<a href="https://kyzylorda-news.kz/">Kyzylorda-news.kz</a> Тілдерді оқыту орталығының жанынан құрылған ғылыми кеңес жұмысының бір бағыты-әдістемелік өнім жасау, шығару. Осы ретте, "Тыңда! Түсін! Тіл үйрен!", "Казақ тілін кинофильмдер арқылы оқытуға арналған жаттығулар жинағы" республикадан, "Қазақ тілін меңгертуге арналған мәтіндер жинағы" атты әдістемелік өнімдер облысымыздан қолдау тауып, аудиторияға жол тартты.Қызылорда облысының тілдерді оқыту орталығының жанынан құрылған ғылыми кеңес мүшелерінің ілкімді ізденісінің нәтижесі көпшілікке ұсынылды.Толығырақ айтар болсақ, &nbsp;филология ғылымдарының кандидаты, доцент Кеңес төрағасы Алдажар Әбдірасуллеұлының бастамасымен, филология ғылымдарының кандидаты Абасилов Аман Мәделханұлының жетекшілігімен, Орталық директоры Дәулетбаева Мартана Қонысбекқызының &nbsp;редакциялық басқаруымен «Қазақ тілін меңгертуге арналған мәтіндер жинағы» &nbsp;жарық көрді.Оқытушылардың бірлескен әдістемелік жинағы тіл үйренушілердің оқу сауаттылығы мен тілдік дағдыларын дамытуға, &nbsp;анықтау мен бақылауға бағытталған. Сондай-ақ, &nbsp;Қызылорда облысының аумағындағы жер-су атаулары арқылы мемлекеттік тілді деңгейлік оқыту — &nbsp;жинақ авторларының түпкі мақсаты.Бүгін аталған әдістемелік жинақтың тұсаукесер рәсімі өтті. Рәсімді Кеңес төрағасы, филология ғылымдарының кандидаты Әбілов Алдажар Әбдірасуллеұлы Орталық жанындағы ғылыми кеңес мүшелерінің еңбегін, &nbsp;Орталықтың тіл саясатын жүргізу бағытындағы жұмыстарына тоқталып, &nbsp;жинақтың лентасын қиды.

«Қазақ тілін меңгертуге арналған мәтіндер жинағы» жарық көрді

Фото: коллаж Stan.kz<a href="https://kyzylorda-news.kz/">Kyzylorda-news.kz</a> Атырауда бұрынғы әйелін ұрып-соғып, тұрмыстық зорлық-зомбылық көрсетті деп айыпталған Мақат ауданының бұрынғы әкімі Ринат Ибрагимовке қатысты сот отырысы өтті. Бұл туралы Stan.kz ақпарат агенттігі хабарлайды.&nbsp;12 маусым күні өткен сотта күдіктіден жауап алынды. Ринат Ибрагимов бұрынғы әйелі Ақмарал Үмбетқалиеваның арандатуы шамамен екі жыл бұрын басталғанын айтты. Оның айтуынша, олардың арасындағы жанжал 2023 жылдың 31 мамырында Ақмарал балаларды үйде жалғыз қалдырып, фитнеске кетіп қалған кезде басталған.<blockquote>"Мен Мақат ауданының әкімі болып 2022 жылдан бері жұмыс істеймін. Қызметте жүргенде түрлі арандатушылықтар болып тұрады, бірақ заңды әйеліммен мұндай жағдай болады деп ойламаппын. Сол күні мен анама бір сағаттан кейін үйге келетінімді ескерттім, бірақ олар тойда болды. Үйге келгенде ұлым мен қызымның үйде жалғыз отырғанын, тағы бір қызым жоқ екенін білдім", – дейді Ибрагимов.</blockquote>Ол Үмбетқалиеваға бірнеше рет қоңырау шалғанын, бірақ оның жауап бермегенін айтты.<blockquote>"Сосын әкеме қоңырау шалып, қызымды сабақтан әкелуін өтіндім, кешкі сағат 9-10 шамасында қызым үйге келді жаңбыр жауып, оның киімдері дымқыл болды. Қазір қоғамда түрлі жағдайлар болып жатыр, мен Ақмаралдан “қызың үшін қорықпайсың ба?” деп сұрадым. Қызым ол оқиғаның жалғыз куәгері, оның сөзін естідіңіздер.Ұрыс болды, бірақ ұрып-соғу болған жоқ. Мен оған оның істегені дұрыс емес екенін айттым. Бөлмеге кіріп, киініп үйден шықтым. Осы кезде ол қыздарға жиналыңдар деді, бірақ олар ешқайда бармайтындарын, қалатындарын, оларға 2013 жылдан бері әжесі қарайтынын айтып жауап берді. Сосын қыздарды тастап, кішкентай ұлымызды алып, аулада серуендейтінін айтып, кетіп қалды", – деді Ибрагимов.</blockquote>Сондай-ақ ол әйелі оны жұмыстан шығарамын деп қорқытқанын айтты. Оның айтуынша, осы мақсатта Үмбетқалиева президент әкімшілігіне күйеуімен арасында болған жеке хат-хабарларын жолдаған.<blockquote>"Ол мұны әлеуметтік желіде жария етемін деп қорқытты. Әйелімді мұндай қадамға біреу итермелеп немесе көндірген шығар. Қазір әйелім істеп жатқанның бәрі балаларға әсер етеді. Оның барлық әрекеттері мені жұмыстан шығаруға бағытталған деп есептеймін", – деді Ибрагимов.</blockquote>Ибрагимов әлеуметтік желідегі көп қысымға байланысты қызметінен кетуге мәжбүр болғанын, балалардың жанын жараламау үшін осындай шешімге келгенін айтты. Сотталушының айтуынша, бұрынғы әйелі отбасын сақтап қалу үшін оған бірнеше шарт қойған.<blockquote>"Мен оған 19 миллион теңге мен көлік бердім. Оның басты шарты баспана алу болды. Осы уақытқа дейін хабарластық, сотқа дейін кездестік. Сот басталғаннан кейін бәрі өзгерді. Қазір қыздары да анасын көргісі келмейді. Ол мені жұмыстан шығаратынын, бәрінен айырылатынымды айтты. Мен бәрін жасадым, бірақ бәрі бекер болды. Ол пәтер сұрады, мен оған ақша тауып бердім, достарым да көмектесті. Ата-анам үнемі көмектесіп жүрсе де, ол олар туралы да жаман сөздер айтты. Мен Ақмаралдың әрекетінде үшінші тұлғалардың бар-жоғын білмеймін, бірақ бұл мәселеден оған ешқандай пайда жоқ. Мен одан тоқтатуын өтіндім, бірақ ол қоқан-лоққыларын жалғастырады берді. Ол мені жұмыстан шығаратынын айтты, дегеніне жетті. Ол әлеуметтік желілерде Бишімбаев ісі сияқты дау болатынын айтты, солай жасады", – деді Ибрагимов.</blockquote>Сотта қойылған сұрақтардың біріне жауап берген экс-әкім Үмбетқалиеваның омыртқасын өз бетімен жарақаттап алуы мүмкін екенін айтты. Оның айтуынша, жәбірленуші жиі белінің ауыратынын айтып шағымданған.<blockquote>"Мен оған фитнеске жылдық абонемент сатып алдым, ол үнемі белінің ауыратынын айтып шағымданданатын, сондықтан ол бұл жарақатты басқа жағдайларда алған деп ойлаймын", – деді бұрынғы әкім.</blockquote>Іс бойынша келесі сот отырысы 14 маусымда өтеді.Еске салсақ, бұған дейін Атырауда Мақат ауданы әкімі бұрынғы әйелін ұрып-соғып, азаптап келген деген күдікке ілінгені туралы жазған едік.&nbsp;

«Дегеніне жетті»: Бұрынғы әйелін ұрды деп айыпталған экс-әкім сотта өз нұсқасын айтты

<a href="https://kyzylorda-news.kz/">Kyzylorda-news.kz</a> Сырдария ауданының көлемінде 1-12 маусым аралығында «Бала еңбегін қанауға қарсы 12 күн күрес» Ұлттық ақпараттық науқаны өткізілуде.&nbsp;Бала құқығын қорғауға арналған республикалық акция дәстүрлі түрде жыл сайын өткізіліп келеді. Аудан әкімінің салалық орынбасарымен «Бала еңбегін қанауға қарсы 12 күн күрес» Ұлттық ақпараттық науқанын ұйымдастыру және өткізу жөнінде іс-шаралар жоспары бекітіліп, акция барысында жүргізілген рейдтік&nbsp;іс-шарада аудандағы сауда үйлері, орталық алаң, көлік жуу орталықтары, құрылыс алаңдары,&nbsp; барлығы 23 нысан тексерілді. Онда талапқа қайшы келген құқық бұзушылық деректері тіркелген жоқ.&nbsp;Сонымен қатар&nbsp;&nbsp;түнгі уақытта заңды өкілінсіз тұрғын жайдан тыс жерде жүрген кәмелетке толмаған балалардың заңды өкілдеріне әкімшілік жауапкершілікке тарту шаралары жүргізіліп келеді.&nbsp;Елімізде бала еңбегін заңсыз пайдалану, бала құқықтарының бұзылу фактілері жыл сайын орын алуда. Оқу жылы аяқталысымен, жаз мезгілінде көптеген балалар өздігінше ақша табуды қалайтыны рас. Осыған байланысты,&nbsp;аудандағы&nbsp;жұмыс берушілер мен ата-аналарға кәмелетке толмағандарға қатысты еңбек заңнамасын сақтауы маңызды.

Бала еңбегін қанауға жол берілмейді

<a href="https://kyzylorda-news.kz/">Kyzylorda-news.kz</a> Бүгін партияның қалалық филиалының «Жарық» бастауыш партия ұйымына қарасты "Торғай-Петролеум" АҚ-ның Құмкөл кенішінде су тасқынынан зардап шеккен өңірлерге гуманитарлық көмек жіберуге атсалысқан белсенді азаматтар марапатталды.Шараға партияның қалалық филиалының Атқарушы хатшысы Гүлшат Исақызы Мұсаева, &nbsp;Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы Жаңабаев Ғабит Жұмабекұлы және «Торғай-Петролеум» АҚ бас директоры Әбілқайыров Дәурен Тұрғанбайұлы қатысты.Марапаттау шарасында су тасқынынан зардап шеккен өңірлерге гуманитарлық көмек көрсетуге атсалысқан, жүктердің өңірлерге қауіпсіз әрі өз уақытында жетуіне еңбек сіңірген бірқатар азаматтарға облыс әкімі Нұрлыбек Машбекұлы Нәлібаевтың «Алғыс хаты» табысталды.&nbsp; Сонымен қатар, партияның облыстық филиалының Атқарушы хатшысы Төрешова Ләйлә Бегалықызының «Алғыс хаты» белсенді партия мүшелеріне, компания қызметкерлеріне табысталды. Бірқатар белсенді азаматтар компанияның «Құрмет» грамотасымен марапатталды.Айта кетейік, бұған дейін аймақтағы ірі мұнай компанияларының бірі &nbsp;– «Торғай Петролеум» акционерлік қоғамы Атырау, Ақтөбе, Қостанай, Батыс Қазақстан, Солтүстік Қазақстан облыстарына 50 млн теңгенің 120 тонна қайырымдылық көмегін жеткізген болатын. Азық-түлік, газ плиталары, қайықтар мен құрал-саймандар, төсек жабдықтары, ыдыс-аяқ, гигиеналық заттар мен дәрі-дәрмек тиелген 10 жүк көлігі азаматтарға үйлестірілді.<img src="https://knadmin.beoblood.kz/uploads/60c4f3b2_2fad_4b96_b666_a14acbbd6169_fa55ca0f88.jpg" alt="60c4f3b2-2fad-4b96-b666-a14acbbd6169.jpg"><img src="https://knadmin.beoblood.kz/uploads/0deacc57_eeaf_425f_8eb2_81ba8203d1fd_4891f9850c.jpg" alt="0deacc57-eeaf-425f-8eb2-81ba8203d1fd.jpg"><img src="https://knadmin.beoblood.kz/uploads/b310a18e_1dea_454f_a865_4b7fe5295736_b859a3542f.jpg" alt="b310a18e-1dea-454f-a865-4b7fe5295736.jpg">

Су тасқынынан зардап шеккен өңірлерге көмек жіберген белсенді азаматтар марапатталды

<a href="https://kyzylorda-news.kz/">Kyzylorda-news.kz</a>&nbsp; Айтыскер ақын, коуч-психолог Айнұр Тұрсынбаева күйеуінен алған бағалы сыйлығын жариялады. Бұл туралы <a href="https://stan.kz/5-zhil-sagan-shidadim-aynyr-tyrsinbaeva-kuyeuinen-algan-401621/">Stan.kz</a> ақпарат агенттігі хабарлайды.Өнер иесі отбасы құрғандарына бес жыл толуына байланысты мерекені атап өтті.<blockquote>“Бүгін Нұрекең “5 жыл саған шыдап келгенім үшін бір шайға шақырайын” деді. Сөйтіп, аяқ астынан бриллиант білезік алып мәз болып қалдым. Ұмытпапты”, – деп жазды айтыскер ақын.</blockquote>Айта кетейік, бүгінде айтыс өнерінің өкілі Түркияның Ыстамбұл қаласында тұрып жатыр.“Бүгін біздің отбасымызға – 5 жыл. 2019 жылы 9 маусымда некеміз қиылған. Нұрекеңнен “Бүгін қандай күн?” деп сұрамаймын ба, сөйтсем “Жексенбі ғой” дейді. Ал мен бүгін не сыйлайды екен деп ұйықтамай шықтым”, – деп жазған еді психолог.Бұған дейін&nbsp;"Мұндай сыйлық алған тарихтағы жалғыз әйелмін" деп Айнұр Тұрсынбаева күйеуінің ғашықтар күніне сыйлаған қойды&nbsp;көрсетіп, жұртты күлдірген еді.&nbsp;Фото:&nbsp;https://www.instagram.com/aidyn_nury/

"Саған 5 жыл шыдадым": Айнұр Тұрсынбаева күйеуінен алған бағалы сыйлықты көрсетті

<a href="https://kyzylorda-news.kz/">Kyzylorda-news.kz</a>&nbsp; Ақтөбеде сарбаз өзіне тапсырылған қаруды пайдаланып, жолдағы автокөлік жүргізушісін қорқытып әскерден қашып кеткен. Қатардағы жауынгер 5 жылға бас бостандығынан айырылды. Бұл туралы <a href="https://stan.kz/news-401645/">Stan.kz </a>ақпарат агенттігі хабарлайды.Ақтөбе гарнизонының әскери сотында жауынгер “М”-ның&nbsp;әскери қызметтің ауыртпалығына төтеп бере алмағаны айтылды. Ол өзіне сеніп тапсырылған қызметтік қарумен әскери қызмет орнынан қашып кеткен.Кейін ол жол жиегіндегі жәбірленуші "А"-ның басқаруындағы автокөлікті көріп, өзіне сеніп тапсырылған қарумен қорқытып, оған өзі көрсетілген бағытта жүруді талап еткен. Көрсетілген жерге келгеннен кейін, жауынгер жүргізушінің киімдерін иемденіп, қылмысты жасау жерінен бой тасалаған.Оқиға орын алған күні сағат 13.00 шамасында қатардағы жауынгер "М" әскери полиция қызметкерлерінің қолына түсті.&nbsp;<blockquote>“ҚК-нің 442-бабының 2-бөлігі, 192-бабының 1-бөлігі, 200-бабының 4-бөлігі бойынша өзіне сеніп тапсырылған қарумен әскери қызметін тастап, қашқындық жасау, автокөлікті айдап кету және қарақшылық жасау фактілері бойынша айыпталған қатардағы жауынгер "М" қатысты үкім жарияланды. Сот үкімімен қатардағы жауынгер "М" ҚК-нің 442-бабының 2-бөлігі, 192-бабының 1-бөлігі, 200-бабының 4-бөлігі бойынша кінәлі деп танылып, оған 5 жылға бас бостандығынан айыру түріндегі жаза тағайындалды.</blockquote>Сотталушы сотқа дейінгі тергеу барысында кінәсін мойындау түрінде процестік келісім жасауымен, тергеу әрекеттерінің хаттамаларымен, жәбірленушілер және куәлардың айғақтарымен дәлелденді”, –&nbsp;делінген хабарламада.&nbsp;Одан бөлек сот сарбазға&nbsp;іс жүргізу шығындары мен жәбірленушілерге өтемақы қорын өтеуге мәжбүрлі төлем өндірілді.Сот үкімі заңды күшіне енген жоқ.Фото&nbsp;pixabay

"Қызметтің ауыртпалығына төтеп бере алмаған": Ақтөбеде әскерден қашқан сарбаз 5 жылға сотталды

<a href="https://kyzylorda-news.kz/">Kyzylorda-news.kz</a>&nbsp; Әрбір нәзік жанды өміріне қажетті бір мамандық иесі болуға арнайы білім алып, алдыға талпынады.&nbsp;Сол біліммен қатар жеке басының өнерін дамыту да оған пайда әкелмесе, зиян бермейтіні анық. Мұны жай айтып отырғанымыз жоқ. Мамандық алумен қоса, үйде қыз балаға жарасымды дүниемен айналысу қандай ғажап? Іспен шұғылдану сұлу да инабатты қазақ қыздарын одан сайын ажарландырып жіберетініне келісерсіз. Сөзіміз дәлелсіз де емес. Оған өзіміз куә болған&nbsp;Қармақшы ауданынан шалғайда жатқан Қуаңдария елді мекенінің тұрғыны, медицина саласының ардагері, қолөнер шебері Зульза Бұғаева апамыз.Жастайынан анасы мен жеңгесінің ісмерлігін көріп өскен қаршадай қыздың тігін, тоқымаға деген ынтасы жоғары болыпты. Отбасы мүшелеріне керекті бөкебай, шұлық тоқитын жақын жандарының еңбеккештігін жадына тоқыған ол, өзі де бірте-бірте қолөнерге ықыласы ауа бастайды. Әлбетте алғашында бәрі бірден болып кетпейтіні сияқты, жас қыздың да бұл үрдіс басынан өткен. Десе де оның тоқымаға шындап кіріскен уақыты студенттік кезең болыпты.Т.Көмекбаев ауылының тумасы, отбасындағы 9 баланың тұңғышы, ата-анасынан кейінгі іні-сіңлілеріне қамқор, үлгі бола жүріп бой жеткен Зульза орта мектепті үздік бағаға аяқтайды. Қатары сынды ол да арман қуып Алматыдағы медициналық училищесіне оқуға түсіп, «Медбикелік» мамандықты таңдайды. Сондағысы – жаны мен тәні ауырғанға сүйеу, қамқор болу, ем-шипасын жасау еді.<blockquote>«Алматы – үлкен қала. Оқу орнына елдің әр түкпірінен білім қуып келген орыс, кәріс ұлтының қыздарымен бірге оқыдым. Сабақтан қол босағанда түрлі журналдардан тоқыма өнері жайында оқып-біліп, көбірек ден қойдым. Өзіме беймәлім талай сыры мен қырын аша түстім. Отбасында тігін тігіп, тоқыма тоқуды көзбен көріп өскесін бе, ынта-ықыласым алдамады. Ауылдағыдай емес, әрбір өрнекті тез үйреніп, тоқып шыға келетінмін. Дос қыздарыма, ауылдағы бауырларыма жаңадан көйлек, кофталар тігіп, қалпақ, шалма, қолғап, шұлық тоқып беру мен үшін қызыққа толы еңбек болды. Сәнге қандай бұйым шықса, алдымен соны ерекше ынтамен тоқып үйреніп алатынмын. Міне, қолөнердің тылсым құдіретін осы кезден бастап шын жүрегіммен қабылдап игере бастадым. Басында бір қолғап тоқу үшін жіпті неше тоқып, неше сөккен күндерім болды. Бірақ «Қалайда осыдан бір нәтиже шығарамын» деген мақсат жолынан қайтпадым» дейді кейіпкеріміз студенттік шағын еске алып.</blockquote>З.Сәуиқызы медициналық училищені аяқтаған соң Қуаңдария ауылындағы ауруханаға жұмысқа келеді. Көп ұзамай жас маман Алланың қалауымен ауыл азаматы Мырзақұлов Саттарбек есімді азаматқа тұрмысқа шығып, шаңырақ көтереді. Ерлі-зайыптылар отбасында 3 баланы өмірге әкеліп, тәрбиелеп өсіреді. Бүгінде олардың барлығы да жоғары білімді мамандар. Бір айтарлығы, сонау тоқырау жылдарынан кейінгі уақытта үлкен қызы Әсел тұрмысқа шығады. Сонда анасы қызының киім-кешегіне жейде, белдемше, көйлектер тоқып беріп, ауылдастарын бір таң-тамаша қылғаны бар екен.Шебердің шеберлігінен бөлек, оның ана ретіндегі мейірімі мен адамдармен қарым-қатынасының да қай кезде де жақсы болғанын жерлестері жылы сезіммен айтады.«Апаймен көрші тұрдық. Өте ұқыпты, ісмер, тазайым кісі. Отбасы татулығын көзімізбен көріп өстік. Балаларына да өнегелі тәрбие бере білген жан. Адал жар, инабатты келін. Ардақты ана. Көршілермен араласуы ерекше еді. Негізі көрші – ағайыннан да жақын болады деген рас екен. Ол кісілермен сондай жақын болатынбыз. Апамызға тоқыма деген түкке тұрмас дүниедей. Әңгімесін айтып отырып, күрте ме, басқа ма жылдам бітіре салатын. Еңбегі жана берсін» дейді ауданға белгілі психолог Әмина Кетебаева ризалық сезіммен.Бүгінде ауылдық ауруханада, одан соң мектеп мейірбикесі болып абыройлы қызметтер атқарып, зейнеткерлік демалысына шыққан сала майталманы көз тамсанатын бұйымдар тоқып, дос-жаранға сыйға тартудан шегінген емес. Сонымен бірге біраздан бері заман талабына сай кәсіп етуді де бастап кеткен. Қазақ атамыз «Білгенім – бір тоғыз, білмегенім – тоқсан тоғыз» деп айтқандай, ауылға ғаламтор желісі тартылғалы шебердің кәсібіне сұраныс артып, мол мүмкіндік туған.<blockquote>– Әрбір тоқыған, тіккен туындым өзіме үлкен құлшыныс, қуаныш сыйлайды. Ересектер мен балалар киімдерінің қай түрін болсын тоқи беремін. «Шығармашылықта шек болмайды» демекші, қолөнермен айналысу адамға сенім, өмірге қызығушылық ұялатады. Сондай-ақ табыс көзі де болып отыр. Әлеуметтік желі арқылы тапсырыстар көптеп түсуде. Сапалы жіп таңдауға тырысамын. Барған жерімде алдымен дүкендерді аралап, жіп іздеп кететінім бар.</blockquote>Әйел – отбасының ұйытқысы, берекесі де мерекесі. Үйдің ауласына егілген көкөніс, жеміс ағаштарын күтіп баптау, маусым сайын салат жабу, банка басу, май шайқау, құрт жасау, оны қысқа сақтау – менің жан-тәніммен атқаратын тіршілігім. Осы мақаланы пайдаланып айта кетерім, қазір әрбір отбасында киілмей жататын киім көп. Оларды да жарамсыз етіп тастамай, үйлесімін келтіріп табақ астына қоятын, есік алдына төсейтін кілемше етіп тігіп немесе тоқуға болады. Ұқсата белсең, қажетіңе жарайды. Сөзімнің түйінінде айтарым, қатарластарым, жастардың арасында осы тоқыма, тігін өнеріне қызығатындар болып жатса білгенімді, көкейге түйгенімді үйретуден, баулудан қашпаймын. Оған тек қана қуанамын. Жалпы менің бойыма еңбекқорлық, адалдық анамнан дарыған қасиет деп білемін. Аллаға шүкір, анамыз қазір туған ауылымызда өзі бағып-қағып, мәпелеп өсірген ұрпағының ортасында бақытты да баянды ғұмыр кешуде, – дейді он саусағынан өнер тамған шебер ана.

Зульза Бұғаева: Ісмерлік анамнан дарыған қасиет

<a href="https://kyzylorda-news.kz/">Kyzylorda-news.kz</a> &nbsp;Бүгін аудан әкімі Жандос Еркінбек аудан орталығынан шалғайда орналасқан Тәйімбет Көмекбаев және Қуаңдария елді мекендерінің тұрғындарымен кездесіп, олардың талап-тілектерін тыңдады.Жергілікті тұрғындармен өткен кездесулерде аудан басшысы Қармақшы ауданының әлеуметтік-экономикалық дамуы жолында атқарылып жатқан ауқымды жұмыстардың жайын баяндап, алдағы жоспарлармен бөлісті.Биыл Т. Көмекбаев ауылындағы өзекті мәселелердің бірі электр желілерін қайта жаңғырту үшін 186,2 млн. теңге қаржы бөлінді. Қазір қажетті жабдықтар алынып, жұмыс басталды. Ауылдың бір көшесіне жарықтандыру жұмыстары жүргізілуде.Сонымен қатар, қос елді мекенде балалар және спорттық ойын алаңдары салынуда. Қуаңдария ауылында тұрғындардың көптен күткен қуанышы жаңа фельдшерлік-акушерлік бекеттің құрылысы басталады.Сондай-ақ, облыс әкімінің тапсырмасына сәйкес нарықты ішкі өнімдермен толықтыру мақсатында Т. Көмекбаев ауылында 13 гектар, Қуаңдария ауылында 25 гектар қосымша бақшалық жерлер дайындалып, 84 отбасыға бөлініп берілді. Нәтижесінде 10 гектар картоп, 7 гектар көкөніс, 21 гектар бақша дақылдары егілді.Жиын соңында аудан әкімі шалғай елді мекендерді дамыту ісі ерекше назарда болатынын айтып, тұрғындардың ұсыныс-тілектерін тыңдап, көтерілген мәселелер бойынша тиісті шаралар қабылданатынын және барлық мәселенің жіті қадағалауда болатынын жеткізді.

Аудан әкімі шалғай ауылдардағы тұрғындармен кездесті

<a href="https://kyzylorda-news.kz/">Kyzylorda-news.kz</a>&nbsp; Жақында Байқоңыр қаласының әкімшілігінде Байқоңыр қаласында кәмелетке толмағандар мен жастардың құқық бұзушылықтарының алдын алу жөніндегі жұмысты ұйымдастыру мәселелері бойынша Байқоңыр қаласының құқық қорғау органдарының үйлестіру Кеңесінің және Құқықтық тәртіпті қамтамасыз ету жөніндегі тұрақты жұмыс істейтін кеңестің бірлескен отырысы өтті. Отырысқа Үйлестіру Кеңесінің мүшелері, «Байқоңыр» кешенінде жұмыс жасайтын Қазақстан Республикасы мен Ресей Федерациясы құқық қорғау органдарының басшылары, қалалық әкімшіліктің, оған ведомстволық бағынысты кәсіпорындар мен мекемелердің басшылығы қатысты.Бірлескен отырыса қалада ү.ж. қаңтар-сәуір айлары аралығында кәмелетке толмағандармен жасалған 1 қылмыс – бұзақылық тіркелгені атап өтілді.Көрсетілген кезеңде Ресей Федерациясы Ішкі істер министрлігі «Байқоңыр» кешеніндегі басқармасының кәмелетке толмағандар жөніндегі бөлімше инспекторлары әкімшілік құқық бұзушылық туралы 54 хаттама толтырылды, оның ішінде кәмелетке толмағандарға қатысты – 5; ата – аналарға қатысты – 29, хаттамалардың басым бөлігі ата-аналардың кәмелетке толмағандарды тәрбиелеу міндеттерін орындамауына байланысты толтырылған. 30 сәуірдегі жағдай бойынша арнайы есепке 18 жасөспірім тіркелген.Кәмелетке толмағандардың құқық бұзушылықтарының алдын алу мақсатында жедел-профилактикалық («Жасөспірім – Отбасы», «Сенің таңдауың») және рейдтік іс-шаралар тұрақты негізде жүргізілуде. Барлығы кәмелетке толмағандар жиналуы мүмкін 90 орынға 425 тексеру жүргізіліп, нәтижесінде 19 адам әкімшілік жауапкершілікке тартылды. Профилактикалық есепте тұрған барлық кәмелетке толмағандар мен отбасыларға тұрақты негізде тексеру жүргізілуде. Көрсетілген кезеңде ересектердің еріп жүруінсіз олардың түнгі уақытта болуына тыйым салуды бұзған 86 кәмелетке толмағандар анықталды.Қазақстан Республикасы Ішкі істер министрлігі Байқоңыр қаласындаы өкілдігімен, Ресей Федерациясы Ішкі істер министрлігі «Байқоңыр» кешеніндегі басқармасымен, профилактика жүйесінің басқа да органдары мен мекемелерімен, оның ішінде сынып жетекшілері мен педагог-психологтарды тарта отырып, кәмелетке толмағандармен бірқатар профилактикалық іс-шаралар іске асырылды. Оларды үйірмелер мен секцияларға, өзге де қызметке тарту бойынша жұмыстар жүргізілді. Қолайсыз және аз қамтылған отбасылардан шыққан кәмелетке толмағандардың жазғы демалысы бойынша жұмыс ұйымдастырылды. Қолайсыз отбасылардың тұрғылықты жері бойынша рейдтер жүргізілді.Бірлескен отырыста облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай қаладағы жастар қозғалысы қызметінің және Қазақстан Республикасы мен Ресей Федерациясы құқық қорғау органдарының Байқоңыр қаласында қылмыстық топтар мен олардың көшбасшыларын жою жөніндегі бірлескен жұмысының нәтижелерін оң бағалап, басшылардың назарын осы іс-шараларды жалғастыру қажеттігіне аударды. Байқоңыр қаласы әкімшілігінің басшысы Константин Бусыгин Сырдария өзенінде балалардың болуына және шомылуына жол бермеу бойынша қосымша шараларды пысықтау, қаламыздың барлық балаларының «Будущее Байконура» қалалық қозғалысына қатысуы мәселелерін талқылауға бастамашы болды. Сондай-ақ, Байқоңырлық балаларды елімізде орналасқан тынығу лагерьлеріне және басқа да демалыс орындарына жіберу мәселесі айтылды.Күн тәртібіндегі мәселені талқылау нәтижелері бойынша бірлескен шешім қабылдады, онда жауапты орындаушыларға бірқатар нақты тапсырмалар берілді және оларды орындау мерзімдері белгіленді.

Байқоңыр қаласында құқық қорғау органдарының үйлестіру кеңесінің отырысы өтті

<a href="https://kyzylorda-news.kz/">Kyzylorda-news.kz</a>&nbsp; Жазғы демалыс басталған кезден қызылордалық оқушылар өз уақыттарын тиімді өткізуде. Бұдан бұрын хабарланғандай, Қызылорда облысының санитариялық - эпидемиологиялық бақылау департаментінің &nbsp;аумақтық басқармалар бақылауында 8 қала сыртындағы лагерь бар.&nbsp;2024 жылғы 01 маусымнан бастап балаларды қабылдаған сауықтыру орындарында 11 маусымда &nbsp;облыс бойынша қала сыртындағы балаларды сауықтыру ұйымдарында 1-ші ауысым аяқталды. Бұл кезеңде &nbsp;922 бала және мектеп жанындағы тынығу лагерьлерінде 51356 оқушы демалыспен қамтылды.&nbsp;<blockquote>−Топтасқан тағамнан улану жағдайлары орын алған жоқ. &nbsp;Тағам қауіпсіздігін қамтамасыз ету, балалар арасында тағамнан уланудың алдын алуда барлық &nbsp;БСҰ тамақтандаруды ұйымдастырушы лагерь басшылары, жеке кәсіпкерлер сауықтыру кезеңі ішінде өндірістік бақылау жасауға аккредиттелген зертханалармен келісім шарт жасасу жолымен өз - өзіне бақылау жүргізуге келісім шартқа отырған. БСҰ қызметкерлері үшін ішек инфекциялары, ботулизм және жаппай тамақтан уланудың алдын алу, БСҰ дайындық барысын ұйымдастыру, БСҰ-на &nbsp;баратын медицина қызметкерлері үшін оқыту семинарлары тұрақты ұйымдастырылып отырады. Қызылорда облысының санитариялық-эпидемиологиялық бақылау департаменті мен аумақтық басқармалар тарапынан балаларды сауықтыру ұйымдарының санитариялық-эпидемиологиялық жай-күйіне мониторинг жалғасуда, − дейді Қызылорда облысының санитариялық-эпидемиологиялық бақылау департамент басшысының орынбасары Ерлан Ұзақбаев.</blockquote>Қазіргі таңда лагерлердің барлық үй-жайлары мен аулаларына бірінші ауысымнан кейінгі жуып-шаю, профилактикалық дезинфекция, дезинсекция шаралары жүргізілуде. Әрі қарай екінші ауысым 13 маусымнан басталады деп жоспарлануда.

Қазақстан және Қызылорда облысының жаңалықтары: Қоғам