<a href="https://kyzylorda-news.kz/">Kyzylorda-news.kz</a> Қыстың қытымыр мінезі қамдану керегін еске салады. Өйткені, көк тайғақта жолдағы қауіп те еселенетіні белгілі. Осы тұста, жол-патрульдік полициясы ҚАЖ департаментіне қарасты №68 мекемесі қызметкерлерінің жеке автокөлігіне тексеру жүргізді.Қауіпсіздік талаптарын күшейту мақсатындағы іс-шара &nbsp;– әр қызметкердің амандығын сақтаудағы негіз болды. Арнайы мамандар көліктердің техникалық жағдайын, құжаттардың дұрыстығын және ең бастысы – қысқы дөңгелектердің орнатылуына мұқият қарады.<blockquote>– Көлік – күнделікті қатынас құралы. Сондықтан, оның талапқа сай болып, дұрыс жабдықталуы өзіміздің де, өзгенің де өміріне тікелей әсер етеді. Оның үстіне, қызметте де, қызметтен тыс уақытта да талап пен тәртіпті сақтау – міндетіміз. Сол себепті, мұндай тексеру жұмысы барынша ұқыпты әрі ыждағатты болуға ықпал етеді, - дейді жеке құраммен жұмыс жөніндегі аға инспектор әділет лейтенанты Фердауси Ертай.</blockquote>Жол-патрульдік полициясының кәсіби қолдауы мен бірлескен бақылау қызметкерлерге уақытылы ескерту жасап, қауіптің алдын алуға көмектеседі. Мұндай тиянақты тексеріс – қос тараптың амандыққа алаң болып, сақтыққа салғырт қарамайтынына дәлел.

Қысқы қауіпсіздік: қызметкерлердің көлігі тексерілді

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаевтың төрағалығымен аудандық прокуратурадағы кадрлық өзгерістердің орын алуына байланысты арнайы мәжіліс өтті.Жиында аудан басшысы ауданда прокуратура органдарымен бірлесе атқарылған нәтижелі жұмыстар жайында айтып, қадағалаушы органның қоғамдағы маңызын атап өтті.Мұнан кейін, Қызылорда облысы прокурорының орынбасары Сарпеков Мәди Нәбиұлына сөз берді, аудандық прокуратурадағы кадрлық өзгерістерді таныстырып өтті.Облыс прокурорының орынбасары Мәди Нәбиұлы Арал ауданының прокуроры лауазымына «Прокуратура туралы» Қазақстан Республикасының Конституциялық заңына сәйкес ротациялау тәртібімен жаңадан тағайындалған Әбіш Дарын Елтайұлын аудан активіне таныстырды.<img src="https://knadmin.beoblood.kz/uploads/Aral_ta_ajyndau_b5bd4dbd4d.jpg" alt="Арал тағайындау.jpg">Актив отырысында аудан әкімі Аманжол Сақыпұлы бұған дейін Арал ауданының прокуроры қызметін 5 жылдай атқарып келген Мадияр Ертарғынұлының еңбегіне тоқталып, қоғамдағы күрделі мәселелердің шешілуіне ықпал етіп, қылмыстық ахуалды тұрақтандыруға құқық қорғау органдарымен бірге тығыз жұмыс жасағанын атап өтті.Қызмет барысында көрсеткен жоғары кәсіби деңгейі, заңдылық пен әділдікті сақтауға қосқан зор үлесі үшін облыстың ең жоғары марапаты – Қызылорда облысының "Құрмет Грамотасы" мен облыс әкімі Н.Нәлібаевтың «Алғыс хатын» табыстады.Мәжілісте аудандық ардагерлер кеңесінің төрағасы Әділбек Әйімбетов пен аудандық мәслихат төрағасы Базарбай Төрахметов, Арал аудандық сотының төрағасы Руслан Алдамбергенов жаңадан тағайындалған прокурорларға құттықтау сөз сөйлеп, пікірлерін білдірді.Арал ауданының Прокуроры қызметіне тағайындалған Әбіш Дарын Елтайұлы 1978 жылы Қызылорда облысы, Шиелі ауданында дүниеге келген.Түркістан қаласы Қ.А.Яссауи атындағы ХҚТУ-дың «заңгер» мамандығы бойынша білім алып, 1998-1999 жылдары Қарулы Күштері қатарында болған.Еңбек жолын 2000 жылы Жаңақорған ауданы прокурорының көмекшісі қызметінен бастаған.Одан әрі Сырдария ауданы прокурорының көмекшісі, Қызылорда қаласы прокурорының аға көмекшісі, облыс прокуратурасының бөлім прокуроры, 2005-2010 жылдары Жаңақорған ауданы прокурорының орынбасары қызметін атқарған.2010-2019 жылдары облыс прокуратурасында үздіксіз қызмет етіп, облыс прокурорының көмекшісі, аға көмекшісі, басқарма бастығы, 2019-2022 жылдары Жаңақорған ауданының, 2022-2025 жылдары Қазалы ауданының прокуроры қызметтерін атқарған.Прокуратура органдарындағы жұмыс өтілі 25 жылдан астам.Қызметтегі жетістіктері үшін ҚР Президентінің жарлығымен «Жауынгерлік ерлігі үшін» медалімен наградталып, үлгілі қызмет атқарғаны үшін Бас Прокурордың және облыс прокурорының бұйрықтарымен бірнеше мәрте марапатталған. Отбасылы, 5 бала тәрбиелеп отыр.Фото: Аудан әкімінің баспасөз қызметі

Арал ауданына жаңа прокурор тағайындалды

<a href="https://kyzylorda-news.kz/">Kyzylorda-news.kz</a> Түрлі апатты жағдайлар кезінде халықты қауіпсіз аймаққа дер кезінде көшіру және уақытша орналастыру - төтенше жағдайлар саласының басты міндеті. Осы бағыттағы дайындық деңгейін күшейту мақсатында аймақта арнайы қабылдау пункттері жасақталған. Бүгінде облыс аумағында жалпы сыйымдылығы 130 437 адамды құрайтын 151 зардап шеккен халықты қабылдау және жинақтау пункті анықталып, олардың инфрақұрылымы, материалдық-техникалық базасы және жұмыс алгоритмі пысықталған. Бұл туралы Өңірлік коммуникациялар қызметінің ақпарат алаңында облыстық ТЖД бастығының орынбасары Бекболат Әбдіқадыров айтты.<img src="https://knadmin.beoblood.kz/uploads/V_Kyzylordinskoj_oblasti_151_punkt_priema_i_sbora_postradavshih_v_Ch_S_cee90d6c0e.jpg" alt="В Кызылординской области – 151 пункт приема и сбора пострадавших в ЧС.jpg"><blockquote>- Қазіргі таңда жергілікті атқарушы органдар барлық эвакуациялық қабылдау және жинақтау пунктерін генераторлармен, төсек-орындармен, кереуеттермен, жиналмалы кереуеттермен және басқа да қажетті жабдықтармен толық қамтамасыз еткен. Пункттерді зардап шеккендерді қабылдауға және орналастыруға дайындау мақсатында бұл мәселе облыстық эвакуациялық комиссия мен төтенше жағдайлардың алдын алу және оларды жою жөніндегі комиссия отырыстарында қаралып, проблемалық бағыттарды шешу бойынша жүйелі жұмыстар жүргізілуде.Халық үшін ақпараттың қолжетімділігін қамтамасыз ету мақсатында эвакуациялық пункттер туралы мәліметтер және оларға баратын ең қысқа жолдар «Яндекс Карты», «2GIS» және “SmartQyzylorda” платформаларында олардың орналасқан жерімен бірге орналастырылған. Сонымен қатар, су басу қаупі бар аймақта 53 эвакуациялық жинақтау пункті және 36 эвакуациялық қабылдау пункті белгіленген. Жалпы облыс аумағында 31 елді мекен, 83 668 тұрғын және 16 527 үй су басу аймағына кіреді. Департамент және оның аумақтық бөлімшелері қысқы кезеңде болуы мүмкін төтенше жағдайлардың алдын алуға және жоюға толық дайын, – деді Бейболат Қайырбекұлы.</blockquote>&nbsp;Облыстағы 9 елді мекен 6–8 балдық сейсмикалық аймаққа жатқызылады.<blockquote>– Оның ішінде 7 елді мекеннің тау бөктерінде орналасуына, ал 2 елді мекеннің көмірсутек шикізатын өндірумен байланысты ерекшеліктеріне қарай тізімге енгізілген. Осыған байланысты Төтенше жағдайлар министрлігінің тапсырмасына сәйкес, төтенше жағдай орын алған жағдайда 102 273 зардап шеккен адамды қабылдауға арналған шатырлы қалашықтарды орналастыру үшін жергілікті атқарушы орган жалпы ауданы 15 гектар болатын 14 жер учаскесін бекіткен. Сондай-ақ облыс аумағындағы халықты эвакуациялау орындары да дайындыққа келтірілген.Қазір қысқы кезеңдегі жол қауіпсіздігі өзекті мәселенің бірі болып отыр. Қыста автокөліктердің жолда қауіпсіз және үзіліссіз қозғалуын қамтамасыз ету үшін өндірістік базалардың жөндеу жұмыстарынан кейін республикалық маңызы бар автожолдардағы жылыту пункттері толық дайындалған. Облыс аумағында 12 жылыту пункті жұмыс істейді: оның ішінде «Қызылорда–Жезқазған» автожолында 1 жылыту пункті, «Қарабұтақ–Қызылорда–Шымкент» автожолында 3 трассалық медициналық-құтқару жылыту пункті және 8 жалпы жылыту пункті бар, – деді облыстық ТЖД Азаматтық қорғаныс басқармасы бастығының міндетін атқарушы Ғафур Ақмырзаев.</blockquote>&nbsp;&nbsp;&nbsp; Фото: &nbsp;ru.freepik.com &nbsp; &nbsp; &nbsp;&nbsp; &nbsp; &nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Облыста эвакуациялық жүйенің дайындығы пысықталды

<a href="https://kyzylorda-news.kz/">Kyzylorda-news.kz</a> Қызылорда қаласының тұрғындары мен жастар арасында қауіпсіздік мәдениетін қалыптастыру мақсатында ақпараттық-түсіндіру жұмыстары жүйелі түрде жүргізіліп келеді. Бұл шаралар Мемлекет басшысының тапсырмасына сәйкес жүзеге асырылып, қоғамда заңға құрметті арттыруға, азаматтық жауапкершілікті нығайтуға бағытталған.Үкіметтің әзірлеген «Заң және тәртіп» тұжырымдамасының маңызы мен негізгі басымдықтарын кеңінен түсіндіруде. Аталған тұжырымдама қоғамдық тәртіпті сақтау, құқық бұзушылықтардың алдын алу, жастар арасындағы құқықтық сауаттылықты арттыру және қауіпсіз орта қалыптастыру сынды маңызды бағыттарды қамтиды.2025 жылғы 9 желтоқсан күні қаладағы «ARAY CITY MАLL» сауда ойын-сауық орталығында ерікті жастардың қатысуымен ақпараттық-түсіндіру акциясы ұйымдастырылды. Акция барысында ақпараттық үнпарақтар таратылып, тұрғындарға түсіндірме жұмыстары жүргізілді. Қала тұрғындары бұл бастаманы қолдап, өз ортасында құқықтық мәдениетті дамытудың маңыздылығын насихаттап келеді.Қауіпсіз Қазақстан – әр азаматтың жауапкершілігі. Заңға құрмет – тұрақтылықтың, тәртіп – қоғамның тыныштығының кепілі.Фото: Қызылорда қаласының әкімдігі

Заң мен тәртіп – қауіпсіз қоғамның негізі

<a href="https://kyzylorda-news.kz/">Kyzylorda-news.kz</a> Достық үйінде «Заң мен тәртіп – Қауіпсіз Қазақстан үшін» тақырыбындағы Қызылорда облысының прокуратурасымен бірлескен кездесу өтті.Кездесуді Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Қызылорда облысы бойынша департаменті бастығының орынбасары Ф.Т. Иманғалиев ашып берді және де прокуратура қызметкерлері өз бағыттары бойынша жастарға ақпараттық түсініктемелер берді.Кездесу барысында, заңның қоғамдағы рөлі, әділеттілік пен тәртіптің негізі ретіндегі маңызы туралы сөз қозғалды.Кездесудің мақсаты – қоғамдағы заңсыздықтың алдын алу, жастарды отансүйгіштік пен адал азамат болып қалыптасуға шақыру болып табылды.Шара соңында қатысушылар заң мен тәртіпке негізделген әділетті қоғам қалыптастыруда әр азаматтың рөлі маңызды екенін атап өтті.<img src="https://knadmin.beoblood.kz/uploads/597542890_4263501510635663_7162846060918059275_n_c663fd00c0.jpg" alt="597542890_4263501510635663_7162846060918059275_n.jpg">

«Заң мен тәртіп - қауіпсіз Қазақстан үшін» тақырыпта кездесу өтті

<a href="https://kyzylorda-news.kz/">Kyzylorda-news.kz</a> Бүгін облыстық жастар ресурстық орталығында ҮЕҰ жетекшілері арасында интернет алаяқтықтың алдын алуға арналған «Интернет алаяқтық: қазіргі таңдағы қауіпті қылмыс» тақырыбында дөңгелек үстел өтті.Дөңгелек үстелдің негізгі мақсаты – әлеуметтік желілердегі алаяқтық, жалған сайттар, фишинг, қаржылық алаяқтықтың және т.б. интернет қылмыстарының алдын алу, қоғамның цифрлық қауіпсіздік деңгейін арттыру.Жиында «Бастаманы қолдау» қоғамдық бірлестігінің төрайымы Тулепова Мадина Ерғалиқызы модератор болып, интернет алаяқтығының заң алдындағы жауапкершілігі мен қоғамға тигізетін зиянын атап өтті.Дөңгелек үстелде Қызылорда облысының Полиция департаментінің Киберқылмыстарға қарсы іс-қимыл басқармасының Киберқылмыстарды тергеу бөлімінің полиция капитаны &nbsp;Алмас Балтабайұлы, ҚР Қаржылық мониторинг агенттігінің Қызылорда облысы бойынша экономикалық тергеп-тексеру департаментінің аса маңызды &nbsp;істер жөніндегі тергеушісі Оралбаева Майра Тұрлыбекқызы, «Бастаманы қолдау» қоғамдық бірлестігінің атқарушы директоры Сапаржанова Жанат Айдарбекқызы, Қызылорда облыстық адвокаттар алқасының жоғары санатты адвокаты және Қызылорда облысының қоғамдық даму басқармасының «Азаматтық қоғам институттарымен жұмыс және жастар бөлімінің» басшысы Бихожаев Ернұр Бауыржанұлы спикер ретінде қатысып, «Цифрлық сауаттылықты арттыру және алаяқтық жағдайларының алдын алу шаралары», «Қаржы пирамидалары», «Лудомания», «Дропперлер» – қоғамға қауіп төндіру деңгейі, «Интернет алаяқтарынан қорғану әдістері», «Алаяқтарға алданып қалған азаматтардың қорғалуы және құқықтары» тақырыптарында баяндамалар жасады.Шара барысында азаматтық қоғам институттарының жетекшілері өзара пікір алмасып, интернет кеңістіктегі қауіпсіздік мәселелеріне қатысты нақты ұсыныстарын ортаға салды.Сондай-ақ, цифрлық сауаттылықты арттырудың маңыздылығын, алаяқтыққа қарсы мемлекеттік және қоғамдық құрылымдардың бірлескен жұмысының қажет екенін атап өтті.Дөңгелек үстел нәтижесінде интернет алаяқтықтың алдын алу бағытында жүйелі жұмыстар жүргізу, халық арасында түсіндіру шараларын күшейту және ақпараттық қауіпсіздік мәдениетін қалыптастыру бойынша бірқатар ортақ бастамалар айқындалды.

«Интернет алаяқтық: қазіргі таңдағы қауіпті қылмыс» тақырыбында дөңгелек үстел өтті

<a href="https://kyzylorda-news.kz/">Kyzylorda-news.kz</a> Қылмыстық процесті жүзеге асыратын орган қызметкерлерінің кәсіби даярлығын арттыру мақсатында &nbsp; &nbsp; Криминалистикалық оқу-жаттығу полигонында тергеушілер, анықтаушылар және криминалист мамандардың қатысуымен қару қолдану арқылы жасалған қылмыстар бойынша оқиға орнын қарап-тексеру тақырыбында практикалық сабақ өткізілді.Сабақтың мақсаты – атыс қаруы қолданылған жағдайларда оқиға орнын дұрыс ұйымдастыру, дәлелдемелерді табу, жинау, бекіту және процессуалдық құжаттарын сауатты ресімдеу дағдыларын нығайту, сондай-ақ криминалистикалық талаптар мен тергеу тактикасын тәжірибе жүзінде меңгерту.Оқу барысында қатысушыларға шынайы жағдайға ұқсас үлгілік сценарий ұсынылып, атыс қаруы қолданылған қылмыс орнын қараудың кезеңдері тәжірибе жүзінде көрсетілді.Сабақ барысында баллистикалық сараптаманың бастапқы элементтері, оқ-дәрі қалдықтарын табу әдістері, қаруды қауіпсіз ұстау және алу тәртібі, сондай-ақ дәлелдемелердің сақталуын қамтамасыз ету талаптары ерекше атап өтілді.Практикалық бөлім аяқталғаннан кейін мамандардың атқарған жұмыстары талданып, типтік қателіктер мен оларды болдырмау жолдары түсіндірілді. Мұндай оқыту форматы қызметкерлердің теориялық білімдерін тереңдетіп қана қоймай, олардың нақты жағдайларда жедел әрі кәсіби шешім қабылдау қабілеттерін арттыруға мүмкіндік береді.Өткізілген оқу-жаттығу сабақтары тергеушілер мен криминалистердің кәсіби біліктілігін арттыруға, қылмыс орнын сапалы қарап-тексеру деңгейін көтеруге және дәлелдемелерді жинау барысында халықаралық стандарттарға сай жұмыс тәжірибесін қалыптастыруға бағытталған.

Қызылорда облысының Полиция департаментінде оқу-жаттығу сабағы өткізілді  

<a href="https://kyzylorda-news.kz/">Kyzylorda-news.kz</a> “Отызда орда бұзбаған, қырықта қамал алмайды” тәмсілі көпке таныс. ҚАЖ департаментіне қарасты №68 мекемесінің режим және күзет бөлімінің бақылаушысы әділет кіші сержанты Айтуған Айтжанның да талабы таудай. Жиырма жасында келешегінің кірпішін, қызметінің негізін қалап үлгерді.Алдымен, ол – кәсіби оқуда шыңдалып, алғашқы адымын нық басты. Еңбектің қазанында қайнағалы да бір жылға жуық уақыт болыпты. Кіріп-шығуды бақылау пунктінде (КПП) қауіпсіздік пен тыныштықты қадағалап, міндетін мүлтіксіз орындауға тырысып келеді. Қызметтік міндеті мен адамдық парызын тең ұстай алатыны рас. Бұл қасиеті көп ұзамай кәсібиліктің үлгісін көрсетуге негіз болмақ.<blockquote>– Салаға сан ойланып келгенім жоқ, бұл – жан қалауым. Мамандыққа таңдауың дұрыс болса, жұмысқа деген құлшыныс кемімейді. Қазір мекемеде мол тәжірибе жинап жүрмін. Аға буынның ақыл-кеңесін алға тартып, оларға ілесе алсам, ілгерілегенім деп білемін. Бастысы, ұстанымнан айнымай, қызметтік тәртіптен тайқымасам болғаны. Ант қабылдау рәсімінде де осыны ойладым, - дейді ол.</blockquote>Қазір тек білектің қара күші емес, ақылдың алғырлығы маңызды кезең. Шапшаңдық пен шеберлік те тоғысып жатса құба-құп. Айтуған Айтжан қолы қалт еткенде үстел теннисінде доптың ұшуын дәл болжап, қарымды соққы жасауда да өз үстемдігін көрсетіп алатыны бар. Оның айтуынша, шағын тақтадағы ойын – сергіп қалуына көмектеседі екен.Кәсіби жолда өрлеу үшін өнімді еңбек етуге әзір Айтуғанның айы оңынан туа берсін дейміз.

Салаға бағыттаған нық ниет

<a href="https://kyzylorda-news.kz/">Kyzylorda-news.kz</a> &nbsp;Терроризм – төрткүл дүниені алаңдатқан қауіп. Мұндайда сауысқандай сақтық керегі түсінікті. ҚАЖ департаментіне қарасты №68 мекемесіне Штаб тобының аға инспектор-кезекшісі әділет подполковнигі Нұрқанат Әубәкіров келіп, қызметкерлерге терроризмнің алдын алу бойынша түсіндірме жұмысын жүргізді.Кездесудің басты мақсаты &nbsp;– қауіпсіздікке қатысты танымды тереңдетіп, тосын жағдайларда дұрыс әрекет ету қабілетін күшейту болды.Яғни, қауіп-қатердің сипаты, террористік әрекеттердің жасырын тетіктерін және оларды ерте кезеңде анықтау жолдары жайлы мардымды мәлімет берілді. Сонымен қатар, күмән тудыратын белгілерді байқау, жұмыс барысында бейқам болмау – тыныштықты бұзбайтын алғышарт екенін баса айтты.Қызметкерлер тек құлақ қойып тыңдамай, көкейдегі сұрағын да қойды. Пікір алмасу арқылы тақырып тарқатыла түсіп, қауіпсіздік пен қорғанысты әлде де күшейту назарға алынды.

Сақтыққа шақырған сабақ

<a href="https://kyzylorda-news.kz/">Kyzylorda-news.kz</a> Соңғы уақытта ер мен әйел арасында өзара тартыс сипат алды. Сондықтан, ошақ отын сөндірмей, ізгілікті кемітпей тату тұрудың маңызы жиі айтылып келеді. ҚАЖ департаментіне қарасты №68 мекемесінің жеке құраммен жұмыс тобының ұйымдастыруымен қызметкерлерге түсіндірме жұмысы жүргізіліп, өзекті мәселе жайында өткір ойлар ортаға салынды.Алдымен ҚАЖ департаментінің жеке құраммен жұмыс жөніндегі аға инспектор-психологы әділет капитаны Моншақ Маханова “Тұрмыстық зорлық-зомбылықтың көбеюіне не себеп?” тақырыбында тарқата сөйлеп, аяулыларды аяусыз соққыға жығуға болмайтынын, ортақ түсіністік керегін баса айтты.Содан соң, “Отбасылық тұрмыстық зорлық- зомбылыққа қарсы күрес қызметі” бөлімшесінің аға инспекторы полиция майоры Инабат Ишниязова отбасындағы зорлық-зомбылықтың әсері, оның алдын алу жолдары туралы нақты мысалдар келтірді. Қол көтерудің немесе қысым жасаудың ешқандай ақтауы жоқ екенін, мұндай әрекет заң алдында да, адамдық тұрғыдан да жауапкершілік жүктейтінін атап өтті.Сонымен қатар, қызметкерлер кездесу барысында “Отанды сүю – отбасынан басталады” атты бейнероликті тамашалап, арнайы қонақтардың түйдек ойын түйіндеді.<blockquote>– Отбасындағы тыныштық пен сыйластық – қоғам қауіпсіздігіне тікелей әсер ететін құндылық. Сондықтан әйелдің құқығын қорғау, зорлыққа жол бермеу – әрқайсымызға ортақ міндет деп білемін. Бүгінгі іс-шара осыны тағы бір айқындап берді. Отбасындағы кикілжіңге қатысты түрлі дау-дамайды естіп те, көріп те, жаңалықтан хабардар да болып жүрміз. Өзекті өртейтін өкінішке ұрынбас үшін, өзара ымыра керек-ақ. Расымен, отбасы – шағын мемлекет. Демек, оны қызғыштай қорып, арадағы құрметті сақтау арқылы жанжалға жол бермеген жөн, - дейді мекеменің тәрбие ісі жөніндегі орынбасары Мирамбек Тұрымбетов.</blockquote>Кездесу қызметкерлерге қоғамдағы өз рөлін қайта ой елегінен өткізуге себеп болғаны анық.

Тұрмыстағы қатынастың тайғанақ тұстары талданды

<a href="https://kyzylorda-news.kz/">Kyzylorda-news.kz</a> Мемлекет Басшысының тапсырмасын орындау мақсатында прокуратура құқық қорғау және арнайы органдармен бірлесіп, есірткі бизнесіне қарсы күрес бойынша күшейтілген жұмыс жүргізуде. Арнайы прокурорлар интернеттегі есірткі бизнесіне қарсы күрес бойынша бірқатар ірі істерді тергеп-тексеруді аяқтап, сотқа <a href="https://x.com/asylov_genpr/status/1996447326114852995?s=46&amp;t=-bfM9JiZE6cmi0Fasd556w">жіберді.&nbsp;</a>Шымкентте Telegram мессенджері арқылы жұмыс істейтін халықаралық есірткі желісінің жолы кесілді.Тергеп-тексеру басқа құқық қорғау және арнайы органдармен бірлесіп жүргізілді.Прокуратураның бастамасымен қазақстандық жедел- &nbsp;тергеу тобына халықаралық деңгейде осы жұмыста тәжірибесі бар АҚШ-тың есірткі бизнесіне қарсы күрес ведомствосының (DEA) қызметкерлері енгізілгенін атап өткім келеді. &nbsp;Қылмыстық схемаға 300-ден астам адам қатысқан.Тек екі айыпталушының транзакциялары бойынша айналым 7 миллион АҚШ долларынан асқаны белгілі болды.24 адам ұсталды, олардың арасында Ресей, Өзбекстан және Ауғанстан азаматтары бар.500 миллион теңгеден астам мүлік тәркіленді.Ақша «дропперлердің» банк карталары және лицензияланбаған криптобиржалары арқылы аударылып отырған.Криптовалюталардың түпкілікті алушылары — шет елдердің азаматтары.Сондай-ақ тергеу барысында Шымкент аумағынан екі есірткі зертханасы табылып, олар жойылды. Олардан:– 6,1 кг дайын мефедрон;– 330 грамм сатуға арналған оралған есірткі;– 2,1 тонна прекурсор;– есірткі өндіруді қамтамасыз етіп отырған зертханалық жабдықтар жиынтығы алынды.Қылмыстық желі «Карбон», «DDD_Shym» және басқа Telegram арналарын пайдаланған, олар арқылы есірткі таратылып қана қоймай, сонымен қатар «алғашқы қолданушыларға» оларды өндіру әдістерін үйреткен.Кейбіреулер прекурсорларды жеткізетін және айналымды бақылайтын негізгі желімен байланысын сақтай отырып, өз арналарын ашты.Осындай тәсілдер еліміздің басқа өңірлерінде тергеп-тексеруде қолданылды. Ұлытау мен Маңғыстау облысының арнайы прокурорлары бастаған жедел-тергеу топтары синтетикалық есірткі сатуға әлеуметтік желілерді пайдаланатын есірткі сатушылардың екі таралған желісінің қызметін әшкереледі. Екі істе сотқа жіберілді.&nbsp;Осылайша, Ұлытау облысында «Kaef Mafia» Telegram арнасы арқылы есірткі сатқан дүкеннің жұмысы тоқтатылды. 6 айыпталушы қамауға алынды, цифрлық активтерді, криптовалюта әмияндарын және басқа да құндылықтарды қосқанда 3,2 миллиардтан астам теңге мемлекет кірісіне айналдырылды. Маңғыстауда «Dune-Operator 24/7» есірткі дүкенінің әрекеттерінің жолы кесілді.Есірткі сатудан түскен қолма-қол ақшаны банкке тапсыру кезінде арнайы прокурор облыстың ЭТД және ПД қызметкерлерімен бірлесіп, Шымкентке барған кезде 1 миллиард 155 миллион теңге және 176 мың АҚШ долларын тәркілеген.Сонымен қатар сот бір жеке кәсіпкердің банктік шотына есірткі бизнесінен түскен 1 миллиард теңгеге және 734 228 АҚШ доллары (USDT) бар криптоәмиянға тыйым салды.Есірткі бизнесіне қарсы күрестегі бұл операциялар Қазақстанның құқық қорғау және арнаулы органдары қызметкерлерінің жарқын, жүйелі және жанкешті жұмысының үлгісі болып табылады.&nbsp;Мыңдаған адамдар, сондай-ақ олардың отбасылары осы заманның кесапатының зиянды ықпалынан қорғалуда. Қазақстанның құқық қорғау және арнаулы органдары азаматтардың құқықтарын қорғау және тыныштығын қамтамасыз ету жұмыстарын жалғастыруда.Сурет:&nbsp;​saryarka-samaly.kz​​​

Есірткі бизнесіне қарсы күрес бойынша күшейтілген жұмыс жүргізілуде

<a href="https://kyzylorda-news.kz/">Kyzylorda-news.kz</a>&nbsp; &nbsp;Астанада блогер мүгедектігі бар балалар туралы даулы видеосы үшін ұсталды. Әлеуметтік желілерде ата-аналардың қатты наразылығын туғызған бұл видеода блогер мүмкіндігі шектеулі балалардың дүниеге келуі "ата-анасының әрекеті үшін берілген жаза" деген мазмұндағы пікір білдірген.Осы жағдайға байланысты бала құқықтары жөніндегі уәкіл Динара Зәкиева блогердің айтқан сөздеріне құқықтық баға беру үшін Ішкі істер министрлігіне ресми түрде жүгінген.Астана Полиция департаменті блогерге қатысты әкімшілік іс қозғалғанын мәлімдеді.Фото: Нұрболат Нұржаубай

Қазақстан және Қызылорда облысының жаңалықтары: Құқық