<a href="https://kyzylorda-news.kz/">Kyzylorda-news.kz.</a> &nbsp;Қызылорда қаласындағы Достық үйінде «Абай қазынасына саяхат» клубының тұсаукесері болып өтті. Клубқа 35&nbsp; адам мүше болып қабылданды.
Қызылорда облыстық Қазақстан халқы ассамблеясының ұйымдастыруымен өткен мазмұнды шараға филология ғылымының кандидаты, доцент, абайтанушы Сара Бақтиярқызы, ұлы ақынның 200 өлеңін жатқа білетін жас филолог Елена Пак, Қоғамдық келісім кеңесінің мүшесі Александр Абанин, Абайдың бейнесін әсем бейнелейтін жас қылқалам шебері Жайна Балықбаева, Назарбаев Зияткерлік мектебінің мұғалімі Меруерт Маратова, өзге де Абай шығармасын сүйетіндер және БАҚ өкілдері қатысты.
Тағылымы мол шараны «Қоғамдық келісім» КММ аға сарапшысы, клуб жетекшісі Шакизат Абдраманова және Қорқыт ата атындағы ҚМУ «Филология» факультетінің студенті Елена Пак жүргізді.
Ең бірінші клубтың мақсат-міндеттері, алдағы жұмыс-жоспарлары таныстырылды.
Клубтың ашылуымен құттықтай отырып, ұлы Абайдың шығармашылығы туралы абайтанушы Сара Бақтиярқызы сөз сөйледі. Абай мұрасы бүгінгі жас буын барда өлмейді, өшпейді дей келе, бүгінгі клуб мүшелігіне қабылданған барша&nbsp; Абай сүйер қауымға Абайдай дананың кәусар бұлағынан сусындап мәңгі жасап, мәңгі жаңара беріңдер деп ақ тілегін тіледі.
Абайдың Пушкин, Лермонтовпен ұштастырған бейнесі жөнінде Қоғамдық келісім кеңесінің мүшесі Александр Абанин ой бөлісті.
Танымдық шарада клуб мүшелері караокемен «Көзімнің қарасы» әнін әсем орындап, көңіл тебірентті.
Абай – ұлттық мәдениетіміз бен тарихымыздағы ерекше тұлға екенін барлығымыз білеміз. Біртуар қайталанбас тұлғаның адамзаттық, ақындық, халықтық мұрасы айтылар ойға сыймас, қыр-сыры мол дүние. Осы ретте қатысушылар ұлы ақын жайлы білімдерін ортаға салып, қойылған сұрақтарға жауап берді. Үлкені де кішісі де зор қызығушылықпен қатысты.
Әлеуметтік желіден клубтың ашылуы жөніндегі хабарландыруды көрген жас өрендердің, Абайға жүрегі&nbsp; жақын&nbsp; жандардың ақын шығармаларынан үзінділері және Абайға арналған ұрандары тыңдалды.
Сонымен бірге, «Сыр қамқоры» балабақшасынан бүлдіршіндер келіп, клубтың ашылуына орай арнайы әзірлеген қойылым қойды. Көрермендер тарапынан өнерлі бүлдіршіндерге деген қошемет толассыз болды.
Тұсаукесерде&nbsp; ұлы ақының бейнесін өзіндік танымы арқылы бейнелеп көрсеткен жас қылқалам шебері Жайна Балықбаеваға қатысушылардың ілтипаты ерекше болды.
Клубтың соңында мүшелікке қабылданған 35 адамға арнайы әзірленген «Абай клубының мүшесі» куәлігі табысталды.
Динара МАХАНОВА
<img src="https://kyzylorda-news.kz/wp-content/uploads/2020/02/10abaikluby2.jpg" alt="" />
<img src="https://kyzylorda-news.kz/wp-content/uploads/2020/02/10abaikluby3.jpg" alt="" />
<img src="https://kyzylorda-news.kz/wp-content/uploads/2020/02/10abaikluby4.jpg" alt="" />
<img src="https://kyzylorda-news.kz/wp-content/uploads/2020/02/10abaikluby5.jpg" alt="" />

Қызылордада оқырмандарға арналған Абай клубы ашылды

<a href="https://kyzylorda-news.kz/">Kyzylorda-news.kz.</a> Қазақстан мен Қазақ хандығының тарихында 9 астананың болғанын біліп пе едіңіздер?
Олардың кейбіреулері бірнеше жылдың ішінде ғана астана болып табылған, ал&nbsp;басқалар ғасырлар бойы астана мәртебесіне ие&nbsp;болып тұрған. Әр&nbsp;қаланың өз&nbsp;міндеті болған, олардың әрқайсысы қазақстандық мемлекеттіліктің тарихындағы өз&nbsp;дәуірін бейнелеген еді.&nbsp;
Созақ. Ежелгі Созақ қаласы Қазақстан хандығының алғашқы астанасы болған (1465–1469). Ол&nbsp;Жәнібек пен Керей&nbsp;— Қазақ хандығының негізін қалаған хандардың ордасы болып табылған. Бірақ та&nbsp;Әбілқайыр ханның өлімінен кейін даладағы билік үшін күрес қайта басталды. Астана осы қаладан көшірілген. Кейбір деректер бойынша, XVI ғасырда Шығай хан билегенде, Созақ қаласы Қазақ хандығының астанасы болып қайта аталған. Осы кездегі хандықтың ордасы ретінде Сығанақ қаласы болып саналған. Қазіргі кезде Созақ&nbsp;— Оңтүстік Қазақстан облысындағы шағын ауыл. Оның ортасында ортағасырлық бекіністердің қалдықтары сақталған.
Сығанақ.&nbsp;Сығанақ қаласының Қазақ хандығының астанасы қай кезде болғанын айту қиын болады, өйткені бұл туралы нақты деректер жоқ. Бәлкім, XV&nbsp;ғасырдың 70-ші жылдарынан XVII ғасырға дейін ол&nbsp;қала астана болған. Оның қалдықтары Сұнақата ауылынан солтүстікке қарай екі шақырым жерде орналасқан. Аталмыш ауыл Қызылорда&nbsp;— Шымкет тас жолында орналасқан. Қаланың атауы жазба деректерден және XIV ғасырда мұнда шығарылатын монеталардан белгілі болды. Сығанақ қаласы алғашқыда&nbsp;X ғасырдың деректерінде кездеседі, ал&nbsp;XI ғасырда Махмұд Қашқари оны оғыздардың қаласы деп атаған. Бір кезде ол&nbsp;керуендердің жолындағы сауда мен қолөнер орталығы болған. Қазіргі кезде шаһардың жанында құрғақ дала, мұнда сексеуіл, тікенекті бұталар өседі. Қыш тақталары мен күйдірілген кірпіштердің қалдықтары бар биік емес дөңдер ежелгі сәулеттік құрылыстардың дәлелі болып табылады. Сығанақ маңайында осындай құрылыстар аз&nbsp;емес болған деп көрінеді.
Түркістан. Түркістан қаласы (Яссы) түркі тілдес халықтардың рухани мен саяси орталығы ретінде белгілі болып, XVI ғасырдың аяғынан бастап XVII ғасырдың 30-ші жылдарына дейін Қазақ хандығының астанасы болған. Орта Сырдария Қазақстан хандығына кіргеннен кейін Яссы қаласы қазақ хандығының резиденциясына айналып кеткен, осы кезде ол&nbsp;ірі сауда мен қолөнер орталығы болып саналған. Қазақ хандары жас мемлекеттің құрамында болған көшпелі тайпаларды нығайту үшін осы қаланың геосаяси мен рухани маңыздылығын түсінген еді. Қазіргі таңда осы қалаға Қазақстанның, Орта Азия мен басқа елдердің мұсылмандары қажылық жасау үшін барады. Қажыға барушылардың сөзіне қарағанда, Қожа Ахмет Ясауи кесенесіне жасаған үш&nbsp;сапар ұмраға&nbsp;— кіші қажылыққа теңестіріледі.
Ташкент. Қытайдан Еуропаға апаратын Ұлы Жібек Жолындағы ежелгі қалалардың бірі болған. Б. з.&nbsp;д. II&nbsp;ғасырда қалалық қоныс ретінде Ташкент туралы алғашқы мәліметтер шығыс дереккөздерде пайда болған. Қазақтар Ташкенті 1586 жылы жаулап алған, ал&nbsp;1630 жылы осы қала Қазақ хандығының астанасы болып бекітілген. Шамамен жүз жыл бойы Қазақ хандығының ордасы болған. Есім хан Ташкент басшылығын жойып, Ферғана қаласын жаулап алғанда, бейбітшілік үшін Самарқанд, Бұқара қалаларынан бас тартады. Ташкент астана мәртибесіне ие&nbsp;болғанда, мұнда жыл сайынғы Мәслихат (заң шығаратын ең&nbsp;жоғары өкімет билігі ) жиналысы өткен. Бірақ та&nbsp;Ақтабан шұбырынды жылдарында (1723-1727) жоңғарлар қытайлықтармен бірлесіп, қазақтарға қарсы соғысып жүрген, осы кезде қазақтар Ташкент қаласынан айырып қалған.
Семей. Семей қаласы&nbsp;— Алаш автономиясының астанасы (1917-1920&nbsp;годы). Семей қаласының тарихы 1718 жылы басталған. Ол Петр I дәуірінде салынған. Осы кездегі шығыс жерлерді қорғау мен Иртыш маңындағы бекіністерді салу туралы Петр I&nbsp;Жарлығы шыққан. Одан кейін Семей бекінісі өзінің әскери-стратегиялық нысан ретіндегі қызметінен айырмай, сауда орталығына-да айналып кетті. Сауда орталығы ретінде ол&nbsp;Ресей мен Қазақстанды, Ресей мен Орта Азияны, Батыс Қытайды байланыстырды. XIX ғ. мен&nbsp;XX ғасырдың басында осы қалаға Ресейдің зиялы қауым өкілдері жер аударылып жіберілген. Сол себептен&nbsp;де, Алаш автономиясының Орынбордағы жалпықырғыздық съезінде Семей қаласы астана ретінде таңдалған.
Орынбор. Орынбор қаласының негізі 1743 жылдың 19&nbsp;сәуірінде қаланған. Алғашқы бекініс 1735 жылдың 31&nbsp;тамызында қазіргі Орсктің орнында салынған, осылай, қаланың атауы да&nbsp;пайда болды — Орынбор (Орь өзенің бойында орналасқан бекініс). 1920 жылдың 26&nbsp;тамызында Бүкілресейлік Орталық Атқару Комитеті мен РКФСР Халық Комиссарлары Кеңесінің Қырғыз (Қазақ) АССР-ін кұру туралы Декреті шықты. Орталығы Орынбор қаласы болып белгіленді. Бірақ та&nbsp;1925 жылы Қазақстан астанасы Сырдария өзенінің бойында орналасқан Ақмешіт қаласына көшірілген. Сондықтан да&nbsp;оның атауы Қызылорда (Қызыл астана) деп өзгертілген. Орынбор мен Орынбор облысы дербес губерния ретінде РСФСР құрамына кірді.
Қызылорда. Ақмешіт бекінісін 1820 жылы Қоқан ханы Омархан салғызған.. Бастапқыда ол&nbsp;қазақ даласындағы Қоқан хандығының форпосты ретінде болған.&nbsp;1853 жылдың 28&nbsp;шілдесінде оны В.&nbsp;А.&nbsp;Перовский басқаруымен орыс әскерлері жаулап алып, Форт-Перовский деп өз&nbsp;атауын берген. Осы кезде бекіністі Якуп бектің басқаруымен қоқандықтар қорғаған.&nbsp;1917 жылдың 30&nbsp;қазанында қалада Кеңес өкіметі орнады. Ал&nbsp;1922 жылы қалаға оның бұрыңғы атауы Ақмешіт қайта берілген болатын.&nbsp;1925 жылы астана Орынбор қаласынан осы қалаға көшірілді, сол себептен де&nbsp;қалаға Қызылорда деп атау берілген. 1925-1927 жылдары РСФСР құрамында болған Қазақ автономиялық республикасының астанасы Қызылорда болған.
Алматы. Алматы қаласы 1929-1998&nbsp;жж. Қазақстан астанасы болған. X-XIV&nbsp;ғғ. қазіргі Алматының орнында ортағасырлық Алмату қонысы болған. Кейін 1854 жылы орыс казактары Верный фортын салынған. XIX ғасырда әскери бекіністі салу мақсатында мұнда казактар келген. Өңірдің сұлулығы мен қолайлы климаты оларды таңқалдырды.&nbsp;1855 жылы Орталық Ресейден Верный қаласына алғашқы қоныстанушылар көшіп келген. Осы кезде Алаутау ауылдық округінің әкімшілік орталығы көшірілді.&nbsp;1927 жылы құжаттар бойынша қала автономияның астанасы болып тағайындалды, ал&nbsp;шын мәнінде тек 1929 жылы астана қызметін атқара бастады. Осы кезден бері ауқымды құрылыстар жүргізіле бастайды. Қазіргі күнге дейін де&nbsp;қала Қазақстандағы ірі қалалардың бірі мен елдің мәдени орталығы болып табылады.&nbsp;
Астана. Ақмола қаласының шексіз далаларында әртүрлі өркениеттер мен мәдениеттер тоғысқан. 1997 жылы саяси, экономикалық, халықаралық жағдайларға байланысты Республиканың астанасы қазақ даласының орталығына — Ақмола қаласына (қазіргі кезде&nbsp;— Астана) көшірілген. Өзінің қиын экономикалық жағдайына қарамастан, жас Қазақстан осындай шешім қабылдады.
2019 жылы Астана қаласының атауы ҚР Тұңғыш Президенті – Елбасы Нұрсұлтан Назарбаевтың құрметіне Нұр-Сұлтан болып өзгертілді.
<a href="https://e-history.kz/kz/publications/view/998">E-history.kz</a>

Қазақстанның астанасы болған тоғыз қала туралы білесіз бе?

<a href="https://kyzylorda-news.kz/">Kyzylorda-news.kz.</a> «Астана Опера» театры Ресейдің Үлкен театрына гастрольдік сапармен барады. Мұндай шешім Қазақстан мен Ресей елшілігі және екі астананың басты театрларының келісімінің арқасында қабылданды, деп хабарлайды <a href="https://sputniknews.kz/culture/20200206/12751856/Abay-operasy-Maskeu.html">Sputnik Қазақстан</a>.
Екі театр жетекшілері – Ғалым Ахмедияров пен Владимир Урин тиісті құжатқа қол қойған. Оған сәйкес 5-11 қыркүйек аралығында ресейліктерге Ахмет Жұбанов пен Латиф Хамидидің музыкасы мен Мұхтар Әуезовтің либреттосына жазылған «Абай» операсы ұсынылады. Сондай-ақ, Морис Жаррдың музыкасына негізделген «Париж Құдай анасы соборы» балеті қойылады.
Гастрольдік сапар Қазақстан және Ресей елшіліктері мен Қазақстанның мәдениет және спорт министрлігінің қолдауымен өтеді.
Абайдың 175 жылдығы
Абайдың мерейтойы ЮНЕСКО деңгейінде аталып өтеді. Қазан айында осы ұйымның Париж қаласындағы штаб-пәтерінде ғылыми-конференция, концерт, көрме, кинокөрсетілім және тағы басқа мерейтойлық шаралар ұйымдастырылады. Кембридж сияқты әлемнің жетекші университеттері де меретойға атсалысады.
Биыл мерейтой аясында қолға алынатын маңызды жобалардың бірі – Абай шығармаларының жинағын шетелдің 10 тіліне аударып шығару. Соның ішінде француз, ағылшын, орыс, араб, испан, қытай, түрік, жапон, неміс және итальян тілдері бар. Осылайша, әрбіреуі үш мың данамен әлемнің түкпір-түкпіріне таратылады. Оған ұлттық аударма бюросы жауапты.
Бұдан бөлек, Абайдың өмірі мен шығармашылығына арналған үш деректі фильм түсіріледі.
Жидейбай жеріндегі Абай мен Шәкәрімнің кесенелеріне де жаңғырту жұмыстары жасалады. Бұдан бөлек, абаттандыру шаралары атқарылады. Ал Құнанбайдың жатқан жерінде музей салу жоспарланып отыр.
Жалпы, Абайдың мерейтойына арналған жоспар 82 тармақты қамтиды. Соның ішінде халықаралық, республикалық, облыстық және қоғамдық маңызы бар 500-ден астам шара бар. Олар – ғылыми, ағартушылық іс-шаралар, конференциялар, симпозиумдар, пленэрлер, дөңгелек үстелдер, сынып сағаттар, поэтикалық жəне əдеби конкурстар мен баспасөз турлары. Жергілікті әкімдіктер де өз жоспарларын әзірледі.
<img src="https://kyzylorda-news.kz/wp-content/uploads/2020/02/6operaabai2.jpg" alt="" />
<img src="https://kyzylorda-news.kz/wp-content/uploads/2020/02/6operaabai3.jpg" alt="" />

«Абай» операсы Мәскеудегі Үлкен театрда сахналанады

<a href="https://kyzylorda-news.kz/">Kyzylorda-news.kz.</a> Бүгін Ә.Тәжібаев атындағы Қызылорда облыстық әмбебап ғылыми кітапханасында Елбасының «Ұлы даланың жеті қыры» мақаласы аясында«Ұлы даланың ежелгі дәуір әдебиеті» атты әдеби кеші ұйымдастырылды.
Шараның мақсаты – ежелгі дәуір әдебиетінің қазақ әдебиетінде алатын орнын түсіндіру және шығармаларын насихаттау.
Кеш барысында оқырмандар ежелгі әдебиет деп аталатын жеті ғасырды қамтыған әдебиетіміздің, ұзақ тарихына қатысты ескерткіштермен, шығармалармен танысты. Олардың алғашқылары деп түркі ру-тайпаларына ортақ Орхон ескерткіштерін, Қорқыт және Оғыз-наманы атаймыз.
Жастар ежелгі дәуір әдебиетінің өкілдері Мұхаммед Хорезми, Әбу Насыр әл-Фараби, Әбу Райхан әл-Бируни, Махмұд Қашқари, Қожа Ахмет Йасауи, Сүлеймен Бақырғани, Жүсіп Баласағұн тәрізді түркі халықтарының біразы ортақ ойшылдар, ғалымдар, ақындар, ғұламалар түркі халықтарынан шыға тұра кезінде араб әдебиетін, араб ғылымын, сонымен бірге дүние жүзі ғылымын дамытуға үлкен үлес қосқаны туралы пікір білдірді.
Шараға «Болашақ» университетінің&nbsp; оқытушысы, филология ғылымдарының кандидаты, доцент Сара Тайманова шәкірттерімен, «Құрылыс және бизнес» колледжінің студенттері және «Кездесу»&nbsp; клубының мүшелері&nbsp; қатысты. Оқырмандар шара кезінде кітап көрмесін тамашалап,библиографиялық шолу жасады.&nbsp;
<img src="https://kyzylorda-news.kz/wp-content/uploads/2020/02/5biblioteka2.jpg" alt="" />
<img src="https://kyzylorda-news.kz/wp-content/uploads/2020/02/5biblioteka3.jpg" alt="" />

Қызылордада ежелгі дәуір әдебиеті насихатталды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақовтың Қорқыт мұраларын насихаттауға арналған 5 жылдық кешенді іс-шаралар жоспары аясында Қызылорда облыстық филармониясында Қобызшылар ансамблі құрылды.
2020 жылдың қаңтар айында облыстық филармониясының көркемдік кеңесінің тыңдауы өткізіліп, ансамбль ақпан айының алғашқы күнінен өз жұмысын бастап кетті.
Ансамбльдің көркемдік жетекшісі – «Мәдениет саласының үздігі» төс белгісінің иегері, қобызшы Пұсырманова Салтанат Сухамберліқызы.

Қызылордада қобызшылар ансамблі құрылды

<a href="https://kyzylorda-news.kz/">Kyzylorda-news.kz.</a> Ә.Тәжібаев атындағы облыстық әмбебап ғылыми кітапханада ҚМДБ-ның Қызылорда облысы бойынша өкілдігі “Жастар ісі” секторының ұйымдастыруымен студент жастармен кездесу өтті.
Еріктілер жылына орай ұйымдастырылған кездесуде &nbsp;қазақтың ұлы ақыны Абай Құнанбайұлы мен Әбу Насыр Әл–Фарабидің өмір тарихынан сыр шертіліп, шығармашылығы таныстырылды.
«Иманды жас – ел болашағы» тақырыбында өрбіген сұхбат барысында ҚМДБ-ның облыс бойынша Бас имамы Болатбек Әбуов жастарға «ата-ананы құрметтеудің мәртебесі», “көркем мінезділік”, “имандылық”‘, “мейірімді болу” тақырыптарында өнегелі насихатын айттты. Сондай-ақ Нұр-Мүбарак университетінің 4-курс студенті Абылай Кенжалыұлы «білім алудың парыздылығы», «уақытты тиімді пайдаланудың пайдасы» жайлы сүбелі ойларымен бөлісті. Ал, қалалық «Жастар ресурстық орталығы» КММ-ның директоры Сабыржан Бауыржанұлы өңірдегі ерікті азаматтардың ерен еңбектерімен таныстыра отырып, еріктіліктің маңызы мен мақсаттарын түсіндірді.
<img src="https://kyzylorda-news.kz/wp-content/uploads/2020/01/31zhastar2.jpg" alt="" />
<img src="https://kyzylorda-news.kz/wp-content/uploads/2020/01/31zhastar3.jpg" alt="" />

Қызылордалық жастар бас қосты

<a href="https://kyzylorda-news.kz/">Kyzylorda-news.kz.</a> Қызылордада 24 қаңтар күні А.Тоқмағамбетов атындағы мәдениет үйінде Сыр елінен шыққан&nbsp;жас вокалистеріміз Халықаралық конкурстардың лауреаттары Назым Сағынтай, Алмат Избамбетов, Азат Мәлік және Тұрмағамбет атындағы халық аспаптар оркестрінің «Дархан дала» атты концерті өтті.
<img src="https://kyzylorda-news.kz/wp-content/uploads/2020/01/28darkhandala2.jpg" alt="" />

Қызылордада &#8220;Дархан дала&#8221; концерті өтті  (ВИДЕО)

«Қазақстан кәрістер қауымдастығы» Қызылорда облыстық филиалының ұйымдастырумен облыстық Қазақстан халқы ассамблеясының қолдауымен кәріс халқының Жаңа жылы – Сольналь мерекесі тойланды.
Салтанатты кешке облыстағы кәрістер этносы, облыстық этномәдени бірлестіктерінің басшылар мен мүшелері, бірлестіктің ардагерлері, қоғамдық ұйымдар, мүмкіндігі шектеулі жандар қатысты.
Мерекеге орай жиылған қауым алдында «Қоғамдық келісім» КММ директорының орынбасары Асылбек Жұмабаев, «Қазақстан кәрістер қауымдастығы» Қызылорда облыстық филиалының жетекшісі Елена Ким және өзге этномәдени бірлестіктерінің жетекшілері сөз сөйлеп, кәріс халқын Жаңа жыл мерекесімен құттықтады. Сондай-ақ, кәрістер этномәдени орталығының ардагерлері мен белсенді мүшелеріне сый сияпат көрсетілді.
Айта кету керек, биылғы жылы кәрістер қауымдастығының құрылғанына 30 жыл толады. Соған сәйкес, наурыз айында олар татулық пен келісімде өмір сүріп келе жатқандығын ауқымды түрде атап өтпекші. 1937 жылы Сыр еліне Қиыр шығыстан жер аударылған корей этносының өкілдері барлық замана ауыртпалығын еңсеруге еселі еңбегімен өз үлестерін қоса білді. Олар тағдыр теперішіне ұшыраған сәтте құшағын ашып, бауырына басқан жергілікті қазақ халқымен біте қайнасып, ынтымақта өмір сүріп, әр салада еңбек етіп, ел дамуына елеулі үлесін қосып келеді.
&nbsp;Ай күнтізбесі бойынша тойланатын жаңа жылдық мереке биылғы күнтізбеге сай 25 қаңтарда тойланды. Жаңа жылда кәріс этносы басымдықты отбасыға беретін көрінеді. Олар жас буынға, өскелең ұрпаққа ата-бабаның себэ салтын насихаттап, үлкендерді құрметтеуге шақыратын Жаңа жылды тек отбасымен бірге барлық жоралғыларды өз кезегімен орындады. Дәстүрге сәйкес бұл күні балалары ата-аналарына сәлем беріп, ал ата-аналары оларға Жаңа жылдық ақша сыйлады. Барлық отбасы мүшелері ханбок ұлттық киімін киді. Сольналь мерекесінде би де, ән де, ұлттық ойын да болды. Барлық отбасымен бірге – юннори және қазақтың лянгі тебу қозғалысты ойынына ұқсас – чегичхагиді ойнады. Келген қонақтарға кәріс ұлттық тағамдарынан әзірленген мерекелік дастархан жайылды.
<img src="https://kyzylorda-news.kz/wp-content/uploads/2020/01/27solnal2.jpg" alt="" />
<img src="https://kyzylorda-news.kz/wp-content/uploads/2020/01/27solnal3.jpg" alt="" />

Қызылордада кәріс халқының Жаңа жылы тойланды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сыр өңірінің «Алаштың анасы» атануы тектен-тек емес. Тұран ойпатындағы алып өлкенің түп-тамыры – ұлттық рух пен тарихи танымның бастауы. Сондықтан ғасырлар бойы қаншама ғылыми еңбектерге арқау болса да, туған жердің тылсым сырлары толассыз толыға түсуде. «Қазақстанның киелі жерлерінің географиясы» жобасы аясында жыл бойы жүргізілген жүйелі жұмыстар өз жемісін берді. «Сыр бойының сакралды ескерткіштері: мифтер, аңыздар, хикаяттар», «Қасиетті Қазақстан» энциклопедия­сы және атақты шайыр Тұрмағамбет Ізтілеуовтің жаңадан табылған қолжазбасы негізінде «Алаштың асыл мұрасы» атты шығармалар жинағы жарыққа шықты.
Кеше жаңа туындылардың тұсаукесер рәсімі Ә.Тәжібаев атын­дағы облыстық ғылыми әм­­бебеп кітапханада өтті. об­лыс­­­тық мәдениет, архив­тер және құжаттама бас­­қар­­­масы мен «Рухани жаң­­ғыру» ор­талығы ұйым­дас­тырған шарада облыс әкімінің орын­басары Наурызбай Байқа­дамов &nbsp;сөз сөйлеп, жарық көрген тарихи һәм ғылыми-танымдық туындылар ойлы оқырман үшін бағалы қазына екенін жеткізді.
Айталық, «Сыр бойының сакралды ескерткіштері: миф­тер, аңыздар, хикаяттар» атты жинақ облыста алғаш рет жарыққа шығып отыр. хрестоматияда Сыр өңірі қасиет тұтып, киелі деп қадірлейтін 200-ге жуық нысанның аңыз-әпсаналары топтастырылған. Атақты әулиелер мен ахундар, ишандар, ел мен жерді жаудан қорғаған даңқты батырлар, ердің құнын екі ауыз сөзбен шешкен от ауызды, орақ тілді би-шешендер мен жер-су атау­лары, көне қалалар, тарихи орындар жайлы мифологиялық әңгімелер мен аңыз-әпсаналар, хикаялар ел аузындағы фольк­лор мұрасы – халық жадының жарқын көрінісі. Жинақтың жарық көруіне «Сыр медиа» ЖШС қалам­герлері танымдық деректер жинап, аталған кітап­тың жарыққа шығуына &nbsp;үлкен шығармашылық үлес қосты.
Қызылорда облысы бо­йынша дайындалған «Қазақ­стан­­ның киелі жерлерінің гео­гра­фиясы» жобасының аясында жарық көрген «Қасиетті Қазақстан» энциклопедиясы­на «Киелі Қазақстан» ғылыми-зерттеу орталығының тұжыры­мына сәйкес, арнайы тізімге алынған қасиетті орындар, тарихи мекендер, археологиялық ескерткіштер мен көне және ортағасырлық қалалар, киелі нысандар, көр­некті тарихи тұлғалар және сая­си маңызды оқиғаларға байланыс­ты та­нымдық дүниелер топ­тастырылған.&nbsp;
«Қасиетті Қазақстан» энциклопедиясының ІІІ томына Сыр өңіріндегі сақ, оғыз, қаңлы тайпалары және қыпшақ мемлекетінің стратегиялық маңызды қалалары мен сәулет өнерінің ескерткіштері, өлкеміздің әлеуметтік-саяси өмірінде маңызды орын алатын киелі нысандары мен кешендері, барлығы 84 нысан енген. Олардың 12-сі жалпыұлттық, 72-сі өңірлік қасиетті нысандар. Аталған тізім толықтырылып отырады. Айталық, өткен жылы Қорқыт ата мұраларының ЮНЕСКО-ның материалдық емес мәдени мұралар тізіміне енгізілгені де аймақ руханиятындағы айтулы оқиға болды.
«Алаштың асыл мұрасы» кітабына Сыр топырағының перзенті, ХХ ғасыр басындағы қазақ поэзиясында үлкен орны бар Тұрмағамбет Ізтілеуовтің &nbsp;бұрын жарық көрмеген тың дүниелері жинақталған. &nbsp;Бұл кітаптың филология ғылымдарының кандидаты, түркітанушы ғалым Серікбай Қосанның авторлығымен жарыққа шығуы да – «Рухани жаңғыру» жобасының игілігі. Кешегі кеңес өкіметі тұсында қуғынға ұшырап, шығармашылығы қатаң бақылауға алынып, қолжазбалары көп жылдар бойы көміліп жатқан Тұрмағамбет ақынның ғасырлар тоғысында халқымен қайта қауышқан дүниелері ерекше маңызға ие.
Кітапта сондай-ақ, Тұрмағамбет ақынның ел арасынан жинаған әдебиет үлгілері, көне араб әліпбиінде хатқа түсірген шығармалары және Алаш қаламгерлерінің ХХ ғасыр басында Ташкентте жарық көрген қазынасы топтастырылды.
<blockquote>
 – Біз тұсауын кескелі тұрған кітаптар – Сыр елі әдебиеті мен мәдениетіне, руханиятына сүбелі үлес қосатын айрықша мазмұнды дүниелер деп санаймыз. Жас ұрпаққа туған жердің тарихы мен тұғыры биік тұлғалары жайлы мол мағлұмат беретін кітаптардың жарық көруі – аймақтың мәдени өміріндегі айтулы жаңалық. Ғалымдар мен тарихшылар бай мұраны жинақтап, жүйелеу мақсатында үлкен жұмыс атқарды. Болашақта бұл жұмыстардың жалғасын табатынына сенемін, – деді Н.Байқадамов. &nbsp;&nbsp;
</blockquote>
Шарада философ-ғалым Баймырза Қожам­берлиев, &nbsp;филология ғылымдарының кандидаты, түркітанушы Серікбай Қосан, эколог-жазушы Сайлаубай Жұбатырұлы, Тұрмағамбет Ізтілеуовтің немересі Шалқыма Әбдірауықова сөз алып, тілектестігін білдірді.
Осылайша жаңа туындылардың тұсауы кесіліп, жалпы оқырманға жол тартты.
<img src="https://kyzylorda-news.kz/wp-content/uploads/2020/01/23tusaukeser2.jpg" alt="" />
<img src="https://kyzylorda-news.kz/wp-content/uploads/2020/01/23tusaukeser3.jpg" alt="" />
<img src="https://kyzylorda-news.kz/wp-content/uploads/2020/01/23tusaukeser4.jpg" alt="" />
<img src="https://kyzylorda-news.kz/wp-content/uploads/2020/01/23tusaukeser5.jpg" alt="" />
<img src="https://kyzylorda-news.kz/wp-content/uploads/2020/01/23tusaukeser6.jpg" alt="" />
<img src="https://kyzylorda-news.kz/wp-content/uploads/2020/01/23tusaukeser7.jpg" alt="" />
<img src="https://kyzylorda-news.kz/wp-content/uploads/2020/01/23tusaukeser8.jpg" alt="" />

Қызылордада 3 құнды еңбек оқырманға жол тартты (ФОТО)

<a href="https://kyzylorda-news.kz/">Kyzylorda-news.kz.</a> Қызылордалық өнерпаз Дінмұхаммед Төлеубай І халықаралық «Арт-парад» конкурсының гран-при иегері атанды. Беларусь жерінде өткен халықаралық ән байқауында әлем елдерінен бірқатар өнерпаздарынан озық шықты.
Дінмұхамед Қызылорда қаласындағы №11 мектептің 7-сынып оқушысы. Дарынды жас бірнеше байқауларға қатысып, өнер әлеміне қадам басып келеді. Оның академиялық бағыттағы конкурстық әні қазылар алқасының жоғары бағасына ие болған.
Дінмұхаммед Төлеубай Гран-при иегері ретінде Витебскте өтетін ХХІХ халықаралық Славян базарына шақырту алды.

Қызылордалық оқушы халықаралық байқауда Гран-при иеленді

<a href="https://kyzylorda-news.kz/">Kyzylorda-news.kz.</a> Бір кітапты бір киноға сыйдыру оңай емес. Алайда режиссерлер кітаптағы қандай да бір ойды, түйінді өз көзқарасы бойынша кино арқылы жеткізуге тырысады. Назарларыңызға 2020 жылы жарыққа шығатын кітап желісі бойынша экранизацияланған фильмдер тізімін ұсынамыз.
<img src="https://kyzylorda-news.kz/wp-content/uploads/2020/01/film1.png" alt="" />
“Мінсіз бала күтуші”, 30 қаңтар
Лейла Слиманидің романы бірнеше жыл бұрын Гонкур премиясын алған болатын. Оның желісімен түсірілген фильм қаңтар айының соңында жарыққа шығады. Сюжет бойынша жас француз жұбы ұзақ іздеп, соң балаларына күтуші табады. Аз уақыттың ішінде ол үйдегі басты адамға айналады. Алайда “мінсіз” бала күтушінің ешкім ойламаған құпиялары бар болып шықты.
“Эмма”, 14 ақпан
<img src="https://kyzylorda-news.kz/wp-content/uploads/2020/01/film2.png" alt="" />
Джейн Остиннің танымал романы экранға бірінші рет шығып жатқан жоқ. Бұл кітап бойынша түсірілген ең атақты фильм – басты рөлді Гвинет Пэлтроу ойнаған 1996 жылы шыққан лента. Бұл жолы өзінің жеке өмірінің орнына құрбыларының бақытын табумен айналысатын бай қыз Эмма Вудхауздың рөлін жас актриса Ане Тейлор-Джой ойнайды. Бір қызығы, махаббат романы режиссер Отем ДеУайлдтың қолында динамикалық комедияға айналған. Сондықтан “Эмманың” жаңа нұсқасын көру артық етпейді.
“Дәрігер Дулиттлдің ғажап сапары”, 20 ақпан
<img src="https://kyzylorda-news.kz/wp-content/uploads/2020/01/film3.png" alt="" />
Роберт Дауни көрерменге үйреншіксіз кейіпте оралмақ. Ол адамдардан тыс өмір сүретін мал дәрігерінің рөлін ойнайды. Алайда күтпеген оқиғадан соң ол жайлы үйін тастап, аңыз аралға аттануға мәжбүр болады. Бұл фильм Хью Лофтингтің балаларға арналған кітабына негізделіп түсірілген.&nbsp;
“Дэвид Копперфильд оқиғасы”, 7 мамыр
<img src="https://kyzylorda-news.kz/wp-content/uploads/2020/01/film4.png" alt="" />
Чарльз Диккенс романын әр ұрпақ өздігінше түсінеді. Режиссер Армандо Ианнуччи британ классикасын экранға шығару үшін оған шынымен де интернационал актерлер құрамын шақырған. Алайда фильм сюжеті өзгеріссіз қалды: басты кейіпкер қарапайым баладан атақты жазушыға дейін қиын жолды бастан өткізеді.
“Терезедегі әйел”, 14 мамыр
<img src="https://kyzylorda-news.kz/wp-content/uploads/2020/01/film5.png" alt="" />
Әлемдік бестселлер бойынша түсірілген психологиялық триллер 2020 жылдың басты хитіне айналуы мүмкін. Оның режиссері Джо Райт болса, басты рөлдерді Эми Адамс, Гари Олдман, Джулианну Мур сынды жұлдыздар ойнайды. Сюжет бойынша, оқиға агорафобиямен (кеңістіктен қорқу) қиналатын әйелдің айналасында болады. Ол үйден шықпайды, сондықтан терезеден көрші отбасының өмірін бақылай бастайды. Бір күні ол қылмыстың куәгері болдым деп ойлайды. Бірақ ауыратын әйелдің сөзіне ешкім сенбейді. Сол кезде ол шындықты өзі анықтауға кіріседі.
“Дюна”, 17 желтоқсан
<img src="https://kyzylorda-news.kz/wp-content/uploads/2020/01/film6.png" alt="" />
Канадалық режиссер Дени Вильнев&nbsp;жасушы Фрэнк Герберттің “Дюна” романын экранға шығаруды қолға алғанына қарағанда ол – өте батыл жігіт. Себебі өз уақытында Дэвид Линч Арракис планетасы жайлы оқиғаны көрерменге толықтай ашып көрсете алмады. Алайда Дени Вильнев&nbsp;жақсы актерлік құрам таңдаған: олардың арасында Тимоти Шаламе, Ребекка Фергюсон, Джейсон Момоа бар. Ал саундтрегін Ханс Циммер жазған. Көпшілік мұндай атақты құрам жақсы фильм шығарады деп күтуде.
“Пиноккио”, 19 желтоқсан
<img src="https://kyzylorda-news.kz/wp-content/uploads/2020/01/film7.png" alt="" />
“Пиноккиоға” балалар ертегісі ғана деп қарамаңыз. Оны экранизациялауды атақты итальян режиссері Маттео Гарроне қолға алды. Лента авторы Коллоди мәтінін дәлме-дәл көрсетуді шешкен. Кітаптағы барлық фантастикалық және қорқынышты жаратылыстар фильмде көрсетіледі. 
<a href="https://massaget.kz/layfstayl/madeniet/kino/60494/">Massaget.kz</a>

2020 жылы кітап желісі бойынша шығатын фильмдер

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгіннен бастап өнер мен мәдениетті насихаттайтын тағы бір телеарна ашылды.
Бүгін таңғы 08:00-де жаңа телеарна ALMA TV кабельдік операторының желісінде тұңғыш рет эфирге шықты.
Теларна басшысы Нариман Қойшыбаевтың айтуынша, жаңа арна көрерменге тың туындылар, қызықты концерттер ұсынады.
<blockquote>
 «Жаңа телеарна музыканы насихаттайды. Бұл жоба — ресейлік франшиза. Бізге дейін Ресейде BRIDGE TV арнасымен бірлесіп, бес арна ашылған. Қазақстан және Ресей музыкасын тең дәрежеде эфирден көрсететін боламыз», — дейді Нариман Қойшыбаев.
</blockquote>
Айта кетейік, телеарнаның тұсаукесері былтыр Алматы қаласында JYL TANDAYY ұлттық музыкалық тележүлдесінің аясында өтті.
Қалың көпшілікке жол тартқан BRIDGE TV QAZAQSTAN – отандық телеарна. Қазақстанның үздік әндерімен қатар Ресейдің үздік музыкалық туындылары, концерттер, танымдық, сауықтық бағдарламалар көрсетіледі.
Жалпы, BRIDGE TV бренді ресейлік BRIDGE MEDIA музыкалық холдингіне тиесілі. BRIDGE MEDIA телеарналар тізімінде BRIDGE TV, BRIDGE CLASSIC, BRIDGE TV DELUXE, BRIDGE TV РУССКИЙ ХИТ бар. BRIDGE TV HITS-тен жаңадан ашылған BRIDGE TV QAZAQSTAN алтыншы болып ашылып отыр.
Телеарна Қазақстан музыкалық кеңістігінде кәсіби телевизиялық өнімдерді насихаттайды. Музыкалық индустрияны дамытуды көздеп отыр.

Қазақстан және Қызылорда облысының жаңалықтары: Мәдениет

Қызылордада оқырмандарға арналған Абай клубы ашылды

Қазақстанның астанасы болған тоғыз қала туралы білесіз бе?

«Абай» операсы Мәскеудегі Үлкен театрда сахналанады

Қызылордада ежелгі дәуір әдебиеті насихатталды

Қызылордада қобызшылар ансамблі құрылды

Қызылордалық жастар бас қосты

Қызылордада “Дархан дала” концерті өтті (ВИДЕО)

Қызылордада кәріс халқының Жаңа жылы тойланды

Қызылордада 3 құнды еңбек оқырманға жол тартты (ФОТО)

Қызылордалық оқушы халықаралық байқауда Гран-при иеленді

2020 жылы кітап желісі бойынша шығатын фильмдер

Қазақстанда жаңа телеарна ашылды

Қазақстан және Қызылорда облысының жаңалықтары: Мәдениет

Қызылордада оқырмандарға арналған Абай клубы ашылды

Қазақстанның астанасы болған тоғыз қала туралы білесіз бе?

«Абай» операсы Мәскеудегі Үлкен театрда сахналанады

Қызылордада ежелгі дәуір әдебиеті насихатталды

Қызылордада қобызшылар ансамблі құрылды

Қызылордалық жастар бас қосты

Қызылордада &#8220;Дархан дала&#8221; концерті өтті (ВИДЕО)

Қызылордада кәріс халқының Жаңа жылы тойланды

Қызылордада 3 құнды еңбек оқырманға жол тартты (ФОТО)

Қызылордалық оқушы халықаралық байқауда Гран-при иеленді

2020 жылы кітап желісі бойынша шығатын фильмдер

Қазақстанда жаңа телеарна ашылды

Қызылордада “Дархан дала” концерті өтті (ВИДЕО)