<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Жиналыс үстінде тұрғын үй басқармасы басшысын ұстап әкету әкімнің ұсынысы болуы мүмкін, деп хабарлайды EL.kz ақпарат агенттігі.</h4>Сыбайлас жемқорлыққа қарсы іс-қимыл агенттігі Превенция қызметінің басшысы Саян Ахметжанов мұндай іс-шара алдын ала келісім бойынша жүргізілетінін атап өтті.<blockquote>Жемқорлыққа қарсы қызмет ашық жұмыс істейді. Сыбайлас жемқорлыққа қарсы қызметті (оқиға орнына) шақырғанда жергілікті атқарушы органмен келісіледі. Бұл қала әкімінің бастамасы болуы мүмкін, - деді ол.</blockquote>Айт кетейік, 6 ақпанда Шымкент қаласында шенеунікті Антикор қызметкерлері жиналыс үстінде алып кеткен болатын. Шымкент қаласының әкімі Ғабит Сыздықбеков видеоны әлеуметтік желідегі парақшасында бөлісті.Фото: Нұрболат Нұржаубай

Шымкентте жиналыс үстінде ұсталған шенеунік оқиғасы әкімнің бастамасы болуы мүмкін

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Түркістанда екі баласын өлтірген әйел ешқандай диспансерлік есепте тұрмаған. Ұжым, ата-ана және оқушылармен қарым-қатынасы бірқалыпты болған көрінеді, - деп хабарлайды EL.kz ақпарат агенттігі «ҚазАқпарат» агенттігіне сілтеме жасап.</h4>Мұны Қызылорда облыстық білім басқармасының басшысы Асқарбек Есжанов айтты. Оның сөзінше, балаларын өлтірді деген күдікті тәрбиеші емес, мұғалім болып жұмыс істеген екен.<blockquote>Түркістанда болған балалар өліміне қатысты күдікті деп танылған әйел Шиелі ауданындағы білім беру ұйымында 2014 жылдан бері мұғалім қызметін атқарып келген. Оқиға болған 7 ақпан күні мектеп әкімшілігіне ескертпестен жұмысқа бармаған. Мектеп әкімшілігі ол азаматшаның ұжым, ата-аналар және оқушылармен тіл табысуы, жайлы мінезімен ерекшеленгенін айтады. Сондай-ақ педагогикалық қызметінде балаларды оқыту мен тәрбиелеуде бірқатар жетістікке жеткен. Тиісті алғыс хаттармен марапатталған. Әріптестерінің айтуынша, мінезінде ешқандай ауытқу болмаған. Қандай да бір диспансерлік есепте тұрмайды. Өзі толыққанды отбасы, ата-енесі, жұбайымен бірге тұрған. Қазір ішкі істер органдарында бұл бойынша қылмыстық іс тіркелген. Қорытындысы тергеу амалдарынан кейін белгілі болады, - деді басқарма басшысы.&nbsp;</blockquote>Еске салайық, 7 ақпанда Түркістанда әйел жалдамалы пәтерде екі баласын жастықпен тұншықтырып өлтірген еді.

"Ұстаз болып қызмет еткен". Екі баласын өлтірген әйел туралы тың дерек шықты

<a href="https://kyzylorda-news.kz/">Kyzylorda-news.kz.</a>&nbsp;Орал тұрғындары арзан тұрмыстық техника аламыз деп тақырға отырды, деп хабарлайды EL.kz ақпарат агенттігі.1991 жылғы жергілікті тұрғын арзан бағада техника алатындармен байланысып, ақшаларын алдын ала алып отырған. Жалпы сомасы 123 994 370 теңге шығын келтірген.<blockquote>Сот ҚР ҚК 190-бабы 4-бөлігі 2-тармағына сәйкес Орал қаласы прокурорының бұлтартпау шарасын қолдану туралы өтінішхатын қанағаттандырды, – дейді қаланың мамандандырылған тергеу сотының баспасөз қызметі.&nbsp;</blockquote><span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Әйел адам екі айға қамалды. Тергеу амалдары жалғасып жатыр.<span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: Нұрболат Нұржаубай

33 жастағы әйел арзан бағада тұрмыстық техника сатамын деп 124 млн теңгені жымқырған

<a href="https://kyzylorda-news.kz/">Kyzylorda-news.kz.</a>&nbsp;ҚР АШМ Ветеринариялық бақылау және қадағалау комитетінің Атырау облыстық аумақтық инспекциясының басшысы пара алды деген күдікке ілінді, - деп хабарлайды <a href="https://kaz.tengrinews.kz/">Tengrinews.kz</a> тілшісі.Атырау облысы бойынша Сыбайлас жемқорлыққа қарсы қызмет облыс прокуратурасының үйлестіруімен "ҚР АШМ Ветеринариялық бақылау және қадағалау комитетінің Атырау облыстық аумақтық инспекциясы" ММ басшысына қатысты соталды тергеу жүргізіп жатар.<blockquote>"Ол тауарларды Қазақстан Республикасы мен Ресей Федерациясы шекараларының шектескен учаскесінде Кеден одағының кедендік шекарасы арқылы өткізу кезінде олардың заңды қызметін жедел және кедергісіз жүзеге асырғаны үшін сыртқы экономикалық қызметке қатысушылардан 2 100 000 теңге сомасында пара алды деп күдіктенеді", - делінген хабарламада.</blockquote>Тергеу жалғасып жатыр. Қылмыстық-процестік кодексінің 201-бабына сәйкес өзге ақпарат жарияланбайды.Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.Фото: Нұрболат Нұржаубай

Шенеунік пара алды деген күдікке ілінді

<a href="https://kyzylorda-news.kz/">Kyzylorda-news.kz.</a>&nbsp; "Қазақстандық авторлық және сабақтас құқықтарды қорғау қауымдастығы" заңды тұлғалар бірлестігі ҚР аумағында Sony Interactive Entertainment Europe, Ltd (SIEE) компаниясының мүдделерін және зияткерлік меншік объектілерін – Sony тауар белгілері мен бағдарламалық қамтамасыз етуді, яғни ойын приставкаларын, оларға керек-жарақтарды, бейне ойындарды пайдалану құқығын қорғайды.Осыған орай, Атамекен Ұлттық кәсіпкерлік палатасына жоғарыда аталған компания президенті Виктор Лосевтің «PlayStation» ойын клубтарының иелеріне авторлық құқықты бұзуға жол берілмеуін түсіндіру қажеттілігі туралы өтініші келіп түскен.&nbsp;SIEE өзінің бейне ойындарын тек жеке пайдалану үшін шығарып, сатады және консольдерде орнатылған бейне ойындар мен бағдарламалық жасақтаманы тек жеке пайдалану үшін лицензиялайды. Авторлық құқық иесі өзінің бағдарламалық жасақтамасын коммерциялық бағытта пайдалануға тікелей тыйым салған. Бұл тыйымдар консольдердің қаптамаларында және әр ойын дискісінде және барлық қоғамдық келісімдерде көрсетілген. Осы келісімдер арқылы пайдаланушы ойын консольдері мен бейне ойындарын коммерциялық мақсатта пайдаланбауға келісім мен міндеттеме береді.<blockquote>Жоғарыда аталған мәліметтерге сәйкес, барлық бейне ойындарды ақылы түрде ұсынатын «PlayStation» ойын клубтарының қызметі заңсыз болып табылуына орай, үстіміздегі жылдың 1 наурызына дейін өз қызметін заңды бағытқа бұруын сұраймыз. 1 наурыздан бастап SIEE өнімдерін коммерциялық бағытта қолданған кәсіпкерлерге авторлық құқықты бұзғаны үшін ҚР Қылмыстық Кодексінің 198-бабымен қылмыстық жауапкершілік көзделгенін ескертеміз, - делінген кәсіпкерлік палатасының таратқан хабарламасында.</blockquote>Фото: sdelka.kz

 «PlayStation» ойын клубтарының жұмысын тоқтатпаған кәсіпкерлерге қандай шара бар?

<a href="https://kyzylorda-news.kz/">Kyzylorda-news.kz.</a>&nbsp; Жолаушылар пойызы ауа райының қолайсыздығына байланысты жолда қалып қойған 400 астам адамды эвакуациялады, деп хабарлайды "Қазақстан темір жолы" компаниясы.8 ақпан күні республикалық маңызы бар автожолдарда шектеулер енгізілген болатын.Осыған байланысты жолаушыларды қала маңындағы электр пойыздары тасымалдады:№7501- Ерейментаудан Астанаға дейін;№327 - Астана мен Бурабай курортынан Көкшетауға дейін;№6830 - Бурабай курортынан Астанаға дейін;№43 - Шоқайдан Астанаға дейін;№45 - Қарағандыдан Астанаға дейін.9 ақпанда республикалық автотрассалардың жабылуына себеп болған күрделі метеорологиялық жағдайлардың жалғасуына байланысты келесі қосымша жолаушылар пойыздарына 31 вагон тіркелді:Павлодардан Астанаға дейінгі №45 пойыз-6 вагон;Павлодардан Астанаға дейінгі №139 пойыз-4 вагон;Астанадан Павлодарға дейін №354 пойыз --7 вагон;Астанадан Петропавлға дейінгі №623 пойыз -10 вагон;Астанадан Павлодарға дейін №45 пойыз -4 вагон.Жолаушыларға қосымша 1300 астам орын беріледі.Вокзалдар мен пойыздарда жолаушылар ағынының күрт ұлғаюын ескере отырып, "Жолаушылар тасымалы" АҚ азаматтарға ауа райы жағдайларын ескере отырып, өз сапарларын жоспарлауды ұсынады. Жолаушылардың қауіпсіздігін қамтамасыз етуге бағытталған қабылданып жатқан шараларға түсіністікпен қарауды сұрайды.Фото: Нұрболат Нұржаубай

Ауа райына байланысты қосымша вагондар жолға шығады

<a href="https://kyzylorda-news.kz/">Kyzylorda-news.kz.</a> &nbsp;9 ақпан күні Қазақстан аумағының басым бөлігінде атмосфералық фронттарға байланысты ауа райының тұрақсыз сипаты сақталады. Бұл туралы Казгидромет мәлім етті.Қар аралас жаңбыр жауады. Еліміздің солтүстік өңірлерінде қатты жауын-шашын болады.Синоптиктердің болжамынша, өңірлерде жел күшейіп, тұман түседі, көктайғақ болады. Солтүстік және солтүстік-батыс аймақтарда боран соғады.Ақмола облысының шығысында сондай-ақ Солтүстік Қазақстан және Павлодар облыстарында, Абай облысының батыс және солтүстік, орталық аймақтарында, түнде Қостанай облысының оңтүстік және шығыс бөліктерінде жылдамдығы 30 м/с дейін қатты жел соғады деп күтіледі.Фото: Нұрболат Нұржаубай

Қазақстанның басым бөлігінде боран соғады

<a href="https://kyzylorda-news.kz/">Kyzylorda-news.kz.</a> Облыста “Еңбек мобильділігі” орталығының филиалдары “Мансап орталығы” атауымен өз жұмыстарын бастағанына көп уақыт болмаса да онда жүйелі жұмыстар атқарылып келеді. Аталмыш орталық облыс тұрғындарына атаулы әлеуметтік көмек бағытында қызмет көрсетіп, жұмыспен қамтуға жәрдемдеседі. Бұдан бөлек, қазіргі таңда “Мансап” орталығының 6 бөлімі халыққа үздіксіз қызмет етуде. Өңірлік коммуникациялар қызметінің ұйымдастыруымен өткен көшпелі брифингте БАҚ өкілдері “Мансап” орталығының жұмысымен жақынырақ танысты.<blockquote>Өткен жылдың 1 шілдесінен бастап ҚР Әлеуметтік кодексі өз күшіне енген болатын. Кодекстің енгізілуі негізінде облыс әкімінің қаулысымен облыстық жұмыспен қамтуды үйлестіру және әлеуметтік бағдарламалар басқармасының «Еңбек мобильділігі» орталығы құрылды. Бұл орталықтың филиалдары “Мансап орталығы” деген атаумен өткен жылдың 1 шілдесінде өз жұмысын бастады. Бүгінде «Еңбек мобильділігі» орталығында 28 адам, ал, “Мансап орталығы” филиалдарында 187 адам қызмет атқарады. “Еңбек мобильділігі орталығы” мүгедектігі бар адамдарды жұмысқа орналастыру бағытында жұмыс берушілермен өзара байланыс жасайды. Сондай-ақ, атаулы әлеуметтік көмек алатын адамдардың жұмыспен қамтылуына жәрдемдесіп, белсенді шараларын жүзеге асырады. Былтыр орталық арқылы 16 мыңнан астам адам субсидияланатын жұмыс орындарына орналасса, әлеуметтік осал топтағы 1 529 адамға мемлекеттік қайтарымсыз грант берілді. Осының нәтижесінде олар өз кәсібін ашты. Ал, осы жылы 14 765 азамат бос жұмыс орындарына, 13 383 адам субсидияланатын жұмыс орындарына орналасады деп күтілуде. Сонымен қатар, 1 556 адамға мемлекеттік қайтарымсыз грант беру жоспарда бар, - деді Қызылорда облысы бойынша “Еңбек мобильділігі орталығы” КММ-нің директоры Шаризат Алмашева.</blockquote>“Мансап” орталығы айына бір рет “бос жұмыс орындары” жәрмеңкесін ұйымдастырып тұрады. Өткен жылы 5 478 қызылордалық “Мансап” орталығы арқылы тұрақты жұмысқа орналасқан болатын.<blockquote>&nbsp;“Ұлттық жоба” шеңберінде 93 жоба бойынша 1 620 адам екі қолға бір күрек тауып, жұмыспен қамтылды. Әлеуметтік осал топтарға жататын 500-ге жуық адамға өз кәсібін ашу мақсатында мемлекеттік грант берілді. Биыл да 97 жобаны жүзеге асырып, 1255 адам жұмысқа орналасады деп күтілуде, - деді Қызылорда қаласы “Мансап” орталығы филиалының директоры Жақсылық Төлегенов.</blockquote>

Қызылордадағы «Мансап» орталығының жұмысы жүйелі

<a href="https://kyzylorda-news.kz/">Kyzylorda-news.kz.</a> Ақтөбе облысының аумағында қатты боран болуына байланысты кешеден бері республикалық маңызы бар М-32 "Самара-Шымкент" автомобиль жолының 1240-1357 шақырымы аралығы жабылған. Яғни, Ақтөбе облысының шекарасынан Арал қаласына дейін барлық көлік қозғалысына шектеу қойылды. &nbsp;Осыған орай Арал қаласынан 20 шақырым қашықтықта жол патрульдік полицияның 6 инспекторы 3 автокөлікпен «Самара-Шымкент» автомобиль жол бойын жауып жұмыс істеуде. Бүгінгі күні Ақтөбе облысына бағыт алған барлығы 807 автокөлік (584 жүк көлігі, 13 жолаушылар көлігі, 210 жеңіл көлік) және 1000-ға жолаушы тұрақталуда. Қазіргі таңда, жолдың жабық болуына байланысты аудан әкімдігі жанынан арнайы штаб құрылған. Жергілікті ерікті жастар, мекемелер және кәсіпкерлердің, білім саласы қызметкерлерінің ұйымдастыруымен жолаушыларға тегін ыстық тамақ ұйымдастырылуда. Бұдан бөлек, әйелдер мен балалар аудан орталығындағы Арал индустриалды-техникалық колледжінің жатақханасына орналастырылды. Сонымен қатар,екі мезгіл медицина қызметкерлері жолаушыларды аралап денсаулығына байланысты зерделеу жұмыстарын жүргізуде. Жолаушыларға арналған қызмет көрсету кешендеріндегі азық-түлік пен тамақ бағасы жергілікті әкімдіктің ұдайы бақылауында.

Аралда жолда қалған жолаушыларға көмек көрсетілді

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Қазақстанда жеке төлем үшін кредиттерді қайта құрылымдау бойынша қызметтер ұсынатын жосықсыз делдалдар көбейіп барады. Алаяқтар тұтынушылық кредиттер және микроқарыздар бойынша мерзімі өткен қарыздарды реттеу рәсіміне өтініштер жазу және кредиттік ұйымдарға ұысну бойынша қызметтер ұсынады. Олар азаматтарды өз бетінше ұсынылған өтініштер қарастырылмайды деп иландырады.&nbsp;</h4>Бұл қате түсінік!&nbsp;Қаржылық көрсетілетін қызметтерді тұтынушылардың құқықтарын қорғау мақсатында 2021 жылғы 1 қазаннан бастап кредиттік ұйымдардың төлемге қабілетсіз&nbsp;қарыз алушылар-жеке тұлғалардың&nbsp;берешегін реттеудің бірыңғай заңнамалық тәртібі қолданылады. Банктер мен микроқаржы ұйымдары азаматтардың қарыздар мен микрокредиттер бойынша мерзімі өткен берешектерін қайта құрылымдауға өтініштерін заңнамалық деңгейде қарауға міндетті. Қарыз алушылардың іс-қимыл алгоритмі қарапайым және бұл үшін ешкімге ақша төлеудің қажеті жоқ!Fingramota.kz&nbsp;азаматтардың&nbsp;кредит&nbsp;бойынша&nbsp;мерзімі өткен берешек пайда болған жағдайда, олардың&nbsp;іс-қимыл алгоритмін еске салады.1. Банк немесе МҚҰ қарыз алушыны төлем мерзімі өткені жөнінде ол басталған сәттен бастап&nbsp;20 күн ішінде хабардар етуге міндетті. Хабарламада кредиторлар сонымен қатар, &nbsp;азаматтарды мыналар:&nbsp;пайда болған төлем мерзімі өтудің нақты мөлшерін &nbsp;көрсете отырып, төлемдер енгізу қажеттілігі туралы; қарыз алушы-жеке тұлғаның кредиторға жүгіну құқығы туралы; кредиттер мен микроқарыздар бойынша өз міндеттемелерін орындамаудың салдары туралы хабардар етуге тиіс. Сондықтан, егер қарыз алушы өз міндеттемелерін орындай алмаса, онда ең алдымен банкке немесе микроқаржы ұйымына&nbsp;өтінішпен жүгіну қажет. Ешқандай жағдайда кредит берушіден жасырынуға болмайды! Қалыптасқан жағдайды оң шешу қарыз алушының ғана емес, кредиттік ұйымның да мүддесі үшін маңызды. Сондықтан, реттеу шаралары неғұрлым ертерек қабылданса, қарызды өтеудің өзара қолайлы нұсқасы соғұрлым тезірек табылатын болады.2. &nbsp;Төлем мерзімінің өтіп кеткені туралы кредит берушіден хабарлама алғаннан кейін қарыз алушы мерзімі өтіп кеткен күннен бастап&nbsp;30 күн ішінде жазбаша өтінішпен&nbsp;немесе шартта жазылған өзге де тәсілмен кредитті қайта құрылымдау үшін қызмет көрсетілетін қаржы ұйымына жүгінуі қажет.Өтініште мыналарды көрсету қажет:1. Өз міндеттемелерін орындамау себебін көрсету. Қолыңызда қиындықтарды растайтын құжаттар болуы маңызды.&nbsp;2. Міндеттемелерді орындау бойынша өз нұсқаларын ұсыну.&nbsp;Заңнамаға сәйкес кредит беру шартының талаптарына өзгерістер енгізу кезінде мыналар көзделеді:қарыз немесе микрокредит бойынша сыйақы мөлшерлемесін төмендету жағына қарай өзгерту; негізгі борыш және (немесе) сыйақы бойынша төлемді кейінге қалдыру; берешекті өтеу әдісін немесе берешекті өтеу кезектілігін, оның ішінде негізгі борышты басым тәртіппен өтей отырып өзгерту; қарыз мерзімін өзгерту; мерзімі өткен негізгі борышты және (немесе) сыйақыны кешіру, айыпақының (айыппұл, өсімпұл), комиссиялардың және банктік қарызға қызмет көрсетуге байланысты өзге де төлемдердің күшін жою; кепіл берушінің ипотека нысанасы болып табылатын жылжымайтын мүлікті өз бетінше сатуы; кредит берушіге кепіл мүлкін беру арқылы кредит беру шарты бойынша міндеттемені орындаудың орнына бас тарту төлемін беру; сатып алушыға кредит беру міндеттемесін бере отырып, ипотека нысанасы болып табылатын жылжымайтын мүлікті сату. Банк өтінішті қабылдауға, тіркеуге және қарауға&nbsp;міндетті.&nbsp;Күнтізбелік 15 күн ішінде:сіздің шарт талаптарына ұсынған өзгерістеріңізді қабылдай отырып келісетіні; шарт талаптарын өзгерту туралы өз нұсқаларын ұсынатыны; уәжді негізделген себептерін көрсете отырып, бас тартуы туралы жауап беруі керек. Мынадай қалыптасқан жағдайлар шартқа өзгерістер енгізу туралы өтінішпен кредиторға жүгіну үшін негіз болуы мүмкін:&nbsp;қарыз алушының жұмыссыз қалуы; халықтың әлеуметтік тұрғыдан осал тобы (ХӘОТ) не атаулы әлеуметтік көмек алушы мәртебесін иелену; ауруына байланысты уақытша жұмысқа жарамсыздық; бала күтіміне байланысты демалысқа шығу; мерзімді әскери қызметке шақырылу; жақын туысының, жұбайының (зайыбының) қайтыс болуынан қосымша шығыстардың болуы; материалдық шығынға ұшырау (ұрлау, өрт, су басу және т.б.). Маңызды!&nbsp;Қарыз алушының өзі кредиторға қаржылық және әлеуметтік жағдайы туралы&nbsp;ақпарат беруі, міндеттемелерін толық көлемде орындауға мүмкіндік бермей отырған кірісінің азаю не болмау фактісін растайтын құжаттарды ұсынуы тиіс. Сұратылған құжаттарды ұсынбау қарыз алушының өтінішін қараусыз қалдыру үшін негіз болып табылады.&nbsp;Жасалған қарыз шартының талаптарына өзгерістерді мақұлдау туралы шешімді кредитордың уәкілетті органы қарыз алушының міндеттемелерін шарттың қолданыстағы талаптарымен орындай алмайтынын растайтын құжаттарды қарау және оның төлем қабілетін бағалау нәтижелері бойынша қабылдайды.Шарттың талаптарына өзгерістер кредитор осындай шешім қабылданған күннен бастап&nbsp;күнтізбелік 15 күн ішінде&nbsp;енгізіледі.Егер қарыз алушы&nbsp;банкпен немесе МҚҰ-мен&nbsp;келісімге қол жеткізе алмаған жағдайда, ол ҚР Қаржы нарығын реттеу және дамыту агенттігіне (бұдан әрі – Агенттік) жүгінуге құқылы. Бұл ретте&nbsp;кредиторға жүгінгеніңізді және өзара қолайлы шешімге қол жеткізбегеніңізді растайтын&nbsp;құжатты ұсыну қажет. Агенттік өтініш негізінде өз өкілеттігі шеңберінде кредиторға қатысты құжаттамалық тексеруге бастамашылық жасайды және тексеру іс-шаралары аяқталғаннан кейін кредитордың іс-әрекеттерін бағалауды ұсынады.Агенттік ХӘОТ-қа жататын қарыз алушы-жеке тұлғадан келіп түскен өтінішті қарау кезеңінде сотқа талап қою арқылы не соттан тыс тәртіппен&nbsp;кепілге салынған мүліктен ақы өндіріп алуға жол берілмейтінін атап өтеміз.Анықтама үшін!&nbsp;2021 жылы енгізілген төлем мерзімі өткен берешекті реттеудің бірыңғай және міндетті тәртібі өзінің тиімділігін көрсетті және&nbsp;1,3 млн қарыз алушыға шарттардың талаптарын өзгертуге мүмкіндік берді, оның ішінде 2023 жылы кредиторлар&nbsp;815 мың қарыз алушының (330 мың банк қарыз алушысы, 485 мың МҚҰ қарыз алушысы) қарыздарын қайта құрылымдауды жүргізді.Егер қарыз алушы кредиттік ұйымға жүгінбеген жағдайда не болады?Егер реттеу процесі басталмаса, кредитор төлемге қабілетсіз қарыз алушыға қатысты мынадай&nbsp;шаралар қолдануға:борышкердің шотынан қарызды өтеу есебіне қаражат алуға (жәрдемақылар, алименттер, тұрғын үй төлемдерін, нотариустың депозиті талаптарында енгізілген ақшаны, білім беру жинақтау салымы туралы шарт бойынша ақшаны алуға арналған арнайы шоттарды қоспағанда); берешекті сотқа дейінгі өндіріп алуға және реттеуге коллекторлық агенттікке беру немесе талап ету құқығын үшінші тұлғаларға беруге&nbsp;құқылы. кредиторлар мәжбүрлеп өндіріп алу үшін сотқа жүгінуі мүмкін. Кредитті ресімдеу кезінде асықпаңыз, алдымен банктің, МҚҰ-ның қандай комиссиялары мен талаптары бар екенін зерделеп алыңыз. Қысқа мерзімге берілетін кредитті қарастырыңыз және кредиттік шартқа қол қоймас бұрын оның барлық талаптарын оқып шығу керек. Кредитті ресімдеу туралы шешім қабылдамас бұрын, жан-жақты ойланыңыз. Өз атыңызға кредит ресімдеудің келешекте сіздің қаржылық әл-ауқатыңызға әсер етуі мүмкін екенін ұмытпаңыз.Қаржылық сауаттылығыңыз бен кредиттік жауапкершілігіңізді Fingramota.kz-пен бірге арттырыңыз!Фото: fingramota.kz

«Банктегі және микроқаржы ұйымындағы қарызды реттеуге көмектесемін»: жосықсыз делдалдарға сенбеңіз

<h4 style="margin-left:0px;"><a href="https://kyzylorda-news.kz/">Kyzylorda-news.kz.</a> Жамбыл облысында агроөнеркәсіптік кешенді дамытуға бөлінген бюджет қаражаттарын жымқыру фактісі анықталды, деп хабарлайды EL.kz ақпарат агенттігі.</h4>Облыстық прокуратура «Меркі» тәжірибелік шаруашылық» ЖШС квазимемлекеттік мекемесінің бұрынғы басқарма төрағасы және оның орынбасары ресми құжаттарға жалған мәліметтер енгізу арқылы қаржы жымқырған.<blockquote>Нақты сатылмаған алма көшеттері үшін 209,9 млн теңге субсидия алған. Аталған факті бойынша Меркі ауданының прокуратурасы ҚР ҚК-нің 190-бабы 4-бөлігі 2-тармақшасымен («Алаяқтық») қылмыстық іс тіркеп, оны тергеп-тексеру облыс прокуратурасымен жүргізіліп жатыр, - делінген хабарламада.</blockquote>Бір күдіктіге қатысты күзетпен ұстау бұлтартпау шарасын қолдануға санкция берілсе, екіншісіне қатысты үйқамақ бұлтартпау шарасы қолданылды.Фото: Нұрболат Нұржаубай

Сатылмаған алма үшін 209,9 млн теңге алған басқарма төрағасы ұсталды

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz.</a> Төтенше жағдайлардың алдын алу және оларды жою, сондай-ақ азаматтық қорғаудың басқару органдарын, күштері мен құралдарын көктемгі кезеңгедайындау іс-қимылдарына азаматтық қорғаудың мемлекеттік жүйесін одан әрі жетілдіру мақсатында 2024 жылғы 8 ақпан күні «Көктем-2024» республикалық командалық-штабтық оқу-жаттығуыөткізілді. Осындай оқу-жаттығудың облыстық кезеңі Жалағаш ауданы Ақсу ауылында ұйымдастырылды.</h4>Оқу-жаттығуды бақылау мақсатында Жалағаш ауданының азаматтық қорғау қызметтерінің және шұғыл әрекет ету жасақтарының күш-құралдарының әзірлігін Қызылорда облысы әкімінің орынбасары Жаханов Бақыт Дүйсенұлы, Жалағаш &nbsp;ауданының әкімі Ибраимов Ардақ Әбдіғаппарұлы, &nbsp;Қызылорда облысының Төтенше жағдайлар департаментінің бастығы полковник Қайрақбаев Руслан Сламбекұлы қарап, тексерді. Жалағаш ауданда өткен оқу-жаттығуға 274 адам және 93бірлік техника жұмылдырылды. Сонымен қатар азаматтық қорғаудың облыстық қызметтерінің өкілдері мен волонтерлер де қатысты.<h4 style="margin-left:0px;text-align:justify;">Оқу-жаттығудың шарты бойынша: Ақсу ауылы маңындағы Сырдария өзенінде сең жүру кезінде мұз кептелісі әсерінен дария деңгейі көтерілуі салдарынан Ақсу ауылын су басу қаупі төнді.&nbsp;</h4><h4 style="margin-left:0px;text-align:justify;">Ақсу ауылы жер көлемі 20 502 гектарды құрайды. Ауылда мектеп пен клуб бар. Ақсу ауылында 10 көше бар.333 тұрғын үй бар. Халық саны – 1674 адам. Тұрғындардың көпшілігі мал өсіреді. Ақсу ауылының аумағында Сырдария өзенімен келетін мол суды қауіпсіз өткізужұмыстары жүзеге асырылды.</h4><h4 style="margin-left:0px;text-align:justify;">Ақсу ауылының жанына штаб құрылып, далалық лагерь өрістетілді. 1 шатыр 2 дана далалық палатка (палаточный городок) құрылды.&nbsp;</h4><h4 style="margin-left:0px;text-align:justify;">Жергілікті атқарушы органдардың қатысуымен көшпелі төтенше жағдайлардың алдын алу жою жөніндегі комиссия отырысы өткізіліп, жергілікті ауқымдағы төтенше жағдайды жариялау бойынша шешім қабылданды.&nbsp;</h4><h4 style="margin-left:0px;text-align:justify;">Энергетика қызметі электр желілерін жүргізіп үздіксіз тоқ көзімен қамтамасыз етті. Сырдария өзеніне келген мол су салдарынан орын алған тасқынды жою мақсатында, қамыс, қада, құм қаптармен бөгеу және осал аймақтарды күшейту жұмыстарына жеке құрам жұмылдырылды.&nbsp;</h4><h4 style="margin-left:0px;text-align:justify;">Қоғамдық тәртіпті сақтау қызметі арқылы оқиға орны турникеттермен қоршалып, күзетке алынды.&nbsp; Инженерлік, Өртке қарсы қызметтері мен барлау тобының құрамалары дамбының жырған жерлеріне құмды қапқа салып, бөгеу жұмыстарын жүргізді.</h4><h4 style="margin-left:0px;text-align:justify;">Көлік қызметі мен құтқару командасы тұрғындарды эвакуациялады.&nbsp; ТЖ аймақ орнында Қызылорда облысы әкімінің және Қызылорда облысы Төтенше жағдайлар департаментінің жылжымалы басқару пункті және байланыс торабы дайындыққа келтірілді.</h4><h4 style="margin-left:0px;text-align:justify;">Басқару пункті дайындыққа келтіріліп, облыстың халықты құлақтандыру және байланыс жүйесі тексерілді, облыстың АҚ қызметтері мен Қызылорда қаласы және аудандардың әкімшілік аппараттары арасында өзара байланыс жүйесі ұйымдастырылды.</h4><h4 style="margin-left:0px;text-align:justify;">Сырдария өзенінде орын алған тасқынынан Ақсу елді мекенінің тұрғындарының малдарын «Бостай» учаскесіне эвакуациялау жұмыстарын жүргізді.</h4><h4 style="margin-left:0px;text-align:justify;">Арнайы тактикалық оқу-жаттығу барысында Ақсу ауылындағы 1 эвакуациялық жинақтау пункті және 3 эвакуациялық қабылдау пункті тексерілді. Жалпы 1674 адамды көшіруге мүмкіндік қарастырылған.&nbsp;</h4><img src="https://knadmin.beoblood.kz/uploads/6977730a_c047_4214_92b8_32ba162d4d40_62d721d1d1.jpg" alt="6977730a-c047-4214-92b8-32ba162d4d40.jpg"><img src="https://knadmin.beoblood.kz/uploads/2453c9e6_30d4_486c_a69b_aa497b18e8a1_d0a6f7f8ac.jpg" alt="2453c9e6-30d4-486c-a69b-aa497b18e8a1.jpg"><img src="https://knadmin.beoblood.kz/uploads/75626700_5aba_45c3_8dca_49631ea60bfd_781d102fbd.jpg" alt="75626700-5aba-45c3-8dca-49631ea60bfd.jpg"><img src="https://knadmin.beoblood.kz/uploads/f79ab431_fbf2_46c7_9244_3f550aad5a76_e03591ad0e.jpg" alt="f79ab431-fbf2-46c7-9244-3f550aad5a76.jpg"><img src="https://knadmin.beoblood.kz/uploads/da34fd08_584d_4a70_8bc8_f426ebe909e5_9063f64ff1.jpg" alt="da34fd08-584d-4a70-8bc8-f426ebe909e5.jpg"><img src="https://knadmin.beoblood.kz/uploads/5556015e_8887_4d83_ba01_879f22ce5d90_1c049c5a11.jpg" alt="5556015e-8887-4d83-ba01-879f22ce5d90.jpg">&nbsp;

Қазақстан және Қызылорда облысының жаңалықтары: Қоғам