Фото: ulysmedia.kz<a href="https://kyzylorda-news.kz/ru">Kyzylorda-news.kz.</a> <a href="https://www.youtube.com/watch?v=dQcWZ-Y7MD0">Adal Adam</a> youtube арнасына берген сұхбатында әнші Жанар Айжанова Баян Алагөзова мен Салтанат Нүкенованың оқиғалары туралы пікірін айтты. Әйелін өлтірді деген күдікке ілінген экс-министр Қуандық Бишімбаевқа қатысты Жанар Айжанова бір нәрсені ескеру керектігін жеткізді.<blockquote>«Марқұм Салтанаттың күйеуі де көзі ашық, көкірегі ояу дейміз. Былай қарағанда менің күйеуім осындай болсын деген білімді жігіт. Шетелде оқып келген, қызметте жүрген, ол да тегін бала емес қой негізі. Оның тәрбиесі қалай ақсады? Оны алыстан іздеу керегі жоқ. Біз бесік жырынан қаштық. Сосын қазақтың сал-дәстүрінен өз қағидаларымыздан гөрі Европамен қоректендірдік. Европаныкі жақсы, мен қарсы емеспін. Бірақ оған дейін біз баланы тойдырып жіберуіміз керек еді өзіміздің салт-дәстүрімізбен, мәдениетімізбен, дінімізден хабар беріп. Ол енді Европапаланған бала келді де бәрі европаша-европаша, енді не болды?» &nbsp;‒ деді әнші.</blockquote>Журналистің «Кезінде продюсер Баян Алагөзованы бірінші күйеуі пышақтаған кезде бұрынғы президент қазіргі президент сияқты тез реакция бергенде жағдай күрделенбес еді» деген пікіріне де өз ойын ортаға салды.<blockquote>«Баянның айтатыны «әйел құл емес, әйел - адам». Екі жақты диалог болу керек, еркіндік болу керек. Неғұрлым еркін ұстап, неғұрлым еркелетсең, соғұрлым ол сені жақсы көреді. Айтады ғой еркектің еркек мысы басып тұрған кезде әйелге қорған болған кезде кез-келген өзі бетпақ болып кеткен әйел шыдамай жүрегі еріп кетеді. Еркектің ондай қасиеті болу керек негізі. Баянның сөзін жоққа шығармаймын. &nbsp;Еркектер көбіне ашуға берілген кезде екі ортада баланы ойламайды. Әйелін өлтіріп тастап жатады, инвалид қылып жатады, тепкілеп ұрып жатады. Анасы өліп жатса, қанша ит болса да анасынан артық балаға ешкім карай алмайды. Білмеймін әйелді жау көріп алған. Одан біз көгермейміз. Ол қуанатын нәрсе емес. Ол кезде елбасы болған Назарбаевтың неге кіріспеді деген сұраққа жауап бере алмаймын. Өйткені мен саясатпен өмірі кіріспеген адаммын», ‒ деді.</blockquote>Жанар Айтжанованың ойынша, адамдарды соттап, түрмеге тоғытып түзете алмаймыз. Баян мен Салтанатқа қатысты жағдайды болдырмау үшін отбасыдағы тәрбиеден бастау керек.<blockquote>«Отбасында әке әке орнында, ана ана орнында, ене ене орнында жүрсе, жанағыдай ақиқатта ақ пен қараны анығын айтып, батыратын жерінде батырып айтып, келген келінге және күйеу балаға құрмет, ізет көрсетіп отырсақ, бұның біреуі де болмас еді. Отбасында ақсамай өскен, бесік жырын тындап өскен, әке-шешесі үстел басынан бата қайтармай тұрғызбаған, аузынан Алласы түспеген болса, “балам біреудің ала жібін аттама, сен ер азаматсың, ертең отбасын болғанда өс-өн, жақсы келін әкел, көсегең көгерсін” дее естіп өспеген баладан не талап етесің?» ‒ деді әнші.</blockquote>

«Күйеуім осындай болсын деген білімді жігіт»: Жанар Айжанова Қуандық Бишімбаев туралы айтты

Фото: turkystan.kz<a href="https://kyzylorda-news.kz/ru">Kyzylorda-news.kz.</a> &nbsp;Әнші Жанар Айжанова <a href="https://www.youtube.com/watch?v=dQcWZ-Y7MD0">Adal Adam </a>youtube арнасына хиджап киген қыздардың саны көбейгеніне қатысты ойын айтты. Жанар Айжанованың айтуынша, ол қыздар хиджапты біреудің ықпал етуімен киеді. Тіпті оранған блогер мен әншілерге ақша берілетіні туралы естігенін мойындады Adal Adam youtube арнасында.<blockquote> «Секта деп айта ма, төлейді деп айтты, өйткені кейде хиджап киген қыздардың әке-шешенің кіндіктен төмен сылап, неше түрліні айтып, еркектерді боқтап жатқанды көрген кезде мынауың адам емес қой деп ойлайсың. Сосын мен естідім түнгі клубтан шығып, таңертең скамейкада мас есін жиып ұйықтап жатыр дейді (...) Осы ұйым болса, оның ішінде иманы әлсіз ақша үшін сондай адамдарды тандап алып, бір-екі мақалын, хадисін айтып улайды да, ол бірден қатты кетеді. Қатты кеткеннен кейін ана байғұс артында бұрынғы әдеті тартып тұрады, болмайын десе ана жақтан алған ақшасы бар, хиджапты киіп қойды», ‒ дейді әнші.&nbsp;</blockquote> Оның айтуынша, қазіргі заманда жастарды адастырушылар көп. Олардың қармақтарына тіпті белгілі әншілер де түсіп жатады.<blockquote> «Мен бір-екеуін білемін. Атын айтпай-ақ қояын. Менің бір көршім болған. Үйге неше түрлі кітап алып келіп, содан кейін айттым «Айналайын қойшы, сенсіз де білемін». Ол «Жоқ, мен енді тек қана Алла туралы ән айтамын, бәрінен бездім, қонаққа барғанда тамақ ішпеймін». Қазір қайтып келген. Одан кейін біреуі кетті Меккеге. Бір қарасам, Құранды алдына ақ матаға орап алған. Автобуста келе жатырмыз, Наурыз ба бір нәрсені өткізуге кеткенімізде басқа қалаға. Қазір ол да қайтты. Басында қатты кеттік қой деді адасып», ‒ деді әнші.</blockquote> Намаз – жұртқа көрсететін авторитет емес, діни жолға түстім деп жарнама жасаудың керегі жоқ, деп ойлайды Жанар Айжанова.&nbsp;<blockquote> «Намаз оқитын көп адамның бүркеніп жүруі міндет пе, міндет емес пе білмеймін. Орамал сырт киім ештеңеден құтқара қоймайды. Бір жерге барсам, «Мен намазға келгеннен кейін» дейді. Оған дейін ол не кісі өлтірді ме, ұрлық жасады ма(...)Өлгенше әжем намазын оқып кетті. Жұма күні қораға барып, бір шәйнек жылы суды алып келіп, төбесінен бастап құяды, мен киімін ұстап тұрамын. Осылай қақаған 40 градус аязда. Нағыз мұсұлмандар сол. Оразасын ұстайды, бірақ ешкімге артық әнгіме айтқан жоқ», ‒ дейді ол.</blockquote>

Хиджап киген әнші-блогерлерге ақша төлейтінін естідім - Жанар Айжанова

<a href="https://kyzylorda-news.kz/ru">Kyzylorda-news.kz.</a> Қазақстанда бірыңғай уақыт белдеуі белгіленеді, - деп хабарлайды Massaget.kz.2024 жылғы 1 наурызда сағат 00:00-ден бастап&nbsp;елдің бүкіл аумағында бірыңғай уақыт белдеуі орнатылады.Сауда және интеграция министрлігінің хабарлауынша, Астана, Алматы, Шымкент қалаларының әкімдіктері, Ақмола, Алматы, Жамбыл, Қарағанды, Қостанай, Павлодар, Солтүстік Қазақстан, Түркістан, Шығыс Қазақстан облыстарында және Абай, Жетісу, Ұлытау облыстарында 29 ақпаннан 1 наурызға қараған түні (сағат 00:00-де) жергілікті уақытты 1 сағатқа артқа қою керек.&nbsp;Фото: <span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">pixabay&nbsp;

Қазақстанда бірыңғай уақыт белдеуі белгіленеді 

Фото: pixabay<a href="https://kyzylorda-news.kz/ru">Kyzylorda-news.kz.</a> Қазақстандықтар 3,8 триллион теңгеге жуық қаржыны баспана сатып алуға және емделуге жұмсаған, деп <a href="https://kyzylorda-news.kz/ru">Kyzylorda-news.kz.</a> ақпарат агенттігі Zakon.kz сілтеме жасап хабарлайды.Қазақстандықтар тұрғын үй сатып алуға және (немесе) емделуге 1,9 млн өтінішке сәйкес шамамен 3,8 трлн теңге көлеміндегі зейнетақы жинақтарын пайдаланды.Естеріңізге сала кетейік, зейнетақы жинақтарын азаматтар БЖЗҚ-дағы зейнетақы жинақтарының тұрғын үйге, емделуге немесе басқарушы компанияларға аударуға қолжетімді сомасы шегінде бірнеше рет пайдалана алады.2021 жылғы қаңтардан бастап 2024 жылғы 1 қаңтардағы жағдай бойынша "БЖЗҚ" АҚ салымшылардың (алушылардың) тұрғын үй жағдайларын жақсарту үшін зейнетақы жинақтарын пайдалануға берген 1 453 904 өтінішін орындады. БЖЗҚ қазақстандықтардың уәкілетті оператор-банктерде ашылған арнайы шоттарына 3,3 трлн теңгеден аса қаржы аударды.Біржолғы зейнетақы төлемдерінің орташа сомасы шамамен 2,3 млн теңге.БЖЗҚ емделу үшін жалпы сомасы 419,3 млрд теңге болатын 477 866 өтінішті орындады. Алынған соманың орташа мөлшері 0,88 млн теңге.Өтініштердің 96,5% стоматологиялық қызмет алу үшін, 2,5% офтальмологиялық қызметтерді алу бойынша орындалды. Қалған медициналық бағыттарға зейнетақы жинақтарының шамамен 1% пайдаланылды.

Зейнетақы қорынан баспана алу және емделу үшін 3,8 триллион теңге алынды

<a href="https://kyzylorda-news.kz/ru">Kyzylorda-news.kz.</a> 2024 жылдың басынан бастап Қазақстанда танымал WhatsApp мессенджерін қоса алғанда, әлеуметтік желілер арқылы алаяқтық жағдайлары жиілеп кетті. Алаяқтардың қандай сценарийлерді қолданатындарын Fingramota.kz-пен &nbsp;бірге қарастырып көрелік.&nbsp;Алаяқтықтың тағы бір түрі - азаматтарға телефон соғу&nbsp;2024 жылдың басынан бастап қазақстандықтардың TikTok әлеуметтік желісінде қателесіп жіберілген ақша аударымдары жөнінде жазған өтініштері жиілеп кетті. Бұл жердегі алаяқтықтың схемасы мынадай: алаяқтар онлайн-банкингтің көмегімен азаматтардың шоттарына белгілі бір ақша аударымдарын жібереді. Бұдан кейін ықтимал құрбанның мобильдік нөміріне ақшаны басқа адамға &nbsp;«қателесіп» жіберген адамнан қоңырау түседі. Алаяқтар түрлі аңыз оқиғаларды айтып, мәселен, бұл ақшаны «бала емдеуге арналған соңғы ақша еді, аударымның клиниканың, дәріхананың және т.б. шотына түсуі қажет еді» деген уәждер келтіреді. Енді олар кері аударым жасауды, бірақ ақшаны басқа нөмірге &nbsp;жіберуді сұрайды. Олардың атаған нөмірі сіздің нөміріңізге ұқсас болуы мүмкін, тек бір-екі саны басқа болуы ықтимал. Егер сіз ақшаны аударатын болсаңыз, онда сіз де алаяқтық схемаға қатысушы болып шығасыз, себебі сіздің шотыңыз транзит шот ретінде пайдаланылуы мүмкін.&nbsp;Үнемі өз шотыңыз бойынша үзінді-көшірмені қарап, зерттеп отырыңыз, ол сізге кімнен және қашан ақша түскенін түсіну үшін қажет. Егер сіз ақша аударымы қате екендігіне 100% көз жеткізсеңіз, онда банкке соманы қайтару жөнінде жазбаша өтініш жазыңыз және қаржы институты ҚР заңнамасы бойынша төлемдерді қайтару рәсіміне сәйкес кері аударым жүргізеді.SMS&nbsp;–&nbsp;хабарламалар арқылы алаяқтық&nbsp;Қазпоштадан келетін SMS – хабарламалардың көмегі арқылы карточкадан ақшаны шешіп алу кеңінен таралуда. Оның сценарийі бесенеден белгілі: қаскүнемдер болашақ құрбанына хабарлама жібереді, онда сәлемдемені мекенжай көрсетілмегендіктен жеткізу мүмкін емес деп жазады. Хабарламаның мәтінінде мекенжайды енгізіп, сілтеме бойынша өтіп, жеткізуге қайта өтінім жасауды сұрайды. Бұдан кейін алаяқтар Қазпоштаның ресми сайтының интерфейсімен (тауарды немесе жеткізуге ақы төлеуге арналған) бірдей қоса берілген сілтемеге өтуді сұрайды. Егер сіз ол сілтемеге өтсеңіз, онда интернет-алаяқтар бірнеше секундтардың ішінде сіздің шотыңызды &nbsp;тазалап шығуы мүмкін.&nbsp;Фишинг – қаржылық алаяқтықтың бір түрі, мұнда қаскүнемдер клон, мәселен, қаржы институттарының танымал сайттарының клонын ойлап табады және қолда бар пошталық мекенжайлардың базасы арқылы фишингтік сілтемелерді таратады.Егер сіз шынымен де сәлемдеме күтсеңіз, онда оның мәртебесін сайттан немесе post.kz мобильді қосымшасынан тексеріңіз, сондай-ақ ақпаратты 1499 қысқа нөмірі бойынша нақтылауға болады.Кеңінен таралған алаяқтықтың тағы бір тәсілі – WhatsApp-тағы аккаунтты қолдана отырып, барлық қолда бар байланыс телефондарына жалған шоттар көрсете отырып, түрлі сылтаумен ақша жөнелту өтінішімен мәтін таратады. WhatsApp арқылы жалған кірулер және мессенджер пайдаланушысы үшін оның салдары туралы біз бұрын жарияланған материалдарда&nbsp;айтқан болатынбыз.Fingramota.kz &nbsp;пайдаланушыларға сіздің WhatsApp-аккаунтқа қатар кірудің болуын «Теңшеу» қосымшасынан және «Қоса жүрген құрылғылар» қосымша бетіне өте отырып, тексеруге болатындығын қайтара еске салады. &nbsp;Егер осы қосымша бетте белгісіз құрылға көрінсе, оны сіз қоспаған болсаңыз, дереу осы сессиядан шығыңыз.Сондай-ақ, ешқашан:Авторизацияланбаған дүкендерден смартфонға қосымша орнатпаңыз;Күдікті сілтемелер бойынша өтпеңіз және конфиденциалдылық теңшеулеріне мұқият болыңыз;Антивирус бағдарламасын жаңартуды ұмытпаңыз, ол сіздің гаджетіңізге алаяқтық шабуылдар болған жағдайда, оларды бұғаттайды;Ақшаға қатысты кез келген ұсыныстарға, лотереядағы ұтыс болсын, кездейсоқ аударым немесе достарға көмек сияқты ұсыныстарға да сақтықпен қараңыз;Кез келген ақпаратты мұқият, қайта-қайта тексеріңіз және қаржыға қатысты маңызды шешімдер қабылдаған кезде асықпаңыз.Өзіңізге және өз ақшаңызға абай болыңыз және Fingramota.kz-пен бірге алаяқтықтың жаңа схемалары туралы хабардар болыңыз!&nbsp;&nbsp;

Қазақстандықтардың назарына: Алаяқтықтың жаңа түрі тарап жатыр

<a href="https://kyzylorda-news.kz/ru">Kyzylorda-news.kz.</a> Мұраны ресімдеуге байланысты мәселелер Қазақстанның барлық азаматтарына қатысты және әрқашан өзекті. Мұрагерлік жағдайында заңды білмеу барлық процестерді едәуір қиындатады және тіпті жаман салдарға әкелуі мүмкін. Fingramota.kz мұрагерге қандай қарыздар және қандай мөлшерде өтетіндігі және олардан қалай бас тартуға болатындығы туралы бөліседі.&nbsp;Мұрагерлерге қандай борыштар берілуі мүмкін?Қазақстан Республикасы Азаматтық кодексінің (бұдан әрі – ҚР Азаматтық кодексі) 1038-бабына сәйкес қайтыс болған азаматтың мұрасы әмбебап құқықтық мирасқорлық шарттарында мұрагерге (мұрагерлерге) бірлік ретінде өтеді. &nbsp;Мұраның құрамына мұра қалдырушыға тиесілі мүлік, сондай-ақ оның қайтыс болуымен өмір сүруі тоқтатылмайтын құқықтар мен міндеттер кіреді (ҚР АК 1040-бабы).АК-нің 6-бөлімінің 1040 бабы 1-тармағының бірінші бөлігіне сәйкес мұраның құрамына мұра қалдырушыға тиесілі мүлік, сондай-ақ оның қайтыс болуымен өмір сүруі тоқтатылмайтын құқықтар мен міндеттер кіреді.Мұраның құрамына мұра қалдырушыға қайтыс болған күні тиесілі заттар, өзге де мүлік, оның ішінде мүліктік құқықтар мен міндеттер, яғни борыштар кіреді.Жалпы ережелер бойынша коммуналдық төлемдер бойынша, кредиттер бойынша борыштар, салық қызметтері есептеген шарттық борыштар, өсімпұлдар, айыппұлдар мен айыпақылар және т. б. мұраға жатады. Яғни, егер мұра қалдырушы тірі кезінде коммуналдық қызметтерді, айыппұлдарды және өз кредиттерін төлемесе, онда төлемдер тікелей мұра алушыға өтеді.Мұраны алу үшін мұрагер оны қабылдауы керек екенін атап өтеміз.Мұраның құрамына мұра қалдырушының жеке басына тікелей байланысты құқықтар мен міндеттер кірмейді. Мысалы: адамның өміріне немесе денсаулығына келтірілген зиянды өтеу құқығы; алименттер; егер заң актілерінде немесе шартта өзгеше белгіленбесе, заңды тұлғалар болып табылатын ұйымдарға мүше болу құқықтары; зейнетақы төлемдеріне құқықтар; еңбек заңнамасы және Қазақстан Республикасының әлеуметтік қамсыздандыру саласындағы заңдары негізінде жәрдемақылар мен басқа да төлемдер; мүліктік құқықтармен байланысты емес мүліктік емес жеке құқықтар.Мұра қалдырушыда берешектің бар-жоғын қалай анықтауға болады?Сіз бұл мәселені мұраны рәсімдеумен айналысатын нотариус арқылы біле аласыз. Мұра қалдырушыдан сақтандыру рәсімделді ма және оның қайтыс болуы сақтандыру жағдайы болып табыла ма деген ақпаратты алу мүмкіндігі болуы мүмкін. Бұл мәселелер, әдетте, сақтандыру шартында жазылған.Есіңізде болсын, кредиторлардың құқығы ескіру мерзімі ішінде жүзеге асырылуы мүмкін. Қазақстанда талап қоюдың жалпы мерзімі ҚР Азаматтық Кодексінің 178-бабына сәйкес үш жылға белгіленеді.Бұл ретте Қазақстан Республикасының банк заңнамасында банктік қарыз шарттарын орындамау және (немесе) тиісінше орындамау бойынша талап қою мерзімі бес жыл болып белгіленген.Қарыздар мұраның нарықтық құнын жабатындығын қалай білуге болады?Мұра қалдырушы мүлкінің нарықтық құнын белгілеу үшін мүлікке бағалау жүргізу қажет. Мүлікті бағалауды мамандандырылған бағалаушы компаниялар жүзеге асырады. Мүлікті бағалау мұраны қабылдау енгенге дейін жүргізілуі керек екеніне назар аударыңыз, өйткені бағалауды қайта қарау мүмкін болмайды. Алынған мәліметтер қарыздардың алынған мұраға сәйкес келетіндігін түсініп қана қоймай, мемлекеттік баж салығын есептеу үшін пайдалы болады.Мұрагерлік бойынша қарыздарды қабылдаудан бас тартуға бола ма?&nbsp;Иә, мұрагер мұра ашылған күннен бастап алты ай ішінде мұрадан бас тартуға құқылы. Мұраның бір бөлігінен бас тартуға, ескертпелермен немесе шартпен мұрадан бас тартуға жол берілмейді.Қалай болғанда да, сіз мүлікті – пәтерді/автокөлікті/жер телімін қабылдап, әрі қарызды (ипотека немесе кредит) төлеуден бас тарта алмайсыз. Егер сіз мүлікті қабылдауға шешім қабылдасаңыз, онда оған тығыз байланысты қарыздарды қабылдауға тура келеді. Заң бойынша және өсиет бойынша мұрагерлер қарыздар бойынша жауап береді. Егер сіз мұраны қабылдау туралы шешім қабылдаған болсаңыз, онда сіз еш жерде өтініш жасай алмайсыз және өз құқықтарыңызды мәлімдей алмайсыз. Бірақ бұл жағдайда сіз ешқандай әрекет жасамауыңыз керек, яғни мұра қалдырушының мүлкін пайдалану, коммуналдық қызметтерді төлеу, жөндеу жұмыстарын жүргізу және т.б. Егер сіз білместен мұраны қабылдау туралы өтініш берген болсаңыз және кейінірек ойыңызды өзгерткен болсаңыз, онда сіз мұраға құқықтар туралы куәлік алғанға дейін нотариусқа мұрадан бас тарту туралы өтініш беруіңіз керек. Әйтпесе, осы құжатты алғаннан кейін сіз мұрадан тек сот арқылы бас тарта аласыз.Мұрагерлік борыштарды қалай өтеуге болады?&nbsp;Егер Сіз мұрагерлік құқығына ену және мұра қалдырушының борыштарын қабылдау туралы шешім қабылдасаңыз, онда Сіз төлемдерді бастапқы қарыз шартында көрсетілген, белгіленген өтеу кестесі бойынша төлейсіз. Сіз өтеу кестесіне қанағаттанбауыңыз мүмкін немесе Сіз мерзімінен бұрын төлем жасағыңыз келеді - осы мәселелердің барлығы кредитормен талқылануы керек. Осылайша Сіз қажетсіз проблемалардан аулақ бола аласыз және қарызға батпайсыз.Борышкер қайтыс болғаннан кейін төлемді кешіктіргені үшін қарыздар өсуі мүмкін бе?Әдетте, кредитор қарыз алушы қайтыс болған күнгі айыппұл мөлшерін белгілейді. Нотариуста мұрагердің қарыздары бар-жоғын алдын-ала анықтап, айыппұл есептемеу және мұрагерлік құқығына енгенге дейін қарызды «тоқтатуды» талап ете отырып, кредиторларға қайтыс болуы туралы куәлікті тездетіп берген дұрыс. Егер кредитор айыппұл пайыздарын есеп қойған болса, Сіздің қайта есептеуді талап етуге құқығыңыз бар.&nbsp;Мұрагер кәмелет жасқа толмаған болса, не істеу керек?Қазақстан Республикасының Азаматтық кодексінде кәмелет жасқа толмаған мұрагерлер үшін мұра қалдырушының міндеттемелері бойынша ерекшеліктер белгіленбегенін атап өткен жөн. Кәмелет жасқа толмаған баланың қамқоршылары болғандықтан, қамқоршылар оның атынан мұрагерлік құқыққа ие болады, тиісінше, қамқоршылар мұрагерлік құқыққа ие болғаннан кейін қарыздарын төлейді.Мұрагер өзін банкрот деп жариялай ала ма?&nbsp;Қазақстанда жеке тұлғаның банкроттығы заңнамада қарастырылмаған. Егер сіз пәтерді немесе үйді мұра етсеңіз, мүліктің кепілге қойылғанына назар аудару керек. Бұл жағдайда кредитор Сізден қарызды қабылдауды талап етуге немесе кепілге қойылған мүлікті сатуға құқылы.Мұрагерлік рәсімінде нотариусқа қою керек көптеген сұрақтар туындайды. Мұраны қабылдамас бұрын, бәрін мұқият талдап, асығыс әрекет жасамауды ұсынамыз. Егер Сіз басқа адамның қарыздарын төлей алмасаңыз, онда Сіздің бүкіл мұрадан бас тартқаныңыз жөн.Сақ болыңыз, өзіңізді қорғаңыз және Fingramota.kz-мен қаржылық сауаттылығыңызды арттырыңыз!&nbsp;

Қайтыс болған адамның қарызын төлемеуге бола ма?

<a href="https://kyzylorda-news.kz/ru">Kyzylorda-news.kz.</a> 19 қаңтарда елдің басым бөлігінде кең ауқымды антициклонның әсерінен жауын-шашынсыз күн райы күтіледі.&nbsp;Елдің тек батыс, солтүстік-батыс және солтүстік аудандарында атмосфералық фронттардың өтуімен құбылмалы ауа райы болжанады – қар жауып, жаяу бұрқасын болады.Қазақстанның барлық аумағында – тұман, оңтүстікте, оңтүстік-шығыста көктайғақ, желдің күшеюі күтіледі.Фото: Нұрболат Нұржаубай

Жұмаға арналған ауа райы болжамы 

&nbsp;<a href="https://kyzylorda-news.kz/ru">Kyzylorda-news.kz.</a> Бала психологиясын білу баланың үйлесімді тұлғасын қалыптастыруға көмектеседі. Нәресте дүниеге келген соң алты айдан кейін медициналық тексерістен өтеді сол кезден бастап психологтан кеңес алған жөн. Себебі сәби сол кезеңде ең алғаш қоршаған ортадағы заттарға қызыға бастайды. Бала қиыншылықтан аман өтуге, қуанышын бөлісуге психологтың көмегі зор деп есептейді Қызылорда қаласындағы «ДостарМедline» клиникасының психологы Ғазиза Жетпісбайқызы.<blockquote>«Алты айлық бала атын атағанда реакция білдіре алуы қажет. &nbsp;Әр жасқа толған кезде психологиялық тексерістен өткен жөн. Балада болып жатқан өзгерістерді бақылауда ұстап, оны балаға түсіндіре алуымыз керек. Себебі бүлдіршіндерге көңіл бөле алмайтын ата-аналар көп. Соның нәтижесінде бала өзін де өзгені де түсіне алмай жатады», деді Ғазиза Жетпісбайқызы.</blockquote>Оның айтуынша баланың психологиясын зерттемес бұрын ерлі зайыптылар өз қарым-қатынастарын жөнге келтіру керек. Арадағы ұрыс керіс, жүктілік кезіндегі жайсыздық сәбиге әсер етпей қоймайды. Содан бала тілінің уақытынан кеш шығуы, өз жасынан кеш дамуы пайда болады.<blockquote>«Бала тілінің кеш шығуының негізгі түйіні ер мен әйелді бір бірімен дұрыс сөйлесе алмай жиі ұрыс керістің салдарынан жүктілік кезіндегі стрес жағдайлардың көп болуы ең негізгі фактор. Себебі балалар ата-ананың айнасы. Отбасында ұрыс жиі болса балада жиі ауырып қала береді. Бала энергетикалық тұрғыдан анаға тікелей байланысқан сондықтан ананың ішкі күйін реттеуді кеңес берер едім», деді маман.</blockquote>Бүгінде жиі тараған әлеуметтік желідегі бейнежазбаларға қарасақ баланы ұрып-соғып тәрбиелейтін ата-аналар мен тәрбиешілердің бар екеніне көзіміз жетті. «Баланы жастан...» дегенді жазалу деп түсінетін үлкендер оң-солын әлі ажырата білмеген бүлдіршіндерге де жұдырық ала жүгіреді.<blockquote>«Бала толық санасы қалыптасып мектеп жасына барғанда өз әрекетіне есеп бере алауды қалыптастыра бастаған жөн. Баланың түсінуі әр түрлі болғандықтан өз деңгейінде жететіндей ескертулер жасаған дұрыс. Енді жазалаудың әр түрлі формасы болады ұру, қорқыту, шектеу деген секілді. Мен ұруға қарсымын. Қалғандарын қолдануга болады. Бала бұзықтық жасаса демек себебі бар. Баламен ашық сөйлесу қажет. Балаңызға тым жайлы орын дайындамаңыз дер едім. Оларды өмірдің қиындығын жеңе алатындай етіп өсіру маңызды. «Балаңды аясаң аяма» дейді ғой. Сол мақал өте орынды», - деп пікір білдірді психолог Ғазиза Жетпісбайқызы.</blockquote>Маманның айтуынша бала арман-мақсатының орындалу жолындағы қиындықты өз бойынан өткізіп, сезіне білуі керек. Яғни сапалы дүниенің арзан, оңай келмейтінін түсінуі қажет.<blockquote>«Балаға еркіндік керек. Күн тәртібін бастапқы кезде бірлесіп, кейін өзі жасағаны дұрыс. Баланың бос уақытын қалдырмай, барлық үйірмелерге жаздырып қою дұрыс емес. Өзінің ішкі әлемімен оңаша қалуға мүмкіндік беру қажет. Іші пысқан кезде балаға идея келеді. Міне сол кезде дұрыс бағыттап жіберсе бала өз орнын тауып кетеді. Бала күнінде қажеттіліктің туындауы жалпы білімге материалдық жағдайға ол оның мақсатымен арманына айналады. Оған жету және жету жолындағы сезімдер өмірдің мәнін түсіндіреді. Мысалы, жасөспірім шақта «айфон» ала алмадым, қатарымнан кем қалдым деген ой мазалуы мүмкін. Осы кезде дұрыс ақыл айтылса бала өзін ешқашан ешкіммен салыстырмай қолдағы дүниені қадірлеуді, өз мүмкіндігі болғанда жетуге болатынын түсінеді», - дейді ол.</blockquote>Балаға айтқан ақылымызға құлақ асып, мінсіз, тәртіпті болғанын қалаймыз. Бірақ ондай балалар ата-анаға жағымды болғанымен іштей өздерін бақытсыз сезінеді деген маман пікірімен келісесіз бе? Әлде бала күнімізде «қырық үйден болған тыйыммен-ақ» өстік кем болмадық. Сол тәртіптің арқасында өмірдің түзу жолын таптық дейсіз бе? Бұл мәселеде маманның пікіріне құлақ асайық.<blockquote>«Ата-ананың айтқанынан шықпайтын қоғамға өте ыңғайлы балалар қанша жетістікке жетсе де өзін іштей бақытсыз сезінеді. Сондықтан балам айтқанды жасамай жатыр деп қапаланбаңыз. Демек оның өзінің пікірі бар деп түсініңіз. Оған қателік жасауына, осы өмірде өз тәжірибесін алуға мүмкіндік беріңіз. Ата-ана ретінде сырттан бақылаңыз. Керек кезде көмектесетін қолдайтын, қамқор жандар екеніңізді білдіріңіз. Сол кезде бала сіздерге сенетін әрі не нәрсені де келісіммен жасауды үйренеді», деді «ДостарМедline» клиникасының психологы Ғазиза Жетпісбайқызы. &nbsp;</blockquote>Фариза ОМАРОВА

Психолог: Балам айтқанды қылмайды деп қапаланбаңыз

Фото: gov4c.kz<a href="https://kyzylorda-news.kz/ru">Kyzylorda-news.kz.</a> 2023 жылы қазақстандықтар көліктерінің VIP нөмірлерін алуға 10 миллиард теңгеден астам қаражат жұмсаған, деп хабарлайды Zakon.kz.2024 жылдың 18 қаңтарындағы есеп бойынша, мамандандырылған халыққа қызмет көрсету орталықтары жыл ішінде 30 мыңға жуық сұранысқа ие мемлекеттік тіркеу нөмірлік белгілерін берген.<blockquote><ul><li>Көлік иелері олар үшін 10 миллиард теңгеден астам төлеген. Салыстырмалы түрде айтсақ, 2022 жылы қазақстандықтар VIP нөмірлерге 7 миллиард теңгеден астам ақша жұмсаған, - деді "Азаматтарға арналған үкімет" мемлекеттік корпорациясы.</li></ul></blockquote>Мамандар 2023 жылы ең жылдам сатылатын нөмірлер 010, 020, 030, 040, 050, 060, 070, 077, 080, 090, 707 болғанын түсіндірді. Әр нөмірдің бағасы 57 АЕК (210 444 тенге) құрайды.<blockquote><ul><li>VIP желісіндегі ең қымбат нөмірлер – 001, 002, 003, 004, 005, 006, 007, 008, 009, 777 бірдей әріптері бар. Мұндай нөмірлердің әрқайсысы көлік иесіне 285 АЕК (2024 жылы - 1 052 220 теңге) тұрады, - "Азаматтарға арналған үкімет" мемлекеттік корпорациясы.</li></ul></blockquote>

Қазақстандықтар автокөліктердің нөмірін алуға 10 миллиард теңге жұмсаған

<a href="https://kyzylorda-news.kz/ru">Kyzylorda-new.kz.</a> &nbsp;Арыста газ баллоны жарылып, 2 адам зардап шекті. Оқиға наубайханада болған, деп хабарлайды <a href="https://kz.otyrar.kz/2024/01/arysta-gaz-ballony-zharylyp-2-adam-awyr-halde-awrwhanaga-tusti/">Оtyrar.kz</a>.&nbsp;Термиялық күйік шалған екі қызметкер ауыр халде ауруханаға жеткізілді.Анықталғандай, наубайхана мен жақын орналасқан дүкеннің 200 шаршы метрге жуық аумағы өртке оранған. Құтқарушылардың айтуынша, газ баллондарының бірі өрт орнына жақын тұрғандықтан газ тез қызып, жарылыс болған. Екі адамның денесінің 30 және 70 пайызын күйік шалған.Оқиға орнынан 50 литрлік екі газ баллоны және 25 литрлік екі баллон шығарылды.Фото: Нұрболат Нұржаубай

Арыста жарылыс болып, екі адам ауыр халде ауруханаға жеткізілді 

<a href="https://kyzylorda-news.kz/ru">Kyzylorda-news.kz.</a> Христиан православтарының «Шоқыну» мерекесінде Сырдариядағы судың қатпауына байланысты суға түсу рұқсат етілмеген.&nbsp;

Шоқыну мерекесінде суға түсу рұқсат етілмеді 

<a href="https://kyzylorda-news.kz/ru">Kyzylorda-news.kz.</a> Қыс мезгілінде облыстағы су айдындарында балық аулау кезіндегі қауіпсіздік ережелерін естен шығармаған абзал. Десе де, тұрғындардың қауіпсіздік шараларына мән бермей, салғырттық танытуының салдарынан оқыс оқиғалар орын алып жатады. Осыған байланысты төтенше жағдайлар департаментінің қызметкерлері күнделікті адам көп шоғырланатын орындарда дауыс ұлғайтқыштар арқылы және балық аулаушыларға арналған дүкендерде жадынамалар іліп,түсіндірме жұмыстарын жүргізуде. Бұл туралы Өңірлік коммуникациялар қызметінің ақпарат алаңында облыстық ТЖД Азаматтық қорғаныс басқармасының бастығы Жандос Жүгінісов хабарлады.<blockquote>Жыл басынан бері аймақтағы су айдындарында балық аулау кезіндегі қайғылы оқиғалардың алдын алу және мұз үстіндегі қауіпсіздікті сақтау бойынша 114 рейд ұйымдастырылды. Аталған іс-шараларда барлығы 4352 дана жадынама таратылды. Облыс бойынша 825 қызметкер, 17 ерікті профилактикалық жұмыстарға жұмылдырылып, 4280 тұрғынға түсіндірме жұмыстары жүргізілді. Одан бөлек, белгіленбеген аумақта суға түсуге рұқсат берілмейді. Осыған байланысты тұрғындардан ережелерді ұдайы естен шығармауға шақырамыз,- деді Жандос Жүгінісов.</blockquote>Брифинг барысында қыс мезгіліндегі өрт қауіпсіздігі туралы да айтылды. Жауаптылардың айтуынша, өрт оқиғаларының басым бөлігі тұрғын үй секторларында орын алады. Осыған байланысты төтеншеліктер жылу беру маусымындағы электр және газ баллон жабдықтарын, пешті және газ пештерін пайдалануда қауіпсіздік ережелерін сақтауды ескертті.<blockquote>Жылу беру маусымы басталғалы облыс көлемінде 63 000-нан астам тұрғын үй ауласы араланды. Сондай-ақ, тұрғындармен 230 рет кездесу ұйымдастырылып, түсіндірме жұмыстары жүргізілді. Бұл жұмыстар белсенді түрде ұдайы ұйымдастырылады, - деді облыстық ТЖД Мемлекеттік өрт бақылау басқармасының басшысы Асхат Оразбеков.</blockquote>Фото: Нұрболат Нұржаубай

Қазақстан және Қызылорда облысының жаңалықтары: Қоғам