<a href="https://kyzylorda-news.kz/ru/obshestvo/">Kyzylorda-news.kz</a>. Сыр елінде Ел Тәуелсіздігінің 30 жылдығы аясында ақын, әнші-композитор, Қазақстанның еңбек сіңірген қайраткері Елена Әбдіхалықованың әндерін орындаушылардың «Жасай бер, Қазақ елі!» республикалық конкурсы өтті. Екі күнге жалғасқан конкурсқа 18 бен 33 жас аралығындағы эстрадалық бағытта ән шырқайтын жас таланттар қатысты. Бүгін Өңірлік коммуникациялар қызметінде өткен брифингте облыстық мәдениет, архивтер және құжаттама басқармасының басшысы Асқарбек Есжанов ауқымы кең шараның өту барысын БАҚ өкілдеріне баяндады.
<blockquote>
 «Елена Мәжитқызы – ұлттық өнерде өзіндік орны бар, еліміздің музыкасы мен өнерінің өркендеуіне елеулі үлес қосып жүрген шығармашылық иесі. Сондықтан да, Елена Мәжитқызының өнері мен шығармашылығы қазақ даласы мен алыс-жақын шетелдерде жоғары бағалануы тынымсыз еңбегінің нәтижесі деп білеміз. «Жасай бер, Қазақ елі!» атты республикалық әншілер конкурсының басты мақсаты – қазақтың ән өнерінің ұлылығы мен автордың шығармашылығын дәріптеу, жас таланттарды республикалық деңгейде насихаттау болатын. Республикалық конкурста еліміздің 6 облысы мен Нұр-Сұлтан, Алматы қалаларынан жас өнерпаздар қатысты. Елена Мәжитқызы бастаған қазылар алқасының құрамында республикамызға белгілі тұлғалар әнші, ҚР еңбек сіңірген қайраткері Жұбаныш Жексенұлы мен әнші-композитор Дәурен Сейтжанов қазылық етті», – деді басқарма басшысы Асқарбек Темірбекұлы.
</blockquote>
Алқалы жиында ақын, әнші-композитор, Қазақстанның еңбек сіңірген қайраткері Елена Әбдіқалықова туған жерге деген сағынышын білдіріп, конкурстың жоғары дәрежеде өткеніне ризашылығын жеткізді.
<blockquote>
 «Жас таланттардың қатысумен өткен конкурс өте жоғары деңгейде өтті. Өзім күтпеген жағдайлар болды. Қатты қуандым, бір жағынан толқыдым десем де болады. Өзім туып өскен жерімде ең алғаш сахнаға шыққан ескірмейтін естеліктерім еске түсті. Осы орайда облыс әкімі Гүлшара Наушақызына және облыстық мәслихат пен мәдениет басқармасына жалпы халыққа үлкен алғысымды білдіремін. Бұрын-соңды дәл мұндай конкурс өтпеген еді. Жыл өткен сайын әркім де туған жеріне алаңдайды. Туған жері адамды тартады. Туған жеріңнен бір адамды көрсен көзіне оттай басылады. Сондықтан туып өскен жеріне тартылыс күшеймесе азаймайды деп ойлаймын», – деді Елена Мәжитқызы.
</blockquote>
Айта кетейік, республикалық байқаудың қортындысы бойынша бас жүлдені Нұр – Сұлтан қаласынан Хайрулла Мұратбек жеңіп алса, жүлделі І орынды атыраулық әнші Айбар Ғаниұлы, ІІ орынды Ақтөбе қаласынан қатысқан Нұртас Омаров, ІІІ орынды Арайлым Махамбетжанова мен Аида Байгелова және «SAZ – MEN» триосы иеленді.
<img src="https://kyzylorda-news.kz/wp-content/uploads/2021/11/258572565_1807269776327189_2930645837694316625_n.jpg" alt="" />
<img src="https://kyzylorda-news.kz/wp-content/uploads/2021/11/258274665_1807270452993788_798454410132098596_n.jpg" alt="" />
<img src="https://kyzylorda-news.kz/wp-content/uploads/2021/11/258578548_1807270359660464_8855093189541766907_n.jpg" alt="" />
<img src="https://kyzylorda-news.kz/wp-content/uploads/2021/11/258853101_1807269956327171_8167952753051081634_n.jpg" alt="" />

Елена Әбдіхалықованың әндерін орындаушылардың республикалық конкурсы өз мәресіне жетті

<a href="https://kyzylorda-news.kz/ru/obshestvo/">Kyzylorda-news.kz</a>. Тәуелсіздіктің 30 жылдығын мерекелеу жөніндегі республикалық жоспардың негізінде облыстық қоғамдық-саяси маңызды іс-шаралар жоспары әзірленді.
Жоспарға Тәуелсіз Қазақстанның жетістіктерін насихаттайтын түрлі форматтағы 266 шара енгізілді. Жоспар бойынша Тәуелсіздіктің 30 жылдығын мерекелеу Тұжырымдамасына сәйкес «Жасампаздыққа толы жылдар» басты идеясы аясында 12 тақырыптық бағытта іске асырылуда.
<blockquote>
 «Жыл басынан бері облыс бойынша 1369 іс-шара жүзеге асырылды. Оның ішінде халықаралық деңгейде – 3, республикалық деңгейде – 16, облыстық деңгейде –215, қалалық/аудандық деңгейде – 1132 іс-шара ұйымдастырылды. Сыр елінде Мемлекет басшысының тапсырмасына сәйкес өңірімізде мемлекеттік шығармашылық тапсырыс шеңберінде 1522 баланы қамтитын үйірмелерге биыл облыстық бюджеттен 100,1 млн. теңге қаржы бөлінсе, келесі жылы 2150 бала үшін бұл қаржыны 301 млн. теңгеге ұлғайту жоспарлануда. 
 Ел Тәуелсіздігінің 30 жылдығы аясында «Тұғыры биік Тәуелсіздік» атты республикалық ақындар айтысы, Сыр сүлейі Кете Жүсіп Ешниязұлының 150 жылдығына арналған «Жырлансын, Тәуелсіздік жыр бұлағы» атты жыршы-жыраулар байқауы өткізілген», – дейді Гүлшара Әбдіқалықова.
</blockquote>
Сонымен қатар, Ыбырай Жақаевтың 130 жылдығы аталып өтіп, Сыр өңірі фольклоры антологиясының І томы «Жанқожа батыр» жарыққа шықты.
Жыл аяғында Жалаңтөс Баһадүрдің 445 жылдығы аясында Қазалы ауданында ескерткіш орнатылады. 
Мұнымен қоса, келесі жылы «Халық қаhарманы» Роза Бағланованың 100 жылдығына орай Қызылордада ескерткіш орнатылады. Қызылорда облысында тарихи-мәдени мұраларымызды сақтау мақсатында Бәбіш мола, Жанкент және Сығанақ қалашықтарына қазба жұмыстары жалғасуда.

Тәуелсіздіктің 30 жылдығы аясында сыр елінде бірқатар шаралар өтті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; **Бүгін Ұлттық академиялық кітапханада ҚР Мәдениет және спорт министрлігінің қолдауымен Қазақстанның еңбек сіңірген қайраткері, ақын Шөмішбай Сариевтің «Жүрегім-Қазақ елі» кітабының тұсауы кесіліп, *ақынның атына шығармашылық зал ашылды.***
Шарада ақын, әрі зерттеуші ғалым, аудармашы, танымал қазақ поэзиясының көрнекті өкілі, Шөмішбай Сариевтің шығармашылығын және ән мұрасы насихатталды.
Оған ҚР Мәдениет және спорт министрі Ақтоты Райымқұлова, жазушы, филология ғылымдарының докторы, Қазақстанның еңбек сіңірген қайраткері Уәлихан Қалижан, жазушы, филология ғылымдарының докторы, профессор, абайтанушы Тұрсын Жұртбай, әнші, музыкалық продюсер, музыкалық педагог, Қазақстан Республикасының Еңбек сіңірген әртісі Майра Ілиясова, мемлекет және қоғам қайраткері, актер, эстрада әншісі, Қазақстанның еңбек сіңірген әртісі Нұрлан Өнербаев, қазақ театр және кино актері, Қазақстанның еңбек сіңірген әртісі Ерік Жолжақсыновтар қатысты.
Ақын Шөмішбай Нағашыбайұлы – бірінші дәрежелі «Барыс» және «Парасат» ордендерінің иегері, Франц Кафка атындағы Халықаралық Алтын Медаль сыйлығының,​ «Жыл Адамы – Алтын Адам» сыйлығының, «Платина Тарлан» сыйлығының лауреаттары, екі дүркін «Елім менің» атты Президент бәйгесінің бас жүлдесінің​ ​ ​ ​ (Гран при) иегері, “Халықтың сүйіктісі” ұлттық сыйлығының лауреаты, филология ғылымдарының кандидаты. Оның алғашқы жырлары 1974 жылы абыз ақынымыз Әбділда Тәжібаевтың алғы сөзімен “Қанат қақты” жыр жинағына шықты. Жинаққа тағы да басқа жас ақындардың өлеңдері енген. Ақынның шығармашылық қоржынында 300-ден астам өлеңі​ мен 32 кітабы бар. Шығармалары орыс, украина, қырғыз, өзбек, тәжік, румын, чех, үнді, француз тілдеріне аударып жарияланған.
Ақынның лирикалық жырлары мен ән өлеңдері көптеген қазақ композиторларының шығармашылығына арқау болып, халықтың көңілінен шыққан әндері Қазақстаннан тыс жерлерде де орындалуда.Талантты ақынның сөздерінде шынайылық, тереңдік және отанға деген махаббат көпке танымал әндері: «Айналдым сенен, Атамекен-ай; «Сәлем саған туған ел»; «Домбыра»; «Ойлан балам»; «Сарыарқа»; «Дос керек»; «Анаға хат»; «Боз жорға»; «Қарағым-ай» әндерімен халық жүрегіне жетуде.
Шөмішбай Сариевтің «Жүрегім – Қазақ елі» атты жаңа жыр жинағы биыл​ «Атамұра» баспасынан жарық көрді. Жинаққа ұлтымыздың тәуелсіздігін ұлықтайтын, ұрпағымызды ұлтты сүюге, ұлттық патриотизмге ұмтылдыратын дүниелері топтастырылған.
<img src="https://kyzylorda-news.kz/wp-content/uploads/2021/11/257779414_460550522157978_240646957859340565_n-1.jpg" alt="" />
<img src="https://kyzylorda-news.kz/wp-content/uploads/2021/11/257857658_460550555491308_7301934997292345063_n.jpg" alt="" />
<img src="https://kyzylorda-news.kz/wp-content/uploads/2021/11/256659360_460554612157569_6294589887657766388_n.jpg" alt="" />
<img src="https://kyzylorda-news.kz/wp-content/uploads/2021/11/257986040_460554722157558_3461154324711174742_n.jpg" alt="" />
<img src="https://kyzylorda-news.kz/wp-content/uploads/2021/11/258002410_460550658824631_8733890854590312238_n.jpg" alt="" />
<img src="https://kyzylorda-news.kz/wp-content/uploads/2021/11/258533571_460550498824647_5046216199182403948_n.jpg" alt="" />
<img src="https://kyzylorda-news.kz/wp-content/uploads/2021/11/258495305_460549945491369_723122321166769275_n.jpg" alt="" />

Ақын Шөмішбай Сариевтің «Жүрегім-Қазақ елі» кітабының тұсауы кесілді

<a href="https://kyzylorda-news.kz/ru/obshestvo/">Kyzylorda-news.kz</a>. «Қазақстан аруы – 2021» байқауының тарихында алғаш рет үш жеңімпаз анықталды, – деп хабарлайды&nbsp;<a href="https://kaz.tengrinews.kz/">Tengrinews.kz</a>.
«Қазақстан аруы» атағын бірден үш жеңімпаз иеленді. Олардың әрқайсысы Қазақстанды ірі халықаралық байқауларда таныстырады.
<img src="https://kaz.tengrinews.kz/userdata/u283/2021-11/resize/1142b4955acf6130b6285df44f77499f.jpeg" alt="" />
«Әлем аруы» байқауында Қазақстан атынан ақтөбелік 23 жастағы Назерке Карманова шығады. Ол Ақтөбедегі Қазақ-Орыс Халықаралық университетін бухгалтер мамандығы бойынша бітірген. Қазір Алматыдағы банктердің бірінде менеджер болып жұмыс істейді. Бойжеткен бос уақытында садақ атумен айналысады, видеоға, суретке түсіргенді ұнатады.
Бұған дейін жеңімпаз: «Менің арманым – Қазақстанды халықаралық деңгейде таныту. Қазірдің өзінде осыны сезіндім, бұл – дүниеге келген, өскен елге деген шынайы мақтаныш, махаббат, осындай сезімді ештеңемен салыстыра алмайсың. Мен үшін өмірдегі ең маңызды мақсаттардың бірі – отбасын құру, ана болу», – деген еді.
<img src="https://kaz.tengrinews.kz/userdata/u283/2021-11/resize/515d21068637ae903aabb73dca6db532.jpeg" alt="" />
Байқаудың тағы бір жеңімпазы 21 жастағы Айдана Ахатаева болды. Ол – “Астана аруы – 2021” иегері. Айдана “Ғалам аруы” байқауында Қазақстан атынан шығады. 21 жастағы бойжеткен Қазақ ұлттық өнер университетінің түлегі, қазір елордада музыкалық студиялардың бірінде фортепианодан сабақ береді. Бос уақытында классикалық музыка тыңдап, шет тілдерін үйренгенді ұнатады.
“Биыл байқау дирекциясы бір емес, үш жеңімпазды таңдағанына таңғалдым. Бұл – жағымды жаңалық, атақты үшке бөлгенімізге өте қуаныштымын. Менің ойымша, біз Қазақстанды әлемдік аренада лайықты деңгейде таныстырамыз. Байқауға қатысуымның мақсаты музыкамен шұғылданғысы келетін аз қамтылған отбасылар мен балаларға музыка студиясын ашу болды. Мен оларға салада қуана-қуана көмектесемін”, – деді Айдана байқау қорытындысы жарияланғаннан кейін.
<img src="https://kaz.tengrinews.kz/userdata/u283/2021-11/resize/9eab99acf33e67692633f386864f7cc9.jpeg" alt="" />
Үшінші жеңімпаз 20 жастағы қарағандылық Анна Глубоковская болды. Ол Қазақстанды “Жер аруы” байқауында таныстырады. Анна Алматыда дыбыс жабдығымен айналысатын компанияда жұмыс істейді. Музыкамен әуестенеді, шетел әдебиетін оқығанды ұнатады. Бала кезінен орыс тілінен олимпиадаларға қатысқан. Сонымен қатар, Анна болашақта бет әрлеуші мамандығын кәсіби түрде меңгеруді жоспарлайды.
“Сөзбен айтып жеткізе алмаймын. Мұндай нәтиже күтпедім, бірақ, шынымды айтсам, өзіме 100 пайызға сендім. Осылай бұйырды, мұнда тұрғаным – мен үшін таңғаларлық жайт. Қарағандыдағы сұлулық байқауына жай ғана хабарландыруды көріп, кездейсоқ қатыстым. Көптен бері өз атыммен сұлулық салонын ашуды армандадым. Анам осыны қатты қалады, енді арманымды жүзеге асыра алатын шығармын”, – деді Анна Глубоковская.
<img src="https://kaz.tengrinews.kz/userdata/u283/2021-11/resize/cfe1ad82742c243c91cc8a66ff4fab72.jpeg" alt="" />
“Қазақстанның вице-аруы” атағын “Спорт аруы” 20 жастағы павлодарлық Данагүл Қарабай иеленді.
<img src="https://kaz.tengrinews.kz/userdata/u283/2021-11/resize/eab1f3f02afce08bbfad3e532c0a2d27.jpeg" alt="" />
“Қазақстан Аруы 2021” мерейтойлық 25-ші ұлттық байқауының финалы бірнеше жылдан кейін алғаш рет Алматыдағы “Қазақфильм” студиясында өтті.
<img src="https://kaz.tengrinews.kz/userdata/u283/2021-11/resize/45890976a255252398d9e04a8cede597.jpeg" alt="" />
Финалдағы шоу кезінде Қазақстанның ең әдемі қыздары ARUNAZ отандық сән үйінің ұлттық, сәнді киімдері мен Sherri Hill Голливуд брендінің көйлектерін киіп шықты.
<img src="https://kaz.tengrinews.kz/userdata/u283/2021-11/resize/cef00551c19a3e924954820b2f07847e.jpeg" alt="" />
<img src="https://kaz.tengrinews.kz/userdata/u283/2021-11/resize/6b2546c27b2f6d668355e6b29c57022c.jpeg" alt="" />
<img src="https://kaz.tengrinews.kz/userdata/u283/2021-11/resize/179c21ce2087a6540122b3f72eebaa3f.jpeg" alt="" />
Дәстүрлі костюмдер көрсетілімнен басқа, залдағы және тікелей эфирдегі көрермендер финалистердің ерекше өнерлерін тамашалады.
<img src="https://kaz.tengrinews.kz/userdata/u283/2021-11/resize/0d7f0c86f6657d5d1ec2f418e865d8c8.jpeg" alt="" />
Сахнада байқаудың төрт қатысушысы өнер көрсетті, олардың өнерлері қазылар алқасы тарапынан үздік деп танылды:&nbsp; “Алматы аруы” Әсият Исембаева “Кербез” ұлттық биін, “Астана Аруы – 2019” Айзада Хабиболаева қобызда Антонио Вивальдидің “Шторм” шығармасын, “Астана Аруы – 2021” Айдана Ахантаева пианинода Батырхан Шүкеновтің “Жаңбыр” әнін, “Таланты ару” Полина Филимонова Абай Құнанбаевтың “Көзімнің қарасы” әнін орындады.
Салтанатты рәсімнің жүргізушілері “Қазақстан аруы – 2013” Айдай Исаева мен танымал тележүргізуші Арнұр Ыстыбаев болды.
<img src="https://kaz.tengrinews.kz/userdata/u283/2021-11/resize/dba4547b813e1fcf4047e2b9d8130332.jpeg" alt="" />
Өнер көрсеткен кеш қонақтарының арасында “101” тобы, MEZZO, QANAY, DJ Puza және Mira De Leon секілді танымал қазақстандық әртістер де болды.
Биыл қазылар алқасының құрамында актер Тәуекел Мүсілім, әнші Мәдина Сәдуақасова, “Қазақстан Аруы – 2013” иегері, тележүргізуші Айдай Исаева, KFW негізін қалаушы, дизайнер, стилист AlexChzhen, “Қазақстан Аруы”, публицист Виктория Момынбаева, Еffective Media Liaison (Tengrinews.kz, Vesti.kz, Massaget.kz) ЖШС директоры Сұңқар Қарабалин, қоғам қайраткері Совет Сейітов, “Қазақстан Аруы” байқауының директоры Алена Қырбасовалар отырды, ал қазылар алқасының төрағасы танымал скрипкашы Марат Бисенғалиев болды.
Байқаудың 28 қатысушысының ішінен қазылар алқасы 15: 13 қызды таңдады, оның біреуі таланттар байқауының жеңімпазы, екіншісі missqazaqstan.kz сайтындағы дауыс беру бойынша жеңімпаз болды.
Байқаудың ашықтығын қамтамасыз ету үшін қазылар алқасы үздік 15 қыздың арасынан гранд-финалға бес қызды таңдады. Гранд-финалдың 5 жеңімпазын қазақстандықтар тікелей эфир кезінде басталған сайттағы дауыс беру арқылы таңдады.
Еске салайық, 2020 жылы “Қазақстан Аруы” ұлттық сұлулық байқауының дирекциясы пандемияға байланысты дәстүрлі шоуды кейінге қалдыру туралы шешім қабылдаған еді.

«Қазақстан аруы» жеңімпаздары анықталды

Kyzylorda-news.kz. Бүгін ақын, халықаралық «Алаш» әдеби сыйлығының иегері Қатира Жәленова 70 жасқа толды. Осыған орай Н.Бекежанов атындағы қазақ академиялық музыкалық драма театрында мерейтой иесінің «Сезімнің нәзік сырлары» атты шығармашылық кеші ұйымдастырылды.
Облыс әкімі Гүлшара Әбдіқалықова қатысқан кешке ақын, Қазақстанның еңбек сіңірген қайраткері, Қазақстан Жазушылар одағының төрағасы Ұлықбек Есдәулет, журналист-сықақшы Көпен Әмірбек, ақын, халықаралық «Алаш» әдеби сыйлығының иегері Шәмшия Жұбатова, жазушы, Қазақстан Жазушылар одағының мүшесі Серік Байхонов және Қазақстан Жазушылар одағының секретариат меңгерушісі Қайырниса Жұмашова шақырылды.Шара барысында аймақ басшысы мерейтой иесін туған күнімен құттықтап, ілтипатын көрсетті.
Өңіріміздегі ақын қыздардың көшбасында тұрған Қатира Сыздыққызы – өзінің өміршең шығармаларымен Сыр елінің рухани-мәдени өміріне зор үлес қосып, туған жердің атын алысқа танытқан талант иесі. Ақынның «Аңсаған менің әнімсің», «Ақ гүлдер» аталатын жыр жинақтары мен ән мәтіндері өлеңсүйер қауымның сүйікті шығармаларына айналды. Сондай-ақ, ақын өлеңдері орыс тіліндегі жинақтарда жарық көріп, өзінің де аударма ісімен айналысқаны баршаға мәлім. Қазақтың аяулы ақын қызын мерейлі мерекесімен құттықтап, осы тойға Қазақстан Жазушылар одағының төрағасы Ұлықбек Оразбайұлы Есдәулеттің өзі бастап, халқымызға танымал өнер өкілдерінің ат басын бұрып келуі де Қатира апайдың поэзиядағы өзіндік орнын танытса керек.
<blockquote>
 “Құрметті Қатира Сыздыққызы,өзімнің атымнан және Сыр елінің жырсүйер жұртшылығы атынан Сізді бүгінгі мерейлі жасыңызбен шын жүректен құттықтаймын. Сізге зор денсаулық, шығармашылық табыс тілеймін. Біз Сізді, шығармашылығыңызды әрқашан биік бағалаймыз”, – деді облыс әкімі.
</blockquote>
Мұнан соң, өңір басшысы мерейтой иесін облыс әкімінің Құрмет грамотасымен марапаттап, дәстүрге сай иығына бешпент жауып, құрметін көрсетті.
Қалалық жастар театрының әртістері сахналанған қойылым қойып, кешке келгендердің көңілін көтерді. Ақын Ұлықбек Есдәулет бастаған делегат Қатира Сыздыққызын мерейлі жасымен құттықтап, ақжарма тілектерін айтты. Сондай-ақ, шара барысында аймақтың бірқатар ақын-жазушыларына Қазақстан Жазушылар одағының куәлігі салтанатты түрде тапсырылды.
Айта кетейік, Қатира Жәленова 1951 жылы Шиелі ауданы, Ақмая ауылында дүниеге келген. 1978 жылы «Қызғалдық көктем» атты тұңғыш кітабы жарық көрді. Әр жылдары ақынның туындылары жинақ болып басылған. Тағы бір топ өлеңдері «Разбег», «Мадонны Турана» атты орыс тіліндегі антологияға енді.
Тәжік ақыны Г.Сүлейменованың «Қырық бұрым» өлеңдер жинағын қазақ тіліне тәжімалап, «Алақандағы ұя» әңгімесі әлемнің бес тіліне аударылған.
Облыс әкімінің екі мәрте стипендианты. Халықаралық «Алаш» әдеби сыйлығының, республикалық «Жігер» фестивалінің лауреаты.
<img src="https://kyzylorda-news.kz/wp-content/uploads/2021/11/fb_img_1636794941105.jpg" alt="" />
<img src="https://kyzylorda-news.kz/wp-content/uploads/2021/11/fb_img_1636794943781.jpg" alt="" />
<img src="https://kyzylorda-news.kz/wp-content/uploads/2021/11/fb_img_1636794958671.jpg" alt="" />
<img src="https://kyzylorda-news.kz/wp-content/uploads/2021/11/fb_img_1636794962665.jpg" alt="" />

Қызылордада ақын Қатира Жәленованың шығармашылық кеші өтті

<a href="https://kyzylorda-news.kz/ru/obshestvo/">Kyzylorda-news.kz</a>. «Тұлпар мініп, ту алған!» байқауының облыстық кезеңі өз мәресіне жетті.
Облыс әкімдігі мен облыстық білім басқармасы, «Nur Otan» партиясы және «Qazaq Epos» қорының ұйымдастыруымен өткен байқауға 713 оқушы қатысып, өзара бақ сынасты. Байқау 6-10 сынып оқушылары арасында «Едіге батыр» жырын жатқа айтудан өтті. Өңірлік коммуникациялар қызметінде өткен баспасөз конференциясында облыстық білім басқармасының басшысы Ақзира Қасымова ауқымды шараның қорытындысын хабарлады.
<blockquote>
 «Бүгін облыс көлеміндегі «Тұлпар мініп, ту алған!» байқауының жеңімпаздары анықталды. Байқауда 713 оқушының арасынан іріктеліп шыққан 24 оқушы облыстық кезеңде жарысқа түсті. Нәтижесінде 1- орынды қазалылық Гаухар Әзен, 2-орынды Гүлназ Жеңісбек, ал, 3-орын Арал ауданынан келген Қарақат Бекрікқызы иеленді. Айта кетейін, І-орын иегеріне 750 000 теңге, ІІ орын иегеріне 350 00 теңге, ІІІ орын үшін 200 000 теңге қаржылай сый берілді», – деді басқарма басшысы Ақзира Қасымова.
</blockquote>
<img src="https://kyzylorda-news.kz/wp-content/uploads/2021/11/254825471_1409916952737146_8448498284809095398_n.jpg" alt="" />

«Тұлпар мініп, ту алған!» байқауының облыстық кезеңі аяқталды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; «Тұлпар мініп, ту алған!» байқауының облыстық кезеңі аяқталды. Байқау Қызылорда қаласы Достық үйінде өтті.
<blockquote>
 «Ұлы даламыз кейде ашық жатқан жыр кітабы сияқты болып та көрініп кетеді. Жадыңды жаңғыртып, дұрыстап, жақсылап оқи алсаң, жан дүниең жадырап,бабалардың баянды үнін, тарихтың тылсым сырын, туған еліңнің мәңгілік жырын қайыра естіп, байтақ әлемге құлашыңды кең жайғандай боласың» – деген Елбасымыз. Қазақстан Республикасының Тұңғыш Президенті Н.Ә.Назарбаевтың «Ұлы Даланың жеті қыры» мақаласы аясында басталған айтулы шара биыл Сыр елі, жыр елі Қызылорда өңірінде екінші рет өтіп жатыр.
</blockquote>
Байқаудың облыстық кезеңінің ашылуында «Nur Otan» партиясы Қызылорда облыстық филиалы төрағасының бірінші орынбасары Ләйлә ТӨРЕШОВА және облыстық білім басқармасының басшысы Ақзира ҚАСЫМОВА құттықтау сөз сөйлеп, қатысушыларға сәттілік тіледі.
«Алпамыс» дастанынан басталған жоба былтыр көлемді «Қобыланды батыр» жырына жалғасты. Биыл «Едіге батыр» жырын жатқа айту бойынша өткізіліп отыр. Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасымен бірлесе отырып ұйымдастыруда.
Байқау 6-10 сынып оқушылары арасында «Едіге батыр» жырын жатқа айтудан өтті. Қатысушылар қосымша мектеп бағдарламасы бойынша қазақ әдебиеті пәнінен сұрақтарға жауап беруі тиіс.
Байқауға «Nur Otan» партиясы облыстық филиалы төрағасының бірінші орынбасары Ләйлә ТӨРЕШОВА, облыстық білім басқармасы басшысы Ақзира ҚАСЫМОВА, жазушы, журналист, облыстық партия филиалы жанындағы «Miras» аймақтық қоғамдық кеңес мүшесі Қаршыға ЕСІМСЕЙІТОВА, тарих ғылымдары кандидаты, аймақтық «Рухани жаңғыру» орталығының директоры Уәлихан ИБРАЕВ, филология ғылымдарының кандидаты, Қорқыт Ата атындағы Қызылорда университетінің Қазақ тілі мен әдебиеті кафедрасының доценті Ұлжан ЖАҢБЫРШИЕВА, жырау, Қармақшы аудандық «Жыраулар үйі» директорының орынбасары Бидас РҮСТЕМБЕКОВ, облыстық «Жастар ресурстық орталығы» директорының орынбасары Мақсат ДАУЫЛБАЙ қазылық етті.
Облыстық кезеңде оқушылар алдын ала өткізілген жеребе бойынша 12 жұпқа жұптасып, өнер көрсетті.
Нәтижесінде 1-орынды қазалылық Гауһар Әзен (дайындаған мұғалімі Жадыра Кушекпаева), 2-орынды тағы бір қазалылық Гүлназ Жеңісбек (дайындаған мұғалімі Балагүл Орынбаева) иеленді. Ал 3-орынға Арал ауданынан келген Қарақат Берікқызы (дайындаған мұғалімі Нұрсұлу Ибраева) лайық деп танылды.
Жеңімпаздарды облыс әкімінің орынбасары Балжан Шәменова құттықтады.
<blockquote>
 «Аймағымызда биыл екінші рет ұйымдастырылған шоқтығы биік, мағынасы зор шаралардың бірі әрі бірегейі – «Qazaq Epos» республикалық ағарту жобасы «Тұлпар мініп, ту алған!» байқауының бүгін облыстық кезеңінің марапаттау сәті өткелі отыр.
 Республикалық деңгейде ұйымдастырылып жатқан ұлттық жобаға еліміздің аймақтары ішінде алғашқылардың бірі болып тағы да Қызылорда облысының әкімдігі айрықша қолдау көрсетті. Сыр өңірі елдікті, отансүйгіштікті насихаттауға, жастарды рухани дүниемен рухтандыруға келгенде ешқашан бейжай қараған емес.
 Бала тәрбиелеуде батырлар жырын оқыту қайта қолға алынып, қайта жаңғыртылуы игі бастама. Біз тек атадан қалған сырлы сөздер мен рухани үлгімен ғана рухани түлеп, саналы түрде жаңғырамыз, – деді Б.Шәменова.
</blockquote>
Жеңімпаздардың марапатын «Nur Otan» партиясы Қызылорда облыстық филиалы төрағасының бірінші орынбасары Ләйлә Төрешова, облыс әкімінің орынбасары Балжан Шәменова бастаған азаматтар табыстады.
Облыстық кезеңде үздік шыққан І орын иегеріне 750 000 теңге, ІІ орынға 350 000, ІІІ орын үшін 200 000 теңге қаржылай сый берілді. Облыстық деңгейдегі жеңімпаз оқушылардың мұғалімдеріне де сый қарастырылған: І орынға 1 500 000 теңге, ІІ орын иегеріне 700 000, ІІІ орынды еншілеген қатысушының мұғаліміне 400 000 теңге берілді.
Айта кетейік, байқаудың аудандық-қалалық кезеңіне 713 оқушы қатысып, солардың арасынан іріктеліп шыққан 24 оқушы облыстық кезеңге жолдама алған. Байқаудың аудандық-қалалық кезеңінде І орын еншілегендерге 150 мың, ІІ орын 100 мың, ІІІ орын иегерлеріне 50 мың теңгенің сертификаты табысталған болатын.
<img src="https://kyzylorda-news.kz/wp-content/uploads/2021/11/795de7c3-b519-4838-af43-6a163b0647b1.jpg" alt="" />
<img src="https://kyzylorda-news.kz/wp-content/uploads/2021/11/29df8a2e-ff79-4d09-81b4-40cbe6013ede.jpg" alt="" />
<img src="https://kyzylorda-news.kz/wp-content/uploads/2021/11/014fbbc5-3c47-4f7c-90fc-4de7a77e8faf.jpg" alt="" />

«Тұлпар мініп, ту алған!»: Қазалылық оқушылар жеңімпаз атанды

<a href="https://kyzylorda-news.kz/ru/obshestvo/">Kyzylorda-news.kz</a>. «Тұлпар мініп, ту алған!» байқауының облыстық кезеңі басталды. Байқау Қызылорда қаласы Достық үйінде өтуде.
Өскелең ұрпаққа бағзыда өткен бабаларының батырлық жолын ұсынған, ұлтымыздың эпикалық санасын жаңғыртуды мақсат еткен «Тұлпар мініп, ту алған!» жобасының облыстық қорытынды кезеңі басталды.
«Ұлы даламыз кейде ашық жатқан жыр кітабы сияқты болып та көрініп кетеді. Жадыңды жаңғыртып, дұрыстап, жақсылап оқи алсаң, жан дүниең жадырап,бабалардың баянды үнін, тарихтың тылсым сырын, туған еліңнің мәңгілік жырын қайыра естіп, байтақ әлемге құлашыңды кең жайғандай боласың» – деген Елбасымыз. Қазақстан Республикасының Тұңғыш Президенті Н.Ә.Назарбаевтың «Ұлы Даланың жеті қыры» мақаласы аясында басталған айтулы шара биыл Сыр елі, жыр елі Қызылорда өңірінде екінші рет өтіп жатыр.
Байқаудың облыстық кезеңінің ашылуында «Nur Otan» партиясы Қызылорда облыстық филиалы төрағасының бірінші орынбасары Ләйлә ТӨРЕШОВА және облыстық білім басқармасының басшысы Ақзира ҚАСЫМОВА құттықтау сөз сөйлеп, қатысушыларға сәттілік тіледі.
«Алпамыс» дастанынан басталған жоба былтыр көлемді «Қобыланды батыр» жырына жалғасты. Биыл «Едіге батыр» жырын жатқа айту бойынша өткізіліп отыр. Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасымен бірлесе отырып ұйымдастыруда.
Байқау 6-10 сынып оқушылары арасында «Едіге батыр» жырын жатқа айтудан өтуде. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға «Nur Otan» партиясы облыстық филиалы төрағасының бірінші орынбасары Ләйлә ТӨРЕШОВА, облыстық білім басқармасы басшысы Ақзира ҚАСЫМОВА, жазушы, журналист, облыстық партия филиалы жанындағы «Miras» аймақтық қоғамдық кеңес мүшесі Қаршыға ЕСІМСЕЙІТОВА, тарих ғылымдары кандидаты, аймақтық «Рухани жаңғыру» орталығының директоры Уәлихан ИБРАЕВ, ақын, облыстық «Жастар ресурстық орталығы» директорының орынбасары Мақсат ДАУЫЛБАЙ, филология ғылымдарының кандидаты, Қорқыт Ата атындағы Қызылорда университетінің Қазақ тілі мен әдебиеті кафедрасының доценті Ұлжан ЖАҢБЫРШИЕВА, жырау, Қармақшы аудандық «Жыраулар үйі» директорының орынбасары Бидас РҮСТЕМБЕКОВ қазылық етуде.
Облыстық кезеңде оқушылар алдын ала өткізілген жеребе бойынша жұптасып, өнер көрсететін болады.
Айта кетейік, бұған дейін байқаудың қалалық, аудандық кезеңдеріне облыс бойынша 662 мұғалім дайындаған 713 оқушы қатысып, жүлделі орындарға ие болған 24 оқушы облыстық кезеңіне жолдама алған болатын.
Аудандық-қалалық кезеңде І орын еншілегендерге 150 мың, ІІ орын 100 мың, ІІІ орын иегерлеріне 50 мың теңгенің сертификаты табысталды.
Облыстық кезеңде үздік шыққан І орын иегеріне 750 000 теңге, ІІ орынға 350 000, ІІІ орын үшін 200 000 теңге қаржылай сый беріледі. Облыстық деңгейдегі жеңімпаз оқушылардың мұғалімдеріне де сый қарастырылған: І орынға 1 500 000 теңге, ІІ орын иегеріне 700 000, ІІІ орынды еншілеген қатысушының мұғаліміне 400 000 теңге беріледі.
<img src="https://kyzylorda-news.kz/wp-content/uploads/2021/11/80adf983-ab64-46b4-8fcd-f88bcca4e9e8.jpg" alt="" />

«Тұлпар мініп, ту алған!» байқауының облыстық кезеңі басталды

<a href="https://kyzylorda-news.kz/ru/obshestvo/">Kyzylorda-news.kz</a>. 10 қараша, сәрсенбі күні сағат 10.00 де «Достық» үйінде ел тәуелсіздігінің 30 жылдығына орай «Nur Otan» партиясы, «Qazaq Epos» қоғамдық қоры және ҚР Білім және ғылым министрлігінің ұйымдастырумен 6-10 сынып оқушылары арасында өтіп жатқан республикалық «Тұлпар мініп, ту алған!» байқауының облыстық кезеңі өтеді.
Бұл кезеңде байқаудың қала, аудандық кезеңдерінде жеңімпаз болған 24 оқушы сынға түседі. Талапкерлер «Едіге батыр» жырын жатқа айтудан жарысады.
Байқауға қатысушы балалардың денсаулығына қауіп төндірмеуді ескере отырып, ата-аналар мен басқа да жанкүйерлердің карантин талаптарын қатаң сақтауын сұраймыз.
Байқау «Nur Otan» партиясы облыстық филиалының әлеуметтік желілердегі ресми парақшаларынан тікелей эфир арқылы көрсетіледі.

«Тұлпар мініп, ту алған!» байқауының облыстық кезеңі өтеді

<a href="https://kyzylorda-news.kz/ru/obshestvo/">Kyzylorda-news.kz</a>. Ә.Тәжібаев атындағы облыстық әмбебап ғылыми кітапханасы Қазақстан Республикасы Тәуелсіздігінің 30 жылдығына орай, қазақ әдебиетін дамыту және насихаттау мақсатында 2021 жылдың 20 қыркүйек – 20 қазан аралығында «Бір ел – бір кітап» республикалық акциясы аясында «Жыл кітабын бірге оқимыз!» атты облыстық онлайн-байқау ұйымдастырды. Байқаудың мақсаты – кітапханашылардың имиджін көтеру және олардың кәсіби шеберліктерін шыңдау.
Байқауға 2021 жылдың «Бір ел – бір кітап» республикалық акциясы аясында жаппай оқуға таңдалған шығармалар қатарынан жазушы Тынымбай Нұрмағанбетовтың «Періштелердің өлімі» романын талқылау ұсынылды.
Оған аудандық, қалалық және ауылдық кітапханасынан барлығы 55 қызметкер қатысып, өздері дайындаған бейнероликтерін ұсынды. Кітапханашылар кітаптың мазмұнын жан-жақты ашып, шығарма желісін оқырманға қызықты етіп жеткізе білді.
Байқаудың қорытындысы бойынша үздіктер анықталып, Ә.Тәжібаев атындағы облыстық кітапханада жеңімпаздарды марапаттау рәсімі болып өтті. I дәрежелі дипломмен Арал ауданы, Қосжар ауылдық кітапханасының кітапханашысы Өмірзақова Әсия Шынболатқызы, II дәрежелі дипломмен Шиелі ауданы, Көкшоқы кітапханасының кітапханашысы Әділсерікқызы Айдана, III дәрежелі дипломмен Арал аудандық орталық кітапханасының әдіскері Нысанжанова Таңшолпан Оңталапқызы, Қазалы қалалық кітапханасының кітапханашысы Сейталиева Жанар Темірбайқызы иеленді. «Қазақстандық салалық мәдениет, спорт, туризм және ақпарат қызметкерлері кәсіптік одағы» қоғамдық бірлестігінің Қызылорда облыстық филиалы төрайымының Алғыс хатымен Арал аудандық орталық балалар кітапханасының кітапханашысы Алдабергенова Шынар Жаңабергенқызы, Қармақшы ауданы, Ақжар ауылдық кітапханасының кітапханашысы Амиралиева Ақмарал Сағатқызы, Жаңақорған аудандық орталық кітапханасының кітапханашысы Әсем Сағатқызы марапатталды.
Сондай-ақ Қызылорда облыстық мәслихатының Алғыс хатымен Жалағаш аудандық орталықтандырылған кітапханалар жүйесінің директоры Ұлмекен Меңдібаева , Арал аудандық орталықтандырылған кітапханалар жүйесінің директоры Жанар Алишева, Сырдария аудандық орталықтандырылған кітапханалар жүйесінің директоры Гүлстан Нұржакиева марапатталды.
Шараға «Қазақстандық салалық мәдениет, спорт, туризм және ақпарат қызметкерлері кәсіптік одағы» қоғамдық бірлестігінің Қызылорда облыстық филиалы демеушілік көрсетті.

«Жыл кітабын бірге оқимыз!» атты облыстық байқаудың қорытындысы шықты

<a href="https://kyzylorda-news.kz/">Kyzylorda-news.kz.</a> Қазақстан Республикасы Білім және ғылым министрлігінің қолдауымен ҚР Тәуелсіздігінің 30 жылдығы аясында жыр алыбы Жамбыл Жабаевтың 175 жылдығына орай Қорқыт ата атындағы Қызылорда университетінде студенттер арасында республикалық жас ақындар айтысы өтті.
Қазақтың төл өнері айтысты жастар арасында насихаттау, ұлттық бірегейлікті сақтай отырып, өскелең ұрпақты ұлттық өнерге баулу мақсатында ұйымдастырылған дүбірлі додада еліміздің жоғары оқу орындарынан келген 14 ақын өнер көрсетті.
<blockquote>
 «Бүгінгі айтыс Қазақстан Республикасы Білім және ғылым министрлігінің бастамасымен Тәуелсіздіктің 30 жылдығы мерейтойы аясында Жыр алыбы Жамбыл Жабаевтың 175 жылдығына орай ұйымдастырылып отыр. Айтыс – қазақтың қанына сіңген бекзат өнер. Ұлттық құндылығымызды тілге тиек еткенде Жамбыл Жабаев есімі бірге жырланады. Жүз жылдық ғұмырында сан ғасырлар бойы өшпейтұғын із қалдырған ақынның асыл мұрасы бүгінде сіз бен бізге өнеге ретінде қалыптасты. Осы ұлттық құндылықты сақтап қалу үшін өткенді саралап бүгінгіні бағалап отыру – басты мақсат. Тәуелсіздік алған жылдардан бастап мәдениетіміз, өнеріміз жаңа қарқынмен қайта жаңғырды. Ана тіліміздің мәртебесі көтеріліп, рухани дами түстік. Сіздер тәуелсіз елдің ұланысыздар, бүгінгі заманның еркесі мен еліміздің ертеңісіздер. Сондықтан Сіздердей жалынды жастар барда ұлттық өнеріміз тек қарыштап дами береді», – деді университеттің басқарма төрағасы-ректор Бейбіткүл Кәрімова айтыстың ашылу салтанатында.
</blockquote>
Республикалық айтыста Әл-Фараби атындағы Қазақ Ұлттық университеті, Л.Н.Гумилев атындағы Еуразия Ұлттық университеті, Қазақ Ұлттық өнер университеті, Құрманғазы атындағы Қазақ Ұлттық консерваториясы, Т.Қ.Жүргенов атындағы Қазақ Ұлттық өнер академиясы, Абай атындағы Қазақ Ұлттық педагогикалық университеті, Д.Серікбаев атындағы Шығыс Қазақстан техникалық университеті,
Е.А.Бөкетов атындағы Қарағанды университеті, І.Жансүгіров атындағы Жетісу университеті, Х.Досмұхамедов атындағы Атырау университеті, М.Өтемісов атындағы Батыс Қазақстан университеті, Павлодар педагогикалық университеті атынан жас ақындар бақ сынады.
Өнер додасында бас жүлдені Абай атындағы Қазақ Ұлттық педагогикалық университетінің студенті Алтынай Қанапия иеленді. Жүлделі І орын Қорқыт ата атындағы Қызылорда университетінің 2-курс студенті Жамбыл Бақытәліге, ІІ орын Әл-Фараби атындағы Қазақ Ұлттық университетінің студенті Ұларбек Жеңісбек пен университетіміздің 4-курс студенті Бексұлтан Орынбасаровқа табысталды. Ал Е.А.Бөкетов атындағы Қарағанды университетінің 4-курс студенті Еркеғали Бекболат пен Павлодар педагогикалық университетінің 1-курс студенті Мизан Жұмали ІІІ орынды теңдей бөлісті.
Сонымен қатар, Махамбет Өтемісов атындағы Батыс Қазақстан университетінің 2-курс студенті Әділ Ахметовке, Құрманғазы атындағы Қазақ Ұлттық консерваториясының студенті Бақтыбай Саулетбайға, Еуразия Ұлттық университетінің студенті Бекзат Құлшарға, Ілияс Жансүгіров атындағы Жетісу университетінің 4-курс студенті Айдана Бекбергенге, Дәулет Серікбаев атындағы Шығыс Қазақстан Техникалық университетінің 4-курс студенті Дарын Шағымановке ынталандыру сыйлығы берілді.
Т.Жүргенов атындағы Қазақ Ұлттық өнер академиясының 3-курс студенті Мейірбек Саламатов халық ықыласына бөленіп, айтыс ақтаңгері Мұхтар Ниязовтың арнайы жүлдесімен марапатталса, Халел Досмұхамедов атындағы Атырау университетінің 4-курс студенті Фариза Жетпісбаева ректордың арнайы жүлдесін иеленді.
Салтанатты шараның марапаттау рәсімінде Қорқыт ата атындағы Қызылорда университетінің студенті Бексұлтан Орынбасаровқа «Менің пірім – Сүйінбай» атты халықаралық жас ақындар айтысына жолдама берілді. Айтысты Абай атындағы Қазақ Ұлттық педагогикалық университеті келер жылы ұйымдастыратын болады.
<blockquote>
 «Аламан айтысқа қатысқан жастардың барлығы өз өңірінде танылып жүрген, озық ойлы, өткір тілді студенттер. Сондықтан сөз додасы өте тартысты өтті. Көп емес, дөп сөйлеуге, түйінді ой айтуға тырыстық. Республикалық деңгейде өткен бұл шара ақындардың шығармашылығына үлкен серпіліс берді», – деді Бексұлтан Орынбасаров.
</blockquote>
Айта кету керек, ауқымды шара қарсаңында университеттің студенттер сарайында «Алтын домбыра» айтыс орталығының тұсауы кесілді. Орталық төл өнеріміздің жастар арасында кеңінен насихатталуына, шығармашылығының шыңдалуына мүмкіндік жасайды. Мұнда ақындар шеберлік сағаттарын өткізіп, айтыс түрлерін жандандыру жұмыстарын жолға қоймақ.
Айтыс орталығының жабдықталуына және республикалық шараның жоғары деңгейде өтуіне облыстық мәслихат депутаты, жастар қолдаушысы Мағжан Ералиев, жүлделі орындар мен ынталандыру сыйлықтарына Қызылорда қалалық мәслихатының депутаттары, өнер жанашырлары Қайрат Ерназаров, Мұса Абдуқалықов, Жасұлан Жарасбаев демеушілік жасады.
Республикалық додаға айтыскер ақын, Қазақстан Республикасы Мәдениет саласының үздігі Серік Ыдырысов, айтыскер ақын, халықаралық, республикалық айтыстардың жүлдегері Мамыр Байдаулетов, айтыскер әрі жырау, Қазақстан Республикасы Мәдениет саласының үздігі Айдос Рахметов, айтыскер Ержеңіс Әбді, университеттің Дәстүрлі өнер институтының директоры, философия докторы Ғани Байұлы төрелік жасады.
Сондай-ақ, ақындар бәйгесін облыстық, қалалық мәслихат депутаттары, облыстық басқарма басшылары, зиялы қауым өкілдері, БАҚ өкілдері, университеттің Директорлар кеңесінің мүшелері, оқытушылары мен білім алушылары тамашалады.
<img src="https://kyzylorda-news.kz/wp-content/uploads/2021/10/fb_img_1635575027560.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635575030560.jpg" alt="" />
<img src="https://kyzylorda-news.kz/wp-content/uploads/2021/10/fb_img_1635575044383.jpg" alt="" />
<hr />
<img src="https://kyzylorda-news.kz/wp-content/uploads/2021/10/fb_img_1635575047829.jpg" alt="" />

Қызылордада өткен республикалық айтыстың бас жүлдесі кімге бұйырды?

Kyzylorda-news.kz. «Тұлпар мініп ту алған» байқауының Арал аудандық кезеңінде Шөміш ауылы №263 мектептің оқушысы Қарақат Көпберген жеңімпаз атанды. Алтыншы сыныпта білім алатын балауса қыз жыр жаттауды жаны сүйеді. Өзі де өлең жазуға талап қылып жүр. Тіпті, оқушылар арасында ақындар мүшайраларына да қатысып, жүлдеген атанып үлгерген.
<blockquote>
 — Батырлар жырына деген қызығушылығым ерекше. «Едіге батыр» жырын тамыз айынан бастап, бір жарым айда толық жаттап алдым. Сосын байқауға дейін қайталап, тиянақтадым. Бұған себепкер болған ұстазым әрі жетекшім Айнагүл Кузенова. Сол кісінің арқасында жырға қызығушылығым артты, — дейді Қарақат.
</blockquote>
Зейіні мықты қаршадай қыз бұған дейін де ауданда өткен жыр кештерінің, шаралардың жеңімпазы.
<blockquote>
 — Қарақатқа 5-сыныптан бастап сабақ беріп келе жатырмын. Үздік оқушылар қатарында. Өз шығармашылығы бойынша аудандық, облыстық байқаулардың жеңімпазы. Эссе байқауларының жүлдегері, — дейді ұстазы Айнагүл Кузенова.
</blockquote>
Қарақаттай тағылымды жыр оқып, ерінбейтін, оның сөздерін көңілге түйер жас ұрпағымыз көп болсын!

Қазақстан және Қызылорда облысының жаңалықтары: Мәдениет