<a href="https://kyzylorda-news.kz/">Kyzylorda-news.kz</a>. Бүгін Түркітілдес мемлекеттер ынтымақтастық кеңесінің Саммиті аясында Түркістан облысы әкімінің қолдауымен, «Түрксой» халықаралық ұйымының ұйытқы болуымен ҚР Тәуелсіздігінің 30 жылдығына орай «Түркістаным-Тұраным» атты симпозиумына қатысушы суретшілердің әлемдік деңгейде жазылған шығармаларынан жасақталған көрменің ашылуы өтті.
Басты мақсат – Түркітілдес халықтар арасындағы ынтымақтастық пен достықты, мәдени байланысты нығайту, түркілік мәдениет пен өнерді ұрпақтан-ұрпаққа жеткізу, түркітілдес мемлекеттердің белгілі суретшілерінің туындыларын насихаттау және бір-бірімен іс-тәжірибе, пікір алмасу. Түркітілдес елдердің рухани астанасы Түркістанды өнер тілімен насихаттау.
Симпозиумге Халықаралық дәрежедегі суретшілер Татарстан республикасы Еңбек сіңірген суретшісі Ильнур Сиразиев, Түрік республикасынан суретші Замира Шахин, Әзірбайжан республикасынан Жалал Агаев, Ресей федерациясынан Геймран Баймуханов, Өзбекстан республикасынан Дилором Мамедова, Бішкектен Қырғызстанның халық суретшісі академик Юристанбек Шигаев, Қазақстан Көркем академиясының толық мүшелері, Қазақстанның Еңбегі сіңген қайраткерлер, академик Ерлан Айтуаров, Өсербай Шоранов, Сейсенхан Маханбетов, Алпысбай Қазығұлов, Мұрат Қалқабаев, Жанұзақ Мүсәпір, Айнабек Оспанов және Қазақстан көркем академиясының академиктері Бақытнұр Бүрдесбеков, Қайыр Оразғалиев, Халықаралық Тұран сыйлығының лауреаты Әділғали Баяндин, Қазақстанның халықаралық дәрежедегі суретшілері өнертанушы – Жеңіс Кәкенұлы, Камила Жапалова, Толқын Табысбек, Динара Нүгер, Құдаш Нұрсадықов, Ерзат Болатхан, Жантөре Байдаулетов, профессор – суретші Жанарбек Берістен, ҚР Мәдениет қайраткерлері Нұрлан Шилібаев, Марат Ғабдрахманов, Аманат Назарқұл, Түркістандық суретшілер Жантөре Байдаулетов, Мұрат Шаханбаев қатысты.
Симпозиумда «Түрксой» Халықаралық ұйымының Бас хатшысы&nbsp;Дүйсен Қасейінов сөз сөйлеп, суретшілерге сертификат тапсырып, мәртебелі дипломдармен марапаттады.
Шарада шетел суретшілері атынан Қырғызстан республикасының Халық суретшісі Юристанбек Шығаев пен Қазақстан суретшілері атынан ҚР Көркем академиясының академигі және вице-президенті Ерлан Айтуаров сөз сөйлеп, көрменің маңыздылығын тілге тиек етті.
Айта кетейік, симпозиумда суретшілер 5 күн аралығында 120-дан астам жоғары дәрежедегі туындыларды жазды.
<img src="https://kyzylorda-news.kz/wp-content/uploads/2021/05/beac8c17-3ddc-4a3f-8030-b4569b65ae1a.jpg" alt="" />

«Түркістаным-Тұраным»: Халықаралық суретшілер көрмесі өтті

<a href="https://kyzylorda-news.kz/">Kyzylorda-news.kz</a>.&nbsp; Мемлекет басшысының тапсырмасына сәйкес 2021 жыл «Тәуелсіздіктің 30 жылдығы» деп жарияланды.
Тәуелсіздік – халқымыздың баға жетпес асыл қазынасы, ұрпақтан-ұрпаққа мұра болып қалар теңдессіз байлығы. 
Осыған орай, биылғы жылы жоспарланған барлық іс-шаралар «Жасампаздыққа толы жылдар» тақырыбында Тәуелсіздіктің басты жетістіктері мен құндылықтарын айшықтай отырып өткізіледі.
Тәуелсіздіктің 30 жылдығына тарту ретінде Жалағаш кентіндегі Дәуімбай елді мекенінде, жабық бассейн құрылысының жанында Рәміздер аллеясын салу жоспарлануда.
Рәміздер аллеясының құрылысын 30 тамыз – Конституция күніне орай аяқтап, пайдалануға берілмек. 
2020 жылы Жалағаш кентіндегі мемлекеттік рәміздер аллеясын абаттандыруға жоба сметалық құжаттама әзірленді. 2021 жылы аудандық экономика және бюджетті жоспарлау бөліміне мемлекеттік рәміздер аллеясын абаттандыру жұмыстарына бюджеттік өтінім ұсынылып, аудандық бюджеттен 69 млн 510 мың теңге қаржы бөлінді. Мемлекеттік сатып алу конкурсының қорытындысы нәтижесінде хаттамаға сәйкес «Айбар – Ш» ЖШС жеңімпаз болды. Қазіргі таңда аталған мердігермен келісім шарт рәсімделуде.

Қазақстан Тәуелсіздігіне – 30 жыл: Жалағашта Рәміздер аллеясы салынады

<a href="https://kyzylorda-news.kz/">Kyzylorda-news.kz</a>.&nbsp; Облыстық «Сыр бойы» газеті ел Тәуелсіздігінің 30 жылдығы аясында жас журналистер арасында Қалқабай Әбенов атын­дағы «Тәуелсіздік толғауы» атты байқау жарияланады.
Жалпы ереже
Байқау облыстық дең­гейде ұйым­дас­тырылады.
Байқаудың үйлестірушісі және ұйымдастырушысы «Сыр медиа» ЖШС.
Байқаудың мақсаты:
Жас журналистер шығар­ма­шы­лы­ғының дамуына қолдау көрсету.
Мемлекеттік тілдің қол­данылу аясын кеңейту.
Байқауды ұйымдастыру және оған қатысушыларға қо­йы­­­латын талаптар:
Байқауды ұйымдастырып, өткізу мақсатында Ұйым­дас­тыру комиссиясы құрылады.
Байқауға Тәуелсіздік жыл­­дарын­дағы елдің әлеу­мет­тік-экономикалық, рухани-мә­де­ни дамуы, жастар сая­саты, ұлт­аралық татулық, жалпы, қоғам­ның бет-бейнесі туралы талдау, зерттеу тұрғысындағы еңбектер, тың тақырыптар (қа­зақ және орыс тілдерінде) жі­беріледі.
Байқауға бұрын-соңды бас­­па бетінде жарияланбаған, ал, телеарнада тек байқау ке­зеңінде эфирден өткен материалдар жіберіледі.
Байқауға жасы 35-ке дейінгі бұқа­ра­лық ақпарат құ­рал­дарында жұмыс істей­тін тілшілер мен тәуелсіз қалам­герлер қатыса алады.
Байқау материалдары тиісті баспа және телеарна же­тек­шілерінің ұсынысы бойынша қабылданады.Байқауға әрбір қа­ты­су­шы баспа бойынша 2 не 3 материалын әрқайсысы 3 парақтан аспайтын көлемде ұсына алады. А-4 форматында, Times New Rоman қарпімен, 14 мөлшерде, 1,0 аралықта терілуі керек. Сондай-ақ, телеарна тілшілері еңбектерін бейнетаспа түрінде ұсына алады. Байқау материалдарын сараптау барысында та­қы­­рыптың өзектілігі және маңызы, мазмұнның ашылуы, шынайылығы, жанр­лық шарт­тарға сәйкестігі, жаңа әдістерді қолданысқа енгізе білуі, тілі және стилінің ұғынық­ты­лығы, зерттеу әдістерін ен­гізе білу ерекшелігі есепке алынады.
Байқауға қатысушылар Ұйым­дас­тыру комиссиясына (Қы­­зыл­орда қаласы, ­Бейбарыс Сұл­­тан көшесі, 4 А, байланыс теле­­фоны: 8 (7242) 40-02-17, ­мы­надай құжаттарды қоса жібереді.
– Төмендегі деректер көр­сетілген өтініш: автор туралы мағлұматтар/туған жері, күні, айы, жылы;
– жұмыс немесе оқу орны, қызметі, тұрғылықты мекен-жайы, байланыс құрал­дары және 3х4 суреті.
– байқау материалының қағаз нұсқасы және бейнетас­па.
Байқауға жіберілген ма­териалдар авторларға қай­та­рылмайды.Байқауға ұсынылған материалдарды қазылар алқасы бағалайды.
Байқауды өткізу және қоры­тындысын шығару тәртібі:
Байқау үш кезеңнен тұ­рады.
– 2021 жылғы 5 сәуір мен 14 маусым аралығында бай­қауға қатысушылардан материалдарды қабылдау;
– 2021 жылғы 15-23 маусым ара­лы­ғында материал­дарды са­раптау және жеңім­паздарды анықтау;
– 2021 жылғы 24 маусымда байқау жеңім­паздарын салтанатты марапаттау рәсімі.
Байқау жеңімпаздары Қал­қабай Әбеновтің ұрпақтары атынан арнайы сый­лық­тармен марапатталады.
Ұйымдастыру комиссиясы

Қалқабай Әбенов атындағы жас журналистер байқауы өтеді

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> Қызылорда облысының «Ақ орамал» жобасы бірінші орынға ие болды.
Нұр-Сұлтан қаласында Қазақстан әйелдер күші альянсы мен іскер әйелдер қауымдастығы төрағаларының жиыны өтті. Жиында әр аймақтағы қауымдастық ұжымы ұсынған жобалар талқыланып, ең үздігі анықталды. Нәтижесінде «Ақ орамал» жобасы бірінші орынға лайық деп танылды.
Өткен жылы Қызылорда облысы әкімі жанындағы әйелдер істері және отбасылық-демографиялық саясат жөніндегі комиссиясының қолдауымен “Бойтұмар-Ханым” қоғамдық қоры, облыстық Қазақстан халқы Ассамблеясы жанындағы Аналар кеңесі және облыстық іскер әйелдер қауымдастығы ұйымдастырған «Ақ орамал» ақпараттық-насихаттық жобасы бастау алған болатын. Жобаның мақсаты бүгінгі қоғамдағы, отбасындағы ананың орнын, атқаратын рөлін анықтау, отбасының беделін көтеру, неке мен отбасы құндылықтарын насихаттау, ұрпақ тәрбиелеу міндетін әйелдерге ғана тән міндет деген көзқарасты өзгерту, әкенің беделін арттыру болып табылады.
Жоба аясында ұйымдастырушылар Қызылорда облысындағы әр ауыл-аймақты аралап, нәзік жандармен түрлі кездесулер өткізді. Жобаның екінші кезеңі биыл жалғасын тауып, бұл жолы әкенің отбасындағы, қоғамдағы маңыздылығы назарға алынды. Нәтижесінде “Әке – өмір тірегі” фотожобасын ұйымдастырып, жақсы қорытындыланды. “Ақ орамал” жобасының үшінші және төртінші кезеңінде қыз бала тәрбиесі, көшбасшылық қабілет, жастар мәселелері қамтылмақ.
Ең негізгі жаңалық, бұл ауқымды жоба енді еліміздің әр аймағында ұйымдастырылып, жалғасын табатын болады.
<img src="https://kyzylorda-news.kz/wp-content/uploads/2021/05/mw6a9326-1-scaled.jpg" alt="" />
<img src="https://kyzylorda-news.kz/wp-content/uploads/2021/05/mw6a2067-scaled.jpg" alt="" />

Қызылорданың «Ақ орамал» жобасы бірінші орынға ие болды

<a href="https://kyzylorda-news.kz/kogam/qyzylorda-qalasyn-ajaq-swmen-qamtamasyz-etw-zhumystary-qarqyn-aldy-111001/">Kyzylorda-news.kz.</a> ҚР Тәуелсіздігінің 30 жылдығына арналған облыс музейлері экспозициялары бойынша «Үш он жылдық белес» атты экскурсиялар шеруі өтеді. Бұл туралы бүгін Өңірлік коммуникациялар қызметінің алаңында облыстық мәдениет, архивтер және құжаттама басқармасы басшысының міндетін атқарушыа Нұршат Наурызбаева мәлімдеді.
Жалпы облыста 14 музей бар. Облыс музейлерінің қоры палеолит дәуірінен бастап қазірге дейінгі өлкенің тарихынан, экономикасы мен мәдениетінен, әдебиеті мен өнерінен, флорасы мен фаунасынан сыр шертетін тарихи құндылықтармен толығып, жәдігер саны 146 923 асады.
<blockquote>
 «Облыс музейлерінде 2306 экскурсия, 229 лекция, 161 көрме, 10 шеберлік сағаты, 18 тарихи-танымдық видеолар ұйымдастырылды. Сондай-ақ, фейсбук, инстаграм әлеуметтік желілерінің парақшасына, музейдің жеке сайтына жарияланып, халық назарына ұсынылуда. Есептік мерзім ішінде облыс музейлері бойынша барлығы – 120 шара ұйымдастырылып, музейге келушілер саны 66536 адамды құрады. «Музеолог» бағдарламасына 770 экспонат, облыстық музейде 200 экспонат ендірілді», – деді облыстық тарихи-өлкетану музейінің директоры Сапар Көзейбаев.
</blockquote>
Қазіргі таңда Жаңақорған аудандық тарихи-өлкетану музейіне жер телімі беріліп, жаңа ғимарат салу жоспарлануда. Сондай-ақ, Шиелі аудандық тарихи-өлкетану музейінің құрылысы жаңадан салынып, экспозициясын жасақтау басталды.
<blockquote>
 «Облыста Халықаралық музейлер күніне орай ауқымды шаралар ұйымдастырылу жоспарлануда. Атап айтсақ, «Менің музейім» атты ашық есік күні жарияланды. ҚР Тәуелсіздігінің 30 жылдығына арналған облыс музейлері экспозициялары бойынша «Үш он жылдық белес» атты экскурсиялар шеруі өтеді. «Тәуелсіздіктің 30 жылдығына – 30 экспона» атты ашық аспан астындағы музейге сый акциясы және «Мәдениет қайраткері, Қазақстан суретшілер одағының мүшесі Аманкелді Кененбаевтың қатысуымен «Өзіңді суретші сезін» атты перформансы ұйымдастырылады», – деді облыстық мәдениет, архивтер және құжаттама басқармасы басшысының міндетін атқарушыа Нұршат Наурызбаева.
</blockquote>

Қызылордада «Үш он жылдық белес» атты экскурсиялар шеруі өтеді

Kyzylorda-news.kz. Қызылорда жері де 150 мың ұлы мен қызын Ұлы Отан соғысы майданына аттандырды. 30 мыңнан астам қызылордалықтар майдан даласында ерлікпен қаза тапты.
Соғыстың алғашқы күндерінен бастап Қазақстан аумағында әскери бөлімдер мен бөлімшелерді қалыптастыру басталды. 12 атқыштар, 4 кавалериялық дивизия, 7 атқыштар бригадасы, түрлі әскери құрылымдардың 50-ге жуық жеке полкі мен батальоны құрылды. Олардың қатарында Мәскеу мен Сталинград түбінде ерлікпен шайқасқан Қазалы 35-ші атқыштар теңіз бригадасы бар.
Қызылорда облысында әскерге шақырылушылардан ақтөбелік 101-ші атқыштар бригадасы құрылды. Олар Ржев, Великие Лукиде шайқасты.
Алматыдағы жаяу әскер әскери училищесінде оқыған 250 қызылордалық Ленинград блокадасының жарылуына қатысты.
Қызылорда жері 22 Кеңес Одағының Батырын, 1 Даңқ орденінің толық кавалерін шығарды, 20 мыңнан астам қызылордалық орден және медальдармен марапатталды.

Қызылордадан Ұлы Отан соғысына 150 мың жауынгер аттанды

Kyzylorda-news.kz. ҚР ҰҚК ШҚ Қызылорда облысы бойынша департаментінің ұжымы Ұлы Отан соғысының ардагерлері, Қызылорда қаласының құрметті тұрғындары Абдрахман Байтіков және Төлеген Жунісовты Жеңіс күнімен құттықтап, азық-түлік себеттерін сыйға тартты.
Осы орайда шекарашылардан құралған оркестр қарт майдангерлерге арнап, аулаларында әскери шерумен өтіп, мерекелік көңіл сыйлады.
Төлеген Жүнісов 1942 жылы әскер қатарына алынып, жау күшін мың метр қашықтыққа дейін жоятын атыс қаруын меңгереді. Сөйтіп, Украина жерінде жойқын ұрыстар жүргізіп жатқан 682-ші атқыштар полкі құрамына қабылданады. Ол кезде жауынгер он тоғыз жаста болатын. Осылайша, жау шебін талқандауда біраз күшін салған Төлеген Жүнісов нағыз ерліктің үлгісін көрсетеді. Ол Украинаның Харьков, Прискуров қалаларын жаудан азат етуге күш салды.
Ал, 97 жасқа келген Абдрахман Байтіков Курск майданының қаһарманы. Жау күшіне қарсы тұрып, жеңісті жақындатты. Қарт майдангерлер кеуілін сұрай келген шекарашыларға батасын берді.
<img src="https://kyzylorda-news.kz/wp-content/uploads/2021/05/img-20210509-wa0034.jpg" alt="" />
<img src="https://kyzylorda-news.kz/wp-content/uploads/2021/05/img-20210509-wa0038.jpg" alt="" />

Қызылордада соғыс ардагерлеріне құрмет көрсетілді

Kyzylorda-news.kz. Қызылорда қаласының әкімі Ғанибек Қазантаев қызылордалықтарды 9 мамыр – Жеңіс күнімен құттықтады.
Құрметті майдангерлер, тыл ардагерлері!Қадірлі жерлестер!
Сіздерді 9 мамыр – Ұлы Жеңіс күнімен шын жүректен құттықтаймын! Соғыс үнінің басылып, бейбіт күнде өмір сүріп жатқанымызға биыл – 76 жыл. Келер ұрпақтың азаттығын ойлап, азаматтық арды ту етіп, Отанды қорғаған, майдан даласында отқа түсіп, кеудесін оққа тосқан бабаларымыздың батырлығы жадымыздан мәңгі өшпейді. Қайсарлық пен батылдықтың, жанқиярлық ерліктің дастанындай санамызда сақталады.
Бүгін көз алдымызда қатары сиреген ардагерлеріміз – сұрапыл соғыс жылдарында бас амандығын емес ел бостандығын ойлап, майданға түскен батырлар. Бүгінгі бейбіт күнге жетуіміз осы батырлардың Отанға, елге, туған жерге деген сүйіспеншілігінің, қажымас қайраты мен ерік-жігерінің жемісі. Майдангерлеріміздің жеңіс жолындағы жанқиярлық батырлығы жастарды ерлік пен патриотизм рухына тәрбиелеудің өзгермес өнегесі, отансүйгіштікке баулудың негізгі бастауы.
Ардақты ардагерлер!
Сіздердің майдан даласындағы ерліктеріңіз бен тылдағы еңбектеріңіз жадымызда жаңғырып, қатпарлы тарихымыздың ұмытылмас парағы болып қалады. Жылдар жылжып, уақыт өткен сайын бұл ерліктің қадір-қасиеті мен бағасы артып, шоқтығы биіктей бермек. Жеңіс жалауы желбіреген күнде Сіздерге алғыс айтып, шексіз құрметпен бас иеміз. Арамызда аман-есен жүріңіздер ардагерлер!
Қадірлі қызылордалықтар!
Баршаңызды бүгінгі ұрпаққа ұран болған ұлы мереке – Жеңіс күнімен құттықтай отырып, отбасыларыңызға бақ-береке, әулеттеріңізге амандық, шаңырақтарыңызға шаттық тілеймін!

Ғанибек Қазантаев қызылордалықтарды Жеңіс күнімен құттықтады

Kyzylorda-news.kz. 9 мамыр өзге де ТМД елдері сияқты Қазақстанда да Жеңіс күні ретінде аталып өтеді. Өйткені, осыдан 76 жыл бұрын КСРО үшін екінші дүниежүзілік соғыс жеңіспен аяқталған болатын, деп хабарлайды <a href="https://www.inform.kz/kz/bugin-zhenis-kuni_a3785741">ҚазАқпарат</a>.
Германия әскері КСРО аумағына шабуыл жасаған 1941 жылдың 22 маусымы ТМД елдерінің ресми тарихында 4 жылға созылған алапат соғыстың басталған күні болып есептеледі. Кез келген соғыстың экономиканы ондаған жылдарға артқа шегеріп, ұлттың тұрмыс сапасы мен демографиялық әлеуетін тежейтіні тарихтан белгілі. Сондықтан соғыстың біткені туралы хабарды «қара қағаздар» мен қалыптан тыс азапты жұмыстан титықтаған халықтың «жеңіс» деп қабылауы заңды еді.
КСРО үшін жеңісті жақындатуға одақ құрамындағы Қазақ КСР-ның қосқан үлесі зор. 1939 жылы одақ көлемінде жүргізілген халық санағы бойынша Қазақстанда 6,2 миллион адам тұратын еді. 4 жылда қазақ даласынан 1 миллион 200 мың майданға аттанып, оның 601 мыңы қайтып оралған жоқ.
100 мыңнан астам қазақстандық соғыстағы ерлігі үшін түрлі деңгейдегі орден-медальдермен марапатталды. Оның ішінде 99 майдангер Кеңес Одағының Батыры және Тәуелсіз Қазақстанның Халық Қаһарманы атақтарын иеленді.
«Совет-герман соғысы кезінде жауға атылған 10 оқтың тоғызы Шымкенттегі қорғасын зауытында құйылды» деп келетін қанатты сөз бар. Соғыс жылдарында Қазақстан жалпы одақ бойынша мыс құймасының 30%-ын, марганец кенінің 60%-ын, мыс кенінің 50%-ын, висмуттың 65%-ын, полиметалл кендерінің 70%-ын, мырыш өнімінің 85%-ын өндірді.
Соғыс жылдарындағы ресми статистикаға сүйенсек, шайқасқа жарамсыз бала-шаға мен қариялардың, жарымжандар мен әйелдердің тылдағы еңбегінің арқасында Қазақстан майданға 500 мың тоннадан астам астық, 230 мың тоннадан астам картоп пен көкөніс, 250 мың тоннадан астам ет, 300 мың тоннадан астам сүт, 1,7 млн тонна жүн, 2,5 млн дана жылы киім жіберді. Ұрысқа деп 110 мыңнан аса жылқы, жаудан азат етілген аудандарға деп 500 мыңнан астам мал жөнелткен. Тылдағы қазақстандықтардың қалтасынан 1941-1945 жылдары соғыс техникаларын жасауға 480,3 миллион рубль жинап алынды.
1941-44 жылдары республикаға 300 мыңнан астам алман ұлтының өкілі, 45 500 қарашай, 406 000 шешен мен ингуш, 21,150 балқар, 2 200 қалмақ, 4 500 қырым татарлары, 27 600 месхет түріктері және басқа да ұлт өкілдері жер аударылды.
1949 жылы КСРО бойынша кезекті санақ жүргізілуі керек болатын. Бірақ билік оны тағы 10 жылға шегерді. Сондықтан екінші дүниежүзілік соғысты 6,2 млн адаммен қарсы алған Қазақстан қанша адаммен аяқтағаны туралы нақты дерек жоқ деуге болады.
1 мамырдағы жағдай бойынша Қазақстанда Екінші дүниежүзілік соғысқа қатысқан 665 ардагер бар. Биыл Жеңіс күні қарсаңында оларға 1 млн теңгеден өтемақы берілді.
Сондай-ақ, мемлекет Екінші дүниежүзілік соғысқа қатысушыларға ай сайын 182 851 теңге, Екінші дүниежүзілік соғыс мүгедектері үшін ай сайын 188 051 теңге зейнетақы төлейді.
Қазақстанның соғыс ардагерлеріне беріп отырған өтемақылары көрші елдердің бәрінен жоғары.

Бүгін – Жеңіс күні

*<a href="https://kyzylorda-news.kz/">Kyzylorda-news.kz.</a> Қызылорда облысында 11 Ұлы Отан соғысының ардагері бар.*
Атап айтқанда, Аралда – 1, Қазалыда – 3, Сырдария ауданында – 1, Шиеліде– 1, Қызылорда қаласында – 5. Сондай-ақ, аймақта Ұлы Отан соғысының қатысушылары мен оларға теңестірілген 3756 ардагер бар.
<img src="https://kyzylorda-news.kz/wp-content/uploads/2021/05/fb_img_1620379691479.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379699186.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379713961.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379723973.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379736015.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379748951.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379756312.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379761841.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379766910.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379771680.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620379776788.jpg" alt="" />

&#8220;Мың алғыс Сізге, майдангер&#8221;: Қызылорда облысында 11 соғыс ардагері бар (ФОТО)

*<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова сырбойылықтарды қос мерекемен құттықтады.*
Құрметті Отан қорғаушылар, ардақты ардагерлер!
Сіздерді Отан қорғаушылар күнімен және Ұлы Жеңістің 76 жылдық мерекесімен шын жүректен құттықтаймын!
Қос мерекенің қатар келуі де заңдылық тәрізді. Кешегі жау оғынан қорғаған майдангерлерімізге, бүгінгі еліміздің айбынын асқақтатар әскерімізге қандай құрмет көрсетсек те жарасады.
Тұңғыш Президентіміз – Елбасы Нұрсұлтан Әбішұлы Назарбаев кез келген елдің егемендігі экономикалық және саяси ғана емес, сонымен бірге, әскери әлеуетпен қамтамасыз етілгенде ғана нағыз тәуелсіздікке айналады десе, Мемлекет Басшысы, Бас Қолбасшы Қасым-Жомарт Кемелұлы Тоқаев жауынгерлеріміздің батырлығы мен қайтпас қайсарлығы жер бетінде бейбітшілік пен тыныштықты сақтауға мүмкіндік бергенін атап өтті.
Біз Отан Қорғаушылар күні мен Жеңіс күнін қатар атап жүрміз. Өйткені, бұл мерекелер рухы жағынан бір-бірін толықтыратын, ұрпақтар сабақтастығына ұласқан мерекелер. Әр отбасында сұрапыл соғысқа қатысып, елі мен жерін, ұрпағының бейбіт өмірін қорғаған өз батырлары бар. Мен де майдангердің ұрпағы ретінде бұл күннің қадір-қасиетін жоғары бағалаймын. Бұрындары түрлі кездесулер өткізіп, алаңдарда, мәдени ғимараттарда концерттер беріп мерекелеп жататынбыз. Былтырдан басталған пандемия бұрынғыша атап өтуге мүмкіндік бермей отыр. Биыл коронавирус бәсеңдесе, майдангерлеріміздің үйіне құттықтап барамыз, мәңгілік алуға гүл шоқтарын қоямыз деген едік. Өкінішке қарай, бірнеше аптадан бері “қызыл, сары аймақтарда” болуымыз оған кедергі жасап отыр. Дегенмен, «NurOtan» партиясы облыстық филиалының бастамасымен ел Тәуелсіздігінің 30 жылдығы мен партияның «Ардагерлерді ардақтайық» жобасы аясында облыс көлемінде «Мың алғыс Сізге, майдангер» арнайы хэштегпен ақпараттандырылған шаралар шеруі басталып, интернет-ресурстарда, әлеуметтік желілерде, ардагерлер, жастар, үкіметтік емес ұйымдар, этнос өкілдері онлайн түрде ықыластарын білдіруде.
Ардагерлерді ардақтау – ұрпақ парызы. Жыл өткен сайын майдангерлеріміздің қатары да сиреп барады. Қазір облысымызда Ұлы Отан соғысының 11 ардагері бар. Толық атап кетсем деймін. Бес ардагер – Жүнісов Төлеген, Бәйтіков Әбдрахман, Колесник Любовь Сергеевна, Әбішев Әбдраман, Сатыбалдиев Әбдірауық Қызылорда қаласында, 3 ардагер – Бектұрғанов Қалеп, Смағұлов Қабақ, Тобабергенов Тілеуберген Қазалы ауданында, ал, Жанасов Талжан Байболұлы Арал ауданында, Тасыров Яхия Сырдария ауданында, Байжанов Сәрсенбек Шиелі ауданында тұрады. Оларға облыстық бюджеттен біржолғы материалдық көмек 1 млн теңге, жергілікті бюджеттен біржолғы әлеуметтік көмек 116,6 мың теңге төленуде.
ҰОС жылдарындағы тылдағы қажырлы еңбегі мен мінсіз әскери қызметі үшін бұрынғы КСРО ордендерімен және медальдарымен марапатталғандарға (35 адам) 1 адамға облыстық бюджеттен 100,0 мың теңгеден, аудандық/қалалық бюджеттен 87,5 мың теңгеден біржолғы әлеуметтік көмек беріледі.
Екiншi рет некеге тұрмаған, қайтыс болған соғыс мүгедектерiнiң және соларға теңестiрiлген мүгедектердiң, қатысушылардың әйелдерiне (күйеулерiне) (49 адам) 1 адамға 100 мыңтеңгеден, ҰОС жылдарында тылда кемінде 6 ай жұмыс істеген азаматтарға (3661 адам) әрқайсысына 100,0 мың теңгеден облыстық бюджеттен біржолғы әлеуметтік көмек төленуде.
Қымбатты Отан қорғаушылар! Ат жалын тартып мінген азамат үшін Отан қорғаудан қасиетті міндет жоқ!
Пандемияның шарықтау шегінде алдыңғы шепте жүріп, ерен еңбектің үлгісін көрсете білдіңіздер.
Биыл тәуелсіздігімізге 30 жыл. Тәуелсіздік құндылықтарының қорғалуы ең көкейтесті мәселе. Сондықтан, ата-бабаларымыз аманат еткен атамекенімізді, туған Отанымызды, жерімізді, халқымызды көзіміздің қарашығындай қорғай білейік. Бейбіт күннің бағасын білейік. Тәуелсіз еліміздің тыныштығын тілейік.
Қайыспас қайсар майдангерлеріміз, айбынды Отан қорғаушыларымыз! Сіздерді мерейлі мереке – Отан қорғаушылар және Ұлы Жеңіс күндерімен тағы да шын жүректен құттықтаймын!
Өнегелі ғұмыр сүріп, бейбітшілік, болашақ үшін тер төгіп, қанын да, жанын да аямаған ардагерлерімізге алғысымызды айтамыз. Олардың майдан даласындағы ерен ерліктері бүгінгі ұрпағы үшін нағыз өнеге, тәлім-тәрбие.
Бар өмірін әскери іске арнап, ыстық-суық демей, күн-түн демей, елін, жерін қорғап, өз қызметін мінсіз атқарып жүрген әскерімізге ризашылығымызды білдіреміз. Еліміздің айбынын асқақтатар ер-азаматтарымыз, сардарлар мен сарбаздарымыз аман болсын!
Тәуелсіз Қазақстан жасасын!

Гүлшара Әбдіқалықова қызылордалықтарды қос мерекемен құттықтады

<a href="https://kyzylorda-news.kz/">Kyzylorda-news.kz</a>. Биыл Ұлы Жеңіске 76 жыл толып отыр. Туған жері үшін қан майданда ерлік көрсеткен қазақ батырларының есімі мәңгі ел есінде қалады. Солардың бірі – Санияз Ибрашев.
Санияз Ибрашев 1911 жылы Арал ауданы Қасқақұлан ауылында дүниеге келген. Осы жерде 7 жылдық білім алған.
Соғысқа дейінгі жылдары Гурьевтегі (қазіргі Атырау қаласы) оқу комбинатында шаруашылық жетекшісі ретінде оқу курсында оқып, оны 1936 жылы бітіреді.
Еңбек жолын балық шаруашылығы саласында бастап, біршама уақыт жұмыс істейді. Еңбек екпіндісі ретінде Куйбышев, Астрахань қалаларында (Ресей) жолдамамен саяхаттарда болған.
Ел еңсесін енді тіктеп келе жатқанда тосыннан Ұлы Отан соғысы басталып кетті. 1942 жылы Санияз Ибрашевқа Арал аудандық әскери комиссариатынан шақырту келіп, бір топ аудан азаматымен бірге майданға аттанады. Қазақстаннан алынған жауынгерлер алдымен әскери дайындықтан өтеді. Жауды бірден жапырып тас-тайтындай леппен аттанған жігіттерді Курск түбіндегі қиян-кескі шайқасқа алып келеді. Осылайша С.Ибрашев 1943 жылы Курск доғасындағы әйгілі шайқасқа қатысады.
От пен оқты көрген қазақ жауынгері 1944 жылы №264 атқыштар дивизиясының құрамында КСРО жерін азат ету жорықтарына қатысып жүргенінде снаряд жарқыншағынан ауыр жараланады. Сол қолына тиген жарықшақ оны госпитальдан бір-ақ шығарады. Медициналық қорытынды бойынша елге оралуына тура келеді.
Жауынгер Санияз Ибрашев ұрыс даласындағы ерлігі үшін «Ұлы Жеңіс үшін», «Ұлы Жеңістің 20, 30, 40 жылдығы», «1941-1945 жылдардағы Ұлы Отан соғысында Германияны жеңгені үшін» медальдарымен, «І дәрежелі Отан соғысы» орденімен марапатталған.
Соғыстан кейінгі бейбіт уақытта да ол Арал аудандық орман шаруашылығы мекемесінде ұзақ жыл орман қорғаушы инспектор болып жұмыс істеді. Төсіне «Еңбек ардагері» медалін тағып, құрметті еңбек демалысына шықты. Сондай-ақ, «КПСС қатарында 50 жыл» төсбелгісінің иегері. Соғыс және еңбек ардагері Санияз Ибрашев 1991 жылы 80 жасында дүниеден озды.
<img src="https://kyzylorda-news.kz/wp-content/uploads/2021/05/fb_img_1620187121168.jpg" alt="" />
<img src="https://kyzylorda-news.kz/wp-content/uploads/2021/05/fb_img_1620187123806.jpg" alt="" />

Қазақстан және Қызылорда облысының жаңалықтары: Қазақстан Тәуелсіздігіне – 30 жыл

«Түркістаным-Тұраным»: Халықаралық суретшілер көрмесі өтті

Қазақстан Тәуелсіздігіне – 30 жыл: Жалағашта Рәміздер аллеясы салынады

Қалқабай Әбенов атындағы жас журналистер байқауы өтеді

Қызылорданың «Ақ орамал» жобасы бірінші орынға ие болды

Қызылордада «Үш он жылдық белес» атты экскурсиялар шеруі өтеді

Қызылордадан Ұлы Отан соғысына 150 мың жауынгер аттанды

Қызылордада соғыс ардагерлеріне құрмет көрсетілді

Ғанибек Қазантаев қызылордалықтарды Жеңіс күнімен құттықтады

Бүгін – Жеңіс күні

“Мың алғыс Сізге, майдангер”: Қызылорда облысында 11 соғыс ардагері бар (ФОТО)

Гүлшара Әбдіқалықова қызылордалықтарды қос мерекемен құттықтады

«Мың алғыс сізге, майдангер”: Аралдан аттанған жауынгер

Қазақстан және Қызылорда облысының жаңалықтары: Қазақстан Тәуелсіздігіне – 30 жыл

«Түркістаным-Тұраным»: Халықаралық суретшілер көрмесі өтті

Қазақстан Тәуелсіздігіне – 30 жыл: Жалағашта Рәміздер аллеясы салынады

Қалқабай Әбенов атындағы жас журналистер байқауы өтеді

Қызылорданың «Ақ орамал» жобасы бірінші орынға ие болды

Қызылордада «Үш он жылдық белес» атты экскурсиялар шеруі өтеді

Қызылордадан Ұлы Отан соғысына 150 мың жауынгер аттанды

Қызылордада соғыс ардагерлеріне құрмет көрсетілді

Ғанибек Қазантаев қызылордалықтарды Жеңіс күнімен құттықтады

Бүгін – Жеңіс күні

&#8220;Мың алғыс Сізге, майдангер&#8221;: Қызылорда облысында 11 соғыс ардагері бар (ФОТО)

Гүлшара Әбдіқалықова қызылордалықтарды қос мерекемен құттықтады

«Мың алғыс сізге, майдангер&#8221;: Аралдан аттанған жауынгер

“Мың алғыс Сізге, майдангер”: Қызылорда облысында 11 соғыс ардагері бар (ФОТО)

«Мың алғыс сізге, майдангер”: Аралдан аттанған жауынгер