<a href="https://kyzylorda-news.kz/">Kyzylorda-news.kz.</a>&nbsp;Қай халықтың да өнері мен мәдениетіне байыпты түрде көз салсақ, сол халықтың әдемілік талғамы мен танымына, эстетикалық көзқарасына орай белгілі бір өнер түрінің дамып отырғанына көз жеткіземіз. Соның бірі – халқымыздың рухани дүниесінде орны ерекше күй өнері. Бұл өнер қазақ халқының өмір тіршілігінен айрықша орын алып, ғасырдан ғасырға, ұрпақтан ұрпаққа жалғасып келеді. Сонау ХІХ ғасырда қазақ халқының тұрмысында анағұрлым кең тараған саз аспап екі ішекті домбыра болатын. Содан бері халқымыздың асыл мұрасын, қайғысы мен қуанышын, зарын біздің дәуірімізге жеткізіп отыр. Ұлы ақын Қадыр Мырза Әлінің «Нағыз қазақ қазақ емес, нағыз қазақ – домбыра» деген сөзінің зор мәні бар. Мұның астарында қазақтың осынау киелі аспабына деген құрметі жатыр. Музыка &nbsp;– адамдардың рухани қорегі. Қазақ халқы өзінің ұлттық аспаптарын құрметтеп, ән-күйлерін тыңдап, рухани ләззат алады. Әсіресе домбыраның үні естілгенде елеңдемейтін қазақ жоқ.Бүгінде Сексеуіл кентіндегі №177 орта мектебінде "Ақмешіт" домбырашылар ансамблі Дәулеткерей мен Құрманғазы, Қазанғап пен Тәттімбет, Дина мен Сүгір сынды кемеңгер күйшілердің күйлерін елге дәріптеп жүр. «Ақмешіт» &nbsp;домбырашылар ансамблі осыдан үш жыл бұрын мектеп директоры Күлайша Тәниқызының бастамасымен «Үкілі домбыра» &nbsp;үйірмесінің жанынан құрылған болатын. Ансамбльдің аты аз ғана уақытта аудан, облысқа ғана емес, республикаға да танылып, халықаралық байқауларда үздік атанды. Домбыра өнерін балаларға үйретуді мақсат еткен жетекші Салиха Қабделованың тынымсыз еңбегінің арқасында талай шәкірттің таланты ашылды.&nbsp;Салиха Қабделова 1978 жылы 24 қыркүйекте Атырау облысы, бұрынғы Новобогат ауданы, қазіргі Исатай ауданы, Хамит Ерғалиев ауылында Қабделов Жақия мен Құрбангүлдің отбасында дүниеге келген. Ата-анасы отбасында үш ұл, төрт қыз тәрбиелеп, оларды өнерге, спортқа бейім етіп өсірді. Ауыл шаруашылығы саласының майталманы атанған әке мен мейірімді де өнегелі анадан тәлім-тәрбие алған балалары жоғары оқу орындарын бітіріп, мұнайшы, кеден қызметкері, егінші, бейнелеу өнерінің маманы, домбырашы сынды мамандық иелері атанып, абыройлы еңбек етуде.&nbsp;Ал Салиха 1986 жылы Алғадағы орта мектептің бірінші сыныбына қабылданып, 1995 жылы Чкалов орта мектебін бітіреді. Мектеп қабырғасында оқып жүргенде өнерге ынтасы артқан Салиха музыка мектебінің 5 сыныбын мұғалімі Орынғали Дауылбаевтан дәріс алып, аяқтайды. Сөйтіп мектепті ойдағыдай тәмамдаған жас қыз арман жетегінде Дина Нұрпейісова атындағы музыка колледжіне түсіп, 1999 жылы ҚР Білім беру ісінің үздігі, Құрманғазы атындағы Қазақ Ұлттық консерваториясының құрметті профессоры, еңбек ардагері Бағила Мұхтарованың домбыра класын бітіреді. Сол жылы Алматы қаласындағы Құрманғазы атындағы Қазақ Ұлттық консерваториясына "халық музыкасы" факультетіне түсіп, Қазақстанның халық әртісі, дәулескер күйші-домбырашы, композитор Қаршыға Ахмедияровтың домбыра класын тәмамдайды. Өнердің қыр-сырын жетік меңгерген жас маман Ақтөбе қаласында өткен Қазанғап атындағы конкурста лауреат атанса, Атырауда өткен Құрманғазы атындағы конкурста дипломант, М.Ерғалиұлы атындағы Орал қаласында өткен конкурста лауреат болып, мерейі арта түседі. 2003 жылы оқу бітіріп келген соң, Атырау облысында Н.Жантөрин атындағы филармонияда "Нарын сазы" атты ұлт-аспаптар оркестрінде концертмейстер қызметінде болса, содан кейін Д.Нұрпейісова атындағы академияда домбыра класынан студенттерге дәріс береді. Осы жылдары өнер шыңынан көрінген Салиха филармонияның 40 жылдығына орай "40 жылдық" медалімен де марапатталады.&nbsp;Осыдан он бес жыл бұрын Салиха сексеуілдік Сырымжан Ахметовпен табысып, жарасым тапты. Өмірлік серігі бүгінде "Қамқор локомотив" депосында мастер болып аянбай еңбек етуде. Өнер мен отбасын қатар алып жүрген Салиха Жақияқызы жолдасы Сырымжан Арыстанұлымен бірге Назым, Назерке, Сауран, Жан, Нұрасыл есімді балаларын жан-жақты білімді, ұлтжанды, өнерлі етіп тәрбиелеуде.&nbsp;Бауыржан Момышұлы: "Мен қолына домбыра ұстаған қазақтың қара баласын көрсем қуанамын. Сол баланың бойынан имандылық, тазалық, қазақ өнеріне, соның ішінде қастерлі домбыраға деген махаббатын сеземін" дегендей, сахнаға шыққан өнерпаздарды көргенде көз сүйсінеді. Үстінде ұлттық киім, қолында домбыра. Қандай керемет! Бүгінгі таңда "Үкілі домбыра" үйірмесіне 80-ге жуық оқушы қатысуда. "Ақмешіт" ансамблі құрамында 40-қа жуық оқушы үлкен, орта, кіші топта дәріс алуда. Жас домбырашылар былтыр Астана қаласында өткен "Дарынды оқушы – ұлт болашағы" атты республикалық форумға қатысып, жүлделі І дәрежелі диплом мен "Үміт артар дарынды оқушы" атты төсбелгісін иеленсе, Алматыда өткен "Серпер" республикалық фестиваль-байқауында гран-при иегері атанды.Қызылорда қаласында өткен "Қазақстан үміті" республикалық шығармашылық конкурсында І дәрежелі дипломмен марапатталды. Осы конкурста өнерімен көпшілікті тәнті еткен өрендеріміз Алматы қаласында өтетін "Жеті өнер" VІІ халықаралық шығармашылық фестивалі конкурсына қатысуға жолдама алды. Сонымен қатар Астана қаласында өткен ХV халықаралық "Ақ көгершін" балалар шығармашылығы фестиваль-байқауында ІІ дәрежелі лауреаты дипломын еншіледі. Аз ғана уақытта білімді де білікті ұстаздан тәлім алып, осындай биіктерден көрініп, аудан мерейін асырып жүрген Рустам Жолдыбай, Қадыржан Амедулла, Әділжан Көпберген, Гүлсезім Қазиева, Нұрдәулет Тәни, Нұрбақыт Тәниева, Инабат Қайроллаева сынды және де басқа өрендеріміздің еңбегі қандай мақтауға да лайықты. Осы тұрғыда осы мектептің мұғалімі Венере Аймолдаева:<blockquote>– Ансамбльдің бағыт-бағдары мен мақсаты зор. Мектеп қабырғасында күй күмбірін естісеңіз қуанып қана емес, ризашылық сезімге бөленесіз. Домбыраның сабындағы сырғыған кіп-кішкентай саусақтар күй құдіретін мойындатпай қоймайды. Әрине, "Жақсының жақсылығын айт, нұры тасысын" дегендей, мектебіміздің басшысы Күләйша апайымыз бен Салиха ұстазға ата-аналар атынан өнерге сусындап өсіп жатқан жас өнерпаздардың жетістіктері үшін ерекше ықыласымыз бен алғысымызды білдіреміз. Балаларымыз "жүзден жүйрік, мыңнан тұлпар" атанып, қазағымның атын шет елге танытатын нағыз күйшілер атансын деген тілегіміз орындалсын, – дейді ағынан жарыла.</blockquote>"Арманыңыз қандай?" деген сұрағымызға Салиха Жақияқызы:&nbsp;<blockquote>– Адамда арман таусылмаған ғой. Қарапайым жұрт күйді тыңдап отырып, оның көңілді не қайғылы екенін ажырата алмайтындығына талай рет куә болдым. Сондықтан қазір қазаққа күйді түсіндіруге жұмыс жасау керек деп ойлаймын. Сонда ғана бабадан қалған әуез құлағымызға сіңісті, жүрегімізге жұғысты болады. Келешекте осы істі тындырсам, өнердің биігіне шықсам деймін. Алдағы уақытта осындай өнерге жақын балалар үшін кенттен бір өнер мектебі ашылса деген тілегім бар. Ол бір құптарлық іс болар еді, – деді ол тебіреніс құшағында.</blockquote>Байқағанымыздай, бұл мектепте үйірмеге қатысушыларды пән мұғалімдері ең алдымен мәдениеттілік пен &nbsp;эстетикалық тәрбиеге және тәртіпке үйретіп қана қоймай, әр баланың бейімділігіне байланысты қажетті қағидалар сіңіретіні аңғарылады. Балалар – біздің болашағымыз. Сондықтан олардың жан-жақты тұлға ретінде қалыптасуы үшін біліммен қатар өнер және спорт үйірмелеріне қатысуын қамтамасыз ету әрбір ата-ананың борышы әрі парызы екендігі ақиқат.<figure class="image"><img src="https://knadmin.beoblood.kz/uploads/efffa361_f749_447f_8fa2_82364194c48d_3b803f1249.jpg" alt="efffa361-f749-447f-8fa2-82364194c48d.jpg"></figure>

Республикаға танылған сексеуілдік ансамбль

<a href="https://kyzylorda-news.kz/">Kyzylorda-news.kz.</a> Қазақстан Суретшілер одағының мүшесі Шахмұрат Сейітмұратов – өнер өлкесінде өзіндік қолтаңбасын қалыптастырған тұлға. Бүгінде жерлестерінің мақтанышына айналған суретшінің қолынан шыққан туындылары көптеген көрмеге қойылып, лайықты бағасын алып келеді.Апта ағымында Сырдария аудандық тарихи-өлкетану музейінің ұйымдастыруымен тағылымды іс-шара өткізілді. Суретшінің шығармашы-лығына арналған көрмені тамашалауға өнер майталмандарымен қатар, кенттің ардагерлері, ел ағалары, жастар өкілдері қатысты.Қылқаламның құдіретін бала кезінен танып білген суретші Шахмұрат Сейітмұратов – 1952 жылдың төл перзенті. Асқар Тоқмағамбетов ауылында дүниеге келген. Жастайынан шығармашылыққа жаны жақын азамат Алматыдағы Н.Гоголь атындағы суретшілер училищесін «өте жақсы» деген дипломдық картинамен бітірген. Жас суретші алғашқы еңбек жолын 1973 жылы Қызылорда қаласындағы облыстық суретшілер мекемесінде бастайды. Алғашқы еңбек жолы басталысымен облыстық, республикалық, бүкілодақтық көрмелерге қатысады. 22 жасында СССР жас суретшілер бірлестігіне мүшелікке қабылданып, Қазақстан Суретшілер одағының стипендиаты атағын алады. Шығармашылық жетістіктері үшін Қазақстан ЛКСМ Орталық Комитетінің Құрмет грамотасымен марапатталды. 1981 жылы Мәскеудегі Суретшілердің Бүкілодақтық Симпозиумына қатысты. 2004 жылы Оңтүстік Қазақстан облысында өткен Тұрар Рысқұловтың 110 жылдығына арналған суретшілердің көрмесінде бас жүлденің иегері атанды.Суретшінің әкесі Сейітмұрат Ембергенов – ауданда мәдениет саласына еңбегі сіңген азамат. Ақындығымен, өнерге деген шын жанашырлығымен танылған Сейітмұрат ағай аудандағы тарихи-өлкетану музейінің негізін қалады. «Тектіден текті туады» дегендей, текті ұрпақтың жалғасы Шахмұрат Сейітмұратовтың бүгінде әкесі бас болып негізін қалаған музейде 60-қа жуық картиналары сурет галлереясының сәнін келтіріп тұр. Негізгі туынды ретінде 2000 жылы бұрын музей төріне ілінген «Мәңгілік» картинасы ерекше әр беріп тұр. Ауданға келген меймандар ең алдымен елдің тарихымен танысу үшін музейге бас сұққанда ең алдымен осы картинаға тамсана да, таңғала қарап, суретші қылқаламының құдіретін сезінеді. Күллі Қазақ елінің тарихына тіл бітіре суреттелген алып картина тәуелсіз еліміздің қалыптасу кезеңінен бастап, Мәңгілік елге айналуға дейінгі аралықты қамтып, адамның санасын шексіздікке еріксіз иландырады.Саналы ғұмырын сурет өнеріне арнаған азамат туралы жылы лебіз білдірген аудан әкімінің орынбасары Димаш Байдушев жерлесіміздің көрмесі алдымен облыс орталығында өткенін, онда өнер иесі туралы керемет жылы лебіздер айтылғандығын айтты. Әркез елге келгенде туған елдің перзентін аудан жұртшылығы қуанышпен қарсы алатындығын айтып, аудан басшылығының құттықтауын, сый-сыяпатын табыс етті.Шығармашылық көрмеде сөз алған мәдениет саласының майталманы, аудандық музейді жиырма жыл басқарған Алма Бақтиярова ең алдымен есімі ауданға белгілі Сейітмұрат Ембергенов туралы айтуды жөн көретінін айтты.<blockquote>– Шахмұрат Сейітмұратұлын айтпастан бұрын осындай азаматты дүниеге келтірген Сейітмұрат аға жайлы айтқым келіп тұр. Сырдария ауданының киелі қарашаңырағы – ол аудандық тарихи-өлкетану музейі. Оны оқушылардан бастап, аға ұрпақ өкілдері де жақсы біледі. Айтуға оңай болғанымен, музей өзі киелі шаңырақ – жабық мекеме, ғылыми орталық. Бүкіл ауданның, елдің тарихын зерделейтін, аудандағы қырық мың халықтың, соның тең жартысының еңбектері осында бар десем артық айтқандық болмас. Музейді ашатын кезде қаржы тапшы, ғимарат болса да жоқ болатын. Сейітмұрат ағай – жергілікті әкімдіктің есігін жағалап жүріп, үй салып беруді, қайткенде де музей ашу керектігіне атсалысқан азамат. Сол жылдары «Қалжан ахун» шаруашылығын басқарған А.Құлбаев «Тұрғын үй – 1991» бағдарламасымен тегін музей ғимаратын салып берді. Содан соң қосымша ғимараттар салынып, музей жұмысын жанданды. Жәдігер жинау оңай шаруа емес. Музейдің көркін ашатын экспонат болмаса атын да сақтай алмайды. Сондықтан алғашында кемінде 3 мыңдай жәдігер керек болды. Сейітмұрат ағай әрбір үйді, елді мекенді жағалап жүріп құнды жәдігер жинап, музейдің негізін қалады. Міне, 30 жылдан бері халыққа музей қызмет етіп келеді.</blockquote>Сырдария ауданының халқы осындай азаматтарымызды, елге еңбегі сіңген, еш жерде өзін жарнама етпейтін, өзін көрсетпейтін, өзін мақтап, дәрежелемейтін адамдардың да қадір-қасиетін де біліп жүруі керек деп ойлаймын. Қазір музей дамыды. Жәдігерлер қосылып жатыр. Менің өзім 10 мыңнан астам экспонат жинап өткіздім. Енді музейді жастарға беріп жатырмыз. Қазір музейге жас басшы келді. Салтанат Қуандықовамен бірге 15 жылдай қызмет еттік. Жас та болса өзін көрсете білген Салтанаттың еңбегі бағаланып, қызметте жоғарылады. Музей жас мамандармен толығуда. Аға буын өкілдерінің жұмысын жалғастыруда.Бүгінгі кештің иесі Шахмұрат Сейітмұратұлы облыста үлкен көрме өткізді. Есімі республикаға танымал суретшінің 2000 жылы музейге қойған осы «Мәңгілік» картинасын көрмеген адам жоқ. Сенаторлардан бастап депутаттар, келген қонақтардың барлығы картинаға лайықты бағасын берді. Міне, осы картинаға жақында суретшінің өзі жаңа рең берді. Осы залда суретшінің 60-тан астам картинасы тұр екен. Бұл суретшінің өмірі деп білеміз. Онда адамдардың тағдыры, тарихи сәт суреттелген. Өзі Шымкентте тұрса да осында жаңа картиналарын әкеліп, музейге қоюда. Ол үшін ешқандай ақы сұрамайды. Көрмені әкесінің, өзі туып-өскен еліне әкеліп көрсетіп жатыр. Суретшіге шығармашылық табыс тілеймін. Еліне, халқына тартуы көп болсын. Үлкен жанұяның бірлігі мықты болсын. Енді ұрпақтарына ұсыныс, ағайдың атынан жеке музей ашсаңыздар, оның жұмысына музей қызметкерлері атсалысып, қолдау білдіреді деген сенім-демін. Бұл тәжірибе бізде бар, қоғам қайраткері А.Божанованың үйінде музейі ашылғанын білесіздер. Сондықтан мемориалдық музейді ашып, халыққа рухани-мәдени қызметтеріңізді жасай беріңіздер деген тілектемін, – деді А.Бақтиярова.Мұнан соң көрменің қонақтары аудандық ардагерлер кеңесінің төрағасы М.Келдібаев, аудандық әйелдер кеңесінің төрайымы Ұ.Жанәлиева, ҚР Суретшілер одағының мүшелері Ж.Маханбет, Ж.Исмағұлов сөз алып, өнер иесінің шығармашылық жолына тоқталып, құттықтау тілектерін жеткізсе, ақын А.Ибрагимұлы Сейітмұрат Ембергеновке арнаған арнауын оқыды.Суретшінің ұзақ жылғы еңбегін паш ететін көрмеде әкенің өнегелі жолын жалғап келе жатқан өнер иесінің әлемі туралы жылы лебіздер айтылды. Жетістіктерге жетіп отырған, «шексіз» деген атауды иеленген, өнерді бір кісідей меңгерген талант иесінің парасат пайымы лайықты мадақталды.Өз кезегінде Шахмұрат Сейітмұратұлы көрмені туған елде, ашық аспан астында жасауды бұрыннан ойлағанын, дегенмен сәті музейдің залында өткізуге бұйырғанын тілге тиек етті. Көрмеге қойылған әрбір туындының мән-мағынасын тереңнен сезініп, шығармашыл адамға дем берген жер-лестеріне алғаусыз ризашылығын білдірді. Кеш соңында ауданның Құрметті азаматы, қадірменді ақсақал Рақымжан Бәйменов ақ батасын берді.Айту керек, жасы жетпістен асқан суретші Ш.Сейітмұратұлы осы күні шығармашылықпен белсенді түрде айналысады. Жұмыстары Қазақстан Суретшілер Одағының қорында, Ә.Қастеев атындағы суретшілер Галлереясында, Канада, Германияда жеке коллекцияларда сақтаулы.&nbsp;

Шахмұрат Сейітмұратовтың шығармашылық көрмесі өтті

<a href="https://kyzylorda-news.kz/">Kyzylorda-news.kz.</a> Сырдария ауданына қарасты «Сұлу-ай» шығармашылық өнер орталығының өнерпаздары көптеген байқаулардан жүлдемен оралып жүрген жайы бар. Жақында ғана Қызылорда қаласында өткен республикалық байқауда жеңіс тұғырынан көрінуі сөзімізді дәлелдей түскен болатын.Анығырақ айтсақ, аудан намысын арқалаған талантты өрендер республикалық «Жарқын Болашақ» өнер орталығының ұйымдастыруымен өткен VII «Жарық жұлдыз» өнер байқауында жеңімпаз атанды. Аталған байқауда Ақжарма және Асқар Тоқмағамбетов ауылының бишілері І орынды жеңіп алып, Алматы қаласында болатын финалдық кезеңге жолдама алды. Сонымен қатар, бишілердің екінші тобы ІІ орынға қол жеткізе білді.Осы байқауда «Сұлу-ай» шығармашылық өнре орталығының өнерпаздарының мерейі арта түсті. Мәселен, аспапта ойнау жанры бойынша үздік өнер көрсеткен асқарлық Ақәділ Пернебаев пен Еркежан Кеңесбайқызы І орын алып, Алматы шаһарына баратын болды. Вокал жанры бойынша Марфуға Әубәкірова үздіктер қатарынан табылып, финалдық кезеңде бақ сынауға мүмкіндік алды.Республикалық байқаудың финалдық кезеңіне 5 жолдама алу өнер орталығы үшін үлкен жетістік, ауданымыз үшін зор қуаныш болды. Бұл ретте, ұстаздар еңбегі ерекше екенін айта кеткен жөн. Мамыр айына жоспарланған финалдық кезеңге тәжірибелі ұстаздар Әсел Ибраева, Гүлназ Сералиева, Ақжан Сәкенқызы, Әнел Сансызбаева өнерпаздарды бастап бармақ.&nbsp; &nbsp;

Сырдариялықтар республикалық байқауда бақ сынайды

<a href="https://kyzylorda-news.kz/">Kyzylorda-news.kz.</a> &nbsp;Қорқыт ата атындағы Қызылорда университетінде Қазақстанның еңбек сіңірген қайраткері, Қазақстан композиторлары Одағының мүшесі, Қорқыт ата атындағы Қызылорда университетінің профессоры, философия докторы (PhD), дирижер Мүсілім Әмзенің зерттеу еңбегінің тұсаукесері өтті.Кітап - қазақ оркестрі мен дирижерлік өнерінің дамуына үлес қосқан майдангер-композитор, күйші, дирижер Мәлік Жаппасбаевтың шығармашылығына арналған. Дарын иесінің өмірбаяны туралы тың деректер қамтылған «Мәлік Жаппасбаевтың музыка мұрасы» кітабының салтанатты тұсаукесеріне Басқарма төрағасы-Ректор Бейбіткүл Сәрсемханқызы қатысып, Мүсілім Балтабайұлының еңбегі мен шығармашылығын жоғары бағалады.Мүсілім Әмзе - «Мәңгілік сарын» атты домбыра күйлері антологиясының, «Қазақтың дәстүрлі 1000 күйі», «Шаһнама» антология жинақтарының құрастырушысы, «Қазақстанның музыкалық мұрасы», «Қазақстандағы этностардың музыкалық мұралары» антология жинақтарының музыка редакторы. Отыз жылға жуық &nbsp;мәдениет саласының дамуына үлес қосып, ҚР Мәдениет және спорт министрлігінің «Құрмет грамотасы», «Мәдениет саласының үздігі» төсбелгісі, «Қазақстанның еңбек сіңірген қайраткері» құрметті атағы беріліп, &nbsp;Қызылорда облысы әкімінің «Құрмет грамотасы» және Халықаралық Түрксой ұйымының «М.Төлебаев – 100 жыл» мерекелік медалімен марапатталған.<blockquote>«Қазіргі таңда ғылымда жаңалық ашу – өте қиын. Мүсілім Әмзе ең алдымен орындаушы болса, екіншіден шығармашылықпен қатар ғылымды қатар алып жүрген ғалым. Жалпы ғылымда шығармашылық адамының зерттеу жүргізуі нәтижелі. Өйткені жан-жақты терең түсініп, тақырыпты түпкілікті аша алады. Бүгінгі кітап соның дәлелі. Оқулықта бір тұлғаның негізінде көптеген құнды ақпараттар берілген. Осы еңбек Сыр бойындағы музыкалық өнердің дамуына, оның ары қарай жалғасуына септігін тигізері анық»,-деді Қазанғап атындағы жоғары музыка колледжінің директоры, Қазақстанның еңбек сіңірген қайраткері, филология кандидаты, жыршы &nbsp;Ұлжан Байбосынова.</blockquote>Мәлік Жаппасбаевтың есімі қазақ музыкасында сирек кездеседі. Құрманғазы атындағы мемлекеттік академиялық қазақ халық аспаптары оркестрінің тарихында екі күйшінің есімі ерекше аталады. Соның бірі-Сырдың саңлақ күйшісі Мәлік Жаппасбаев. Автор өз еңбегінде 29 жыл ғұмыр кешкен біртуар өнер иесінің музыка мұрасын жинақтаған.&nbsp;<blockquote>Кітап рецензенті, педагогика ғылымының докторы, профессор Шәрбан Майгелдиева: «Ғылыми еңбек - эстетикалық, құрылым жағынан өте сапалы. Қоғамның қажеттілігіне, маман даярлау сапасын арттыруға бағытталған құнды оқулық»,-деп пікір білдірді.</blockquote>Салтанатты жиынға Сыр елінің өнер қайраткерлері, БАҚ өкілдері, қонақтар, оқу орнының профессор-оқытушылары мен білім алушылары қатысты. Қатысушылар Сыр өнерпаздарының орындауында Мәлік Жаппасбаевтың репертуарындағы күйлері мен әндерін тыңдап, рухани азық жинады.Айта кетейік, салтанатты кеш А.Тоқмағамбетов атындағы мәдениет үйінде &nbsp;Тұрмағамбет атындағы қазақ халық аспаптары оркестрінің күйші, композитор, дирижер Мәлік Жаппасбаевтың шығармашылығына арналған «Сәлем» концертімен жалғасты.&nbsp; &nbsp;<figure class="image"><img src="https://knadmin.beoblood.kz/uploads/5_6f83ea2419.jpg" alt="5.jpg"></figure>&nbsp;<figure class="image"><img src="https://knadmin.beoblood.kz/uploads/7_d8cb6aaab0.jpg" alt="7.jpg"></figure>&nbsp;<figure class="image"><img src="https://knadmin.beoblood.kz/uploads/1_493b00c710.jpg" alt="1.jpg"></figure>

«Мәлік Жаппасбаевтың музыка мұрасы» зерттеу еңбегі жарыққа шықты

<a href="https://kyzylorda-news.kz/">Kyzylorda-news.kz.</a> Халқымыз ертеден өнер саласын қадірлеп, оның абыройын асқақтата білген. Ел арасынан түрлі талантты тұлғалар шығып, өз өнерлерімен көпшілікті тамсандыра білген. Айдынды өлкемізден де өнерпаз аға-апаларымыз елге танылып, бүгінгі жас ұрпаққа үлгі қалдырған. Ендігі кезекте бүгінгі дамыған заманда әр қала, аудан, сондай-ақ ауылдық округтердің өзінде мәдениет үйлері мен мәдени клубтар бой көтерген. Мұндай мәдени орталықтар жастар арасынан талантты өнерпаздардың өнерін халыққа таныту мақсатында көптеген мүмкіндіктер қарастырылған.Айдынды Арал өлкесі қай кезде болмасын өнерден артта қалған емес. Осы уақытқа дейін мерекелік түрлі шаралар қойылып, аудан өнерпаздары халық ризашылығына бөленіп келеді. Мемлекеттік және атаулы шаралар, түрлі-түрлі байқаулар, кездесу кештері, облыстық және республикалық &nbsp;дәрежедегі шаралардың өз мәнінде өтілуіне мұрындық болып келеді. Өткен 2022 жылы Арал ауданы бойынша клуб кәсіпорындарының материалдық базасын нығайтуға арнайы қаражатқа дыбыс күшейткіш аппаратура, принтер, монитор, процессор, &nbsp;микрофон, колонка, видеопроектор, компьютер, ноутбук, домбыра сынды дүниелер сатып алынған. Сонымен бірге 2022 жылы аудан көлемінде мәдениет үйлері мен клуб кәсіпорындары 990 мәдени-көпшілік шаралар атқарып, оған 201673 &nbsp;көрермен қамтылған болатын. Оның 274 онлайн жүйесінде жүргізіліп, 65765 қаралым болған.Ел іші – өнер кенішіЕндігі кезекте бүгінге дейін атқарылған шараларға тоқталып өтелік. Өткен жылы ҚР Халық әртісі, әнші Роза Бағланованың туғанына 100 жылдығына орай «Сырдың сұлу еркесі» атты аудандық әншілер байқауы, қазақтың көрнекті жазушысы, Қазақстан Жазушылар одағының мүшесі Молдахмет Қаназовтың 80 жасқа толуына арналған «Ұшқыр қиялды қаламгер» атты әдеби кеш, 26 наурыз – Арал теңізі күніне орай «Аралды сүю керек қайтқанда да» атты Арал туралы әндерден фестиваль, «Ақ босағаның алтын діңгегі – әжелер» атты әжелер ансамбльдерінің &nbsp;аудандық байқауы, ауылдық мәдениет үйі мен клуб кәсіпорын қызметкерлерінің арасында «Жеті қазына» атты ашық аспан астындағы аудандық байқауы, жерлесіміз, Қазақстанның халық әртісі Құдайберген Сұлтанбаевтың 75 жылдығына орай "Шын күлкі ардан биік, шың бір өнер"атты әзіл-сықақ отауларының республикалық байқауы болып өткен.Сонымен бірге ауданға қарасты кент, ауылдық округтерде де түрлі іс-шаралар кең көлемде өткізіліп келеді. Аудандық мәдениет үйінің жылжымалы мәдени демалыс кешен ұжымдары Шижаға, Қосжар, Қамбаш, Аманөткел, Қарақұм елді мекен тұрғындарына «Өнерлі өлке – Аралым» атты қойылым концерт, Қазақстан Журналистер одағының мүшесі, Жарасқан Әбдірашев атындағы әдеби сыйлықтың лауреаты, жергілікті ақын Толыбай Абылаев ағамыздың 70 жас мерейтойына арналған «Ақын боп туған азамат» атты кездесу кеші Бөген ауылындағы мектеп сахнасында өткізілсе, Абай ауылдық клубының ұйымдастыруымен де «Жүректегі жыр шыңы» атты аудандық жазба ақындар мүшәйрасы, «Келіні жақсының – керегесі алтын!» атты аудандық байқау, &nbsp;жергілікті сазгер ақын Дархан Оразымбетовты еске алуға арналған «Дарабоз – дарын Дархан ең...» атты аудандық жазба ақындар мүшәйрасы өткізілді.&nbsp;Қазақстан Журналистер одағының мүшесі, ҚР Мәдениет қайраткері, Халықаралық «Алаш» әдеби сыйлығының лауреаты, жерлесіміз, Арал ауданының құрметті азаматы, жазушы Қуаныш Жиенбайдың 70 жылдық мерейтойына орай шығармашылық кеші болды. Шығармашылық кеште жазушының «Ұры» атты туындысы желісінде қойылған «Тулақ» атты қойылымнан үзіндіні Аманөткел ауылдық мәдениет үйі жанындағы Халық театры көрерменнің назарына ұсынған болатын.Сатирик, режиссер-сценарист, ҚР Мәдениет саласының төсбелгісінің иегері, «Еңбек даңқы» медалінің иегері Бақтыгүл Бахрамованың «Өмірім – өнеріммен өрнектелген» атты шығармашылық кеші, &nbsp;Шөмішкөл елді мекенінің мәдениеті мен өнерінің дамуына сүбелі үлес қосқан ардақты азамат, ақын Қуаныш Қондыбаевқа арналған «Перзент пейіл – Қуанышы ең Аралдың» атты еске алу кеші ұйымдастырылды.&nbsp;Өткен шаралардың жастарға да берер үлгісі мол екендігі байқалып-ақ тұр емес пе?! Өткен өнер тарихы арқылы еліміздің мәдениетін сақтап қала береріміз анық. Сол үшін ертеңгі болашақ жастар қолында екендігін басты назарға қойып, аудан жастарына өнер жолындағы асыл қазыналарымыз өнеге болып келеді.Арал қаласының – 95 жылдық мерейтойында атқарылған іс-шаралар лебі де баршылықАрал қаласының 95 жылдығы аясында Сыр сүлейі Нұртуған Кенжеғұлұлының 135 жылдығына арналған «Қанекей, тілім, сөйлеші» атты аймақтық термешілер байқауы, ақын З.Шүкіровтің 95 жылдығына орай «Кіндігім бірге Аралмен...» атты жазба ақындар мүшәйрасы, ақын Әбілхан Махановтың 100 жылдығына орай «Аралым – айдын шалқарым» атты республикалық ақындар айтысы, мемлекет және қоғам қайраткері Құдайберген Саржановтың 85 жылдық мерейтойына арналған «Елдің ерен перзенті» атты шаралар ұйымдастырылды. 25 қазан – Республика күні мен Арал қаласының 95 жылдығына арналған «Бірліктің көзі, елдіктің өзі – Аралым!» және балықшылар аллеясының ашылуына орай «Теңіз төскейіндегі балықшылар» атты театрландырылған қойылым концерт ұйымдастырылды. «Балалар жылы» мен Арал қаласының 95 жылдық мерекесіне орай «Балаларға базарлық» атты өнерпаз балалардың қатысуымен үлкен көлемде ұстаз бен шәкірт қосылып концерт берілген.Өнерге талпынған жанға әрдайым жол ашықӨнерлі аудан жастарына арнайы даярлайтын үйірмелер жетерлік. Олардың бірі ұлттық аспабымыз домбыраға баулыса, енді бірі мың бұралған биші қыздарымызды дайындайды. Осы секілді өнердің көптеген түрінен арнайы үйірмелер ашылып, балаларға мүмкіндіктер қарастырылған. Жалпы аудан бойынша 122 үйірме бар. Оған 1554 адам қатысады екен. 2022 жылы З.Шүкіров атындағы қалалық мәдениет үйіндегі домбыра үйірмесі сазгер, күйші Мұрат Сыдықов атындағы балалар үйірмесі болып аталса, Арал аудандық мәдениет үйі жанынан балалар вокаль үйірмесі ашылып, жұмыс жасап келеді.Жетісігімізбен мақтанамызАудан &nbsp;өнерпаздары өткен 2022 жылы 3 халықаралық, 6 республикалық &nbsp;байқауға, сондай-ақ 2 аймақтық және 40 облыстық байқауға қатысты.&nbsp;Халықаралық байқаудан Халық қаһарманы, КСРО және Қазақстан Республикасының &nbsp;Халық әртісі Р.Бағланованың 100 жылдық мерейтойына арналған «Ақмаңдайлым» ашық ән байқайқауынан әнші Көлбаев Сабыржан I орынмен, онлайн форматта өткен Халықаралық «Топ жарған» конкурс-фестивалінен Аралқұм ауылдық клуб үйінің әдіскері Ақмарал Серікбайқызы &nbsp;Бас жүлдемен, Қызылорда облысында Балалар жылына орай өткізілген «Менде жұлдыз боламын» атты балалар байқауынан өнерпаздар Уляеев Санжар II орынмен марапатталып, Түркия-Мәскеуге &nbsp;жолдама алды.&nbsp;Ал республикалық байқаудан Халық әртісі Р.Бағланованың 100 жылдығына арналған «Ақмаңдайлым» атты әншілер конкурсынан әнші Назерке Сәрсенбаева дипломант, Ырғыз ауданының 100 жылдығына арналған «Аймақты әнмен тербетіп...» атты республикалық өнер фестивалінен Нұрәлем Лайық Алғыс, Бектасов Абылай &nbsp;арнайы номинациямен, Арал қаласының 95 жылдығы және ақын Әбілхан Махановтың 100 жылдығына арналған «Аралым – айдын шалқарым» атты республикалық ақындар айтысынан Бексұлтан Орынбасаров II орынмен, Әлшекей Бектібайұлының 175 жылдығына арналған «Дәуірлер бейнесі домбыра үнінде» атты республикалық күйшілер байқауынан Ақнұр Төлегенова Алғыспен, ақын-сазгер Ш.Сүлейменовтің «Шайыр Шынберген» атты республикалық ән байқауынан Қаратерең ауылдық клуб сүйемелдеушісі Дәулет Тастыбаев Алғыспен марапатталды.&nbsp;Облыстық байқаудан «Маржан сөз, қоңыр үн» атты концерт жүргізушілерінің байқауынан Аманөткел ауылдық мәдениет үйі өнерпазы Ердос Есқали I орынмен, халық әртісі Р.Бағланова атындағы «Қазақтың әнші бұлбұлы» атты әншілер байқауынан Дәулеткерей Қуантқанов III орынмен, Назерке Сәрсенбаева I орынмен, әнші-сазгер Батырхан Шүкеновтің 60 жылдық мерейтойына арналған «Аманат» облыстық жас әншілер байқауынан Қарақұм ауылдық клубының өнерпазы Ақбілек Жақсылықова Бас жүлдемен, «Ақ көгершін» балалар байқауынан Амелья Пак I орынмен, З.Шүкіровтің 95 жылдығына арналған «Кіндігім бірге Аралмен» атты облыстық жазба ақындар мүшәйрасынан ақын Алтынбек Қыстаубаев I орын, Райым ауылдық клубының өнерпазы Алмат Қойбағаров II орынмен, дәстүрлі әнші Мейірімхан &nbsp;Киікбайұлы Шамшиевті еске алуға арналған «Ән ғұмыр» атты облыстық дәстүрлі әншілер байқауынан Қызылжар ауылдық мәдениет үйі көркемдік жетекшісі Айтуған Сембаев I орынмен, тағы басқа да аудан өнерпаздары жүлделі орындарға ие болды.

Теңізді өлкедегі мәдениет саласында мәуелі істер көп

<a href="https://kyzylorda-news.kz/">Kyzylorda-news.kz.</a> Роза Бағланова атындағы мәдениет үйінде 27 наурыз – Халықаралық театр күніне орай «Театр – өмір айнасы» атты драма ұжымдарының аудандық фестивалі өтті.Киелі сахна саңлақтарының мерекесінің жоғары дәрежеде өтуін қолға алған мәдениет бөлімі шара қонақтарына бұл күннің маңыздылығын кіреберістегі ауданның театр тарихының көркем көрмесімен жеткізе білді.Одан әрі театрсүйер қауым көрермендер залына жылжып, мінберден алғы сөз алған Қазалы ауданының мәдениет және спорт бөлімінің басшысы Болат Әбенұлы мерекемен құттықтап, жүрекжарды лебізін жеткізді.<blockquote>«Сіздерді Халықаралық театр күнімен құттықтаймын! Көрермен көңілін нұрға, жүректерін жырға бөлеп, халқымыздың ұлттық құндылықтарын ұлықтап, өнерсүйгіш ұрпағымызды тәрбиелеу жолындағы игілікті еңбектеріңіздің жемісін көріңіздер! Дендеріңізге саулық, отбасыларыңызға амандық, істеріңізге сәттілік, шығармашылық табыстар тілеймін. Ұлтымыздың саф өнерін жандандырып, биік белестерден көріне беріңіздер. Мереке құтты болсын» – деді ол.</blockquote>Театр ұжымдары фестивальіне ауданға қарасты жеті ауыл өнерпаздары қатысты. Олардың әрқайсысы реттілік бойынша көңіл жібітер, терең мағыналы, тарихи қойылымдарды қалың көрермен назарына ұсынды.Талапкерлер өнерін сарапқа салып, оң бағасын берер қазылар алқасы қатарында Мәдениет саласының үздігі, актриса, қазылар алқасының төрайымы Ұлжан Ахметова мен Жәдігер Тұрсынов атындағы халықтық театрының режиссері Индира Рсалиева сынды мәдениет майталмандары болды.Барша өнерпаздар қойылымдарын тәмамдап болған соң, әділқазы алқалары номинация иегерлері тізімін жария етті. Аудандық театр ұжымдары фестиваль нәтижесі бойынша, Абай ауылы, №90 мектеп оқушылары жүрек жылытар «Дауыл әкелген дәрігер» атты көрінісін сәтті сахналап «Үздік қойылым» номинациясын иеленді. Ал «Үздік режиссер» номинациясын Бозкөл ауылдық мәдениет үйінің драма үйірмесінің режиссері Ляззат Тәңірбергеноваға бұйырса, «Үздік әйел бейнесін» Түктібаев ауылынан келген Назерке Дәулетжанова иеленді. Сонымен қатар Жалаңтөс батыр ауылының өнерпазы Ербол Ізтілеуов «Үздік ер адам бейнесін» қанжығаласа, өркендеулік Болатбек Рсалы «Үздік актерді» алды. Басқа да, «Ең жас актер» мен «Көрермен көзайымы» бағамы басықаралық Нұрсат Қожабаев пен Бекарыстан би ауылынан келген Шерхан Тілеуназарға бұйырды.Рухани азыққа қаныққан жұрт көңілі көншіп, сахна төрінен орын алған марапат иелері ыстық ықылас пен ду қол шапалаққа бөленді.«Қазіргі әлем қайғы-қасірет пен жағымсыз көңіл-күйге толы. Олардың кезегін кейде тіпті, позитивті және қуанышқа толы сәттер үзу керек. Мысалы, театр. Театр – заманауи адам үшін өнердің қызықты түрі ғана емес, бұл - қуатты антидепрессант. Ол – қуаныш, жеңілдік және жақсы көңіл-күй сезімін тудыратын жағымды эмоциялардың үлкен қуатын береді. Сол себепті де бүгінгі фестивальге келген едім. Бәрі ойдағыдай, керемет өтті. Ауданда театр өнерінің қарыштап дамып келе жатқанына және театрдың жастар арасында сәнге айналғанын көріп қатты қуанып қалдым. Алдағы уақытта керемет, мәнді де сәнді сахналық қойылымдар күтетін боламыз», – дейді кент тұрғыны Тұрар Әбілқанұлы.

Қазалыда театр ұжымдарының аудандық фестивалі өтті

<a href="https://kyzylorda-news.kz/">Kyzylorda-news.kz.</a> Қазалыдағы Р.Бағланова атындағы аудандық мәдениет орталығы жанындағы «Өнеге» әжелер ансамблі 2012 жылдың желтоқсан айынан бастап құрылды. Алғашында ансамбльге ҚР мәдениет саласының үздігі Гүлнар Төребекова жетекшілік етті.Ансамбль 2016 жылы Қызылорда қаласында өткен облыстық ардагерлер арасында өткізілген байқауға қатысып, бірінші орынды иеленді. Кейіннен ансамбльді ҚР мәдениет саласының үздігі Галя Оспанова жүргізді. Ансамбльге Майра Қазбекова, Ұлжан Ахметова, Набира Момбекова, Гүлнар Рысмаханова,Бейсенгүл Тәжібаева, Жадыра Садықова, Нағима Қарымсақова, Бақыт Зарипова, Гулшахра Сарбалаева және баянмен сүйемелдеуші Мұрат Әділов мүше.<blockquote>«Біздің мақсаты зейнеткерлікке шыққан әжелерімізді қоғамдық ортаға тарту. Ансамбль мүшелері тек ән айтумен ғана шектелмей, қазақтың ұлттық салт дәстүрлерін насихаттау яғни ұршық иіру, құрақ көрпе жасау, кссте тігу, бесік жырын айту сияқты дәстүрлерді кейінгі жас ұрпақтарға үйрету болып табылады. Ансамбль мүшелері жыл басында жоспарға сәйкес дайындық жұмыстарын жүргізіп өз ойларын ортаға салады. Біздің өнерлі әжелер аудандық, облыстық, республикалақ байқауларға қатысып отырады. Ансамбль репертуарында қазақтың халық әндерімен бірге Қазақстан шетел композиторларының әндері бар. Ауданымызда өткізілетін мәдени шаралардан қалыс қалмай, үнемі үлес қосып келеміз», – дейді ансамль жетекшісі Галя Оспанова жүргізді.</blockquote>Өнерімен талайды тамсандырып жүрген өнерлі де, өнегелі әжелер 2020 жылы 10 қыркүйекте Қазалы аудан әкімдігінің қолдауымен Қызылорда облыстық халық шығармашылығының дамыту және мәдени прюдессерлік орталығы, Қазалы аудандық мәдениет орталығының ұйымдастыруымен ақын Абай Құнанбаевтың 175 жылдығы аясында «Әжелер сөзі – тәрбие көзі» атты әжелер ансамбльдерінің онлайн байқауында бас жүлде иемденді. 2020 жылдың 30 қазан айында «Болашаққа бағдар; Рухани жаңғыру» бағдарламасы аясында Қызылорда қалалық мәдениет және тілдерді дамыту бөлімімен Қарауылтөбе ауылдық клубы және «Қарауылтөбе» бастауыш партия ұйымының бірлесе ұйымдастыруымен отбасы құндылықтарын кейінгі ұрпақтың бойына сіңіріп қазақтың салт дәстүрлерін қадірлеу, ене мен келін арасындағы сыйластықты дәріптеу мақсатында «Ізет, Иба, Парасат» облыстық онлайн байқау өткізілді. Байқауға «Өнеге» әжелер ансамблінің мүшесі Нәбира Момбек (енесі) мен Айым Байсенгірова (келіні) қатысып, бас жүлде иеленді. Оларға арнайы Дипломмен және 70 мың тенге сыйлығы табысталды. Ансамбль мүшелерінің репертуарында халық әндері «Көкем-ай», «Сәулем-ай», «Әттең тонның келтесі-ай», «Угәй-әй», «Дүние-ай», «Шилі өзен», «Хәләулім», «Сусамыр елдің жайлауы», «Қоғал-ай», «Еркемай», Ә.Бейсеуовтың «Алтыным», Ә.Еспаевтың «Су тасушы қыз», Қ.Жолдыбаевтың «Қазалы вальсі», М.Өзбековтың «Тобылғы сай» тағы басқа әндері орын алған.Ансамбль мүшелері облыстық әйелдер Кеңесінің ұйымдастыруымен «Төркіндеу» бағдарламасына орай өткізілген мәдени шарада қатысушы қонақтарды аудан орталығындағы «Бегім ана» ескеркіші маңындағы алаңында әндерімен қарсы алса аудандық мәдениет орталығында аудандық әйелдер Кеңесінің ұйымдастыруымен форумда әжелер ансамблі өнер көрсетті. Осы жылғы наурыз айының екінші жұлдызында Қызылорда облысында өткен облыстық «Ұлағатты әжелер» байқауында «Өнеге» әжелер ансамблі І орынды иемденіп, 80 мың теңге сыйақы алды.Сондай-ақ осы байқаудың «Аналар форумында» тәлім тәрбие бағытында келін мен ене арасындағы сыйластық туралы ансамбльдің мүшесі көп балалы ана өнегелі келін тәрбиелеп отырған Нәбира Момбекова өз пікірін ортаға салды. 21 наурыз мерекесіне орай өткізілген «Қош келдің, Әз Наурыз» атты мерекелік шарада да әжелер өнерлерін ортаға салып, тыңдарманын тәнті етті. Олар халық әні «Бипылды» орындап, көрерменнің көңіліне серпілтті.– Жуырда ауыл тұрғындарына есептік концертін ұсынбақшымыз. Ал мамырдың 2 жұлдызында ансамбльдің мүшесі Майра Қазыбекованың 70 жасқа толуына орай «Өмірін өнерімен өрнектеген – Майра» атты шығармашылық кеші өткізуді ойға алып отырмыз. Алда әлі талай жоспарларымыз бар, – дейді ансамбль жетекшісі бізбен әңгімесінде.

Қазалы: Сахнаның сәні – «Өнеге» әжелер ансамблі

<a href="https://kyzylorda-news.kz/">Kyzylorda-news.kz.</a> Бүгін А.Тоқмағамбетов атындағы қалалық мәдениет үйінде 27 наурыз - Халықаралық театр күніне орай Жастар театрының сахналауындағы «Олимптің күйреуі» мифологиялық драмасы халық назарына ұсынылды.Спектакльге арнайы қатысқан қала әкімінің орынбасары Жанмұрат Сейілов қойылымнан соң сөз алып, атаулы мерекенің мәні мен маңызы, Жастар театрының бүгінгі беталысы жөнінде тілге тиек етті.<blockquote>«Жалпы, өнер атаулының ішіндегі шоқтығы биігі – театр өнері. Театр адам баласының жан дүниесін байытып, ізгілік пен зұлымдық, махаббат пен қиянат сынды қасиеттердің ара жігін ажырата білуге, адамгершілікке тәрбиелейді. Әсіресе, өскелең ұрпақтың бойындағы мәдениетті дамытуда театрдың рөлі айрықша. Осы мақсаттың үдесінен шығу жолында жанкешті еңбек атқарып келе жатқан Жастар театры ұжымын алғаш үйірме ретінде ашылған сәтінен жақсы білемін. Театр мәселесінің ең жанды жері – репертуар болса, өнер ұжымы бұл күнде түрлі жанрмен жарақтанып, шырқау шыңдарға беттеп барады десем қателеспеймін», – деді қала әкімінің орынбасары Жанмұрат Сейілов.&nbsp;</blockquote>Сондай-ақ театр труппасын кәсіби мерекесімен құттықтап, театр жанашырлары мен жас әртістерге облыс, қала басшылығының арнайы алғыс хаттарын табыс етті.Сонымен қатар, рухани кештің құрметті қонақтарының бірі, Н.Бекежанов атындағы қазақ музыкалық академиялық драма театрының директоры Мұхтар Ниязов белгілі өнер тарланы Оңталап Нұрмаханов бастаған Жастар театры ұжымына шығармашылық өрістеу тіледі.

Жастар театры «Олимптің күйреуі» мифологиялық драмасын ұсынды

<a href="https://kyzylorda-news.kz/">Kyzylorda-news.kz.</a>&nbsp; Әз Наурыз мерекесі – көне дәуір күмбіріндей дәстүрлер дәріптеліп, құндылықтар ұлықталатын сәт. Бұл күндері аналар жеті түрлі дәмнен наурызкөже пісіріп, адамзат баласы бір-біріне мейірімділік танытатын болған. Халық бұл күнде жетім-жесір мен жоқ-жітіктерге қол ұшын беріп, олардың ұлы күнге сай шат-шадыман, көңілді жүруін қамтамасыз етуге жағдай жасаған. Самарқанның көк тасы еріген күн – қазақ даласы үшін құт-берекенің басы.Ұлыстың ұлы күнін Сыр жұртшылығы да айрықша атап өтті. Көнеден жеткен төл мереке күні мұқым елдің мейманасы тасып, ән-жырдан шашу шашып, көпшілік наурыз көжеден дәм татты.Ұлы даланың ұлық мейрамыҰлыстың ұлы күніне орай ұйымдастырылған мәдени шаралар 1 наурыз – Алғыс айту күнінен бастау алды. Мерекеге орай 14-22 наурыз аралығында әр күнге тақырыптық атау беріліп, түрлі бағыттағы 300-ге жуық іс-шара өткізілді. Әз Наурыз күні орталық алаңда «Бірліктің бастауы, елдіктің дастаны – Наурыз» атты мереке өтті.Салтанатты шарада облыс әкімі Нұрлыбек Нәлібаев сөз алып, жылы лебізін жеткізді.– Наурыз – ұлы даланың ұлық мейрамы. Көнеден келе жатқан мағынасы мәнді, тағылымы терең мереке. Бұл күн – бүгінге дейін дәстүрлі сипат алып, халықтың ақжарма тілек айтып қарсы алатын торқалы тойы. Ұлыстың ұлы күні – ұлт болып ұйысып, болашаққа бағдар құратын сәт. Сыр өңірі желкенді жетістіктер мен тағылымды табыстар ордасына айналды. Біз өткен жылды жемісті қорытындыладық, зор жетістіктерге қол жеткіздік. Жақсылықтың жаршысы болған биылғы жылды толайым табыстармен бастадық. Екі күн бұрын еліміз үшін саяси маңызы бар Парламент Мәжілісі және мәслихат депутаттарының сайлауы өткізілді. Сыр өңірі бірлік пен тұтастықтың ерен үлгісін көрсетіп, республика бойынша ең үздік көрсеткішке қол жеткізді. Сыр халқы саяси науқанда да бір қолдың саласындай, бір үйдің баласындай болып, елдігімізді, береке-бірлігімізді дәлелдеді. Сыр жұртшылығы қашанда жарқын болашақ жолында байыпты қадамдарымен қарқынды дами бермек. Әз Наурызда тілеген игі ниеттеріңіз қабыл болсын. Еліміз тыныш, тәуелсіздігіміз тұғырлы болғай, – деді облыс әкімі.Дәстүр дәріптелдіНаурызда халқымыздың салт-дәстүр, әдет-ғұрпы қайта жаңғырып, жаңаша жаңара түседі. Ықылым замандардан келе жатқан салт-дәстүрдің бірі – тұсаукесер рәсімі.Тұсаукесер – сәби бесіктен шығып, еңбектеуден өткен соң, қаз тұрып, тәй-тәй басқанда жасалатын дәстүр. Бала екі табанымен тұрып, алғашқы қадам жасауға талпына бастаған сәтте ата-бабамыз «баламыз тез жүріп кетсін» деген ниетпен сәбидің тұсауын кестіріп, думандатып той жасайды. Ырымшыл халқымыз баласының тұсауын көбіне данагөй қарияға немесе ел анасына айналған әзиз әжелерге яки болмаса халықтың алдында жүрген азаматтарға кестіретін болған. Ондағы ойы – сол секілді жолы ашық, абыройлы болып ержетсін деген ақеден ниет.Ұлыстың ұлы күні және Қызылорда облысының 85 жылдығына орай 85 баланың тұсаукесер рәсімі жасалды. «Этноауыл» мен облыстың 85 жылдығына арналған тарихи-танымдық көрме ұйымдастырылды.Тұсаукесер рәсімінде аймақ басшысы Тасбөгет кентінде тұратын Нұрқасым Әбдіғаппар есімді баланың тұсауын кесіп, жолына жақсылық тілесті.– Қуаныштан жүрегім жарылардай сезімде тұрмын. Бүгін қасиетті Наурыз күні ұлымыздың тұсауын кестірдік. Оны облыс әкімі кескендегі ішкі сезімімді айтып жеткізе алмаймын. Ұлымыз сол кісі секілді ұлтының азаматы болсын. Еліміз аман, балаларымыз бақытты болсын, – дейді анасы Нұргүл Сырлыбаева бізбен әңгімесінде.Күмбірлеген көне әуенОрталық алаңды айналдыра 38 киіз үй тігіліп, әр үйге өзіндік атаулар берілді. Әр киіз үйдің алдында түрлі ұлттық нақыштағы шаралар легі ұйымдастырылды. Бірі келін түсіріп, беташар жасаса, енді бірі жарапазан айтып, жұртшылықтың қошеметіне бөленді. Сонымен қатар қала тұрғындары мен қонақтар бесікке салу, айдар кесу, атастыру секілді салт-дәстүрлерді тамашалады. Бұқара халық арасында ұлттық спорт түрлерінен жарыстар өткізілді. Одан бөлек, «Көлтауысарлар сайысы», яғни қымыз ішуден жарыс өтті. «Атамекен» отбасылық үлгідегі балалар ауылынан шыққан екі жас шаңырақ көтеріп, келіннің беташар рәсімі жасалды. Қолөнершілердің ұлттық бұйымдары да жұртшылықтың ықыласына бөленді. Қала тұрғындары мен қонақтары наурызкөжеден дәм татты.Осылайша мереке күні мұқым елдің мейманасы тасып, көпшілік тәтті тағамдардан ауыз тиіп, қызықты ойын-сауық бағдарламаларын тамашалады.&nbsp; Белгілі әншілер Ғазизхан Шекербек, Кенжебек Жанәбілов, Мөлдір Әуелбекова және жергілікті өнерпаздар әсем әннен шашу шашып, мерекелік думанның сәнін келтірді.&nbsp;

Қызылордалықтар әз Наурыз мерекесін сән-салтанатымен қарсы алды

Республикалық ақындар айтысы өтті

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданының спортшылары біршама байрақты бәсекеде топ жарып, намысты қолдан берген емес. Жыл сайын сан түрлі спорт түрлерінен бақ сынап жүрген аудан саңлақтары кеше ұлық мерекені тойлаған болатын. Спорт саласының мамандарының ұйымдастыруымен өткізілген «Армысың, Әз-наурыз» атты мерекелік іс-шараның мән-мағынасы зор.Аудандық спорт кешенінде жүзеге асқан кешке Сырдария аудандық мәдениет және спорт бөлімінің басшысы Жігер Айекешов, Халықаралық «Қазақ тілі қоғамы» ҚБ Сырдария аудандық филиалының төрағасы Шаһарбек Нұрсейітов, Тереңөзек кенті ардагерлер кеңесінің төрағасы Зайдағали Жүсіпбайұлы, жекелеген мекеме басшылары, сала мамандары мен ардагерлер қатысты. Өз кезегінде аудандық мәдениет және спорт бөлімінің басшысы Жігер Айекешов сөз сөйлеп, жиналған көпшілікті мерекемен құттықтады.<blockquote>– Ізгіліктің нұры төгілген Наурыз мерекесімен барша жиналған қауымды құттықтаймын! Әрине, өткен жылға өкпе жоқ, келер жылдан үміт көп. Сырдария ауданының ұл-қыздары түрлі деңгейдегі байрақты бәсекелерде бақ сынап, аудан мерейін асқақтату үстінде. Спортшыларымыздың әрбір жеңісінің артында Сіздердің орасан еңбектеріңіз тұр. Міне, бүгін біз ынтымағы жарасқан, тірлігі бекем ұжым ретінде қазақтың жаңа жылында бас қосып отырмыз. Әрбір шаңырақта қуаныш пен береке, мол несібе орнасын. Наурыз мерекесі құтты болсын, – деді бөлім басшысы.</blockquote>Сән-салтанаты жарасқан мерекелік кеште қазыналы қарттар тілеулес ағайынға ақ батасын берді. Сонымен бірге наурыз көже, бауырсақ секілді қазақтың бірнеше ұлттық тағамы ас мәзіріне қойылды.Іс-шара барысында аудан спортшылары салт-дәстүрді дәріптеді. ҚР Журналистер Одағының мүшесі Серік Камалов жас келіннің бетін ашты. Ал аналар қауымы сәбиді бесікке салып, тұсауын кесті. Ұлттық салт-дәстүр жаңғыра түскен мерекелік кеште сәбиге үлкендер ақжарма тілегін жеткізді.Спорт саласының ардагері Зұлхарнай Тасберген спорт саласында еңбек етіп, бақилыққа аттанған спорт майталмандарының рухына Құран бағыштады. Өскелең спортшыларға жеңісті жолды жалғастыруға сәттілік тілеп, ақ батасын берді.<blockquote>– &nbsp;Асылында, түркі тілдес елдерге ортақ мереке саналатын ұлыс күнді өз дәрежесінде тойлаған абзал. Қашанда абырой, намыс, жеңіс сөздерін өмірлік ұстаным еткен спортшылар дәстүр сабақтастығын жалғастыру үстінде. Біз қай кезде де ұлтымыздың айрықша мәнге ие мерекесін тойлай бермекпіз.Көптеген спортшы бұл күнді көрмей кеткені өкінішті. Үлкендердің ізбасары бола білген жастардың болашағына зор үмітпен, үлкен сеніммен қараймыз. Оларға дәстүрді дәріптеуді, ұлттық мерекені ұлықтауды үйретуден жалықпаймыз. Спорт саласының мамандарының алдағы қызметіне сәттілік тілеймін, – деді сала ардагері.</blockquote>Үлкендердің ақ батасын алған сала мамандары спорт түрлерінен жарысқа түсті. Мәселен, гір тасын көтерген спортшы біткен мықтылық танытты. Қыздар мен ұлдар өзара бөлініп қол күресті. Сонымен бірге өзара арқан тартысқа шыққан олар көпшіліктің көзайымына айналды. Мерекелік басқосуда арнайы шақырылған меймандар өз құттықтауларын жеткізді.&nbsp;&nbsp;

Салт-дәстүр жаңғырған күн

<a href="https://kyzylorda-news.kz/">Kyzylorda-news.kz.</a>&nbsp; Табиғат ананың бусанып, тіршілік тірілетін жаңару айын қазалылықтар сән-салтанатымен қарсы алуда. Орталық алаңда ақшаңқан 15 киіз үй тігіліп, ұлттық салт-дәстүрді дәріптейтін шаралар, спорт түрлерінен жарыстар ұйымдастырылды. Мереке нышаны саналатын наурыз көже әзірленіп, әсерлі ән мен жыр төгілді.Ұлыстың ұлы күнін Қазалы ауданының әкімі Мұхтар Оразбаев елмен бірге Наурыз тойын тойлап, ақжарма тілегін жеткізді.<blockquote>«Наурыз – жылдың басы, күн мен түннің теңелер шағы. Тамырын тереңнен тартқан осынау мереке – ежелден халқымыздың бір-біріне деген риясыз ақ көңіліне, татулығы мен ынтымақ-ықыласына арқау болып, шаттық пен қуанышқа кенелтетін ұлы күн. Наурызда айтылған барлық тілек қабыл болады деген наным бар. Тәуелсіздігіміздің тұғыры берік болып, еліміздің қуаты арта берсін. Ұлыстың ұлы күні құтты болсын!», – деді аудан басшысы.Ұлттық мерекеге орай құрылыс, ауыл шаруашылығы, білім, спорт салаларының ардагерлері «Қазалы ауданының Құрметті азаматы» атанды.</blockquote>Мерекеге жиналған тұрғындар ұлттық тағамдар мен наурыз көжеден дәм татты. Жергілікті өнерпаздар мерекені думанға бөлеп, көтеріңкі көңіл-күй сыйлады.Сонымен қатар, алаңда қайырымдылық шатыры тігіліп, мерекелік дастархан ұйымдастырылды. &nbsp;

Қазақстан және Қызылорда облысының жаңалықтары: Мәдениет