&nbsp;<a href="https://kyzylorda-news.kz/">Kyzylorda-news.kz</a> &nbsp;Кеше Қызылорда облысының «Нұра топтық су құбыры» ШЖҚ РМК «Арал» СЖКБД филиалының суды магистральдық құбыр жолдары және таратушы желілер арқылы беру қызметтеріне бекітуге берілген тарифтерінің жобасын талқылау бойынша Жосалы кентіндегі Жыраулар үйінде жария тыңдау өткізілді.Жария тыңдауға аудан әкімінің орынбасары Шыңғыс Сыдықов, «Нұра топтық су құбыры» ШЖҚ РМК «Арал» СЖКБД филиалының директоры Н.Шамұратов, Қазақстан Республикасы Ұлттық экономика министрілігі Табиғи монополияларды реттеу комитетінің Қызылорда облысы бойынша департаменті басшысының орынбасары К.Кеншембаева және аудандық мәслихат төрағасы Әділ Қошалақов, ардагерлер кеңесінің мүшелері, депутаттар, жергілікті атқарушы, мемлекеттік органдардың, бұқаралық ақпарат құралдарының өкілдері, тұтынушылар қатысты.Жиында «Нұра топтық су құбыры» ШЖҚ РМК «Арал» СЖКБД филиалының директоры Н.Шамұратов филиалдың атқарған жұмыстары мен қазіргі жағдайы туралы хабарлама жасап, тұрғындар тарапынан қойылған сұрақтарға заңға сәйкес жауап берді.Сонымен қатар, жария тыңдауда Қазақстан Республикасы Ұлттық экономика министрінің 2019 желтоқсандағы №90 бұйрығымен бекітілген тарифтерді белгілеу қағидасына сәйкес, Филиалдың суды магистральдық құбыр жолдары және таратушы желілер арқылы беру қызметтері бойынша тарифтерді, тарифтік сметаларды бекітуге берген өтінімдері 2023 жылғы 29 желтоқсанда келіп түсті, соған сәйкес Филиалдың өтінімі уәкілетті органмен 90 жұмыс күн ішінде қаралады.Филиалдың жобалық орташа босату тарифі 1 текше метрге қосылған құн салығынсыз: суды магистралдық құбыр жолдары, таратушы желілер арқылы беру қызметіне: 2024 жылға – 956,72 теңге, 2025 жылға – 1112,92 теңге, 2028 жылға 1162,31 теңге, 2029 жылға – 1243,30 теңге, ал суды таратушы желілер арқылы беру қызметіне: 2024 жылға – 725,54 теңге, 2025 жылға – 753,38 теңге, 2026 жылға – 753,39 теңге, 2027 жылға -777,90 теңге, 2028 жылға – 829,02 теңге, 2029 жылға – 869,21 теңге ұсынылды.Департамент қазіргі таңда қолданыстағы нормативтік-құқықтық актілерге сәйкес, филиалдың тарифтерін бекітуге ұсынған құжаттары қаралуда, атап айтқанда: «шикізат және материалдар», «жанар-жағар май», «энергия», «жалақы», «әлеуметтік салық», «ағымдағы жөндеу» және т.б баптары бойынша түзетпелер қарастырылуда.Өткізіліп отырған жария тыңдаудың қорытындысы бойынша айтылған сын-ескертпелермен, ұсыныс-пікірлерді ескере отырып, Департаментпен соңғы шешім биылғы жылдың 15 мамырында қабылданады.&nbsp;

Қармақшыда тариф жайы талқыланды

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Машбекұлының тапсырмасы бойынша биыл «Білімді ұрпақ. Адал адам. Өркениетті қоғам» тақырыбында Шиелі ауданның білім беру ұйымдарының жай-күйі туралы кеңейтілген кездесулер өткізілді.Шиелі аудандағы мектеп директорларының мәліметін тыңдау, аудандық білім бөлімінің бас мәліметін тыңдау аудандық білім бөлімінің басшысы Жібек Баймұратовамен келісіліп, дайындық жұмысын, мектептермен кездесу кестесін аудандық білім бөлімінің бас маманы Талғат Бөпежанов дайындады.Бұл кездесуге Шиелі аудандық мәслихат төрағасы Айтбай Жандарбеков, Шиелі аудандық ардагерлер кеңесінің төрағасы Өркен Исмаил, Шиелі аудандық білім бөлімінің бас маманы Талғат Бөпежанов, Шиелі индустриалды-аграрлық колледжі директорының орынбасары Бахтияр Дайрақұлов, №46 А.С.Пушкин атындағы қазақ орта мектебінің қамқоршылық кеңесінің төрағасы, Шиелі кенті ардагерлер кеңесінің төрағасы Болат Күлімбет, аудандық жастар ресурстық орталығы директорының орынбасары Ынтымақ Қаппаров, аудандық «Өскен өңір» қоғамдық­-саяси газетінің аудандық «Өскен өңір» қоғамдық­саяси газетінің тілшісі Мейіржан Ибрагимов және тағы басқа сала мамандарынан мобильді топ құрамы жасақталды.Кездесуге мектеп директорлары, ата­-аналар академиясының комитетінің төрағасы, «Даналық» мектебі, «Әкелер» мен «Аналар» мектебі, Қамқоршылық кеңесінің төрағалары, ауылдық ардагерлер және әйелдер кеңесінің төрағалары, кент, ауыл әкімдері, аудандық мәслихат депутаттары шақырылып, ауылдық учаскелік инспекторлары мен кенттегі мектеп инспекторлары қатысты.Жоспарланған кездесу Сұлутөбе ауылындағы №41 мектептің мәжіліс залында өтті. Жиында аудандық ардагерлер кеңесінің төрағасы Өркен Исмаил сөз алып, мақсатымен таныстырды. Атқарылған жұмыстары жайлы №40,142,41 мектептің директорлары баяндама жасады. Бұл жиынға Сұлутөбе ауылдық округі бойынша сайланған аудандық мәслихат депутаты Дихан Әубәкіров пен жастар ресурстық орталығының директоры Ержан Әбдешов қатысты.Келесі кездесу Тартоғай ауылында жалғасын тапқан-ды. №153 мәжіліс залына №141 және №228 мектеп директорлары келіп, хабарлама жасады. Мобильді топ құрамы олардың атқарған жұмыстары бойынша сауалдарын қойып, талдау жасап отырды. «Сұлутөбе» ауылдық ардагерлер кеңесінің төрағасы Алмасбек Спатаев, «Тартоғай» ауылының ардагерлер кеңесінің төрағасы Пірімбет Басаман бала тәрбиесі жөнінде өз ойларын ортаға салып, мектеп жасындағы бала тәрбиесін басты назарда ұстау қажетін айтты.<blockquote>– Қазіргі уақытта мектеп жасындағы балалардың құқық бұзушылығы көбейіп барады. Атап айтар болсақ, кәмелетке толмаған жасөспірімдердің электронды темекіге тәуелді болуы, бір­біріне әлімжеттік көрсетіп ақша бопсалауы, мектеп жасындағы қыз балалардың жүкті болуы секілді қылмыстарды естіп­көріп жүрміз. Мұндай келеңсіздіктің алдын алу үшін ата­аналар мектептегі ұстаздармен тығыз байланыста болып, бірігіп жұмыс атқаруы тиіс, – деді Шиелі аудандық білім бөлімінің бас маманы Т.Бөпежанов.</blockquote>Кезекті жиын «Ортақшыл» ауылындағы мәжіліс залында өтті. Онда №150,151 мектеп директорлары баяндама жасады. Кездесуге «Жөлек» ауылдық округінен сайланған аудандық мәслихат депутаты Қанат Сәулебеков пен ауылдық ардагерлер кеңесінің төрағасы Әбласан Жүсіпов ақсақал оқушылардың білімі, тәрбиесі жөнінде ойларын ортаға салды.Бала би ауылында өткен кездесуге «Талаптан» ауылдық округінен сайланған депутат, аудандық мәслихат төрағасы Айтбай Жандарбеков келіп, жиынды жүргізді. Ауылдық ардагерлер кеңесінің төрағасы Сейтмағанбет Жұманазаров және топ мүшелері бала тәрбиесіне қатысты ойларын ортаға салды. №50, №152, №251 мектеп директорларына сұрақтарын қойып, алдағы жұмыстарына сәттілік тіледі.Сондай­-ақ «Ортақшыл» ауылдық округінің әкімі Жақсылық Ноғайбаев пен учаскелік инспекторы, полиция подполковнигі Руслан Ауланбергенов көпшіліктің сұрақтарына мардымды жауап берді. Бала би ауылындағы әйелдер кеңесінің төрайымы Күлайхан Әшірбекова ауылдағы музыка мектебінің филиалын жеке­дара мектеп етіп ашу туралы және жаңа салынған емханаға бұрынғы дәріхананы көшіру жайлы ұсынысын жеткізді.Келесі күнгі жиналыс «Еңбекші» ауылындағы №159 мектепте №84 негізгі мектеп, №206 «Жиделіарық» орта мектебінің директорлары атқарылған жұмыстарымен таныстырды. Кездесуге аудандық мәслихат депутаты Болат Сүлейменов, ауылдық ардагерлер кеңесінің төрағасы Мұхмедәлі Бекқожаев және мобильді топ мүшелері Болат Күлімбет, Талғат Бөпежанов әр мектептің жетістігі мен кемшін тұстарына талдау жасап, тапсырмалар берді. Алпысқа жуық адам қатысқан кездесуде Шиелі индустриалды-­аграрлық колледжі директорының орынбасары Бахтияр Дайрақұлов жасөспірімдерді кәсіптік білім алуға шақырды.Мобильді топтың келесі бағыты «Ақмая» ауылы №49 орта мектебінде жалғасты. Оған №158 мектептің директоры, Ш.Қодаманов ауылының әкімі Болат Баймағамбетов, ардагерлер кеңесінің төрағасы Бодыбай Құлахметов, «Ақмая» ауылының әкімі Бағлан Сағындықов, аудандық мәслихат депутаты Дәурен Досмағамбетов мен «Ақмая» ауылдық ардагерлер кеңесінің төрағасы Кенжетай Палмағанбет және арнайы топ Болат Күлімбет, Талғат Бөпежанов, Бахтияр Дайрақұловтар тәрбие мәселесіне кеңінен тоқталып, қойылған сұрақтарға жауап берді.«Алмалы» ауылындағы жиынға №181, №155, №243, №130 мектептің директорлары қатысып, берілген уақыт бойынша хабарлама жасады. Мобильді топ мүшелері сұрақтар қойып, №46 мектептің қамқорлық кеңесінің төрағасы Болат Күлімбет өзінің жұмыс тәжірибесін ортаға салды. Кәсіптік білім, бала тәрбиесі жайлы Бахтияр Дайрақұлов, ата­-аналармен жұмыс туралы «Алмалы» ауылдық ардагерлер кеңесінің төрағасы Рысбек Мұхтаров, аудандық мәслихат депутаты Асқар Бердібаев және ауылдағы мектептің жай­күйі мен ата­аналардың мұғалімдермен байланысы жайында ауыл әкімі Өмірхан Әбдікәрімов сөз сөйлеп, қорытынды жасады.Әбілда Тәжібаев ауылында өткен кездесу №214 мектептің мәжіліс залында өткізілді. Мектеп директоры Бақытжамал Қалдыбекова мен №205 мектеп директоры мобильді топ мүшелерін қарсы алып, жиында өз баяндамаларын жасады. Ә.Тәжібаева ауылының ардагерлер кеңесінің төрағасы Халықберген Тұрсынбетов, «Бестам» ауылының шаруа қожалығының төрағасы Балтабай Қошқаров, Ә.Тәжібаев ауылының әкімі Әлібек Сәрсенбаев мектептегі балалардың білім алуы, ұстаз, бала тәрбиесіндегі ойларымен бөлісті.Қорытынды кездесулерге аудандық мәслихат төрағасы Айтбай Жандарбеков төрағалық етті. №149 мектепте өткізілген жиынға №157 және №207 мектеп директорлары келіп, хабарламаларын жасады. Мобильді топ Ө.Исмаил, Б.Дайрақұлов, Б.Күлімбет, Т.Бөпежанов және ауыл әкімі Орал Ержан тақырып аясында сөз сөйлеп, мұғалімдердің жауапкершілігі, ұрпақ тәрбиесі жайлы пікірлерін айтты.«Бидайкөл» ауылындағы кездесу №148 мектепте өтті. Онда №148, №156, №241 мектеп директорлары баяндама жасап, мәліметімен бөлісті. Аудандық мәслихат депутаттары Болат Сүлейменов, Мұхамеджан Салқынбаев және топ мүшелері Ө.Исмаил, Б.Дайрақұлов, Б.Күлімбетов сөз сөйледі. Жаңадан сайланған ауыл әкімі Серік Жүсіпов те келелі кездесудің төрінен орын алды.Төрт күнге жоспарланған мобильді топтың мүшелері №46 мектепке табан тіреді. Бұл кездесуге №45,46,47,48,127,219,244,270 мектептердің директорлары қатысты, барлығы да өз хабарла­маларын ортаға салды. Аудандық мәслихат депутаттары Қазыбек Шәукебаев, Нұргүл Шалекеева, Қанат Жүсіпов жасөспірімдер тәрбиесіне ерекше назарда ұстау керек екеніне тоқталды. Аудандық полиция бөлімінің жасөспірімдер жөніндегі аға инспекторы, полиция майоры Абай Мәдиев балалармен жасөспірімдер арасындағы қылмыс пен құқық бұзушылықтың алдын алу жөнінде сөз қозғады. Кент ардагерлер кеңесінің төрағасы Болат Күлімбет мектеп директорларын оқушыға саналы, сапалы білім мен тәрбие беруге өз үлестерін қосуға шақырды. Жиын соңында арнайы құрылған топ мүшелері барлық мектеп директорларына оң бағасын беріп, алдағы жұмыстарына сәттілік тіледі.«Тәрбиесіз берілген білім – адамзаттың қас жауы» демекші, сапалы біліммен қатар өскелең ұрпаққа жақсы тәлім тәрбие беру өте маңызды мәселе екенін ұмытпаған жөн.

Шиелі: Тәртіп пен білім бақылауда

<a href="https://kyzylorda-news.kz/">Kyzylorda-news.kz</a> &nbsp;Саран қаласының тұрғыны Қазақстанның аумақтық тұтастығына қарсы көзқарасын&nbsp;білдірген.&nbsp;Бұл туралы&nbsp;<a href="https://stan.kz/karagandi-oblisinin-tyrgini-aleumettik-zhelide-yltarali-398228/">Stan.kz&nbsp;</a>ақпарат агенттігі хабарлайды.vk_gazeta сайтының мәліметінше, ер адам “Рулетка” чаты алаңында шетелдік азаматпен онлайн сөйлескен. Сөз барысында ол Қазақстанның аумақтық тұтастығына қатысты Конституцияға қарсы көзқарас блідіріп, жеке ұлттарға қатысты пікір айтқан. Бұл желі қолданушыларының наразылығын тудырды. Сараптамалар Саран қаласы&nbsp;тұрғынының мәлімдемелерінде сепаратистік көзқарас және&nbsp;ұлтаралық көзқарас белгілері бар екенін растады.Сот Саран қаласы тұрғынына&nbsp;қылмыстық кодекстің 174 (Әлеуметтік, ұлттық, рулық, нәсілдік, таптық немесе діни араздықты тудыру) және 180-баптарына (Сепаратистік әрекет) сәйкес 5 жылға бас бостандығынан айыру жазасын тағайындады.&nbsp;Фото: Видеодан скрин

Қарағанды облысының тұрғыны әлеуметтік желіде ұлтаралық алауыздық тудырғаны үшін 5 жылға сотталды

&nbsp;<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының халықтың шамадан тыс кредит алуын азайту бойынша жүйелі шаралар қабылдау жөніндегі тапсырмасын іске асыру мақсатында Қазақстан Республикасының Қаржы нарығын реттеу және дамыту агенттігі (бұдан әрі – Агенттік) Парламент депутаттарымен бірлесіп «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту және қарыз алушылардың құқықтарын қорғау мәселелері бойынша өзгерістер мен толықтырулар енгізу туралы» заң жобасын (бұдан әрі – Заң жобасы) әзірледі.Заң жобасында мынадай негізгі ережелер көзделеді.1. Проблемалық қарыздары бар азаматтардың борыш жүктемесін азайту үшін&nbsp;банктер мен МҚҰ-ның азаматтардың төлем мерзімі 90 күннен астам өткен кредиттер бойынша оларға кредиттер беруіне тыйым салынады.Бұдан басқа, банктер мен МҚҰ үшін барлық қолданыстағы (өтелмеген) тұтынушылық кредиттер бойынша төлем мерзімі 90 күн өткеннен кейін сыйақы есептеуге&nbsp;тыйым салынады.Азаматтардың проблемалық кредиттерді реттеуге арналған &nbsp;құқықтарын іске асыру үшін жеке тұлғалардың кредиттерін мерзімі өткен берешек туындаған сәттен бастап жиырма төрт ай өткенге дейін және айыппұлдардың, өсімпұлдар мен комиссиялардың күшін толық жоюды қоса алғанда, қарыз алушы қарыз бойынша берешекті өтей алатын тараптар үшін өзара қолайлы жағдайларды қамтамасыз ететін берешекті реттеу рәсімдерін жүргізу кезінде коллекторлық агенттіктерге сатуға шектеу енгізіледі.Сонымен қатар, банктер мен МҚҰ азаматтардың берешегін реттеу бойынша сапалы жұмыс жүргізуі үшін қарыздарды коллекторларға беруге екі жылдық мораторий (2026 жылғы 1 мамырға дейін) енгізу ұсынылады.Сондай-ақ қарыздары коллекторларға беріліп қойған қарыз алушыларды қолдау үшін коллекторлардың жеке тұлғалардың сатып алынған кредиттері бойынша берешекті реттеу рәсімдерін жүргізу міндеті енгізіледі.Азаматтардың жаңадан басқаға берілген кредиттері бойынша мораторий аяқталғаннан кейін коллекторлар азаматтардың борыш жүктемесін азайту үшін есептелген және төленбеген сыйақыны есептен шығаруға міндетті болады.Борыш жүктемесінің шамадан тыс өсуін шектеудің қосымша шарасы ретінде тұтынушылық кредит ұғымын заңнамалық тұрғыдан енгізу ұсынылады. Бұл ретте банктер мен МҚҰ-ның халыққа уәкілетті органның нормативтік құқықтық актісінде белгіленген ең жоғары мөлшерден артық сомаға (банктер үшін – 5 млн теңге, МҚҰ үшін – &nbsp;3 млн теңге) тұтынушылық кредиттер беруіне тыйым салынады.Барлық кредиттер бойынша жиынтық берешекті шектеу үшін жаңа макропруденциялық норматив,&nbsp;яғни кредиттер бойынша жиынтық берешектің қарыз алушының кірісіне қатынасы енгізіледі. Нормативтің мәні және оны есептеу тәртібі Агенттіктің актісімен айқындалатын болады.Бұдан басқа, банктер мен МҚҰ-ның барлық кредиттері үшін мөлшері Ұлттық Банк пен Агенттіктің актілерінде айқындалатын ЖТСМ-нің шекті мәнін сақтау жөніндегі талаптарды белгілеу жолымен банктердің және МҚҰ-ның кредиттері бойынша сыйақы мөлшерлемелерін азайту бойынша бірыңғай тәсіл енгізіледі.Азаматтардың шамадан тыс кредит алуы онлайн-микрокредит беру &nbsp;секторында байқалатынын ескере отырып, 50 АЕК -ке дейінгі сомаға, 45 күнге дейінгі мерзімге берілетін микрокредиттің ерекше түрінің күшін жою, сондай-ақ барлық микрокредиттер бойынша жылдық тиімді сыйақы мөлшерлемесін белгілеу ұсынылады.2.&nbsp;Кредиттер бойынша мерзімі өткен берешекті сотқа дейінгі реттеу шеңберінде азаматтардың құқықтарын қорғауды күшейту үшін қарыз алушыны төлем мерзімінің өтіп кетуі туралы хабардар ету мерзімі күнтізбелік 20&nbsp;күннен 10 күнге дейін, оның ішінде ақпараттандыру объектілері (банктер мен МҚҰ-ның мобильдік қосымшалары) арқылы қысқартылады. Сондай-ақ банк омбудсманының азаматтардың барлық кредиттері бойынша&nbsp;дауларды қарау жөніндегі өкілеттіктерін кеңейту және микроқаржы омбудсманын құру көзделген. Омбудсмандардың шешімдері банктер, МҚҰ және коллекторлық ұйымдар үшін міндетті болады.Мерзімді әскери қызметке шақырылған азаматтарды қолдау үшін банктік қарыздар мен микрокредиттер бойынша сыйақы есептемей төлем мерзімін автоматты түрде кейінге қалдыру көзделеді.3. Атқарушылық іс жүргізу шеңберінде азаматтардың құқықтарын қорғауды күшейту үшін кәмелеттік жасқа толмаған балалары бар отбасыларды және мүгедектігі бар адамдарды жылыту маусымында жалғыз баспанасынан шығаруға тыйым салу, сондай-ақ қарыз алушының банктік шотында сақталатын ақша сомасын ең төменгі күнкөріс деңгейінің 1-ден 2 еселенген мөлшеріне дейін (87 мың теңге) ұлғайту енгізіледі. Бұдан басқа, банктерге ХӘОТ-қа жататын бұрынғы меншік иелеріне балансқа өткен тұрғын үйді жалға беру құқығы беріледі.4. Азаматтардың құқықтарын кредиторлардың жосықсыз әрекеттерінен қорғау үшін берешекті өндіріп алу кезінде банктер, МҚҰ, коллекторлық агенттіктер мен қарыз алушылар арасындағы дауларды төрелік соттарда қарауға тыйым салу, сондай-ақ МҚҰ мен коллекторлық агенттіктердің нотариустармен және жеке сот орындаушыларымен үлестес болуына тыйым салу енгізіледі.5.&nbsp;Азаматтардың банкроттық рәсіміне қол жеткізуін жеңілдету үшін заң жобасында &nbsp;борышкердің мерзімі өткен берешекті реттеуді, сондай-ақ реттеу және өндіріп алу рәсімін өткізу мерзімін 18 айдан 12 айға дейін қысқартуды&nbsp;растайтын құжатты беруі жөніндегі талап алып тасталады. Сондай-ақ, азаматтардың олардың алдындағы міндеттемелері соттан тыс банкроттық рәсімімен қамтылатын кредиторлардың тізбесі (тарату сатысындағы қаржы ұйымдары, сондай-ақ азаматтарға құқықтары (талаптары) бар ұйымдар) кеңейтілді.6.&nbsp;Кредиттер бойынша алаяқтықты азайту мақсатында клиентті биометриялық сәйкестендіру жүргізбей электрондық банктік қарыздар мен онлайн микрокредиттер беруге тыйым салу енгізіледі. Сондай-ақ, бір уақытта алаяқтық кредиттердің ресімделуіне жол бермеу үшін банктер мен МҚҰ-ның осындай өтінімдер бойынша мәліметтерді нақты уақыт режимінде кредиттік бюроға ұсыну міндеті енгізіледі.Заң жобасында тергеу іс-шараларын жүргізу кезеңінде сыйақы есептеуді және наразылық-талап қою жұмысын тоқтата тұру түрінде алаяқтық кредиттер бойынша туындаған берешекті &nbsp;реттеу міндеті көзделеді. Бұл ретте қарызды алаяқтық тәсілмен ресімдеу фактісі белгіленген заңды күшіне енген сот шешімі болған жағдайда клиентке қойылатын талаптар тоқтатылады.Ағымдағы жылғы ақпан айынан бастап азаматтардың кредит алудан ерікті түрде бас тартуды белгілеу құқығы заңнамалық деңгейде енгізілді. Бұл ретте заң жобасында азаматтардың кредит алудан ерікті түрде бас тартуы болған жағдайда кредиторлардың ресімделген кредиттер бойынша борышты есептен шығару міндеті көзделген.&nbsp;Заң жобасын қабылдау азаматтардың мүдделерін қорғауды қамтамасыз етуде және халықтың шамадан тыс кредит алу тәуекелдеріне жол бермеуде маңызды рөл атқаратынын атап өткен жөн.Ағымдағы жылғы 20 наурызда Парламент Мәжілісі &nbsp;Заң жобасын &nbsp;екінші оқылымда қабылдады және ол қазіргі уақытта Сенаттың қарауында.Фото: Fingramota.kz

Қарыз алушылардың құқықтарын қорғау мәселелері жөніндегі заң жобасы әзірленді

&nbsp;<a href="https://kyzylorda-news.kz/">Kyzylorda-news.kz</a>&nbsp; «Жеке сәйкестендіру нөміріңізді төлемдердің бар-жоғына тексеріңіз», «Сілтемеге басып, 3 млн теңгеге дейін өтемақы алыңыз,», «Мемлекеттен тезірек жәрдемақы алыңыз» - әлеуметтік желілерде қаскүнемдер осындай сынды жалған ақпараттар орналастырып, Қазақстандықтардың дербес деректерін қолға түсіруге тырысып бағуда.&nbsp;Алаяқтықтың бұл түрі жаңа емес, алайда соған қарамастан кейбір азаматтар алаяқтардың айла-шарғыларының құрбаны болып жатады. &nbsp;Fingramota.kz негізгі қауіпсіздік шараларын еске салады.&nbsp;Су тасқынынан зардап шеккендерге өтемақы төленіп жатыр ма?Мемлекет басшысының тапсырмасы бойынша су тасқынынан зардап шеккендер жергілікті атқарушы органдардан, яғни әкімдіктерден біржолғы төлем алатын болады. Төлемдер мөлшері әр өңірде келтірілген материалдық залалды есептеу үшін құрылған арнайы комиссиялардың шешімі бойынша жеке белгіленетін болады. Ол үшін су тасқыны салдарынан айырылған мүліктің тізімдерін, залалды растайтын фото -, бейнематериалдарды, жылжымайтын мүлік объектісін идентификаттау құжаттарын және басқа да құжаттарды қоса бере отырып, әкімдіктерге өтінішпен жүгіну қажет. Өтемақы төлеу рәсімі жөнінде неғұрлым толық ақпаратты тек жергілікті атқарушы органдардан алуға болады.Қазақстанның барлық азаматтарына банктерден және Еңбек министрлігінен «өтемақы» төленедіЖалған хабарландыруларды барынша шынайы етіп көрсету үшін қылмыскерлер қазақстандық банктер мен мемлекеттік органдардың атауларын &nbsp;пайдаланады. Мысалы, соңғы аптада Facebook, Instagram, Telegram әлеуметтік желілерінде ҚР Еңбек және әлеуметтік қорғау министрлігінің Халық банкпен бірлесіп өтемақы төлейтіні, сондай-ақ Қаржы министрлігінің жаңа қаулысы шыққаны жөнінде хабарламалар жариялануда. Вижуалда ұйымдардың логотиптері мен брендбук элементтері, сондай-ақ Қазақстан Республикасының елтаңбасы пайдаланылады.<img class="image_resized" style="width:47.92%;" src="https://knadmin.beoblood.kz/uploads/11_5c97324f54.jpg" alt="11.jpg"><img class="image_resized" style="width:42.85%;" src="https://knadmin.beoblood.kz/uploads/22_2f9476e02b.jpg" alt="22.jpg">Алаяқтар адамдарды жаңылыстыру үшін әр жарнама постының астында «Жедел төлем үшін рақмет», «Сома сол күні түседі», «Өтінімдерді шұғыл беріңіз» деген мәтінімен боттар түсіндермелерін орналастырады.Алаяқтардың басты мақсаты – азаматтардың «Толық» немесе «Өз өтемақымды тексеру» дегенді басып, фишингтік сілтемелерге өтуін мәжбүрлеу. Одан кейін пайдаланушы алаяқтық сайтқа тап болады, ол сайтта ақша алу үшін тіркеу ұсынылады. Ал бұл үшін ЖСН, банктік карталардың деректемелері, &nbsp;SMS-хабарлама сияқты дербес деректер енгізу қажет болады.Азамат бұл талапты қалай орындайды, солай олардың деректері автоматты түрде алаяқтардың қолына түседі. Қаскүнемдер өз құрбандарының шоттарындағы бүкіл ақша қаражатын алуы мүмкін немесе «бөгдеге» кредит ресімдеуі мүмкін. Сондай-ақ күмәнді сайттарға өткеннен кейін хакерлік шабуылға тап болу тәуекелі бар, ол пайдаланушының құрылғысына шпиондық бағдарламалар орнатуға негізделеді. Алаяқтар осы қосымша арқылы онлайн-банкингке және басқа да құпия ақпаратқа қол жеткізе алады.Рас-өтірігін атынан жалған ақпарат таратқан ұйымға жүгіне отырып білуге болады. Мысалы еңбек және халықты әлеуметтік қорғау министрлігі фейкке хабарламада көрсетілген сілмете қаскүнемдердің пайдаланушының жеке деректерін алу тәсілі болып табылады деп хабарлап жедел ден қойды. «Мемлекеттік қолдаудың тиесілі шаралары туралы ресми ақпарат 1414 нөмірінен SMS-хабарламалар арқылы ғана таратылады. Азаматтарды ресми дерекөздеріне ғана сенуге шақырамыз», - деп атап өтті ведомство өкілдері ресми релизде.Алаяқтар кез-келген нөмірлерді, оның ішінде төрт таңбалы нөмірлерді қолдан жасай алатындығын есте ұстаған жөн, сондықтан ұйымдардың жедел желілерінің нөмірін терген кезде ешқандай жағдайда SMS-хабарлама арқылы жіберілетін нөмір бойынша қайта қоңырау шалуға немесе сілтемелерге өтуге болмайды.&nbsp;Тағы қандай қауіпсіздік ережелерін білу керек? &nbsp;Әрқашан банктің, мемлекеттік органдардың ресми сайттарынан төлемдер туралы ақпаратты тексеріп жүріңіз. Өзіңіздің жеке және банктік деректеріңізді, әсіресе картаның арғы бетіндегі үш санды және оның жарамдылық мерзімін жарияламаңыз. Ақша туралы сөз қозғайтын бейтаныс адамдардың қоңыраулары мен хабарламаларына сенбеңіз. Картаңыздың 3D-Secure функциясын өшірмеңіз.Барлық транзакцияларды көріп отыру үшін мобильді қосымшадағы SMS- және push-хабарламаларды қосып қойыңыз. Электрондық поштаға және мессенджерлерге жіберілген қоса берілген белгісіз файлдарды ашпаңыз.&nbsp; Алаяқтардың сайттарына өтуге мүмкіндік бермейтін вирусқа қарсы сенімді бағдарламаны орнату қажет.&nbsp; Ақшалай қаражат тоналған жағдайда, құқық қорғау органдарына өтінішпен жүгініңіз.&nbsp;Өзіңізге, жақындарыңызға қамқорлық жасаңыз және қаржылық сауаттылығыңызды&nbsp;Fingramota.kz-пен бірге арттырыңыз!Фото: Fingramota.kz

Алаяқтар су тасқыны жағдайын азаматтарды алдау үшін пайдалануда  

<a href="https://kyzylorda-news.kz/">Kyzylorda-news.kz</a> «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды» деді Президент Қасым-Жомарт Тоқаев өзінің Қазақстан халқына Жолдауында.Бұл ұлттық жоба аясында 2025 жылға дейін 800 мың баланың заманауи мектепте оқуына жағдай жасайтындығын, осылайша апатты жағдайдағы және үш ауысыммен оқитын мектеп мәселесі толық шешілетіндігін атап көрсетті. Бұл ауыл және қала мектептерінің айырмашылығын едәуір азайтады. Қазіргі таңда ауыл мектептерінің деңгейі біртіндеп қала мектептерімен теңестіріліп келеді. Ғаламтордың қолжетімділігі, кітап қоры мол кітапханалар, мектеп ішіндегі арнайы дәретханалар, ішкі және сыртқы бейнебақылаудың болуы, жайлы оқу кабинеттерінің болуы ауыл мектептерінің сапасын арттырып отыр. Сонымен қатар Мемлекет басшысы мектеп формасын барлық оқушыға қолжетімді ету аса маңызды екенін айтты. Әлеуметтік тұрғыдан әлсіз саналатын кейбір топтағы балаларға мектеп формасын бюджет есебінен беру де қарастырылған. Өз кезегінде бұл көптеген отбасыларға көмек болар еді.Ұлттық жоба аясындағы жұмыстар Сыр өңірінде 12 300 орындық 21 заманауи білім ошағы бой көтермек. Өткен жылы 10 мектептің құрылысы басталған-ды. Қалған 11-і алдағы уақытта еңсе тіктейді. Айта кететіні,&nbsp;аймақта дарынды балаларды қолдау саясаты өз деңгейін жүзеге асырылуда. Шаһардың сол жағалауынан құны 7,9 млрд теңгені құрайтын 300 орындық жатақханасы бар 400 орындық физика-математика мектеп-интернатының құрылысы жүргізілуде. Бұдан бөлек өткен жылы&nbsp;«ҚазГерМұнай» компаниясының қаржылай қолдауымен 350 орындық заманауи «Оқушылар сарайының» құрылысы басталғанын білдік. Өздеріңізге мәлім, қоян&nbsp;жылының соңында Қызылорда қаласында 600 орындық және Жаңатұрмыста 250 орындық екі жаңа мектеп ел игілігіне қолданысқа берілген-ді.Жайлы мектептің жаңалығы көп. Мәселен, жаңа оқу жылында облыс орталығындағы 4 білім ұясының жанынан 1850 орынға лайықталған жаңа қосымша ғиматтар бой көтерді. Сонымен қатар балалардың қауіпсіздігі мен жайлылығы үшін 30 жаңа автобус сатып алынған. Бала қауіпсіздігі қашанда басты назарда. Оған аймақтағы білім беру ұйымының бейнебақылау жүйесімен жүз пайыз қамтылғаны дәйек. Қоса кеткен жөн, өткен жылы Қызылорда қаласы және аудан орталықтарында орналасқан оқушы және персонал саны 700-ден асатын 106 мектеп, 7 оқушылар үйі, қаладағы 28 балабақша лицензияланған күзетпен қамтамасыз етілген. 47 мектепті жаңғыртудан өткізуге 529,5 млн теңге бөлінсе, оның 484,1 млн теңгесіне 63 жаңа модификациялық кабинеттер сатып алынғаны тағы бар.&nbsp;Бұл – жас ұрпақтың саналы тәрбие, сапалы білім алуы үшін мемлекет тарапынан қолға алынып жатқан ауқымды жұмыстардың бірі. Ел бойынша екі жылға жоспарланған жұмыстардың жүйелі жүзеге асырылатынына – уақыт төреші.

«Жайлы мектеп»: 21 мектеп және 12 300 орын

<a href="https://kyzylorda-news.kz/">Kyzylorda-news.kz</a> &nbsp;Су тасқынынан зардап шеккен тұрғындарға өнер жұлдыздары қомақты қаражат аударды. Бұл туралы&nbsp;<a href="https://stan.kz/25-million-tenge-estrada-zhyldizdari-su-taskininan-zard-398231/">Stan.kz&nbsp;</a>ақпарат агенттігі хабарлайды.Айта кетейік, қардың күрт еруінен еліміздің солтүстігі мен батыс өңірін су алып жатыр.“Үш жүздің басы қосылатын күн туды. Өйткені, су тасқыны бір елге емес, еліміздің түкпір-түкпіріне жетуде. Өнер адамдары: әнші, продюсер, ақын, журналистер, асабалар бәріміз бірігіп ашқан топ бүгін елмен бірге екенін айтып, ортаға түскен қаражатты қалай жеткізу қажетін ақылдастық. Әзірге 25 млн теңге жиналды. Алдағы уақытта зардап шеккен жұртпен жеке жүздесетін боламыз. Біздің көмегіміз теңізге түскен тамшыдай болса да, жүрегіміздегі жанашырлық сезімін осылай жеткізгіміз келді», – деп жазды Роза Әлқожа.Сонымен қатар өнер иесі, ақша аударған әріптестерінің есімін атауды да жөн көрді.“Олардың арасында Ерғали Әбдірайымов, Ердос Қанаев, Гүлзира Айдарбекова, Мақпал Жүнісова, Жеңіс Ысқақова, Сұлушаш Нұрмағамбетова, Өктем Алтаев, Елнұр Наурызбек, Мұқасан Шахзадаев, Өмірқұл Айниязов, Бауыржан Бекахметов, Мирас пен Құралай, Қуаныш пен Қарлығаш, Ерке Есмахан, Мөлдір Мұқанова, Мадина Сәдуақасова, Гүлнұр Оразымбетова, Арайлым Рахымқызы, Индира Елубаева, Үкітай Ерниязов, Кеңес Әлімжан, Мұхтар Ханзада, Айбек Қайбулла, Мәлік Жамбылұлы, Ақбота Сейтмағамбет, Анар Батырхан, Құдайберген Бекіш, Света Айтбаева, Бағым Мұхитденова, Садраддин, Бекжан Тұрыс, Ақбота Керімбекова, Досымжан Таңатаров, Саят Медеуов, Әбдіжаппар Әлқожа, Төреғали Төреәлі, Қайрат Нұртас, Нұрболат Абдуллин, Бибігүл Қилымхан, Әзімбек Байлин, Қажымұрат Шешенқұл, Бауыржан Тұрабаев бар”, – деп жазды әнші.Еске салайық,&nbsp;Құлсары қаласына гуманитарлық көмек жіберген&nbsp;Роза Әлқожа сынға қалғанын&nbsp;жазған едік.Фото:&nbsp;https://www.instagram.com/roza_alqozha/

«25 миллион теңге»: Эстрада жұлдыздары су тасқынынан зардап шеккендерге қаржылай көмектесті

&nbsp;<a href="https://kyzylorda-news.kz/">Kyzylorda-news.kz</a> &nbsp;Жаңақорған елді мекендерге қатынайтын жолдардың мәселесін шешкен бірден-бір аудан. 26 ауылдық округ пен кенттегі облыстық, аудандық маңызы бар автожолдар қайта жаңарды. Жаңақорған ауданы аумағында автомобиль жолдарының жалпы ұзындығы 451 шақырымды құрайды. Оның 101 шақырымы республикалық, 157,9 шақырымы облыстық және 192,1 шақырымы аудандық маңыздағы автомобиль жолдары санатында. Ауданның 526 көшесінің ұзындығы 593,8 шақырым. Аудандық бюджеттен 6 елді мекеннің 7,5 шақырым құрайтын 7 көшесін орташа жөндеуге 189 547,0 мың теңге қаралып, іс жүзеге асқалы отыр.&nbsp;Негізінен аудандағы барлық елді мекенге баратын жолдардың барлығы асфальттанған. Тек кейбірі сын көтермей, көлік жүруге көп кедергі келтіруде. Осыны ескерген аудан әкімі бастаған жауапты сала мамандары биыл автомобиль жолдарын ретке келтіруге кірісті. Тау беткейдегі ауылдар арасынан Қыраш, Құттықожа мен Талап елді мекені тұрғындарының басты талап-тілегі болған жол мәселесі кезең-кезеңімен шешімін тапты.<blockquote>Ауылдың негізгі тіршілігі мал шаруашылығы, сонымен қатар шағын кәсіптер бар. Біз көптен күткен жол мәселесі шешімін тауып жатқанына қуаныштымыз. Аудан басшысы, жауапты сала мамандары мен ауыл әкіміне алғысымыз зор. Енді осы жолдың сапалы жөнделуіне бақылау жасауымыз керек. Өйткені мұндай ауқымды жұмыс жыл сайын жасалына бермейді, – дейді Талап ауылының ақсақалы Жалғасбай Нарынбетов.«Биыл 4 аудандық маңыздағы жол жөнделеді, «Тау самалы» лагеріне кіре берістегі 6 шақырым жол, «Самара-Шымкент-Қыраш» (4 шақырым), «Самара-Шымкент-Талап» (5 шақырым), «Самара-Шымкент-Аққұм» (10,37 шақырым) жолына орташа жөндеу жұмыстары жүргізіледі. Өтпелі кезеңмен республикалық, облыстық бюджеттен қаржы бөлініп, мемлекеттік сатып алу жұмыстары жүргізіліп, жеңімпаз мердігерлер анықталды. Бүгінгі таңда, Талап бекеті жол құрылысы басталды. Қалған жолдар үстіміздегі жылдың шілде айында аяқталады», – деді бөлім басшысы.</blockquote>Негізінен аудандағы барлық елді мекенге баратын жолдардың барлығы асфальттанған. Тек кейбірі сын көтермей, көлік жүруге көп кедергі келтіруде. Осыны ескерген аудан әкімі бастаған жауапты сала мамандары биыл автомобиль жолдарын ретке келтіруге кірісті. Тау беткейдегі ауылдар арасынан Қыраш, Құттықожа мен Талап елді мекені тұрғындарының басты талап-тілегі болған жол мәселесі кезең-кезеңімен шешімін тапты.<blockquote>Ауылдың негізгі тіршілігі мал шаруашылығы, сонымен қатар шағын кәсіптер бар. Біз көптен күткен жол мәселесі шешімін тауып жатқанына қуаныштымыз. Аудан басшысы, жауапты сала мамандары мен ауыл әкіміне алғысымыз зор. Енді осы жолдың сапалы жөнделуіне бақылау жасауымыз керек. Өйткені мұндай ауқымды жұмыс жыл сайын жасалына бермейді, – дейді Талап ауылының ақсақалы Жалғасбай Нарынбетов. Былтыр «Самара-Шымкент-Аққұм» автомобиль жолының құрылысына облыстық бюджеттен 10 млн теңге бөлініп, тегістеу жұмыстары жүргізілсе, жақын арада асфальт төселеді. Тағы бір жаңалық, 2022 жылдан өтпелі кезеңмен іске асырылған аудандық маңызы бар «Самара – Шымкент – Екпінді» автомобиль жолының бойындағы көпірді қайта жаңғырту жұмыстары жүргізілуде.Ауданның Сыр беткейінде 11 ауылдық округ бар, барлығы кент орталығына Ы.Алтынсарин және З.Мұсаханов көшесі арқылы қатынайды. Жыл соңына дейін Алтынсарин аумағындағы жолдар жаңаратын болады. Ал, Мұсаханов көшесіне орташа жөндеу жұмысы тәмамдалды. Көпшіліктің қуанышына орай жол сапалы, әрі мерзімінен бұрын аяқталды. Бұл турасында көше тұрғындары мен жауапты сала мамандары, мердігер мекеме не дейді? Ұзындығы 2,4 шақырым болатын аудан орталығындағы негізгі көшелердің бірі Мұсаханов көшесінің жөндеу жұмыстары жайында нақты мәліметті жауапты кент әкімдігінен білдік.«Орташа жөндеу жұмыстарына аудандық бюджеттен – 50 млн 761 мың теңге қаржы бөлініп, «Мемлекеттік сатып алу» Заңының ашық конкурсы өткізілді. Нәтижесінде «Altimus LTD» ЖШС 40 млн 600,0 мың теңгеге жеңімпаз болып танылып, 13 сәуірде №37 келісімшарт жасалды. Асфальт төселіп тұрғындардың пайдаланылуына берілді», – деді кент әкімінің орынбасары Нұржан Сүлейменов.</blockquote>Шыны керек, бұл көшеге төселген асфальттің сапасы аудан орталығындағы басқа көшелерге қарағанда теп-тегіс. Оны күнделікті көріп жүрміз, бұл жұмысты техникалық қадағалаушы «Әсем-құрылыс-Қызылорда» ЖШС, авторлық қадағалаушы «М.Мамуов» ЖК. Елдің де тілеуі сапалы жол ғой, осындай етіп асфальт төселсе ұзаққа жарары анық. Енді жол жиегін тегістеп, ретке келтірсе болғаны.«Рас, жол сапалы, енді тек қайта қазбаса дейміз. Газ, су кіргізу үшін жыл сайын қазылады. Шүкір, ауыз суымыз келді, газ үйге кіріп тұр. Сондықтан әкімдік тарапынан жасалып жатқан жұмыстарға алғыс білдіреміз. Енді кенттегі қалған көшелер осылай уақыт күттірмей жөнделсе», – дейді кент тұрғыны Ақылбек ақсақал.Айта кететіні, жыл басынан бері осы уақытқа дейін орташа жөндеуден өткен көшелер мен маңызды жолдар жүйеленіп келеді. Жақында ғана аудан басшысы Алтынсарин аумағына қатаң бақылау жасаған еді. Аудан бойынша 57 көше жөнделетінін тағы да параққа түртіп алдық. Аудан әкімі Мұрат Жолкелдіұлының бастамасымен 2023 жылы аудандық маңыздағы және елді мекендегі ауылішілік көшелерді салу, сондай-ақ күрделі және орташа жөндеу жұмыстары бойынша 23 елді мекенде бір-бір көшеге орташа жөндеу, яғни асфальттау жұмыстары жүргізіледі. Аудандық маңызы бар «Самара - Шымкент - Жайылма» 3 шақырым, «Самара - Шымкент - Бесарық» 1 шақырым, облыстық маңызы бар «Самара - Шымкент - Түгіскен - Келінтөбе» 6 шақырым жолды орташа жөндеу жұмыстары жүргізілуде.Кент бойынша Ж.Тағаев, З.Мұсаханов, Қ.Сағырбаев, Е.Белсенбаев, О.Қашқынов, Ы.Алтынсарин, А.Абуталипов, А.Сүлейменов, Т.Шалапов, А.Еламанов, Ипподром 26/2, Ипподром 24, С.Құрымбеков, Д.Романов, А.Исаев, С.Сапарбаев, Қоңқабаев, Өркендеу, Ы.Скендиров, М.Есболғанов, Жібек жолы көшелері жаңғырады. Бұл мәліметтер аудан әкімдігінің ақрпарат көзінен алынды. Төменарық ауылдық округі бойынша Д.Нұрпейісова, Алтыбаев, Пашаев, Елтай 2, Р.Құдайбергенов, М.Махатаев, Ә.Молдағұлова, Б.Момышұлы көшелері жөнделеді. Бесарық ауылдық округінен С.Таңқиев, Б.Шалғынбаева, Ж.Қыдыров, Байкенжеден С.Алдабергенұлы, О.Палуан көшесі, М.Нәлібаевтан А.Иманов көшесі, Сүттіқұдықтан Ш.Торғаев көшесіне асфальт төсеу жұмысы басталады.Сол секілді, Қожамберді, Манап пен Талап ауылдық округінен екі көшеден, Кейден, Шалқия, Аққорған, Жаңарық, Қаратөбе, Өзгент, Сунақата, Келінтөбе, Көктөбе, Қандөз және Қыркеңсе ауылында бір-бір көшеден жөнделеді. Қожакент ауылдық округінен 5 көше, барлығы 57 көшеге асфальт салынады. Ал ауылдық округтің ішінде Қыраш, Қосүйеңкі және Ақүйік ауылдық округтерінде газ жүйесі құрылысының басталуына байланысты ауылішілік жол құрылысы тоқтатылады делінген. Жалпы алғанда, тұрғындардың көптен күткен тілегі орындалуда. Әсіресе, кент ішінде көліктер көбірек жүретін көшелерге асфальт жұмысы жүргізілгеніне қуаныштымыз. Қалғаны уақыт күттірмей жүзеге асатынына сенімдіміз.Сонымен қатар, биыл кенттегі «Саяжай» аумағына көбірек көңіл бөлінгелі тұр. Көшеден бөлек, бұл аймақта 600 орындық мектеп құрылысы басталады.<blockquote>Жалпы алғанда «Саяжай» аумағы шағын мөлтек ауданға айналып, инфрақұрылымға басымдық берілуде. Демек алдағы уақытта инвестиция тартылып, шағын кәсіп көздері осы маңнан табылады деген сөз. Ол уақыттың еншісіндегі шаруа. Жаңақорған кентінің «Дәруіш 1», «Дәруіш 3», «Дәруіш 5», «Саяжай» ықшам ауданының көше қиылыстары, Сүттіқұдық ауылдық округінің Аманжолов көшесі, Келінтөбе ауылдық округінің Әль-Фараби көшесі, Қыркеңсе ауылдық округінің Тәшібай, Қапанов көшелерін орташа жөндеу жұмыстарына конкурс жүргізілуде екен. – Облыстық бюджеттен 2 елді мекеннің 9,5 шақырым құрайтын 6 көшесін орташа жөндеуге 280 948,0 мың теңге қаралған. Оның ішінде, Жаңақорған кентінің М.Абдуллаев пен Тәуелсіздік көшесінің аралғындағы айналма жол және МАИ бекеті ықшам ауданының көше қиылыстары, Байкенже ауылдық округінің А.Мустиярұлы, А.Дүйсенұлы, А.Еламанов, Байдалиев-Жарылғапов қиылысы да бар. Қазіргі уақытта 5 көшенің мердігері анықталды. Жаңақорған кентінің Маи бекеті ықшам ауданының көше қиылыстарын жөндеу жұмыстары бойынша конкурс жүргізілуде, – деді жауапты сала маманы.&nbsp;</blockquote>Аудандық бюджеттен 6 елді мекеннің 7,5 шақырым құрайтын 7 көшесін орташа жөндеуге 189 547,0 мың теңге қаралған. Қандөз ауылына кіре беріс көше, Қожакент ауылының А.Құнанбаев көшесі, Талап бекетінің Ж.Сейдалиев көшесі, Жаңарық ауылының Ә.Тәжібаев, Өзгент ауылының Б.Төлегенов және К.Сейтмуратов, Қыркеңсе ауылының Д.Еркішев көшелерін орташа жөндеу жұмыстары жүргізіледі. Қазіргі уақытта 5 көшенің мердігері анықталды. Қандөз және Қыркеңсе ауылдық округінің көшелері бойынша конкурстық жұмыстар жүргізілуде екенін білдік. Жалпы жауапты мекеме 2023 жылдың қорытындысымен елді мекен көшелерінің жақсы және қанағаттанарлық жағдайдағы үлесі 49,6 пайыздан 55,9 пайызға жоғарылайтын жеткізді.Айта кететіні, Сыр өңірі бойынша Жаңақорған ауданының жолдары сапасы жөнінде көш ілгері. Тек Аққұм елді мекеніне баратын жолды орташа жөндеу керек. Бұл мәселенің де шешімі тарқар уақыт жақын. Биыл Жаңақорған кентінде – 7, Төменарықта – 8 көше орташа жөндеуден өтеді. Мұндай қаржыға Қожакентте – 5, Жаманбай батырда – 3, Байгенже, Манап және Қожамбердіде – 2 көше жөндеуден өтеді. М.Нәлібаев, Сүттіқұдық, Талап, Кейден, Өзгент, Сунақата, Келінтөбе, Қандөз, Көктөбе және Шалқия кентінде бір-бір көше орташа жөндеуден өтеді.Бұл – Тәуелсіздік жылдары аудан көлемінде жол құрылысына салынған ең ауқымды қаржы болмақ. Ең бастысы, ауыл келбеті көркейіп, иинфрақұрылым дамып келеді, ендігі елдің тілеуі бір, ол – сапалы жол. &nbsp;Фото: Жаңақорған тынысы

Жаңақорғанда жолдар жаңаруда

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы еліміздегі cу тасқынына ұшырамаған облыстар мен қалалардың әкімдеріне көшелерді тазарту, көгалдандыру және елді мекендердің аумақтарын абаттандыру науқанын бастауды тапсырған болатын.Кешеден бастап Президенттің бастамасымен елімізде «Таза Қазақстан» экологиялық акциясы басталды. Аталмыш акция асында Сыр өңірінде де «Таза Қазақстан – таза аймақ» атты экологиялық науқаны бастау алды.Осыған орай бүгін Қазалыда аудан әкімі Мейрамбек Шермағанбеттің төрағалығымен аудандағы санитарлық тазалыққа қатысты кеңейтілген мәжіліс өтті. Жиынға аудандағы барлық мекеме, кәсіпорын ұжымдары, көше комитеттері мен аудан тұрғындары қатысты.Басқосуда аудан басшысы аудан көлемінде жүргізіліп жатқан тазалық жұмыстары мен алдағы жоспарлар жайында айтып өтіп, туған жерді көркейту-көгалдандыру бағытындағы жұмыстарға бірлесе атсалысу керектігін жеткізді.Жиында аудан әкімінің орынбасары Дәурен Тлеумбетов Әйтеке би кентіндегі 7 аймақ бойынша атқарылып жатқан тазалық жұмыстары бойынша хабарлама жасады. Ал, аудандық полиция бөлімі бастығының міндетін атқарушы Ғанибек Құрманалиев тазалық мәселесіне қатысты тұрғындар тарапынан орын алған құқық бұзушылықтарға қатысты қабылданған іс-шаралар туралы баяндады.Кеңейтілген мәжілісте аудандық ардагерлер кеңесінің төрағасы Оразғали Бекпановта сөз алып, елдің бірлігін, абыройын көрсететін үлкен істе ауызбірішілікпен танытуға шақырды. Сонымен қатар көше комитеттерінің төрағаларымен аудан тұрғындары да тазалық мәселесіне қатысты өз ұсыныс-пікірлерін жеткізді.Жиын соңында аудан әкімі қоршаған ортаның, туған жердің тазалығы әрбір ауладан, әрбір көшеден басталатындығын жеткізіп, ауданды көркейту бағытындағы жұмыстарға жауапкершілікпен қарауға шақырды. Сондай-ақ тазалық жұмыстарына тек мекеме, кәсіпорын ұжымдары ғана емес барлық аудан тұрғындары, көше комитеттері, кәсіпкерлер өз аулаларынан бастап атсалысу қажет екендігін айтты.

Қазалыда санитарлық тазалық мәселесіне қатысты кеңейтілген мәжіліс өтті

&nbsp;<a href="https://kyzylorda-news.kz/">Kyzylorda-news.kz</a> Қызылорда облысының «Нұра топтық су құбыры» ШЖҚ РМК «Арал» СЖКБД филиалының суды магистральдық құбыр жолдары және таратушы желілер арқылы беру қызметтеріне бекітуге берілген тарифтерінің жобасын талқылау бойынша жария тыңдау өткізілді.Жария тыңдауға аудан әкімінің орынбасары Ш. Сыдықов, «Нұра топтық су құбыры» ШЖҚ РМК «Арал» СЖКБД филиалының директоры Н. Шамұратов, ҚР ҰЭМ Табиғи монополияларды реттеу комитетінің Қызылорда облысы бойынша департаменті басшысының орынбасары К. Кеншембаева және аудандық мәслихат төрағасы Ә. Қошалақов, ардагерлер кеңесінің мүшелері, депутаттар, жергілікті атқарушы, мемлекеттік органдардың, бұқаралық ақпарат құралдарының өкілдері, тұтынушылар қатысты.Жиында «Нұра топтық су құбыры» ШЖҚ РМК «Арал» СЖКБД филиалының директоры Н. Шамұратов филиалдың атқарған жұмыстары мен қазіргі жағдайы туралы хабарлама жасап, тұрғындар тарапынан қойылған сұрақтарға заңға сәйкес жауап берді.Сонымен қатар, жария тыңдауда Қазақстан Республикасы Ұлттық экономика министрінің 2019 желтоқсандағы №90 бұйрығымен бекітілген тарифтерді белгілеу қағидасына сәйкес, Филиалдың суды магистральдық құбыр жолдары және таратушы желілер арқылы беру қызметтері бойынша тарифтерді, тарифтік сметаларды бекітуге берген өтінімдері 2023 жылғы 29 желтоқсанда келіп түсті, соған сәйкес Филиалдың өтінімі уәкілетті органмен 90 жұмыс күн ішінде қаралады.Филиалдың жобалық орташа босату тарифі 1 текше метрге ҚҚС-сыз: суды магистралдық құбыр жолдары, таратушы желілер арқылы беру қызметіне: 2024 жылға – 956,72 теңге, 2025 жылға – 1112,92 теңге, 2028 жылға 1162,31 теңге, 2029 жылға – 1243,30 теңге, ал суды таратушы желілер арқылы беру қызметіне: 2024 жылға – 725,54 теңге, 2025 жылға – 753,38 теңге, 2026 жылға – 753,39 теңге, 2027 жылға -777,90 теңге, 2028 жылға – 829,02 теңге, 2029 жылға – 869,21 теңге ұсынылды.Департамент қазіргі таңда қолданыстағы нормативтік-құқықтық актілерге сәйкес, филиалдың тарифтерін бекітуге ұсынған құжаттары қаралуда, атап айтқанда: «шикізат және материалдар», «жанар-жағар май», «энергия», «жалақы», «әлеуметтік салық», «ағымдағы жөндеу» және т.б баптары бойынша түзетпелер қарастырылуда.Өткізіліп отырған жария тыңдаудың қорытындысы бойынша айтылған сын-ескертпелермен, ұсыныс-пікірлерді ескере отырып, Департаментпен соңғы шешім 2024 жылдың 15 мамырында қабылданады.

Тариф жайы талқыланды

&nbsp;<a href="https://kyzylorda-news.kz/">Kyzylorda-news.kz</a> &nbsp; Облыс әкімі Нұрлыбек Нәлібаевтың төрағалығымен өткен мәжілісте жылу беру маусымының қорытындысы, келесі жылу беру маусымына дайындық және коммуналдық мекемелердің қарыздары бойынша мәселелер қаралды.Күн тәртібіндегі мәселелер жайында облыстық энергетика және тұрғын үй-коммуналдық шаруашылығы басқармасының басшысы Медет Усаин баяндады.&nbsp;Аймақ басшысы жауапты маусым тұрақты өткенін айтты.<blockquote>«Жалпы өңірде жылу беру маусымы тұрақты өтті деуге болады. Дегенмен 29 наурыз күні Қызылорда қаласы Тасбөгет кентіндегі газ құбырында апаттық ақау болып, салдарынан 6 мыңға жуық абонент және 4 әлеуметтік нысан он екі сағат газдан ажыратылды. Оның ішінде облыстық балалар ауруханасы, «Ана мен бала» орталығы, туберкулезге қарсы диспансер бар. Мұндай жағдай жеке мекемелердің іс-әрекетінен екінші рет қайталануда. Құрылыс мекемелері көп жағдайда жер қазу, инженерлік инфрақұрылым жүйелеріне қосу жұмыстарын жауапты мекемелердің қатысуынсыз жүзеге асыруда. Бұған қатаң бақылау қажет. Алдағы жылу беру маусымына дайындықты бүгіннен бастауымыз керек. Барлық әлеуметтік нысандар қазан айына дейін, ал мектептер тамыз айының соңына дейін дайын болуы тиіс», – деді Нұрлыбек Машбекұлы.</blockquote>Мұнан бөлек, жиында бюджет қаржысын игеру, коммуналдық кәсіпорындардың өзара берешектерін өтеу және штаттық кестесін оңтайландыру, әлеуметтік нысандарды табиғи газға ауыстыру жайлы талқыланды.Мәжіліс қорытындысымен Қызылорда қаласы және аудан әкімдеріне, бюджеттік бағдарлама әкімшілеріне, жылу-энергия нысандарының басшыларына 1 мамырға дейін алдағы жылу беру маусымына дайындық жөніндегі қалалық және аудандық штабтар құрып, іс-шаралар жоспарын бекіту тапсырылды. Облыс орталығы мен аудандардағы әлеуметтік нысандарды газға көшірудің жоба-сметалық құжаттамалары да 1 мамырға дейін әзірленуі тиіс. Мұнан бөлек, «Қызылорда жылу электр орталығы» мекемесіне қазандықтар мен жылу желілерін жөндеуді 1 қазанға дейін аяқтау міндеті қойылды.Фото: Қызылорда облысы әкімінің баспасөз қызметі

Келесі жылу беру маусымына дайындық қазірден басталмақ

<a href="https://kyzylorda-news.kz/">Kyzylorda-news.kz</a> Көңілін кір шалмаған, жүрегіне дақ түспеген, кіршіксіз таза кішкентайлардың күлкісі – кемел келешегіміздің кілті. Қауіптен қаперсіз, қайғысыз, қамсыз, құлдыраңдап өсіп жатқан балдырғандарға қарап қаншалықты ізгі қоғам құрғанымызды бағамдауға болады. Бұл ретте болашақ қамын әуелден басшылыққа алған Президент Қасым-Жомарт Тоқаев балаларға мемлекет қамқорлығы сезілетіндей жан-жақты жағдай жасауды көздейтін пәрменді бастамалар көтеріп келеді.Өздеріңізге аян, Мемлекет басшысы 2022 жылға "Балалар жылы" деп айдар тақты. Осы жылдың аясында балаларды қорғау, олардың білімін арттыру және сауықтыру мақсатында түрлі жобалар да қолға алынды. Ендеше, балалардың тынығу лагерлерінің жай-күйін білу мақсатында қаламға салмақ салдық.Жадыраған көк майсалы жаздың салтанат құрар кезі таяп қалды. Тиісінше жазғы демалысқа шыққан мектеп оқушылары үш ай демалысты мағыналы әрі мәнді етіп өткізуге тырысады. Бірінің аңсары ауылға ауса, енді бірі – қалаға қарай асығады. Ал кейбірі жазғы лагерге барғанды құп көреді.&nbsp;Жазғы лагерь – тек демалыс орны ғана емес, тәрбие мен насихат құралы. Балаларды жан-жақты дамытып, зейіндерін ашып, еңбекке баулитын орта. Шиелі ауданына қарасты "Сыр ұланы" лагеріне жергілікті бюджеттен өткен жылы 15 341,0 мың теңге қаралған. Жазғы лагерь барысында балаларға медициналық қызмет көрсетуге, олардың сауықтырылуына барынша көңіл бөлінген-ді. Жасөспірімдердің денсаулығын қадағалау мақсатында демалыс базаларының әрқайсына арнайы тексеріс те жүргізілген. Оны білу үшін Шиелі аудандық санитариялық-эпидемиологиялық бақылау басқармасының бас маманы Ш.Нұржановаға байланысқа шықтық.<blockquote>– "Сыр ұланы" тынығу лагері және ауданымыздағы мектепішілік лагерлеріндегі балаларды демалдыру іс-шарасы маусымның 1-нен басталды. Шиелі ауданындағы мектепішілік тамақсыз лагерлерде өткен жылы 12 190 бала қамтылу жоспарланып, 15 күндік лагерде балалар демалды. «Сыр ұланы» лагерінде 553 бала демалдыру жоспарланып, 6 кезеңде 511 бала демалысын қызықты өткізген болатын. 7 кезеңде 70 бала демалса, оның 26-сы демеушілердің көмегімен уақыттарын тиімді пайдаланды, – дейді бас маман.&nbsp;</blockquote>Лагердің салтанатты ашылуы ылғи халықаралық балаларды қорғау күнімен&nbsp; тұспа-тұс келетін. Қоян жылында да тура солай болды. "Сыр ұланы" 2000 жылдан бері бейімделген балабақша ғимаратының бір бөлігінде орналасып жұмыс істеуде. 100 орынға арналып 4 топ жабдықталған. Бізге жеткен мәлімет бойынша, 2023 жылы мамырдың 30 күні аудандық СЭББ, білім бөлімі және «Сыр ұланы» тынығу лагерімен 3 жақты келісім меморандумға отырған.<blockquote>– Лагердің медициналық талаптарға сәйкес, жұмыс істеуіне арнайы «Шиелі аудандық көпбейінді орталық ауруханасы» ШЖҚ КМК мекемесінің 24.05.2023 жылғы №183 санды бұйрығына орай (балалар дәрігері, тіс дәрігері, аймақтық дәрігер) мамандары бекітіліп, іс-шаралар жоспары бойынша жұмыстар атқарылды. Аккредиттелген «ҰСО» ШЖҚ РМК Қызылорда облысы филиалымен 30.05.2023 жылы №35 санды келісім шарт арқылы тағам өнімдерінің қауіпсіздігін аспаптық және зертханалық зерттеулерді қоса алғанда, өндірістік бақылауға, 25.05.2023 жылғы №31 санды «Дезинфекция, дезинсекция және дератизация» жұмыстары бойынша келісім шарттар жасалынып, әр ауысым сайын жұмыстар жүргізілді. Аудандық көпбейін орталық ауруханасымен «Балаларды сауықтыру ұйымдарында балалардың демалысын, тамақтануын, медициналық көмек пен сауықтыру шараларын ұйымдастыру туралы» бірлескен бұйрығы бойынша 7 рет семинар өткізілді. Семинарға 164 мектепішілік лагерьлер қызметкерлері, лагерь аспаздары мен медицина қызметкерлері қатысты. Тиісінше, әр кезеңде өткізілген семинарлар фэйсбук әлеуметтік желісіне жарияланды. Өндірістік бақылаудың келісім шартына сәйкес, бактериологиялық зерттеуге 18 тағам үлгісі, 2 ауыз су, 120 шайынды, санитарлық-химиялық зерттеуге құнарлылыққа 30 тағам үлгісі, 2 ауыз су, 2 залалсыздандыру ерітіндісі зертханалық зерттеуге алынды, – дейді Ш.Нұржанова.</blockquote>Шиелі аудандық санитариялық-эпидемиологиялық бақылау басқармасының мамандары берген мәліметке қарап, балалардың тынығуы үшін тыңғылықты тексерістің болғанын бағамдауға болады. Бір ұққанымыз, жазғы тынығу лагерлері мектеп оқушыларын қуантуға қашан да даяр. Балалар демалысының дұрыс ұйымдастырылуы жайлы сөзімізді қорыта келгенде, біз көп нәрсені ұсақ-түйек деп елемейтін сияқтымыз. Ал тереңірек ойлап қарасақ, жазғы лагерлер – тек демалыс орны ғана емес, үлкен тәрбие мен шыңдалу орталығы. Себебі балалар онда жай демалып қана қоймай, әрі денсаулығын түзейді, қоршаған ортаны танып, еңбекке, достыққа бейімделеді.

Қазақстан және Қызылорда облысының жаңалықтары: Қоғам