Kyzylorda-news.kz. Қазгидромет 8 наурыз күнгі ауа райы болжамын жариялады.Қазақстанның басым бөлігі әлі де Каспи теңізі ауданынан келген циклонының ықпалында болады. Осыған байланысты республиканың басым бөлігінде жауын-шашын, солтүстігінде, шығысында қатты жауын-шашын (жаңбыр, қар), оңтүстігінде, оңтүстік-шығысында күндіз қатты жаңбыр жауады. Тек еліміздің батысы ғана антициклон жоталары әсерінен жауын-шашынсыз ауа райы күтіледі.Республика бойынша желдің күшеюі, еліміздің солтүстік жартысында, шығысында, орталығында жаяу бұрқасын, оңтүстігінде найзағай күтіледі. ҚР бойынша тұман және көктайғақ күтіледі.Солтүстік Қазақстан облысының оңтүстігінде түнде қатты қар жауады, Шығыс Қазақстан облысының солтүстігінде, шығысында, Абай облысының солтүстігінде, түнде Павлодар облысының батысында, солтүстігінде жауын-шашын (жаңбыр, қар) болжанады.Алматы облысының оңтүстігінде, таулы аудандарында, Түркістан облысының солтүстігінде, оңтүстігінде, тау және тау бөктерлі аудандарында, Жамбыл облысының солтүстігінде, батысында, оңтүстігінде, таулы аудандарында жаңбыр жауады.Павлодар облысының оңтүстігінде, батысында, Абай облысының орталығында, түнде Ақмола, Қарағанды, Шығыс Қазақстан облыстарының солтүстігінде, шығысында, Түркістан облысының тау асуларында соққан желдің жылдамдығы 30 м/с жетеді.

8 наурыз: Тұман түсіп, көктайғақ болады

Kyzylorda-news.kz. 8 наурыз – Халықаралық әйелдер күні қарсаңында облыс әкімі Нұрлыбек Нәлібаев әйел-аналармен кездесіп, еркін форматта пікірлесті және жаңадан «Алтын алқа» иегері атанған аналарды марапаттады.Құттықтау сөзінде аймақ басшысы қоғамдағы әйел адамның жоғары рөл атқаратынын атап өтті.<blockquote>«Барша қазақтың ортақ мақтанышы, сұлулық пен ерліктің символына айналған Тұмар ханым, Ақжүніс, Қыз Жібектің, ел басына іс түскен қиын кезеңдерде басын оққа байлаған Әлия, Мәншүк, Хиуаз ұлт батырларының есімдері тарих төрінде алтын әріптермен жазылып қалды. Несібесін жерден көріп, ерен еңбектің үлгісін көрсеткен жерлестеріміз Сәлима Жұмабекова, Шырынкүл Қазанбаева, Ұлбала Алтайбаева, Жадыра Таспамбетова секілді апаларымыз бен ұлт руханиятын, мәдениетін, өнерін асқақтатқан Роза Бағланова, Сәбира Майқанова, Мәдина Ералиева сынды майталман тұлғаларымыздың Сырдың шежірелі тарихындағы орны ерекше. Аймақтың дамуына ерекше атсалысқан жандардың, оның ішінде әйел-аналарымыздың қалай құрметтесек те жарасады», - деді Н.Нәлібаев.</blockquote><img src="https://knadmin.beoblood.kz/uploads/FB_IMG_1678179850508_6249d8e34c.jpg" alt="FB_IMG_1678179850508.jpg">Айта кетейік, күні кеше облыс әкімі мереке қарсаңында ұлағатты ұстаз, Қызылорда облысының құрметті азаматы Алма Ақдәулетованы халықаралық әйелдер күнімен және мерейлі 90 жас мерейтойымен құттықтады және «Ана мен бала» орталығындағы жаңа босанған аналарды, ақ халатты абзал жандарды мерекемен құттықтап, ыстық ықыласын білдірді.Жиында «Алтын алқа» орденінің иегері, тыл ардагері,&nbsp; 10 бала тәрбиелеп, 28 немере, 26 шөберенің қызығын көріп отырған ана Раш Искакова жерлестерін құттықтап, ізгі тілегін білдірді.Қызылорда облысының құрметті азаматы, «Парасат», «Құрмет» орденінің иегері Алмагүл Божанова өз пікірімен бөліссе, «Серпер» жастар сыйлығының иегері Айтжанова Қарлығаш Ана туралы монолог оқыды.Кездесу соңында Нұрлыбек Машбекұлы 7 баланы өмірге әкеліп, Қазақстан Республикасының Президенті Қасым-Жомарт Кемелұлы Тоқаевтың Жарлығымен «Алтын алқа» иегерлеріне марапаттарын табыстады.<img src="https://knadmin.beoblood.kz/uploads/FB_IMG_1678179853219_6017bf8d36.jpg" alt="FB_IMG_1678179853219.jpg"><img src="https://knadmin.beoblood.kz/uploads/FB_IMG_1678179869530_e55b0f586e.jpg" alt="FB_IMG_1678179869530.jpg"><img src="https://knadmin.beoblood.kz/uploads/FB_IMG_1678179857975_668ce38504.jpg" alt="FB_IMG_1678179857975.jpg"><img src="https://knadmin.beoblood.kz/uploads/FB_IMG_1678179890443_b4d8ba1c88.jpg" alt="FB_IMG_1678179890443.jpg"><img src="https://knadmin.beoblood.kz/uploads/FB_IMG_1678179902824_8ab0dc8c6c.jpg" alt="FB_IMG_1678179902824.jpg">

Нұрлыбек Нәлібаев әйел-аналармен кездесіп, «Алтын алқа» иегері атанған аналарды марапаттады

Kyzylorda-news.kz. Биыл облыс әкімінің тапсырмасына сәйкес, жергілікті тұрғындарды өзін-өзі әлеуметтік маңызы бар бау-бақша өнімдерімен қамту мақсатында 3 мың гектар жер дайындалуда. Тиісінше, 13 мыңға жуық отбасына арнайы жер бөлініп беріледі. Бұл туралы Өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасының басшысы Дүйсебаев Талғат мәлімдеді.<blockquote>«Жыл сайын мемлекет тарапынан аграрлық саланы дамытуға ерекше қолдау көрсетілуде. Биыл да ауы шаруашылығы саласына &nbsp;18,3 млрд. теңгеге жуық қаржы бөлінді. Бұдан бөлек, аймақ басшысының тапсырмасына бойынша былтырдан бастап жергілікті тұрғындарды өзін-өзі әлеуметтік маңызы бар картоп, көкөніс, бақша өнімдерімен қамтамасыз ету жұмыстары басталған болатын. &nbsp;Осы жылы да бұл бағыттағы жұмыстар жалғасады. Қазіргі таңда қосымша 3,0 мың гектар жер дайындау жұмыстары жүргізілуде. Бүгінде көктемгі егін егу жұмыстарына қажетті ауыл шаруашылығы дақылдарының тұқымымен, минералды тыңайтқыштармен, &nbsp;техникалармен және арзандатылған дизель отынымен қамтамасыз ету жұмыстары кестеге сәйкес атқарылуда», - деді басқарма басшысы Талғат Дүйсебаев.&nbsp;</blockquote>Брифинг барысында шаруа иелеріне берілетін жеңілдетілген несие мен аграрлық бағдарламалардың тиімділігі туралы айтылды.<blockquote>«Көктемгі егін және өнім жинау жұмыстарына арналған «Кең дала» бағдарламасы жылдық пайызы 5 процент. Сәйкесінше шаруа иелеріне &nbsp;10 млрд.теңгеге дейін кепілдендірілген талапқа сәйкес несие беріледі. &nbsp;Ал «Агробизнес» бағдарламасы ауыл шаруашылық &nbsp;құралдарын сатып алуға және айналым қаражатын толтыруға арналған. Бағдарламаның жылдық пайызы 18-22 пайыз, яғни 1 млн теңгеден 10 млрд.теңгеге дейін &nbsp;кепіл арқылы несие беріледі. Үшінші «Іскер» бағдарламасы мал шаруашылығын дамытуға және , ауыл шаруашылығы өнімдерін сақтауға арналған», - деді «Аграрлық несие корпорация» АҚ Қызылорда облысы бойынша филиалының директоры Маханбет Тұрмаханов.</blockquote>

Қызылорда: Тұрғындарға бақша өнімдерін егуге 3 мың гектар жер дайындалуда

Kyzylorda-news.kz. &nbsp;Қорқыт ата атындағы Қызылорда университетінің делегациясы Өзбекстан республикасының жетекші жоғары оқу орындарына жұмыс сапарымен барды.Сапар барысында «Ташкент ирригация және ауыл шаруашылығын механизацияландыру инженерлері институты» Ұлттық ғылыми-зерттеу университетімен қос дипломды/мамандарды даярлау бойынша бірлескен білім беру бағдарламасын жүзеге асыру туралы келісім мен іс-шаралар жоспары («Жол картасы») жасалды.Алдағы уақытта қос университет 7 білім беру бағдарламасы бойынша білім береді. Атап айтсақ, бакалавриат бойынша 6В07368 – «Жер кадастры», &nbsp;6В086 &nbsp;- &nbsp;«Су ресурстары және суды пайдалану», &nbsp;6B07155 Электр энергетика білім беру бағдарламасы, магистратурада 7М05247 – экология, 7М11279 – «Өмір тіршілігінің қауіпсіздігі және қоршаған ортаны қорғау (техносфералық қауіпсіздік)», 7М07155 – «Жаңартпалы энергетика», &nbsp;7М04142 – «Есеп &nbsp;және аудит» білім беру бағдарламасы бойынша білім береді.Ташкент мемлекеттік экономика университеті жанындағы профессор-оқытушылар құрамын қайта даярлау және біліктілігін арттыру салалық орталығы арасында ынтымақтастық туралы меморандумға қол қойылды. Сондай-ақ, осы орталықтың базасында Қорқыт ата атындағы Қызылорда университеті өкілдігін ашу туралы келісім жасалды.Әлемнің 30-дан астам тілінде тілдік (лингвистикалық) оқытуды қамтамасыз ететін Самарқанд мемлекеттік шет тілдер институтымен (SamSIFL) ынтымақтастық туралы меморандумға қол қойылды.Сапар барысында қызылордалық делегация Өзбек мемлекеттік әлем тілдері университетіне де барып, бірлескен білім беру бағдарламаларын құру мүмкіндіктері туралы келісімге қол жеткізді.Сонымен қатар, Орталық Азиядағы ең ірі технопаркке барып, Әлішер Науаи атындағы Ұлттық кітапханаға сапар жасады. Осылайша, Қорқыт ата атындағы Қызылорда университеті Өзбекстан республикасындағы университеттер мен ұйымдардың инфрақұрылымымен, ғылым мен инновациядағы жетістіктермен, сондай-ақ университеттердің академиялық саясатының ерекшеліктерімен танысып, шетелдік мықты университеттермен байланысын нығайта түсті.<img src="https://knadmin.beoblood.kz/uploads/FB_IMG_1678177319351_6d1048601c.jpg" alt="FB_IMG_1678177319351.jpg"><img src="https://knadmin.beoblood.kz/uploads/FB_IMG_1678177309145_1410e6035a.jpg" alt="FB_IMG_1678177309145.jpg">

Өзбекстанның жетекші университеттерімен байланыс нығая түсті

Kyzylorda-news.kz. Қызылорда облысы бастауыш сынып оқушылары тегін тамақпен толық қамтылған өңірлер қатарында. Бұл туралы бүгін Үкімет отырысында айтылды.ҚР Премьер-Министрі Әлихан Смайыловтың төрағалығымен өткен Үкімет отырысында білім беру ұйымдарындағы қауіпсіздік және оқу процесін цифрландыру мәселелері қаралды.ҚР Оқу-ағарту министрі Ғани Бейсембаев республикадағы орта мектептерде бала қауіпсіздігін қамтамасыз етуге бағытталған шаралар туралы баяндап, бастауыш сынып оқушыларына тегін ыстық тамақ ұйымдастыру мәселесіне тоқталды.&nbsp; Еске салсақ, Еске салсақ, Мемлекет басшысы Қасым-Жомарт Тоқаев Қазақстандағы бастауыш мектеп оқушыларын 100% тегін ыстық тамақпен қамтуды тапсырған. Қазіргі таңда бірқатар аймақта, оның ішінде Қызылорда облысында бұл тапсырма толығымен орындалды.Үкімет отырысынан соң облыс әкімі Нұрлыбек Нәлібаев ҚР Премьер-Министрі берген тапсырмаларды пысықтау мақсатында жиын өткізіп, балалар қауіпсіздігін қамтамасыз ету білім беру саласындағы ең өзекті мәселелердің бірі екенін атап өтті.<blockquote>«Біздің міндетіміз – Үкімет отырысында берілген тапсырмаларды қатаң бақылауға алып, мерзімінде сапалы орындау. Бұл бағыттағы жұмыстарға тек облыстық білім басқармасы ғана емес барлық қала, аудан әкімдіктері, құқық қорғау органдары жұмылдырылуы тиіс. Облыстық білім басқармасына полиция департаменті, Қызылорда қаласы және аудан әкімдіктерімен бірлесіп, облыстағы барлық білім беру ұйымдарының қауіпсіздігін күшейтуді, өңірдегі барлық білім беру ұйымдарының инженерлік-техникалық базасын, қауіпсіздік құралдарын қолданыстағы заңнама талаптарына сәйкестендіруді тапсырамын», – &nbsp;деді аймақ басшысы.</blockquote>Оқу орындарын цифрландыруда қосымша білім беру мекемелеріндегі үйірмелер санын арттыру маңызды. Жиында «Білімді ұлт» ұлттық жобасындағы көрсеткіштерге қол жеткізу үшін цифрлық білім беру зертханасы, 3D модельдеу, робототехника үйірмелері жұмысын жетілдіріп, сапасын арттыру бойынша ұсыныс беру тапсырылды.Күн тәртібіндегі екінші мәселе – гендерлік теңдікті сақтау, әйелдерді жұмыспен қамту және олардың денсаулығын сақтау. Бұл мәселелер бойынша қала және аудан әкімдеріне 2030 жылға дейінгі отбасылық және гендерлік саясат тұжырымдамасында айтылған көрсеткіштерді бақылауға алу тапсырылды. Ол үшін атқарушы органдарда, мемлекеттік, квазимемлекеттік және корпоративтік секторларда әйелдердің үлесін арттыру міндеттелді.Облыстық полиция департаментіне әйелдерге тұрмыстық зорлық-зомбылық көрсетудің алдын-алу шараларын күшейту, ал облыстық жұмыспен қамтуды үйлестіру және әлеуметтік бағдарламалар басқармасына әйелдер арасындағы жұмыссыздықты азайту, «Кәсіпкерлікті дамыту ұлттық жобасы» аясында тұрақты жұмысқа орналастыру тапсырылды.Айта кетейік, бүгінгі күні өңірдегі халық саны 834 мың болса, әйелдердің саны 415 мыңнан асады, 48 мыңнан астам көпбалалы аналардың 17 мыңға жуығы – «Алтын алқа» және «Күміс алқа» иегерлері.Облыс бойынша мемлекеттік қызмет саласында қызмет ететіндердің 39%-ы, медицина қызметкерлерінің 86%-ы, педагогтардың 81,7%-ы – әйелдер, жалпы бюджеттік салада 62% қыз-келіншектер қызмет етеді.<img src="https://knadmin.beoblood.kz/uploads/FB_IMG_1678176276072_e6d79eb70f.jpg" alt="FB_IMG_1678176276072.jpg"><img src="https://knadmin.beoblood.kz/uploads/FB_IMG_1678176266377_d1889531c1.jpg" alt="FB_IMG_1678176266377.jpg">

Нұрлыбек Нәлібаев: Біздің міндетіміз – Үкімет отырысында берілген тапсырмаларды мерзімінде сапалы орындау 

Kyzylorda-news.kz. «AMANAT» партиясынан Қызылорда облыстық мәслихат депутаттығына кандидаттардың сайлаушылармен кездесуі жалғасуда. Бүгін партиялықтар «ҚТЖ-Жүк тасымалы» Қызылорда теміржол бөлімшесінің ұжымымен кездесіп, үгіт жұмыстарын жүргізді.Қазақстанның заманауи экономикасының қалыптасуында теміржол саласының маңызы зор. Республиканың орасан зор аумағын, көптеген өндіріс салаларындағы жүк көлемінің ауқымын ескерсек, жүк тасымалындағы бұл сала мемлекетіміздің негізгі тұғыры, еліміздің өндірістік күшін біріктіруші тетік деуге толық негіз бар.&nbsp; Жиын барысында облыстық мәслихат депутаттығына үміткер Батырхан Базарбаев: «Теміржол саласы үнемі жаңашылдықтарды қажет ететін сала. Жүк және жолаушы тасымалы ыңғайлылық үшін технологияларын үнемі дамытып отырады.Соңғы жылдары сала айтарлықтай дамыды. Еліміз бойынша 2 мың шақырымнан астам жаңа темір жол учаскелері салынды. Көлік-логистикалық орталықтар жедел қарқынмен бой көтеруде. Отандық және шетелдік жүк жөнелтушілер үшін жаңа тартымды бағыттар құрылуда. Ғасырлық тарихы және ертеден келе жатқан сара жолы бар Қазақстанның теміржол көлігі – бұл ел экономикасының берік және сенімді іргесі»,-деді.Ал келесі облыстық мәслихат депутаттығына үміткер Нәжмадин Шамұратов Мемлекет экономикасының басым бөлігі шойын жолмен тікелей байланысты десек те артық болмастығын айта келе, партияның сайлауалды бағдарламасына тоқталып, көпшілікті толғандырған сауалдарына жауап берді. Соның ішінде, әлеуметтік қамсыздандыру, ана мен баланың құқығының қорғалуы, білім мен денсаулық саласына қатысты сұрақтар қойылды. Түйіндей келе, Тәуелсіздік алғаннан кейін елімізде 2556,5 шақырым темір жолдың салынуы – Мемлекетіміздің өркендеуіне сеп болды. Сол арқылы темір жол желісін оңтайландыруға мүмкіндік берді және елдің жүк тасымалына жұмсалатын уақытын қысқартты. Осылайша, жүк жөнелтушілердің көліктік шығындары айтарлықтай үнемделді», -деп атап өтті үміктер өз өзінде.Кездесу барысында үміткерлер ұжым қызметкерлерін 19 наурызда &nbsp;«AMANAT» партиясын қолдап, дауыс беруге шақырды.Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді<img src="https://knadmin.beoblood.kz/uploads/IMG_20230307_WA_0038_848d0296b7.jpg" alt="IMG-20230307-WA0038.jpg"><img src="https://knadmin.beoblood.kz/uploads/IMG_20230307_WA_0037_c60f39d1f0.jpg" alt="IMG-20230307-WA0037.jpg">

Темір жол — экономиканың күретамыры

Kyzylorda-news.kz. &nbsp;Бүгін Евразия спорт кешенінде Жауынгер-интернационалист Батыржан Шалғынбаевты еске алуға арналған футзалдан республикалық турнирдің ашылу салтанаты өтті.Биыл 27-ші мәрте ұйымдастырылғалы тұрған турнирге көршілес Өзбекстан елінен және еліміздің 6 облысынан 32 команда, &nbsp;640 спортшы қатысуда.Турнирді салтанатты түрде Қызылорда облысы әкімінің орынбасары Нұрымбет Сақтағанов ашып, барша қатысушыларға сәттілік тіледі. &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; Сонымен бірге, турнирдің бас демеушісі «Қазгермұнай» компаниясы бас директорының орынбасары Нұрбол Пірмағанбетов, ауған соғысының ардагері Жарас Оспанов және Батыржан Шалғынбаевтың інісі Батырбек Шалғынбаев өз кезектерінде құттықтау сөз сөйлеп, жарыстың маңыздылығына тоқталып өтті.Салтанатты шарадан соң алаңға алғашқы екі команда «Асыл» және «Спецойл» шықты. Айта кетейік, жарыс екі күнге созылады.<img src="https://knadmin.beoblood.kz/uploads/FB_IMG_1677935657068_3af4ec1eb0.jpg" alt="FB_IMG_1677935657068.jpg"><img src="https://knadmin.beoblood.kz/uploads/FB_IMG_1677935659996_bd1a0fbabb.jpg" alt="FB_IMG_1677935659996.jpg"><img src="https://knadmin.beoblood.kz/uploads/FB_IMG_1677935670748_ce54831522.jpg" alt="FB_IMG_1677935670748.jpg">

Футзалдан республикалық турнир басталды

Kyzylorda-news.kz. &nbsp;Сырдария аудандық &nbsp;пробация қызметінде 50 &nbsp;сотталған есепте тұрады. Пробациялық бақылау белгіленген жұмыссыз сотталғандарды жұмысқа тұрғызу жұмыстары &nbsp;жүйелі түрде жүргізіліп жатыр.Аудандық пробация қызметінің аға инспекторы әділет майоры Нұрхан Дұйсенбаевтың &nbsp;айтуынша бас бостандығынан айыру орындарынан босатылған және пробация қызметінің есебінде тұрғандарды жұмыспен қамту мақсатында аудан &nbsp; әкімдігінің &nbsp;қаулысымен жұмыс орындарына төрт квота белгіленген. Бүгін сол квота есебінен 2 сотталған жұмысқа орналасты.Олар &nbsp;«Жәрдем» ЖШС- не және «Ер-Ай» жеке кәсіпкеріне жұмысқа орналасты.&nbsp;<blockquote>Пробация қызметкерлері ол сотталғанның &nbsp; &nbsp;жазасының өтелмеген бөлігі бас бостандығын айыруға ауыстыру үшін сотқа ұсыныс жолдағанған болатын. Пробация қызметінің ұсынысы қанағаттандырылып, соттың қаулысымен сотталған түзеу мекемесіне жіберілді. Жалпы, жазаның өтеу тәртібін бұзу- бас бостандығынан айыруға апаратын бұл жағдай есепте тұрған басқа да сотталған азаматтарға сабақ болады деп үміттенеміз. Пробация есебіндегі сотталғандар қызметкерлер тарапынан әрдайым бақылауда болады. Қызметкерлер есептегі әрбір азаматтың тұрғылықты мекенжайынан күнделікті тексеру жұмыстарын жүргізіп, заңбұзушылыққа қарсы түсіндірме жұмыстарын жүргізеді,- деді әділет майоры Н.Дүйсенбаев.</blockquote>Сотталғандардың қайта қылмысқа баруына жол бермеу мақсатында профилактикалық шаралар өткіземіз. Жыл басынан бір сотталған сот жүктеген міндеттерді орындамай, жаза өтеуден жалтарып, бірнеше рет әкімшілік хаттама толтырылған. &nbsp;<blockquote>Мен пробация қызметінің қолдауымен аудан әкімінің квотасы арқылы «Жәрдем» ЖШС- не жұмысшы боп орналастым. Жұмысы жоқтық адамды аздыратынын білесіздер. Соны ескерген пробация қызметінің қызметкерлері біз секілді есептегілермен тұрақты түрде жұмыс жасап келеді. Қайта қылмыс жасамауымызға, отбасымызға көмектесуге, мақсат қоюға жігерлендіріп отырады. Бұдан былай адал еңбек етіп, дұрыс жүруге бекіндім,-деді есептегі азамат.</blockquote>&nbsp;

Пробация есебіндегі тұрғындар квотамен жұмысқа орналасты

Kyzylorda-news.kz. 8 наурыз – халықаралық әйелдер күні мерекесіне орай облыстық білім басқармасының ұйымдастыруымен «Ана -отбасы шуағы» атты облыстық аналар форумы өтті.Қоғамдағы ана рөлін арттыруды мақсат еткен форумға облыс әкімінің орынбасары Нұрымбет Сақтағанов, облыстық білім басқармасының басшысы Мейрамбек Шермағанбет, ардагерлер, білім беру ұйымдары басшыларының тәрбие ісі жөніндегі орынбасарлары, әлеуметтік педагогтер мен психолог мамандар, қамқоршылық кеңес төрағалары және белсенді аналар қатысты.А.Тоқмағамбетов атындағы мәдениет үйінде өткізілген шарада ең алдымен кәсіпкер аналардың қолдан жасалған туындылары таныстырылды. Онда қолөнер шеберлерінің бұйымдары, ұлттық нақышта тігілген киімдер көрмеге қойылды.Тағылымы мол шараның ашылуында облыс әкімінің орынбасары құттықтау сөз сөйлеп, отбасылық және ұлттық құндылықтар дәріптеле түсетін аталмыш форумның маңызына тоқталды.<blockquote>Облыс әкімінің тапсырмасына сәйкес бүгінде тәрбие бағыттарындағы жұмыстарды күшейту мақсатында кешенді тұжырымдама әзірленді. Осы тұжырымдама аясында бүгін осы облыстық аналар форумы өткізілуде. Бүгінде Сыр елінде де қыз-келіншектер саясатта, бизнесте және шаруашылықтың түрлі саласында ер-азаматтармен қатар еңбекке белсене араласуда. Қазіргі таңда өңіріміздегі халық саны – 800 мыңның үстінде болса, оның &nbsp;тең жартысы, 400 мыңнан астамы әйелдер қауымы. Облыс бойынша мемлекеттік қызметшілердің 40 пайызы, медицина қызметкерлерінің 87 пайызы, педагогтердің 78,3 пайызы нәзік жандар. Сол үшін адамзат баласына әйелден құдіретті, анадан ардақты, қыз келіншектерден аяулы ешкім жоқ. Сондықтан әлемдегі ең жоғары мадақ та, құрмет те ару-аналарға арналады, - деді Нұрымбет Аманұлы.</blockquote>Шарада облыс әкімінің орынбасары дарынды балаларды тәрбиелеп отырған көп балалы 20 ананы марапаттап, құрмет көрсетті.Мұнан соң жиында ҚР Парламенті Сенатының депутаты Ақмарал Әлназарова барша Сыр аналарына бейнеқұттықтауын жолдаса, мұқтаж отбасылардың балаларына көмек көрсететін «Розалия және Эмир» аутизм орталығының директоры, қайсар ана Розалия Рахимова сөз сөйледі. Сондай-ақ, балаларын шыңға шығарып, ұрпағымен бірге жетістікке жеткен аналардың атынан Айсұлу Нұрпеисова барша білім жанашырларына алғысын білдірсе, жыршы, термеші Айнұр Ерниязова ұлттық салт-дәстүр мен ата-ананың бала өміріндегі рөлі туралы өз ойымен бөлісті.Ұл тәрбиесі арқылы жер иесін, қыз тәрбиесі арқылы ұлтты тәриелеп отырған аналардың басын қосқан ауқымды форум соңы концертке ұласты.<img src="https://knadmin.beoblood.kz/uploads/IMG_20230303_WA_0103_a270aa2406.jpg" alt="IMG-20230303-WA0103.jpg"><img src="https://knadmin.beoblood.kz/uploads/IMG_20230303_WA_0104_d7f8edbbfa.jpg" alt="IMG-20230303-WA0104.jpg"><img src="https://knadmin.beoblood.kz/uploads/IMG_20230303_WA_0108_798952d81b.jpg" alt="IMG-20230303-WA0108.jpg"><img src="https://knadmin.beoblood.kz/uploads/IMG_20230303_WA_0107_74d958eb9a.jpg" alt="IMG-20230303-WA0107.jpg"><img src="https://knadmin.beoblood.kz/uploads/IMG_20230303_WA_0111_06d1b72786.jpg" alt="IMG-20230303-WA0111.jpg"><img src="https://knadmin.beoblood.kz/uploads/IMG_20230303_WA_0106_25edb8cd1d.jpg" alt="IMG-20230303-WA0106.jpg"><img src="https://knadmin.beoblood.kz/uploads/IMG_20230303_WA_0109_70431e3259.jpg" alt="IMG-20230303-WA0109.jpg"><img src="https://knadmin.beoblood.kz/uploads/IMG_20230303_WA_0110_093adfa880.jpg" alt="IMG-20230303-WA0110.jpg">

«Ана -отбасы шуағы» атты облыстық аналар форумы өтті

Kyzylorda-news.kz. Бүгін Қызылорда қаласындағы «Қамқорлық» дағдарыс орталығында Тұрмыстық зорлық-зомбылық құрбандарына арнаулы әлеуметтік қызметтер көрсету орталығында "Тұрмыстық зорлық-зомбылық және адам саудасының құрбандарына арнаулы әлеуметтік қызметтер көрсету" тақырыбында кездесу &nbsp;өтті.Шараға полиция, әлеуметтік қорғау, білім, қоғамдық даму салаларының өкілдері қатысты.Шараға қатысушылар орталық жұмысымен танысып, тұрмыстық зорлық-зомбылық және адам саудасының құрбандарына көрсетілетін қызметтерді талқылап, салааралық байланысты нығайту бойынша алда атқарылатын шараларды пысықталды.Айта кету керек, орталық қызметі Қызылорда облысының Жұмыспен қамтуды үйлестіру және әлеуметтік бағдарламалар басқармасының мемлекеттік әлеуметтік тапсырысы шеңберінде жүзеге асырылып келеді.&nbsp;Шара барысында орталық аналар мен аруларды 8 наурыз мерекесімен құттықтады.<img src="https://knadmin.beoblood.kz/uploads/IMG_20230304_WA_0000_0d8c9f8078.jpg" alt="IMG-20230304-WA0000.jpg"><img src="https://knadmin.beoblood.kz/uploads/IMG_20230304_WA_0001_fff4163729.jpg" alt="IMG-20230304-WA0001.jpg">

Тұрмыстық зорлық-зомбылық құрбандарына көрсетілетін қызметтер талқыланды

Kyzylorda-news.kz. Аймақ басшысы Нұрлыбек Нәлібаев облыс прокуроры Нұрлан Бижановпен бірге аймақтағы бірқатар компания ұжымдарымен кездесіп, еңбек ұжымындағы ахуал және алдағы уақытқа белгіленген міндеттерді талқылады.Алдымен облыс әкімі «Қызылорда су жүйесі» мен «Қызылорда тазалығы» мекемелерінің қызметкерлерімен жүздесіп, алдағы уақытта коммуналдық қызмет жұмысшыларының жалақысы көтерілетінін айтты.<blockquote>«Президентіміз Қасым-Жомарт Кемелұлы «Әділетті мемлекет. Біртұтас ұлт. Берекелі қоғам» атты Жолдауында «Еңбек адамдары – еліміз бен мемлекетіміздің тірегі. Біз қарапайым еңбек адамына құрмет көрсетуіміз керек. Қандай кәсіппен айналыссаң да, оны сапалы атқару маңызды», – деген болатын. Біз ортақ игілікке өз үлесін қосып &nbsp;жүрген, жұмысын адал атқаратын қарапайым еңбек адамдарына қолдау көрсетудеміз. Осы мекемеде таңның атысынан күннің батысына дейін жұмыс жасайтын жұмысшылардың қаладағы қоғамдық көлікте тегін жүруін ұйымдастырдық. Сонымен қатар, еліміздің белгілі тынығу орындарына жолдама беруді бастадық. Осы жылы бұл қолдаудың ауқымы кеңейеді. Қазіргі уақытта кәсіпорындағы күрделі жағдайға қарамастан, біз орталық мемлекеттік органдармен бірлесіп, жалақыны өсіру бағытында жұмыс жүргізудеміз», – деді Н.Нәлібаев.</blockquote>Облыс әкімі кәсіпорын қызметкерлеріне еңбек етуге лайықты жағдай жасалатынын, әлеуметтік қолдау көрсетілетінін атап өтті. Жұмысшыларының айлығын өсіруге ниетті жұмыс берушілерге өз тарапынан қолдау көрсетуге дайын екенін жеткізді.Кездесу нәтижесінде облыстық бақылау жөніндегі басқармасына Қызылорда қаласы және аудан әкімдерімен бірлесе отырып, еңбек жанжалдарының туындау тәуекелдеріне тұрақты мониторинг жүргізуді тапсырды. Сондай-ақ өндірістік жарақаттану себептеріне талдау жүргізіліп, оның алдын алу жөніндегі ұсыныстар әзірленуі керек.Бұдан әрі аймақ басшысы «Қызылорда электр тарату тораптары компаниясы» және &nbsp;«Қазгермұнай» БК ЖШС ұжымдарымен кездесті.Айта кетейік, өткен жылы жұмыс берушілермен келіссөздер жүргізу нәтижесінде 52 ірі кәсіпорынмен өзара ынтымақтастық жөнінде үшжақты меморандумдарға қол қойылды. Атқарылған жұмыстардың қорытындысында өткен жылы облыс бойынша 80 кәсіпорындағы 34 мыңнан аса жұмыскердің жалақы мөлшері 4-50 пайыз аралығында артты. Бұл жұмыстар биыл да жалғасын табады.<img src="https://knadmin.beoblood.kz/uploads/FB_IMG_1677903224854_7a8301c9ab.jpg" alt="FB_IMG_1677903224854.jpg"><img src="https://knadmin.beoblood.kz/uploads/FB_IMG_1677903235837_cf288125d7.jpg" alt="FB_IMG_1677903235837.jpg"><img src="https://knadmin.beoblood.kz/uploads/FB_IMG_1677903243178_df1dad5e74.jpg" alt="FB_IMG_1677903243178.jpg"><img src="https://knadmin.beoblood.kz/uploads/FB_IMG_1677903227342_c9564ae876.jpg" alt="FB_IMG_1677903227342.jpg"><img src="https://knadmin.beoblood.kz/uploads/FB_IMG_1677903230483_f51e827d72.jpg" alt="FB_IMG_1677903230483.jpg"><img src="https://knadmin.beoblood.kz/uploads/FB_IMG_1677903240947_14f895bd1e.jpg" alt="FB_IMG_1677903240947.jpg"><img src="https://knadmin.beoblood.kz/uploads/FB_IMG_1677903248552_669658e814.jpg" alt="FB_IMG_1677903248552.jpg">

Аймақ басшысы бірқатар мекеме ұжымымен кездесті

Kyzylorda-news.kz. Мемлекет басшысы Қасым-Жомарт Кемелұлының тапсырмасы аясында өңірде 2025 жылға &nbsp;дейін «Жайлы мектеп» ұлттық жобасы аясында 21 білім ошағы бой көтереді. &nbsp;Атап айтсақ, Қызылорда қаласында - 8, Арал ауданында— 4, Қазалыда - 2, Қармақшыда - 2 және Жалағаш, Сырдария, Шиелі, Жаңақорған ауданындарында бір мектептен салынады.Соның ішінде 10 мектептің құрылысы биыл басталмақ.Аймақ басшысы Нұрлыбек Машбекұлының тапсырмасымен облыс әкімінің орынбасары Нұрымбет Сақтағанов КБИ мөлтек ауданында болып, жаңадан салынатын білім нысанының орнын көрді. Сол маңда тұратын тұрғындармен кездесті. 600 орындық мектептің құрылысы биыл басталатынын, алаңдауға еш негіз жоқ екенін айтты. "Жайлы мектептің" &nbsp;ерекшелігі — бастауыш және жоғары сынып оқушылары &nbsp;ғимараттың жекелеген блоктарында оқиды. Сәйкесінше, олардың өз оқу кабинеттері, әжетханалары, спортзалдары болады. Сондай-ақ бейнебақылау, дыбыстық дабыл сияқты қауіпсіздік құрылғылары орнатылады. &nbsp;Физика, химия, биология, робототехника заманауи кабинеттерімен қамтамасыз етіледі.&nbsp;

Қазақстан және Қызылорда облысының жаңалықтары: Қазақстан Тәуелсіздігіне – 30 жыл