпараттық жүйесі, Республикалық адвокаттар алқасы, мемлекеттік билік органдары, Қазақстанның үздік заңгерлері мен адвокаттары. Шара барысында мамандар 200-ден астам азаматқа кеңес берді.Сарапшылар неке-отбасы, мұрагерлік, тұрғын үй, еңбек, азаматтық құқық, сот шешімдерін орындау, денсаулыққа келтірілген зиянды өтеу, несие, жол құрылыстары, қылмыстық және әкімшілік құқық бұзушылық және тағы басқа салаларға қатысты көптеген сұрақтарға жауап берді. Бүгінгі күні «Халық заңгері» акциясын өткізу дәстүрге айналды және қарапайым қазақстандықтар өз алғыстарын білдіруде. 2016-жылдан бастап акцияға 8000-нан астам үздік сарапшылар мен мемлекеттік органдардың өкілдері қатысты. Құқықтық көмекке жүгінген 165 000-нан астам азамат қажетті кеңестер алды.

«Халық заңгері» жалпыреспубликалық акциясы өтті

<a href="https://kyzylorda-news.kz/">Kyzylorda-news.kz</a>&nbsp;Қызылорда облысы&nbsp;полиция департаментінің&nbsp;күзет қызметін бақылау бөлімінің қызметкерлерімен облыс көлемінде террористік тұрғыдан осал обьектілерді және басқа да жеке күзет ұйымдарымен күзетке алынған нысандар мен олардың персоналдарының қауіпсіздігін қамтамасыз ету мақсатында жеке күзет ұйымдарының басшылары, жедел ұтқыр тобының күзетшілері және объектіде күзетші лауазымдарын атқаратын жұмыскерлерінің біліктілігін арттыруға бағытталған іс-шара өткізілді.Іс-шара барысында Қазақстан Республикасы ҰҚК-нің Қызылорда облысы және Байқоңыр қаласы бойынша департаментінің терроризмге қарсы орталығының қызметкерлері, Қызылорда облыстық филиалы«Динамо» ДШСҚ және «АСАР» Даярлау орталығы ЖШС Қызылорда қаласындағы филиалы мамандарының қатысуымен жеке күзет ұйымында басшы және күзетші лауазымдарын атқаратын жұмыскерлерге төтенше жағдайлардың алдын алуға бағытталған түсіндірме жұмыстары жүргізілді.ҰҚК әзірлеген қауіп төнген немесе терроризм актісі жасалған жағдайда күзет қызметі субъектілерінің алғашқы әрекет ету алгоритмі, күзет ұйымдарының міндеттері мен іс-әрекеттері, қызмет атқару барысында қауіпсіздіктің алдын алуға арналған арнайы заманауи техникалық құралдарды пайдалану нұсқаулығы түсіндірілді.Сонымен бірге облыс көлемінде қызмет көрсететін жеке күзет ұйымдары қызметкерлерінің біліктілігін шыңдаумен қатар, теориялық, практикалық дәрістер беріліп, заңдылықты сақтау, терроризм, қылмыстық және әкімшілік құқық бұзушылықтардың алдын алу, күзетілетін нысанның қауіпсіздігін қамтамасыз ету мақсатында қосымша нұсқаулықтар беріліп, арнайы бейнероликтер көрсетілді.Айтуынша, алдағы уақытта Қызылорда ОПД Күзет қызметін бақылау бөлімімен құқық қорғау органдары,мамандандырылған оқу орталықтары қызметкерлерінің қатысуымен облыс көлеміндегі нысандар мен азаматтардың қауіпсіздігін қамтамасыз етудегі іс-шаралармен қатар жеке күзет ұйым күзетшілерінің іс-әрекеттерінің сапасын жақсарту, құқықтық сауаттылығын арттыру мақсатында жоспарлы жұмыстар жүргізілетін болады.&nbsp;

Қызылордалық полицейлер біліктілікті арттыруға бағытталған іс-шара ұйымдастырды

<a href="https://kyzylorda-news.kz/">Kyzylorda-news.kz</a> Ақмола облысында әскери сот подполковникті есірткі таратқаны үшін 9 жылға бас бостандығынан айырды.&nbsp;Бұл туралы&nbsp;<a href="https://stan.kz/akmola-oblisinda-podpolkovnik-esirtki-taratkani-ushin-s-400915/">Stan.kz&nbsp;</a>ақпарат агенттігі хабарлайды.Оны есірткі көнбесін жасап&nbsp;жатқанда ұстап алған екен.<blockquote>"Сотталушы полиция подполковнигі М. тұрғын үйдің терезелерінің темір торларына &nbsp;"гашиш майы" оралған есірткі көнбесін магнитпен&nbsp;бекітіп жатқан кезде&nbsp;полиция қызметкерлеріне ұсталған", –&nbsp;делінген әскери соттың хабарламасында.</blockquote>Одан жалпы салмағы 23,62 грамм "гашиш майы" есірткі заты бар 34 колба мен жеті шприц тәркіленді.<blockquote>"Сот үкімімен сотталушы&nbsp;Қылмыстық кодексінің 297 бабы “Есірткі құралдарын заңсыз өндіру, қайта өңдеу, иемдену, сақтау, өткізу” бойынша 9 жылға бас бостандығынан айырылды", –&nbsp;деді сот.</blockquote>Подполковник әскери атағынан айырылып, жәбірленушілерге өтемақы қорына 69 мың теңге&nbsp;төлеуге міндеттелді.Фото: Pixabay.com

Ақмола облысында подполковник есірткі таратқаны үшін сотталды

<a href="https://kyzylorda-news.kz/">Kyzylorda-news.kz</a> &nbsp; Қай уақытта болмасын кіші буынға рухани тәлім-тәрбие беру заманның өткір талабы болып қала бермек. Тәрбие – тал бесіктен. Десекте, бұл істе әсіресе білім беру жүйесіндегі тәрбие беру ұлттық және рухани негізде үйлестіре жүргізуді қажет етеді. Ұлт ұстазы Ахмет Байтұрсынұлы «Тәрбиенің негізі – тәртіпте, ал тәртіп бар жерде нәтиже болады» деп айтқандай, бала тәрбиелеу – адамзаттың аса маңызды қоғамдық қызметі, азаматтық борышы.Өткен аптаның аяғында Мәдениет үйінде облыс әкімі Нұрлыбек Нәлібаевтың тапсырмасына сәйкес аудан әкімі Мейрамбек Шермағамбеттің төрағалығымен оқу жылының аяқталуы және жасөспірімдер арасындағы құқықбұзушылықтың алдын алуға байланысты кеңейтілген мәжіліс өтті.Роза Бағланова атындағы Қазалы аудандық мәдениет орталығында өткен жиынға аудандық ауданның бас прокуроры Дарын Әбіш, Мәдениет және тілдерді дамыту бөлімінің басшысы Болат Әбенұлы, Білім бөлімі басшысы Әділхан Жөлекешов сынды басқа да сала басшылары мен ата-аналар да қатысты. Мәжілісте жалпы ауданның білім саласындағы өзекті мәселелер мен жасөспірімдер арасында құқық бұзушылық, қылмыстың алдын алуға бағытталған жұмыстары сараланды. Жиында Қазалы ауданының басшысы Мейрамбек Зинабдинұлы сөз сөйледі.<blockquote>– Қай қоғамда болмасын, қашанда ұрпақ тәрбиесі – өте өзекті. Бүгінгі таңда елімізде Мемлекет басшысынан бастап, ұрпақ тәрбиесіне аса мән беріп, білім беруші мен білім алушыға мүмкіндігінше жағдай жасау, сапалы біліммен қатар саналы тәрбие беру бағытында, жалпы, ұрпақ тәрбиесіне ықпал ететін түрлі шараларды қабылдауда. Күні кеше ғана аймақ басшысы Нұрлыбек Машбекұлының төрағалығымен облысымыздағы білім саласының өзекті мәселелері мен дәл осы ұрпақ тәрбиесіне қатысты маңызды жиын өтті. Бүгінгі жасқа сапалы біліммен қатар, саналы тәрбие беру – қоғамның басты міндеті. Ендігі біздің міндет – қоғам болып сонымен қатар, адамгершілік құндылықтарды сіңіру, балалардың түрлі құқықбұзушылықтармен зиянды әрекеттерге бармауына жол бермеу бағытында бірлесе, жауапкершілікпен жұмыс жасау, – деді Қазалы ауданы әкімі.</blockquote>Мұнан кейін кеңейтілген мәжілісте прокурор Алмат Алдабергенов аудандағы білім беру ұйымдарындағы құқықбұзушылық профилактикасы және бірқатар мәселеге тоқтала отырып, баяндама жасады.Атап айтар болсақ, 2023 жылы жалпы, Қазалы ауданы бойынша кәмелет жасқа толмаған жастар арасында тоғыз қылмыстық іс тіркелген. Ал, әкімшілік құқықбұзушылық бойынша 146 іс болған. Бұл статистиканы биылғы жылдың 5 айымен салыстырғанда қуанышқа орай, қылмыстық іске бой алдырған жастар қатары анықталмаған. Керісінше, әкімшілік құқық бұзушылық саны артып тұр. Яғни, ауданда бес айдың ішінде – 167 әкімшілік құқық бұзушылық тіркелді.Бұдан бөлек, кейбір білім ордасы, балаларды сауықтыру демалыс орталығы "Шағала" лагерінде санэпидемиологиялық нормалар бұзылған. Осы секілді басқа да мәселелер, анықталған олқылықтар баяндалды. Прокурор сөзі тәмамдалған соң, аудан басшысы аталмыш сала басшыларына қатаң ескерту жасап, мәселені тез арада қолға алуды тапсырды.Одан кейін мінберден орын алған аудандық полиция бөлімі бастығының орынбасары Ғани Құрманалиев балалар мен жасөспірімдер арасындағы қылмыс пен құқықбұзушылықтың алдын алу бағытындағы атқарылып жатқан шаралар туралы хабарлама жасады.Полиция басшысы орынбасарының мәліметінше, оған дейін мемлекеттік және мемлекеттік емес қоғамдық ұйымдармен бірлесе отырып, аудандағы 38 мектеп, 3 колледж бойынша оқушылардың құқықтық білімін арттыруға, есірткі және басқа қылмыс түрлеріне жол бермеуі жайында сұхбат, кездесулер жасалған. Бұдан бөлек, түнгі рейдтік жұмыстар да, өз жалғасын тауып келе жатқанын айтты.Профилактикалық жұмыстар барысында барлығы – 167 құқықбұзушылық анықталған. Оның ішінде, жасөспірімдерге шектеулі түнгі уақытта жүрген, ойын-сауық орталықтарында болған барлығы – 107 оқушы анықталған. Оларға бірінші ескерту жасалып, екінші рет қайталанған жағдайда ата-анасына – 25 мың теңге көлемінде айыппұл салынуда. Сонымен қатар, балаларын тәрбиелеу және білім беру жөніндегі міндеттерін орындамаған – 19 ата-анаға әкімшілік құқықбұзушылықтың белгілі бабы бойынша шара көрілген. Тиісінше, сотқа жолданып, 39 мың теңге шамасында айыппұл салынған. Тағы өз міндетін орындамаған екі ата-ана құқығынан айрылды. Сондай-ақ, отбасындағы бұрыс қатынастың нәтижесінде үйінен безген жастар да анықталған. Полиция бөлімі басшысының орынбасары Ғани Құрманалиев бұндай жағдайлар көбіне мектептен тыс уақытта орын алғандықтан, балалардың бос уақытын тиімді пайдалануға және ата-ананың баламен дұрыс қатынаста болуын сұрады. Жалпы, полицияның басты міндеті қылмысты ашу ғана емес, оның алдын алу екенін де, тілге тиек еткен ол, ата-аналар мен ұстаздар қауымына анықталған құқық бұзушылық жағдайды дереу полицияға хабарлау керектігін айтты.Аудандағы оқу жылының аяқталуы және оқушылардың жазғы демалысын тиімді ұйымдастыру, кәмелет жасына толмағандар арасында құқық бұзушылық пен қылмыстың алдын алуға бағытталған профилактикалық жұмыстар жөнінде білім бөлімінің басшысы Әділхан Жөлекешов баяндады.Аудандық мәдениет және тілдерді дамыту бөлімінің басшысы Болат Жолтаев ауданда «Адал адам» мәдени-тәрбие орталығы тұжырымдамасы бойынша атқарылып жатқан жұмыстар жайында баяндама жасады.2024 жылы аудан әкімдігіне қарасты 24 мәдениет ошақтарында «Адал адам» мәдени-тәрбие тұжырымдамасының 7 бағыты бойынша 505 іс-шараның жүзеге асырылу көзделген. Мәдениет үйлері мен клубтардың «Адал адам» тұжырымдамасы бойынша ғимараттарды тақырыпқа сай ішкі және сыртқы безендіруіне 2 миллион 569 мың теңге қаралып, тиісті жұмыстар атқарылған. Жобаның 7 бағытына сәйкес, 24 мәдениет ошағында – 331 іс-шара өткізілді. Атап айтар болсақ, «Кино тайм», «Әлем бук», «Арт» уақыт жобасы, Еріктілер тобы, «Сұхбат тайм», «Креативті хаб», «Жанұя шуағы» жобасы бойынша 300-ге жуық шара өткен.«Адал адам» мәдени-тәрбие тұжырымдамасының «Еріктілер тобы» шеңберінде Қазалы ауданының мәдениет және тілдерді дамыту бөлімінің «Роза Бағланова» атындағы мәдениет орталығы жанынан «Таза Қазақстан» республикалық экологиялық акциясына орай «Шабыт» еріктілер тобы құрылған. Топ тарапынан тазалықты сақтауға арналған челленджер, сенбілік жұмыстарын жүргізушілер үшін ұйымдастырылған «Бауырсақ пати» әлеуметтік желі қолданушыларының оң ықыласына бөленді.Бұдан бөлек, Болат Әбенұлы оқушылардың жазғы демалысын тиімді пайдалану үшін аудан көлеміндегі мәдениет ошақтары жанынан құрылған үйірмелер жұмыс жасауға толықтай дайын екенін де атап өтті.Мәжіліс соңында Қазалы ауданы әкімі оқушылардың жазғы демалыс уақытын тиімді ұйымдастыру, жасөспірімдер мен жастар арасындағы құқықбұзушылықтардың алдын алу, демалыс уақытында балалардың қауіпсіздігін басты назарда ұстап, ата-аналармен тығыз байланыста болу жөнінде тиісті сала басшыларына бірқатар нақты тапсырмалар жүктеді.Айта кетейік, кеңейтілген мәжіліске Қазалы ауданы прокуроры, аудандық мәслихат төрағасы, құқыққорғау органдарының қызметкерлері, аудандық мәслихаттың депутаттары, мекеме-кәсіпорын басшылары, Әйтеке би кенті, Қазалы қаласы және ауылдық округ әкімдері, аудандық қоғамдық кеңес, ардагерлер кеңесі және әйелдер кеңесінің төрағалары, ата-аналар комитетінің өкілдері аудандағы білім беру ұйымдарының басшылары мен бітіруші сыныптардың сынып жетекшілері қатысты.

Басты міндет – сапалы біліммен қатар саналы тәрбие беру 

<a href="https://kyzylorda-news.kz/">Kyzylorda-news.kz</a> Алаяқтың қоғамға қауіптілігі – бұл алдау немесе сенімге қиянат жасау нәтижесінде болатын қылмыс деп түсінуге болады.&nbsp;Пайдакүнемдік қасиеттер адамдар арасында кең тараған, алдау мен жалған мәлімет айту – қазіргі күні қиынға соқпайды. Алаяқтық – бұл жәбірленушіні алдап, пайда алу тәсілі. Қазіргі таңда алаяқтықты ауыр қылмыстар қатарына жатқызуға болады. ҚР ҚК 190 бабына сәйкес, алаяқтық – алдау және сенімге қиянат жасау жолымен бөтен мүлікті ұрлау болып табылады.Соңғы кездері ел бойынша әртүрлі деңгейдегі алаяқтар көбеюде. Олар кәріні де, жасты да жүзбе-жүз және сырттай да, телефон немесе келісім шарт арқылы алдап соғуда. Осыдан соң адамдар пәтерлерін, ақшасын, жүйкесін, әділеттілікке деген сенімін жоғалтып жатыр. Неліктен қазіргі уақытта бұл келеңсіздіктер кеңінен орын алуда? Мұндайда қалай күресіп, не істеу керек? Осы сауалдар барлығымызды да мазалайтыны шындық.Арбауға қалай түспеуге болады?Бұл жағдайдың бірнеше себебі бар. Мәселен, қоғамды компьютерлендіру және ақпараттандыру алаяқтықтың дамуына түрткі болды. Компьютерлер, ұялы байланыс, интернет арқылы қаржылық пирамидалар мен компьютерлік вирустарды құру, электрондық карталардың пин-кодтарын қулықпен біліп алу арқылы адамдарды алдауға мүмкіндік береді. Алаяқтардың пайда болуының тағы бір себебі – балалардың туғаннан бастап, мектеп бітіргенге дейінгі тәрбие процесіндегі теңгерімсіздік. Сонымен бірге адал жолмен еңбектенбей, масылдыққа бой ұрған, жеңіл ақша табуды көздегендер алаяқтықтың түрлі тәсілін ойлап шығаруда.Арбаудың құрсағына түспеу жолдары қандай дерсіз. Ең қарапайым жауап – алаяқтықтың әдістері мен тәсілдері туралы біліммен барынша қарулану. "Компьютер мен смартфонды вирустардан қалай қорғауға болатындығын алдын ала біліп алу. Ешкімге және ешқашан парольдер мен пин-кодтарды бермеңіз. Пайданың өте жоғары пайызын уәде ететін ұйымдарға ақша салмаңыз. Қол қоймас бұрын келісімшарттардың мазмұнымен танысыңыз. Белгісіз адамдардың телефон қоңырауларына жауап бермеңіз. Ақыл-ойды қосыңыз. Сонда кез келген алдаудан аулақ бола аласыз", дейді мамандар.Кейбір интернет бағдарламаларды смартфон не компьютерге құйып алған жағдайда олардың қаншалықты қауіпсіз екендігін білген жөн. Кейбіреулері, мысалы AnyDesk бағдарламасы арқылы, алаяқтар кез келген адамның банктік шоттарына оп-оңай кіріп, әртүрлі операциялар жасау арқылы азаматтардың шоттарындағы қаражаттарын шешіп алып жататыны анықталып жатыр.Интернет алаяқтардан сақ болудың қарапайым қауіпсіздік шаралары: дербес деректерді, пластикалық карталардың мәліметтерін, кодтарды және құпия сөздерді ешкімге хабарламауға, белгісіз әрі тексерілмеген сайттар арқылы алдын ала төлем жүргізбеуге, күмәнді мәмілелер бойынша ақша аударымдарын жүзеге асырмауға, ұялы телефон мен компьютерге белгісіз қосымшаларды орнатпауға, кез келген сілтеме бойынша өтпеуге, спам хабарламаларға сенбеу. Осы талаптарды сақтау арқылы әр адам алаяқтардан өзін қорғап жүре алады.Аңдушыны алушы жеңе ме?Алаяқтық – бағзы заманнан бері адамзат баласымен бірге жасап келе жатқан қылмыстардың түрі. Ол тек қоғамның жағдайына байланысты түрленіп, дамып, жаңа сипатта көрініс табады. Алаяқтықтың қазіргі уақыттағы жаңа бір сипаты – ақпараттық технологиялардың дамуына байланысты өмірге келген интернет-алаяқтық қарқын алып тұр. Оның түрлері де уақыт өткен сайын кең таралуда.Ақпараттық жүйені пайдаланып, алдау, арбау арқылы ақшалы болудың ең көп таралған жері – сауда-саттық маңы. "WatsApp" мессенджері арқылы чат құрып, тез байып кетудің айла-тәсілдерін көрсете отырып, әртүрлі көлемде салған ақшаларын бірнеше есеге арттырып беретіндерін жарнамалап, нәтижесінде адамдар пайыздап алатын ақшаларын айтпағанда өздерінің салған қаражаттарынан да айырылып қалып жатады. Өкініштісі, кейбір тұлғалар мұндай чаттардың күмән тудыратынын біле тұра, тәуекелге бел буып, өз қаражаттарын салып жібереді. Бұл тек интернет алаяқтықтың бір ғана түрі.Кейінгі кезде алаяқтардың "Сіздің нөміріңіз бір ұтыста жеңімпаз атанды" деп кез келген кездейсоқ абоненттік нөмірге қоңырау соғуы немесе SMS-хабарламалар жіберуі жиіліп кеткен. "Жүлдені сіздің абоненттік нөміріңіз кездейсоқ таңдау арқылы жеңіп алды" деп ұтысты жеткізіп беру үшін тауарға қосылған құн салығын ғана төлеу қажеттігін айтады. Белгілі бір шотқа ақша қаражаттарын аудартып алып, кейіннен ұтыс та шотқа салған ақша қаражаты да "жүлдегерге" қайтып берілмейді. Алаяқтардың айла-тәсілдері мұнымен шектелмейді.Айта кетерлік жайт, интернет алаяқтықтың көпшілігі трансшекаралық сипатқа да ие болады. Яғни бір қылмыстық істе қаскүнем басқа өңірде, кейде тіпті басқа мемлекетте де жүруі мүмкін. Сол себепті, қылмыстың бұл түрін ашуға бірталай уақыт жұмсауға тура келеді. Сондықтан мамандар интернет алаяқтардан сақ болудың қарапайым қауіпсіздік шаралары ретінде дербес деректерді, пластикалық карталардың мәліметтерін, кодтарды және құпия сөздерді ешкімге хабарламауды, белгісіз әрі тексерілмеген сайттар арқылы алдын ала төлем жүргізбеуге, күмәнді мәмілелер бойынша ақша аударымдарын жүзеге асырмауға, ұялы телефон мен компьютерге белгісіз қосымшаларды орнатпауға, кез келген сілтеме бойынша өтпеуге, спам хабарламаларға сенбеуге шақырады.Осындай мәтінде хабарласқан алаяқтар алтын купонды билеттің иегерісіз. Шетелдік су жаңа автокөліктің иегері атануға бір қадам қалды деген қуанышты хабар жеткізетіндердің қулығына түскендер аз емес. Соның бірі есімін жасыруды сұраған қазалылық Ш.Е есімді келіншек қомақты қаржыға сапасыз иіссу сатып алумен қоса, миллионға жуық несие алып, аударып жіберуге дейін жеткізген. Соның қаражатын әлі күнге дейін төлеп жүргеніне іштей қынжылады.Мұндай мәтіндегі халықтың сан соғып қалуын естігенде "Түлкі мен ешкі" мысалы есіңе түседі. Мысалдағы апанға түскен түлкі айласының арқасында ешкіні құдыққа түсіріп, өзі сыртқа шығып кетеді. Ғажайыпқа сеніп, "Өтірікке алданба, басың бәлеге душар болар" деген сөз осыдан қалса керек.Ұялы оператор қызметкері бір реттік код сұрамайдыБұдан бөлек алаяқтықтың жаңа түрі шықты. Яғни "SIM картаның мерзімі өтті" деп белгісіз нөмерден хабараласып, оны создырмау, создыруды сұрайды. Сасқалақтаған үйректей болған абонент әрине бірнеше сұрақты қояды. Дегенмен алдын ала дайындалған мәтінмен ойланып үлгеруіне уақыт бермей, жауабын тездетіп беруге асықтырады. Егер создырамасаңыз нөміріңізді базадан шығарамыз деп үркітеді. Келіссеңіз. 1414 арқылы код жібереді. Оны шиқылдаған дыбыстан соң айтып беруіңіз қажет болады. Айтсаңыз. Ол цифрлар арқылы алаяқтар өз ісіне кіріседі. Осылайша абономент сыртынан қомақты несиені рәсімдеп, сазға отырғызады.Ал байланыс операторларының мәлімдеуінше, барлық клиенттерін сақ болуға үндеген хабарлама таратылған. Олар: "Құрметті клиенттер, сақ болыңыз! Құпия ақпаратты заңсыз алу немесе деректеріңізге қол жеткізу үшін алаяқтар Kcell/activ атынан қоңырау шалатын жағдайлар жиілеп кетті.Жеке деректеріңізді, SMS-тен бір реттік растау кодтарын бермеңіз және күдікті сілтемелер бойынша өтпеңіз! Kcell/activ қызметкерлері сізден SMS, жеке және банктік мәліметтерден бір реттік кодтар туралы сұрамайды" деген мәтінде жібергендіктерін айтуда.Бірақ бұл смстерді көрмеген, әлде оларға келмегендіктен білмеген жандар қаншама.Жақында Polisia.kz ақпараттық-медиа порталында алаяқтар 63 жастағы тұрғынға SIM-картасының қолданылу мерзімі аяқталғанын айту арқылы 3 миллион теңге несие рәсімдегенін жариялады. Осылайша мамандар алаяқтықтың жаңа түрінен сақтануға шақырды.Алаяқтар алдымен әйелге SIM-картасының мерзімі аяқталатыны туралы ескерту жасап, қоңырау шалған. Жаңарту үшін хабарламадан келген кодты айтуын өтінген. Сөйтіп, олар әйелге оңай үш миллион теңге несие рәсімдеген.Мамандар жаңадан пайда болған алаяқтықтың түрінен сақтануға шақырды. Деректерге сай, алаяқтар тұрғындарды SIM-карта бұғатталса, нөмірі жойылып, кейін қалпына келтіре алмай қалатынын айтып, алдайды. Ал адам бұл кодты алаяққа айтса, ол барлығына кіруге мүмкіндік алады.<blockquote>"Әрі қарай алаяқтар қоңыраулар мен SMS-ті басқа нөмірге немесе SIM-картаның виртуалды нұсқасына бағыттайды. Осыдан кейін банктер несие ұйымының жеке кабинетіне кіруді растайтын кодты сұрайды. Хабарлама арқылы келген нөмірді жібереді. Олар көбіне жасырын немесе шетелдік нөмірлерден қоңырау шалады", – деді Павлодар облысы полиция департаменті криминалдық полициясының киберқылмысқа қарсы күрес бөлімінің бастығы Ризабек Жанат.</blockquote>Ведомствоның мәліметінше, жыл басынан бері өңірде 652 алаяқтық тіркелген. Оның ішінде 436-cы интернет-алаяқтық, деп жазады Диана Құрманғалиева.Мұндай жайт Қазалыда тіркелмесе де, Әйтеке би кентінің тұрғыны Нұрай Қайсарбекте орын алған. Оның айтуынша, "Altel" нөмірімен орыс тілінде хабарласқан қызметкер activ нөмірінің қолданылу мерзімін созуды сұрайды. Ұзарту үшін хабарламадан келген кодты айтқан. Кейін қайта басқа нөмірмен ер адам хабарласқанда телефон тұтқасын басып жіберген. Алайда оның сыртынан несие рәсімделгендігі жайлы тексеріп үлгермеген. Ол мұндай былыққа батпаған шығармын деген үмітте.Айнұр ҚАЗМАҒАМБЕТОВАФото: b-56.ru

Қызылорда: Алаяқтан абай бол!

<a href="https://kyzylorda-news.kz/">Kyzylorda-news.kz</a> Қызылорда қаласында қала әкімінің орынбасары Дархан Тұрсынбаевтың төрағалығымен Қызылорда қаласы әкімдігі жанындағы кәмелетке толмағандардың ісі және олардың құқықтарын қорғау жөніндегі комиссияның кезекті отырысы өткізілді. Жиынға тәрбие саласының мамандары қатысты.Комиссия отырысында күн тәртібіндегі 3 мәселе қаралып, ата-аналарға әкімшілік шара қолдану, баласынан бөлек тұратын ата-ананың ата-ана құқықтарын жүзеге асыру және жасөспірімдер тарапынан орын алған құқық бұзушылық мәселелері талқыланды.Жасыратыны жоқ, бүгінде бала тәрбиесі қоғамдағы ең өзекті мәселеге айналуда. Балалардың мектеп қабырғасындағы тәртібінен бөлек, түнгі уақытта ата-анасының қарауынсыз көшеде жүруі де көп кездесетін жайттың бірі. Отырыста сала мамандары бала тәрбиесін түзеу бағытында жүзеге асырылып жатқан жұмыстарын баяндады.Осы орайда комиссия төрағасы Дархан Есалыұлы кәмелетке толмағандардың профилактикасын күшейту мақсатында сала басшыларына нақты тапсырмалар берді.Комиссия тарапынан кәмелетке толмағандардың мәселесі бойынша балалардың құқықтары мен мүдделерін қорғау мақсатында тиісті шешімдер қабылданды.

Кәмелетке толмағандардың ісі және олардың құқықтарын қорғау жөніндегі комиссияның кезекті отырысы өтті

<a href="https://kyzylorda-news.kz/">Kyzylorda-news.kz</a> Қызылорда облысының Полиция департаменті Есірткі қылмысына қарсы іс-қимыл басқармасымен облыс көлемінде оқушы, студенттер арасында «РЭП – есірткіге қарсы!» ұранымен байқау ұйымдастырылды. Сайыстың негізгі мақсаты – жастар мен жасөспірімдердің бойында есірткі тарату мен тұтынуға қарсы тұруын дамыту, салауатты және қауіпсіз өмір салтын қалыптастыру, денсаулықты бағалау болып табылады. Байқау екі кезеңде өткізілді. Бірінші кезеңі Қызылорда қаласы, аудандар көлемінде өткізілсе, екінші кезеңге ең үздік болып танылған 18 үміткер қатысып, тақырыпқа байланысты ізденіп, нашақорлыққа қарсы рэп орындап, есірткі мәселесін кеңінен ашатың өздерінің шығарған композицияларын ұсынды. Құрылған сайыстық комиссия шешіміне байланысты, екінші кезеңге қатысқан барлық сайыскерлер жеңімпаз атанып, 1,2,3 орындар иеленді. Облыс жеңімпазы болып: Қармақшы ауданы №№274, 113 орта мектеп оқушылары – Мамбетов Сұлтан, Қанибек Ернар, Тұрақов Ерсұлтан; Қызылорда қаласы «Қазанғап» атындағы музыкалық жоғары колледжінің студенттері – Әбілқасым Қуаныш пен Әбдірайым Қабілет танылды.

Қазақстан және Қызылорда облысының жаңалықтары: Құқық