<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда қаласындағы №271 орта мектептің 7-сынып оқушысы Жаннұр Аман оқу озаты. Ол «Тұлпар мініп ту алған!» байқауының Қызылорда қалалық кезеңінде 100-ге жуық оқушы арасынан үздік шығып, бірінші орынды иеленді. «Едіге батыр» жырын толық жаттап алған зерделі жас байқауға қатысуға өзі ниет білдірген екен.
<blockquote>
 Өзім қазақ әдебиеті пәнін сүйіп оқимын. Сондықтан жыр жаттауда ондай үлкен қиындық болған жоқ. Жыл басында басталған байқау туралы ұстазым Гайнегул Аймыратова апайымнан естідім. Бірден қызығушылығымды оятты. Барлығына батырлар жырын оқуды ұсынар едім, – дейді ол қуана.
</blockquote>
Жаннұрдың жыр жаттауға жетекшілік етіп жүрген мұғалімі Гайнегул Аймыратова кез келген оқушы – талантты деген қағиданы ұстанады.
<blockquote>
 –Жыр жаттау кезінде төменгі сынып болған соң қиындықтар кездесіп жатыр. Алайда, Жаннұр өз талпынысымен, алға қойған мақсаттарына жетеріне сенімді. Қазір «Едіге батыр» жырын жатқа оқудан облыстық байқауға дайындалып жатырмыз. Жаннұр бұған дейін түрлі олимпиядаларға қатысып, жүлделі орындардан көрініп келеді. Сәтін салса алдағы уақытта да үмітімізді ақтайды деп сенеміз, – дейді Г. Аймыратова.
</blockquote>
Ұстаз үшін ұрпақ тәрбиесі қашан да маңызды. Елдің ертеңі, келешегі бүгінгі жас ұрпақтың қолында. Жыр жаттау арқылы қазақы дәстүр, ұлттық құндылықтарды дәріптеп, бай мұраларды насихаттайды. «Едіге батыр» жырын жаттауға кіріскен оқушыларымыз байқауды қызығушылықпен қабылдап жатыр. Оларға тек сәттілік тілейміз.

Жаннұр Аман: «Қазақ әдебиетін сүйіп оқимын»

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Шиелі ауданының орталығындағы «Арман» мәдениет үйінде «Едіге батыр» жырын жатқа айтудан «Qazaq Epos» республикалық ағарту жобасы «Тұлпар мініп, ту алған!» байқауының аудандық іріктеу кезеңі өтті. Оған аудан мектептерінде 6-10 сыныпта оқитын 102 оқушы қатысып, өз бақтарын сынады.
Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда.
Іс-шараның ашылу салтанатында «Nur Otan» партиясы Шиелі аудандық филиалы төрағасының бірінші орынбасары Болат Сыздық сөз сөйлеп, талапкерлерге сәттілік тіледі.
<blockquote>
 – Қоғам талабымен үйлесім тапқан «Тұлпар мініп, ту алған!» байқауының балалар арасында кең қолдау табуында да ерекше мән бар. «Сыр елі – жыр елі» атанған киелі мекенінде дүниеге келген балалардың батырлар жырына қызықпауы мүмкін емес. Байқау арқылы ата-бабамыздың тәрбие тәсілі қайта жаңғырып жатыр. Сондықтан бала тәрбиелеуде батырлар жырын оқыту қайта қолға алынып, қайта жаңғыртылуы игі бастама. Біз тек атадан қалған сырлы сөздер мен рухани үлгімен ғана рухани түлеп, саналы түрде жаңғырамыз. «Тұлпар мініп, ту алған!» секілді жобалар арқылы бай мұрамызды бойына сіңірген, ұлттық рухы мықты ұрпақ өсіп-өнеді, – деді ол.
</blockquote>
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Байқауға «Nur Otan» партиясы Шиелі аудандық филиалы төрағасының бірінші орынбасары Болат Сыздық, «Qazaq Epos» қоғамдық қорының өкілі Нұрсұлтан Қаражан, аудандық білім бөлімінің әдіскері Әмина Тәжиева, Бұдабай Қабылұлы атындағы аудандық мәдени-шығармашылық орталығының сценаристі Айзада Әшімқызы, журналист Елдос Жүсіп, аудандық «Нартай» өнер мектебінің директоры Мұхамедәлі Бекпейісов, Жастар ресурстық орталығының кеңесшісі Ақсамал Рысбаева қазылық етті.
Батырлар жырын жаттап, бақ сынағандардың қарасы қалың болды. Аудан мектептері бойынша жырға жаны құмар оқушылар «Едіге батыр» жырын жатқа, мәнерлеп, нақышына келтіре айтып шығуы керек. Сайыста оқушылардың жырды жатқа айтқа айту барысында кідірмей, мүдірмей оқуы, жырды толық жаттауы ескерілді.
Нәтижесінде, қазылар шешімімен Шиелі ауданы бойынша келесі оқушылар жеңімпаз атанды: 
1 орын(150 мың теңге) – №181 орта мектептің 10-сынып оқушысы Ақзерек Исмайлова, дайындаған мұғалімі Мөлдір Әбсұлтанова; 
2 орын(100 мың теңге) – №149 мектептің 9-сынып оқушысы Құралай Исаханова, дайындаған мұғалімі Ләззат Түменбаева; 
3 орын(50 мың теңге) – №251&nbsp; мектептің 9-сынып оқушысы Мөлдір Мұзарапова, дайындаған мұғалімі Ұлжан Бименді.
Байқау жеңімпаздарын аудандық білім бөлімінің әдіскері Әмина Тәжиева құттықтады. Сондай-ақ, «Дарын» қосымша білім беру орталығы директорының орынбасары Гүлжаһан Сағындыққызы жүлдегерлерге байқаудың келесі кезеңіне сәттілік тілеп, жүлделерін табыстады.
<blockquote>
 – Бүгінгі байқау ұстаз бен шәкірт бірігіксе алынбайтын қамал жоқ екенін дәлелдеді. Жүзден жүйрік шыққан үш оқушымыз облыстық кезеңге қатысады. Аймағымыздан барлығы 700-ден астам, әр ауданнан 100-ден астам оқушы қатысуда. Бұл “Оқуға құштар мектеп” жобасы аясында ұстаздар тарапынан атқарылып жатқан ауқымды жұмыс көрінісі, – деді Гүлжаһан Сағындыққызы.
</blockquote>
Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алды.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.

«Тұлпар мініп, ту алған!»: Шиелі ауданы бойынша жеңімпаздар анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Ұрпақ тәрбиелеуде батырлар жырын оқыту, оны қайта жаңғырту игі бастама. Атадан қалған сырлы сөздер мен бай мұрамыз арқылы жаңғырамыз. Осынау бабадан қалған баға жетпес рухани құндылықтарымыздың бүгінгі мұрагерлерінің бірі – Кәусар Есіркеп. Ол Жаңақорған ауданы Бесарық бекеті №247 орта мектептің 8-сынып оқушысы.
Кәусар «Ер Едіге» жырын толық жаттап, «Тұлпар мініп, ту алған!» байқауының Жаңақорған аудандық кезеңінде 120-дан астам оқушы арасынан бірінші орынды иеленді.
<blockquote>
 – Жырды жаттауға кеңес берген ұстазым Қалдықыз Нұртазаева. Жырды бастап оқығаннан-ақ мені бірден баурап алды. Ондағы батырлық оқиғалар жігеріңді жанып, еріксіз өзіне баурайды. Жырдың әр жолын оқыған сайын «Батырлық – білекте емес, жүректе» деген қазақ халқының мақалының мағынасын тереңірек түсіндім. «Ер Едіге» жырын жаттау маған көп қиыншылық тудырған жоқ. Жырды жаттау барысында қара сөздерді жаттау сәл ауырлық тудырды. Дегенмен, қара сөзді қайта пысықтап, бұл қиындықты жеңе білдім. Нәтижесінде жырдың мазмұнын түсіне отырып, бір айда толық жаттай алдым. Жалпы жырдың мазмұны маған ұнады. Алға мақсат қойдым. Алла қаласа, белгіленген мәреден көш бастап шыққым келеді, – дейді ол.
</blockquote>
Жетекшісі Қалдықыз Нұртазаева Кәусардың мектепшілік шараларда белсенді, оқуда озат екенін айтты.
<blockquote>
 – «Тұлпар мініп, ту алған!» секілді жобалар негізінде бойына баға жетпес руханият сіңірген, ұлттық рухы мықты ұрпақ өсетініне бек сенімдімін. Оқушым жырды бір айда толық жаттап алды. Қазір байқаудың облыстық кезеңі алдында жаттауын қайта пысықтап, көнерген сөздермен жұмыс жасауда. Жыр жолдарын айтудағы дауыс мәнері, дауыс ырғағы қалыптасқан. Кәусардың жырға қызығушылығы, мазмұнын ұға білуі, есте сақтау қабілеті жырды жаттау барысында көп септігін тигізді, — дейді ұстазы.
</blockquote>
<img src="https://kyzylorda-news.kz/wp-content/uploads/2021/10/eaa4892d-68c2-451a-9f9f-6f6aa8f72c81.jpg" alt="" />

Кәусар Есіркеп: «Жырды бір айда толық жаттап алдым»

<a href="https://kyzylorda-news.kz/ru/obshestvo/">Kyzylorda-news.kz</a>. Биыл облыста Жамбыл Жабаевтың 175 жылдық мерейтойы аясында 130 іс-шара аралас форматта өткізілді. Шара барысында Ә.Тәжібаев атындағы облыстық әмбебап ғылыми кітапханасында «Жыры әлемді шарлаған – Жамбыл» атты кең көлемді кітап көрмесі ашылып, әдеби кештер ұйымдастырылды.
Өңірлік коммуникациялар қызметінде өткен брифингте облыстық мәдениет, архивтер және құжаттама басқармасының басшысы Асқарбек Есжанов атаулы мерейтойға орай ауқымды шаралар легін баяндады.
<blockquote>
 “Мәдениет ұйымдарында ғасыр жасаған тұлғаның шығармашылығын насихаттауға бағытталған түрлі іс шаралар өткізілуде. Атап айтсақ, «Ұлы даланың жыршысы» тақырыбында кітап көрмелері, «Әлемге аян жырлары», «Жырлансын, Жамбыл жырлары», «Тыңда, дала Жамбылды», «Жыр алыбы – Жамбыл» атты дәстүрлі орындаушылар мен жыршы-термешілердің фестивалі ұйымдастырылды. Бүгінде облыс бойынша Жамбыл Жабаевтың есімі берілген 2 мектеп пен 30 көше бар. Ақынның туған күніне орай аталған білім ұйымдарында іс-шаралар өткізіліп, мектеп оқушылары жыр алыбының жалынды жырларын дәріптеді. Сондай-ақ, Алматы облысындағы «Жүз жыл жырлаған жүрек» атты Жамбыл Жабаевтың әдеби-мемориалды музейінің Қызылорда қаласында жылжымалы көрмесі өткізілген болатын. Онда облыс тұрғындары ақынның ұстап-тұтқан жеке заттары мен шапанын, домбырасын, кітаптарын көруге мүмкіндік алды. Ел Тәуелсіздігінің 30 жылдығы мен Жамбыл Жабаевтың 175 жылдығына орай Тараз қаласында өткен «Көне Тараз күмбірі» атты республикалық фольклорлық ансамбльдер конкурсында Қорқыт ата атындағы Қызылорда университетінің «Дидар» халықтық фольклорлық-этнографиялық ансамблі жүлделі 3 орынды ие болды. Алдағы уақытта ақынның шығармашылығын насихаттау мақсатында рухани-танымдық мәдени шаралар жалғасын табатын болады”, – деді басқарма басшысы Асқарбек Темірбекұлы.
</blockquote>

Қызылордада Жамбыл Жабаевтың 175 жылдығына орай ауқымды шаралар өткізілуде

<a href="https://kyzylorda-news.kz/ru/obshestvo/">Kyzylorda-news.kz</a>. Шиелі ауданының орталығындағы «Арман» мәдениет үйінде «Едіге батыр» жырын жатқа айтудан «Qazaq Epos» республикалық ағарту жобасы «Тұлпар мініп, ту алған!» байқауының аудандық іріктеу кезеңі басталды. Оған аудан мектептерінде 6-10 сыныпта оқитын 102 оқушы қатысып, өз бақтарын сынауда.
Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда.
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Байқауға «Nur Otan» партиясы Шиелі аудандық филиалы төрағасының бірінші орынбасары Болат Сыздық, «Qazaq Epos» қоғамдық қорының өкілі Нұрсұлтан Қаражан, аудандық білім бөлімінің әдіскеріӘмина Тәжиева, Бұдабай Қабылұлы атындағы аудандық мәдени-шығармашылық орталығының сценаристі Айзада Әшімқызы, «Өскен өңір» газеті бас редакторының орынбасары Елдос Жүсіп, аудандық «Нартай» өнер мектебінің директоры Мұхамедәлі Бекпейісов, Жастар ресурстық орталығының кеңесшісі Ақсамал Рысбаева қазылық етуде.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.

Шиеліде «Тұлпар мініп, ту алған!» байқауының аудандық іріктеу кезеңі өтіп жатыр

<a href="https://kyzylorda-news.kz/">Kyzylorda-news.kz.</a>&nbsp; «Тұлпар мініп, ту алған!» байқауының Жаңақорған аудандық кезеңі басталды.
«Ордакент» ардагерлер, жастар ресурстық орталығында өтіп жатқан байқауда Жаңақорған ауданы мектептері бойынша 120-дан астам оқушы бақ сынауда.
Іс-шарада сөз сөйлеген Жаңақорған ауданы әкімінің кеңесшісі Қаныбек Әбдуов байқаудың маңыздылығына тоқталып, талапкерлерге сәттілік тіледі.
Байқауға Жаңақорған аудандық мәслихатының «Nur Otan» партиясы фракция жетекшісі Әсемкүл Тілеубергенова, «Qazaq Epos» қоғамдық қорының өкілі Нұрсұлтан Қаражан, Жаңақорған аудадық білім бөлімі тәрбие ісі жөніндегі бас инспекторы Мира Жандарбекова, аудандық мәдениет бөлімінің басшысы Нұрымжан Бұлдырықов, Жаңақорған ауданы әкімінің кеңесшісі Қаныбек Әбдуов, айтыскер ақын Әбілқайыр Сыздықов және Жаңақорған аграрлы-техникалық колледжі директоры Жомарт Шауенов қазылық етуде.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.
<img src="https://kyzylorda-news.kz/wp-content/uploads/2021/10/48107bae-65df-41fa-a68d-c5de225b1d4d.jpg" alt="" />

Жаңақорғандық 123 оқушы «Едіге батыр» жырын жатқа айтудан жарысуда

<a href="https://kyzylorda-news.kz/ru/obshestvo/">Kyzylorda-news.kz</a>. “Қазақстан дауысы” музыкалық жобасында “Қорқыт қобыз” әнін жаңаша бағытта орындап, көпшілікке танылған Құралай Мейрамбек өнерге кішкене кезінен қызығушылық танытқан. “Бозторғай” халықаралық фестивалінда бас жүлде иегері, “Славян базары” байқауында жүлделі 1 орын иегері атанды. Бүгін Өңірлік коммуникациялар қызметінде өткен баспасөз конференциясында жас талант иесі БАҚ өкілдеріне алдағы жоспарларымен бөлісті.
<blockquote>
 “Өнерге деген махаббатым 5 жасымнан басталды. Содан бері ән шырқап, шет елге қазақ өнерін танытуды мақсат еттім. 2010 жылы “Бозторғай” халықаралық байқауында бас жүлде иегері атандым. 2011 жылы “Славян базары” байқауында 1 орынға ие болдым. Одан әрі шет мемлекеттерде өнер көрсетіп, түрлі байқауларға қатыстым. Қазіргі таңда таланттарды танытатын белгілі жоба “Қазақстан дауысы” музыкалық байқауына қатысудамын. Алғашқы кезеңінде “Қорқыт қобыз” әнін өзгеше бағытта орындап, келесі кезеңге өттім. Бұл әнді таңдау себебім – Сыр елінде туып осында өскеннен кейін “Қорқыт қобыз” әнің осы байқауда орындағым келді. Көпшіліктің көңілінен шығып жатқанына өте қуаныштымын. Қазіргі таңда келесі кезеңге дайындық жүруде. Жерлестерім қолдауынан арқасында осы додада жеңіп шығатыныма сенімдімін”, – деді жас әнші Құралай Мейрамбекқызы.
</blockquote>
Өз кезегінде Құралайды бүлдіршін кезінен әнге баулыған әкесі Мейрамбек Әбдуллаев қызының алдағы жоспарларымен бөлісті.
<blockquote>
 “Құралай қазір үздіксіз дайындықта. “Қазақстан дауысы” жобасына алғаш рет қатысып тұрғандықтан қобалжу болуы қалыпты. Дегенмен көрермендердің қолдауымен осы байқауда жеңімпаз болады деген сенімдеміз. Алдағы уақытта Құралай қазақтың әнін әлемге танытуы үшін алдына үлкен мақсат қойды”, – деді әкесі.
</blockquote>

Құралай Мейрамбек: «Менің мақсатым − әлемге қазақ өнері мен мәдениетін таныту»

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстан халқы Ассамблеясының «Қазақтану» мәдени-ағартушылық жобасы аясында Достық үйінде ұлттық әйелдер киімдерінің көрсетілімі өтті.
ҚХА-ның «Қазақтану» мәдени-ағартушылық жобасы бірнеше жыл бойы жүзеге асырылып келеді. Ол бірыңғай ортақ құндылықтарды қалыптастырудың негізі ретінде Қазақстан халқының арасында қазақ халқының тарихын, мәдениетін, философиясын, этикасын танымал етуге бағытталған.
«Ұлттық киім – ұлттық құндылық» атты іс-шараны облыс әкімі жанындағы Әйелдер істері және отбасылық-демографиялық саясат жөніндегі комиссия облыстық Қазақстан халқы Ассамблеясы жанындағы Аналар кеңесімен бірлесіп ұйымдастырды.
Іс-шараға әйелдер істері және отбасылық-демографиялық саясат жөніндегі облыстық комиссия мүшелері, облыстық этномәдени бірлестіктердің белсенді әйелдері, аналар кеңесінің мүшелері, кәсіпкер әйелдер, дизайнерлік мамандық студенттері қатысты.
Көрсетілімде жас дизайнер-модельер, «Қазақстанның 100 жаңа есімі» республикалық жобасының жеңімпазы Малика Дүйсенбаеваның туындылары көрсетілді.
Көрсетілім жас ұрпақтың ұлттық киімге деген қызығушылы мен құрметті, оны киюге деген ықыласты ояту үшін және әйелдер кәсіпкерлігін қолдау мақсатында ұйымдастырылды.
Қазақ халқы мен Қазақстан этностарының дәстүрлерін насихаттайтын осындай іс-шаралар алдағы уақытта да көптеп өткізілетін болады.
<img src="https://kyzylorda-news.kz/wp-content/uploads/2021/10/mw6a2371-scaled.jpg" alt="" />
<img src="https://kyzylorda-news.kz/wp-content/uploads/2021/10/mw6a2383-scaled.jpg" alt="" />
<img src="https://kyzylorda-news.kz/wp-content/uploads/2021/10/mw6a2362-scaled.jpg" alt="" />
<img src="https://kyzylorda-news.kz/wp-content/uploads/2021/10/mw6a2357-scaled.jpg" alt="" />
<img src="https://kyzylorda-news.kz/wp-content/uploads/2021/10/mw6a2441-scaled.jpg" alt="" />

Қызылордада ұлттық киімдердің сән көрсетілімі өтті

<a href="https://kyzylorda-news.kz/ru/obshestvo/">Kyzylorda-news.kz</a>. «Тұлпар мініп, ту алған!» байқауының Қызылорда қалалық кезеңі бойынша жеңімпаздар анықталды. Қорқыт ата атындағы Қызылорда университетінің Студенттер сарайында өткен байқауда Қызылорда қаласы мектептері бойынша 100-ге жуық оқушы бақ сынады.
Жоба барысында «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов сөз сөйлеп, байқаудың маңыздылығына тоқталды.
<blockquote>
 «Қазіргідей бала санасының әр талшығын бүкілғаламдық тор шеңгелдеп тұрып шырмап алған кезеңде оның тарихи, көркем, пәлсапалық маңызын ұмыттырмай, бабалар аманаттап кеткен жәдігердің әр жолын көздің қарашығынай сақтап, бойға сіңіру өте маңызды. Тегеурінді технологияның тасасында қалып бара жатқан ауыз әдебиетінің інжу-маржаны ендігі жерде ешкімге де қажет емес деп қарайтындар бар. Ендеше эпостық жырға, батырлар жырына құрметті арттыру үшін ынталандырып жаттатудың, қызықтырып оқытудың әдіс-амалдары қарастырылғаны жөн. «Тұлпар мініп, ту алған» ұлттық жобасы осындай мақсатпен қолға алынған.&nbsp; Жобаның қалалық және аудандық кезеңдері 25-29 қазан аралығында өтеді. Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда», – деді Шәріп Әкбарұлы.
</blockquote>
Сондай-ақ, қалалық білім бөлімінің басшысы Динара Баймырзаева талапкерлерге сәттілік тіледі.
<blockquote>
 «ҚР Білім министрлігінің “Оқуға құштар мектеп” жобасы барлық мектептерде жүргізіліп келеді. Жоба аясында балалар өлеңдерді жатқа оқып, қосымша әдебиеттермнн танысып жатыр. Көптеген іс-шаралар өтуде. Мектептердің кітапханадарында буккросингтер әзірленді. Бұл жұмыстар балаларды кітап оқуға ынталандыру үшін жасалып жатқан жұмыстар. Бүгінгі байқауға қатысып жатқан 93 баланың барлығы да біз үшін жеңімпаздар. Сіздерге сәттілік тілеймін», – деді ол.
</blockquote>
Байқауға «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов, балалар ақыны Рахат Наурызбаева, жыршы, Тұрмағамбет атындағы өнер мектебінің директоры Берік Саймағамбетов, әлеуметтанушы Нұрсұлтан Қаражанов, «Сыр дидары» газетінің бас редакторы Сәкен Алдашбаев, А.Тоқмағамбетов атындағы мәдениет үйі жанындағы «Қауырсын» жас ақындар үйірмесінің жетекшісі Мамыр Байдәулетов, жыршы Серік Жақсығұлов қазылық етті.
Байқаудың қорытындысы бойынша, қазылар шешімімен, Қызылорда қаласы бойынша келесі оқушылар жеңімпаз атанды:
1 орын(150 мың теңге) – №271 орта мектептің&nbsp; 7-сынып оқушысы Жаннұр Аман, дайындаған мұғалімі Гайнегул Аймыратова; 
2 орын(100 мың теңге) – №187 мектептің&nbsp; 8-сынып оқушысы Жансая Төлеп, дайындаған мұғалімі Баян Мұрынбаева; 
3 орын(50 мың теңге) – №189&nbsp; мектеп гимназиясының 8-сынып оқушысы Аяулым Мұханбетжан, дайындаған мұғалімі Анар Баймаханова.
Байқау жеңімпаздарына жүлделерін қала әкімінің орынбасары Бектас Нуридинов табыстады. 
Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алды.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда. Ертең, яғни, 26 қазан күні жоба Жаңақорған және Шиелі аудандарында жалғасады.
<img src="https://kyzylorda-news.kz/wp-content/uploads/2021/10/28c1bec7-0c92-4ae8-ad90-60979a1eaf33.jpg" alt="" />
<img src="https://kyzylorda-news.kz/wp-content/uploads/2021/10/e0f38050-ec06-4f40-b433-1dcdca3caaeb.jpg" alt="" />
<img src="https://kyzylorda-news.kz/wp-content/uploads/2021/10/f99ae5d9-55a5-40ce-a766-010aea545a15.jpg" alt="" />

«Тұлпар мініп, ту алған!»: Қызылорда қаласы бойынша жеңімпаздар анықталды

<a href="https://kyzylorda-news.kz/ru/obshestvo/">Kyzylorda-news.kz</a>. «Тұлпар мініп, ту алған!» байқауының Қызылорда қалалық кезеңі басталды. Қорқыт ата атындағы Қызылорда университетінің Студенттер сарайында өтіп жатқан байқауда Қызылорда қаласы мектептері бойынша 100-ге жуық оқушы бақ сынауда.
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Жоба барысында «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов сөз сөйлеп, талапкерлерге сәттілік тіледі.
<blockquote>
 – Қазіргідей бала санасының әр талшығын бүкілғаламдық тор шеңгелдеп тұрып шырмап алған кезеңде оның тарихи, көркем, пәлсапалық маңызын ұмыттырмай, бабалар аманаттап кеткен жәдігердің әр жолын көздің қарашығынай сақтап, бойға сіңіру өте маңызды. Тегеурінді технологияның тасасында қалып бара жатқан ауыз әдебиетінің інжу-маржаны ендігі жерде ешкімге де қажет емес деп қарайтындар бар. Ендеше эпостық жырға, батырлар жырына құрметті арттыру үшін ынталандырып жаттатудың, қызықтырып оқытудың әдіс-амалдары қарастырылғаны жөн. «Тұлпар мініп, ту алған» ұлттық жобасы осындай мақсатпен қолға алынған. Жобаның қалалық және аудандық кезеңдері 25-29 қазан аралығында өтеді. Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда, – деді Шәріп Әкбарұлы.
</blockquote>
Байқауға «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов, балалар ақыны Рахат Наурызбаева, жыршы, Тұрмағамбет атындағы өнер мектебінің директоры Берік Саймағамбетов, әлеуметтанушы Нұрсұлтан Қаражанов, «Сыр дидары» газетінің бас редакторы Сәкен Алдашбаев, А.Тоқмағамбетов атындағы мәдениет үйі жанындағы «Қауырсын» жас ақындар үйірмесінің жетекшісі Мамыр Байдәулетов, жыршы Серік Жақсығұлов қазылық етуде.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда. Ертең, яғни, 26 қазан күні жоба Жаңақорған және Шиелі аудандарында жалғасады.
<img src="https://kyzylorda-news.kz/wp-content/uploads/2021/10/745eae3d-59dc-47d2-9197-a3ad706b8926.jpg" alt="" />
<img src="https://kyzylorda-news.kz/wp-content/uploads/2021/10/6001e71d-b8db-414c-8d4c-7724e333dd10.jpg" alt="" />
<img src="https://kyzylorda-news.kz/wp-content/uploads/2021/10/aca69fdb-59b2-478c-987a-afed696b5d29.jpg" alt="" />

Қызылорда қаласы: Жүзге жуық оқушы «Едіге батыр» жырын жатқа айтудан жарысуда

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстан Республикасы Мәдениет және спорт министрлігінің қолдауымен Ұлттық академиялық кітапханада Жамбыл Жабаевтың 175 жылдық мерейтойы аясында мемлекеттік тапсырыс арқылы жарық көрген 10 томдық жинақтың тұсаукесері өтті.
Ұлы жыраудың соңында қалған соқталы шығармаларын ұлттың рухани игілігіне жаратып, келер ұрпаққа жеткізу үшін ұлағатты парыз, асыл аманат. Мерейтойлық жылы ақын шығармаларын насихаттап, халыққа жеткізуде республика көлемінде көптеген мәдени іс-шаралар жүзеге асырылуда. Солардың бірі Мемлекеттік комиссия қабылдаған шешімнің аясында жарық көрген осы көптомдықтар.
Аталған 10 томдыққа Жамбыл Жабаевтың өткен ғасырдың басынан бастап дүние салғанға дейінгі барша өлеңдері мен айтыстары, жүз жасаған ұлы ақын жайлы көз көргендердің естеліктеріатап айтқанда, академик-жазушы М. Әуезов, С. Мұқанов, Ғ. Мүсірепов бастаған алғашқы жамбылтанушы ақын-жазушылардың, ұлы жыршының өмірі мен шығармашылық ғұмырнамасын жан-жақты қарастырып, толымды зерттеулер жүргізіп, толыққанды еңбек жазған екі зерттеуші – Сапарғали Бегалин мен Нысанбек Төреқұловтың еңбектері енді.
Сонымен қатар тәуелсіздік кезеңіндегі жамбылтанудың жаңа бағытын қалыптастыруға мүмкіндік ашқан әдебиетші ғалымдардың еңбектері топтастырылды. Бұдан бөлек, ақынның томдыққа орыс тіліндегі аудармалары менжамбылтанушылардың зерттеу еңбектерітоптастырылса, жыршының библиографиясы тұңғыш рет толымды басылым ретінде томдыққа еніп жарыққа шығарылып отыр.
Бұл жинақ жамбылтанушылар үшін құнды дүние, халқымыз үшін рухани қазына.
Аталған шараға Жамбыл Жабаевтың 175 жылдық мерейтойын дайындау және өткізу жөніндегі мемлекеттік комиссия төрағасы – Қазақстан Республикасының Мемлекеттік хатшысы, Қазақстан Республикасы Парламенті Сенаты және Мәжіліс депутаттары, белгілі қоғам қайраткерлері, танымал ғалымдар мен зиялы қауым өкілдері қатысып, сөз сөйледі.
<img src="https://kyzylorda-news.kz/wp-content/uploads/2021/10/245234622_439150530964644_410842039213369902_n.jpg" alt="" />
<img src="https://kyzylorda-news.kz/wp-content/uploads/2021/10/245896156_439150177631346_3076081794611212345_n.jpg" alt="" />

Жамбыл Жабаевтың 175 жылдық мерейтойына орай 10 томдық жинақ жарық көрді

<a href="https://kyzylorda-news.kz/ru/obshestvo/">Kyzylorda-news.kz</a>. Тараз қаласында өткен «Көне Тараз күмбірі» ІІ республикалық фольклорлық ансамбльдер байқауында «Дидар» халықтық фольклорлы-этнографиялық ансамблі жүлделі ІІІ орын иеленді. Салтанатты шара Қазақстан Республикасы Тәуелсіздігінің 30 жылдығы мен жыр алыбы Жамбыл Жабаевтың 175 жылдығына орай&nbsp; ұйымдастырылды.&nbsp; Байқауға еліміздің түкпір-түкпірінен 20-ға жуық өнер ансамблі қатысты.
<blockquote>
 «Байқау арқылы ұмыт болып бара жатқан бабалар мұрасы қайта жаңғырып, этно-фольклорлық ұжымдардың шығармашылық қарым-қатынасы нығаяды деп білемін. Біздің ансамбль соңғы рет 2019 жылы Түркия және Өзбекстан қалаларында Тұрмағанбет оркестрінің құрамында өнер көрсетті. Карантиннен кейін өнер додасына қайта оралдық. Бұл байқау бізге үлкен тәжірибе болды,-деді ансамбльдің көркемдік жетекшісі Мүсілім Әмзе.
</blockquote>
Айта кетейік, «Дидар» халықтық фольклорлы – этнографиялық ансамблі&nbsp; 2000 жылы наурыз айында Қорқыт Ата атындағы Қызылорда университеті жанынан құрылды. Өнер ұжымының бағдарламасында халық ән – күйі, термелері, қазақ халық композиторларының шығармалары мен шетел шығармалары да қамтылған. Ансамбльдің құрамында Құрманғазы атындағы Алматы мемелекеттік&nbsp; консерваториясы мен Қорқыт Ата атындағы Қызылорда университетінің түлектері өнер көрсетеді.&nbsp;
<img src="https://kyzylorda-news.kz/wp-content/uploads/2021/10/00.jpg" alt="" />

Қазақстан және Қызылорда облысының жаңалықтары: Мәдениет