<a href="https://kyzylorda-news.kz/">Kyzylorda-news.kz</a> Күні ертең еліміздің барлық білім ошақтарында ұзақтығы 34 аптаға созылған тағы бір оқу жылы аяқталып, жас түлектер үлкен өмірге қанат қақпақ. Алтын ұясымен қоштасуға әзір тұрған бітіруші сыныптардың дәл осы айтулы сәтті асыға күтетіні рас. Биылғы оқу жылында облыс бойынша 330 мектепті 181 мыңнан астам оқушы тәмамдаса, оның ішінде 8 240 түлек мектеппен қоштасады.&nbsp;Шиелі аудандық білім бөлімінің берген ақпаратына сәйкес, ағымдағы жылы шежірелі өлкеде 38 мектепті 1-11 сынып арасында 18 379 оқушы аяқтайды. Оның ішінде 11-сынып түлектерінің саны&nbsp;–&nbsp;870, 9-сынып бітірушілері 1 803-ті құрады. Ал Майлытоғай ауылдық округіндегі №141&nbsp;Қ.Сәбіров атындағы орта мектепте бітіруші сынып жоқ.Оқушылар үшін маңызды сәттің бірі&nbsp;–&nbsp;"Соңғы қоңырау" салтанаты екені белгілі. Биыл&nbsp;ҚР Оқу-ағарту министрлігі тарапынан білім беру ұйымдарындағы мектеп бітіру іс-шараларын өткізудің арнайы тұжырымдамасы бекітілді. Осыған сәйкес, 24 мамыр күні 1-10 сыныптар арасында арнайы тәрбие сағаты өткізілді. Ал 25 мамырда мектеп түлектеріне арналған әртүрлі форматтағы іс-шаралар ұйымдастырылмақ. Тәлімдік кездесу, ашық сабақ сынды бағыттарда өтетін жиындарға тек 11-сынып оқушылары, мектеп басшысы мен сабақ беруші педагогтар қатыса алады. Іс-шараға түлектердің мектеп формасымен қатысуы міндеттелді.&nbsp;Бұдан бөлек Шиелі аудандық білім бөлімі басшысының міндетін атқарушы Марат Асанханұлы биыл мектеп бітіру кештерін өткізуге, аудан ішінде көлікпен шеру жасауға, таңды күтіп алып, мерекелік дастарқан ұйымдастыруға тыйым салынғанын атап өтті. Бұл күні барлық орта мектептердің педагогикалық ұжымдары күшейтілген режимде жұмыс істейтін болады. Аталған шаралар басшылық талабына сәйкес, 25 мамыр күні оқушылар арасында болатын әртүрлі жағымсыз оқиғалардың алдын алу мақсатында, сондай-ақ ата-аналар тарапына мүмкіндігінше қаржылай салмақ салмау үшін жасалмақ.&nbsp;Білім алушылар үшін жауапты сәт – аттестат табыстау салтанаты. Оқушылар алған білімдерінің нәтижесін көрсететін аттестат қағазына республика бойынша бір уақытта, 14 маусым күні ие болмақ.&nbsp;<blockquote>– Биыл аудан бойынша бітіруші 870 түлектің 95-і "Үздік аттестатқа", 59-ы "Алтын белгіге" үміткер болып отыр. "Алтын белгіге" үміткер оқушылар бұл үшін жазбаша форматтағы емтихан тапсыратын болады. Оқушылардың жұмыстары соңғы 3 жылдағы дәстүрге сай облыстық білім басқармасы жанынан құрылған комиссиямен тексеріледі. Комиссия жұмысында ашықтық пен әділдік қатаң сақталмақ,&nbsp;– деді Марат Ақпанбетов.&nbsp;</blockquote>Бүгінде түлектерді үлкен өмірге бастайтын баспалдақтың алғашқы сатысы&nbsp;–&nbsp;Ұлттық бірыңғай тест тапсыру кезеңі басталып кетті. Биыл облыста 7 391 оқушы аталған емтиханнан өтсе, аудан бойынша 741 түлек сынақ тапсыруға тілек білдіріп отыр. Тестілеу Жаңақорған кентіндегі №110 мектеп-лицейінде орналасқан ҰБТ өткізу пунктінде өтеді. Соңғы 2 жылдағы ереже талабына сәйкес, тест тапсырушының жол шығыны, қауіпсіздігі ата-ананың мойнына жүктелмек. Себебі әр оқушы сынақтан өту күні мен уақытын өзі таңдайтын болады. Тестілеу мерзімі 5 шілдеге дейін жалғасады. Мектеп бітірушілер аталған кезең қорытындысымен берілетін сертификат арқылы мемлекеттік грант конкурсына қатысуға мүмкіндік алады.Жазғы кезеңде балаларды сауықтыру демалысын ұйымдастыру жұмыстары бойынша биыл 1-10 сынып аралығында 17 510 бала жазғы демалыспен және саяхатпен қамтылады деп жоспарлануда.&nbsp;Балалардың белсенді әрі пайдалы демалысын ұйымдастыру бағытында аудандық "Сыр ұланы" лагері жұмыс істейді. Лагерь 700 баламен қамтылмақ.&nbsp;Бұдан бөлек мектеп жанындағы бір мезгіл тамақпен 32 мектепте 2 338 бала, тамақсыз 38 мектепте 3 395 бала тынықса, 7 мектеп жанынан құрылған шатырлы лагерьлерге (стационарлық емес) 361 бала, 6 мектеп жанынан этнолагерьге (киіз үйлі, стационарлық емес) 543 бала, ұлттық құндылықтар бойынша мектеп жанындағы 6 лагерьге 390 бала, 6 археологиялық лагерьге (стационарлық емес) 257 бала, спортқа бейімделген 27 мектеп жанындағы лагерьге (стационарлық емес) 1 318 бала қамтылады деп жоспарлануда.&nbsp;Білім қызметкерлерінің аудандық кәсіподақ комитеті есебінен 60 бала өзге облыстардың лагерьлерінде демалса, кәсіпорындар есебінен 135 бала, демеушілік есебінен 153 бала, ата-анасының қатысуымен 350 бала сауықтырылып демалады. Жалпы сауықтыру жұмыстары бойынша 10 045 бала қамтылмақ.Балалықтың бал шағын артқа тастап, үлкен өмірдің табалдырығын аттағалы тұрған мектеп түлектері үшін биылғы оқу жылы біршама өзгерістерге толы болғаны жасырын емес. Десе де, талай жыл алған білімін өз бойларына өре білген, еліміздің ертеңгі тізгінін қолға алар азаматтардың үлкен жолға бастаған қадамдарынан күтер сенім көп. Ендеше, кемел білім кемесі шығарып салған жолаушылар өмірден өз орнын тапса игі.

Шиеліде соңғы қоңырау соғыла ма?

<a href="https://kyzylorda-news.kz/">Kyzylorda-news.kz</a> Бүгін партияның қалалық филиалында депутаттық фракция отырысы өтті.&nbsp; Жиынға партияның қалалық филиалының Төрағасы Ибадулла Құттықожаев, қала әкімінің орынбасары Еркебай Ғалымжан, фракция жетекшісі Талғат Мақаш және фракция мүшелері, қала әкімдігінің бөлім басшылары қатысты.&nbsp;Күн тәртібінде:&nbsp;-&nbsp;&nbsp;&nbsp;&nbsp;&nbsp;&nbsp;&nbsp; 2023-2027 жылдарға арналған «Халықпен бірге!»сайлауалды бағдарламасының Қызылорда қаласы&nbsp; бойынша іске асырудың Жол картасы төңірегіндегі «Инфрақұрылымдық жүйелерді жақсарту» бағытының «Электр, жылумен жабдықтау және кәріз желілерін жөндеу», «Таза ауыз сумен және орталықтандырылған газбен қамтамасыз ету», «Жолдардың жақсы және қанағаттанарлық жағдайдағы үлесін арттыру», «Тұрғындарды тұрғын үймен қамтамасыз ету»&nbsp; мәселелері қаралды.&nbsp;Фракция отырысында баяндама жасаған қала әкімінің орынбасары Ғалымжан Еркебай:Қазіргі уақытта «Қызылордажылуэлектрорталығы» МКК-ның балансында Қызылорда қаласында орналасқан23 энергия көзі бар, оның ішінде Қызылорда жылу электр орталығы, КОГТЭС, Оңтүстік қазандық және автономды блокты-модульдік қазандықтар 20 бірлікті құрайды.Барлық энергия көздері негізгі отын ретінде табиғи газды пайдаланады. Резервтік отын ретінде – мазут, дизельдік отын.2023 жылы 2 газтурбиналық қондырғы (ГТУ-1,2) және КУВ-30 қазандығын облыстық&nbsp; бюджеттен 1,5 млрд. теңге бөлінген. Газтурбиналық қондырғыларға зауыттық жағдайда күрделі жөндеу жұмыстары жүргізілді және КУВ-30 су қазандығын жөндеуге құбырлар мен қосалқы қондырғылар сатып алынып, кәсіпорынның өз күшімен жөндеу жұмыстары жүргізілді.&nbsp;Сонымен қатар, кәсіпорынның өз қаражаты есебінен № 6 бу қазандығына күрделі жөндеу, № 9 бу қазандығына, №3 бу турбинасына, Оңтүстік қазандығының №1 бу қазандығына күрделі жөндеу, №2-7 қазандықтарына және 19 АБМК-лардың қазандықтарына ағымдағы&nbsp; жөндеу&nbsp;жұмыстары жүргізілді. 2024 жылы Кәсіпорынның алдағы жылу маусымына дайындық жұмыстарын уақытылы жүргізіп және аяқтау мақсатында барлығы 4 864,28 млн теңге жоспарлануда,-деп мәлімдеді.<img src="https://knadmin.beoblood.kz/uploads/3579b75a_0506_43d2_90d4_653608fab3ad_ca49464a2b.jpg" alt="3579b75a-0506-43d2-90d4-653608fab3ad.jpg">АУЫЗ СУ МӘСЕЛЕСІ ОҢТАЙЛЫ ШЕШІЛУДЕҚаладағы ауыз су және кәріз жүйелерін жөндеу жұмыстары бойынша 2023 жылы Қызылорда қаласындағы қуаттылығы 70 мың м3/тәу модульді биологиялық тазарту станциясының сыртқы инженерлік желілері (электр және газбен жабдықтау) жобасы 289,3 млн. теңгеге және Қызылорда қаласындағы 11 кәріздік сорғы станцияларын қайта құру және жаңарту жобалары 1 428,9 млн.теңгеге атқарылып іске қосылды. Жоба құны 4 684,6 млн.теңгені құрайтын Қызылорда қаласында ағын суларды тазарту қуаты тәулігіне 70,0 мың м3 биологиялық тазарту станциясын жаңғырту және автоматтандыру жобасын бастауға 2023 жылы 1 329,2 млн.теңге бөлінген, Рабочая көшесінің бойындағы 3 агрегатқа арналған №13 "Гагарин" КСС жобасы 2023 жылы басталып 2024 жылға өтпелі (жоба құны 241,8 млн.теңгені құрайды 2023 жылы 80,9 млн.теңге бөлінген). ҚР Ұлттық Қор есебінен Астана даңғылы Көшербаев көшесі Жеңіс көшесі Әбдрешов көшесінен КНС №29-ға дейін кәріз жүйесін жүргізу жұмысына 106,8 млн.теңге бөлініп жоба іске асырылған.Ал ауыз су жүйелері бойынша бүгінгі таңда тұтынушыларға 71 ұңғыма арқылы тәулігіне 64,5 мың текше метр ауыз су өндіріліп, тұтынушыларға 2,1-2,3 атмосферамен таратылып отыр. Ауыз су&nbsp; қажеттілігі артқан уақытта су қысымы 2,4-2,5 атмосфераға дейін көтерілуде. Барлық ұңғымалар мен су алу құрылымдары максималды режимде жұмыс жасауда.&nbsp;Жаз айларында тәулігіне 100-110 мың текше метр ауыз су өндіріліп таратылады. Оның 62-70,0 мың текше метр ауыз су&nbsp; жер асты су қорынан, қалған 38,0-40,0&nbsp; мың текше метр ауыз су&nbsp; жер үсті су алу көзінен өндіріледі.<img src="https://knadmin.beoblood.kz/uploads/99b91cee_0adb_41e7_b3d2_ae36f62f688e_56056397c6.jpg" alt="99b91cee-0adb-41e7-b3d2-ae36f62f688e.jpg">ЖОЛ ИНФРАҚҰРЫЛЫМЫНДА ЖАҢАЛЫҚ КӨП&nbsp;Қазірде қала бойынша ұзындығы 713 шақырымды құрайтын 826 көше бар. Оның ішінде, 539 шақырым болатын 588 көше асфальт, 163 шақырым болатын 219 көше тас жол, 11 шақырым болатын 19 көше қара жолды құрайды.Жақсы және қанағаттанарлық күйдегі жолдардың үлесі 75 пайызды құрап отыр.Бүгінгі таңда қала және ауылдық округтерге қарасты маңызды көшелердің барлығын жаңғырту, қалпына келтіру, салу жұмыстары басталған.&nbsp;ТҰРҒЫНДАРДЫ ТҰРҒЫН ҮЙМЕН ҚАМТУ ЖҰМЫСТАРЫ АУҚЫМДЫ ЖҮРГІЗІЛУДЕФракция отырысында талқылаған кезекті мәселе – тұрғындарды тұрғын үймен қамтамасыз ету.&nbsp;Қала әкімінің орынбасарының мәлемдеуінше «Тұрғындарды тұрғын үймен қамтамасыз ету» бағдарламасы бойынша 2022 жылы басталған Сырдария өзенінің сол жағалауында №2-ші шағын ауданында 470 пәтерлі ипотекалық 10 тұрғын үйдің құрылысы аяқталып ағымдағы жылы пәтер кілттері халық игілігіне берілетін болады. Ағымдағы жылы Сырдария өзенінің сол жағалауы №3 мөлтек ауданында 7 этажды 84 пәтерлі 6 тұрғын үйдің құрылысы аяқталып 504 пәтерді құрайтын ипотекалық тұрғын үй құрылысы аяқталып жыл соңында пайдалануға беріледі. Осы мөлтек ауданда 40 пәтерлі 10 ипотекалық тұрғын үй құрылысы шілде айында басталып 2025 жылы аяқталатын болады.Кезекте тұрған осал топты және көп балалы отбасыларға 2023 жылы 872 пәтер сатып алынды. Ағымдағы жылы 1240 пәтер осы санаттағы тұрғындарға және 135 пәтер авариялық кезекте тұрған отбасыларға пәтер сатып алынатын болады.

Amanat: Фракция отырысы өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;Статистикаға көз жүгіртсек, елімізде шегіртке тектес зиянкестің 270-тен аса түрі бар екен. Соның ішінде 10-15 түрі астық пен техникалық дақылдардың, көкініс, бау-бақша егістерінің, мал жайылымдарының және шабындық жерлердің аса қауіпті зиянкестері болып есептеледі. Жалпы шегірткелер үйірлі және саяқ тектестерге бөлінеді. Соның ішінде үйірлі шегірткелер аса қауіпті зиянкес ретінде анықталған. Елімізде ауыл шаруашылығы дақылдарына зиян келтіретін жәндіктермен күрес жүйелі түрде жүргізілуде. Мамандардың айтуынша, аса қауіпті саналатын зиянды организмдер тізбесіне енгізілген италияндық прус, азиялық және мароккалық шегірткелердің көбейіп кетпеуін жіті бақылауда ұстап отыруға тура келеді.&nbsp; Бүгін облыс бойынша шегірткелерге қарсы атқарылған жұмыстар сараланып, алда жасалатын жұмыстар біршама пысықталды. Сондай-ақ жаңадан алынған құрылғылар Қызылорда облыстық инспекциясында "Ерекше қауіпті шегіртке зиянкестері мен карантиндік объектілерге қарсы жүргізілетін фитосанитариялық&nbsp;іс-шараларды ұйымдастыру және химиялық өңдеу жұмыстарын атқаратын техниканың дайындығы жөніндегі штаб отырысында" таныстырылды.&nbsp;Оған облыс әкімінің &nbsp;орынбасары Б.Жаханов, облыстық аумақтық инспекция басшысы М.Оразбаев, облыстық ауыл шаруашылығы және жер қатынастары басқармасының басшысы Т.Дүйсебаев, «Республикалық фитосанитариялық диагностика және болжамдар әдістемелік орталығының» республикалық мемлекеттік мекемесінің облыстық филиал директоры А.Айтбаев, «Фитосанитария» &nbsp;республикалық мемлекеттік кәсіпорны Қызылорда облыстық филиалының директоры Ж.Дүзелбаева және БАҚ өкілдері қатысты.<img src="https://knadmin.beoblood.kz/uploads/824_A9984_2c24904baa.jpg" alt="824A9984.jpg"><img src="https://knadmin.beoblood.kz/uploads/824_A9959_202c79803f.jpg" alt="824A9959.jpg"><img src="https://knadmin.beoblood.kz/uploads/824_A9942_be378801ab.JPG" alt="824A9942.JPG"><img src="https://knadmin.beoblood.kz/uploads/824_A0008_25a0dad103.JPG" alt="824A0008.JPG">Фитосанитариялық қауіпсіздік аграрлық саладағы өзекті мәселенің бірі саналады. Ауыл шаруашылығы саласында еңбек өнімділігін арттыруға және өңделген өнімдердің экспортын ұлғайтуға, әсіресе елімізге жаңа нарықтың ашылуын одан әрі нығайтуды қажет ететініне Мұхтар Оразбаев тоқталып өтті.<blockquote>– &nbsp;Биыл ауыл шаруашылығы дақылдарының зиянды және ерекше қауіпті зиянды организмдер және карантиндік нысандарға қарсы барлығы 5048,4 мың гектар жерге зерттеу жүргізеді, оның ішінде ерекше қауіпті зиянкестеріне қарсы 2984,95 мың гектар, зиянды организмдерге қарсы 456,950 мың гектар, карантиндік нысандарға 66,500 гектар жерге, зиянды организмдердің таралып дамуына жүйелік бақылау жұмыстары 1540 мың гектар көлемде қамтылады,&nbsp;– деді&nbsp;М. Оразбаев.</blockquote>&nbsp; Айта кету керек, шегіртке мәселесі ешқашан көлеңкеде қалып көрмеген. Биыл да жыл басынан бері арнайы дайындық жүрген. Қазір де барлық қажетті шараларды қабылданып жатыр.<img src="https://knadmin.beoblood.kz/uploads/824_A0005_ed2400efca.JPG" alt="824A0005.JPG"><blockquote>Мониторинг жұмыстарын жүргізуге 33 маман, 14 зерттеуші және 27 автокөлік қатыстырылатын болады. Фитосанитариялық ахуалды қамтамасыз ету мақсатында мониторинг жұмыстарын жүргізетін әдістемелік орталық мамандарына қосымша көмек ретінде маусымдық жұмысқа ауылдық округтерден 129, шаруа қожалықтардан 145, барлығы облыс бойынша 274 зерттеуші маман алынды.&nbsp;Біздің облыста таралған карантиндік зиянкестер, олар – калифорниялық қалқанша сымыры мен қауын шыбыны, карантиндік арамшөп - кекіре мен сарышырмауық. Жатаған у кекіреге қарсы 4360 га жер зерттеліп, казіргі таңда 45 гектары залалданғаны анықталды. Республикалық бюджет есебінен жатаған у кекіреге қарсы 393 келі «Триумф супер, в.д.г.» &nbsp;препараты келіп, химиялық өңдеу жұмыстары жүргізілуде. Сонымен қатар арамсояуға&nbsp;қарсы мониторингтік зерттеу жұмыстары басталып, 300 га жерге зерттеу жұмыстары жүргізілді. Қауын шыбынына қарсы республикалық бюджеттен 1750 га жерге &nbsp;262,5 л Тиаметрин препараты жеткізілді, &nbsp;– деді инспекция басшысы.</blockquote><img src="https://knadmin.beoblood.kz/uploads/824_A9891_f5180d69c5.JPG" alt="824A9891.JPG"><img src="https://knadmin.beoblood.kz/uploads/824_A9892_83e0bf13b9.jpg" alt="824A9892.jpg"><img src="https://knadmin.beoblood.kz/uploads/824_A9893_43e57408df.jpg" alt="824A9893.jpg"><img src="https://knadmin.beoblood.kz/uploads/824_A9905_6f2b9f02a9.jpg" alt="824A9905.jpg"><img src="https://knadmin.beoblood.kz/uploads/824_A9916_1c56bbe478.jpg" alt="824A9916.jpg"><img src="https://knadmin.beoblood.kz/uploads/824_A9910_794e5ceeac.jpg" alt="824A9910.jpg"><img src="https://knadmin.beoblood.kz/uploads/824_A9927_447abc9218.jpg" alt="824A9927.jpg">Мөлдір САБЫРЖАН,Суреттердің авторы: Нұрболат НҰРЖАУБАЙ

Шегірткемен күрес тоқтамайды

<a href="https://kyzylorda-news.kz/">Kyzylorda-news.kz</a>&nbsp; Бүгін партияның облыстық филиалы жанындағы Өңірлік даму жөніндегі кеңес мүшелері қаланы көркейту, көгалдандыру бағытында атқарылып жатқан жұмыстармен танысып, зерделеу жасады.Кеңес мүшелері алдымен орталық көшелердегі гүлзарларға гүл егу, көгалды күтіп ұстау, қураған ағаштарды кесу, балақтау, арамшөптерді тазалау бағытында жасалып жұмыстармен танысты.Жалпы өңірде ағымдағы жылы аймақ басшысының тасырмасына сәйкес қаламызды көгалдандыру мен оларды күтіп баптау үшін «Жасыл Қызылорда» КММ-сі құрылған болатын. Жоғарыда аталған жұмыстар осы мекеме құзіретіне жүктеліп, оны жүзеге асыруға 60-тан аса жұмыс күші жұмылдырылған. Қазір қаладағы Н.Назарбаев даңғылы мен сол жағалау және басқа да көше бойларын, саябақтар мен скверлерді гүлмен көмкеру жұмыстары жүргізілуде. Шаһар аумағын көгалдандырып, көріктендіру үшін раушан, бархатцы, тагетис, петунья сынды гүл көшеттері егілуде.Сонымен бірге зерделеу тобы орталық алаңды абаттандыру жұмыстарымен де танысты. Бүгінгі күні қаладағы көпшілікке арналған орынға кең көлемде абаттандыру жұмыстары жүргізілуде. Заманауи дизайнмен жүзеге асырылып жатқан орталық алаңда көгалдандыру жұмыстарында тұрғындардың демалуы үшін қажетті дүниелер назардан тыс қалмаған. Қалаға сән беретін әрі ауаны тазарту, көлеңкелеу үшін ағаштар егіліп, жасыл алаңдар төселуде. Әсем жарықшамдар мен ыңғайлы орындықтар орнатылып, субұрқақ жаңартылуда.Мердігер мекеме «Техоснастка Ремсервис» ЖШС директоры Ли Илларион ағаш көшеттері мен көгалдар ауа-райына қолайлы, ыстыққа, шөлге төзімді»,- дейді ол. Өз кезегінде жаңа көшеттерді суғару құрылғылары орнатылған. Жалпы жөндеу жұмыстарын мерзімінен бұрын аяқтап, халық игілігіне табыстаймыз деп отыр.Мониторинг барысында Кеңес төрағасы Қожахмет Ілиясов: Тазалық – қала көркі, адам жанының айнасы. Осыған орай елді мекендерді, ауыл-аймақты, көркейту, көгалдандыру, ағаш көшеттерін қондыру, тазалық сақтау – әр азаматтың міндеті екенін тілге тиек етіп, тазалықты сақтау, еліміздің экологиялық жағдайдын жақсарту «AMANAT» партиясының Сайлауалды бағдарламасында көрініс тапқандығын және «TazaLike» партиялық жобасының басты міндеттерінің бірі екенін атап өтті.Жалпы табиғатты аялау, қоршаған ортаны таза ұстау әрбір азаматтың парызы десек, Мемлекет басшысының «Таза Қазақстан» акциясы Сыр елінде «Таза Қазақстан – таза аймақ» атауымен өте белсенді жүргізілуде. Игі іске партияның аймақтағы барлық құрылымдық бөлімшелері мен «Жастар рухы» белсенділері толық қатысуда.

Көгалдандыру, көркейту жұмыстарымен танысты

<a href="https://kyzylorda-news.kz/">Kyzylorda-news.kz</a>&nbsp; Осы жылы жалпыға бірдей декларациялаудың үшінші кезеңі өтуде. Бұл кезеңде декларацияны жеке кәсіпкерлер, заңды тұлғалардың басшылары, құрылтайшылар және олардың жұбайлары тапсырады. Мамыр айындағы мәліметке сәйкес, жалпыға бірей декларацияны 33 308 азамат тапсырып, жеке бас мүлкі туралы анықтама берген. Жалпы жыл соңына дейін 80 511 тұлға жалпыға бірдей декларацияға қатысады деп жоспарлануда. Бұл жөнінде Өңірлік коммуникациялар қызметінің ақпарат алаңында Қызылорда облысы бойынша мемлекеттік кірістер департаменті басшысының орынбасары Еркін Елшібеков хабарлады.-Жалпыға бірдей декларациялаудың негізгі бағыты – жеке тұлғалардың кірісін бақылаудың тиімді тетігін құру және сыбайлас жемқорлық пен көлеңкелі экономика деңгейін төмендету. Жалпыға бірдей декларацияның үшінші кезеңіне қамтылған азаматтар осы жылдың 15 қыркүйегіне дейін тұрғылықты жері бойынша тапсыруы қажет. Сондай-ақ, «Салық төлеуші кабинеті», «Электрондық үкімет» веб-порталдары, «e-salyqАzamat» мобильді қосымшалары арқылы тапсыруға болады. Бұдан бөлек, азаматтар декларацияны қағаз нұсқада пошта арқылы немесе өздері барып ұсынуға құқылы екендігін жеткізгім келеді. Тағы бір айта кететін жайт, декларацияны ұсынбаған азаматтарға ескерту және бір жыл ішінде тағы қайталағаны үшін 15 АЕК мөлшерінде айыппұл салу қарастырылған, - деді Еркін Кеңесбекұлы.Осы жылдың І тоқсанында мемлекеттік бюджеттің салықтық түсімі 104,3 пайызды құрады. Тиісінше, өткен жылмен салыстырғанда түсім көрсеткішінде айтарлықтай айырмашылық бар.<blockquote>– Жыл басынан бері республикалық бюджеттің салықтық түсімінің өсу қарқыны 127,4 пайызды құраса, жергілікті бюджеттікі 137,1 пайызға жетті. Былтырғы жылмен салыстырғанда бюджет түсімінде оң көрсеткіш қалыптасып отыр. Бұл бағыттағы жұмыстар өз жалғасын табатын болады, - деді Еркін Елшібеков.</blockquote>Фото:&nbsp;Қызылорда облысының Өңірлік коммуникациялар қызметі

Жалпыға бірдей декларациялау: Үшінші кезеңде қандай ережелер қамтылған?

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы прокурорының бірінші орынбасары Исламбек &nbsp;Төлегенов Жалағаш ауданында жұмыс сапарымен болды.Жұмыс сапары барысында аудан әкімі, аудандық мәслихат депутаттары, аудандық ардагерлер кеңесі, құқық қорғау органдарының басшылары, кент, ауылдық округі әкімдері мен бөлім, мекеме басшылары қатысуымен кездесу өтті.Жиында қылмыстық құқық бұзушылықтардың алдын алудағы профилактикалық шаралардың тиімділігі, пробация және полиция есебінде тұрған тұлғалар мен бұрын сотты болғандарға әлеуметтік-құқықтық көмек көрсетудің деңгейі, отбасылық тұрмыстық зорлық-зомбылықтың алдын алу, алкоголь өнімін &nbsp;рұқсатсыз өткізген тұлғаларды жауаптылыққа тарту мәселелері талқыланды.Сондай-ақ, қылмыстық құқық бұзушылықтардың алдын алудағы профилактикалық шаралардың тиімділігі туралы аудандық полиция бөлімі бастығының міндетін атқарушы Мәулен &nbsp;Өсер хабарлама жасады.Аудандық жұмыспен қамту және әлеуметтік бағдарламалар бөлімінің басшысы Қанат &nbsp;Бөлембаев пробациялық бақылауда және полиция есебінде тұрған тұлғалар мен бұрын сотты болғандарға әлеуметтік-құқықтық көмек көрсетудің деңгейі туралы баяндады.Аудан бойынша пробация қызметінің инспекторы Еркін Оразалыұлы пробация қызметінде атқарылып жатқан жұмыстарға тоқталып өтті.<blockquote>– &nbsp; &nbsp;Ауданда құқық бұзушылықтардың алдын алу бойынша бірқатар жұмыстар атқарылуда. Алдағы уақытта да құқық бұзушылыққа итермелейтін себептер мен жағдайларды анықтау, арнаулы әлеуметтік қызметтерге мұқтаж адамдарды әлеуметтік бейімдеу, құқық бұзушылық профилактикасы субъектілерінің қызметін үйлестіру, азаматтардың құқықтық мәдениетінің деңгейін арттыру мақсатында аудандағы құқық қорғау органдары және тиісті мекемелермен жұмыстар жалғасын табатын болады. Аудан әкімдігі өз кезегінде әрдайым бірлесіп жұмыс жасауға дайын және ауданның атқарушы органдарының қызметкерлері де өзінің лайықты үлесін қосады деп сенеміз,– деді Жалағаш ауданының әкімі Ардақ Ибраимов.</blockquote>

Жалағашта маңызды мәселелер талқыланды

<a href="https://kyzylorda-news.kz/">Kyzylorda-news.kz</a>&nbsp; Қай мемлекеттің болсын экономикалық әлеуетінің басты тірегінің бірі – салық екені белгілі. Мемлекеттің материалдық мүддесі мен қоғамдық өмірі де осы салада тоғысады.Мемлекет басшысы 2022 жылдың 1 қыркүйегіндегі Жолдауында экономиканың тұрақты өсуі – салық саясатына тікелей байланысты екендігін атап өтті. Осы орайда, биыл жаңа Салық кодексін халыққа түсінікті, қолдануға ыңғайлы &nbsp;әрі жеңіл &nbsp;болатындай етіп әзірлеуге арнайы тапсырма берді. Жалпы, кірістер органдарының басты мақсаты – салықтар мен міндетті төлемдердің бюджетке мерзімінде және толық түсірілуін қамтамасыз ету, «көлеңкелі» экономиканы болдырмауға қызмет жасау, қоғамдағы салық мәдениетін көтеру және сапалы мемлекеттік қызмет көрсету. &nbsp; &nbsp;Осы ретте Қызылорда облысы бойынша мемлекеттік кірістер департаменті&nbsp;көлеңкелі экономика деңгейін төмендету мақсатында&nbsp;салық базасын ұлғайту және түсімді арттыру, салықтық және кедендік әкімшілендіру бағытындағы &nbsp;жұмыстарды үлейстіру бағытында бірқатар жұмыстар атқарып келеді.Мәселен, осы жылдың І тоқсанында мемлекеттік бюджеттің салықтық түсімдерінен бекітілген жоспардың орындалуы 104,3% құрап, 3 млрд. &nbsp;теңгеге артық орындалған.Бюджеттер кесіндісінде РБ салықтық түсімдерінен бекітілген жоспардың орындалуы 99,2% болса (47,0 млрд.тг жоспарда бюджетке нақты 46,6 млрд.тг өндірілді), ЖБ салықтық түсімдерінен бекітілген жоспардың орындалуы 114,3% құрады (24,1 млрд.тг жоспарда бюджетке нақты 27,5 млрд.тг өндірілді).<blockquote>− Өткен жылдың сәйкес кезеңімен салыстырғанда МБ салықтық түсімдерінің өсу қарқыны 130,8% құрап, 17,5 млрд теңгеге артты. Бюджеттер кесіндісінде РБ салықтық түсімдерінің өсу қарқыны 127,4% құрап, &nbsp;10, млрд. теңгеге &nbsp;артса,&nbsp;ЖБ салықтық түсімдерінің өсу қарқыны 137,1% жетіп &nbsp;7,4 млрд.тг артты, − деді Қызылорда облысы бойынша мемлекеттік кірістер департаменті басшысының орынбасары Еркін Елшібеков.</blockquote>Белгілі болғандай&nbsp;Салық Кодексінің 71 тарауында Жалпыға бірдей декларациялауды 4 кезеңге бөліп табыс ету міндеттілігі көзделген.Бірінші кезекте – мемлекеттік &nbsp;қызметкерлер және оларға теңестірілген тұлғалар мен олардың жұбайлары тапсырса, &nbsp;&nbsp;екінші кезеңде – мемлекеттік &nbsp;мекеме қызметкерлері, квазимемлекеттік сектор субектілері және олардың жұбайлары тапсырды. Үшінші кезең осы жылдың қаңтар айынан басталды. Оны жеке кәсіпкерлер, заңды тұлғалардың жетекшілері және олардың жұбайлары табыс ету міндеттеліп отыр.Декларациялаудың төртінші кезеңі 2025 жылдың 1 қаңтарынан басталатын болады. Оны &nbsp;Қазақстан Республикасының 18-ге толған азаматтарынан бастап халықтың қалған бөлігі тапсыруы тиіс.<blockquote>−Кейін жыл сайын кірістер мен мүлік туралы декларация (270.00-нысан) ұсынылады.&nbsp;Жалпыға бірдей декларациялаудың негізгі міндеті−әділ салық салуды қамтамасыз ету және әлеуметтік саясатты жетілдіру, жеке тұлғалардың кірістерін бақылаудың тиімді тетігін құру, сыбайлас жемқорлық пен көлеңкелі экономика деңгейін төмендету, −дейді Еркін Кеңесұлы.</blockquote>Биылғы жылға жалпыға бірдей декларациялаудың бастапқы 250.00. «Активтер мен міндеттемелер» туралы декларацияны жеке кәсіпкерлер, заңды тұлғалардың басшылары, құрылтайшылары және олардың жұбайлары – жалпы &nbsp;80511&nbsp;тұлға жұбайларымен қоса алғанда табыс ету міндеттілген. Бүгінгі күні оның 12 мамырдағы мәліметке сәйкес 33&nbsp;308 тұлға табыс еткен, яғни 41,4 % құрайды. Қалғаны 47201&nbsp;тұлға.Декларацияны осы жылдың 15 қыркүйегіне дейін тұрғылықты жері бойынша тапсыру қажет. Декларацияны «Салық төлеуші кабинеті», «Электрондық үкімет» веб-порталдары, «e-salyqАzamat», Halyk, Bank CenterCredit мобильді қосымшалары арқылы ұсынуға болады. Сондай-ақ азаматтар декларацияны қағаз нұсқада пошта арқылы немесе өздері барып ұсынуға құқылы.Егерде декларацияны тапсырмаған жағдайда бірінші ескерту, бір жыл ішінде қайталап бұзатын болса – 55 380 теңге (15 АЕК) мөлшерінде айыппұл төлейтін болады.Фото: baigenews.kz

Декларация тапсыру міндетті

<a href="https://kyzylorda-news.kz/">Kyzylorda-news.kz</a>&nbsp;Бүгінгі таңда өзекті мәселенің бірі − ол сотталғандарды жаза өтеу мерзімі кезінде жұмыспен қамтамасыз ету.&nbsp;Адал еңбек еткізу арқылы олардың қоғамға керек екендігін сезіндіру болып табылады. &nbsp; Елімізде сотталушының жазасын өтеп жүріп жұмыс істеуіне мүмкіндік бар.Осыған орай&nbsp;Қызылорда облысы бойынша ҚАЖ департаментінің №37 мекемесінде &nbsp;жазасын өтеушілерді жұмыспен қамту үздіксіз жүргізілуде. &nbsp;Қазіргі күні мекемедегі 130-ға жуық сотталған қала ішіндегі жеке кәсіпкерлерде келісім -шарт негізінде жұмыс жасайды. Солардың бірі – Болат есімді жазасын өтеуші азамат. &nbsp;Ол үлкен жүк көліктерін жөндеумен айналысады.<blockquote>&nbsp; &nbsp;− Бұл мекемеде жұмыс жасап жатқаныма 1 жылдай болды.&nbsp;Мұндағы жұмысым өзіме ұнайды. Ер адам болғасын машина жөндеу жұмысы қолымыздан келеді. Жалақымыз уақытылы төленеді. Зейнетақы қорының аударымдары да&nbsp;уақытылы аударылады. Сондықтан осы жұмысқа бірден келісе кеттім. Жалақымнан артылғанын отбасыма жіберіп тұрамын. Өз ісімнің маманымын деп айта аламын. Абайсызда жол көлік оқиғасын жасап, істі болдым. Жазамды өтеп, бір жағынан жұмыс жасап, жалақы алып жүргенім қуантады. Бостандықта екі қолға бір күрек таппай сандалып жүргендер де жетерлік. Бір байқағаным мекеме әкімшілігі осындағы жазасын өтеушілердің қандай мамандыққа икемі барын анықтап, жұмыс көздерін тауып орналастырады. Жұмыс орнымызға сағат 9-да барып кешкі 6- ға дейін жұмыс жасаймыз. Бір жағынан ойымыз бөлінеді. Бостандықтың қадірін түсініп жатырмыз, − дейді&nbsp;жазасын өтеуші.</blockquote>&nbsp; &nbsp; &nbsp; &nbsp; &nbsp;Бостандықтың қадірін түсінген азамат алдағы уақытта өзінің жақсы тәртібін, еңбекқорлығын көрсететін болатындығын жеткізді.<blockquote>− Сот үкімімен жазасын өтеуге жіберілген әрбір сотталған азамат толық зерделенеді. Олардың&nbsp;икем-дағдыларына, білім-біліктеріне қарай жұмысқа орналастырамыз.&nbsp;Сотталғандар еңбек ету арқылы мемлекетке, сот орындаушысына немесе жәбірленушіге берешегін өтеп, ал, ешқандай қарызы жоқ еңбек етуші жалақысының жартысын отбасына жіберіп, қалған бөлігін өз қажеттілігіне жұмсайды,−дейді мекеменің сотталғандардың еңбегін ұйымдастыру тобының инспекторы әділет лейтенанты Азиза Асылханқызы.</blockquote>

Жүк көліктерін жөндейтін жазасын өтеуші

<h2 style="text-align:center;">Еріктісі көп елдің іргесі берік</h2>Қызылорда. Облыста ресми түрде 2 мыңнан астам волонтер тіркелді және 30-ға жуық волонтерлік топтар бар. 2022 жылмен салыстырғанда биыл волонтерлер саны 500-ге көбейді.Аймақтың волонтерлері, ұйымдары, жастары, ҮЕҰның өкілдері, қоғамдық пікір көшбасшыларының қатысуымен «Birgemiz» облыстық волонтерлер слеті өтті.&nbsp;Іс-шара барысында «Birgemiz» волонтерлер, Республикалық фронт офисінің өкілі, тренер Айбек Досымбековтың тәлімгерлігімен жас волонтерлерге шеберлік сағаты өткізіліп, тәжірбиесімен бөлісті.120 қатысушы 5 топқа жіктеліп, ұлттық спорт сайыстарынан бақ сынасты, жүлделі орындар иеленген командалар марапат төрінен көрінді.&nbsp;«Аймақтағы волонтерларды ынталандыру және адвокация негіздері» пленарлы отырысында&nbsp;<a href="https://www.facebook.com/profile.php?id=100016442383597&amp;__cft__%5b0%5d=AZVfmi_DFzXpxAO8gCIkJ6TqhGAHRR4zPg7CqrbEuT2gwS1AoGdW-EidmSOpSrAaXixSD0xfGp1aUNMpJKCgDur8td4QFNdXx_ps1hhJfzNBMnjoClrH1c8B_-JIaaa1QyQ2xnsOuBaPtmL4SmYF--V0IXSwur7nbJ91_ac78AUxIsJ0hteD6XOVDiW24llPVzRlerSTqOkYIujRpAonrphYsqNLdK5e2JmUR8Eh6xkIiV-TRjz1EgrINq2bekxDI3OlM7HqJGJG0YIj2SrUr2eOOkYU5OvQERAHM5Ok_AoNZYXhMWohCqxJ-lKLu-KVYEFdPjcXL7uJRZP5ya5hyubM&amp;__tn__=-%5dK-R">қоғамдық даму басқармасы</a> басқармасының басшысы Алмасбек Әбілқасымұлы аймақ үздіктерін «Үздік волонтерлік ұйым», «Үздік волонтерлік бастама», «Үздік волонтер» секілді т.б. номинацияларымен марапаттады.&nbsp;Шара қонақтары БҰҰ-ның Қызылорда облысы координаторы Қанатбек Айтбайұлы, Жаңақорған ауданы әкімінің орынбасары Бектас Балғабайұлы, Түркістан облысының жастар ресурстық орталығы қатысушыларға тілек білдіріп, игі бастамалардың сәтті жүзеге асуына, ел дамуы жолында адал қызмет ете беретініне сенім білдірді.<h2 style="text-align:center;">Пікірсайыс турнирі</h2>Арал. Аудандық қоғамдық даму бөлімінің әлеуметтік тапсырысы аясында, «Жас Арал өрендері» қоғамдық бірлестігі және Арал аудандық «Жастар ресурстық орталығының» ұйымдастыруымен, Сексеуіл кентіндегі №177, 231, 283 және №87 орта мектептің жоғарғы сынып оқушылары арасында «Ұлттық құндылық – ұлт болашағы» тақырыбында пікірсайыс турнирі өтті.&nbsp;Сайыс нәтижесінде №87 орта мектеп командасы бас жүлдені иеленсе, №283 орта мектеп оқушысы Арайлым Тарғынова және №177 орта мектеп оқушысы Арайлым Дарханқызы «Үздік спикер» номинациясымен марапатталды.<h2 style="text-align:center;">Отбасылық спорттық сайыс өтті</h2>Қазалы. №266 мектеп-лицейде отбасы күніне орай «Жастар ресурстық орталығы» тапсырысы аясында «Жас Арал өрендері» жастар қоғамдық бірлестігінің және&nbsp;<a href="https://www.facebook.com/profile.php?id=100029025128937&amp;__cft__%5b0%5d=AZVoD9IhdRU3dROvz_hEGXirKfmMHysq0_DgIKnjuzkZpYOG1eGgkrylP4GRw6PO5b2WXULGf0_u8VmQALsSrm4xXaMVngdtsg_t3otAOUNmGHAKJP81OFnl0YfJ6-_9kTgQOPfFEb9zpvEDM_YJHofh1lZZ7RWvqoA9ZBaTUiBj6UgQnla_HjYuwt16X4FFXbXlVnHpjXnfVun0QDTsWzGg&amp;__tn__=-%5dK-R">Мектеп-лицей</a>дің ұйымдастыруымен «Толағай» отбасылық спорт сайысы өтті.Сайысқа 9 отбасы қатысты. Бес кезеңнен тұрған сайысқа шапшаңдықпен, ептілікпен, батылдықпен қатысқан отбасылар арасынан оқ бойы озып, көзге түскен «Сәрсембаевтар» отбасы І орынды иеленсе, «Сүлейменовтер» отбасы ІІ орын, «Жөкеновтер» отбасы ІІІ орынды қанжығасына байланды. Барлық қатысушы отбасыларға арнайы номинациялар табысталды.<h2 style="text-align:center;">«Жастар рухы» кубогы</h2>Қармақшы. Аудандық К. Рүстембеков атындағы жыраулар үйі ғимаратында жастар ресурстық орталығы және «AMANAT» партиясы «Жастар рухы» жастар қанатының ұйымдастыруымен жайдарман ойындарының «Маусымашар» сайысы өтті.Сайыста 11 команда бақ сынады. Қатысушылар арасынан оза шыққан командаларға келесі кезеңге жолдамалар табысталды.Шара барысында аудандық «Жастар рухы» ЖҚ-ның арнайы кубогы сарапқа салынып, әділқазылар шешіміміен ІІІ - Интернационал ауылдық округінің командасына табысталды.<h2 style="text-align:center;">«Жемқорлықсыз әлем» сурет сайысы</h2>Жалағаш. Аудандық қоғамдық даму бөлімінің әлеуметтік тапсырысы аясында «Қызылорда облысының жастар Одақтары» қоғамдық бірлестігі, аудандық жастар ресурстық орталығы және Оқушылар үйінің ұйымдастыруымен «Жемқорлықсыз әлем!» тақырыбында сурет салудан аудандық сайыс өткізілді.Жарысқа барлығы 14 оқушы қатысып, нәтижесінде І орынды №203 орта мектебінің оқушысы Ұлпан Амандық еншілесе, ІІ орынды №124 орта мектебінің оқушысы Бақытнұр Жамбыл, ІІІ орынды №122 орта мектебінің оқушысы Ұлжан Тұрлыбай иеленді.Жеңімпаздарға қаржылай сыйақы және барлық қатысушыларға арнайы алғыс хаттар мен естелік сыйлықтар табысталды.<h2 style="text-align:center;">Спартакиадада бақ сынады</h2>Сырдария. Аудан әкімі Берік Сәрменбаев медицина саласының еңбек сіңірген дәрігері Бектас Ердәулетовті еске алуға арналған медицина қызметкерлері арасындағы аудандық спартакиаданың ашылуына қатысты.Спорттық іс-шарада «Сенім» денсаулық сақтау жүйесі жұмыскерлерінің салалық кәсіптік одағының төрағасы Сәулебек Ысқақов, аудандық аурухана бас дәрігерінің емдеу ісі жөніндегі орынбасары Еркін Жаңабайұлы, Бектас Ізетұлының ағасы Шыңтас Ізетов өз естеліктерімен бөлісіп, медицина саласын дамытудағы еңбегін айтып өтті.Медицина қызметкерлер арасында бұқаралық спортты насихаттау мақсатында ұйымдастырылған жарысқа 7 команда, 150-ге жуық қызметкер спорттың 6 түрінен бақ сынайды.<h2 style="text-align:center;">Аудан әкімінің кубогы</h2>Шиелі. 2024 жылдың 16 мамыр күні Салтанат сарайында «Жастар ресурстық орталығы» КММ-нің тапсырысымен «Салауатты өмір салтын насихаттау және жастар шығармашылығын дамыту» әлеуметтік қызметі жобасы аясында «Арман асуы» қоғамдық қоры және аудандық Жайдарман лигасының ұйымдастыруымен аудан әкімінің кубогы үшін Жайдарман ойынынан облыстық сайыс өтті.Жарыста облыстан және ауданнан барлығы 10 команда бақ сынады. Нәтижесінде І орынды (150 000 теңге) «47 қырандар», ІІ орынды 100 000 теңге «Тел Сұлулары» /Телікөл ауылы/ иеленсе, ІІІ орынды (70 000 теңге) «Үй жақтың балдары» /Жөлек ауылы/ еншіледі.Сонымен қатар «Үздік ойыншы», «Үздік әзіл» номинация иегерлеріне 20 000 теңгеден қаржылай сыйақы табысталды.<h2 style="text-align:center;">Күй кеші</h2>Жаңақорған. М.Көкенов атындағы аудандық мәдениет үйінде Аягөз Еркінбекқызының «Күй-көмбе» атты шығармашылық кеші өтті.Кешті аудан әкімінің орынбасары Семсер Сыздықов ашып беріп, аудан халқының ыстық ықыласын жеткізді. Күйші Аягөз Еркінбекқызына Құрмет грамотасы мен сый-сияпат табыс етілді.Шара барысында аудан әкімінің орынбасары С.Сыздықов пен «Әлшекей Бектібайұлы атындағы дәстүрлі өнерді дамыту қорының» президенті, Халықаралық ақпараттандыру академиясының академигі Оңғарбай Дәнебеков қос кітаптың тұсауын кесіп, Әлшекей атындағы музыкалық өнер мектебінің директоры Қалдыбай Қошқарбаев пен өнер мектебінің ұстазы Сапар Отарбаевты марапаттап, төсбелгі тақты.&nbsp;Фото: kzvesti.kz

Өңірде жастарға арналған шаралар өтті

<a href="https://kyzylorda-news.kz/">Kyzylorda-news.kz</a>&nbsp; Жаз басталысымен биік қабаттан құлау оқиғасы жиілей түседі. Екінші, үшінші және одан да жоғары қабаттан құлау фактісі көбіне терезедегі москиттік торды орнатумен байланысты. Тұрғындарға арнайы мекемелерге терезеге тапсырыс беру кезінде москитті торды балалардың бойы жетпейтін жеріне орнатуға немесе басқа да қалқандар арқылы сақтық шараларын қатаң қадағау керек. &nbsp;Жел қақтыру үшін ашқан терезеден ауып құлаған сәбилер жетерлік. Олардың бірлі-жарымы жарақаттан жеңіл құтылса, бірі мерт болады. Көп жағдайда дәрігерлер көмектесе алмай мүгедек болып қалуы мүмкін. Биіктен құлау жағдайлары жол-көлік оқиғалары секілді адамның жиі мерт болуына әкеліп соғады. Жоғары қабаттан көбіне жасы беске толмаған сәбилер құлайды. Ал еңбекке жарамды азаматтар арасында мұндай жағдайларға құрылыс мамандары ұшырайды. Әсіресе, егде жастағы азаматтар үшін құлаудың салдары өте ауыр болады. Балалардың москит торынан құлауына ерекше назар аудару керек. Ата-аналарға көпқабатты үйлерде балаларды терезеге жақындатпай, мұқият болған жөн.Қызылорда облысы ТЖД&nbsp;Төтенше жағдайлардың алдын алу бөлімінің дерегінше облыс бойынша 2024 жылы 9 бала, 2023 жылдың 5 айында 5 бала терезеден құлау фактісі бойынша әр түрлі жарақатпен емдеу мекемелеріне жатқызылып,&nbsp;оның біреуі қаза болды. &nbsp;Зардап шеккендердің негізгі бөлігін 1 мен 7 жас аралығындағы балалар құрайды.<blockquote>«Қайғылы жағдайлардың көбісі ата-ананың қарауынсыз қалған үйлерде немесе ата-аналардың салғырт қарауынан орын алады. Ойын баласының кез-келген нәрсеге әуестеніп, қолды-аяққа тұрмай, мазасыз күйде болатыны айтпаса да түсінікті. Сондықтан сәбиіңіздің өміріне қауіп төнбес үшін, оның әр қадамына абай болғаныңыз абзал.Қорғау шаралары:- егер бала үйде болса,терезені ашық қалдырмау;- терезенің тиісті қорғауы болмаса, торды сенімді тірек ретінде пайдаланбау;- балалар оған сүйеніп тұрғанды ұнатады;- терезе, балкон немесе шыны есіктер алдында ойнап жүрген балаларды қараусыз қалдырмау;- балалар терезенің алдына шығып, төмен құламауы үшін жиһаздарды терезенің жанына коймау;- балаларға қауіпсіздік сабақтарын өткізу. Үлкен балаларды кішкентай бүлдіршіндерге қамқор болуды үйрету;- балалар терезені өз беттерінше ашпау үшін терезеге блокиратор немесе оның тұтқасына құлып орнату керек», - делінген&nbsp;ТЖД&nbsp;Төтенше жағдайлардың алдын алу бөлімінің хабарламасында. &nbsp;</blockquote>&nbsp;

Балалардың терезеден құлауы: қайғылы жағдай болмас үшін не істеу керек?

<a href="https://kyzylorda-news.kz/">Kyzylorda-news.kz</a>&nbsp;Ерекше білім беру қaжеттіліктері бар балаларды сапалы біліммен қамту – еліміздің білім беру саласындағы өзекті мәселелердің бірі. Соңғы жылдары елімізде арнаулы білім жүйесінде ерекше білім беру қaжеттіліктері бар балалардың білім алуға қолжетімділігін кеңейтуге оң өзгерістер жасалуда.«Өрлеу» Қызылорда облысы бойынша филиалында «Орта білім беру жүйесінде түзету жұмыстарын жетілдіру бойынша арнайы педагогтің (дефектолог-мұғалімнің) кәсіби құзыреттілігін дамыту» тақырыбындағы біліктілікті арттыру курсының тыңдаушыларына көшпелі тәжірибелік семинар өткізілді.Көшпелі тәжірибелік семинар жұмысы психологиялық-педагогикалық түзету кабинеті жағдайында балаларды түзету әдістемелері мен әдістері саласындағы педагогтердің білімдерін жаңартуға және кеңейтуге; ерекше білімді қажет ететін балалармен жұмыс жасауда олардың денсаулығына мән бере отырып, әртүрлі жаттығулар жасату және жұмысты жүйелі жүргізуге кеңес беруге бағытталған.Қызылорда қаласындағы №1 педагогикалық-психологиялық түзету кабинетінде өткізілген «Ерекше білім беру қажеттіліктері бар балалармен жұмыс жасауда денсаулық сақтау технологиясын қолдану» тақырыбындағы әдістемелік шарада кабинет мамандары практикалық сабақтар көрсетті.Семинардың әдістемелік бөлімінде түзету кабинетінің дефектолог, педагог-психолог, логопед мамандары ерекше білім беру қажеттіліктері бар балалармен түзету жұмыстарының тиімділігін арттыру жолдары, «Магиум» пішіндер әлемінде. Мобильді еден «Magium», интерактивті үстел көмегімен баланың ойындық қабілетін дамыту, «Рр» дыбысын сөзде машықтандыру. ArtikMe – ақылды айна. Түс және пішін. «Нумикон» дидактикалық материал жүйесі, «Ойын арқылы дамыту» кешені тақырыптары бойынша тәжірибелерімен бөлісті.Семинар қорытындысында ерекше білім беру қажеттіліктері бар балалармен түзету жұмыстарындағы проблемалар, кемшіліктер мен оларды шешу жолдары талқыланды.Алдағы уақытта курстан кейінгі қолдау мақсатында дефектолог мамандарға әдістемелік кеңес беру қызметтері жүргізіліп, педагогтердің кәсіби құзыреттілігін дамытатын әдістемелік шаралар жалғасатын болады.&nbsp;&nbsp;

Дефектолог мамандарға арналған семинар өтті

<a href="https://kyzylorda-news.kz/">Kyzylorda-news.kz</a>&nbsp; Заман талабының сұранысына санасы жетік, адами құндылықты жанына серік еткен, айналасына сын көзбен қарап, қоғамдық өмірге белсене араласатын жастардың жаңа буынын қалыптастыруда. Өз Отаны Қазақстан, оның басты құндылықтарын құрмет тұтатын жас жеткіншектерді тәрбиелеуде мектептің дебат үйлестірушілерінің алар орны ерекше.&nbsp; &nbsp; &nbsp; &nbsp;«Ұшқыр ой алаңы» дебаттық қозғалысы жобасы аясында Сырдария аудандық дебат үйлестірушілері жыл бойына жақсы жұмыс көрсете білді. Олардың дәлелі ретінде өткізілген аудандық мектеп директорлары, директордың тәрбие ісі жөніндегі орынбасарлар, мектеп мұғалімдері, оқушылар арасындағы дебат ойындары, ҚР Оқу-ағарту министрлігі «Республикалық қосымша білім беру оқу-әдістемелік орталығының» ҚР Пікірсайыс бойынша жобалық кеңсесінің сарапшысы Нүркен Дәулетпен кездесу кештері, әдістемелік семинарлар өткізілген болатын. Осы 2024 жылдың 22 мамыр күні оқу жылын қорытындылау мақсатында Сырдария аудандық мектептеріндегі дебат үйлестірушілерінің пікірсайыс турнирі өткізілді. Дебат турнирі өте тартысты, әрі қызықты өтті. Қатысушылар топ-топқа бөлініп, белгілі бір тақырып аясында өзара пікірталасқа түсті. Әр топ өзіндік ерекшелігімен, сөз саптауымен дараланды. Дебат жеңімпаздары анықталып, арнайы дипломмен марапатталды.

Қазақстан және Қызылорда облысының жаңалықтары: Қоғам